...<<ربــــــــ الحـــب ـــاعــي>>...

[ZAINABI]

البارت10
الهوا يداعب خصلات شعره الاسود بعد ماطال الهزل بان على محياه .... لكن بسمته كانت لكل داء الشفاء... يضحك بمل ثمه علشان فرحة اللي حووله.... دخلو الشباب السكن وكالعادة ... يتقدمهم القائد المغوار نواف...التعب خذ منهم ماخذه فاللي يجر روحة ع الحركة ...

نواف: ااااااااااااااااااااه ياهوا لاتعبنا سوااااااااااااااااااااا ... وتمشيناااااااا كثير
الشباب: الله يغربل بليسك ... بسك ... حتى الاغنيه ماسلمت من جنونك؟؟؟
نواف وهو عاقد حواجبه: احين نواف الحلو مجنون... امشيها لكم لان النوم ماثر عليكم ... يالله بسرعه خلونا ندخل السكن ..... برررررررررررررررررررد
سارة: بدووور فج الليت .... افففففف ... اي شنو هاي ... دعمته وما انتبهت ....بس هالشـــ

انقطع كل الكلام وضاعت كل الحرووووف .... الساعه وقفت والارض عن الدوران سكنت... الكل من الصدمه سكت ... حتى التنفس نسوه ... نبض القلب وقف ... كانهم مكاين واطفوها ... ولا انهم يعملون ع الكهربا وجلعوها..... شافوها... شافوا بنت عشرينيه حلوة لابسه تنورة فوشيه ... مع بدي وردي وحدودة فويه ومن فوقهم نص توب فوشي فيه مثل الورد البارز... الوجهه خالي الا من بعض الرتوش البسيطة اللي تبين كل الجمال .... احلى شي هالعيون اللي انرسمت حدودها بالاسود وخلتها رعبوب... وكانت لابسه سكارف وردي وفيه ورد فوشي ومن تحته المقنع شكلها كان مثل الورد .... الكل يطالعها ...

سارى: انتي... انتي .... لا ما اصدق... وارتمت بين احضان رفيجتها سنين العمر الللي مضت وجمعتهم ربع اهم وكل عمرهم مضوه مع بعض سفراتهم وطلعاتهم روحاتهم وجياتهم ... سارة وهي تكلم ريمم: يالحمارة... ما احبج ليش ماخبرتيني انج جايه؟؟؟؟

ريم تطالع الجميع بنظرات التايه .... نظرات فيها حزن وفرح ... حب ... عشق وضيااااااع ... عيوننها كانت تدور ضالتها ... هالوجهه اللي تتخيله طيله هالاسابيع اللي مرت كالسنين الطوال .... ريم والعبره خانقتها: ق... قل... قلت .. اسويها مفاجأه...
بدر وهو طاير من الفرحة والبسمة اللي صار لهم زمن ماشافوها : واحـــلى مفاجأه.........

الكل الفرحة مايعرف كيف يترجمها واخيرا احلى حب واحلى صوووت رجع للسكن ... هم كلهم هناك مع بعض ... محد غايب ومحد مفترق عن الثاني .... قعدو يتسامروووون لي من اذن الفجر ....

السلام عليكم ورحمة الله... السلام عليكم ورحمه الله

فرغ الجميع من الصلاه ... التعب كان بادي على الوجوه .... لكن الفرحة خذت التعب منهاااا.... اليوم وراهم جامعه ومايقدورن يتأخرون كفايه غيابهم امس... وريم ماتقدر تتأخر لانها ... مستأذنه واكثر من جي الايام ضاعت عليها ولازم تلاحق نفسها .... بعد اسبوعين عندهم اجاااازه وبعده امتحانات النهاايه هالسنه الاولى بتعدي ... ريم لازم تشد حيلها ولا هالبعثة بتنسحب منها وترد البلاد .. ونفس الشي بدر لانه ... للحين ما خبر الدكتور عن امتحانات المدل واللي صار......

كالعادة الصرااااااخ المدوي ف السكن .....
نواف: سعووووووووووووووووووووووووووووود .... ومرة ... وين التي شرت الزيتي ؟؟؟؟
سعود: جب زين ... انت احذف الثياااب وتعال لي ... تشكى وين ثيابي وين نظارتي وين مادري وشو والله مب حاله... صج ياهل من قلب ....
نواف: ماكوا ياااهل غير الهبله اللي بتاخذك...
سعود وهو معصب: اقول ورني عرض كتااااافك ... قام سعوووووود وطلع من الصاله راح غرفته .... تلبس وطلع سبق الجميع للجامعه اصلا هو مخطط لموضوع ولازم انه يتم .... كل تفكيره كان عند فرااااااااااااااااس..

فراس كان قاعد بالشقه اللي يعيش فيها....احنا سبق وقلنا ان فراس بحريني وهو حلو ... بس عيبه انه نسى انه عربي وبن اصول... انولد فراس في بريطانيا... من ام بريطانيه وابو بحريني تركه وراح يدور له ع ضحيه ثانيه.. تربى فراس ع يد امه .. والمشكله ان الام كانت مسيحيه ... ب سكانت تربي الولد ع تعاليم الاسلام وكانت دايم تمدح ابوه ... هي كانت تحب فراس .. خلته يدرس بافضل المدارس.. ومن عقب ماخلص دخلته هالجامعه لرغبه فراس فيها ... كان فراس بالشقه يسولف مع لرفيجه بالتلفون واول ما فرغ كان يكلم نفسه

ياررررررربي هالبنت من وين جت؟؟ ملكتني كلي لها ... نظراتها عيونها سحرها وجنونها... انا شفت ملايين البنات الاشكال والالوان شمعنى هاي الللي عجبتني بين البنات جميعهن؟؟ مادري .. محتشمه ومحافظه ع نفسها .. بس ذاااك شكان يبي منها ... هالاسد ... شكلها صج تحبه...بس عمري ماشفتهم بمنظر غلط .. الاحترام دايم بينهم ... كلشي بحدود... على عكس يوم حبيت لولو كانت تروح معاي بروحها وتجيني الشقه واا وهي نتمشى بالجامعه ... عادي .. بس ذولا بينهم احترام انا لازم اخذها لي لي انا وبس.... بس تعال انا ما اعرف شسمها ... اتوقعها قطريه .... شكلها يقووووول.... بسي انا بقوووم ابدل ثيابي وبروح الجامعه وساعتها يحلها الف حلال ......

البناااااااااااات اليوم الهدووووووووء عمهم لبسووووووا ثيابهم وتعدلوا .....
نوف: تعباااااااااااااانه .. فيني نوم من الزين
ساره: هههههههههههههههههههههههه الزين اليوم ماكوا المحاضرة وحدة...
مها: اووووف عاد المحاظرة طويله من 8 لين 10 ونص... عوار راس هالدكتور
ريم .. وهي تلف الشيله: يالله عجلوا الشباب ينادونا برع .....

طلعووووووا البنااااات للشباااااااااااااااااااب ..... وطبعا نواف مستحيل يجوز عن هبله وحركاته....
نواف : صبايا وشباااااااااب .... وناااااااااااااااسه ... اكمل العدد اخيرا يعني وناسه ... اما صج بدور كان ضايع ايامها ... بروحه ولا ساعات هالبومة لينووو تلوع جبده..... احين بتشوفين الحلج مشقوق ... اكيد ريوم وياه

ريم اللي مانتبهت لشي كثر ماشدها اسم لينا... في الموضوع قعدت تتسائل في داخلها من هاي وايش تبي ... العصبيه بانت ع محياها وقالت هالكلام وهي تحرك يده بطريقه عشوائيه: من هاي لينا .... وحدة جديده فالسكن ولا من اهل بدر..؟؟؟

الكل لاحظ نبرة الاهتمام اللي ظهرت عند ريم ولاحظ خوفها الواضع ع بدر ... وتحسف نواف انه جاب الطاري.. فحاول فهد انه يغير الموضوع : هيييييييييي انتو مع الويه شوفو الساعه كم ... يالله بسرعه .. بتتاخرون عن المحاظرة والله حاله ... يالله اشوووووف جدامي .....

طلعوا البنات من السكن بسرعه جبيره ... وهي يحملون خلفهم حاجياتهم ... واللي يحمل افراحه .. واللي حمل معاه استغرابه ...

