عـودة للخلف   منتديات تعب قلبي > منتديات تعب قلبي للقصص والروايات > روايات تعب قلبي


شجرة الإعجاب4إعجاب

إضافة رد
 
أدوات الموضوع
قديم(ـة) 17-01-13, 05:42 AM   #81
> أشواقي بالوجدان بآقية <
 
صورة { هَمّسة دَلع ..✽ الرمزية
 
الدولة:
الافتراضي رد: رواية - خنقت الورد يا يمه وبيدي انكسر ذبلان


ويــنه آللـي لـآبغيت آنطق [ تعبـآن ] ضمنـي وقـآل ; حآس فييك
تركت بسام مع تاله ودخلت أشوف أخوي
شفته جالس ع الكنبة الطويلة ورجوله رافعها وحاط رجل ع رجل بتفكير
جلست بحضنه
ابتسم بمرارة لا تخافين ما عاد أقولك قومي يالدبة مثل أول ما بقى فيك شي
ضحكت بحب عبوودي حبيبي شفيك زعلان؟؟
عبدالله بحزن كسى عيونه
يمه في المستشفى وأبوي بالمحجر شلون ما تبيني أكون زعلان
قمت سحبت الكرسي الهزاز وجلست عليه
مقابلته
شديت ع يده
ما كان لي خاطر أسأل عنهم بس عشان خاطره والله لأسوي اللي أقدر عليه
: تعبتك كثير معي عبدالله
سحب يده وحضني لصدره
أنا ما لي غيرك في هالدنيا يا لتين حتى أهلي في طريق الموت ماشيين
لا تقول كذا الأعمار بيد الله يمكن يومي قبل يومهم
بعدني عنه بضيق فال الله ولا فالك
عم الصمت دقايق كل واحد فكره ونظره متشتت فيها
وبعدها
: أنا مضطر إني أخرج من البيت يا لتين
عقدت حواجبي باعتراض وين بتروح؟؟
ناظرني بقوة
أمي معها الملاريا ولازم أكون بقربها
نزلت عيوني قلبت الفكره براسي وناظرته
: خلي أمك تسكن هنا!!
عقد حواجبه وشوووو؟؟؟!!!
تنكتين والا تخففين دمك لتين ترا مو رايق
ركزت عيوني عليه وبداخلي أرجف
أنا ما أمزح الجناح الخلفي بيكون لها ما بيصير شي بإذن الله
وقف وهو يفصخ قميصه وأنا معترض وأمي ما تدخل لهالبيت لو على جثتي
ارتفع صوتي بحده
عبدالله أنا ما صدقت أكون قربك وأشوفك تبي تتركني مرا ثانية
غرقت عيوني مو كفايه بسام بيرجع تورينو وتاله راجعة بس جايه إجازة
وش أسوي ببيت بهالكبر؟؟
قرب مني وحضني بحنان مسح ع شعري
وبضعف
: والله صعبة يا حبيبتي فكري فيها
مسحت دموعي وأنا أدري إنه وجودها هنا معناه عذابي لكن لجل عين تكرم مدينة
أخوي ومستعده أتنازل عن أي شي بسبيل سعادته ووجوده بجنبي
بعدني بابتسامة اوكيه موافق بس بشرط
وأنا أحاول امسح دموعي لك اللي تبي
ابتسمي
ضحكت كذا يعجبك؟؟
كنت أضحك لأني سامعه صوت تاله تناديني وصوتها قرب وما تدري الظاهر إنه هنا عبدالله
أومأ براسه وفجأة عقد حواجبه
أول ما انفتح البيت
: إنتي كوي؟؟
"هنا"
همس يالييييل
حاست بوزها لتين إذا خلصتي تعالي أبييييك
وسكرت الباب وراها
ناظرته وهو ياخذ أشياءه يتحمم
وش بينك وبينها؟
عبدالله بهدوء اسأليها
ظليت أناظره وقبل لا يدخل الحمام لف علي
لا تناظريني كذا إنتي وعيونك تقول صقر سبحان الله ما تغيرت مع عوامل التعرية
تخصرت شقصدك؟؟
عبدالله باستهبال أقصد إنه كل شي تغير حتى قلبك
وغمز لي
يقصد بسام
ابتسمت بحب عساني ما أفقده
رمى عليّ علبة الشامبو انقلعي من قدامي
تلافيتها وأنا اضحك غيراان عادي الظاهر إنك قريب بتطيح
طنشني وهو يسكر الباب
سمعت صوت المويه طلعت وأنا أضحك
وقفت جولين
مدام لتين كل شي جاهز مثل ما طلبتي
تذكرت عدلت وقفتي إلورا وينه بسام
خرج قبل شوي
مشيت قدامها اتجهز وقلبي من الحين يدق معقولة بقوم بكره ما بلاقي بسام حاضنيّ..



خِلْ إلشـَعورٍ آللـُي تحـُس بهٍ على جنبَ
و أسكَتٍ ولآ كَـلمة لآنـيً . . [كَـرهتكً )

دخلت المجلس حطيت البخور فيه
تأففت وأنا ارفع شعري لفوق كله
: وقته يجي هالضيف الحين
دق جوالي
طلعته ورديت أول ما شفت اسم بدور
: آهليين
:................................
تمام الحمدلله
:.................................
أبوي جاي عنده ضيف الحين ما أعتقد ماما تقدر تخرج
:................................
ناظرت الساعة إنتي في شي ناويه تشتريه معين
آوكيه أكلم بابا وأرد عليك
:.................................
ناظرت الأرض بتفكير ماجد!!
صار له يومين ما كلمني وما يرد ما أدري وش فيه لكن خالتي ليلى قالت إنه تمام
بدور بسرعة بديهة وليكون قلتي لها إنه ما يكلمك
لا لا بس جسيت نبضها
خافت ع أختها ودوم ليكون قلتي له شي زعلتيه أدري فيك
وديم بتوتر خرج صوتها كئيب لا والله ما سويت له شي
ماجد عيوني اللي أشوف فيها شلون تبيني أأذيه
أجل وش اللي صاير يمكن مشغول؟؟
سرحت بمكانها يمكن؟؟!
آوكيه لا تنسي تردين علي عشان عادل يوصلنا قبل لا يروح لاصحابه
آوكيه
دخلت الجوال بتنورتي الجينز القصيرة ولفيت بطلع
صدمت بشي
شقهت وأنا ارجع ع ورى
مسكني من زندي
: بسم الله عليك
ناظرته بصدمة ياليتني طالبة الجنة
بعد شعري القصير وطبع بوسة ع كتفي العاري
: اشتقت لك واللي نحت هالخصر
ونغزني بخصري
عدلت وقفتي بعتاب
وين كنت هاليومين مختفي عني؟؟
ضمني من خصري له
أتغلى
تعلقت فيه بدلع مااااااااجد قول الصدق
ابتسم وهو مستمتع بدلعها
كنت اممم
تابعته بعيونها اييييه
كنت بالـ.. هذاك
وديم بقهر وشو هذاك وش يطلع؟؟
ههههههههه كنت مشغول مع بسام في بعض الأمور على طول يكلمني فيها
تدرين صاحبه
تخصرت وهي تبعد عنه لاااااا وبسام يخليك تتجاهلني يومين
أدق عليك ما ترد أرسل لك رسايل ما تجاوبني
عيونها غرقت
: باختصار جننتني وبالأخير يطلع بسام الـ...
حط اصبعه ع فمها اشش ما شغلني عنك لكن والله جوالي انسرق وما طلعت الشريحه إلا أمس وانشغلت معاه بعد
تنهد والله لو تدرين اللي هو فيه ترحميه
الشرر يتطاير من عيوني من جد يقهر صرخت من بين أسناني انزين خلي زفتان ينفعك
وبعصبية خرجت
ظل واقف مكانه دقايق يستوعب
ياشين الزعل بين الأحباب
طلع بيخرج شافها جالسة في المدخل ع الكنبة العريضة
راح لها بإحراج
وديم حياتي
سكرت إذنها اسكت ولا كلمة لأني بجد كرهتك!
انصدم وهو يشوف دموعها والكلمة اللي قالتها قوية
غطت وجهها وشهقت بالبكا
كان خارج أبو سامر ناظرهم باستغراب
وبين الجد والمزح كأنها قرصة إذن ناظر ماجد
أفا مزعل شمعة البيت وحبيبة أبوها
ماجد بربكة ما عليك يا عمي ترجع تلاقيها تضحك هو مجرد سوء تفاهم
أبو سامر بنظرة أتمنى!
تركهم
وديم بخبث عجبها موقف أبوها زادت المعيار حبتين
وقفت لو سمحت لا تكلمني يومين بريح أعصابي
ماجد مسكها
: وديم إنتي من جدك شهالحركات؟؟!
بعدت يده إذا تركتني عشان بسام معناها هو الأهم في حياتك وإلا أنا نسيت إنه ماخذ حب مراهقتك
عشان كذا ملازمه
رمى عليها نظرة احتقار وترك لها البيت بكبره!!
ثمة كلمات نرسلها وكأننا نرسل سهما من مخبأه !
فلنتخير تلك السهام..



‎سـأظّل اَطل مَنّ شُبَاك أشتَيٌاقي لحَيينٌ عَـودٌتكٌ ~
ثبتته بإتقان وعفويه ع شعرها
تركتها وابتعدت لورى
مدت يدها سالي عطيني البروفومو
" العطر"
لتين بهدوء وخوف يجتاح قلبها كأنها تبغا الوقت يطول وما تمر اللحظة اللي تنتظرها
: حطي ريد بيربري يحبه بسام
جات تبخ ع رقبتها
وقفتها بصرخة لااااااا
تاله نزلته بتعقيدة فجعتيني يا زفت
لتين بضحكة توتر لا تبخي ع جسمي حطي ع الفستان
تاله بنغزة واثقة يعني؟؟
لتين بإحراج سحبته من يدها أقول جيبي ما تنعطين وجه
تاله بسخرية ليه خدودك محمره طيب
أعطت العطر للخادمة بعد ما بخت لأنك وقحة عرفتي ليه
وبعجرفة مشت من قدامها
تاله بحب انتبهي بس لا تطيحين
طنشتها ودخلت الممر جهة اليسار
وقفت عند الباب
....هنا
ينتظرني
رحلته ما بقى لها إلا ساعتين
مسكت مقبض الباب
انفتح
حطيت يدي ع قلبي برعشة
ابتسم وهو يناظرها من فوق لتحت
وبرقة مسك يدها ودخلها
وبخفة قفل الباب برجوله
غرفة واسعة يغلب عليها الخشب والحجر بطرازه الفيكتوري الراقي
برودة الغرفة وارتفاع سقفها يبعث الهيبة بالنفس
ريحة عطرها سبقتها
صوت الكعب الدقيق ع الأرض الرخامية أصدر إيقاع خاص مليء بالإغراء في هالجو الحميمي
تأملها وكأنه يحفر صورتها بمخيلته
يشبع نظره فيها ولو إنه النفس طماعة
لكن يمكن يكفيه لأنه مدة بُعده طويلة
ثوب فرنسي بكتوف ظاهرة وخصر مشدود وجبون ينفخه تبين قصره
بفتحة عنق مربعه كبيرة
إكليل من الورد الطبيعي بلون ثوبها الوردي والذهبي يزين شعرها الكستنائي
بغجريته اللي أعشقها
قربها له
ضمت يدينها لصدرها وراسها مرفوع له
ابتسم وهو يمسك ذقنها
همس وعطره ينعش النفس ويهزها
: أحببتك يوما ولا زلت!
أرخت جفنها وأهدابها ترف كأنها طير صياد أربكه
رفع راسها
: بنت خالد الخالد دايما راسها مرفوع
تأكدي يا لتين إنك هنا في عز عزك وكرامتك
أنا مضطر إني أسافر عشان دراستي مع إنه قدامنا مشوار والقصة ما انتهت
ميل راسه يناظرها أنا دايما عندك
رفع أصابعها
الخاتم الألماسي بلون الجبل اللي يشهد ع عشقهم يزين اصبعها الممشوق
قبله وتركها
فتح قلاب قميصه
وخرج سلسلة كان محتفظ فيها
حوط رقبتها بيدينه
.
.
وأرخت راسها ع صدره....


*
*
*
يقول ستاندال [ إذا أحب رجل امرأة سقاها من كأس حنانه ]
نهاية الجزء السابع والثلاثون
{ هَمّسة دَلع ..✽ غير متصل   الرد باقتباس
قديم(ـة) 17-01-13, 05:49 AM   #82
> أشواقي بالوجدان بآقية <
 
صورة { هَمّسة دَلع ..✽ الرمزية
 
الدولة:
الافتراضي رد: رواية - خنقت الورد يا يمه وبيدي انكسر ذبلان

بسم الله الرحمن الرحيم
الجزء الثامن والثلاثون
تَتَنَفَّس أَيَّامِي بَقَايَا عِطْر الْرَّحِيْل
وَتَرْتَوِي مِن زُجَاجَات الإشْتِيَاق فَمَاذَا تَتَوَقَّع مِنْهَا أَن تَكُوْن؟




!!.. أنا لست مغروره , بقدر إعتزازي { .. بذاتي , هكذا علمتني " حياتي "

رفعت شعري المسشور لفوق وثبتته
عدلت القميص السكري والكارافيتا العسلية فوقه
ناظرت وجهي
ابتسمت
ميك آب صباحي هادي بنفس الوقت يثبت إني عروس!!
اليوم برجع للجامعة
لتين المتزوجة من بسام
بعد ما كنت لتين اللي عايشه عند عمها بعز لدرجة إنه عندها بادي قارد خاص فيها وهو [بسام] !!
دق جوالي بنغمة هادية
رفعته وأنا أعطي التسريحه ظهري
بصوت ما عاد مثل ما أفكره بارد
راكز له ترنيمه خاصة يحرك الكثير فيني
: صباح الورد للورد
ابتسمت صباحك سكر حبيبي
: ها شلون أول يوم في الجامعة
تنهدت ما أدري لسى ما رحت بس قايمه من الساعة ثلاث مو قادره أنام
عشان الجامعة؟؟
ناظرت السقف أمنع دموعي
: مو متعودة أروح بدون البادي قارد تبعي
ضحك بخفوت حياتي البادي قارد صار أقرب الحين صار بقلبك أول كان ما يدل طريقه حتى
تلألأت عيوني فديتك بسام والله فاقدتك في كل مكان أحس بوجودك
كلامها زاد تعبه تعبين من غير شي متلبك بدونها
لتين لا تخليني أكره نفسي زيادة
شفـ...
دق الباب
ناظرت الساعة هذي شكلها تاله بتروح معي
بسام بحنان آوكيه حبي مثل ما قلت لك لا يكسرك شي وتأكدي دايما القمم العاليه
تضايقها السحب
ابتسمت بشوق أنا و أنت القمم والناس السحب
بالضبط..
فتحت الباب وأنا أقفل منه
ناظرتني تاله سكوزا زودتها بالدق لكن المفروض الحين نطلع
لتين تاخذ شنطتها والعباية
لا عادي تقولين سهى قايمه؟؟
تاله وفي بالها موال
صار لنا يومين مو شايفين خلقتها خليها تولي
لاحظتي إني أنا بذكرك في موعد جامعتك!!
ضحكت وأنا اتحجب يللا
قفلت غرفتي بالمفتاح
وناظرت الخادمة سوليا خبري ماتيا اليوم لا تسوي غدا واللستة اللي عطيتك هي خليها جاهزة
مشيت معها
تاله باستغراب ليه؟؟
لفيت عليها ووقفت يمكن أنا اطبخ مشتهيه ارجع اطبخ بنفسي ويمكن نتغدا برا
بعدين لحظة مستوعبه إنتي وش لابسه
تاله تناظر البالطو حقها وش فيك؟؟
تكتف بالبيجامة وكاسة الموية بيده أقول لتين شلون مدخلة الأجانب ع الجامعة مسموح؟؟
رفعت حاجب بخزة سكر أزرارك بالأول بعدين تكلم
ابتسم ابتسامة جانبية ليه أغريتك لا سمح الله؟؟
تاله بشهقة وشووو؟؟ ما بقى إلا إنت تغريني
عبدالله بصدمة ليه؟؟
ميلت راسها بتفكير وهي تعد ع أصابعها
دفش ومغرور ومعصقل ووو
عقد حواجبه اييه نسينا عايشه بين براميل أربعه وعشرين ساعة طفح كمل بابتسامة ثقة طبيعي ما تعجبك أشكالي..
بغيض شدت ع شنطتها تدري انه دمك ثقيل على هالصباح
لتين بعد مدة سكوت لاااا يا شيخه إنتي وهو أحسن شدو شعور بعض
عبد الله بلا مبالاة مدري عنها غاثتني من الصبح أعوذ بالله
وعطاهم ظهره ماشي
تاله بذهول وغيض تناظرها وتأشر عليه شفتي!!
ابتسمت لتين وهي تعطيها المفتاح طنشيه خذي روحي البسي وحده من عباياتي أنا انتظرك بالسيارة
تاله بعصبيه ما ابي
لتين بدت تتنرفز معها تاله إنتي في السعودية ما يصير تطلعين ببالطو
ناظرتها ببراءة ماحد بيشوفني
زفرت اللهم طولك يا رووح
ابتسمت اوكيه روحي انتي وأنا بلحقك



كل ما في البلاد ينطق [ أين أنتِ] ؟ بما فيهم قلب أدمنك!

ناظر الطاولة بدون نفس
: داد إنت وماما من الحين بقولكم بكره ما بروح السكولو
" المدرسة"
يلدا وهي تحط السلطة قدام بدر ليه حبيبي وش عندك؟؟
شرب من العصير بس لأنه حالة البيت لا تحتمل
بدر بابتسامة وش تبي توصل له راكان
ناظرهم بزهق
لتين وتاله ما في
بسام ما يجلس معنا إلا بالليل وأنا أنام
وإنت وأمي بس اللي أشوفكم
حتى ميرا زهقت وصارت تظل مع ميري لحالها
ناظر لين وطبعا بنتك الموقرة شكلها يوحي بحياتها
كملت عشاها من غير لا ترد عليه
بدر وهو ياكل
أنا معك والله البيت صاير روتين واحد شرايكم نطلع رحلة وإلا مكان
راكان بغيض الحين هذا اللي طلع معك
ضحكت يلدا افهمها بدر حبيبي عاطيك هالمحاضرة خاطره يروح الخبر
آهاا لا ما تقدر الحين خليها في الإجازة الجايه
راكان بقهر داد الإجازة مطوله شهر لين تجي
يلدا تناظره حست إنه في سبب يخليه يأجل السفرة ليكون فيهم شي تاله ولتين
بدر بجدية لتين توها ترجع للجامعة لازم تثبت نفسها فيها بعدين أم عبدالله في بيتهم ومريضة
لين بهدوء عسى الإجازة ما تجي إلا وهي فاكتهم منها للأبد
يلدا معها آميين الله يسمع منك والله ما رحمت أحد بفعايلها
بدر فكونا من سيرتها ربي يجازي كل واحد بغعايله
مسح فمه بالمنديل وهو يبعد الكرسي
: الحمدلله
يلدا بحب بالعافيه يا قلبي
بدر بابتسامة الله يعافيك حبيبتي
راكان يحط يده ع خده اييه الحين خرجوا عن الموضوع وبدوا أسطورة الحب اليومية
ضحكت لين ع خزة بدر لراكان اللي ابتسم ابتسامة عريضة
: الله يهنيكم بس عن الحسد
وقف بدر مع يلدا إنت انتبه ع دراستك ويصير خير ع السفر
بعد ما طلع مع زوجته
ناظر أخته لين!!
حركت الملعقة بالشوربة هممم
هز راسه بحماس شرايك نطلع أنا وإنتي كم يوم ع روما عند خالي
عطته نظرة بارده تعبر عن مدى سخف الفكرة وقامت
ضرب الطاولة بقهر عائلة البرود من أولهم لآخرهم أعوذ بالله
استوعب بس أنا مو من ضمنهم أكيد!!




