اللي تبي تقهررررررر اخوهـــــا!تسوي كــــــــــــذا؟؟

[الدنيا غدارة]

عندي دروس خطيره لا تفوتكم يا بنات .. شوفواللي مقهوره, واللي تبي تنتقم , واللي تبي ترفع ضغط اخوها تتبع
هالخطوه الله يقويكم......
,,,,,, عند التلفزيون ,,,,,,
اذا صارت فيه مباره , والاخ متحمس اقطعي هالحماس وشلون؟!
انا اقولك ..
شوفي اذا صار مبقق عيونه ومو
عند احد يعني لو تجيبين صاروخ تفجرينه قدامه مالتفت لك اعرفي انه منسجم ,
عاد هنا بس تقومين بشغلك..
وتسوين نفسك بنت سنعه
وروحي جيبي قطعة قماش وبخاخ للتنظيف واوقفي عند التلفزيون وامسحي الشاشه ولا تعطينه فرصه يشوفزين ,
اذا قال: ابعدي . قولي مانيب فاضيتلك بنظف وامسح ، وبعدين روحي جيبي المكنسه واكنسي المكان اللي هو فيه وحاولي من لحظه للحظه تكنسين قدام التلفزيون وغطي عليه.. ولا يهمك احد..
واذا قال: ابعدي لااصفعك على وجهك بالكاس قولي معصي بيجون ضيوف . . العبي عليه حتى لو مو جايكم احد , والا سوي نفسك جالسه وتذكرتيان الكيك بالفرن احترق ناقزي لين توصلين للفيش وامصعيه برجولك ولا تلتفتين وراكِ..
,,,,,, عند النوم ,,,,,,
لا صار التمساح يشخر.. نكدي عليه نومه وشلون؟! دخلي عليه بزارينكم على بزارين جيرانكم وصكي الباب عليهم وخليهم يلعبون بغرفته ويناقزون على راسه .. تخبرين اطفالنا احباب الله خخخخخخخ
والا تعالي وهو في سابع نومه وارجفيه ذيك الرجفه اللي يفز مايدري عن نفسه الا وهو جالس وبكل برود قوليله نبي نطلع ..
,,,,,, اذا المزاج صفر ,,,,,,
اذا شفتيه ماله خلق ومو رايق ومقفله معه لا تخافين بالعكس هذي فرصتك تنتقمين منه يعني تحرشي فيه خلي دمك ثقيييييييييل بالمزح
بس انتبهي في هاللحظه راقبي حركات يده لانممكن يصك أي شيء قدامه بوجهك ولازم تصيرين مجهزه مفتاح الغرفه.. ماتدرين السالفه ياغالب يا مغلوب خخخخخخخخ
المهم.. اضحكي على شكله والا على جلسته والا على لبسه .. هو بيقول ترى مانيب رايق اذلفي عني , انتي لا تسكتين قوليله واذا ماذلفت وجهي وش بيصير
عاد هو بيقوم ويوريك وش بيصير على سنع انتي في هالوقت اقضبي اول درجتين توصلك لغرفتك وطلي عليه من فوق وقوليله ههاااااااااااااااااااي
اهم شيء رفعت ضغطك وقومتك من جلستك
عادي .. عادي ولا صرتي بزر وش فيها اهم شيءتحقيق الغايه اللي هي (( تفجير الأمير )) واهم شي بعد الاخلاق لاهنتي ههههههههه
,,,,,, وقت الطقاق ,,,,,,
لا جاء يوم وبراسك حرش وتبين تطاققين انتي والتمساح لازم تجهزين نفسك من كل ناحيه:
1-اللباس : لازم تلبسين ترنك خخخخ علشان يسهل الركض
2-الشوشه: لازم تلمينها وتسوين حفله ذاك اليوم تحطين انواع الشباصات والمغاطات وانتبهي ولا خصله تنزلمنك,
وياليت يكون ذاك اليوم حاطه براسك حناء علشان مايتجرأ ويلمس شعرك <==== ابن أمه يجيب مثل هالتفكير
3- مفتاح الغرفه ولميه الاحتياط واجب
اذا بدت المعركه حطي راسك براسه ولا تبينين له انك خايفه وبققي عيونك فيه
وقوليله وش براسك عاد هو هنا بيقولك هذا اللي براسي طراااااااااااخ الا ومخمس
لا تستسلمين عطيه بوكككككككس على عيونه الثنتين علشان مايشوف الطريق وحطي رجلك .
وعلى طووووووووول لغرفتك اللي مجهزة مفتاحها من قبل واقفلي عليك .. ويادار مادخلك شر بس نصيحه اقعدي يومين لايشوفك ولا تشوفينه لانه يبي ينتقم لكرامته وبيوريك النجوم في القايله ..
على فكرة انا مالي دخل صار شي
اقول شكل اخوانكم بيدعون علي ........... الله يستر

[ملقووووفة بقووووة]

هههههههههه
انت ناويه تقضين علينا مو نقهرهم

[حــســناء]

ههههههههههههههههه
من جد حلووووووو الموضوع


يسلمووووو... تقبلي مروري

[دلوعه ابوها]

الصراحه أفكار ولا اروع بس شكلي أنا بروح المستشفي في اليوم إلي أفكر أسوي زي كذا
شكرا علي الموضوع ننتظر خطط أجمل
تقبلي تحياتي

[ورده الرياض00]

هههههههههههههههههههههههااي
اذا مليت من حياتي سويت كذا
خخخخخخخخخخخخخخخخخخخخخخخخخخخخخخ
يسلموـوـوـوـوـوـوـو