سعود كان ف الجامعه قبل الكل..... كان قاعد ف الكافتيريا ..... ويتأمل الجاي والرايح ... وكانت في عيون ترقبه من بعيد ... ترقب اذا الملاك الجميل كان وياه ولا لا ... هالويه صابه الحزن لان الاسد فالعرين دون اللبوه ... والحزن يبان ع الاسد ... كان حزين ومهوم... كان فراس يراقب سعود عن بعد... يحس بالحزن تجاهه... والكره فالوقت نفسه ....

وصلوووو الربع الجامعه .. وطبعا فالسياره ماقصروا من القرقا والحجي ... نوف وهي معصبه : والله ان كل واحد فيكم بالع 7 مسجلات مو واحد اففف.. صج سعوووود افتك من الحشره ... عنبو ماتسكتون انتو؟؟؟
فهد وهو يمثل البراءة وياشر ع نفسه بطريقه طفوليه: انا ماسويت شي ... والله سوري اخر مره ...
الكل يضحك ع هبل فهد: ههههههههههههههههههههههههههههههههههههههه

دخلووو الكافتيريا وحصلووووو سعوود قاعد ع احد الكراسي بروحه... شكله يعور القلب ويكسر الخاطر .. تقربت منه نوف بكل هدوء وبصوتها الدافي الحنون ... : سعوووود ...
سعود اللي بدى يحس بان الجاذبيه الارضيه خفت وانه بيطير: لبيــــــه
نوف: لبى قلبك ... يالله ... خلنا نروح الكلاس باقي ربع ساعه
سعود بكل حب وامتنان: ان شاء الله

تحركوا الجميع يمشووون بين ممرات الجامعه ... وازقتها ... اشكال عجيه في هالجامعه .. منهم الابيض والاسمر ... الاسود والاحمر ... الاصفر ... السعودي .. والكويتي .. القطري .. والفلبيني ..الهندي والياباني ... البحريني ... اجناس مختلفه.... ناس شكلها جايه للدراسه وناس شكلها العكس ... همها انها تتعدل وشكلها ماتمت للدراسه باي صله....

دخلوا الكلاس .... الللي كان ملياااااان ومافيه ولا كرسي فاضي... كالعاده الشلل تتجمع لمن يجي المحاظر ويطلعون ... دخل الدكتور وطلع الجميع .... >> اقصد اللي ماعندهم سالفه ورازين الفيس جذي..... قعدت ساره وبجنبها ريم ... وكان في كرسي فاضي ماوعوا الا وبنت جايه تقعد جنبهم ... بس تعال هاشي شتبي ... انفتحت عيون ساره ع وسعها لما شافتها ... وقالت في قلبها هاي شتبي..


لينا وبمياعتها المعتاده: هااااااااااااااااااااااااااااي ... ليوني وصلت
الكل من غير نفس : هايين
ريم اللي تلتفت لورى وترجع تشوف سارة وجوهم كانت ماتبشر بالخير ... بس ريم بطبعها الاجتماعي الحنون : هاي ياحلوة ... انا ريم ... من الكويت ...
لينا وكانها بدت تشك : هايين ... ادري اني حلوة ... وانا لينا من ممكله البحرين .. وهذا وهي تأشر ع بدر.... بدوري من قطر......
ريم اللي بدت تحس بدوار وانها مو ع الارض ماقدرت تستحمل كلامها .. وحست انها للحين مافهتمتها: ريم ... شنو ؟؟؟
لينا وهي تتصنع الغباء: هــــــ
انقطع كلامها بصوت ارتطام اليد بوجهها ... اي حصلت كف محترم ممكن انه يرجعها عن حركاتها ... كان هالكف من نوف .. اللي كانت تشوف الموت بنظرات بدر تقدمت منها وضربتها .. نوف الهاديه اللي الشجاعه بعيده عنها كل البعد سوت هالشي

نوف: هي انتي جب واحترمي نفسج ... وهي تقلدها ... ((وهذا بدوري)) ... بدوري بعينج ......
بدر : وهو معصب من قلب : اي والله بدوري اقول روحي قعدي ورا وفكينا من شرج
لينا ودموعها تتدافع مثل السيل: اوكي يابدر ...ان مادمرتكم ما اكون لينا ... وتاشر ع ريم وانتي هي علباج نفسج حلوة هاهاهاها ... بصيحج بدال دموعي دم فهمتي

دموعي دم... دموعي دم... هالكلمات تترد ببال ريم مثل الفلم السينمائي.... من هاي وشتبي ودها تسال الكل بس تحسهم انهم مو فاضيين لها ابد ... خلاص اسكت احسن لي ......

المحاضرة كانت قمة الملل ... الدكتور يتكلم عن اسس الطب القديم عند القدماء .. وينتقل منه للطب الحديث ويقارن ... الطلاب متمللين .... الكل بينام الا سعود ... اللي يفكر انه بعد طلعته يلحق فراس ويشوف وش نهايته ... معاه ... صج لي قالو
(( الرووس نامت والعصاص قامت)) الله بس يستر من الجاي

المحاضرة خلصت .... والطلاب طلعوا من الكلاااااس ... اللي راح الكافتيريا واللي فضل يروح البيت ينام .... ساره .... ونواف ... وريم ..... ومعاهم فهد .. راحوا المطعم ... بيسون اوردر للغدا لانهم عيزانين يطبخووون .... وبيمرون المارت لانهم بحاجة لاعراض للبيت .... يعني بيقضون حوايجهم وبيردون السكن .... بدر ومها ونوف راحوووو السكن ... كل واحد منهم يسكر عيونه غصب عنه .... ماصدقوا يوصلون السكن ....

[ZAINABI]

بدر اول ماوصل ... حتى ماكمل الدرب للغرفه اختار اريكه مريحة فالصاله ونام عليها... اما نوف فخذت لها شور دافي ... وغرقت بسابع نومه .... مها اليوم .. اتصلت باهلها تكلمهم ... وحشوها حيل

مها: مامي شلووووووووووونج
ام مها: تمام ياعيووون مامي
مها : شخبار الكل عماتي وخوالي..؟؟
ام مها: الكل تمام .... تدرين يوسف ولد خالج خطب....
مها اللي استانست من قلب : الله يايسفوووووووو .... بتعرس وناسه .... متى يما...؟؟
ام مها : مو احين بوقت اجازتج ... بس عاد ماسالتي من بياخذ؟؟
مها : من اكيد وحدة من الاهل ... صح
ام مها : لا وين من الاهل هو خطبج انتي
مها... وهي مصدوومه...عيونها تفتحت على وسعها: شنو انا..ز بس ... انا
ام مها: ادري ماتبين ... وخبرتهم ... فقمت وخطبت له.... سمر رفيجتكم
مها : وووووووووووي سمووور ... وناسه .... يما عيل البطاقه بتصكر بخليج
ام مها: هالله هالله بذكره
مها: ان شاء الله ... مع السلامه
ام مها : في حفظه
سكرت مها الفوووون ... وارتاحت من زواج يووووسف لسمر لان سمر كانت معجبه فيه .... يالله وناسه لي جات نوفو ببشرها باللي بيصير .... سمور وراحت ... طول وقتها وهي بالمدرسة تحن .. متى بعرس ومتى .. يابختها وبتعرس وبتاخذ يسفو .. صج لايقين ع بعض كل واحد منهم اجن من الثاني...الفال للباجي ...
هدت اللي بيدينها وراحت الغرفه وبدلت وفتحت الاي سي .... ناااااااااااامت

سعود كان يراقب فرااااااااس .... ولحقه لين ماوصل معاه بيتهم ..... لقا جنب البيت مثل الكوفي شوب ... دخل وطلب له ... تركش.... وشربها وهدى اعصابه الثايره وقرر انه يرووح لفراس شقته .... سال حارس العماره ... عن شقه فراس وجاوبه .... كان يمشي وكانه داخل ساحه حرب ....

سعود اللي دق الجرس مرتين ... قال هاي الثالثه ان مارد برجع ... فارس كان يسبح ... والشقه هاديه ... سمع الجرس طلع وهو لاف الفوطة ع خصره ... ففتح الباب وانصدم.....