! مَازَالّ الحَنِين يَربِتُ عَلى كَتِفيّ بالإحتِسَاب صَبراً
وقف بابتسامة يعني بكره أقدر أرجع
سلطان المدير المبتعث أومأ براسه أكيد كابتن طلال هنا الشغل ماشي تمام وما احنا بحاجة لوجودك البضايع وصلت
توسعت ابتسامته بعدين سمعت إنك معرس جديد مبروك
ناظره الله يبارك فيك
صافحه وهو يوقف كابتن طلال على فكرة سمعتك لهنا واصلة مشاء الله
طلال بثقته المعتادة من طيب أصلك تسلم
ميل راسه بلباقة عندك شي الليلة
ناظر الساعة ع الجدار لا
آوكيه ينفع تقبل عزيمتي ع العشا
ضحك طلال والله عرض لا يفوت ومعك بعد أكيد
خلاص أجل اتفقنا مطعم نيويورك بجادة 3




مآهيّ حكآيةّ إنتْ رآبحّ و خسرآنّ
أو هيّ حكآيةّ . . { يآ أبيك وُ تبينيّ
المسألةّ | رُوحين | فيّ دآخٍلّ إنْسَآنّ
شفتك رحـلت
وُ . . شفتّ رُوحكّ فيّ عينيّ

دقت الباب بخفة
: وديم يمه مو رايحه الجامعة
غطت وجهها بالبطانية وطلع صوتها مبحوح لا يمه
فتحت الباب بخوف
وديم وش فيه صوتك حبيبتي
غرقت عيونها لا يمه بس أحس بتعب شوي
وقفت عند راسها دقايق باستغراب وطلعت
تقلبت في السرير والدموع ما جفت تحرق خدودها
ضيعت ماجد ويمكن للأبد!!
من يوم ما طلع جواله مقفل شهقت أنا الحماره حذرني ورجعت فتحت نفس الموضوع
ناظرت صورته ع الجدار ودموعها تنزل وتغبش الرؤيا عندها
وقفت فجأة وهي تمسح دموعها
فتحت الدولاب أخذت أول بنطلون وبلوزة قدامها
سحبت الشنطة وهي تعدل شكلها
حطت النظارة الشمسية وطلعت
وقفت أم سامر وديم ؟!!
نزلت راسها قلت أروح الجامعة أتنشط..
بس يمه مو تعبانة افطري عشان أعطيك بنادول
حركت يدها وهي تطلع مو مشتهيه واللي يعافيك
هزت راسها وهي تضرب كفوفها ببعض الله يستر وش صاير معها....


وآلشوق
يستوطن ضلوعي..،

حرك المرسام بيده
تكتف
نظره للشاشة والعرض اللي عليها
وباله خرج من الكلاس ومن تورينو وايطاليا كلها
تنهد وهو يقوم اعتذر من الدكتور وطلع
مشى بحرم الجامعة بشرود
تسند ع السور يناظر الرايح والجاي
وقفت جنبه بابتسامة وهي تضربه ع كتفه تشاو بسام كومي ستاي؟؟
"أهلا، كيف حالك"
عطاها نظرة
: الحركة اللي تو سويتيها لو انعادت يدك ما بترجع سليمة
مالت بدلع ولوو شو بناا شو بك ما لك رايئ
لف وجهه عنها وهو يبعد بزهق
لحقته بسااام
وقف وبنترة خيييير نعم ست نتاليا وش صاير؟؟
ناظرته باحباط كنت بدي اشرب فنجان آهوة معك
مسحها بنظرة احتقار ومن متى بيننا فناجين وقهاوي مشاء الله
واجد مصدقه نفسك
ناظرته وهو يبعد بقهر يالطييف شو راسو ييبس
مال بوقفته ع باب سيارته الحمرا
مسح عليها وهو يطلع السيجارة
ارتسم ع وجهه شبح ابتسامة هالسيارة كانت تهلوس فيها لتين
شافت المتلثم راكبها وكل ما شافتها بالبيت تحاول تتذكر لمين؟؟
سحب نفس خفيف من السيجارة
طفى لهيبها بعجز جزمته
وفتح باب السيارة
إلى اللا مكان..




قلبي معك [ يحلق إلى مدينة العشاق...
ناظرت نفسي بالمرايا الطويلة بالحمام
يا ربيييي فشيييله والله ماني طالعه
دق الباب برقة
: جموون
وبنغمة جـــوجــو
آآآآآآه ياويلي ببكي والله
وافي بابتسامة جمانة !!
قطعت خدودها بحيا وافييي بليييز ارحمني ما ابي البسه
ضحك بغمض عيوني وانتي ادخلي المويه على طول ماني شايف شي
صرخت بحماس أجل بلبس المايوه حقي مو هالشي اللي تبيني البسه لااااااا
ناظر الجدار والله المسافة مو طويلة تعلق بالباب وناظرها من فوق شرايك اطلعك بنفسي
صرخت وهي تحط المنشفة عليها
وااااااااااااافي
مد يده ههههههههه يللا أو افتحي الباب
لا مفر خذت نفس وهي تفتح الباب
صفر وهو يشوفها فديييت زوجتي والله
ناظرته بالشورت وخدودها محمره مسحت جبينها انزين لا تطالع
بحركة فاجأتها شالها ع ذراعه
يرميها بمسبح الهوتيل اللي حجزه عشانها
يستمتع فيه معها بالحلال
وفي أحلى من الحلال....؟!
{ هَمّسة دَلع ..✽ غير متصل   الرد باقتباس
قديم(ـة) 17-01-13, 05:52 AM   #83
> أشواقي بالوجدان بآقية <
 
صورة { هَمّسة دَلع ..✽ الرمزية
 
الدولة:
الافتراضي رد: رواية - خنقت الورد يا يمه وبيدي انكسر ذبلان

صباح بنكهة لقاء تلوثه [ الطباشير]
جامعة الملك فيصل// 8:30
همس البنات يتعالى
ونظراتهم تحكي
أنا وأنا متعودة بالشوو فاشون على نظرات العالم ارتبكت أجل كيف لتين يا حياتي
شديت ع يدها تونا
ابتسمت وهي تلف علي تالولا
كشرت مالت عليك
هههههههه أجل وش تونا هذي
بعدت خصل شعرها الأشقر عن عيونها ملاحظة إنه الكل يناظرك
لتين بابتسامة ثقة أدري واسمعي الإشاعات الحين
لفت نظرها ع المبنى وين ربى بشوفها
لتين تناظر جوالها قالت لي إنها بالطريق
وبنص الساحة بالضبط مكان وقفتهم
قربت بنت بستايل رسمي بيدها وردة مخملية
ابتسمت مدام لتين
لتين بملامح جامدة ايه نعم
قدمت لها الوردة هذي من السيد بسام وصايه لك
تشنجت يدي ما لحقت أتناسى فقده أرجع ألقاه
تاله بفرحه توتااا حياتي خذيها
أخذتها بهدوء
: شكرا
هزت راسها وراحت
ضميتها لصدري وأنا اشمها
فتحت عيوني لقيتها قدامي
ضمتني وهي تصرخ وحشتيني يا دوبااااااا
بكيت وأنا اضمها ما توحشك العافيه ربووه خنقتينييي
ههههههههه تستاهلين صار لي فتره ما شفتك بعد ذيك المره وأخيرا سافر بسام
اخفت الضحكة وهي تأشر ع تاله هذي تلوو أخت بسام
ربى تسلم عليها واااو كثير حكت لي عنك لتين
تاله بابتسامة لااا من حقها لتين أربع وعشرين ساعة تمدح فيك بيلا وواضح إنك حبوبه
لتين تترجم بتلقائية قصدها حلوه
ابتسمت بإحراج يسلموو يا قلبي من ذوقك
لتين بفرحة وهي تشد ع الوردة ووينها ودووم
: وديم ما هي بجايه اليوم مدري وش عندها تقول تعبانة
آهاا
دقايق
اختفت ملامح لتين واللي معها من الجنس الناعم اللي أقبل يسلم عليها
البعض محبة والآخر فضول
ويمكن الحسد في بعض القلوب آخذ أكبر نصيب...!



عَفْوَا سَأَقُوْل لَك أَخِيِرَا إِلَى هُنَا وَيَكْفِي فَقَد تَنَازَلْت لَك كَثِيْرَا وَأَثْبَتَت الْأَيَّام أنَّك لَا تَسْتَحِق
بعدت الغطا عن وجهها أول ما دخلت وين مدام ليلى؟
الخادمة in her room
:Is Mr. Majid went to work?
no, in his room too

شديت ع يدي وأنا أطلع الدرج بخطوات محسوبة
وقفت عند غرفته البعيده عن جناح خالتي ليلى وعمي عمر
خذيت نفس ودقيت الباب
للحظة حسيت إني صرت أجبن مخلوقة ما أدري ليه خايفه منه ويمكن من ردة فعله أكثر
ما جاني رد !
يمكن نايم
وبجرأة فتحت الباب وانفتح معي بسهولة
كانت الغرفة فاضيه
سكرت الباب وراي وأنا أخلي الحجاب ع كتوفي
يمكن بالدوام بس سيارته برا واقفه
ارتخت أعصابي يوم طلع فجأة من الحمام لاف المنشفة ع خصره
طاحت قطرة مويه من شعره وثبت بمكانه يوم شافها
شبكت يدينها ببعض بربكة ماجد... أنـ...
قاطعني بنظرة تمنيت أموت قبل لا أشوفها بعينه بيوم حسيت بمدى الجرح اللي تسببت له فيه
أدري بيظل أثره طول العمر منحوت
: لا تزيدينها ووريني مقفاك
غمضت عيوني ودموعي نزلت غصب عني
والله أنا آسفة ماجد ما بتسمعها مني مرا ثانية
فتح الدولاب يطلع ثيابه
بداخله حبها يزداد مع كل نظرة منه لها لكن مستحيل تمشي الحياة معهم دامها بتظل تذكره بنزوة بحياته كانت وانتهت
مسحت دموعها بحرقة أنا ندمانة صدقني
لف عليها وهو يثبت المنشفة ويرمي ثيابه ع السرير
: هم بعد أنا آسف إذا قلت لك حياتي معك صعيبة
وديم
إنتي طالـ..
صرخت فيه لاااااااااا لا تقولها
طاحت الشنطة ع الأرض وهي تبكي وتروح له
دخيلك ماجد لا تعذبني والله ما أقدر أعيش من دونك
بلع ريقه وهو يناظرها بألم
هزته من يدينه مـــاجد..
قربها منه بلحظة ضعف
بالوقت اللي انفتح الباب بعد دقتين ودخل صوت ليلى
: ماجد ما بتـ... آوووه عفوا معليش
ناظر ملامحها أول ما تقفل الباب
: إنتي مجنونة أنا ما اسمح لنفسي أخون خويي قبل لا أخونك
تلألأت عيونها وهي تهز راسها ببكى لا تطـ...لقني
ضمها لصدره غبيــــة
مستحيل أتخلى عنك
ما أقدر رغم إنك غبية وهبلة وطايشة وو
ضحكت من بين دموعها ادعي علي بالموت أو سمني بس دخيلك لا تفارقني
ابتسم بسم الله عليك
ضربته ع صدره كنت بموت تدري؟؟
رفع حاجب حابه تظلي كثير معي وأنا بهالحاله
استوعبت إنه مو لابس
بعدت عنه وهي تشيل شنطتها
مع السلامة
ماجد هههههههههه أكيد ليلى راح تفكيرها بعيد
فتحت الباب ياااااااويلي جبتيه لنفسك يا وديم




دخلت البيت قبل لتين اللي قاعده تكلم ربى ساعة بالتلفون ما كأنها تو شايفتها بالجامعة
اففف حر مووت
وأنا داخلة طنشت الخادمة اللي فاتحه لي الباب العريض ولفيت ع الملحق حق سهووه الكلـ###
خاطري اتحرش بأحد خاصة انه الزفت هذاك في جامعته مدري شلون خلوه يكمل الترم اللي سحب عليه عشان لتين
فتحت الباب
كان المكان شرح ووسيع وديكوره هادي وبسيط
على بالهم بيحسنوا نفسيتها لأنها تعبانة
مااااااامي
صرخت بداخلي يوم شفتها بوجهي متخصرة وبحده
: خييير
سكنهم مساكنهم هذي وش مصحيها أعوذ بالله ما كأنها مريضه
كشرت بوجهي وأحد يشوف الخير وهو شايفك
تكتفت إنتي وش جايه تسوين هنا والا تعالي مين انتي بالأساس
ضحكت بغنج سكوزا ما بعد اعرفك على نفسي أنا أخت بساااااام
وبنغزة أقصد بنت خالة لتين
انخطف وجهها وش جابك هنا؟؟
ملت بمشيتي وكأني ع خشبة العرض وأنا اسحب العباية معي وابعد البكلة بدلع عن شعري
ما بعد تشوفين شي جيت خصوصي عشان أرد اللي صار ببنت خالتي
ابتسمت بسخرية قبل لا ألف الأيام بيننا
صقعت فيه بقوة أول ما لفيت
جلست بالأرض وأنا ماسكة وجهي بألم
بغيت أبكي الضربة جات ع أنفي
رفعت راسي شفته يناظرني بصمت
عبدالله!!
ليكون سمعني بس
مد يده وقومني
سهى بفحيحها عبووود!
نفضت يدي منه وطلعت من غير ولا كلمة
ناظر أمه ها يمه محتاجه شي؟ تغديتي؟؟
زفرت بضيق أنا مو مرتاحة لهالبنت
جلس ع الكنبة وش جابها عندك؟؟
ما حبت تقوله شي امم جات تقول إنهم تغدوا برا
عبدالله بشرود آهاا
جلست جنبه بتعب و شفيك؟؟
ناظرها وهو يقوم ولاشي




تعبت أبدل دمعتي بـ ابتسامات
وتعبت أرددّ بـ المصيبات :-
" عادي " !

سكرت الملف وهي تلف الكرسي عليه تفضل أخ فيصل
جلس وهو يعدل شماغه بتوتر زاد فضلك
الدكتورة مهرة بتعقيدة ممكن أعرف شلون تزوجت المدام لمار؟
بانت الدهشة والاستنكار ع ملامحه شلون؟؟!
زفرت تحاليلكم متخالفة هذا يدل إنه المفروض ما يتم زواج بينكم كيف صار ممكن أعرف
فيصل بحده لا مو ممكن ! إنتي هنا ملزمه بشغلك وما لك دخل بهالأمور الخاصة
الدكتورة بوجوم وإذا قلت لك إنه مدام لمار بحالة خطرة
ارتخت ملامحه بفجعة وش فيها يعني؟؟
: حالة زوجتك خطيرة هذا يعني إنها لازم من اليوم هذا إلى ولادتها ما تتحرك عن السرير
رفعت حاجب لا مطبخ ولا طلعة من البيت بجد أخ فيصل إذا ناوي زوجتك تظل معك اسمع نصيحتي ما تتحرك عن السرير حتى الحمام الله يكرمك لازم يكون معها أحد
يمكن هي ما تحس بتعب في الشهور الثلاثة المتقدمة لكن حتى لو ما حست فيه بيكون خطر عليها
وقف انزين شلون ؟؟ كيف الخطر بالضبط
أشرت له ارتاح ما يحتاج تتوتر أي توتر منك بينتقل لها
آنا آسفة إذا كانت الحقايق مره وصعبة لكن هذا عمل يديك
حملها فوق إنه خطير ع الجنين اللي ممكن يموت أو يكون مشوه ولادتها بتكون قيصرية
صفر وجهه وبدت أطرافه تبرد وترجف دلالة ارتفاع السكر
تجاهل شعوره بالتعب ومسح شفاهه بلسانه يرطبها
: الطب متقدم وما طلعت النتايج متخالفة إلا وأكيد إنه ما بينكم توافق وبيصير اللي صار شلون تسوي حركة مثل كذا حملها منك خطأ فادح
مسك جبينه وبألم خلاص كافي يكـ...
تهاوى قدامها ع الأرض
ضحية سكري!!



السكوت / أوسع .. لآ ضاق الحكي

قدمت لها كوب القهوة وهي تجلس ع السجادة الأرضية جنبها
شربت منه وهي تناظر المدفآة بشرود
مسحت ع كتفها نجد حبيبتي تكلمي قولي أسمعك
ما ردت عليها
ظلت تناظر وتناظر
بداخلها أشلاء
صورة لتين ودموعها عليها
بكاها
يوم عرسها
ورجعت فيها الأيام باليوم اللي تركتها فيه قطعة لحم ما بعد تقسى
غمضت عيونها وطاحت دمعه مالحة ملحت قهوتها المره بمرارة شعورها
سحبت الكوب منها وهي تضمها حياتي ما يصير كذا
شدت على أختها وهي تشهق
جيهان أنا تركت بنتي في أقسى حالة كانت تحتاجني فيها
فتحت كفوفها شوفيني مو قادره أرجعها لحضني
راحت
بكت بحرقة راااحت من يديني
جيهان ودموعها تنزل وتخفيها ما راحت لسى الدنيا قدامك يا نجد أكيد بتسامحك
ما سامحت بسام هي !
مسحت وجهها المحمر أنا أمها يا جيهان أمها
جيهان بتأثر نجد لا تبكيني معاك هي تدري إنك مسحوره مو بيدك تركتيها
سندت راسها ع رجولها بحالة صمت غشتها
مسحت ع شعرها نجد
عيونها الغرقانة كانت ترد وتعبر عن مدى الألم اللي يسكنها ويموتها باللحظة ألف مره...




عندما التقت عيناي عيناك لأول مره أدركت حينها أنك ستشقيني!



هناك !
إحدى الحانات!
مسح ع صورتها برقة
رص ع أسنانه بقوة من حانة لحانة ومن مرقص لغيره
مو قادر ينساها
ضرب الطاولة الزجاجية بقوة
ولأنه محل للنبيذ راقي انتشر الصوت في المكان " هالأماكن ما عمرها كانت راقيه لكن كجو يغلب عليه الهدوء التام"
وكالعادة التف عليه الموجودين
ضغط ع راسه بألم
جلست جنبه مديرة أعماله السابقة
رودي!
صرخ بوجهها بالعربي حتى ما تفهم
: يلعنــــــك ! حلي عني شوي
بعدت عنه بفجعة
ترك المكان وطلع
وبلحظة من لحظات تهوره المعتاده غنى بباله موال
رفع الجوال.............


