المنتديات
اجعلنا صفحة البداية
اضفنا للمفضله
المنتديات
|
#1
30-06-07, 05:36 AM
|
|||||
|
|||||
عـجـوز الـقـايـلـه
سسسسسسسساكم الله با الخير شلونكم شخباركم اليوم كنت منسدح با الصاله وحاط راسي على المركى وجالس تحت التلفزيون اتابع بباي هو وحرمته زيتونه تراني ما اتابعه عشان اقز سيقانها اذا صارت تركض ويلحقها الدب ذاك ابو لحيه المهم شفت معهم العجوز اللي تطير بعصى المكنسه مهبوله ذيك العجوز تأثرت فيها ايام الطفوله في وصاخة اظافري قصدي نعومة اظافري حتى مره كنت فوق جدار البيت اطلع الكوره طاحت فوق الباب لقيت مكنسه وعضيت شليلي << الشليل طرف الثووب من قدام وطبحت من فوق الجدار بس الغريبه اني ماطرت مثلها يله تسمى محاوله ويسجل اسمي با التاريح مع الزلابه عباس بن فرناس المهم نرجع لسالفة العجوز .. العجوز هذي ذكرتني بعجوز القايله القايله = الساعه ثنتين الظهر با الصيف يعني با الشتاء ماتسمى قايله ذبحونا اهلنا بها الخزعبلات .. قال ايش قال عجوز القايله تحب لحم البزران وكل يوم تاكله يعني ماعمرها تغير وتاكل نواشف خخخخخخخخخخخخخخ حسبي الله على من كان السبب وربي سببت لي عقده نفسانيه صرت اذا رحت للبقاله احط نعالي تحت اباطي واعض ثوبي وادعس بكل مابطبلوني حتى ما اقدر التفت وراي اعااااااااااااااااااااااا كل هذا ليش عشان اهلي مايبوني اطلع الظهر ياخي قولو لاتطلع لاتخوفونا اخواني الكبار دايم يخوفوني صرت حتى وانا نايم اتحلم فيها حتى اني صرت ما انام بغرفتي انام با الصاله عند امي << نصاب ترا ماعنده غرفه امنيت حياتي يصير عندي غرفه وفيها سرير مليت وانا اسحبل بطانيتي والوساده بكل مكان اتسدح من كثر ما انام با الصاله اخواني يسموني المطب الصناعي نرجع حق محور حديثنا << تكفىىى يا الصيرفي خخخخخخخخخخخخ اللي قاهرني ورافعن ظغطي اذا قابلت واحد من الشله العصر اقوله طلعت من البيت الظهر؟؟ يقولي : لا اقوله : ليش ؟؟ يقول عجوز القايله عند بابنا .. وش جابها عند بابهم واخواني الكبار يقولون انها عند بابنا حنا ابقولكم سر : مره من المرارير وعلى حين غتره قصدي غره جاني اخوي اللي اكبر مني بشوي قالي عطن خمسه تريل << يعني خمسه ريال قلت له مامعي << ملعون يدري ان ابوي معطيني نجاحتي عشر تريل قام ومسكني مع يدي قام ينادي عجوز القايله يقول هاه تعطينن ولا اخليها تجي وانا مسيكين اصيح وانادي امي يمااااااااااه يماااااااااه شوفي ولدتس يبي يذبحن وامي بسابع نومه .. وقمت وعطيته العشره قالي ابروح للبقاله وارجع لك الباقي بس على مين تلعبها << اتقوو شر من قرب للأرض k13 مشيت وراه اراقبه لقيته يشتري تتن من البقاله هع هع هع اخيرآ مسكت عليه شي جيته قلت تتن يا الداشر عاد ابوي قايلن لي لاتمشي مع دشير والله لعلم والله لقووول يله هات الخمس تريل واطلبك خمسه بعد قالي ابو ضروس ودك تصير رجال قلت ايه بس لاتقول ابو ضروس ولا ترا اعلم قالي تعال خذ لك زقاره ترا تصير رجال وقووي تصير اقوى واحد با الحاره كلهم يخافون منك سرحت شوي بكلامه واتخيل شكلي وانا امشي