قصتي الاولى احبك كلمه قليله بحقك قصه روعه

[روحـ الغـلا]

المشاركة الأساسية كتبها فيصل _السعوديه

يسلمووووووووووووووووووووووووو
هذي اول مشاركه لي.
وبصراحه بدون مجامله القصه مرررررره حلوه.
يعطيك ربي مليوووووون عافيه.
بس بليييييز لا تتأخري علينا.
واشكرك على القصه الحلوه.

الله يسلمك اخوي فيصل_السعوديه
تسلم
الله يعافيك
انشاء الله ما اتاخر عليكم وانزل لكم احلى جزء
العفو

تحياتي

[روحـ الغـلا]

[[ الجزء الخامس ]]

نزلو الشباب من السياره واتجهو للرجال وحاملين الاغراض معهم
عند الرجال
ابو ياسر : وينكم تاخرتو
ياسر : طيب روحنا لسوبر ماركت وبعدين روحنا لبيت وجبنا الاغراض الي تبيها
ابو فارس : خلاص جزاكم الله خير والله
الشباب : وياك يا عم
يوسف : عمي ابو احمد وين احمد وخالد
ابو احمد : مدري بس اخابرهم قاعدين على الاب توب يطقطقون عليه
الشباب : ههههههههههههههههههههه
فيصل : اجل اسمحو لنا بروح لهم
يوسف : واذا احتجتو شي نادونا
الرجال : انشاء الله
خرجو الشباب من عند الرجال متجهين لغرفة الجلوس حقت الرجال الي في الفلا
ياسر : الحقوني شباب وانا بروح اكلم جمانه واديها اغراضها
فيصل: يا عيني
فيصل : بالله قلها من فيصل ومن يوسف ومنك مو تقولها بس انت الي جبتها
ياسر : ليش ويطالعه بنظره خبيثه
فيصل : خلاص خلاص انسى الي قلته لك ولا تقولها شي
ياسر : اصلاً من قال اني بقول
فيصل : طيب يالله اقلب وجهك بسرعه
ياسر : على اي صفحه ههههههههههههااااااااي
فيصل : ههههاي تصدق توي اعرف انك خفيف دم
ياسر : ليش قالو لك دمي ثقيل
فيصل : مدري عنك كل واحد ادرى بدمه
يوسف : اذا دمك ثقيل كم وزنك
ياسر: ههههههههههه تستخف دمك هاا
يوسف : لا بس احاول
فيصل :اف يا هرجكم انتو ما يخلص يالله يوسف امش معي وانت روح لختك
ياسر : ههههههههه طيب
راح ياسر لاخته وطبعا يوسف وفيصل راحو لخالد واحمد في غرفة جلوس للرجال
دق ياسر على جمانه وقال لها تنزل تحت وتاخذ اغراضها
جمانه : كثر الله خير والله ما تقصر
ياسر : خيرنا وخيرك المهم ادي الكيس هذا رغد وسلمي لي عليها وقولي لها انا ياسر بس كان يمزح معك
جمانه : ههههههههههههههههه طيب خلاص يوصل
ياسر : مع السلامه
جمانه : يا هلا
رجعت جمانه للبنات وياسر دخل عند الشباب في المجلس وحصلهم على الاب توب
ياسر : ارفعو يديكم بسرعه والموس لا تحركونه
احمد : ليش انشاء الله
ياسر : كذا
جاء ياسر وشافهم يتكلمون بالمسن
ياسر : بريد مين ذا
احمد :بريدي
ياسر : وهذا الي تكلمه مين
احمد : صاحبي مهند ليش ؟
ياسر : بالله
احمد : والله
جاء ياسر جلس جنبهم وقعدو ينكدون على مهند
شوي تم تسجيل دخول " ولد ناس قلبي الماس"
خالد : احمد مين هذا
احمد : بالله ما تعرفه
خالد : لا والله ما اعرفه
احمد : طيب استنى الحين نكلمه واعرف من هرجه مين
خالد : طيب
ياسر : والله ولا انا ما اعرفه
يوسف : حتى انا خخخخخخخخخخ
احمد : اجل اصلاً هو الشخص مو موزع بريده بس معطيني اياه انا يا حرام تحزنون
ياسر : طيب يلا ابدى كلمه شكله مو ناوي يتكلم بالمره
احمد :اوكي
بدو المحادثه مع " ولد ناس وقلبي الماس "

الانسان قبل الحب (شي) وأثناء الحب (كل شي) وبعد الحب (لا شي)
سلاااااااااااااام
" ولد ناس وقلبي الماس"
هلا والله وغلا باحمد