عـيــنآكِ رفُ خميلةٍ خضـراءَ من أرض التمني
لتين تتحمم والخدم مشغولين بتجهيز الحفل اللي قررت تسويه لتين ببيتها بعد يومين
ناظرت الحديقة برا من الشباك ابتسمت
والله كأني جالسه في العصور الأولية
حجر البيت وحدايده كلها تعطي انطباع أثري
واااو شفت عبدالله واقف يكلم تلفون
احمم عدلت حجابي ع شعري ونزلت البلوزة الطويلة نوعا ما شوي وطلعت
مدري ليه ؟
سويت إني قاعده أشم الورود واتفرج عليهم
لاحظت إنه سكر تلفونه
وخطواته قربت
وقف وراي
لفيت على طول
حسيت بشي غريب بداخلي
يعني مدري في شي مو طبيعي عبدالله نظراته متغيره
نزل راسه قريب مني ورفع عيونه لي
: وش ناويه بالضبط؟
بعدت على ورى باستغراب
ناظرني من فوق لتحت
ما فهمت شفيه ما ادري ليه خفت منه على نفسي
ابتسم ابتسامة جانبية ودخل
رفعت حاجب
: الحمدلله والشكر الله يثبتني بعقلي بس




بعضهم يخلقون من حولنا ذرآت من “جمآل” نتنفسها حتى بغيآبهم

سحب لها الكرسي تفضلي
جلست بتوتر خاطري أعرف ليه أصر علي أجي
راكان بابتسامة بندر مو ناوي تروح لأختك يعني وإلا ما عجبك إنها طلعت لك من تحت الأرض
بسام بنظرة حاسب ع كلامك
بندر يضحك خليك منه خله ياخذ راحته اييه راكون وش تقول
راكان بثقة أجل وين كانت يا أخ بسام
ابتسم بحب في مثل يقول إذا كنت قمر فيجب أن تختفي
آهاا سبحان الله
ضحكت لين وشاركها بندر بضحكته المتناغمه
تمنى بداخله إنها تكون معاه بهاللحظة
وقف الجرسون
: سي سنيوري
" نعم، سيدي"
بندر اممم ليدي فيرست ها لين خاطرك بوشو اليوم
استحت منه مع إنها متعوده عليه بس صار له فترة مقطوع عنهم عشان مهمة لتين
اللي أوكلها له بسام
: امم مشتهيه بحري
ميل راسه برقة باستا؟
هزت راسها بحيا لا
إلورا شرايك بسام أطلب تشكيلة بحري ع ذوق لين اليوم بما إنكم كلكم تحبون البحري
بسام وافقه وهو يحط ذراعه ع كتف لين ويحوطها
راكان بعد الطلب
ناظره بندورا وش شعورك لو كنت خال أو عم
ضحك بندورا حلوه
والله عم ما بكون بس خال ممكن بس خلني أحس بطعم الأخوة أول
وناظر بسام
شتت نظره بسام لأنه ما قد تخيل يكون أب تفكيره منحصر بسعادة لتين
انتبه ع جملة راكان اللي القاها بمرح
: ليه ما قالت لك تاله إنه لتين حامل!!
ابتسمت لين وهي تنتظر تأكيد بسام ديتشي سول سيريو!
" هل أنت جاد! "
بندر أفا يالرمه مخبي عني
عدل جلسته بسام بهدوءه المعتاد وما ظهر عليه ردة فعل واضحه
تاله خبرتك بهالشي؟؟ متى؟؟!

*
*
*
يقول جبران [ إن الحب يهبط على المرأة في لحظة سكون ، مملوءة بالشك والإعجاب ]
نهاية الجزء الثامن والثلاثون
{ هَمّسة دَلع ..✽ غير متصل   الرد باقتباس
قديم(ـة) 17-01-13, 05:55 AM   #84
> أشواقي بالوجدان بآقية <
 
صورة { هَمّسة دَلع ..✽ الرمزية
 
الدولة:
الافتراضي رد: رواية - خنقت الورد يا يمه وبيدي انكسر ذبلان

بسم الله الرحمن الرحيم
الجزء التاسع والثلاثون
لَا زِلْت أَحِن لِلْأَمْس الْجَمِيْل وَتِلْك الْلَّيَالِي الْطَّاهِرَة وَالْحُب الْعَفِيْف



أَلَيْس الْرَّجُل هو
مِن حَطْم كُل أُنْثَى طَاهِرِه وَجَعَلَهَا كَطَيْف سَائِر حَزِيِن يَبْحَث عَن الْوَطَن ؟


انتبه ع جملة راكان اللي القاها بمرح
: ليه ما قالت لك تاله إنه لتين حامل!!
ابتسمت لين وهي تنتظر تأكيد بسام ديتشي سول سيرو!
" هل أنت جاد؟ "
بندر أفا يالرمه مخبي عني
عدل جلسته بسام بهدوءه المعتاد وما ظهر عليه أي ردة فعل واضحه
تاله خبرتك بهالشي؟؟ متى؟؟!

حك راسه كأنه يتذكر وابتسم ابتسامة عريضة
: مجرد دعابة
خزه بنظرة بارده وقام أنا بطلع شوي لين يجي العشا
بندر بضحكة خذ راحتك
لين تناظر أخوها خليتني أفرح ع الفاضي
راكان بنشوة والله قلت نسوي أكشن شوي بدل الجمود اللي عايشين فيه
بندر بلطف وش مسويه بدراستك لين؟
ابتسمت بكآبة باقي شهر وأتخرج
هز راسه مشاء الله تبارك الله على كذا أكيد صار حفل تخرجكم صح؟
تشتت تفكيرها لا الأسبوع الجاي
يللا ع البركة إن شاء الله عقبال الدكتوراه
الله يبارك فيك
راكان بضيق تخيل ما بتحضر حفل تخرجها
بندر بصدمة يناظر في الإثنين ووجه السؤال لها جد؟
اضطربت وحاولت ما توضح إنها متوتره لا بس ما تعجبني أجواء الاحتفالات وما أحبها
رفع حاجب باستغراب بس هذا مو أي حفل حفلك إنتِ!
بلعت ريقها وهي تلعب بميدالية الشنظة المنسدلة بيصير شي لو ما رحت؟!
صعقها جوابه يوم ناظرها بقوة بتروحين أكيد يا لين وأنا أول الحاضرين
راكان بتفاجؤ واااااااااو والله إنك يا بندر رهيييب
حسيت بربكة تسري بجسدي
سبب تخلفي عن الحفل هو طيف سطام اللي لاحقني بكل مكان
عقد حواجبه بحزم وش قلتي؟
ابتسمت دامك بتجي أكيد ليه لا....!



مـآ صاَبنيْ مَنْ " غم " عَسـأه يخطي كـُ . . ., ' ] ..
بعد الشرشف الأبيض وسحب شماغه من الطاولة
وقفته لو سمحت أخ فيـ....
قاطعها بعصبية ماني بحاجة لمستشفيات تحط دكاترة متخلفين أمثالك
ما انتظر ردها وخرج متوجه لبيت أهل لمار بيت خالته
يده تنمد لتلفونه وترجع
وينك يا طلال ؟
إنت الوحيد اللي تفهمها وهي طايره
تعرفني أكثر من نفسي
سند راسه ع السييت بتعب
جواله يدق ويدق بإلحاح
لمار خايفه صار له ساعتين من طلع من البيت
خاف عليها لا تتوتر ويأثر عليها
رد بحنان
: هلا غناتي
لمار بتنهيدة الحمدلله إنك بخير حبيبي
ابتسم بألم طول ما إنتي بخير بكون طيب
دمعت عيونها فيصل إنت وينك؟ فيك شي صح؟
ابتسم لا حياتي أنا بالطريق جاي الحين وبمرح هاا بننام بغرفتك العزابية من اليوم ههههه
لمار وقلبها ناغزها اوكيه حياتي لا تسرع أنا بنتظرك
قفل منها وهو يمشي بأبطأ ما عنده وكأنه ما يبغا يوصل كل ما ناظر عينها وأخذها بأحضانه بيتذكر إنه هو السبب لو صار فيها شي بيوم من الأيام وتأذت
همس بأمل يااا رب يا رحيم ارحمني برحمتك..!



على فكره ~ لما أفكر إنك تفكر إني ما أفكر فيك !!
هذه فكره]
تخليني أفكر إنك تفكر فيني

تتبعت الشمع اللي يحف المسبح بأناقة متوهج يضيء المكان
انعكس خيال ملون ع المويه
ركزت بالصورة وتأكدت إنها هي
رجعت بخفة ورى الشجر وتسندت ع ركبي أتأملها
فيها سحر ينسيني عاداتي ومبادئي وللأسف ديني
يشدني أتأمل تفاصيل تفاصيلها
رافعه يدينها للسما
شعرها الذهبي منسدل يحيوية ع كتوفها العاريه
وفستانها العودي فوق ما إنه قصير قصر زيادة مع رفعة يدينها
ارخيت سمعي لها
: يا رب يتأخر الشوو الشهر الجاي وأظل مع لتين ياااا رب
يا رب تشفي خالتي نجد وتجمعها مع بنتها
انقطعت عن دعواتها الرقيقة وهي ترفع تلفونها بغطا بلون عيونها الخضر
وبنعومتها المعتادة
: آلوو تشاو بندر
انشدت أعصابي بندر! بينهم تليفونات!
صفيت ذهني أسمع لها بتركيز
: يعني أمك الحين عند ميا نونا
: من عيوني الحلوين
: ههههه يسلمو .... أنا بكلم لتين بكرا لأنه اليوم عندها ضيوف
: إلورا بندر لا تشيل هم
: آرفيدرتشي
" مع السلامة "
رجعت الجوال للطاولة قربها وكملت الدعوة
: نسيت يا ربييي أهم شي يااااارب عبدالله أخو لتين يتركني بحالي
أرخت هدب عينها ببراءة وهي تناظر أظافرها لأني طفشت من تجريحاته
تنهدت بعمق وابتسمت ابتسامة سعادة صافية
وخلصت
أخذت الجوال ولفت راجعة للبيت
تميت مدة جالس بمكاني استرجع دعواتها وآخر دعوة لها بالذات
يعني أنا على بالها وإلا ما كان دعت هالدعوة الصادقة
ضحك بخفوت وهو يقوم وينفض بنطلونه
مزيج غريب هالأنثى!



علمتني دنيتي{ أكتِم } غرامي وإن لقيت إنسان بايعني , أبيعه !!
وعلمتني كيف . . أحوّل / إنهزامي
لأنتصاري . . . وآتحايل عـ الخديعه !
مهما أعطي للـ زَهَر كل إهتمامي ما يفتِّح , غير . . . في موسم ربيعه
علمتني كيف " تتساقط " أسامي
وعلمتني كيف أبقى بـ .. الطليعه
علمتني أمشي و آطالع . . . أمامي طيحة الشاطر . . تجي دايم سريعه


أشرت لشريفه بنرفزة
شريفه خبري الخدم أي وحد شكلها مشبوه فيه لا يدخلونها
همست لها ربى
وش جابها هذي؟؟
لتين واقفه ترحب بالداخلين من بين أسنانها الحين أشوف وش ناويه عليه هي والزفت اللي معها
شريفه باحترام مدام لتين مشاعل وندى اذا تذكرينهم دخلوا اعذريني ما كنت واقفه
أومأت براسها إذا طلبت منك يخرجوهم على طول أعطيهم خبر
بطاعة أبشري
استغربت ببالي شلون عرفت شريفه مشاعل وندى!؟
قربت وديم بيدها كاس العصير
لتين بفرحة آهلييين ودوم كيفك؟
وديم بابتسامة تمام شلونك إنتي من طول الغيبة جاب الغنايم مشاءالله
ضحكت لتين شوفة عينك ترا المويه سايبه من تحتي ما أدري عن شي بس الدنيا كذا كل شي يمشي فيها
ربى بابتسامة وهي تناظر صورة بسام ولتين بزواجهم كبيرة بكبر الجدار
لتين تنغزها وين رحتي رب رب
لفت عليها ربى يازينها منك وربي غير
ضمتها بحب فديتك وربي وحشتيني
وديم بضحكة يعني بالنهاية ظفرتي بالبادي قارد المملوح يا لتين
لتين تضحك بحالميه حبيبي ما في مثله
ربى تأشر ع الصورة شوفي كل وحده تدخل توقف عندها تتأملها
وقفت عندها مشاعل
مسحتها من فوق لتحت بقذارة ورفعت جوالها حطته جنبها
اممم لايقين لبعض
ربى يوم شافت بجوالها صورة بسام استغربت
بعدت يدها لتين بابتسامة ثقة
: ما نحتاج شهادتك
ضحكت بسخرية مثل ما كان مع غيرك يكون معك
وناولتها الجوال وصورة بسام فيه
طنشت الجوال و برقة وبعبارة وحده سكتتها
: زوجي عنده بارات برا وكل يوم بحضن وحده
توسعت ابتسامتها بنظرة مع هذا كله ما بتركه لأشكالك
مشاعل بصدمة وهي تناظر بندى اللي دخلت
أشرت للخدم ظفوها
أول ما خرجت
انزوت بأول غرفة قرب الصالة الكبيرة
جلست ع الكنبة تاخذ نفس
ربى تحط يدها ع كتفها
سحبت نفس عميق ووقفت امشي نطلع
وديم مصدومه ومبهورة بنفس الوقت من قوة شخصيتها
ربى لتين لا تطلعين إذا حاسه بتعب
ابتسمت لتين لا تخافين ربى أنا واثقة بزوجي وأثق بحبه أكثر
تعرفين وساختها جايبه صورته من أي مكان
كأنها قرصة إذن لوديم الواقفه من وهم زعلت ماجد شلون لو شافت صورته بجوال غريبة!
ابتسمت لها الله يجملك بعقلك يا لتين
ابتسمت عادي ودوووم ترا بسام نظيف لا تصدقين اللي قلته
ربى ايييه ما أحلاه يكون مثل ما قلتي والله ما أخليك عنده
ضحكت لتين حبووو بسومي حياتي واااحشني
رفعت حاجب وديم شرايك تفارقينا لضيوفك لتين؟؟
ربى ولتين هههههههههههه
يللا



لا ما تغير أبد ولا شي مثل ما إنتِ تظلي حقيرة!
: خير خييييير وين داخله حضرة جنابك
سهى وقدام هالإنسانة تنمحي شخصيتها المتسلطة إنتي وش دخلك أظن البيت مو بيتك
زفرت بضيق ارجعي مكان ما جيتي يكون أحسن
طنشتها بتدخل من البوابة الداخليه
تاله وما تبغا تلفت الأنظار طلعت الجوال من جيبها ودقت عليه
راحت ع طرف
رديت ع الرقم الغريب وأنا بين أصحابي توني واصل لهم
: هلا
جاني صوت أنثوي صاعق
ما فهمت شي اللهم جملة وحده
: تعال شوف أمك قبل لا أتصرف بنفسي
رديت باستغراب
: مين إنتي!؟
صرخت أنا تاله الزفت خلصني تعال خذها بتفضحنا عند الناس ناويه تتمشكل لتين مو فاضيه لها
تدرون والله ما استوعبت ولا حرف من كلامها
هي جملة
" أنا تاله الزفت " ترن بإذني
نزلت التلفون اللي انقفل وقمت
سامر يأشر لي ويييين عبببووود فيصل الحين جاي
هزيت راسي راجع مشوار بسيط بس
طلعت بسرعه للبيت
والليييل يا أمي ما أدري متى بتنتهي هالمشاكل..!



قمة التحدي أن تعشق من ليس لك!
غطى عيونه الوسيعة بالنظارة السودا
فتح باب السيارة
السايق Sostenitore, Mr.moa'ayad chiesto di te..
" سيدي، السيد مؤيد يسأل عنك.. "
قاطعه بحركة لا مبالاة Gli ho detto che ho viaggiato
" أخبره أني سافرت "
نزل من السيارة وبيده شنطة وحيده متجه لمستقبله
مو مهتم
ضارب كل معارفه بعرض الجدار
اللي يصير يصير
ياما غنيت إنه الحب فوق كل شي
واللي يحب ما يوقفه لا مبدأ ولا أخلاق!!!!!!!




على طاولة الطعام
يمتد عليها أشهى الأصناف وأفخرها
الهدوء عام المكان
4 شخصيات تلتف حولها
الحياة ماخذه من خاطر كل واحد فيهم
وقفت الخادمة بيدها التلفون
سكوزا سنيورا رويدا تلفونو
ردت بضجر تي هو ديتو لا فولتا ديل شيبو نون فوجيلو بارلاري كان آن..!
" أخبرتك وقت الطعام لا أريد التحدث مع أي شخص "
انصرفت بطاعة
زفرت الجدة وهي تمسح فمها
غياب تاله فاجأني وناقصنا عارضة شكلي بستقدم وحده تحل مكانها بالشو الجاي
بندر وهو ياكل ليه نونا خذي خالتي جيهان تتوجب معك
جيهان بنظرة أنا مسؤولة عن شو الإكسسواريز مالي دخل بالفاشيون نفسه
ابتسم بندر بداخله
المشكلة سنها مو لايق عليه كل هالدلع!
ناظر أمه وصفر جبتها خذي أمي والله يا نونا راح تغطي حتى على أصغر عارضة
ضحكت رويدا أخاف عليها من العين
ابتسمت بحب لولدها وتركت الملعقة بأناقة الحمدلله
حزن على أمه المنكسرة يمـــه
فاجأته بسؤالها
: ما وافق أبوك ع الطلاق
ناظرها لمدة وهز راسه بلا
ارتخت ملامحها بسرحان
: شلونها توتا تكلمك؟
أخذ كاسة المويه لا، تدرين ما بعد تتأقلم على كوني أخوها
قامت من السفرة من غير ما تزيد حرف واحد
رويدا تضرب كفوفها لا حول ولا قوة إلا بالله
بنتي حرام تعيش هالعيشة
بعد الكرسي بندر وهو يحط رجل ع رجل
اليوم بشوف أبوي وبتكلم معاه
جيهان بتنهيدة اففف من يومي آيوديو
" أكرهه"
ثبت نظره ع طبق الكانيلوني من غير لا يرد
" بعض الأحيان في الصمت حكمة "
{ هَمّسة دَلع ..✽ غير متصل   الرد باقتباس
قديم(ـة) 17-01-13, 05:59 AM   #85
> أشواقي بالوجدان بآقية <
 