فراس وهو فاتح عيونه ع وسعها: ا.. انت .... شتبي
سعود ونبرة الاستهزاء باديه في كلامه: مابتقولي تفضل... ولا من عاداتك تقابل الناس عند الباب؟؟
فراس اللي انبه للموضع: اسمع يا ....
قطعه سعود وقاله : سعود بن عبدالعزيز
فراس: خلصنا من اسمك اسمعني.. شتبي خلصني
سعود: اي كلام يكون عند الباب.. لو عدوك كان دخلته... ترى ماعندي اسلحه والله .. تبي تفتش حياك....
فراس: شوف.. تحت بتحصل كوفي شوب... عطني 5 دقايق وبنزلك فيه... وسكر فراس الباب ...

نزل سعود لين الكوفي شوب وقعد ينتظر فراس لمن يشرف ......

الثلاثي المرح ريم وسارة وفهد ... طلعوا من المطعم وراحوا الميني مارت .... اما نواف فتم في المطعم حصلو سامي وقعد يقرق وياااه صج انهم قرقا....في الميني مارت...فهد كان صوب الحلاوة .. جمع كافي وخرابيط.. وساره راحت صوب الفروت وخذت احتياجات البيت الللي موصينها عليها .. اما ريم فكانت صوب الصابون لان نوف خبرتها ان الصابون خلص ولازم تجيب.. كانت تمشي بسرعه لان الساعه صارت 1 ونص وهم قايلين انهم بيطلعون من المارتع 1و35 وهي تمشي دعمت وحدة طويله وشكلها حلووو... لا مستحيل ... انتي بعد ...

لينا بعجرفه : هي انتي بعد ما تــ
راح الصوت وانقطع تمت تتامل والله جابها لعندي ان ماوريتها
ريم والدمع بدى يتجمع بعيونها : سوري ما انبهت .. ومشت عنها
تمت لينا تلحق ريم وريم تحس بظل خلفها بس ماودها تلتفت تحس انها بتنصدم من قلب وهي مو قد هالشي ... لمحته من بعيد ... اي هذا هو .. فهد المنقذ.. فهد انتبه لوجود لينا ...

فهد: رياااااااامي... يالله بدور من شوي متصل يسال عنج .. وهو يغمز لساره اللي ماتت من الضحك ع حركاته ...
ريم وهي مو فاهمه شي : ان شاء الله
لينا: هي انت (( وتأشر ع فهد)) خبر ولد الراسخ اني وراه ليمن احصل عليه هو لي ... مو لها هذي ... يالله تشااااااو
هدتهم وراحت ... تمشي بكل عجرفه وثقه مجنونه ... بعيده عن العرب في صفاتهم .. لاشي يدل انها عربيه .... سوى كلامها ... الله يهديها بسس

اللي بالسكن كنوا نايمين ... بدر يتقلب ع الكنبه طاح منها وانتبه
بدر بينه وبين نفسه: بسم الله الرحمن الرحيم... اروح الغرفه احسن لي ,...
شل نفسه وجرها جر راح للغرفه مافتح الي سي ولا سوا شي ونااام ع السرير .. صج كان تعبان يحسه انه مانام من سنين ... صج رجعة ريم للبلاد سوت الشغل كله

دخل هالرجل للكوفي شوب وعيونه تبحث عنه... تقرب وقعد جنبه ...
فراس.. وهو معقد حواجبه: خير ... شصاير .؟؟
سعود.. وهو يصر ع ضروسه : الخير بوجهك... ياخي خلك بعيد عني وعن نوف...؟؟
فراس وهو يضحك باستهزاء: هاهاهاها... حلوة هاي بعيد... ليش ان شاء الله محجوزة باسمك ... ولا باسمك؟
سعود: الثانيه لو سمحت... خلها بعيد عنك ... فاهم ... وهو بالوقوف من مكانه
فراس مسك سعود من ياقه قميصه : هي انت انثبر مكانك انا ماكملت كلامي
سعود: وانا ماقلت لك كمل... اللي عندي قلته ... يالله سلاااااااااام
هد الطاوله وطلع منطلق للسكن... كان معصب بس حاول يتمالك اعصابه .. حصل اول تكسي وشخط بسرررررعه للسكن...


فهالوقت وصل فهد وسارة وريم للمطعم ... حذوا الاوردو ومعاهم نواف... وانطلقوا للمطعم ... مشي لان الجو حلو والمطعم قريب من السكن ... ع الاقل يحركون الدورة الدمويه شوي.....
نواف..:اقوووووووووول... ريوم شحيلج لان الدرجات لج دبل
ريم وهي متظايقه: اوكي... يالله بسرعه ابي اروح اريح...
نواف وهو يحاول يستعبط: هاريموووو.... جبتي الوصايا ولا .... ترا اعلقج
ريم اللي ضحكت غصبن عنها: يس يس ... جبت اللي تبيه
نواف: يالله الاوردر وخذناه ... سرينا؟؟؟
ساره: يالله سرينا ... على بركة الله

طلعوا الجميع من المطعم بيتجهون للسكن ... الملل واصل حده والاعصاب ضاربه عند البعض ري ماعصابها صايره مثل النار ... وتفكر في لينا وايش سالفتها .... فهد كان حاس بريم ومعور قلبه بدر لانه يعرف عن حب بدر لريم ... ويدري ان بدر متضايق ... من حركات لينا ويعرف كيف عاش بدر دون ريم ... بس لينا الله يهديها مو راضيه تفهم شي........

سعود كان على مقربه من السكن ... نزل من التاكسي عند مكان قريب وقرر يكمل باقي الطريق مشي .. حتى يفرغ الللي فيه م نشحنات اعصابه كانت خلاص ... محترقه ومعصب ... لو بيده انه يذبح زياد كان ذبحه وافتك منه....

تلاقوا الرباعي مع سعوووووود وركبوا جميع للسكن ...\ الجو وقتها كان بارد ... يسبب رعشع فالعظام لكن لا سعود ولا ريم حسوا ببرودة الجو كانوا يحسون بالحراره الناتجه عن غضبهم ... الله يسهل عليهم ..... دخلوا السكن كان هااااااااااااااادي حيل .... ومظلم اكيد هم وصلوا ع الساعه 4 و2دقيقتين ... دشت ريم توعي البنتين .. من نووووومهم ... وسعود راح يقوم بد ر من النوم .... طبعا بدر نومه شوي ثقيل ... فاظطر سعود انه يكت((يسكب)) عليه ماي بارد....ههههههههههههههه .... وخلاه يقووم

بدر: اوريككككك ياسعودو... ان ماسويتك ستيك ما اكون بدر... ماتعرف تعوي الخلق حرام عليك الجو بارد .... افففففففففف منك
سعود وهو ميت من الضحك ع شكل بدر: تدري بدوور كنت زعلان بس انت روحت كل الزعل اللي فيني ....
بدر: مو ارجوووووز انا .... يالله ورني عرض كتافك ... يالله فارج ... ببدل وبطلع ... لاتتغدون بدوني....

طلع سعووووود للصلاه اللي الكل مجتمع فيها .... واو حشرة وجي .... انتظروا بدر ليمن طلع وتغدووو.... قعدوا وقضوا اشغالهم .... حق الجامعه ....

هالاسبوعين مررررواا مثل الطيف وريم حاولت تتاقلم مع الوضع ... لاحظت اهتمام بدر فيها كانت فرحانه بس ماعبرت عن شيي.... سكتت وكانت تكتفي باحلى ابتسامه ... سعود للحين يترقب اي حركة من فراس علشان يطب فيه ... مع هاي كان وايد يعامل نوف باحترام ... طبعا نواف وسارة العبط هو اللي يضفي ع جوهم اكثر من الحب بس هم كانوا زينه السكنن... مها وفهد ماكانوا يبينون الحب ... بس كانوا يعاملون بعض بهدوء احتررررررام... وقت متعب جهد دراسه وتعب وها الجازة قربت منهم .... لان بعده باسبوع ونص امتحان نهايه السنه ...يعني هالسنه وبتعدي ....

