| | | ||
| | |||
| | | ||
إعلانات منتديات تعب قلبي
| ||||||
|
| |||||||
| الملاحظات |
 |
| | أدوات الموضوع | انواع عرض الموضوع |
|
#1
07-17-2007, 02:02 PM
| ||||
| ||||
 قصه مضحكه وطريفه عن احدى الفتيات هذا الموضوع اهداء لقلب دافئ قصة مضحكة وضريفة نترككم مع قصة الفتاة............! كنت قاعدة اتفرج عالتلفزيون... متابعة مسلسل... وجا مشهد زواج وحدة من الشخص اللي تحبه من زمااااان... قلبت القناة على قناة Fuziah (لحد يسألني وشي قناة فوزية اسألو الوليتا بس لووول)... لقيت عرض ازياء فساتين عرايس... قلبت لقيت خطوات وضع مكياج العروس... سكرت التلفزيون وجريت الونة التفت على ابوي اللي نسيت تماما انه كان جنبي. .. قال لي ابوي: خير ان شاء الله يابنتي؟! وش فيك؟! عسى ماشر؟! انا تلخبطت ساعتها وفتحت له التلفزيون وقعدت ساكتة... ايه اكيد بسكت وش اقول؟ اقول له ودي اعرس؟؟؟ (يعني اتزوج بالعربي)... اقول له ان صاحباتي اغلبهم تزوجو؟؟؟ ولا اقول له اني تمنيت اكون مكان بنت خالي في كوشتها وفي الزفة امس؟ يقطع الدراسة وسنينها ياشيخ... اوف والله غثا يا بخت جداتنا ماتطق الوحدة العشر سنين الا هي مخطوبة وعلى الثنعش اعرست وان وصلت البنت ثمنطعش ما اعرست قالو عانس!!! هذوليك البنات اللي عايشين صح مب حنا اللي نعجز ونوصل سن اليأس مااعرسنا... أخ يبه الله يفتح عليك وتخليني اعرس... وتفكني من الدراسة... وبينما انا غارقة في قاع هذي الهواجيس ويرن التلفون ويقطع حبل افكاري... طالع الرقم ابوي وقال رقم غريب... رد بلهجة رسمية: -وعليكم السلام..... الله يسلمك..... الحمدلله بخير..... ايه انا ابوفلانة (منيب قايلة احلى نوف عشان محد يعرفني ويضحك علي).... لا منت غلطان انا هو... ماعليك زود الله يسلمك... من معاي ياخوي ماعرفتك... والنعم.... تفضل وش السالفة اللي تبيني فيها؟.... لا ماني مشغول... لهالدرجة الموضوع مهم؟!... تفضل تكلم شغلتني... والتفت ابوي علي وعطاني نظرة غريبة انا ساعتها قرصني قلبي مو من ردود ابوي بس من نظراته الغريبة رد ابوي على المتصل: وش فيها زود طيب؟ ... لا بس مافيها أي ميزات عن الباقي... رد ابوي على المتصل: طيب وبعدين... ايوة....طيب وش اسمك الكامل؟.... وش تشتغل بالضبط؟..... طيب من دلك علي وعطاك رقمنا؟..... لا الموضوع يا ابني مو بهالبساطة.... العملية مش بيع وشرى وبس... الواحد لازم يسأل كثير ويحرص قبل يقدم على أي خطوة... لا موضوع انك تجي لبيتنا خليها بعدين... لين اسأل عن كل صغيرة وكبيرة... لا لما اكتفي من السؤال واخذ المعلومات اللي تكفي بتصل عليك تجي ونتفاهم ويكون خير ان شاء الله انا كنت اتابع حركات ابوي وانا متشققة من الفرحة... اخيرا انخطبت وبتزوج مثلي مثلي غيري... يوووووه أخيرا بلبس فستان ابيض منفووووووش اخيرا بطلع اجهز واتقضى للزواج... بسوي