صورة { هَمّسة دَلع ..✽ الرمزية
 
الدولة:
الافتراضي رد: رواية - خنقت الورد يا يمه وبيدي انكسر ذبلان


صْبر [ جميلّ ] . . واللهَ المستعَا ا ا ا ن
نادتني شريفه مسؤولة الخدم العجوز
مدام تاله المدام لتين مشغوله بس شكله في مشكلة بجناح السيد عبدالله
نسيت إني كلمته مع الحفل والدي جيه والرقص ما خطر ببالي إنه ممكن يكون جا
هزيت راسي إلورا
أخذت وحده من العبي المعلقة بالغرفة الخاصة بعبايات الحضور ولبستها
فوق فستاني لفيت الطرحه
وطلعت يوم قربت من الجناح
سمعت نبرة عبدالله الحاده
شكله من جد معصب
أحسسسسن تستاهل عجوز جهنم جا الوقت اللي أوقفها فيه عند حدها
دقيت الباب برقة
فتحه بقوة
انفجعت منه يوم صارخ بوجهي وعيونه محمره نعــــم
مو قادر يصرخ على أمه يطلع حرته فيني يا سلاام
رفعت حاجب الله لا ينعم على ابليسك كلمني زين وش دخلني في امك إذا بتطلع بلاويها قدام العالم وتكمل الناقص
سحبها له ومن بين أسنانه شوفي يا بنت الناس اطلعي من راسي يكون أحسن فاهمه
وبفحيح أرجفها راح تندمين مدامك بديتي اللعبة
دفها عنه وهو يرقع الباب وراه
مسكت نفسي لا أطيح مع إنه دفته قويه ومع الكعب ما كانت بتجي سليمة
كنت واقفه مذهولة منه مو متخيله إنه تجرأ وسوا هالحركة معي
دريت إنه عبدالله معصب وتاله مختفيه قمت جيت وأنا جايه
شفتهم قراب من بعض
أنا مو فاهمه السالفة بس مستحيل يكون عبدالله قاصد شي وتاله صحيح فالتها بس بعيني ما توقعتها تسوي حركة تقلل مقامها
وقفت عندها شفتها تمسح ع خدها بسرحان
: تاله !
لفت علي بفجعة
عقدت حواجبي وش جايه تسوين هنا؟؟
بلعت ريقها أنا كـ..ـنت زفرت وهي تغطي وجهها وتبكي من قلب
خفت عليها تاله خبريني وش صاير عبدالله سوا لك شي؟
هزت راسها وهي تبكي لا بس تعبانة بروح أنام
وتركتني وهي تجري ع البيت
زادت حيرتي
جيت بدخل لعبدالله سمعت صوت نهيق سهى قمت رجعت لحفلتي
والصباح رباح أعرف من الاثنين كل السالفة



[.............]
كنت مجهزة الشنط كلها
شقتنا فضت بعد ما كانت مليانة ببساطة
آخر شي سويته كويت ثياب وافي اللي بيلبسها بعد شوي
رحلتنا للسعودية بعد ثلاث ساعات
خلاص برجع للخبر وأهلي
فديت بابا وماما وحشوني
دخلت المطبخ أسوي لي كوب نسكافيه يدفيني لأنه المطر قوي برا
وافي ما بعد يرجع طلع يجيب كم شي موصيته عليهم الست داليا
حركت السكر بالنسكافيه
وطلعت أتأمل الدنيا برا من شباك الصالة الطويل
مو مبين شي غير زخات المطر بكل مكان
الناس تحمل مظلاتها وتمشي كأنهم متعودين على هالحال
سبحان الله المطر نعمة غالية من ربي
تذكرت يوم كان ينزل المطر وننزل مع عمو طلال وعيال أعمامي نلعب تحته
ابتسمت ع الطاري كان طلال مجبر ينزلنا عشان جدتي وإلا هو ما يحب يوسخ نفسه أهم شي الأناقة في الحياة
ربى غيرته وإلا لا؟؟ يمكن بكل الشي إلا المظهر والغرور ما تقدر عليه فيهم
حسيت بشي مبلل حوطني
اهتز الكوب بيدي أرخيت نفسي بين يدينه وانتشر الدفا بكل ما فيني
: حبيبي لا تمرض كلك مويه
همس لي أنا داخل أتحمم
انتظريني بالغرفة
تركني وطلع
دخلت وراه ع الغرفة ما لقيته
لكن لقيت ع السرير
علبة كبيرة مغلفة بالوردي
وعليها كارد
سمعت صوت الرعد شديت عليه وأنا أتأمل حروفه
شِفّتْ { المِطَرْ
`.¸¸ شِفّتْ { المِطَرْ
وُ شلوُنْ لهْ الارضْ تشّتآقْ؟
. . هَذا انــَا ارضِكْ
"وكلكْ " أمطـآريْ ×.

ابتسم قلبي وحسيت بابتسامته
فتحت العلبة
رفعت القطعة الخالصة من الحرير الأسود أطرافها دانتيل وردي
بلون وجهه أول ما خرج من الحمام
نشف شعره بابتسامة
: من يوم شفته ناداني قال لي هذا لمجنونتك
جرت عليه ضمته وهي تصرخ
وافي والله أحبــــــــــــــــــــك
.......!


كنت جالس أقرأ بغرفتي بأمان المولى
فجأة سمعت ضجة
وقبل لا اتحرك انفتح الباب بهجوم
قالت وهي تلهث
كابتن طلال الكابتن تيم اغمى عليه بنغرق لو تأخرت زيادة ما في غيرك ربان ع السفينة
تركت الكتاب من ايدي
وأنا أطلع بسرعة
شفت الحوسه فوق أخذت مكاني في العلية
بداله
ناديت المساعد ببال مشغول ع تيم غريبة أول مره تصير له
: آمر كابتن طلال
: وش فيه الكابتن ؟؟
لا تخاف مجرد دوار بحر الحين بتشوفه جنبك
ضربت الأزرار قدامي بلـــــــى ارموها في البحر هالخبلة فجعتني ع بالي صار له شي
ابتسم المساعد شكلك ناوي إنت تغرقنا كابتن طلال
ناظرته بعصبيه اذلف إنت الثاني فاضي لك تنكت إنت ووجهك
قال تغرقنا قال جد ناس جاهله
انصرف بفشله
طلال بنرفزة يلعن أم الحال اللي كذا متى أوصل بس بعلمك قدرك يا سالم التبن
جلس تيم ع الكرسي وبيده كاس عصير الليمون شوبك؟؟
طلال بعصبية شوكة بحلقك قول آمين امشي تحرك الزم مكانك وعن الدلع مرا ثانية لا تحلم آخذ مكانك
وطلع لغرفته والمزاج قافل
تيم يخلص آخر اللي بقى في العصير يالطيييف إزا عصب الله يعينا مرتو




جا ماجد آخذني اليوم من بيتي وداني لأهلي بنروح كلنا نتغدا اليوم عند خالتي أم سامر
تذكرت وديم وهي تناقر ماجد
و ماجد مستمتع
سبحان الله من كان يدري إنه ماجد ممكن يحب وديم
شخصية بالشرق والثانية بالغرب مرا مختلفين
لكن يقولون إنه اختلاف الشخصيات أحسن في العلاقات الزوجية
يضيف لها نوع من تغيير الروتين
وما تكون مملة
قطع شرودي فيهم صوت أبوي الحنون
شلون زوجك يا ربى ؟؟
تنهدت طول صح؟؟
ضحك ما تسأليني أكيد ما بحس بطول مدة سفره مثلك
ابتسمت بشوق وبداخلي
والله اشتقت له أيام من كثر شوقي له أجلس أبكي لحالي
ربت ع كتفي هانت إن شاء الله كلها أسبوع ويكون عندك حتى يقولون وافي رحيم فيصل راجع اليوم
استانست من خاطري يعني جمانة بترجع خلاص وأخيرا يا ربي ما بغت
جلست ليلى وهي تتحجب يعني بنرجع ننجمع إن شاء الله كلنا كل أسبوع
عمر بنغزة وهو في أحد يقدر يتخلف عن جمعة الأربعا حقت أمك مشاء الله عليها مقواها
ليلى بدلع عمــــررر شقصدك يعني أمي مقويه
عمر يحرق أعصابها يعني هي من ناحية مقويه إييه والله الحق ينقال مقويه وإلا لا يا بنتي
ضحكت عاااد إلا حماتي يبه ريحة الغالي لا تجيب طاريها
ليلى بفرحه فديييت قلبك يا ربى عرفتي تردي عليه
شف تعلمينها على أبوها
ربى وأنا أقدر عليك
عمر وليلى ههههههههههه
دخل ماجد هاا جاهزين نمشي
ناظرته من فوق لتحت بابتسامة اييه الله يحفظك إنت كل ما رحت لوديم رحت لها معرس
ماجد بثقة هذي ودومة قلبي مو أحد ثاني
عمر وهم طالعين أقول اخلص علينا لو إنك صادق وقرب زواجك مو حاذفه بعد سنة
ماجد يتنهد والله لو بيدي لكن ما أقدر ما بعد أكون نفسي خليها بالراحة تجي أحسن
ليلى صادق يا عمر خليه براحته يكون نفسه ياخذ بنت الناس وهو مرتاح وبعدين بنت خالته ما هي غريبة
ربى بنغزة وكل يوم ناط عندها يعني ما فرقت معاه
ضحك ماجد الله يستر من عينك ربوووه




اشتقت لك كثر التعب ما خنقني
وأكثر شوي من الأمان بوجودك..

جلست بالجلسة الخارجية
مافيني أروح الجامعة اليوم أصلا ما صحيت إلا 11:30 الظهر مو من عادتي لكن عشان سهر البارحه
البيت هادي مع إنه الخدم مثل النحل فيه
كل وحده بعملها
تاله تلبس خبرتهم يخبروها إني برا بشوف وش سالفتها
عبدالله بجامعته وسهى ما أدري عنها كالعاده
رفعت راسي لسوليا اللي كانت واقفه عندي بعد ما عطتني البريد
قلبته بضحكة يا قلبي عليك يا بسام
كان صندوق ثقيل نوعا ما واصل بالـ dhl
مكتوب عليه
bassam bader al-fisal
أشرت لها روحي
حبيت أكون لحالي
فتحته بالمشرط الصغير
فرحت وما فهمت بنفس الوقت
رجعت تصرفات بسام غامضه
أول بوكيه من الورد الرخامي أخذته كان موجود بالكرتون بس الورد متغير يمكن متجدد بالأصح
والكارد نفسه
مكتوب عليه عبارة ثانية

عيناك نازلتا القلوب حتى غدت لها آسرة!
أحن لتفاصيلك الدافئة!
بسام


قلبت الكارد ع قفاه يوم سمعت خطوات ثابته ع العشب وراي
شكله عبدالله رجع لأنها خطوات رجال
غطى لي عيوني
حاولت أبعده بابتسامة عببببودي اتركني تعال بتكلم معاك
رفض من غير لا يتكلم
تحسست يد عبدالله لا تخـ....
سكت فجأة هذي لا هي يد عبدالله ولا ريحته
ريحة عطر صارخة دخلت لداخلي بلحظات
دق قلبي برعب وأنا ابعده بقوة والف عليه
ابتسم ابتسامته الساحره
بهتت بوجهه ما عاد أقدر اتكلم ولا انطق
مستحيل اللي يصير معاي
مد يده لي
:كومي ستاي؟
" كيف حالك؟"
صرخت فجأة بوجهه بكل قوة عطاني هي ربي إنت وش جايبك لعندي هااا؟؟؟
أشر لي اهدي
لتين حبيبتي
حبتك القرادة قول آمييين انقلــــــع
رفع حاجب وهو يشوف البوكيه وراي والكارد اللي قلبه الهوا
ابتسم بألم صدقيني ما يستاهلك
سمعت شهقة زادت رعبي فوق ما إني مرعوبة
تاله برجفة
: رويــــــــــــــــــــــــــــد
ناظرها ونزل عيونه حتى إنتي كوي..
"هنا"
صرخت بعصبية وأنا اشيل الكارد بيدي هالتبن لو ظل هنا ثانية وحده والله لأكلم بسام
ودخلت البيت رجولها ما تحملها
صرخت بشريفه اللي جات تجري وخدم الصالة السفلية معها
: نعم مدام لتين
قالت بانهيار شلون تسمحون لهالحيـ### يدخل
شريفه اللي ما عرفت إلا بعد دخوله
مدام لتين رويد ما دخل من البوابة صدقيني
عقدت حواجبي وبعد رويد تعرفه !!
أنا لازم أعرف سر هالبيت
قلت برجفة دقي ع عبدالله خبريه باللي صاير وهالزفت لو مات ما تدخليه واعرفي لو عتب هالباب انتهى عملك هنا
أومأت بسرعة وطاعة آبشري مدام لتين ما يصير إلا اللي بغيتيه
طلعت غرفتي وشعور الغربة وعدم الأمان رجع لي
بسام كان معي هناك وما لزم حدوده رويد أجل وشلون هنا وهو مو موجود بكل هالبلد
وينك يا كل أماني!!




ّكفايـۂ ياحزن "تكّـفــِـِـِى" تراني بـ "آلنهآيـۂ" , آنسسآن
في الصالة الكبيرة
أثاثها الأبيض يشرح الصدر ويريحه
كل العائلة من أكبرهم لأصغرهم ملتفين
نجد ولأول مره تكون نفسيتها عاديه
تبتسم وتضحك
مالت ع صدر ولدها
بندر حبيبي
: عيون بندر آمري يالغلا
ابتسمت ما يآمر عليك ظالم يا رب
خاطري أطلع بكرا الصبح أشم هوا في الريف
باس راسها آبشري يالغالية
يلدا تلعب يزيد ولد إياد يا قلبي عليه يا سجى يشبه إياد كأنه هو
بندر لا والله إنه يشبه أمي
جيهان إنت ما عندك إلا أمك بهالحياة
رويدا أعوذ بالله منك الله يخليها له آميين
الكل آميين
بندر يناظرها بترفع عطتك المقسوم جدتي
كشت عليه مالت عليك وعلى أمك
نجد تضحك تسبيني وأنا قدامك
تأملتهم لين بصمت ناظرها بندر بغمزه وابتسم
ابتسمت له وهي ترخي عينها لحضنها وتسرح لبعيد
عالم ما فيه إلا هي وسطام والحزن ثالثهم
راكان نقز وجلس بالوسط بندر عندي لك خبر بس لا يدري بسام وربي لتقوم حريقه في هالبيت
ناظر بسام اللي جالسه بحضنه ميرا يلعبها ويتناقش مع أبوه وخيلانه في نقاش حاد
أومأ براسه اييه وش عندك أبو بدر؟
لمعت عيونه بشقاوة عرفت إنه رودي سافر الـ..
دق جواله
سكوزا راكان عن إذنك دقايق
نظرته للجوال لفتت انتباه الجالسين أولهم أمه اللي حاضنته
بعدت عنه وعدل جلسته وهو يرفع الجوال
هذا أبوي
عم الهدوء المكان
: هلا يبه
سكت لثواني وملامحه تتغير
كوالي؟؟
" ماذا؟؟ "
انربط لسانه
قام بسام على طول حس إنه في شي كبير بندر ما يأثر فيه أي شي
أخذ الجوال منه وتكلم
كان ضابط إيطالي
خبره بوفاة محمد الصايغ بحادث مرور كان سايق وهو ثملان
.
بنفس اللحظات ارتفع الشريط الأحمر بالقناة الأخبارية بخط عريض
وفاة الملياردير السعودي محمد الصايغ بحادث مروري شنيع أودى بحياته الثمينة بلحظات
سكر التلفزيون سامر ووقف معه عبدالله شفيييك؟؟ مو كافي ما رحت الجامعة وجلستني معك شصاير فهمني؟؟
عبدالله وحالته حاله بعد اللي صار مع تاله البارحه زاده هالخبر
صرخ بوجهه شفيك تتنافض كذا؟؟؟
عبدالله ودموعه تطيح ياخي المصايب من وين ألاقيها وإلا من وين هذا أبو بندر أخو لتين من أمها
سامر بصدمة يناظر التلفزيون ومنظره وهم يخرجوه من أفخم السيارات وأرقاها
قطعة وحده بلون كفراتها قفل الشاشة عبدالله استهدي بالله
مسك راسه وهو يجلس ع الأرض يا ربي والله ما عاد أستحمل مصايب أكثر من كذا
رمى الجوال اللي صار له ساعة يدق بإلحاح متواصل
رفعه سامر
عبدالله مين شريفه لها أكثر من عشر مكالمات
رد بتوتر زاد ما تتصل هالمخلوقة إلا في الضرورة القصوى
شريفه لو سمحت سيد عبدالله السيد رويد في البيت ولتين قالت لي أخبرك هي منهارة
قاطعها مين رويد بعد؟؟؟
ما عرفت شلون تشرح له ما ينفع ع التلفون
صرخ فيها أقولك مين هذا اخلصي علي
تلعثمت في الحكي من صراخه
ولد خالة السيد بسام يآذي لتين والسيد بسام مانع وجوده بس هو اليوم جا من ايطاليا
قفل الجوال وناظر خويه
بضعف وقوة خارت
عجبك ! أنا وش أسوي بحياتي الحين والله مو قد هالمصايب كلها
والله اللي خلقني وهو أدرى
ربت ع ظهره اللهم لا اعتراض على حكمك
*
*
*
تقول مدام دو ستايل
[الحب يدخل الرجل عبر العينين ، ويدخل المرأة عبر الأذنين]
نهاية الجزء التاسع والثلاثون
{ هَمّسة دَلع ..✽ غير متصل   الرد باقتباس
قديم(ـة) 17-01-13, 11:53 PM   #86
> أشواقي بالوجدان بآقية <
 
صورة { هَمّسة دَلع ..✽ الرمزية
 
الدولة:
الافتراضي رد: رواية - خنقت الورد يا يمه وبيدي انكسر ذبلان

بسم الله الرحمن الرحيم
الجزء الأربعون
جَلَسْتُ أُعَاْشِرَ حِيّطَاْنِيْ، وَأُصَاْرِعَ أَنَاْ وَاْلْأَلَمْ..
أَيّنَ أَنْتَ عَنْ صَرَخَاْتِيّ وَأَوْجَاْعِيْ..؟!!



لا يسيـل الدمـع مـن عيـنكـ حـرام ما خـلـق ربـي للبكا عيونك ....!
ناس خارجه وناس داخله
البوابة الكبيرة مفتوحه ع مصراعيها
مثل كبر الدنيا ناس تولد فيها وبنفس الثانية ناس تفارق حياتها
عدد كبير من الناس جايين للعزى اللي صار في تورينو بيت محمد الصايغ نفسه واللي مو غريبه إنه عالم جايه من السعودية والخليج
صيته واسمه المعروف جمع الناس حوله
تُرى الحسنات بعد متجمعه حوله وهو في طريقه للبرزخ؟
مغطي عيونه بالنظارة الشمسية وفاتح أزرار بدلته السوده الرسميه
صافح المعزين ورد على كل من تمتم بعبارة تعزيه
شد ع كتفه بدر ناظره بصمت لمدة وقال عمي اسمح لي أنا بروح أشوف أمي لأني طالع ع المطار
أومأ براسه الله معك يا بندر – رص عليه – تأكد الكل معك لا تنساه من دعوتك هو بس هذا اللي يحتاجه وإنت وحيده يا بندر
نزل عيونه ع الأرض ومشى
قبل لا يدخل ع الصالة ويقابل أمه رفع راسه للسما وبعد النظارة أرخى هدب عينه ورص عليها يمنع دمعة حبيسة تطلب الحرية...