الكل قاعد في السكن الهدوووء يعم المكااان.... البنات كان وراهم حفله وحدة من ربعهم فالجامعه ... كريستي ..>>امريكيه بتتزوج ... سعودي اليوم فالمكان هادي والبنات مشتطين حيل ... طبعا هم استفادو من فهد وايد لانه مثل ماقلنا يعرف يمكيج ... وساعدهم في اختيار الملابس لها اليوم الحلو...

مها كانت لابسه .... تنورة بيجيه مع توب بيجي بلا اكمام ومن فوقهم مقل التوب القصير فيه ورود ورديه ... وسوت شعرها بالفير ... وحط لها فهد ... اي شدو ترابي ودخل في تدرجات الوردي ... فصار شكله فيضع ... وطبعا لبست ... شال حلو ع راسها كان مزج بين هاللونين ... واول مرة تلبس العبايه في بريطانيااااا... اما ساره فلبست ... فستان قصير ويد بكم والثايه لا كان لونه مايل للورنج وفيه بطيخي مع وردة بنيه على الطرف ... واكتفت بانها نشفت شعرها ... اللي بطبيعته حلو... ومكيجها فهد بمكياج بني مع بطيخي ... ولبست شال اسود طقم مع العبايه فيه نطريز بالبطيخي ...

اما ريم فلبست فستان اسود ... من الحرير والشيفون .... كان مزموم عند البطت ... وعلى سياقنها قطع الشيفون تتراقص بمشيتها .... وحطت شال تخفي به ظهرها لان الفستان كان عاري حيل... وطيعا فهد ماقصر حط لها مكياج دخاااااااني ... وصار شكلها فضيع ... ولبست عبايه فيها شك بالفضي ع اطراف اليد وطرف الشال .... لما نوف ... هالمرة الاولى اللي ماتلبس وردي لمناسبه .. اختار لها سعود فستان .... عنابي ... يتكون من ثلاث قططع ... عباره عن توب قصير البطن ظاهر منه ... وبنطالون ... حلوه قصته وفيه شك ... ومن فوق مثل التوب الشفاف الطويل ... خلاها توحي بانها من الهند... وفهد .. حط لها المكياج المارون ... ولبست عبايه ... ساده مع شال ملون فيه بيج ومارون ....

البنات طلعوا من السكن وراحوا مكاااان العرس ... الشباب سلمو على ناصر ... وباركوا له ورجعوا السكن ... اما البنااات ... فتموا في العرس مع كريستي ... وناسه وضحك ...

السكن......
بدر يلعب مع نواف فالاكس بوكس.... ومشتطين حيييييل ... ولا تلفون بدر يرن...

أمــــي ياول حب عشته في دنياااااااااااي
ويا اول اسم تنطق شفاي طاريه

بدر : هلا والله بام بدور
ام بدر: ارجع بسرعة ابيك ضروري
بدر : انشالله يمه بس ليه
ام بدر:-..............
خبرته بالسالفه وقالت له ليش تبيه........ مع الخبر اللي انقال من قوة هاي الصدمة التلفون....... طاح من يد بد وانكسر
ومعاه قلبه انكسر



ياترى شاللي صااااااااااار لبدر..؟؟؟
شالخبر ... وش وقعه عالجميع ... خاصه ريم ولينا..؟؟
تتوقعون ممكن سعود وفراس يصيرون ربع؟؟؟

كل شي جايز ... البارت ال11 يحمل في طياته الكثير

انتظروني فالبارت ال11

[ZAINABI]

[b][center]




ااااااااااه زادت الاحزان فيني .... وسارت الدنيا سراااااااااب .... ما في حلم ن حلمته .... الا في حياتي صار لي مثل الضباب ... وين الاحلام الجميله ... وين سنين الاحبااااااااااااااااااااااااااااب.....

البنااااااااااااات مستانسين والكل معجب بشكل ولبس نوف... المرة الاولى اللي تكسر كل عاداتها فاللون والميكب .... شكلها صاير غريب بس حيييل حلو ...... البنات مرتبشات وحالتهن حاله ...

ساره وهي تقرب من كريستي .... >> صج ماسولفنا عن كريستي من قبل ... هي امريكيه مسلمه جميله شكلهاا حيل حلو .... عيونها زرق ... نعساناات وخشمهاااااا صغير ومدبب.... وحلجها حكاايه ثانيه ... كانت تمتاز بالطوول اللي يخبل والجسم الرشيق المتناسق .... اللي الكل يتخبل منه .... والحلو ان ابو كريستي اصله لبناااااني بس مسيحي .... وهي اسلمت من 3 سنوات ع يد ناصر... حبته وعشقته وهو حبها .... وكاااهم اجتمعوووا تحت سقف واااااااااحد....

ساره : كريستيييي .... بصرااااحه بيتخبل نويصيييير عليج
كريستي.. وهي تعدل فستانها: ماتحكي هيك .... لك يؤبرني هالناااصر ... بحبه كتير ....
نوف اللي لقطت اخر الحجيييي..: احم احم... نحن هونا .... لا تخربونا.. هع هع.. للحين اطفال وقابلين للخراب بسرعه ... بس كرستيوووووو تخبلين

كريستي كانت لابسه فستان ابيض بسيييييط حيل وايد بسيط بدووون اكمام واكتااف.... قصته فرنسييييه .... فيه تطريز خفيف ولامع ومركز اغلبه حول الصدر .... وشعرها ملتوي واهي اضافت له خصل بنيه خلته يخبل ... والباقه كانت هاي من ترتيب مهااااا ... اللي ابدعت فيها .. تجمع بين الورد الوردي والابيض وفي وردة حمرة وحدة بينهم .... يعني كل من شاف كريستي تخبل عليهااااا

مع هالرباشه والجووو الحلو... الوناااسه والضحك طبعا ساررره وعبطهااا العجيب.... مها ورباشتها المعهوده كل شوووي سوت لهم حركات جنان ... بس في شي مو اوكي عكر صفو الجو ولوع لهم جبدهم... شااافو الشله المشتله ويه لاعت جبدهم منه ... مقبل صوووووووووبهم جاي يسلم ع كريستي ... يا تررررى منننن....؟؟

سعووووووود متمللل فالسكن ولايعه جبده حييييييل ... ماعرف وين يطق جبده من الملل اللي فيه ف انطلق وقعد ع النت يسولف ... مع اللي معاااه ع الليست ... الاهل والرررربع ... بس انصدم انه في اضاافه جديده له ... اضااافه سببت له اللوعه ..... وولعت الشرار في ماقي عيونه خلته يسرح في هالايميل العجيب la3eooon_ nofe………..
ياترررررررى من هاي وش يبييي....

فهد قااااعد عند البلكوووونه ويتأمل الجووووو... سرح بتفكيره بعيد... اااااه صج وحشوووني الاهل كلهم وينهم .... مابقا شي ونخلص هالسنه الاولى ... بس بصرراحه عدت بسرعه... بعدي اذكر اوووول يوووم وصلنا فيه .... اذكر نواف وهبله .... ريم وطوله لسانها ..... وااااي صج االدنيااا حلم .... بس من يومها عشقتها .... قلبي شافها ... نبض باسمهااااااااا... اااااه يامها

نواااااف مندمج فالاكس بووووووكس ومصر انه يقيم اللعبه .... بس هو استغرب قومت بدررررر لانه كااااان يلعب وهو مستانس ومرة وحدة قلب وهدني ..... اكيييييييد يدلع ..... انا شعلي منه خلني فلعبتي احسسسن .... رجع يكمل لعبه وهو ياكل هالجبس هههههههه.....

بدر ....اااااااااخ من هالبدر شكله المصايب بدت تحل عليه .... ليش يا يمه ماقدرتي تصبرين لازم تفرين علي القنبله .... والله قلبي تحطم ... وروحي ضاعت مني صرت انسااااااان بدووون حياه .... ياربي ليش انا من بد المخاااااااليق .... استغفر الله استغفر الله ..... وربي للحين المحادثه ترن في بالي كنها شريطن مسجل .....