الانسان قبل الحب (شي) وأثناء الحب (كل شي) وبعد الحب (لا شي)

كيفك ويش اخبارك

" ولد ناس وقلبي الماس "
الحمد الله والله تمااااااااااااام كيف حال ابوي واخواني وعيال اخوي

الانسان قبل الحب (شي) وأثناء الحب (كل شي) وبعد الحب (لا شي)
كلهم ما عليهم طيبين

ياسر : عزام وفارس مو كذا
احمد : اخيرا عرفتهم
يوسف : ليش ما ظافوني عندهم
احمد : ليش تسألني اسالهم

" ولد ناس وقلبي الماس "
انتو الين الحين بالمزرعه ما مشيتو

الانسان قبل الحب (شي) وأثناء الحب (كل شي) وبعد الحب (لا شي)
لا لسع منقهر ععشانك منرزع بامريكا انت ولد اخوك

" ولد ناس وقلبي الماس "
لا ليش انقهر بالعكس على الاقل لا جيت معي انا وفارس شهادة طب مو شهاداتكم ذي كل واحد اخس من الثاني

الانسان قبل الحب (شي) وأثناء الحب (كل شي) وبعد الحب (لا شي)
يا سلام يا سلام بدى شغل الغرور عندكم

" ولد ناس وقلبي الماس "
يالله يالله والله ماعندك مماعند جدتى ياله من غير مطرود ورونى عرض اكتافكم بقوم انام وراي اختبار بكره من جد ناس فاضيه

الانسان قبل الحب (شي) وأثناء الحب (كل شي) وبعد الحب (لا شي)
وقاعد لي على النت هااا طيب عند جدي والله لاقله انك على النت ما تذاكر

" ولد ناس وقلبي الماس "
قله احسن احم احم اصلا ياولد اخوي العزيز باباتى مايهاوشنى كفايه اني ولده اخر العنقود والمدلل

الانسان قبل الحب (شي) وأثناء الحب (كل شي) وبعد الحب (لا شي)
خخخخخخخخ ماكبرت لين اللحين طيب منت خايف يعني لو قلت له

"ولد ناس وقلبي الماس "
لا عادي لاني عارفك ما تسويها ولد اخوي اعرفك

الانسان قبل الحب (شي) وأثناء الحب (كل شي) وبعد الحب (لا شي)
ايه ايه الحين ولد اخوك هاا

"ولد ناس وقلبي الماس "
اصلا انت من اول ولد اخوي ولا انا غلطان

الانسان قبل الحب (شي) وأثناء الحب (كل شي) وبعد الحب (لا شي)
لا ما غلطة بالعكس اصلا لك الفخر اني ولد اخوك

" ولد ناس وقلبي الماس "
طيب طيب خلاص يالله مع السلامه وسلمي لي على الي عندك

الانسان قبل الحب (شي) وأثناء الحب (كل شي) وبعد الحب (لا شي)
اوكي وانت سلم لي على فارس وقله له انا مشتاقين له

" ولد ناس وقلبي الماس "
ان شاء الله مع السلامه

الانسان قبل الحب (شي) وأثناء الحب (كل شي) وبعد الحب (لا شي)
مع السلامه

سكر احمد من عزام وكمل هرجه هو والشباب مع مهند صاحب احمد
.............................
عند البنات
جمانه : بنات محد جاب معه الاب توب حقه والله مشتاقه لنت
رغد تستبله: اف جمانه تبي الاب توب وما اجيب وينه وينه يا ناس الاب توب جبته معي خصيصا لها وتهز دانه الي جنبها دانه قومي الله يفشلك دوري لها لاب توب ما تسمعينها تقلك طفشانه وتبيه
دانه: من وين اجيب لها
رغد تسوي نفسها معصبه : اقلك دبري
مي تستبله : انا معي
رغد : قومي قومي جيبيه بسرعه
مي : امزح ما معي
رغد :فايقين لمزحك انتي الثانيه الحين
والبنات ههههههههههههههههههههههههههههه على استبلاه رغد
رغد : بالله من وين اجيب لك الاب توب انتي الثانيه
جمانه : مدري عنك والله على بالي انا عندك
رغد : لو عندي ما رح اعطيك هو
جمانه : ليش ؟؟
رغد : كذا السالفه فيها عناد
جمانه : وجع
رنا : بنات ويش رايكم ننزل عند عماني تحتما دامهم يشون
احلام : والعيال وين طيب
رنا : وانا ويش يدريني
هديل : اجل لا تفلسفين علينا مره ثانيه وتقولين لنا يالله
رنا: انا بنزل والي يبي يلحقني
احلا م: يالله كلنا ننزل واذا فيه احد رجعنا
البنات : يالله
نزلو البنات وراحو للرجال الي كانو يشون طبعا على الزرع الي يطل على ديكور على شكل مسبح صغير وجنبه زرع