غابت البسمه في بعدك و أختفى بيومي الأمان

دخل الصالة وبيده الجوال وحالته حاله
شافها جالسه تحرك رجولها بتوتر
سأل من غير مقدمات وينها لتين؟
ناظرته ورجعت تناظر الفراغ وزاد هز رجولها بغرفتها
ومين هذا رويد؟؟
عقدت حواجبها وهي تناظره
رص ع أسنانه قلت مين هالزفت رويد؟؟
وقفت بعصبية ولد خالي ارتحت الحين
وجات بتروح وقفها بصراخ لما أتكلم معك ما تعطيني ظهرك وتمشين سامعه؟؟
غرقت عيونها بالدموع وهي تلف عليه وش تبي مني بالضبط تعبانه وما فيني حيل للهواش
تأفف وهو يتخصر بيد واليد الثانية يمسح ع وجهه إنا لله وإنا إليه لراجعون تاله المشاكل يا كبرها فوق روسنا ما يحتاج كل ما قلت لك كلمة تصيحين
حرقته بنظرتها عيونها الخضر زادت وحشيتها ودموعها تصب وهي تمسحها وبصوت يرجف
إنت ما عندك إحساس كل ما شفتني لازم تجرحني مو كافي اللي أمس سويته
قرب منها وخلا مسافه كافيه بينهم
زفر تدرين إنه زوج خالتك نجد توفى أمس الليل
فتحت فمها وهي تمسح وجهها بيدينها بربكة وش قلت؟؟
زم شفاته توفى أمس والحين بندر جاي بالطيارة ع الرياض يدفنه
شهقت بالبكى أكثر وبلا مقدمات رمت نفسها عليه حضنته بقوة وهي تبكي
حرااام بنـ....در ما يستاهل ولا خالـ..تي
تشنج لدقايق ما قدر يتحرك
مشاعره جاشت بهاللحظة
مد يده يبعدها ورجع نزلها
كانت تبكي بألم وكأنها كاتمه بكاها مدة طويلة
دخلت بوهن وهي لافه روب النوم عليها وشعرها منسدل ع كتوفها
ناظرت فيهم ولفت آهليين عبدالله
رجعت لفت مره ثانية
وملامحها لانت باستغراب ودهشة
بعدها عنه بإحراج وربكة خلاص تاله كل شي بيتعدل
ناظرتها تاله بدموعها سكوزا أنا طالعه غرفتي
نقلت نظراتها بينهم الاثنين وجلست ع الكنبة
جلس بقربها عبدالله بتردد لتين
رفعت عيونها له بصوت تعبان لا تبرر
مسح ع شعرها وحضنها وش متعبك حبيبتي شصاير فيك الأخ بسام إذا مو قدك ليه ياخذك ويعلقك فيه وبعدين بكل بساطه يسافر ويخليك بهالحاله
همست بحزن وألم وهي تكتم العبرة عبدالله أنا بدون بسام بدون أمان من يوم وعيت وهو اللي يحميني حتى إنت ما تكون موجود أيام لما أكون بحاجة لمساعده
والحين أنا بحاجه له أكثر حطت راسها بين رجولها وهي تنهار ببكى رويد ما بيخليني بحالي لين هنا وصل لي
رفع راسها بخوف ممكن تقولين لي مين هذا رويد ووش يبي منك
حطت عيونها بعيونه رويد حبني وأنا هناك
عقد حواجبه شلون وهو ولد خال بسام
حطت راسها ع كتوفه بتعب لأنه مو إنـ..ـسان..




نقشت أحرفك على كل وردة نثرتها في سماء عودتك..



دخلت الكارد بعناية داخل الظرف المخملي وعلقته بالشريط العريض ع غلاف الهدية
حطته ع السرير
سكرت أنوار الغرفة وفتحت الشموع
ضوّ نورها الغرفة بكبرها
وتراقصت نيرانها بنيران الشوق اللي اجتاحت قلبها الرقيق
حتى إنه اتعبها بدقاته المضطربة
سكرت الباب بخفة بعد ما تأكدت من الفواحة الخاصة فيه [[ ..
ناظرت الساعة عقارب الساعة تعاندها وتبطء مشيها
أخذت نفس عميق أول ما سمعت جرس الباب
وبعدها صوت خطواته
تسمرت بمكانها
جاها صوته المستهتر المغرور صوته اللي كله ثقة تعشقه حتى لو كان غرور الدنيا كله فيه
: روبـــــــــي
لمعت عيونها بشوق
حياتــــــــــــي
نقزت عليه بقوة وضمته طلاااااااااال أخيييرا رجعت لي
ضحك وهو يدور فيها أخيرا يا عيون طلال
تمسكت فيه وهي تمسح دموعها لا عاد تسافر وتخليني
رفع ذقنها برقة أفا وليش الدموع بعد يا روحي
أبشري أنا مو قايل إني وصلت خلينا نستمتع كم يوم وبعدين أخبر العيلة برجعتي
رجعت ضمته بحماس صــــــــدق
هههههههه والله صدق
جرته من يده اوكيه تعال معي
تحمحم بخبث كأنه هذا طريق غرفة النوم وإلا أنا غلطان
استحت ربى وبإحراج ضربته ع كتفه ما تبطل حركاتك بس أنا مخبيه لك مفاجأة
ضحك بقلب أوكيه دامها بغرفة النوم أكيد حلوه
ربى بدلع طلااااااااااااال
وهو يوقف عند باب الغرفة ابتسم خلاص بسكت
أشرت له انزل شوي وحطت يدينها ع عيونه
ناظرها باستغراب شقاعده تسوين؟؟
زمت شفاها اللامعة بروج فوشيا صارخ اششش
فتح فمه مفهي عيدي عيدي الحركة اللي تو
ضحكت ربى بإحراج طلال لا تناظرني كذا غمض عيونك
همس بالفراغ يا ويل حالي زايده حلى فوق حلاها
تجاهلته بحيا وهي تحذره لا تفتح
عدلت وقفتها ومسكت يده وفتحت الباب
هف هوا بارد من الغرفة وريحة هاديه تريح الأعصاب
طلال برعشه افتح؟؟
سحبت يدينها منه وقفلت الباب
تأمل الغرفة ورجع نظره لها
تنهد وهو يفتح يدينه بموت خذيني بالأحضان
ضحكت بحب وهي تحضنه بسم الله عليك حبيبي
غطها بكتوفه وما عاد يبان منها شي....!





تلك الساعات المحلقة
أبت أن تنتشلني من حطامي


متجاهل ثوبه الأبيض شماغه مرمي بإهمال ع كتوفه
متربع بين المقابر
يبكيه،،
يبكي أبوه اللي رحل عن هالدنيا وتركه مع أمه وحيدين
تركه وهو في بداية شبابه حتى ما خلاه يودعه
مسح ع القبر ونثر التراب اللي فوقه
يبه...
تسمعني يا يبه
ليه تركت كل شي وراك ورحت
تركت أمي من غير لا تراضيها
تركتني ضعيف من بعدك...
طاحت دموعه وحده ورا الثانية وخالطت تربة قبر أبوه
: جبروت في الدنيا ونهايتنا يا آدم كلنا للتراب
رفع راسه لحارس المقبره
مسح وجهه بشماغه وهو يناظره
الحارس قوم يا ولدي الوقت متأخر المقبره بتتقفل الحين
نفض ثوبه وهو يقوم إن شاء الله
طلع من غير لا يلف عليه الله أعلم متى بيرجع له مره ثانية





[ إنكسَـآرْ ]
انكسرت الكأس بقبضة قسوتك
وانسكبت الأحلام
وبلل ماء الأماني أرض الواقع القاحلة
فـ إجمعه الآن إن استطعت ..


البيت هادي عبدالله بالجامعة وتاله نايمه
أنا بغرفتي مقفله الباب صداع هالكني من التفكير مو قادره أنام أحس بيغمى
علي بأي لحظة
بسام من أمس ما يرد عليّ
خوفي من رويد خلاني حبيسة غرفتي مو قادره أخرج أحس إنه بيخرج لي من تحت الأرض
مع إنه عبدالله قال لي إنه مستحيل يدخل لأنه زاد الأمن اللي عند الباب
سمعت دق ع الباب
أكيد هذي شريفه أو سوليا جايبه الفطور
مالي خلق لشي أصلا شريفه من يوم عرفت إنها تعرف رويد ما تطمنت
وبسام ما أدري ليه ما يرد علي
تنهدت وأنا أقوم
: مين؟
: ايوه رويد ميّ آموريّ افتحي
" أنا، حبيبتي "
بعدت عن الباب على طول
ارتفعت دقات قلبي بثواني
هزيت راسي برعب وبلا شعور قمت أبكي لاااا يا ربي لاااااا
رجع يدق بإلحاح
لصقت بالجدار وأنا أبكي
خذيت جوالي أدق ع بسام مقفل جواله
زاد بكاي لييييه خليتني ورحت ليييييه
حسيت الباب كأنه بيتكسر ما أدري وش قاعد يسوي فيه وين الخدم ما أدري
دقيت زر السيرفر يمكن وحده منهم تجي تشوف شصاير وتقلعه عني
خطر ببالي عبدالله ودقيت عليه ما رد
رجعت أدق ع بسام
رميت الجوال وارتخت رجولي يوم شفت الباب انكسر ودخل
صرخت برعب وأنا أشوفه يقرب مني
لااااااااااااااا اطلع
تنفست بصعوبة وأنا ابعد رويـــد لااااا الله يخليك لا تقرب
طنشني وكأنه ما يسمع كأنه بعالم ثاني
حاولت اضربه وابعد لكن..
كنت بطريق مسدود وحسيت إنها نهايتي وما عاد أحس بشي...



صرخ وهو ماسك الجوال بنص الصالة
لتيـــــــــــــن لتين ردي علي
دخلت يلدا وبدر
مع لين اللي جات مفجوعة ع صوته
بدر بخوف بسام شفيك شصاير؟؟
جلس ع الكرسي بصرخة والدموع في عيونه
رويد الملعون عند لتين
مسك راسه بقوة
صوتها بإذني يبه قاعده تصارخ
لين ووجهها صفر وعبارة رويد عند لتين! تدور في راسها بصدمة
يلدا تبكي ياويلي عليها هالمجنون بلا عقل
سحب الجوال منه بدر يوم شاف بسام منهار لدرجة إنه دموعه نزلت
سامع صراخ حبيبته تتألم وبينه وبينها بحور وقارات
دق ع عبدالله على طول
هلا عبدالله
:....................
عبدالله مافي وقت للكلام وينك إنت
:...................
إلورا الحق اختك بسرعه شكله عندها رويد
حط الجوال جنبه لأنه عبدالله من الخوف ع أخته قفل الجوال ورماه وزاد سرعته حتى يوصل للبيت
هو ما يدري مدى حقارة رويد لكن كل اللي يعرفه إنه مصدر ألم لأخته




ما ترتضي نفسي مذله وحقران اردها عن من سعى لي بذلي..
نفسي عزيزه ساميه فوق يا فلان ابعد من نجوم الثريا محلي


عشرة يخطبوك واحد منهم يكون زين ويستحق إنك تكملين حياتك معاه وترتبطي فيه
صح كلامي وإلا لا
ابتسمت لمار وهي ترشف من كوب قهوتها صح كلامك بس أنا شايفه معاذ مافي شي يعيبه
لعبت بسلسلة إسورتها يارا بهدوء بس بنظري مو الشخص المناسب
قربت منها وناظرت عيونها ناظريني يارا إنتي تنتظرين أحد...؟
عقدت حواجبها أحد مثل مين مثلا
اممم خالد مثلا
يارا بهم وهي تنكر لا آخر إنسان أفكر فيه هو
طيب وش بتقولون للناس ما بيحز بخاطرهم تكرر طلبهم لك
يارا بجدية بالطقاق هالأمور ماحد يزعل فيها لمار الزواج مافي غصب بعدين كل شي قسمة ونصيب واللي بيزعل
يزعل يزعل لنفسه ويشرب بحر
لفت وجهها عليها بحنان صدقيني لو بيدي شي كان سويته لك يارا
أتمنى اليوم قبل بكره أشوفك مبسوطة
ابتسمت مين قالك إني مو مبسوطة الحمدلله مافي شي يستاهل نزعل عليه
الحين قولي لي إنت شلون فيصل معك
ضمت كفوفها لبعض بعد ما تركت الكوب فيصل مافي منه اثنين بالعالم هذا الوصف يكفيه
حياتي شايل همي على طول وخايف لدرجة إنه فكر يخليني أنزل البيبي
يارا بتفاجؤ ليه؟
بعدت شعرها عن عيونها وهي تعدل المخده وراها ع السرير لأنه الحمل في خطر علي مثل ما تعرفي وهو ما كان يدري بمدى الخطورة اللي فيه
يارا بعد صمت وإنتي وش رايك؟
مسحت ع بطنها بتملك طبعا لا ولدي بخليه يعيش حتى لو أنا مت ابتسمت بحزن
شعور الأمومة يا يارا مغروس في البنت من يوم هي طفلة ويزيد كل لحظة من يوم ما تعرف إنه بداخلها قطعة منها
حضنتها بحب الله يحميك يا قلبي وإن شاء الله أشوفك إنت وفيصل والبيبي مع بعض أحلى عيلة
ابتسمت لمار بألم اجتاحها آمييين




دخلت البيت بثواني كنت عند غرفتها
مو قادر استوعب من خوفي عليها صوت أبو بسام يدل إنه رويد له ماضي جايد
شفت تاله تصارخ ومن يوم سمعت صوتها
نطقت اللهم اجرني في مصيبتي واخلفني خيرا منها
دخلت الغرفة على طول شفت شريفه واقفه وكم وحده من الخدم
بعدتهم
منظر لتين وهي مرميه ع الأرض خلاني اجن
صرخت وأنا ارفعها سوى فيها شي؟؟
شريفه تبلع ريقها بخوف ما أدري استاذ عبدالله إحنا كنا محبوسين تحت
تاله وهي تبكي عبدالله دخيلك سوى فيها شي؟؟
نزل لها غطاها بشرشف أبيض مرمي جنبها يستر جسمها من ملابسها المقطعة
رفعها لأن الإسعاف اللي طلبته شريفه وصل
ناظر تاله وهم طالعين وينه ولد خالك؟
تاله بشهقه ممـ..ا ادري
طلع بصمت هاللحظة تذكر كل يوم كان فيه مع لتين من يوم كانت عايشه عند جدتها وكان يجي يزورها دايما اللين تركها ورحل شهور
لهاللحظة اللي اُعتدى عليها فيها وهو متكتف بلا إرادة
{ هَمّسة دَلع ..✽ غير متصل   الرد باقتباس
قديم(ـة) 18-01-13, 12:08 AM   #87
> أشواقي بالوجدان بآقية <
 
صورة { هَمّسة دَلع ..✽ الرمزية
 
الدولة:
الافتراضي رد: رواية - خنقت الورد يا يمه وبيدي انكسر ذبلان

أج ــمل إحـساس في الكـون إنـكـ ]تعـشـق[ بجـنـون ! ..
رجعت الجوال ع الكمدينا بخفه ما ابغا طلال يصحى
حسيت بدفا يلفني
ابتسمت صباح الفل
حط راسه ع صدري صباح الحب والورد والياسمين
شتسوين؟؟
تأملت ملامحه اللي ما لحقت أشبع منها رسلت مسج للتين إني مو رايحه الجامعه
لأنها ما ترد
طلال يتثاوب وهو يقوم حتى بهالصباح الحلو لاحقتنا لتين
ابتسمت وهي تتكى ع طرف السرير الداخلي حبيبي لتين ما لها غيري بسام تاركها ورايح يكمل دراسته في ايطاليا
وهو ياخذ منشفته لف عليها أجل ليه متزوجها؟
ضحكت لأنه يحبها ما تتخيل قد ايش يحبها تقدر تقول مجنون قصتهم طويلة
رفع حاجب مجنون هااا؟؟
أومأت باستغراب اييه مجنون فيها شي
قرب منها ببطأ عقدت حواجبها طلـ...
هاا مين أجن الحين أنا وإلا هو ؟
ربى وهي تعدل جلستها بحيا الله ياخذ ابليسك
هههههههه وش قلتي؟
رفعت عيونها بحب وهي تضم كفوفه وتبوسها إنت أغلى شي في حياتي يا طلال..!



راسـي ولـو شـح الـزمـن ماحنيـتـه ,, ما بـقـى الا انـت توطـي راســي
four season Hotel // 10:00
تأمل الرياض من غرفته في أعلى ناطحة السحاب [عمارة المملكة]



الليلة بيبيت في تركيا إن شاء الله وبكره رحلته ع تورينو
دق جواله
كان محمد سكرتير أبوه
ترك الجوال جنبه ع السور من غير لا يرد
تنهد شغل بعدد شعر راسه ينتظره لما يرجع
وتراب أبوه ما بعد يجف
رجع يدق الجوال
أخذه على طول لأنها النغمة الخاصة ببسام
: آلوو
بسام بصوت هادي واضح العذاب بنبرته بندر وينك إنت؟
ناظر الشمس في وسط السما أنا بالرياض الحين
بندر تكفى أنا أدري ظروفك ما تسمح لك بس هي بعد أختك
قاطعه صوتك ما يطمن شفيها لتين؟؟
سكت لثواني وطلع صوته متحشرج رويد يا بندر عند لتين كان
دقت علي وسمعت صراخها بإذني وهي تقاومه
ضرب السور بيده شلوون؟؟ كيف طيب شصار فيها سوى لها شي هالكلب؟؟
ما أدري ما أدري عن شي ما في حجز إلا بعد يومين وبعد مو مباشر والله ما بيني وبين الجنون إلا شعره
دخل على طول من البلكونة إلورا بسام أنا نازل الحين على طول ما بنتظر الطيارة بستأجر سيارة وبنزل على طول
أخذ شنطته الصغيرة رمى كم غرض له فيها كان مطلعها وطلع
عند الرسيبشن
: أخوي باقي لك 9 ساعات دافعهم إنت
بندر وعقله متشوش مو مشكلة أنا خارج الحين بلغيها
وما خلاه يكمل كلامه طلع مستعجل
الأفكار تاخذه وتجيبه
[رويد] تعدا حدوده كثير وجا الوقت اللي يوقف عند حده حتى لو اضطره هالشي ينفيه من الحياة
عندما يتعلق الأمر [بشرف الرجل] كل الظروف تخضع لتصرفه..!




دقت الباب ودخلت بعد الإذن
سنيورا نجد المحامي سامح اتصل يطلب حضرتك
سكرت الستارة ولفت عليها خبريه لا يتكلم بأي شي الحين 4 شهور ما ابغا اسمح حس أحد
أومأت براسها إلورا
انسدحت ع سريرها المرتفع بستايره المنسدله
أرخت أعصابها تتذكر آخر حوار لها مع زوجها قبل لا يتوفى
: طلقني
بقسوة قلت لك طلاق ماني مطلق مو لسواد عيونك ماني ناقص فضايح
صرخت بوجهه بألم أنا مو مستعده أعيش معك عشان خاطر سمعتك
: اللي عندي قلته
صورته مموهه في بالها
وبين ثنايا الماضي سرحت بخالد زوجها أبو بنتها
هنا فقط
نزلت الدمعة.. بكته وكأنه هو اللي توه مات
بكت الأيام الحلوه اللي عاشتها معاه ما تذكر إنه مره صرخ عليها أو آذاها
بشي يجرحها أو يمس كرامتها كان يحترم الأنثى عامة قبل زواجه فكيف وهي كانت زوجته وحبيبته قبل الزواج
غمضت عيونها بألم وإصرار حياتها قرب لتين يزداد ثانية بعد ثانية...