ام بدر: يمه يابدر..... جاي عمك يسالي اذا انك مرخص عهوود بنته ... لان خطبها واحد من العماري ... وان الولد يبيها .... بس انا قلتله انك تبي عهوود وحاطها في بالك من زماااان... زان البنت تتسمى باسمك وانك انت الللي بتاخذها... ترى ياوليدي الاقربوون اولى بالمعروف.... والبنت شيخه وزينه... ومايعلى عليها ... ويا بختك يوم بتضويها....
بدر: بس يمه
ام بدر: لا بس ولا شي ....عهود بنت ولا كل البنات حلوة وقمر... وحشيم وكفايه انها بنت عمك ... يعني تسدك ... وبعدين انا ودي افرح بك قبل مايفارق النور عيني ... ودي اشوووووف بزارينك قدامي يتراكضون... ولدي انت ومالي غيرك... لا تردني دخيلك... يابدر العمر يجري وانت مو ياهل خواتك ودهم يفرحون ... وانا بعد... وبس عن هالدلع الزاااااايد
بدر: يـــمه انا ما احبها ما احبهاااااااااااااااااااا
ام بدر: كيف بتحبها وانت ماتعرف شكلها ... خبرني كيف بتحبها مع العشره يجي الحب.... مو قبل الزواج ولا ناووووي ع بناااات هالايام... دخيلك يابـــ

للحين اذكر صوتها اللي تقطع بالبجي وامتلا بالحزن اللي يشوبه وكانها كانت تبجي....
دست ساعتها ع قلبي وع اهم واحلى حلم من احلامي ... علشانها ... علشان هالام اللي ضحت بعد مما تركنا هالابو بعااااااد بعد ماطلق بنت عمه ... اللي هي ام بدر رد عليها بصووت الحزن تملكه .... : تامرين يا ام بدر الللي تبينه بيصير بس اول ما اخلص هالسنه .... تامرين بشي ثاني بعد....؟؟؟ انا انفذ اوااااامرج ... انتي الغلا كله .... سكت لدقيقه وفي قلبي كنت اقوووووووول يمه عندج شي غيره يذبحني شي غيره يضيع احلى احلاااااامي ... قولي لي خبريني ... اااااااااااه ياريم ..... يا عوق القلب ... شكلي ما بضويج ابد ...... ما اعرف وش احسب نفسي نذل خايس وحقير... مو ريااال والله موريال ومو قد كلمتي ... يارب اغفرلي اغفرلي انا احبها احبهاااااااااااااااااااااااااااااااااااااااااااااا اا

ام بدر : لا يمه .... دير بالك عحالك ...
بدر: ان شاء الله ... وهو يقوول بخاطره اي حال دوووونج ياريم الفلا .... اي دار عقب فراقج تاويني اسابيع قضيتها دونج حسيت بالموت احين كيف بكووون مو لج وانتي مو لي بكون لغيرررج...

سكر التلفووووووون من امه ولبس الجاكيت الجلدي البني فوق ثياااابه وطلع ... من عادته انه مايدخن وانه ترك هالعاده من فتره .... بس اليوم وهو يمشي اشترى له باكيت وولع العود الاول.... كان يمشي دون هدااااا او هدف.... لقى حاله قرريب من حرم الجامعه .... دخل ووقعد على احد الكرااااسي .... كان يريح راسه وحاول يسترجع اي شي عن عهووود...

بصررررراحه ماكنت حاطها في بالي ابد عهووود بنت ولا كل البنات بعايلتنا .... جمييييييله بشكل كبير تاخذ من شكل نووف وهي رفيجه نوف حيل ... بس الفرق ان عهود بيضه والحمرة تكتسي خدودها دوووم هاي اللي اذكره منها ... عمري مافكرت فيهااااااااااا ....اخر مرة شفتها كاننت قبل 7 سنين .... يالله شنو هالمعضللللله..... ما اتحملهااااااااااااااا والله .... اخ ياريموووووووو ذبحتيني وانتي بعيده والحين ذبحتيي اكثر بقربج.... ما اصدق انج مو ليي... مع هالتفكيررررر... هلن دمعاته سيلاااان جارف ترتمي ع خدوده بانسياااب كانها تعلن قدوووم العواصف والامطار .... اول مرة يترك العنان لنفسه ... اول مره يطلق لدموعه العنان انها تنسكب .... ما في شي عاوونه غير دموووعه اللي كانت له خييييير صاحب وعووووووووون ....

نرجعععع للصبايا بعيد عن حال بدر اللي ماتسر عدووووو ولا صديييق ... كانت تقترب وهي لابسه فستااان مووف لين ركبهاااااا.... ملتف حول رقبهااا ... وظهرها كله برررررع ... عند البطن كان في كرستال وردي و موووف.... قطع الفستان تتراقص مع اقل حركة منها ... والشعر لين الكتف مقطع وفيه خصل مجنونه بالوردي ... المكيب صارخ والوردة الموف ع طرف من شعرهاااا .... كانت مجنونه بس الحلا يكسيها ... من يشوفها يعتقدها لعبه محطوطة باحد المحلات التجاريه دميه باربي يلعب بها الاطفاال ... ممكن تشوفها وتعجبك بس تظل دميه مزركشه شكل خارجي بلا معدن وجوهر بس مظهر....تقدمت من كريستي وبكل دلعهاااااا المعهووووووود: كرستيوووووووو الف مبروك يالبي ... طالعه خبااااااال .... وهي ترمي رييييم بنظظرااااات مثل الناااار...

اكييييييييييييييييييد عرفتوووها..... صحححح هاي ليناااااا...

ريم اللي ما اهتمت لها ابد سكتت عنها وقامت تتحرك تتقدم من باقي المعاااازيم.... تسولف مع هاااي وتضحك بمل ثمها مع هاااي .... ماتدري بالمستقبل وش يخبأ لها من مصااايب ... الله يعينج ياريم الفلا عاللي بيصير واللي بيحل من مصايب عليج....

مهاااا... وسارة ونوف ... راجو يجيبون عبيه ممن ع الطاوله لان المعرس بياخذ كريستي وهم بيطلعون عقب ... احلى شيي في هالعالم لاي انسان حب انسان واجتمعوا تحت سقف واحد ... يالله تجمع كل حبيبين بالحلااااااال .... في ربااااط مافيه ما فيه اي حيااا او محرمات ...

حان وقت دخوول ناصر راح ناصر لكريستي لعند الكوشه .... ودقاته مثل الطبووول ,. يرفع وجهها ويشوووووف كل الحسن بعيووونها ... مشى لين ماوصل لها والمشسي كان بالنسبه له مشي سنه كامله ... دنا لها وبكل حب همس في اذنهاااااا...

ناصرر: يا بختي فيج ... واللله يا بختي فيج يا كرزة روووحي
كريستي والحيا صبغها نزلت وجهها .... بس حصلت يد تنمد وترفع وجهها وتطبع احلى بوووووسه بين عيونها ..... خلت كل قلب عذري يتراقص معاااها... خلت كل بنت تتمنى هاللحظظظه ..... يابختكم وعله ربييي يسعدكم...

خلصووووو ومشووووا ... كانوا يمشون بكل هدووووء هو شلبك ايديه بيدهااا... ويناظر عيونها ... نسى العالم كله وماشاف غير وجهها الصبووحي... قربوا بنات السككن... الرباعي المرح وباركووووا لهم...

مها: صج صج ... نصوووور هالله هالله بكرس ترها غاليه
نوف اللي تطق مها عكلامها باركت لهم بصوووت زيمن اذا انسمع ساعتها... بهمسسسس حلو: م مبرووووك
سارة: مبرووووك وجعلها المولى بدايه الافراح.... ناصر دير بالك ع كرس ...تلتفت وهي تكلم كرس ... شرايج تفرين الباقه ونشوف من يلقطها؟؟؟

كرس وناصر مع بعض: اووووووووووكي : )
الباااااقه تعالت فالهوااااا وطارت لها ... نامت باحضانها وكانها ماتبي غيرها وماتنتظر غيرهاااا راحت لها .... الباقه وقعت ع حظن لينا اللي خذتها والكل يطالعها .. وهي كالعاده ابتسمت بغرور
لينا: فديتنييي..... شكلي قرررريب باخذ بدووووري .... وهي تناظر ريم
ريم اللي ما اهتمت ابد خذت شنطتهاااا وانطلقت ويا الباقي يبون يرجعوون السكن.......

[ZAINABI]

طلعوووووا ووصلوا لارض السكن وقلووبهم منقبضه بس مايعرفون من اييش ... وكلهم قالو انها من التعب.... دخلوا البناااااااااات السكن...

