عـودة للخلف   منتديات تعب قلبي > منتديات تعب قلبي للقصص والروايات > روايات تعب قلبي


إضافة رد
 
أدوات الموضوع
قديم(ـة) 31-10-12, 12:36 PM   #1
|[ عـضـو مـشـارك ]|

 
صورة شتتني وبعثرني الرمزية
 
الدولة: المملكة العربية السعودية
وردة رواية - غرباء يعزفون أوتار الحب


بسم الله الرحمن الرحيم
روايتي الثانية بقلمي (غرباء يعزفون اوتار الحب )...كتبت روايتي الاولى بسس م حبيتها عشان كيذا م ابي اصرح بأسمها ...
خلوني اقول لكم اول ابطال رواييتي ..
فارس(ولد حبوب من عائلة محترمه ....عمره 23 ...طويل ومعضل وشعره اسود وكثير ...اسسمر ..وحواجبة كثيفه ...وله عوارض وجدا هادي ولا يتقبل اي شخص بسرعه )
فيصل (شاب حلو وضريف ..رومنسي وعايش بالعسسل ...بس يكابر كثير ..وهادي ..عمره 23 ومملوح وجدا جذاب ...)
فهد(رجال والنعم فيه ...ينحط على الجرح يبرى ..ثنائي مع خالد ...يحبون الضحك والهبال بس كثير م يأيد خالد عمره 23 وجدا رومنسي )
خاالد(شاب جدا عنيد ...يحب يتهاوش على اي شي ...م يتنازل عن حقه لو شو م صار ...وملقوف ..وحشري ...بس جماله يشفع له عمره 23 )
اممل (بنوته كيوت ...جمال جسم ..وطول وحلاوه ..بس طبق الاصل من خالد ......يعني يكون عنيد هي تكون اعند عمرها 23 و العدو اللدود لها الجنس الخشننن )
البندري (بنت حلوه وجميله وملامح خليجيه جذابه ...هاديه وخوااااافه ورومنسيه وينلعب عليها بسرعه ..عمرها 23)
#####الباااارت الاووول####
........................
البندري:يا الله قلبي قوومي تاخرنا
طلعت من غرفه امل وسكرة الباب بقوه وهي عاضه على شفتها وتضحك
امل بصراخ :هين يا البندري ما راح افوتها لك
البندري تسوي نفسها ما سمعت اخذت شنطتها من غرفتها وراحت لطاوله الاكل جلست تفطر وهي تفطر دقت امها
فرحت وردت على طول :ألوووو
ام البندري:هلا يمه شخبارك
البندري تمسح دمعتها :بخير يممه ما نقصني غير شوفتك
امل طلعت من غرفتها وبيدها فوطتها :سلميني عليها
البندري:يمه اموله تسلم عليك
ام البندري:الله يسلمها من الشر ..ابوك واخوانك وخواتك يسلمون عليك
البندري ما قدرت تمسك نفسها اكثر انفجرت بكى :سلـ..ـمي عليهم يمه وقولي لهم اشتقت لهم كثيير
ام البندري :لا تصيحين يمه هانت كلها سنه وتخلصين ..وبوصل سلامك لهم ..بيدو
البندري :لبيه يا الغاليه
ام البندري :ترى بنجيك قريب
البندري :صدق يممه ولا تبين تفرحيني
ام البندري:لا يمه صدق ..يالله بسكر تبين شي يمه ناقصك شي
البندري تبكي:ما نقصني غير شوفتك يمه تكفون عجلو تعالو
ام البندري :ان شاء الله يمه بنجي قريب يالله سلمي على اموله وذاكرو لا تلعبون
البندري:ان شــ..... طوط طوط طوط
ناظرت البندري الجوال بخيبه امل :انقطع
امل تجلس جنبها :اهم شي سمعتي صوتها
البندري طاحت بحضن امل :اشتقت لهم كثير يا امول والله اشتقت لهم
امل رفعت وجه البندري :ههههههه احمد ربي ما عندي اهل كان تلقيني سرداد مرداد على السعوديه
البندري ضحكت :من قلبك
امل نزلت عينها :لا مو من قلبي بس تعودت على فقدهم
البندري :المكتوب ما منه مهروب
