احساسي الشريد..

[غربة روح]

مليت نظمك يالحروف مليت ترتيب الجمــل

مليت اسأل مالقيت اية إجاية ياالقصيــد

مليت من طول السهر مليت حلم ماكمــل

مليت نفسي والدموع والجرح والصمت البليد

صارت حياتي باهتة لا لون فيها لا امــــــل

نفس الاماكن والوجوه ونفس الكلام اللي نعيد

ساد الفتور العاطفي مادري تسيده المــلل

وساد الشعار اللي يقول الحب شئ(ن)مايفيد

ياقلبي اضناك الوهم تحلم وحلمك ماحـــصل

صدك زمانك لين صار احساسك اشبه بالجليد

احتار حتى صاحبي ولصد قلبي مااحتـــمل

وانا بنفسي تايهة ادور الحل الا كيــــد

قالوا غريبة غامضة وكثروا فيني العــلل

وانا في صمتي غارقة ياظلمهم يكفي تزيد

ياصاحبي ارفق علي وداوي جروحي بوصــل

انت الذي حولي بقيت لاتزيدني جرح(ن) جديد

هذي المسافة بيننا حاول تخليها اقـــل

جيتك بقايا لمني....جيتك طفل.. جيتك...وحيد

جيتك مشاعر خايفة... جيتك غريب ابلا اهــل

كل حلمي القى لي وطن يضم احساسي الشريـــد

[شقى الايااام]

غربة روح

صح السانك وعلا شانك ابدعت الحقيقه

احساس رايع وكثر من رايع الله يعطيك العافية

دمت ابود

شقى الايااام

[غربة روح]

اخوي شقى الايام

صح بدنك وتسلم على المرور

وانت الرائع بتعليقك

تحياتي وشكري لك

[ملك بلا مملكه]

غربه روح
مشاعر مبعثرة هنا وهناك
صح لسانك
لك احترامي وتقديري

[هدوووء الشتاء]

غربة الروح

صح لسانك وتسلم يمينك وعساك ع القوة

قصيدة في غاية الروعة والجمال ودقة الوصف والخيال

بيض الله على وجهك ابداع يتخلله ابداع

تقبل اروع واجمل التحاياا من

هدوووء الشتاء