سارة: السلااااااااااااااااااااااام .. على من اتبع الهدى
نواف الللي مندمج بالاكس بوكي مالتفت لها بس رد عليها: وعليكم السلام
مها: ووووووووووين الباااااقي؟؟؟ فهد وسعود وبدر؟؟
نواف: مادري دوروهم وسكتوا ابي اقيم اللعبه

ريم سمعت كلااااااااامه وراحت الغرفه بكل هدوووووووء.... دخلت الغرفه وانسدحت ع السرير وبجت من الخاطر كانها مابجت من سنين كانها مادمعت عيونها ابدت في حياتها ... كانت تبجي وهي ضامة الصورة اللي التقطوها باول يوووم لهم .... تحس انها مو له .... ومن زود تعبها وبجيها ناااااااااااااااااامت وهي بملابسهاااا...

بدر رجع البيت وحالته ماتسر حد شعره معفس وويه الحزن يلفه... من يشوفه يقول ذا الشخص ميت له حد... اكيد ميت له حد ... قلبه مات ... حب حياته مات قبل لايعلن ميلاده حبه راااااح وهو واقف يتفرج .... دخل ورض الباب بكل قوه خلت فهد يطلع من الغرفه من الخرعه....

فهد: اووووووووووووووووووووووف يابو ناصر... شكله الكلج ضارب اليوم والاعصاب رايحه فيها...
بدر وهو يلف ويهه ويكمل دربه ... رد عليه بطريقه نرفزته: مايخصك .... ما انت بولي امرييي...
فهد الحزن اكتساااااااه الله يالدنيا احين انا جي يكلمني خله بكييييييفه... لف فهد من مكانه والحزن انرسم ع وجهه الطفولي والضيقه صابته ... بس هو كتوووم وماوده يزعج حد ... توه بيدخل الغرفه الا وصووت يرد الروح ويبري الجرووووح.....

مهاا: فهـــــــــــــــــــد
فهد اللي كان المرهم انحط له ع الجرح: هلا ..... امررررري
مها: مايامر عليك عدوووووو... بس شفيك متضايق حيل...؟؟؟
فهد اللي الاستغراب انرسم ع ويهه لهدرجة انا كتاب مفتوح بالنسبه لها: لا بس شزي متضايق ... صار تج بيني وبين بدر...
مها... الللي شكلها يبعث الراحه فالنفس ... كانت لابسه جلابيه بيضه وفيها مثل التطريز الوردي وشيلتها الورديه اللي تحيط وجهها خلاها مثل البدر ... ردت عليه : لا تكدر نفسك يالغالي وريح... وانا بسوي لك كوفي يهديك...

رااااااااااااحت عنه وهو بعده يتخيلها .... يالله ما احلاها حشيييييم وتخبل .... يالله توفقني اني اخذهاااااااا لي وتكون حليلتييييي......

بدر كان بالغرفه يحس انه قسىىىىىى ع فهد ولازم يروح له... فهد وايد حنون ومريح وبدر يحب يفض فض له... بدر يطق بااب الغرفه....
دق دق .... دق دق....
فهد: تفضلي مهااا
بدر اللي دش حتى بدون مايخبرنه انه بدر.... تقدم له لين الكرسي الروماني الكحلي.... وجلس جنبه .... بدر وعيونه تعانق الارض...

بدر: انا ... اســــــــ
فهد يقطعه: لا تتأسف ولا شي وقولي شالللي مضايقك؟؟؟ زش اللي مزعلك توك وش زينك ريم ورجعت من الكويت وش تبي اكثر
بدر وصوته بدى يتهجد شكله بيبجي... بيعلن انهزامة للمرة الثانيه: رييم هي المشكله يافهد.. ريمم... ريمممممممممممم
فهدوالاستغراب خذ منه ماخذ وخلاه مثل الواحد اللي صبوا عليه ماي بارد: شفيها ريممممممم... علامها ريممم؟؟
بدر بصوت متقطع...: امي .... قالت ..... عهود لي.... ريم راحت ريم ضاعت يافهد ضااااااااااااااااعت ضاااااااااااااااااااااعت .... عني الدع تداف من مقلتيه ماكان يسير كان يتدافع من الجفن ويطفر منه ....
فهد اللي احزنه وضع رفيقه : هد يابدر والله يحلها ....
بدر: وين تنحل وييييين وانا بعد اقل من شهر اسم مرة غير ريم بينربط باسمي وييييييين .... وييييييين
فهد اللي قطع حكي رفيجه: اذكر الله يابو ناصر اذكر الله
بدر: والنعم بالله .... حتى نصووووور ما راح تكون ريم امه ...... اي حياه ابيها بعدج ياريييييييييييييم اي حياااااااااااااااااااااااااااااااااااااااااااااااا اااااااااااه

مر هاليووووووووووووووم والحزن خيم ع السكن فيه وتلته اياااااااااااام ادمر منه مر هالاسبوع واللي بعده وحال بدر يزداد سووووووووء حتى انه بدي يتجنب شوفه رييييييييييم ... هي مو فاهمه السبب والكل مو فاهم السبب الا فهد ومهاااااااااا... استغربوا ان مها تدري ... كانت جايبه الكوفي لفهد وسمعت اللي درا من كلام ساعتها بجت ع صاحبها ...... الاسابيع مرت والامتخاااااانات اعلنت الوصووووووووووول الاغلب اشتط واهتم بالدراسه ورما كل شي وراه الا بدر لان قرب الامتحات يعني ... نهايه حياته وبدايه رحله العذاااااااااب .......

مهااااااا: اووووووووووووووووووووووووووووووووووووووووووووووووو وووف ..... صج مابغينا نخلص واخيييييييييييييييييييرا افتكينا من هالامتحانااااااااااااااااات ... اخيرا بروووووح لدار بومشعل ياكثر ما وجشتني قطر ووحشوني الاهل والله
ريم وهي سارحه بفكرها عنده: اي والله صح صح
ساره وهي تضحك: اللي ماخذ بالج ....زز صج ينوتات ترى بعد 5 ايام النتاااايج وبعدها نقدر نسااااااااافر براحتنا
نوف: تقدرن تسافروووووووووون قبل عادي يصير
ريم: لا انا احاتي النتايج لان الدرجات دبل عندي
مها : ايــــــــــــــــــــــه الله يوفقكم وانا معااااااااااكم

الششبااااااااااااااب فالسكن بس بدر ما كان هناااااااااك كان عند البحر اللي قضى اغلب اخر اسابيعه هني.... يناجي البحر ويشكيله همه والبحر يخفف عنه ... فجأه وقف ولمعه فكره برااااااااااااسه.... اليوم يومي الاخير اليوم اللي بعده بيرحل ... بيترك مكان قضى فيه احلى الايام .... سنه كانت من اروع سنين عمره ... احلى الايام احلى العشق ... احلى الاحلام ... احلى الدموع في هالسنه انزلت احلى الافراح .... انرسمت ع شفاهه ....

للحين بدر يذكر يوم انه تكرم كأفضل طالب لهاي السنه ... كانت فرحته ساعتها ماتنوصف ... صعد ع المنصه وكله سحر وامل مايصدق انههو الطالب الافضل.... كان يصعد بيلقي كلمته... هو فضل انه يقولها بالانجليزي وانها تترجم بالعربي ... قال ان هذا حق من حقوقي ... والحلو فيه انه يوم التكريم صعد وهو محتفظ باحلى لبس واحلى زي بثياب الخليج ... كان بدر لابس ثوب أسود وشماغه احمر... والبخور والعود يفوح منه كان خليجي اصيل ... كفايه جسمه وطوله... كان يتكلم بكل طلاقه ... وكان وهو يتكلم يلاحظ احلى العيون تلاحظة... هالعيون اللي جننته... سحرته ... كانت الدافع الاول انه يتفوق ويكون افضل طالب بجدارة...

مرت هالذكرى على باله خلته يذرف من الدمع مكنونه.... صابه حزن كبير بس من بين دمعاته ... وبين حزنه وضيقه ابتسم... لما ذكر طاريها... كمل طريقه متوجهه للسكن قرر انه قبل لا يترك لازم يخلي لهم ذكرى حلوه عنه... مر المطعم وخذ لهم عشا وكيك .... وراح سريع للسكن ...