...................
عند الحريم
ام يوسف : امل متى بتجي
ام احمد : اليوم يقولون بتجي بالليل
ام خالد : الله يجيبها بالسلامه
الجميع : امين
ام فارس : جوزها مو ناقل الشرقيه بدل القعده بجده محد عندهاا
ام فيصل : ياليت والله بس خلاص ما اظن انه بينقل
ام ياسر : الله يعينها على الطفش والله محد عندها هناك بالمره
ام فارس : يالله خليها على الله نصيبها كاتب لها انها تعيش بجده
ام احمد : الله يعين والله
........................
عند الرجال كانو جالسين يشون اما الشباب لا كانو جالسين في غرفة الجلوس وعلى الاب توب على النت
....................
عند الرجال
ابو احمد : ابو فارس الله يعافيك قطع البصل
ابو فارس: مع اني ما احب اقطع البصل بس عشانك بقطعه
ابو احمد: هههههههههههههههههههه
الجد : ابو يوسف قم قم ما تعرف تشوي
ابو يوسف : انا ما اعرف اشوي
الجد : ايه من جنبها اثرك في الشوي
ابو يوسف : اخص عليك يا ابوي انا من جنبها في الشوي قول انك تبي تشوي وخلصنا
الجد : ولدي وفاهمني اعرفك
ابو يوسف: ههههههههههههههه
قام ابو يوسف وجلس الجد يشوي
جو البنات
احلام : احلى احلى احلى جدي يشوي يا سلام باخذ لك صوره
هديل : الصراحه خطير طالع وانت تشوي بس غريبه عمي ابو يوسف ما يشوي
ابو يوسف : والله كنت اشوي بس قومني قال بيشوي
رغد : لاااااااااااا الصراحه لازم نجيب الكمره واصورابوي وهو يقطع البصل
ابو فارس : تتريقين هاا لا تخليني اخليك تقطعينه
دانه :ياليت والله تقطعه من زمان ما قطعة بصل رغد
رغد : لا والله مني مقطعه لو ايش يصير
ابو احمد : ليش واقفين اجلسو
جلسو البنات وصبو لهم شاهي وجلسو ياكلون مكسرات وهرج مع عمانهم
شوي جو الشباب ما كانو يدرون انهم فيه البنات
لما جو البنات كل وحده ما تدري ايش تسوي وطشت نفسها في المسبح
وطرطشو المويه على الرجال والشباب الي كانو جاين
ابو فارس : لا احم ولا دستور جاين كذا
خالد : والله ما ندري انهم هنا
ابو احمد :طيب بسرعه ارجعو
رجعو الشباب وطبعنا البنات خرجو من المسبح وملابسهم اكيد مليانه مويه
ابو يوسف :وانتو ما عندكم حل الا انكم تطشون نفسكم بالمسبح
رنا : الخلعه والله ما ندري ايش نسوي مالقينا قدامنا غيره
ابو ياسر : طيب اطلعو غيرو ملابسكم لا تنصفقون ولا تنزلون لان العيال بيقعدون هناا
البنات : ان شاء الله
طلعو البنات
ابو احمد : عمار عمار
شوي وهو جاي عمار
عمار : نعم
ابو احمد : روح نادي اخوك وعيال عمك خلهم يجون
عمار: ابوي الحين مناديني ومسيب لعب الكوره على حساب اني انادي اخوي وعيال عماني طيب صفر وناديهم ولا اقولك حل احسن منه الجوال ليش مخترعينه ولا خايف من الفاتوره افااا ماتوقعت انك بخيل
ابو احمد بعصبيه : حسبي الله عليك من ولد روح نادهم بسرعه
عمار :روق يا ابوي لا تعصب يقولون العصبيه مي زينه ترى تطلع الشيب
ابو خالد : ليه ما تسمع الكلام يا عمار عيب
عمار : خلاص طيب الحين بروح
راح عمار ينادي العيال
دخل عليهم في المجلس وحصلهم يهرجون
عمار : حمااادتي حبيبي انتا
فيصل : لا يكون متزوج احمد وانا مدري اشوفك تدلعه
خالد : ايش حماادتي حبيبتي
عمااار : كيفي اخوي وابي ادلعه عندك مانع
خالد : طيب خلاص دلعه على كيفك مالنا شغل احنا ارتحت خلاص
عمار : ايه كذا تماام
احمد : نعم ايش تبي
عمار : الحين من اليوم مدلعك واخر شي ترد علي كذا [ويقلد صوت احمد ] نعم ايش تبي
الجميع : ههههههههههههههه
ياسر : احسسسسسسسسن لقط وجهك ما رد عليك عدل
فيصل : كسحه هههههههههههههههههه
عمار : احسن بس طلعت من فمه زي العسل
يوسف : يا عيني يا عيني ايش الكلام هذا
عمار : شوفتو كيف المهم ابوي يقولكم تعالو
احمد : والبنات
عمار : دخلو الفلا
احمد : اجل يالله شباب
خرجو الشباب طبعا متجهين عند الرجال
........................