امل ضمت البندري وهي تضحك :ضمممه الصباح ما اخذتها هههه
البندري باستها على راسها :الله لا يحرمني منك
..........
فيصل :والله تطفششون انا بروح اللي يبي يصحى يصحى
طلع وسكر الباب بقووه
قام خالد وهو يضحك:عصب فصيل
قام وغسل ولبس وجلس بالصاله يصحي الشباب
فيصل طلع وهو لابس ميه لبس ومتدفي وضام كتبه ويمشي لمحطه القطار
وقف عن المحطه وجلس ينتظره
جات امل والبندري ووقفو لانه ما كان فيه مكان وجلسو يسولفون ويتناقرون
قام فيصل وناداهم :لو سمحتو تفضلو اجلسو
البندري ابتسمت لانها كلمها بالعربي :عربي ؟
ابتسم فيصل :ايه وانتي
البندري :سعوديه
فيصل :انا بعد سعودي
امل نقزت :وانا بعد سعوديه
البندري ظربتها :انتي محد كلمك
فيصل ابتسم لهبالهم ولف وجهه وعطاهم ظهره
امل جلست بمحله :وش فيه شايف نفسه
البندري :خوفتيه
امل قامت :تعالي اجلسي
البندري تضم يدينها على صدرها :لا خليني واقفه يمكن ادفى شوي
امل جلست :بكيفك انتي الخسرانه
البندري ابتسمت :اصلا مب من قلب مناديتني
امل فتحت الكتاب وهي تبتسم
جا الباص وركبو كلهم قعدت امل على الشباك وطلعت جوالها
جات البندري :تكفين ابي الشباك تكفيين
امل تناظر الناس :البندري اسكتي تكفين فضحتينا
البندري:ما ابي ما ابي خليني اججلس على الشباك واسكت
قامت امل :تعالي يا مال الوجع فضحتينا تعالي اجلسي
ضحكت البندري وجلست
مشى الباص وشوي الا وثلاثه شباب يركضون ورى الباص
البندري طلعت راسها تشوفهم وهي ميته ضحك
امل تصارخ :بعدي خليني اشوف
فيصل لف وجهه عنهم لانه طاااح وجهه
لحقو الباص وركبو واحد واحد
خالد يلهث :آآآه يا قلبي تجمد
فارس :كله منك ما قومتنا بدري ليش
فهد:لا والله الا من ذاك الشين اللي طلع وخلانا نايمين
فارس شاف فيصل :ويتصدد بعد اوريك خل نوصل الجامعه
فهد :والله ما ندفع لك اليوم يا فصيل وبنشوف
خالد:لا لحضه هو ما سوى شي قومنا وما قصر بس انتم الطينه
فيصل نط يوم شاف احد فزع له :اييييوه وشهد شاهد من اهله ..الحمد لله اني قومتكم
اجل لو ما قومتكم وش بتسوون
فارس :اقول اص بس اص شغلك مب هنا شغلك بالجامعه
..
البندري :هههههههه يوه يجننون شوفيهم وهم يتهاوشون
امل :بيدو لا تناظرينهم ترى بيفهمون غلط
البندري لفت وجهها بسرعه :صدق ييمه لا لا كلش ولا الغلط
...
نزلو للمحطه وراحو للجامعه
البندري مدخله يدها بيد امل ويمشون :امول لا طلعنا من المحاظره بنروح لسوق
امل وقفت :نعمممم مهبوله ؟
البندري :لييش
امل :منتي حاظره المحاظرة الثانيه
البندري :يوووه فيه محاظره ثانيه
امل :ايه فييه وفيه ثالثه الساعه تسع اليل تدرين ولا ما تدرين
البندري :يووه تسع اخاف منها
امل تمسكت بالبندري:وانا بعد اخاف ..
البندري :طيب شنسوي كل يوم على هالحال ...طيب وان جانا احد سكران
امل :بيدوو لا تخوفيني مب صاير ششي تكفين
البندري :انا اقوول لوو افترض بس
امل :اسكتي ولا تفترضين
دخلو القاعه وجلسو
طلعت امل البيبي حقها ونزلت شوي وجلست تكلم صديقاتها
البندري تكتب المحاظره ومقهورة من امل :امل سكري العله اللي بيدك واكتبي
امل :ما ابي
البندري تنغزها بالقلم :اممل لا تخليني ازعل خنا جايين ندرس مب نلعب