السكن حالته حااااااله من الزين .... الشيخه مها قالبه الدنيا الا تغير ديكور الصاله ... وغرفه الطعاااام ليش انها تبي ترجع وهي مرتاحه من المكان ... غيرت اللون وسوت الصاله كلها .... ورسمت ع الجدار رسومات تخبل ... وطبعا ريم ماقصرت من الديكور الحلو اللي حطته ... تغير المكااان صار لونه بيج والرسومات بالوردي والبنفسجي والسماوي والليموني ... وحطوا ثريات فيها كريستالات ملونه بنفس الالوان .... اما االاثاث فكان كل كورنر بلون ... وحطت قطع سجاد بالوان البيبي كلور ... والاكسسوريز كان خبال ... شكل الصاله تغير وحتى غرفه الطعام سوتها بنفس الالوان ... بس الطاوله كان بيج ... والمفارش ملونه يعني المكان صاير جنان ...

بدر اللي دش السكن ... بغى يرجع .. توقع انه دخل المكان الغلط ... ولا وصوت كان دايم هو سبب حبه وعذابه ... شقاه وهناااه

ريم: يابونااااصر .. حيااااك ليه رجعت.....؟؟؟؟
بدر... وهو مبهت في شكلها الحلو: هااا... او لا بس المكان متغير صاير جنان وووو... ( دخل الطابق وسدوا الباب بكل هدوووء) المكاان عجيب بصراحة ذوقكم وايد حلو ... وهااااكم هذا... (وهو يعطيها الاكل .. ويعطي مها الكيك)
ريم ومها مرة وحدة: شنـــــــو هذاااا.؟؟
بدر اللي ابتسم : ههههههههه ... بس عاد اليوم حبيت اني افرح وياكم ... ونحتفل بسبب انا خلصنا الجامعه ... (صارت ملامحه مثل السراب الحزن انرسم فيهاااااا ) قبل ما اسافر الفجر
ريم اللي الدمع تسابق لماقي عيونها: يالله مها خلينا نكمل شغلنا...

هدت بدر تركته مكاااانه بوسط الصاله مثل الطفل الضايع حس انه مقيد وان الحياه غدرت فيه... حس انه انظلم ... وامه اللي ظلمته .... مع كل هذا تبسم ...وحاول انه يغير مزاجه .... ودش ع ربعه اللي كانو بغرفه فهد.....

بدر: السلاااااااااااااااااااااااااااااااااااااااااااااا اااااااااااااااااااااام
نواف اللي قاعد يحلق فالحمام: وعليكم السلااااام
فهد وسعود: وعليك السلاااام
بدر: شبابووووو ... اليوم انا ناوي احتفل وياااكم ... قبل لا ارحل باجر العشى وجبته والكيك والبارد .... بس عليكم انكم تبدلون ثيابكم ووبس .....
الشباب استانسووووووووووووووو والكل راح يبدل ...

طلع بدر من الحجرة وراح للصاله مسك التلفون ودق ع الزر الموجود في قسم البناتتت...
بدر: الووووووووووووووووووووو
نوف: هلا والله
بدر: بالمهلي... تزهبوا اووووووووكي ورانا حفله حلوه اليوووم... خبري الصبايا كلهم ...
نوف: اوووووووووووووكي ... تامر يابو ناصر...يالله في حفظ الله
بدر: في وداعا اللة الرحمن

البناااااات بعد راحن يلبسن ويتزهبن.... طبع البناات يبيلهم وقت طووويل ع عكس الشبااااب ... اللي اولهم كان نواف... كان مخلي اللحيه خفيفه والشوراب مرتبين .... وكان لابس دشداشه كحليه ... وشماغ ابيض... ومتعطر وكاااشخ لابعد الحدود والشعر طولان وهو شوي ضعفان هالفتره فصااااااااار شكله يهوووووس .... اما بدر...فكان لابس دشداشه بيضه وشماغ احمر وشكلع صاير جنان لانه نحل عن قبل زووود والشعر صاير خبااااال .... وسعود اللي جسمه احلى من الحلا نفسه كان لابس دشداشه سودة بكبك ابيض وشماغ احمر وشكله صاير جنان ويهوس العقل ... اما فهد فكان المميز بينهم لبس وقتها ثوب اماراتي بطربوش ولونه كريمي وتسفر (تعصم)بشماغ بنفس اللون ... شكله كان طفووولي وحلو من قلب .....

اما الصبااااااااااااااايا فكانو حكااايه ثانيه الكل متزقرت اكثر من الثاني ... نوف كانت لابسه تنورة زيتيه مع بدي بيج مشكوك بزيتي وفوقهم توووب زيتي قصير ... ولابسه شيلتين اللي تحت بيج واللي فوقها زيتيه فيها تطريز بيج حلووو ... وحطت لها كحل زيتي ومسكرا وبلاشر ترابي وقلوس بيجي وطلع شكلها وايد هادي...... اما سارررره فكانت لابسه جلابيه واايد حلو شكلها لونها مشمشي ... وايدها قصتها فرنسيه وسيعه وفي مثل الخرز يتدلى من الاكمام ... وكان فيها مثل التطريز حول الصدر وعند الرقبه ... يعني شكلها جنان حيل ... التطريز كان بدرجات البني ... وكانت لابسه الكاب من تحت وفوقه شيله بنيه فيها تطريز مشمشي اما الميكب فكان هادي يبرز جمالها الذباح.... حطت اي شدو مشمشي وخطت بالكحل الاسود حول الاهداب... وحطت لها قلوس شفاف واكتفت بهذا القدر... اما مها فكانت لابه سماوي عباره عن قطعتين مثل اللبس الهندي وفيه تطريز بالبيج والبني ... كان عباره عن قميص طويل وبنطلون .... ايده هويله ... وشكله حلو ... وكانت لابسه الشيله الطقم مع البنجاااابي .... والميكب كان هندي بحت فيه سماوي وتراااابي ... وحطت لها كحل ازرق ومسكرا بعد وقلوز بيجي حلوووو.... اما الحلا ريمااني فكانت لابسه تنورة سودة وااسعه قصتها فرنسيه تتراقص مع تحركها... ومعاها قميص وردي من كليفن كلاين حلوو وفيه مثل ثلاث وردو عند الصدر باللون الوردي الهادي.... ولبست مع التنورة حزام وردي عباره عن ثلاث سلاسل متداخله ... فيها ورد نازل منها.. والشيله كانت سودة فيها تطريز وردي.... اليوم اول مرة ريم تلبس عدسه رماديه بينت بياضها الحلو وحطت لها مسكرا وشويه شدو وردي مع بلاشر وردي وقلوز وردي هاااادي ... البناااااااااااااااااااااات طلعوا للشباااااب اللي كانوا فالصاللللللللله



ياترررررررى كيف كانت حفلتهم؟؟؟؟؟؟؟؟؟؟
وهل الكل بيدري باللي صار لبدر؟؟؟؟
وشنو وقع الخبر ع الصباايا؟؟؟؟


انتظروا الباااااااارت12

[ZAINABI]

البااااااااارت (12)
الصاله كانت جناااااان وخبال فوق ماكانت عليه... غير الفاشن الفضيييييع والجديد الترتيب لفها والجمال حظنهاا... الالوان تنم عن الفرح الوردي لون الورد ... الاصفر الشمس واشعتها الخبااااال .... الازرق الراحة الامان والسما العاليه .... كل شي يوحي بالفرح .... كل شي يوحي بالضحكة المرسوممة ع الشفاه... اكيد لازم يكون هناك احتفال ... السنه مضت بلمح البصر حملت بين جنباتها احلى الايام .... احلى الحب واحلى الاحلام .... ومعاها ااقوى الالام ... الاحزان والجرااااح

مع هذا الفرح اللي لفهم حينها ...هالشخص قلبه كان كسيير.... وحزن لو طلع بيعدي كل الخطوط.... كان عايش باحلامه مثله مثل اي طفل صغير .... بين الحب والعشق والسرور... صار مثل الحزن الخطير .... انذبح بين دمعاته والامه ... ااااااه ياجرح ابتدى... اااه ياحزن الزمن جرح الالم ... اللوعه والحسرة ملت ايااامه نسته اروع واحلى احلامه مع ذا كله تناسا الجرح عاد للفرح من اجلهم ... ذولا الربع اللي قضا معاهم هالسنه الكامله بحلوها ومرها ... بفرحها وضرها بالامها واحلامها ... ابتسم لهم .. بس علشان يعيشهم في فرحة هو بعيد عنهاااا........