مطار الملك فهد// الدمام



قفزت من آخر درجة في المدرج بضحكة آآآآآخ أخيرا
ونقزته معاها
وافي برزه جمون عن الخبالة بتطيحنا قدام هالعالم
ابتسم لهم رجال كبير بالسن وكأنه يبارك لهم حياتهم الجديده
رد الإبتسامة وافي وهو يرص ع يدها بحميميه ماشيين باتجاه الشنط
تنهدت بعمق بروح أزور بابا وماما وحشووووني وبشوف جدتي وسارا ولمار وربرب وصح
عمو طلال وو
همس بحزن يعني راحت علي لاسبوع اللين تشوفين كل هالآوادم
قربت منه نو, نو, إنت حياتي وعمري وراس مالي
ضحك شركة صرت
جمانة بعصبية واااافي لا تبدأ تتمسخر
أخفى ضحكته أبشري بس الحين بنروح لأهلي أول وننام بعدين بالليل نروح لأهلك
ضربته بكس في بطنه توك نايم بالطيارة ما شبعت
وافي بصدمة أنا؟؟؟؟!!!
الله أعلم مين كان نايم وأنا يا حليلي قاعد أحرس الهانم وهي في عالم الأحلام رايحه
هههههههههههههههههههه أموووت فيك
تحمحم اصبري مو وقتك خلنا نوصل البيت
ههههههههههه الله لا يحرمني منك
خزها بطرف عينه آميين
أخفت ضحكتها بصعوبة عاد جمانة لا ضحكت لا حاد يمسكها
طلال أدرى فيها!!



إلى هنا [رست] السفينة و[توقف] القطار و[هبطت] الطائرة..

في غضون 3 ساعات كان في الشرقيه
كلم عبدالله ووصف له المشفى
طلع الأصنصيل بتعب يمكن لو يعرف خطوط المملكة أكثر كان وصل بأقل من هالمدة لكن
طول عمره ما يتعامل إلا مع الجو
ما قدر سافر ببر أبدا
بخوف وترقب تابع أرقام الغرف
303، 305،304 ....308
دق الباب ودخل
أول ما جات عينه ع السرير قرأ التعريف
الإسم: لتين خالد الخالد
العمر: 21 سنة
اليوم: السبت
توقيت الدخول: 7:30 صباحا
الحالة: اعتداء #####
يوم قرا هالكلمة ما بقى براسه عقل
تأمل أخته وهي نايمه
البياض مغطيها حتى وجهها بلونه
جلس بقربها
مسك يدها حضنها
نزلت دمعة ساخنة من عيونه زهرة كل يوم تذبل عن اليوم اللي قبله
المصايب اللي تجيها أكبر من وحده بعمرها
دخل عبدالله وبيده كيس فيه مويه
ترك يدها وقام بسرعه يسلم عليه ويحضنه
عبدالله بشوق الحمدلله ع السلامة عظم الله أجرك
بندر يمسح دمعته أجرنا وأجرك رجع يناظر بلتين
عبدالله هم متأكدين إنه صار فيها اللي صار والا لا
هز راسه عبدالله بحزن عليها يخالطه عصبية ما أدري بس بالتقرير إنه ما كان فيه
أي مقاومة منها
عقد حواجبه شلون؟؟ بسام سمعها وهي تصارخ كانت متصله عليه
عبدالله بعصبيه الحين هالكلب وين بنلاقيه؟؟
بندر يشد ع طرف السرير محسبني بسكت له والله لأنسيه حليب الأربعين هالخسيس




تورينو// ميناء الصيد
العاشرة صباحا



أشجار البندق أسقطت أوراقها
حفتها من الجوانب وكأنها تنبأ بجفاف فصلها
،،،،،،،،،،،،،،لا تعلم أن بجفافها جف ماء القلوب الذي يرويها..
تسند ع جذع الشجرة الضخم
حشرجة بداخله يسمع صدى أنينها بعالمه الحالي
رص ع يدينه داخل جيوبه همس بضعف
أنا السبب
أنا السبب
أنا السبب
رفع راسه ودخان طلع من فمه من برودة الجو
قرب من المينا
جلس ع الكرسي الخشبي بشرود
نفث دخان السيجارة اللي بيده بعمق
طلع التلفون وضرب أزراره بخفة
ثواني جاه صوته
: هلا طال عمرك
بسام بحزم
لقيتوه؟
: لا طال عمرك
صرخ بعصبية غريبة عليه لو اليوم ما لقيتوه ما بيكون خير لا لك والا للي معك
قفل الجوال بعصبية لفتت انتباه اللي حوليه
جلست جنبه وأخذت السيجار اللي بيده وطفته بحجر المينا
قربت منه زيادة ومدت له كوب كابتشينو خذ هدي أعصابك
لين دخيلك مو ناقص أنا
أخذت يده وحطت الكوب فيها لا تردني نشف ريقي وأنا أدور عليك
أخذها يدفي فيها يدينه اللي تجمدت من البرد
زفرت أكيد الحين لتين بحاجة الكل حولها
غمض عيونه بلع الغصة وفتحها الأسبوع الجاي بنزل لها
شلون خالتي نجد؟؟
لين تناظر كوبها إنت تدري إنها ما كانت تحب زوجها يعني يوم عرفت بمصيبة لتين
بكت عن جد ما عمري بحياتي شفتها تبكي مثل أمس
رص ع أسنانه والله بس يوصل ليدي والله لأطلع الأول والتالي فيه
لين بهدوء بسام لا تصلح الغلط بغلط أكبر منه
صرخ فيها أجل وش تبيني أسوي فيه أصفق له وأقول له برافوو عليك
اعتديت على زوجتي!!
عضت على شفتها بإحراج
وقف بعصبيه يللا قومي
لين شوي وتبكي بسام لا تسوي بنفسك كذا لتين نفسها ما بترضى
ناظرها بقوة لين أنا اللي سويت بلتين كذا بنفسي وبكامل إرادتي تركتها وجيت هنا
كنت أظن إني بقدر أحميها وأنا بعيد لكن شوفة عينك شصار هالشي مستحيل تنساه
أنا نفسي ما بقدر أنسى كل ما جيتها بتذكر إنها تعرضت لهالشي بغيابي عنها
حوطت خصره بيدها وهي تمشي معاه
كل الأمور بتتعدل بسام لا تشيل هم ولا تفكر كذا لتين بحاجتك بتروح لها وبتنسى كل اللي صار معها بس خليك بقربها
شد عليها بصمت وهو يحضنها بحنان
بداخله مشاعر متفاوتة بتفاوت موجات البحر خلفه..
إلا حب حياته ثابت ومهما كانت الرياح عاتيه،،




لا أقلام هنا لتصف ما تشعر به الأم..



اوكيه و هذا البيبي شايفته ست لمار
ناظرت الشاشة بإحساس يخالطه الخوف واللهفة بنفس الوقت
تمسكت فيه وهي تبتسم أول ما دققت في ملامحه اللي مو مبين منها غير إنه إنسان
فيصل شايف؟؟
ابتسم وهو يبوس يدها ويربت عليها إيي حبيبتي شايف
الدكتورة بجدية بس البيبي حجمه أصغر عن العادة الطبيعي يكون وزنه بالأسبوع السادس عشر بحدود
154 جرام طفلك يوزن 110 جرام لازم تنتبهي أهم شي صحتك وصحة البيبي
لمار بإهتمام أكيد بحاول قد ما أقدر دكتورة ممكن تخبرينا ولد والا بنت
ابتسمت لا شكله طالع على ابوه واضح انه ولد
وضحكت أخليكم الحين
قرب منها
طبع قبلة ع جبينها أبيع حياتي كلها وأشوف هالسعادة بعيونك
ضمته بحب فيصل ولدي ولد
ههههههه أيي ولد شفتي ان شاء الله يطلع حلو ع أمه
مسحت ع بطنها بربيه أحسن تربية معك واممم بسميه
فيصل لااا عااد اسمه علي بما إنه ولد
ابتسمت سميه اللي تبي عيوني كافي إنه منك
مسك بطنها وضخم صوته اسمع يا ولد من الحين أقولك ما عندنا دلع نومه بغرفتك مو كل شوي تنط علينا
ضحكت بحب حرااام حبو من الحين
ابتسم وهو يقوم عشان يلزم حدوده من بدري
هههههههههه
اوكيه حبي أنا بروح شوي أسأل عن الصورة إذا في مجال ناخذها إنتي خليك هنا
أومأت براسها اوكيه حبيبي
طلع يقابل الدكتورة السبب الرئيسي اللي طلعه
صحيح فرح بولده كثير بس خوفه ع زوجته أكبر من فرحته
دق الباب
تفضل
: السلام عليكم
وعليكم السلام تفضل أخ فيصل
جلس زاد فضلك
الدكتورة مها أكيد جاي تسأل عن وضع زوجتك
فيصل بوجوم صراحة ما أدري وش أقولك لكن كل اللي أعرفه إنه لو هالحمل في خطر على زوجتي
مستعد أتنازل عنه
الدكتورة ما تخاف لهالدرجة إنت كنت ممكن تحدد هالشي قبل الحمل لكن الحين ما تقدر تحرم أمه منه
نجي لحالة لمار
واضح إنها منتظمة بكل الأدوية يعني حالتها للحين مستقرة بس التغذية والراحة النفسية أهم شي
ابتسمت يعني المره الجايه أبغاها تكون زايده 3 كيلو وعلى يدك
اوكيه
رجعت تناظر الأوراق بس ما أخفي عليك إنه كل المشكلة بتكون متعلقة بولادتها
ادعي ربك والله كريم
مشكورة ما قصرتي
هذا واجبي
طلع من عندها
يسحب رجوله سحب حمل زوجته صار هاجس يهوجس فيه ليل نهار
كل يوم يصحى يخاف ما يلاقيها جنبه..

*
*
*
Everything is okay in the end. If it's not okay, then it's not the end
كل الأمور على مايرام في النهاية، إن لم تكن كذلك، فتلك ليست النهاية
نهاية الجزء الأربعون
{ هَمّسة دَلع ..✽ غير متصل   الرد باقتباس
قديم(ـة) 18-01-13, 12:21 AM   #88
> أشواقي بالوجدان بآقية <
 
صورة { هَمّسة دَلع ..✽ الرمزية
 
الدولة:
الافتراضي رد: رواية - خنقت الورد يا يمه وبيدي انكسر ذبلان

بسم الله الرحمن الرحيم
الجزء الواحد والأربعون

،،، وَلَاْ يَتَبَقَى سِوَى حَشْرَجَةْ
تَسْمَعْ صَدَاْهَا فِيْ اَلْأَعْمَاْقْ وَهِيَ تَتَكِيْء
عَلَى جُدْرَانِ اَلْتَعَبْ




أحتاجك خمرا لأعيش ذكريات وأنسى أخرى....!
غفل ع الكنبة قربها وهو يراقبها طول الليل مع عبدالله اللي تركه وراح للجامعة بعد إصرار ومضاربه
شعره المنسدل ع عيونه وقميصه المفتوح بإهمال يوضح عليه إنه متعب نفسه وهالكها بالذات لشخص مثله طول عمره متعود ما يطلع أي مكان إلا بكامل أناقه وترتيب
فتحت عيوني لدقايق بعدها استوعبت أنا وين
أول ما شفت المغذي مخترق يدي اليسار
رجعت غمضت عيوني أتذكر وش صار
هاجمتني صورة رويد لما دخل علي
فتحت عيوني بشهقة وأنا أضم نفسي بالسرير
انتبه عليها على طول منكمشه على نفسها تبكي
بندر يوقف صح النوم توتا
زاد بكاها لما قرب منها
وتحول لنحيب
خاف عليها جلس قربها لتين حبيبتي أنا بندر أخوك
هزت راسها بخوف وهي تتغطى بالشرشف ومن بين بكاها
بعد عنــــــي
ضرب زر الممرضة إلورا ارتاحي ما بقرب
دخلت الممرضة مع الدكتورة
أشرت له يطلع
وأعطوها إبره مهدئة
أول ما طلعت الدكتورة شافها بندر
ناظرته إنت زوجها؟؟
جاوب ببال مشغول لا أنا أخوها زوجها مسافر
تجهم وجهها اوكيه هذي ردة فعل طبيعية للي صار لها
نتايج التحاليل طلعت واضح إنها ما تعرضت لاعتداء كامل مثل ما خبرتكم مافي أي علامات تدل على كذا أو مقاومة والباقي ينعرف منها هي إذا تكلمت
أومأ براسه إلورا كم بتظل على هالحاله؟
ما فهمت كلمته الأولى لكن جاوبت ع السؤال بجدية
حتى تتحسن نفسيتها وغير كذا أعتقد إذا هي على علاقة جيدة مع زوجها إنها تحتاجه بهالوقت بالذات هي ما تقبل أي تلامس مع أحد غريب بسبب اللي صار لها مثل ما خبرتك
طيب الحين هدت؟؟
أعطيناها إبره مهدئة
بندر بشبه نرفزة بس هذا مو حل تعيش ع المهدئات
الدكتورة بتفهم المريضة توها صاحية من صدمة لازم جسمها يرتاح أول حتى تقدر تتلقى العلاج النفسي بعدها
شكرها وهو راجع
دق ع بسام لازم بسام يجي بأسرع وقت يمكن يقدر يخرجها من اللي هي فيه
رد على طول آلوو
تشاو بسام
: ايوا بندر معك
بندر وهو واقف قدام غرفتها فتح الباب بهدوء ودخل كانت نايمه بس تتحرك ع الخفيف
رجع طلع مره ثانيه وقف عند الباب
بسام إنت متى جاي؟؟
زفر بعصبيه والله مو لاقي حجز يا بندر إلا بكره مو مباشر يعني بعد بكره وصولي
بعد شعره ع ورى وشلونها أمي
بسام بهدوء أمك بخير الحمدلله تحسنت نفسيتها بس المحامين صارعين الدنيا حتى الصحفيين احمد ربك انك مو هنا
زم شفاته طيب ما تقدر تجيبها معك لتين بحاجتها الحين
سكت لثواني بسام وبعدها نطق بصوت مبحوح بندر جاوبني بصراحة لتين وش حالتها بالضبط؟؟
شد ع قبضة يده مو راضيه أحد يقرب منها بس شافتني قعدت تبكي كأنها خايفه من شي والدكتورة تقول إنها بحاجة لأشخاص تثق فيهم يعني إنت وأمها أكيد حتى لو ما كانوا أول مع بعض بس حاليا بتحتاجها
بيده دف الأشياء اللي ع التسريحه كلها طاحت وحده ورى الثانية وبصرخة غضب :الله يلعنــــــــــــــــــــه الله يلعنه وين ما كان
بندر بسام استهدي بالله لتين إذا شافتك يمكن تحس بالأمان وتتحسن
بقلب يدمي بندر أمك بالعده ما تقدر تطلع أنا لما بجي باخذ لتين معي
وهو يسايره إلورا تعال إنت وكل شي بيتعدل الكلب ما عرفت وينه
من بين أسنانه لا سكر الحين خليني أدق عليهم أشوف وش صار معهم
آرفيدرتشي
"مع السلامة"





إرقـصـي مـع نـبـض قـلـبي والقـصيـد .. وداعـبـي بـحـر الشـعـر قـبـل الرقـاد

انسدحت جنبه ع السرير بغرفتنا اللي ببيت أهل زوجي
أم وافي عسل مره طيبه وحنونه لما شافت وافي كأنها صار لها سنين ما شافته فتحتها مناحة حتى عمي مره طيب باقي سجو أخت فيصل عاد هذي غنيه عن التعريف قريبتي وأعرفها بس اللي ما بلعتها ولا بلعت دلعها الأخت داليا ييييييي لما أتذكر شلون نطت ع وافي وظلت لاصقه فيه ساعة كان نفسي أشيلها مع شعرها
حضني وقربني منه وهو مغمض عيونه ليه ما نمتي
بلعت ريقي ولا شي كنت قاعده أفكر
: بوشو؟؟
احتد صوتي بداليا
ابتسم شفيها؟؟
داعبت خصله من شعره ما أدري كيف بعيش معها بنفس البيت
أخذ يدي وباسها أنتي عاطيه الأمور أكبر من حجمها
دق الباب وقطع كلامنا
استغربت وأنا اغطيه لأنه حضرته ما غير عادت النومة من غير فالينا
أهله عارفين بس أستحي منهم
قمت فتحت الباب
شفتها بوجهي
اللهم طولك يا روح ابتسمت نعم داليا حبيبتي في شي
مالت بدلع ايواا ابا وافي أخويااا
رصيت ع أسناني بغيض وافي نايم
بعدتني وهي تفتح الباب أدري
وبكل بجاحة نطت وانسدحت ع السرير جنبه وتغطت معاه
تخصرت وأنا احس دخان يطلع من راسي
وزوجي الموقر بكل هدوء باسها وكمل النومه
دخلت أخذت جوالي بعصبيه ودقيت ع أمي
هلا يمه جمون شلونك حبيتي
الحمدلله ماما أنا بخير كيف بابا
هذا هو جنبي يسلم عليك
ماما أنا بالخبر
أم جمانة بفرحه ما وسعتها جد؟؟ متى وصلتي يا قلب أمك
وصلنا الصبح بس وافي نايم خلي بابا يمر ياخذني
وشديت ع الكلمة ورفعت صوتي عشان يسمعني وافي يا إنييي مقهورة منه هو وأخته
بس حبيبتي زوجك يدري ما عنده مانع
اييه ماما أنا خبرته
خلاص أبوك يقول دقايق يكون عندك
قفلت التلفون وقمت ألبس
واللي فيها فيها هذي بدايتها بتسوي كذا أجل بالنهاية وش بيصير





هدوئي :
يعني اعتراض يعني ألم يعني وجع .. ابد ابد ما هو رضا !


