المنتديات
المنتديات
| روابط إعلانية |
| ||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
 |
| | أدوات الموضوع |
30-06-07, 01:45 AM
| #1 |
| |[ عـضـو نـشـيـط ]| الدولة:   روابط إعلانية |  قصة ليلي والذئب((باللهجة القصيمية))! هذي قصة ليلى مع بعض التعديل... لتتوفق مع تقاليدنا..:f55: ومجتمعنا... واليكم القصيصة.. كان بوه مكان... في سوالف العصر والزمان... كان بوه بنية اسمها مزنة... تمشي في الغابة... ولابستن عباتها وغتفاتها الحمرة... ومن بعيد اخوها يراقبها... ((( سؤال: وشوله يراقبها))... اجل تبونها تمشي بدون محرم... افااااااااا... المهم وهي تمشي وتلقط فقع في طريقها لبيت اميمتها حصة ((جدتها)) وصوتها تقل عنز معها انفلونزا الطيور تغني... لا مب تغني الغنا حرام... تنشد.. وبيديها ربابة تعزف عليها ولا فان كوخ<< اذكر فان كوخ يعزف على ربابة.. الموهيم... كانت تمشي وما عليها من احد... تلقط من هالفقع وتحط بمخباتها... وهي تمشي... تمشي... تمشي... تمشي... <<< لازم اكتب عدد الخطوات.. للامانة القصصية... ايه وين وصلت يوم وصلت الخطوة الرابعة.. وتمشي.. وتمشي.. وتمـــــــــــ << اخذت كفخة سكرت حلقي... وصلت يوم انها تمشي... << قولي قـ... ق.. ق ر أ قرأ << مصالة.. والا تسمع صوت وراها... تلتفت تلاقي ذيب يقرب منها.. تخرعت وجت تبي تهرب .. الا تسمع صوته يقولها: هلا... << ميانة... ورمى الرقم.. << ما عليه شرهة ذيب معاه جنسية سعودي استغربت وقالت له: هلا بعينك... بعد ذيب ويعاكس... هذا اللي ناقصنا... تلفت حولة تقل واحد عامل عملة... <<< مع تحيات ايهاب توقيف... وقالها وهو يعدل شماغه.. << مادري من وين جا الشماغ.. افتحي البلوتوث.. ناظرت فيه للحظات... وابتسمت اخيرا... ودخلت يديها داخل شنطتها.. وطلعت...ساطور.. وقالت: تبيني افتحه على راسك.. << حشا ما صارت ذي حكاية مزنة تخرع الذيب وقال: لها سؤال اخير... خير... يمال الوجع.. وشوله لابسة عباة حمرة... ؟؟؟ عشان اليوم الفلنتاين.... عشان اسمي مزنة الحمرة يا الثور... باي ذا وي... <<< ذيب متحضر يعرف عنجليزي:050103norm_prv:... اعرف طريق ازين من هذا... طريق يمر بالمحل ابو ريالين... عاد مزنة على طول خقت طريق يوديها ابو ريالين... وقالت: من وين.. عطني الوصف... وطلعت من مخباتها بوكت بي سي.. << متطوره.. وكتبت الوصف وقالت له وهي تتلفت: يالله عاذ ظف وجهك زوتها... <<< ام الاسلوب.. الموهيم مرت مزنة على السوق السودة ونست تروح لجدتها وضاع الوقت... وهي تمشي وتجمع في هالمواعين<< عاد كل شي الا مواعين ابو ريالين كل الحريم يخقون عليها... تحس زبيرية تلزق براسها... فتلتفت الا وتشوف اخوها بايده الزبيرية الثانية وفي طريقها للانطلاق... ولكن للاسف.. ما امدها تراوغ وخش سيدا بخشتها وقبل ما تطيح الزبيرة بالارض مسكها من ظفايرها وسحبها.. ويوم انهم برا المحل صرخ فيها وقال: وين رحتي يا مال الوجع... دقت علي اميمتي حصة بيجر... <<< تطور اخته معها بوكت بي سي وهو بيجر... ايام... ايام كان للمرأة دور كبير في الحضاره.. قالت وهي تصيح وتعيد تظفير كشتها... : قالو الطريق هذا ازين من الاول.. ويوم مشيت لقيت فيه ابو ريالين... منهم اللي قالو... ليكون كلمتي رجال.. لا... لالالالا اجل قدامي اوصلك لجدتك... ووصلت مزنة لبيت جدتها.. وتركها اخوها من عند باب بيتها.. ودخلت وهي تسحب كيس المواعين... وتنادي.. اميمتي حصة... اميمتي حصيصة .. الا وتجيها الشغالة اللي من جزر القمر تشبه صورة صدى الكيرم اللي حطها فاقد.. وبعد ما تعوذت مزنة من ابليس خوفا انها ابليس متنكر.. لانهم يقولو انه يسكن كل شي اسود.. - بغدون... <<< شغالتهم تتكلم فرنسي.. وعليكم... وين ماما هسة.. << حصة.. ما نكلم الشغالات الا وكأننا هنود مقعدين.. - في غرفة حق هيا... وش تسوي... - ما في مألوم... يمكن نوم.. وليش ما في معلوم.. احنا وشوله جبناكي من بلاد مال انتي.. مو عشان يصير معلوم... يالله ظفي خشه حق انتي... وتتركها وتروح لغرفة حصوص... وتطق الباب.. - ميييييييييييييييييين... ؟؟ استغربة مزنة... في العادة تسمع الجملة المعهودة... (( يا مال الوجع الباب مفتوح)) قالت وهي تضحك وتفتح الباب.. يمكن تتدلع.. واول ما دخلت شمت ريحة حنا وكراث ومعمول<< مب معمول لوزين.. معمول الدخون اللي يبخرو فيه غرف التشريح في جامعة سعود.. <<صارت سالفة.. الموهيم... تدخل وبيدها كيس الفقع.. - سمي... جبت لكي فقع معاي من الطريق... يوم قربت من جدتها ناظرت... كان الذيب اللي شافته في الطريق هو اللي منسدح على السرير.. ضحكت على بالها جدتها تستهبل معها... وقال: - امي.. وراه ما تروحين معي يوم للكوافيرة نسوي لك حلاو ولا شمع... هيهيههههي.. هو.. تبيني انا اشيل حلاوة... هذا اللي ناقص.. طب وراه ما نوديكي لبنان نسويلك عمليات تجميل.. ههيهيههههي.. اقول وراه ما تروحي تحطي الصفرة انا جيعان.. اقول وش جيعان.. ترى عرفت من زمان انك اميمتي حصة... خلاص يكفي تمثيل.. ناظر فيها الذيب وقال وهو يطلع سنونه... اجل حتى جدتك عندها هالسنون... اميمتي... خلاص عاد لا تزوديها.. وقامت طبت في كرشة الثعلب تحاول فتفصخ قناعه على بالها جدتها... الا وتسمع صوت في دولاب الملابس... تقوم وتفتح الباب الا وتطلع جدتها.. وتصرخ مزنة: يلهووووووووووووووويييييييييييييييييييييييييييييييي ي <<< تأثر بالمسلسلات... اجل طلعت ذيب حقيقي... - قولي ق... ق ر أ.... قرأ... <<< مصالة للمرة الثانية.. طب وشوله ما اكلت جدتي.. كفختها جدتها وقالت... وهذا سؤال... تبينوه ياكلني... قال الذيب اللي قام من فوق السرير عشان يتعشى.. - عشان اكل مرة وحدة... ماحب اكل على دفعتين.. <<< ما لقت سبب.. الا ويصفق الباب... يلتفت الذيب ويشوف الشغالة... ويروح فيها... يمه... يربون ابليس عندهم في البيت... ويلقط نفسه ويهج... ومن يومها وهم يسمون الشغالة... ((مخرعة مان)) << على وزن سوبر مان.. وطوطة طوطة خلصت الحدوطة... :030104_emM7_prv: |
|  |
|
30-06-07, 02:35 AM
| #2 |
| |[ عـضـو مــاسـي ]|  الدولة: |  رد : قصة ليلي والذئب((باللهجة القصيمية))! هههههههه بوه سوق الخبيب يسلمووووووو حسناء تقبلى مرووووووورى |
|
| |
|
30-06-07, 08:36 AM
| #3 |
| |[ عـضـو مـبــدع ]| الدولة: | رد : قصة ليلي والذئب((باللهجة القصيمية))! ههههههههه يسلموا الحسناء تقبلي مروري سلامووووووو |
|
| |
|
30-06-07, 03:28 PM
| #4 |
| |[ عـضـو نـشـيـط ]|  الدولة: | رد : قصة ليلي والذئب((باللهجة القصيمية))! هههههههههههههههههه حلوه منك اختي الحسنا الله يعطيك الف الف عافيه يسلموووووووووووووو |
|
| |
|
30-06-07, 04:19 PM
| #5 |
| |[ عـضـو جـديـد ]| الدولة: | رد : قصة ليلي والذئب((باللهجة القصيمية))! - بغدون... <<< شغالتهم تتكلم فرنسي امـآ ذي .. خطيييييييييرة ... يعطيك العىآآآفية .. و مشكوووور على القصة .. |
|
| |
|
| الإشارات المرجعية |
| أدوات الموضوع | |
مواضيع مشابهة | ||||
| الموضوع | الكاتب | المنتدى | الردود | آخر مشاركة |
| ليلى والذئب - القصة وآثرها على الطفل | وتيـ الروح ـن | اطفال × عالم الطفل | 5 | 26-12-11 08:56 PM |
| طفله تحكي قصه ليلى والذئب واخرى | بسمه دلع | مقاطع يوتيوب × مقاطع فيديو | 9 | 20-12-11 07:35 PM |
| ليلى ذات الرداء الاحمر والذئب | فتااة ابكت القمر | نكت × نكت ضحك | 25 | 04-07-11 09:31 AM |
| قصة ليلى والذئب.......كما يرويها حفيد الذئب | همسات صامته | قصص تعب قلبي | 10 | 17-01-10 09:02 AM |
| ليلى والذئب ( عراقي ) | @الميسترو@ | نكت × نكت ضحك | 8 | 17-12-08 08:14 PM |