الصاله الكل فيهاا مرتبش والازعاج واصل حده فيه .... محد منهم ساكت الكل مخترش والجنون صابه ... نواف المهبل رايح يحط السي دي ف المسجل .. يابلفيت موسيقى رومانسيه هاديه تنفع للعشى... اما بدرفكان فالمطبخ يراكض ويا الكل علشان يبعد الحزن عنه

بدر: مهااااا ... شلي المقبلات صفيهم في هذااااك( كان يأشر على صحون كرستاليه بالوان الطيف تتناسب مع طاوله الطعام ) وخلي ريم جيب العصااااااير والبارد من الثلاجه ....

مها:ان شاء الله( تلفت لريم اللي الضحكة ماانرسمت ع شفاتها ابد) ريااااااااام شيليهم وحطيهم ع الطاوله وانا جايه وراج ... لحقي بدور راح يصف الاكل شكله بيعفس الدنيا وبيخرب ديكور الطاوله
ريم : لا يا عيوووووووني محد يخرب الطاوله انا تعبانه عليها .... تركض ورا بدر...بدوووووور ... بو نصووووووور ... خل عنك الله يخليك استريج منا منا
بدر اللي سوا نفسه معصب : هيي شعبالج ما اعرف اسوي شي وانتي بس الذكيه ( انرسم الاستغراب ع وجهه ريم من كلام بدر ... الللي اول ما شاف وجهها ضحك) ههههههههههههههههههههه ... صج مب قد الغشمرة .. واحلى شي هالمنا ... هههههههههههههههههههههه
ريم وهي تحذفه بالموسده ....( المخدة) ( الكوشنه) : انا اوريك يالطمبحله .... يازعم معصببب .. اقولل قووم الله يخليك قوووووووووم
سعود اللي لقط اخر الموقف جاي من مكانه مشتط: ههههههههههههه والله انكم خووووش نكته بصرااااحة تفطسوووون من الضحك .....
مهااا: يالله عاد ... بسررررررررعه الساعه استوت 11 خلونا نتعشى بدوور ما باجي شي عن روحته المطار لازم يكوون هناااااك الساعه 3 خلونا نقضي الوقت الباقي في شي غير الهواش....

الشله الحلووة سارت كلها مع بعض ... اتجهت لغرفه الطعاااااام وقعدوا فيهاااا .... كالعادة نواف ساير مثل الجرسون .... يستهبل من قلب ... حركاتهم هبله وعجيبه .... يعني تخبل اللي ما يتخبل .... ع الاكل فهد قعد يسووووووولف وياهم ويسوي لهم جو...

فهد: اويييييييلي اووووويلي اوووووووويل... بدروري ابني بيروح ... وقلبي بينكسر ... اويل حياتي دوونه اويلي اوووووويل..
نواف: بدروي رراح يساااافر ... ويتركني بليااااه ... اويلي اوووووويل... اول عيوني وانا امه دووووونه اويلي اويل...
سعود اللي يازعم معصب : انتو هييييييي ... لا كلا م ع طعااااااام ... اجا
نوف: بس يالله كملووووووا اكلكم ونرووووح للصاله نسولف قبل لا يروح بدر ... كملو الاكل بهدووووء والشباب قامو وراحوا الصاله والبنات تموا يشيلون اللي ع الطاوله .. ولحقوا الشباااااااب...

الساعه قربت من 12 ونص ... والوقت مضى ومابقى ع رحيل بدر الكثير بيودع احلى ايامه وبيودع اروع احلامه..... بس الصبر حلو والفرحه لازم ترتسم ع شفافه ... لازم يصبر لاجل حبه .... الصلاه شوي هاديه بس البدايه كانت جيييي.....

ساره: ريااااااام جيبي الكيكه من الثلاجه وانا بجيب الصحوووون ... بسرعه ..
ريم وهي تقوووووم : اوووجي يالله بتنرجع ...
اما اللي بالصاله وهم الهبايل ... نواف قاعد لهم يغني يابلفيت ان الصوت حلو .. : بدووري ابني وبالجامعه صااااار ....شنطااه اول درررس ... عاد انتو كملوا انا ما اعرف
الكل: هههههههههههههههههههههههههههههههههههههههههههههه
بدر: خاطري مره نوافو الرقله يعقل ولا بيعقل ابد .... هذا انت من يوم ما عرفتك والهبل عنصر اساسي فيك اعقل يبااااااااا اعقل العقل زين...
نواف: لاياحبيبي انا ما اقدرش ع زعلك .... خلاص انا حسكت ... ( ويحط يدينه ع ثمه)
بدر: صجججج بيوحشني هالجو بس نوافوا بيلحقني عقب اسبووووع... فهود ... سعوووود شرايكم تجونا قطر والله شييي...
مها: يههههه ... بنات الكويت تعالوا انتو بعد قطرررررر... ليش الشباب احسسن...
نواف : انتي يالبطاريه ... سكتي لو مب قزوم ما ادري شسويتي ...... والله حاله...
ريم اللي شاله الكيكه بيدينها: بسكم نجررررررة اذا تناجرتووو مابغني لكم لان اليوم فهد طالبني ... فسكتوا انا بغني لكم
سارة : يالله عاد بسسسسسس خلوها تغنيييي....
فهد : بقاااااطعكم دقيقه وحده .... ودي اهدي هالقصيده للغالي بو ناصر...
يا بدر يا اغلى شخص بذا العمر
يا شمعه هالبيت الصغير
يافرحه هالعمر المرير
يا احلى واغلى شي ن يصير
يا اهدى صوت بلا صرير
يابدر يافرحه ايام الزهر
يا غالي طاير مع الطيور
يا عابر عمري عبور
تكفى لا ترحل عني وتدور
ترى عمري كله ينفطر
الله يحفظك لي ولهم يابدر
ياعسى هالسكن يضمنا طول العمر
سلامن مني ومن الغالي العزيز
سلام من بو عبدالعزيز
ولك احلى التهاني من بو النيف
من صاحبك راعي احلى السواليف
ولك كل الود والاحترام
من نوف صاحبه اقل الكلام
ومن مها لك كل التحايا
ومن ريم الفلا ترسل اروع واجمل ضحكات
هذا سلام لك منا ونرسل اروع واجمل البوسااات

وسلااااامتكم

وتفضلي يالغلا غني لنا الحييييين..

ريم : هاي اهداء للجميع :

يالله ياقلبي تعبنا ااااااه تعبنا من الوقووووووف
مابقا بالليل نجمه ولا طيووور
يالله ياقلبي تعبنا ااااااه تعبنا من الوقووووووف
مابقا بالليل نجمه ولا طيووور
مادري باكر هالمدينه وش تكون
النهار والورد الاصفر والغصون
هذا وجهك يالمسافر لما كانت لي عيون
وينها عيونيك حبيبي
سافرت مثلك حبيبي
القطااااااااااااار وفاتنا القطار وفاتناااااا
والمساااافر راااااااح ... المسافر راح

الكل دمووووووعه انزلت ... سكايب تعلن قدووووووم وقت الرحيل ... الحزن عم المكان والهدووووء هو الدليل .... ريم تركت المكان بعد هالاغنيه وهي في حاله مايعلم بها الا الله... الحزن لفها والدموع خانتها ... راحت كل الافراح ... بدر حس انه غلطان بتسريعه لرحيله لكن مايقدر خلااااااااص ... اخذ جناطه ... وسلم ع الموجودين بالصاله اللي صارت حطام بعد ماتنسمع فيها رنه صوتها .... حزن ريم يتردد صداه امرار وامرار يتكرر مرة ومرتين وثلاث .... الكل حس فيها الكل انتبه لحبها الكبير بس الله يساعدها . ... هذا اللي قاله فهد في قلبه ... ومها بعدددددد....