زواج كبير مررررررة وبحط زفة ريميكس وطرحتي مابيها خليجية وع بخليها مبتكرة... منيرة منيب عازمتها هي وخواتها ماعزموني الاسبوع اللي فات على الدي جي اللي سووه... وحصة صديقة امي منيب عازمتها بعد مالي خلقها تحوسني لو حطيت اورج... وبشتري اغراض واشيل واحط واخطط... بيصدع راسي بس ولو لذيذ هالصداع... يوم قفل الخط ابوي التفت علي وهو مبتسم ابتسامة تعجب وهو ساكت... قلت: - هاه يبه؟ متى بيجي يشوفني؟ - منهو - هذا اللي خطبني تو - وشو؟! - خطيبي اللي تو - تموووووونين انتي ووجهك صار خطيبك على طول ماعندك وقت - ايه يبه ترى احذرك هالمرة شف تكرش العريس مثل ماكرشت ولد ام مساعد العام للحين تراها حازة في نفسي ترا هالمرة بضرب عن الدراسة... ولا الاكل مقدر اضرب عنه... والرسول حث على تزويج من ترضون دينه وخلقه... وهذا قايل قلبي انه اجودي ترا مااعرفه بس اتوقع انه كذا... وترا العرس اهم من الدراسة عشان الجنس البشري ماينقرض.... وبعدين من قال لك اني منيب مكملة دراستي والله بكمل حسيت ان عيون ابوي بتطلع من شدة علامات التعجب اللي في وجهه بعدين انفجر من الضحك - هي انتي وين رحتي حدك حدك لا تشطحين!!! - وش اشطح؟! هذي الحقيقة والحقيقة ماتزعل وانت الله يطول لنا بعمرك علمتنا على الصراحة وحب الحقيقة - أي عريس واي هم؟؟!!... انتي مصخنة؟؟ ... هذا مندوب شركة يبي يجي يوريني المكنسة الكهربائية العجيبة على قولته اللي تغسل وتنفخ وتطبخ خخخخخخخ.... قومي نامي يابنيتي ولا تكثرين قعدة قدام التلفزيون... الحين بس عرفت ليه سكرتيه تو... الله يقطع ام العجلة اللي تعرفونها... هذا الموضوع اهداء للعضو المتميز قلب دافئ م ب ع و ص مع تحياتي خالد الفضلي التعديل الأخير تم بواسطة خالد لفضلي ; 07-17-2007 الساعة 02:57 PM.  |
|
#2
07-17-2007, 03:09 PM
| ||||
| ||||
 رد : قصه مضحكه وطريفه عن احدى الفتيات ههههههههههههههههههههه هههههههههههههههههههههههه هههههههههههه والله مسكينة هالبنت هههههههه(مالها حظ) شكلها بتعنس طول عمرها ههههههههههههههههه وهي على طول ماصدقت(تبي عريس بالغصب)لووووووووول والله قصة مضحكة من جد ومحرج لهالبنت خخخخخخخخ يعطيك العافية اخوووي خلووووووود على الموضوع الحلو والف شكر يالغااالي على الاهدااااء..وهذا من ذوقك ياذوووق الف الف شكر |
|
#3
07-17-2007, 03:11 PM
| ||||
| ||||
| رد : قصه مضحكه وطريفه عن احدى الفتيات العفو ياحلى عضو مع تحياتي خالد الفضلي |
|
#4
07-17-2007, 10:58 PM
| ||||
| ||||
| رد : قصه مضحكه وطريفه عن احدى الفتيات ههههههههههههههههههههههههههههههههههه تستاهل اللي صارلها ليش ماتثقل قدام ابوها يسلمو خالد على القصه ننتظر جديدك |
|
| أدوات الموضوع | |
| انواع عرض الموضوع | |
|
|
| روابط لأكثر الكلمات بحثاُ |
 | سياسة الخصوصية |  |
العرض العادي