[روحـ الغـلا]

عند الحريم البنات طبعا جالسين معهم البنات
هديل : امي
ام احمد : نعم
هديل : عمتي امل متى بتجي
ام احمد : ليش
هديل : كذا والله مشتاقين لامل
ام احمد : اليوم بتجي في الليل يعني كذا بعد المغرب انشاء الله
هديل : واااااااااااااااااو والله فله
احلام : الله يقطعها جوري والله لها وحشه الحيوانه
دانه : والله ما يصير حيوانه ولها وحشه
هديل : سبه ومدحه خخخخخخخخخخخخخخ
الحريم والبنات : ههههههههههههههههه
ام يوسف : بالمره مهي مركبه الجمله زين
احلام : يا ربي عاد انتو لازم ادققون على كل شي خلاص المهم انها لها وحشه
رغد : لا لا لا لا لازم تاخذين دروس في النحو ما يصير كذا بعدين تفشلينا
جماانه : وعععععععع اهي ما تصدق على الله تخلص المدرسه بكبرهاا تبين ترجعينها لها
ام فارس : ياليتكم عاد طلعتو بشي عدل والله اتحدى اذا المعلمه ما تشرح من هنا وانتو من هنا تهرجون
رنا : ايييييييييه عاد انتي يا خاله عارفه سوالفنا ما دام انك مدرسه [ على فكره ام فارس مدرسه علوم اجتماعيه ]
ام فارس : اكييييييييييد والله اني في الحصه البنات اقلهم فاهمين بس يهزون روسهم مثل الهنود وهم من جنبها اصلا
الجميع : ههههههههههههههههههههههههه
ام فيصل : زين والله علمتينا انا فيصل لا قلت له ذاكر يقول كل شي سهل سهل والحمد الله ماشي تمام بالكليه ولا جاء من اي امتحان لا قلنا له كيف قال 100 % كله صح الحمد الله ولا شوفنا التقدير وقلنا له كيف قال والله اكيد ملخبطين ولاانا متاكد انه تقديري ممتاز
الجميع : هههههههههههههههههههههههه
ام ياسر : اجل ليش الروحه والجيه كل يوم ما دام يدخلون المعلومات من اذن ولا خرجو من المدرسه يخرجونها من اذن
ام فارس : والله ما اقول الا يا خساره تعبي معهم ولا خلصه السنه ايام المراجعه يقولون لي محنا فاهمين
ام يوسف : الحين طول السنه رايحه جايه من صبحيه ربنا وسايبه بيتك واخر شي بدون فايده
ام فارس : بس لا والله بعض البنات زي كذا ولا بعضهم لا والله يعني ما عليهم مجتهدين
ام احمد : ما اقول الا الله يعينكم
رغد : حرام عليكم احنا محنا من هالفئه هذي حرام عليك يا امي تقولين عنا كذا بالعكس انا اذوني مفتحه مع المعلمه
جمانه : ايه صح باااااااااااين
ام فارس : خلاص عاد السنه الجايه اشواف النسبه واحكم
ام ياسر :انشاء الله يجيبون نسبه ترفع الراس
دانه: بس بالله لا تجيبون نسبه اعلى من نسبتي
مي : جيبو نسبه عاليه لكن مو احلى واعلى من نسبتي
رغد : لا حبيبتي انشاء الله بجيب نسبه ترفع الراس انتي وهي
دانه : احم احم يعني كم تبين النسبه
ام فارس : انشاء الله 99.99 والواحد ما ابيه
جماانه : كح كح كح
رغد : لا تكحكحين ان شاء الله اجيبها بعدين تعالي تحدي بيني وبينك من الي يجيب اعلى
ام ياسر : خلاص كلكم انشاء الله تجيبون نسبة زينه وربي يوفقكم
الجميع : امين
رغد: خلاص خلاص غيرو جو المدرسه تراكو زهقتونا
جمانه : المشكله تونا مخلصين منها لا زم يذكرونا فيها
احلام : والله احس ريحة المدرسه والكليه مفوحه بالمره ريحه كريها احسها
دانه : اجل ريحه حلوه
ام خالد : ما دامكم تبون تغيرون الجو حق المدرسه قومو بسرعه سوو قهوه على بال ما تستوي نكون متغدين خلاص