جلست بالسيارة بهدوء نازل علي
كل ما أتذكر رويد أحس نفسي أخنقه
شلون جا منه يسوي كذا بلتين ما أدري
ناظرني بطرف عينه بوصلك وبرجع لأمي بندر معكم
لفيت عليه بفرحه
صــــــــــدق بندر هناك يا قلبي عليه متى جا
وقف السيارة وناظرني
عقدت حواجبي شفيه هذا؟؟ ليش يناظرني كذا؟؟
لف وجهه ومشى بسرعة
أعوذ بالله من الشيطان كأنه كبريت يستنى كلمة يولع
وقف السيارة بباركينق المستشفى ونزل
نزلت معه
مدري شفيه عصب كذا
طلعنا
حسيت بالخوف وأنا أشوف الغرف الموزعة بالممرات ريحة المعقمات منتشرة
ومرضى هنا وهناك
دق الباب ودخل
كانت لتين مسدوحه ع السرير بصمت
وبندر واقف بعيد عنها شوي
أنا شفته حسيت إني رجعت لأهلي
جريت عليه وحضنته بنــــــــــــــــــدر
وبكيت بلا مقدمات
مدري بس حسيت إني كنت بغربة من غير أهلي مع إنه لتين معاي بس لا أنا ولا هي محنا بأمان
ربت علي بابتسامة شلونك تلو
ناظر عبدالله اللي كان يناظرهم بحرقة
طاحت عينهم ببعض لف وجهه وراح للتين
شلونك حبيبتي
عدلت جلستها بدون ما ترد
بعد عنها شوي وارتخت أعصابها
ما تبغا أي جنس ذكر يقرب منها كأنها مجنونة تصير
بندر اللي فهم ع عبدالله هالبنت تعني له وتهمه وإلا ما كان لاحظ نظرة الغيرة تشع بعيونه
بعدها عنه وابتسم ارتاحي
ابتسمت له مرتاحة عظم الله أجرك بندر
وأجرك روحي للتين يمكن ترضى تكلمك
جلست جنبها ومسكت يدها بالبداية كانت شادتها بعدين تطمنت
حضنتها تاله
ما بعدتها وبنفس الوقت ما تجاوبت معها
ظلت ساكته ما تنطق بحرف
وقف بندر عبدالله
ناظره باستفسار
تعال شوي خلينا نطلع نشم هوا
دخل يده بجيوبه ومشى





فيني عـزه أحرقت جمر الأشواق وفيني هيبـه بعثرت عـزة إنسان

ماهم لاقينه يعني الأرض انشقت وبلعته
: طال عمرك طلع ع رحلة لليونان بس بعدين ما قدرت اتابع خط سيره
قفل التلفون بعصبيه ورماه
رويدا بسام ليه كل هالعصبيه بيجي يوم وبتلقاه وتفهم منه تصرفه
وقف بعصبيه وهو يصرخ جدتي أي يوم هذا اللي تتكلمي عنه بعد كل اللي سواه بعد خايفه عليه _ شد تيشيرته _ مليييييييييت مليييت من الدلع اللي بتعامليه فيه شوفي لين وين وصلت مواصليه هالكلب
رويدا بإحراج بسام خالتك نجد نايمه وقف تصرخ زيادة
زفر وهو يمسح ع راسه
وجه كلامه لها بعد ما هدا جدتي إنتي تدري إنه رويد له حركات من زمان وهالشي هو سبب كره لي لأني أنا اللي شفته مع زوجة خالي بشير وأنا اللي كشفت أوراقه قدام الكل
شوفي الحين النتيجة ولدك كره الحريم كلهم
وأنا _ ضرب ع صدره بقوة _ أنا زوجتي وبنت بنتك طايحه في المستشفى صار أي أحد يقرب منها تنجن
مسحت دموعها بتأثر خلاص كافي أدري أدري كل كلامك صح يا بسام
بس مع هذا كله حفيدي وما يهون علي
قام بسام وشياطينه ترقص حوله
أخذ الجوال المفكك من الأرض وهو يكرر حفيدك ما يهون وأنا حفيد الخدم أهون أجل؟؟
فتح الباب بيخرج شافه قدامه
رمى التحيه وجا بيدخل
تسمر عند الباب
بجاحة الدنيا مجتمعه فيه جاي بعد كل فعايله
مسكه من ياقته
وهنا يألمك وهنا لا
ما بقى فيه عظمة سليمة متجاهل
صرخات جدته، وجيهان
خدم البيت تجمعوا يبعدوه عنه لكن بسام مو شايف بهالساحة
إلا هو واللي قتل زوجته بالحياة
{ هَمّسة دَلع ..✽ غير متصل   الرد باقتباس
قديم(ـة) 18-01-13, 12:27 AM   #89
> أشواقي بالوجدان بآقية <
 
صورة { هَمّسة دَلع ..✽ الرمزية
 
الدولة:
الافتراضي رد: رواية - خنقت الورد يا يمه وبيدي انكسر ذبلان

الحب يجلس دائما على غير الكرسي الذى نتوقعه تماما بمحاذاة ما نتوقعه حبا

إحدى طاولات مقهى المشفى
شرب من القهوة اييه خبرني أخبارك ببيت أختك
عبدالله بزهق بندر صار لك ساعة تكرر نفس السؤال
ابتسم أجل جاوبني بصراحة وريحني إنت تفكر بتاله
عقد حواجبه بإنكار مين تاله؟؟
باستهبال لا تصدق لا أنا وإلا إنت ما ندري مين تاله
بصدق تاله بنت خالتي تعني لك شي ع البلاطه شكلك تحبها
زم شفاته وش الفايدة إذا هي مو داريه لا وكل ما شافت أحد قامت تحضن فيه
ابتسم ع جنب يعني تحبها
ناظره بعصبيه وش قاعد أقول من الصبح
ضحك بندر أول مره أشوف واحد يحب بهالشكل
تحمحم كل البنات بحاجة حب و حنان و ثقة
خاصة تاله إذا حسستها إنك مهتم فيها بتحس فيك لا ويمكن تحبك هذا إذا ما كنت تهمها بعد
مسح وجهه كل ما شفتها لازم تخليني أعصب منها
ربت ع كفه والله بنت خالتي مسويه الهوايل
ابتسم عبدالله بهدوء هذي الإنسانة الوحيدة اللي دق قلبي لعيونها مع إني أبد ما توقعت إني ممكن أحب إنسانه مثلها
ليه من أي ناحية تتكلم؟
يعني تحسها عايشه حياتها بدون مسؤولية متعودة ع الدلع والرفاهيه ما يهمها إلا وش البس ووش أحط روج
توسعت ابتسامة بندر عارضة أزياء وش تتوقع منها
ضحك عبدالله صادق الله يعيني بس إذا راحت
تنهد بندر الأيام الجايه شكلها صعبه ع الكل





يَ حُـضـنَ أبِــــــــــيْ
‎لَيـتگَ تَعلم مَا يَسـگـُن گاهِل طِفلتگ المُـدَللـة !
‎ولَـيتَ گـُــــــــــــل الـدنُيَا تَعرُفُ دَلالـــَگ ! ....


ضمته بحب داااادي وحشتنييي قد الدنيا
ضحك وهو يحضنها عيون أبوك والله طولتي
ناظرته بعبوس اش أسوي بابا شغل وافي
اييه شلونه زوجك معك
أخذت قطعة من الحلا اللي قدامها الحمدلله يسلم عليك
وشلون جدتي والبنات
كلهم يسلمون عليك بما إنك وصلتي أكيد بكره بتكون عزيمة جدتك
اييه والله يا ليت وحشوني كلهم
جلست أمها يا هلا والله ببنتي نور البيت الخبر كلها نورت برجعتك
صغرت عيونها ايييه علينا مو كأنكم افتكيتوا من حنتي شوي
قرص خدها أبوها ما تخلين أحد بحاله
أم جمانة والله البيت من دونك ما يسوى وبدأت تبكي
قامت عندها بعد قلبي مامي والله أمزح وحضنتها وهي تمسح ع شعرها وبهمس شوفيني تعلمت طقوس الرومانسيه من وافي أول كنت لا أهش ولا أنش
ضحكت أمها بحب الله يقطع إبليسك
إبراهيم شقاعدين تقولون إنتي وبنتك
ضحكت جمانة بشقاوة وهي تنط بس بروح أكلم وافي وأرجع
إبراهيم بدينا توك عنده تقولين تعالوا خذوني
ضحكت وهي تقوم ما قدرت
غابت عنهم
ماسكه الجوال اللي دق بنغمة مسج
والله مو هاين علي لكن حركات أختك لا تطاق
فتحت المسج
أجمل البشر أنتِ
و الشمعة التي نورت ظلمة حيآتي
~ أنتِ كل عمري ~
إذا فقدتكِ
فلن يبقى لعمري وجود!
أين أذهب بكل حبي
وأنتِ لأوطانه أمان
مال حبك يا عيناي
في طرف عيني جحود

دقيت رقمه بعد ما بست الشاشه
أول ما رد علي كنت ببكي
وافي حبيبي
آهلين يا عيون وافي
سويت إني جدية شقاعد تسوي
بين أهلي
آهااا وقامت من غرفتي حضرة السيدة داليا
همس اييه
مت غيض وبعد خايف منها
وافي وهو يقوم من مكانه جمون حبيبتي كبري عقلك وش بيقولون عني أهلك في أول يوم لنا هنا جايه عندهم بدوني
خلي أختك تنفعك
ياليييل جمانة
قاطعته بترجي وافي الله يخليك أختك فوق طاقتي قول لها لا عاد تدخل غرفتي مو طايقتها
أبشري أصلا أمي هزأتها يوم شافتها خارجه من غرفتنا
ابتسمت جد؟!!
اييه انبسطتي الحين
يا بعد قلبي خالتي أموووت فيها يللا تعال خذني بسرعه
ضحك إن شاء الله بس عندي خبر
وشوو
طلول رجع أمس
نقزت بفرحه احلف بس ما قالوا لي
يمكن مو قايل لأحد
وإنت كيف عرفت؟
كلمته
آهاا يللا بروح ألبس لا تتأخر
بنتغدا سوا حبيبتي لا تتغدين
اوكيه
قفلت منه جاتني أمي
جمون حبيبتي بتتغدي هنا
لا ماما وافي الحين بيمرني
سكتت مع إني حسيتها ودها إني أجلس بس مدام طلال هنا معناها بكره أكيد بننجمع
صحيح مامي ع الطاري عمو طلال رجع من سفره
......





إسقني حباً،،،


جلس ع الكنبة قدامها وبيده علبة الهدية اللي جابتها له يوم رجعته من السفر
ناظرته وابتسمت ورجعت تناظر التلفزيون
طلال وهو يشد الفيونكا برقة
حبيبتي جهزي لي ثوبي رايح الشركة بكره بيبدا دوامي
هزت راسها اوكيه
استغرب إنها ما أبدت أي اعتراض
فتح العلبة ما شاف إلا ظرف
طلعه باستغراب
فتحه منهمك بالتفكير وش بيكون فيه هدية يا كبرها وبالأخير مجرد ظرف
ابتسم وتوسعت ابتسامته
طلب إجازة لمدة اسبوعين وموقع بتوقيع مديره في الشركة
تركه وهو يتأملها
ابتسمت له حبيت تفضى لي شوي بعد هالسفره الطويلة
قرب منها
أخذ الريموت وقفل التلفزيون
رفع ذقنها بطرف اصبعه برقة
خليني أغرق بقربك هذا عز الطلب
ضحكت بحيا طلولي حبيبي
آمري يا عيون حبيبك
مسحت ع خده بحب شرايك نروح دبي أو البحرين
غمض عيونه وهو يبوس كفها الناعم
نروح دبي والبحرين والعالم كله إذا تبين....





أحبببك.... لا تسأليني ما الدليل
أرأيت رصاصه تسأل القتيل ؟!


إنتي مالك دخل لا تدخلين باللي ما يخصك
رصت ع أسنانها بعصبيه إنت مالك دخل مرة أخوي وحره فيها
لاااا والله أقول تدلين الباب وإلا أدلك عليه
كشرت بوجهه بعدم فهم شقصدك؟؟
ما يفهمونها الأجانب
أجنبية بعينك وجععع
يوجعك قولي آمييين
دخل وهو قايم توه من النوم استغرب هواشهم
عبد الله؟!!
شصاير؟؟؟
تاله بعصبيه شوف هالغبي يبغا يخرج لتين من المستشفى ويرجعها ع البيت
عبدالله بعصبيه غبي في عينكـ....
قاطعهم وهو يجلس ع الكنبة متكتف رجل ع رجل باستهتار
مو ملاحظين سخافة المشكلة اللي صايره بينكم
عبدالله بندر عن التفاهه الحق عليّ أنا اللي جالس مع وحده مثلها
تاله الحساسه كان الكلام قوي عليها
غطت وجهها بكفوفها وما ظهر إلا صوت نحيبها
كان طالع وأول ما سمع صوت بكاها رجع على طول
ناظره بندر رفع حاجب وطلع وخلاهم
فرك يدينه ببعض تاله خلاص
استمرت بالبكا من غير رد
زفر بقهر من نفسه
خلاص انزين أنا آسف
.........
حاولت تمسح دموعها اللي مو راضيه توقف
بلا أمل
وجهها محمر ونص شعرها الأشقر طالع من حجابها الأسود
شكلها طفولي وسط الدموع اللي مغرقتها
شد ع قبضة يده يتماسك تالـ...
وبدون مقدمات قربها منه حضنها
وبأسف
آخر مره...
أومأت براسها بصوت متقطع وهي تبعد عنه
إلـ....ـورا
ناظر الفراغ اللي خلفته بخروجها
ضرب الجدار بيده بقوة حماااار شلون سويت كذا
هالبنت آفه لازم أبعد عنها بأسرع وقت





يقول شكسبير:
ما أقوى الحب ، فهو يجعل من الوحش إنساناً ، وحيناً يجعل الإنسان وحشاً


يلدا بأسى بسام ما تركه إلا لما شاف الدم يصب منه أمي من خوفها عليه أغمى عليها
بشير اييه وبعدين
بس الحين جا اليوم مؤيد وسمعت إنه رويد رايح ألمانيا
ابتسم بسخرية العشق وصل حده معاه لدرجة إنه قرر يهاجر
حركت كتوفها ما أدري بس بصراحة ياليت مره زعلانة منه اللي سواه مو قليل
بشير يكمل غداه أحسن والله المفروض من أول يصير فيه كذا
مريض نفسي ما يناظر إلا اللي بيد غيره
سكتت يلدا وهو كاسر خاطرها اللي سواه فيه رويد من أول كان صعب عليه حيل وللحين يعاني من هالشي
وين عيالك؟؟
بدر أخذ راكان ولين وميرا ع ميلان عشان موعد المستشفى
بسام اليوم مسافر للخبر وأنا بروح لنجد أجلس عندها
دخل بسام بلبسه كان خارج
ابتسمت رجعت حبيبي تعال تغدا
باس راسها ويدها طيارتي بعد ساعة بس جيت أسلم عليك
سلم ع خاله
وقبل لا يطلع لف عليها وبعيونه مكتوب الحزن
إدعيلي يمه محتاج دعواتك
رفعت يدينها الله يوفقك وييسر عليك حبيبي طمني أول ما توصل
إن شاء الله
ابتسم له بشير الله معك
رفع يدينه بتحيه وطلع
بعض الوقائع نشعر فيها أن لنبض قلوبنا ألم يجتاح صدورنا مع كل نبضه
نبضه... نبضه...




شهقت بخوف طلال الله يخليك كلمني ماجد يقول لتين تعبانة بالمستشفى دخيلك وديني لها
ترك جهازه وقام اوكيه حبيبتي لا تخافين ما فيها إلا الخير إن شاء الله يللا قومي
مسحت دموعها أي خير ورويد الحمار اعتدى عليها
سكت لدقايق بصدمة وزوجها وينه؟؟
لفت الطرحه وهي تاخذ الشنطة بسام اليوم جاي لأنه يدرس بإيطاليا
طلال بعصبيه وشلون يترك زوجته لحالها هنا ويروح يدرس
ربى وهي طالعه معه زاد بكاها عشان جامعتها
شوف الحين لا جامعة ولاهم يحزنون شوف وش صار فيها
مسح دموعها وهو يحرك السيارة خلاص حبيبتي لا تبكين هي أكيد مو ناقصة لازم توريها إنك قويه عشان تعدي هالأزمة اللي هي فيها
انتحبت بخوف والله لتين ما تستاهل
هز راسه لاحول ولا قوة إلا بالله مين هالكلب؟
ربى بحقد حيـ#### ولد خالها
انلجم وزادت صدمته معقولة في ناس بهالوحشيه !
((اعتداءات بعض المحارم ذنب كبير مضاعف لكن بعض الأحيان يكون السبب استهتار، يعني أغلب ضحايا الإعتداءات مثل حالة لتين مافي حدود بين المحارم تستوجب عدم الكشف عليهم أو التستر))




ثُمَّ قَسَتْ قُلُوبُكُمْ مِنْ بَعْدِ ذَلِكَ فَهِيَ كَالْحِجَارَةِ أَوْ أَشَدُّ قَسْوَةً

دخل ع السويت اليوم بأكمله ما شاف أمه
أمس كانت تعبانة وواضح مره التعب عليها
دخل غرفتها ما لقاها
استغرب وينها لكن ما لها أي وجود
طلع جواله وين بتكون راحت
ردت عليه بصوت واهن نعم
عبدالله بخوف يمه إنتي بخير؟؟
اييه لا تخاف عليّ أنا بالرياض وطيارتي بتقلع الحين ع الإمارات
ظن إنه ما سمع زين من الإرهاق وش قلتي وين؟؟؟
عادت وصوتها يضعف بروح عند خالك عبدالله لو جيت أنا مو راضيه عليك
احتد صوته بصدمة شلون يعني؟؟ كيف رحتي ومتى
وليييش من الأساس تركتيني ورحتي
خذت نفس عبدالله إنت مو فاضي لي خليك مع أختك أنا بقضي باقي عمري جنب أهلي
يللا مع السلامة....
ناظر السماعة اللي طاحت من يده
ما قدر ينطق بحرف
معقولة هذي أم!!
*
*
*
What do you do when the only person who can make you stop crying is the person who made you cry?

ماذا ستفعل حينما يكون الشخص الوحيد القادر على مسح دموعك ،هو من جعلك تبكي؟
نهاية الجزء الواحد والأربعون
{ هَمّسة دَلع ..✽ غير متصل   الرد باقتباس
قديم(ـة) 18-01-13, 12:46 AM   #90
> أشواقي بالوجدان بآقية <
 
صورة { هَمّسة دَلع ..✽ الرمزية
 
الدولة:
الافتراضي رد: رواية - خنقت الورد يا يمه وبيدي انكسر ذبلان

بسم الله الرحمن الرحيم
الجزء الثاني والأربعون

حَفِيْفٌ يَتَنَاغَمُ عَلَىْ أَوْتَاْرِ الْوَلَهْ
كُلُ الْصَمْتْ يُنَادِيْ ذَلِكَ الْدِفْءُ الحَزِيْنْ
يَتَحَيَنُ لِقَاءَاً يَجْمَعَهُ بِهْ
:سَيِدِيّ
[مَا زِلْتُ أُنَاجِيْكَ!]