با الحاره وهم ينحاشون يمين ويسار جاااااكم ابو ضروس انحاشوووو جاكم القوي قلت يله هات زقاره بس قل قصم واحلف بصلاة امك وابوك ماتعلم حلف لي بعدها اخذت الزقاره وولعها لي وقمت ادخن وكانت هذي اول مره احط فيها زقاره بين اصابعي بعدين قالي ياويلك ياقردك الحين امي تشم ريحة التتن معك وتدري والله تعلقك با المروحه << وينك ياكوفي عنان انا قمت اصيح قلت له وش اسوي وااااااااااااااااااااااااااا قلي وش اسوي ولا ترا اعلم عليك انك انت اللي خليتن ادخن وااااااااااا قال انزلع وياويلك تعلم ترا اقول لعجوز القايله تراها صارت صديقتي انا سمعت طاري عجوز القايله وانا احط رجلي وينك يا البيت عنننننننننننننن المهم قمت ادور با الحوش ياربي وش ذا البلشه شلون اخلي ريحة التتن تروح ليش ماحنا زي الاجانب اللي يتعطرون المهم طرت ببالي فكره قمت وطلعت برا وجلست امردغ نفسي بحووض الشجره اللي عند بابنا << قام يتشقلب على التراب الين صارت ريحتي كلها تراب بس صار وجهي اشهب كني منفقع بوجهي فيش كهرب يوم رجعت للبيت قالت امي ولدي العزيز قلت نعم ياماما << تراها ماقالت يا السربووت من سوا فيك كذا وش في ثوبك صاير كنه رواق خيمه قلت يمااااااااااااااااه يمااااااااااااااااااه واااااااااااااااااااااااا قالت قل وش فيك لا اصطرك بسلك الكهرب حق مكينه الخياطه << سلاح امي المشهور جيت بعلم على اخوي وتذكرت انه يقولي ترا اعلم عليك عجوز القايله قلت لها يماااااااااااه عجوز القايله ضربتني واخذت عشرتي قالت امي تكلم زين لا امردغك با الصاله واعلقك با المروحه << مروحة هاجر على غفله خخخخخخخخخخخخخخخخخخ قلت والله يمه عجوز القايله ضربتني انتي مو تقولين لاتطلع الظهر عجوز القايله تاكلك .. قالت : ايه قلت لك قلت انا طعت من البيت جوعان ورحت للبقاله ومسكتني عجوز القايله بغت تاكلني وكفختها وجيت للبيت امي طلع فوق راسها نخله قالت ياوليدي شلون شكلها عجوز القايله قلت لابسه ثوب اسود وشعرها ابيض ومعها مكنسه نزلت من فوق سطح ابو سالم جارنا .. قالت بسم الله عليك ياوليدي رح نم خذ هذي عشره بس لا تعلم احد بسالفتك << تدري انها نصبه بس ماتقدر تقولي شي لانها هي اللي قايله عجوز القايله تاكل البزران خخخخخخخخخخخخخخخخخخ نستفيد من هذه السالفه : 1 - اذا عطاك ابوك عشره رح اشتر فيها بسرعه ترا وراك اخوان 2- اذا ودك يصير عندك غرفه ارسلي رساله خاصه با اسمك عشان نشتكي على اهلنا عند كوفي عنان السورنه ماهم احس منا 3 - اذا جيت تطلع الظهر خذ معك نبيطه عشان اذا جتك عجوز القايله تفلقها منقوووووووووووول
|
|
#2
30-06-07, 08:11 AM
|
|||||
|
|||||
رد : عـجـوز الـقـايـلـه
2- اذا ودك يصير عندك غرفه ارسلي رساله خاصه با اسمك عشان نشتكي
على اهلنا عند كوفي عنان السورنه ماهم احس منا ههههههههههههههههههههه هو كوفي عنانا ورانا ورانا 1 - اذا عطاك ابوك عشره رح اشتر فيها بسرعه ترا وراك اخوان هههههههههههههههههههههههههه طريقة حلوة مشكور كثير ابو جعيثن تقبل مروري سلاموووووووووووو
|
النمط المتتابع