البنات : انشاء الله
قامو البنات ودخلو المطبخ يسون قهوه
جمانه : انا الصراحه بالمره مالي داعي اجلس هنا بالمطبخ لاني مااعرف اسوي قهوه فليش اجلس
هديل : حتى انا والله
..........................
عند الرجال
ابو ياسر : احمد
احمد : نعم
ابو ياسر : قوم غسل ذي الصياخ
احمد : عمي طيب قوم ولدك
ابو ياسر : لا انت ما اشتغلت من اليوم
ياسر : لقط وجهك
فيصل : حرام تحزن والله
خالد : عنك عنك احمد انا اغسلها
احمد : يالله خذ طيب
خالد : والله الولد ما صدق الله احد يقله اقلب وجهك عني بس
فيصل : محد متنازل ويغسلها لك بس ريح نفسك وقوم غسل
احمد : وهذا الي بسويه
قام احمد وغسل الصياخ واداهاا جده عشان يكمل الشوي
الجد : قوم يا ولد ودي الغداء هذا للحريم
ابو يوسف :اتصل على احد يجي ياخذه ولا بترسل احد يا ابوي يوديه
الجد : والي قدامك ذولي خلهم يودونه ويش شغلتهم
ابو يوسف : يالله قومو يا عيال ودو الغداء
قامو العيال وكل واحد اخذ له صحن مشوي وسلطات
......................
نرجع للبنات الي كانو بالمطبخ
هديل : اجل ليش نقعد هنا يا جمانه خويتي والله ما تعرفين تسوين شي جاهله بالطبخ حتى القهوه ماش ماتعرفين تسوينها
جمانه: افا عليك
احلام : ياليتها مخاويتك في شي زين
رنا : حسبي الله عليكم وحده في الكليه وحده بالثانوي والسنه الجايه اخر سنه وما تعرفون شي لا لا لا لازم نعطيكم كورس بالطبخ
جمانه : عاد انتي الي تعرفين تسوين
رنا : الصراحه لا
هديل : اجل اسكتي ولا تفلسفين علينا
رغد : حسبي الله عليكم لو واحد بكره دق على باب عماني ويبي وحده منكم وانتو اصلا ما تعرفون تسون شي بتذبحينه بااكل المطاااعم ولااقول يوم زفتكي الطباخه لازم تنزف معك
جمانه : طيب من قالك اصلا من زمااان مقرره انا وهديل نسوي كذا السواق من شمالنا والطباخه من يميننا
دانه : الله يفشلكم يا شيخات
عاد العيال كانو واقفين عند الباب ويتسمعون عليهم
عاد يوسف وهو عند الباب
يوسف : انا ارضى بحبيبتي بالي فيها من عيوب ولو كانت عيوب الدنيا كلها فيها
البنات كل وحده تطالع في الثانيه
رغد ما قدرت تمسك نفسها وتكلمت
رغد : وانتو من متى واقفين هنا
يوسف : من زماان ليش عندك مانع
احلام : ايش قلة الادب حقتكم هذي
دانه : قاعدين تسمعون هرجنا وذي قلة الادب والله
رغد : طيب اذا ما اخذنا حقنا وتشوفون
يوسف : نشوف
ياسر : يالله ادخلو بندخل العشاء
طلعو البنات لغرفتهم بسرعه بعد ما خلصو القهوه
ياسر : ويييييييييييييييه زعلو
يوسف : احسن والله هم الي تكلمو
فيصل : بس برضو وانت ليش تتكلم اصلا
يوسف : والله كذا ما مسكت نفسي وانطلق لساني
العيال : هههههههههههههههههههههههه
حطو العيال الغداء وخرجو
.........................
قراءه ممتعه

ولا تحرمونا من ردودكم وارئاكم

تحياتي

[فيصل _السعوديه]

يسلموووووووووووووو روحــ الغلا على البارت الرائع

تحياتي
@ فيصل_السعوديه@

[روحـ الغـلا]

المشاركة الأساسية كتبها فيصل _السعوديه

يسلموووووووووووووو روحــ الغلا على البارت الرائع

تحياتي
@ فيصل_السعوديه@

الله يسلمك

وشاكره لك مرورك اخو فيصل

تحياتي