ضممتك حتى قلت ناري قد انطفت فلم تطفَ نيراني وزيد وقودها

شغلت المسجل ع سورة البقرة غطيتها زين وبست جبينها البارد
تنهدت وأنا أطلع لطلال
حضن كفي بكفه الدافيه هاا شلونها اليوم
تبغاني قربها لكن ولا حرف ما تنطق
عبدالله وبندر أخوانها خافوا عليها ظنوا من الصدمة انعقد لسانها لكن الدكتور طمنهم إنه بإرادتها ساكته
سكت فجأة وأنا أناظر بوابة المستشفى بصدمة تخالطها فرحة ولوم
هذا بسام
ناظر مكان ما أشرت
نزل يدي وبعصبيه خفيفة لا تأشرين ع الرجال
عضيت ع شفتي وبداخلي كأنه شافني ماشي بثقة نظرة عيونه لفوق ما كأنه شايف أحد
لكن مع هذا والله واضح عليه الربكة مو بسام اللي كنا نشوفه عند الجامعه لما ياخذ لتين ولا بسام بصور عرسه عليها
انكسار لتين كسره
همس لي دقايق
قاطعه وهو واقف عند الرسيبشن
السلام عليكم
لف عليه بملامح جامده وعليكم السلام والرحمه
ابتسم وهو يصافحه أعرفك بنفسي أنا طلال الفهد زوج صديقة زوجتك أكيد عرفتني
رد له الابتسامة براحة الله يحييك تشرفت
كمل بس حبيت اتحمد لك بالسلامة واحنا بالخدمة إذا احتجت أي شي
مد يده بسام شد ع كتفه وبنبرة غريبة تسلم يا طلال من طيب أصلك
كنت بعيده شوي عنهم ماني سامعه أي كلمة لكن من طريقة حوارهم
تذكرت يوم قلت للتين مره
زوجي وزوجك يشبهون بعض حتى بعملهم كلهم ملاحين واحد بحار والثاني طيار...!





كم أنا ...كم أنا أحبك حتى إن نفسي من نفسها تتعجب...!

صب له من العصير وعطاه بندر جوافه اللي تحبه
أخذ منه وهو يطقطق على جهازه
شرب منه وتركه ع الطاولة ورجع للجهاز
: تتذكر يوم كنا بسويسرا
رفع عينه عن الجهاز اممم غريبة وش خطر ببالك الحين
تتكى ع الكنبة قدامه لأني وقتها كنت وحدي معاك بدون أمي وأبوي وبدون لتين
والحين نفس الشي
أمي بالإمارات عند خالي
وأبوي بالمحجر ينازع آخر لحظاته
ولتين بالمستشفى
وأنا وإنت هنا صفينا لحالنا
سكر شاشة اللاب توب وهو يتنهد عبدالله أنا معاك مهما حصل بقولك شي
بما إنه هذا اللي صاير فعلا شرايك تجي تشتغل معي بايطاليا
ناظره بنص عين اقفل هالسيرة
ناظر جواله صحيح ما قلت لك بسام وصل وراح للتين
لف عليه باهتمام جــــــد؟؟!!
: اييه
حك رقبته أتوقع إنه أحسن يكون لحاله معها بما إنه وجودنا ما له أي تأثير عليها
زفر بندر صحيح ورويد الخسيس بسام ما بقى فيه جزء سليم
تدري بعد كل التكسير اللي كسره ياه رجع له ثاني يوم بيكمل عليه لكن لقاه سافر
عبدالله بنرفزة يستاهل الحيـ### قليل عليه
والحين وش بيصير فيه؟ أكيد لو رجع وكل ما اجتمعتوا بتصير مصيبه
بندر وهو يناظر الباب لا أخذه أبوه وراح يسكن بألمانيا خلاص
شفيك تناظر الباب كذا؟؟
احمم الحين بتدخل لا أوصيك تضارب معها
مين هـ....
فتحت الباب بيدها صينية يتوسطها ثلاث أكواب بيبسي مثلجة وصحنين شيبس وبوب كورن
ابتسمت وهي تحطه قدامهم لا أحد يمسك شي انتظروني
راحت للتلفزيون لعبت بالـ DVD
واشتغل
لفت عليهم
جبت لكم فيلم رعب نشوفه سوا
وأخذت البيبسي وأعطت بندر وأخذت حقها و الثاني
وقفت بينهم بعدولي شوي
ابتسم بندر وقام من الكنبة الثنائية جلس ع مفردة بعيدة شوي
تفضلي
توسعت ابتسامتها وهي تعطي عبدالله كاسته وتشرب من كاستها
رفعت الصوت وتابعت بشغف
ناظر الكاسه وناظرها
غمز له بندر وهو يقوم
شرب كاسته مره وحده
أنا بروح عندي مشوار صغير وبرجع
وبضحكة لا تنسوا تتابعوا الفيلم زين بعرف قصته
طلع وتركهم لحالهم
خير وش يحس فيه هذا بالضبط
بقوم لأنه جلستي معها غلط وبصراحة ما أضمن نفسي مع كل الرقة اللي جالسه ع يساري
وقبل لا أتخذ قراري
شفتها لصقت فيني برجفة مغمضه عيونها وبصرخة نووووو ماااامي
كانت لقطة دمويه عنيفة بس أنا وش موقعي من الإعراب حاليا
بعدت عنه أول ما انتهت اللقطة ورجعت للفيلم باندماج
مد يده وحضن كفها
التقت عيونهم بحكي أيام ولحظات
............. كانت لحظة قربت القلوب وقلصت الإيمان فيها






لآتنتَظِرّ مِنِيّ [عِتَآبْ]
فِيّ [ صَمتِيّ ] يكفِيّكّ الجَوآبْ
" كُل شَيء " تلآشَى وإنتَهَى مآبُقَى غيّر العَذآبْ .!


سكر المسجل ينبهها بوجوده
دنق عليها يتأمل ملامح حبه الصامت
بكل زفرة تتنفسها وبكل رمشه منها تفوح ريحه الحب في كل المكان
يقسم بكل جوراحه حبها وعلى كل اللي صار فيها يلوم نفسه أول شي
بس هي مو راضيه تلتفت عليه حتى وكأنها مو حاسه بوجوده
وفي غمرة الحب وشعلة الشوق
...قبل جبينها
بحركته هذي كأنه صحاها من كابوسها اللي عاشته قبل اسبوعين للتوّ
صرخت بوجهه و هي تتغطى بالشرشف الخفيف
بعد عني بعـــــــــــــــــــد
بعد خطوتين بخوف عليها ما توقع حالتها بهالسوء فجأة كذا ومن غير مقدمات
تحولت من صمت لبكا متواصل وصوت شهقاتها يوز بإذنه مثل أزيز الغلي
ما قدر يسوي شي جا الدكتور حاول يهديها من غير إبرة لأنها الحين خلاص خرجت من مرحلة الصدمة وهي بكامل وعيها ومستوعبه كل اللي صار لها
أخ بسام ممكن شوي خليك بعيد عنها
بسام خانقته العبره متمسك بالسرير وبصوت رجولي متهدج من مكاني ماني متحرك
هذي زوجتي - صرخ بوجهه- تفهم وش يعني زوجتـــــــــي
بصراخه هدت لتين ظلت تناظره بصمت
خرج الدكتور بعد ما وصى الممرضة تعطيها أدويتها بالمغذي
رجع جلس قربها
مد يده بيمسك كفها شغلة انها ما تبغا قربه مو داخله مزاجه وبيلمسها غصب عنها وعن كل العالم
سحبت يدها وبحده يـــــــــــدك... انتبه تلمسني
نظراتها الحاده ما بقت براسه عقل
وبعصبيه لتــين أنا بسـام - ضرب ع صدره – بسام شصارلك؟؟
بعدت بطرف السرير وإنت ما عاد لك وجود في حياتي إنت السبب بكل اللي صار لي أصلا
وقف ورمى الكرسي وراه بطريقة ارعبتها
قرب منها ومن بين أسنانه مو على كيفك مو على كيفــــك تفهمين !!!!!!
رمشت بخوف
حضنها بضعف
حاولت تبعده بقوة نزلت دموعها واللي صار فيها قبل فتره شريط ينعاد
رجفة جسمها وارتخاءه ارعبه
بعد عنها بخوف هزها بقوة لتيــــــــــن لتييين قومي
دخل بندر والدكتورة معاه
أشرت لهم بانزعاج المريضه تعبانة إنتو أدرى بحالتها ما يصير كذا
مسكه بندر من كتفه وطلعه
ضرب الجدار بيده كرهتنــي
لفه بندر بقوة عطاه كف وبجدية بسام اصحى على نفسك الطريقة اللي بتتعامل فيها مع زوجتك بتأذيها زيادة شفت شصار فيها ما في شي يجي بالغصب
لتين حاليا فاقده الثقة إنت لازم ترجعها لها
ناظره بتفكير تعال معي أول شي بروح البيت
بندر باستغراب وش بتروح تسوي..؟؟!






بك آنآ بفخر على العالم و آكون آسعد آللي حب و آجملهم كلآم

مسك كفها يللا أمي بالإذن حنا طالعين
ابتسمت بحب وين يمه خليكم تعشوا معنا
وافي يناظر أبوه مره ثانيه إن شاء الله أم إبراهيم جدة جمون مسويه عزيمه كبيرة لرجعتنا ورجعة طلال
يبه قبل لا أنسى الملفات كلها والتقارير على مكتبك حطيتها
ابتسم أبوه شفتها كامله الله يرضى عليك مع إني توقعت إنك تروح وترجع وما تسوي شي
ضحك وافي وانحرجت جمانة
قربها منه والله صراحة آخر الأيام تورطت شوي لأني زدت الضغط واشتغلت شغل الأيام المكومة هههه
الكل هههههههه
يللا مع السلامة
باس جبينها قبل لا تتغطى فديت الهاديه شفيك حبيبتي صاخه مره وحده كل هذا حيا
توسعت ابتسامتها يعني بس مبسوطة بشوف أهلي
فتح لها باب السيارة آهاا تفضلي يا ست الكل
دخلت يسلمو حبيبي...






ليس هناك أجمل من دلة وعائلة و مقتطف حديث،،،

تنهد وهو يمسح ع بطنه آآآآآخ والله جوعان وينهم هالبنات ما قالوا جايبين الحلا
أخذوا الحلا معهم ولا رجعوا
دخلت ربى وبيدها الصينية
قام تربع ايوووا هذا هو الحلا وصل ومعاه حلا
تعالي حبيبتي حدي جوعاان كله من هالجمانة والوافي بلشونا
أم إبراهيم تمسح ع شعره يا روح أمك سويره بسرعه حطي لخالك خليه يسد جوعه
جلست ربى قربه وهي تحط الصينية قدامه وتقطع
ناظر بنت اخته ياااروو صبي من هالقهوة الزينة مين مسويها
ابتسمت لمار بهدوءها المعتاد أمي بالعافيه عليك
طلال يناظرها استوعب فجأة يا هلا وغلا والله بزوجة الغالي وقام باس راسها شلونك؟؟ شلون فيصل أكيد مطفش حياتك أعرفه لا نشب
الكل هههههههههههههه
لمار بحيا وهي تمسك بطنها تسلم والله مبسوطه بس تعرف آثار الحمل متعبتني
عقد حواجبه باستغراب حمل؟!!
أي حمل بالخير
ربى تضيع الموضوع تعرف طلال لا بدأ حبيبي هذا صحنك كله قبل لا يدفى
طنش وهو يعيد سؤاله إنتي حامل لمار؟؟!
سارا تهمس لربى البنت مسكينة انحرجت شفيه طلال مو مستوعب
حطت عينها بعينه ربى وأشرت له خلاص
عم المجلس الهدوء
ابتسم ابتسامة صفرا الف مبروك انا مستغرب لأنه حضرة الأخ ما خبرني والا لأني مسافر آخر من يعلم
أم إبراهيم لا والله حبيبي بس تعرف ...
قاطعهم دخول جمانة برجتها قومت الكل معها
سلم عليها طلال بصدق وحشته ومن غير لا يحس عليه أحد طلع بسرعه لمجلس الرجال
هالفيصل يبغاله فرش وتأديب...!





الحزن ياسيدي :قلبٌ سكنْ ؛ على أرضٍ بلا وطنْ :
الحزن لا يهب الأرض الحيآة ~
والأرض عطشى لا ترتوي


أشر ع الغرفة وبكلمة وحده
هالغرفة أبغاها تنقلب فوق تحت كل شي حتى الشبابيك غيرلي مكانها
خلال يومين ابغاها جاهزة
المهندس هز راسه لهالطلب المحال اوكيه ابشر سيد بسام بكثف العمال وإن شاء الله بعد يومين تكون جاهزة مثل ما تبيها
اوكيه
طلع من عنده دخل ع الصالة
بندر وراه ممكن تفهمني وش قاعد تسوي بسام
جلس ع الكنبة وحط رجل ع رجل بتفكير لازم الغرفة كلها تتغير عشان تقدر ترجع لتين ما أبيها تتذكر أي شي
اييه بس أنا مو فاهم مو إنت ناوي ترجعها معك ع تورينو
بسام بعصبية اييه بندر بس هذا مو معناها إنها ما ترجع هنا لتين عندها ناس وعالم أكيد لو حبت ترجع ما يحتاج تتذكر ذكريات زفت بغرفة نومها
رمى المزهرية اللي ع الطاولة قدامه الله يلعنه
زفر بندر وما في كلام ينقال أصلا عشان يقوله
دق الباب ودخلت شريفه ووراها خدم القصر كلهم
بندر يتابع بعيونه
ولد خالتي له هيبة مع الغرب شلون هذولا وهم غلطانين معاه
وقف بسام وراح لشريفه
نزلت راسها بخوف سيـ...
رفع يده ولا كلمة
أنا سؤال واحد مشغلني شلون دخل رويد وإنتوا هنا؟؟
شريفه والله سيد بسام كان حابسنا تحت
آهااا قلتي لي حابسكم
للأسف اللي طالع معي الحين إنه ولا أحد من صَفَتْ الحيط اللي قدامي هذي راح تبقى هنا
شريفه بترجي سيد بسـ...
صرخ بغيض أعتقد ما لك وجه تناقشين في الموضوع
قرب وجه منها
أنا من يوم جبتك في هالبيت قلت لك إنتي هنا لزوجتي لحمايتها
وكل هالخدم لأجلها لكن مشاء الله كنتِ قد هالثقة وشفتِ وش صار بعيونك
صرخ زيادة والحين براااااااااا بـــــــــــــراااااا
بندر بهدوء يمكن ما يحتاج تعيد الكلمة مرتين
بسام بعصبية بندر رجاءًا مو ناقص هذا أقل شي أسويه فيهم
رمى الطاولة واللوح المعلقة ع الجدار والأبجورات
عدم المكان
عمت الفوضى فيه
ساكت يتفرج عليه الحاله هذي تجيه مره كل سنتين
يمكن هذي المده القصوى لتحمله...!






جرب تسآفر و آسآفر نختبر شوق آلمشآعر
آللي يرجع فينآ آلأول يـآ حبيبي يعني خـآسر !!


ياخي لا تنشب فيصل قلت لك رحيمي عندي
فيصل بإصرار وش فيها طيب جيبه معك الله يحييه
ضغط زر الكنترول للبوابة الكبيرة لا ما ينفع الحين أمورنا ملخبطه
طلال جنبه سامع المكالمه فيصل قول له أنا اليوم شفت بسام بالمستشفى تعرفت عليه خليه يجي يتعشى معنا ما صار شي
سمعت عبدالله يللا تعال
يسلم والله حتى بندر موجود
فيصل عصب ياخي أدري إنه موجود معك ساعه لو ما كنت موجود قدامي ما بيصير لك طيب
وقفل السماعه بوجهه
رجع التلفون لجيبه وهو مستغرب شفيهم هذولا وين رايحيين
وشريفه بعد شصاير
دخلت البيت شفت الصالة الكبيرة مبهدله وبندر وبسام جالسين
السلام عليكم
: وعليكم السلام
صاير شي؟؟؟ ليه البيت كذا؟؟
بندر تعال اجلس ما عليك الخدم الجدد على وصول
عقد حواجبه بدون فهم لكن جلس
تلفت يدور عليها مو لاقيها
ناظره بسام نظرة عميقة وكأنه فاهم عليه
تحمحم عبدالله توه كلمني فيصل يقول عازمنا ع العشى وأصر كثير هو وطلال إنكم تجون معي
وقف بسام إنتو روحوا أنا بوصل تاله ع المطار وأجيكم
ظل يناظره بمعنى
نشف ريقه عبدالله أعوذ بالله من هالمخلوق ما في شي ما يدري عنه
طلع وخلاهم
بندر بهمس هييه إنت وش سويت مع بنت خالتي
حك رقبته بحيا اسكت ما سويت شي بعدين أنا تبت
لا والله هذا اللي طلع معاك
تدري إنه بسام ما رضى يسلم عليها حابسها بالغرفة وبيطلعها ع المطار على طول
عبدالله بفجعة متى هذا؟؟ وليه
لييييه سؤال حلو والله
عبدالله يمسح ع وجهه بربكة مو وقت تريقتك وش دراه بسام
شريفه خبرته على أمل إنه يتركها وترجع ثقته فيها لكنه قلعها بعد ما عاقب تاله
شد ع قبضة يده وهو يزم شفاته الملعونه
بندر بشبه ابتسامه وهو يلعب بالجوال ببرود يحطه ويشيله اييه وإنت قولي وش سويت لها
عبدالله بعصبيه تعرف تسكت
عطاه الجوال شوف هالبيت مره حلو
" يا طيب قبلتك الأولى يرف بها شذى جبالي و غاباتي و أوديتي"
أخذ جواله بنبرة عجبني ناوي أعطيه لزوجتي في المستقبل
ناظره عبدالله وهو يقوم تعرف إنك خسيس
ضحك بندر والله إنك حماااااااار ماحد قالك ما تلزم حدودك زين وقفت على كذا أدري فيها بنت خالتي طايشه ما تعرف الصح من الخطأ
نزل عيونه عبدالله بندم أنا أدري إني غلطت بس والله ندمان
يعني إنت وش سويت قولي عشان أعرف مدى الغلط
رمى عليه علبة المناديل كل تبــــن
تلافاها وابتسم وهو يشوفه يعطيه ظهره
جمدت ملامحه
لهالدرجة الحب ينسينا عادات ومبادئ وحدود
{ هَمّسة دَلع ..✽ غير متصل   الرد باقتباس
إضافة رد

الإشارات المرجعية

الوسوم
بسام ولتين, خنقت الورد يا يمه, رواية بأسلوب أجنبي, رواية رومانسية روعة

أدوات الموضوع

قوانين المشاركة
لا يمكنك إضافة مواضيع
لا يمكنك إضافة ردود
لا يمكنك إضافة مرفقات
لا يمكنك تعديل مشاركاتك

رمز [IMG] متاح
رموز HTML مغلق
Trackbacks are مغلق
Pingbacks are مغلق
Refbacks are مغلق


مواضيع مشابهة
الموضوع الكاتب المنتدى الردود آخر مشاركة
فستان دوقة كمبريدج بقصر باكينجهام ..[ أخرى ] عـروقيـے تحتويـڪ صور - كاريكاتير 35 28-07-11 04:27 PM
ذبلان ودموعه حكت عن شحوبه أميـــر بكلمتي منقولات أدبية 6 24-11-10 04:55 PM
خنقت الورد يايمه - صور للمسن المحروقة صور و رمزيات واتساب WhatsApp - بلاكبيري blackberry - سكاي بي Skype – فيسبوك – تويتر – انستقرام 25 03-06-10 10:02 AM
رواية ليه الورد اليوم من غير والي$$وشلون ترمى في الخطر والمتاهات <<للكاتبه عربوجه ريـــ م ـــاس روايات تعب قلبي 21 03-08-09 03:05 PM
غصات خنقت أنفاسي بشده الــجــوري منتدى المواضيع العامة 11 20-04-09 01:58 AM


الساعة الآن +3: 10:33 AM.