امل :طسسي بس باخذها منك
الدكتور انتبه :What happens in the background?
البندري : Nothing Dr.Jack
الدكتور يكمل الشرح :o.k
البندري :شفتي وش صار بغيت انطرد بسبتك
امل :محد قالك كلميني
البندري :هين يا امل والله لأوريك كل شي بحسابه
امل :يمه خوفتيني
الدكتور عصب واشر على البندري وامل : Out
البندري حاولت ترقع :Out Dr.jack
قاطعها صوت :Sorry Dr.Iwastalking
الدكتور :Hah strange! Recognize your sin in front of students
البندري لفت للولد لقته فيصل ابتسمت ودموعها بعينها
فيصل:I do not accept thatonedarkensbecauseofme
الدكتور :o.k Out
طلع فيصل والشباب ماتو ضحك ولا يفوتكم التعليقات بالبيبي
رجال يا فصوول
شكلك تحبها
لا تكفى ارحمنا يا الفزعه
طلع فيصل وجلست البندري وتاسف منها الدكتور
البندري فقدت اعصابها خلاص :امل أنطمي انطمي انطمي
امل :ههههههههه تبين تنطردين شكلك
سكتت البندري ولما خلص الدكتور ركضت لبرى القاعه تدور فيصل
امل :وش تدورين
البندري :الولد الفزعه
امل :يقولون اسمه فيصل
البندري :وش دراك ؟
امل :سمعت اللي ورانا يسولفون فيه ويوم كنا في الباص بعد اسمعهم يقولون فصيل
البندري :مسكين انطرد والسبه انتي
امل :انــــــــا
البندري :لا انا ....ايه انتي
امل :ههههههه طيب حلاص لا تعصبين
البندري جلست على كرسي :لا بجلس انتظره بعتذر منه
امل تشوف ساعتها :طيب الساعه الحين 12 امشي نتغدى من المطعم القريب تلقين كل الجامعه هناك يتغدون بسرعه قبل لا يصير زحمه
قامت البندري :اوكي
راحو للمطعم واول ما دخلو كانت عيون الشباب عليهم
خالد مات ضحك :فصول شف البنت اللي فزعت لها
فيصل نزل عينه :ادري
فارس :شكلك تحبها
فيصل :مثل اختي
فهد :ايه شباب تراهم خواتنا وشكلهم لحالهم
فيصل : لبى قلبك يا فهد محد فاهمني غيرك
فارس :ايه خواتنا ما قلنا شي بس ما انطرد بسبتهم
..
امل :شوفي بقولك وينه بس مب تلتفتين
البندري تسحب الكرسي بثقه :ايه قولي وين
امل :شوفيهم وراك على طول
البندري شهقت :هئ من جدك
امل :اششششش وطي صوتك لا يسمعونك
البندري :اوكي بقوم اعتذر
امل :يالله بسرعه بس خليك مؤدبه لا يقولون ذي عوبا
البندري :لالا بكون مؤدبه
قامت البندري وكان بوجهها فارس وخالد ابتسمو لها وغمزو لفيصل التفت فيصل لقاها جايتهم قام :هلا
البندري نزلت عينها وهي تلعب باصابعه :هلا فيك ..انا اسفه على اللي صار ...ما كان المفروض تقوم لانك ما سويت شي
فيصل :لا عادي اصلا انا ما كان ودي احضر بعدين انتي ما سويتي شي صديقتك هي اللي مسويه كل هالزحمه
البندري :اكرر اسفي و اتمنى تقبله
فيصل يشوفها لانها ما رفعت عينها :مقبول وانتبهي لنفسك ..
راحت البندري وجلست على الكرسي وخذت الشوكه ومدتها بعيون امل :اموووووووول والله ان عاد حطيتين بموقف زي كذا لانقز عيونك من راسك
امل بعدت شوي :بسم الله وش قيك وش سويت وش قالك هالخبل خلاك خبله
البندي ما قال شي أسكتي تكفين ماني متحمله زياده
سكتت امل ورجعت تطقطق بجوالها :اوكي براحتك
طلبو غدا ورجعو بسرعه للجامعه
جلسو بالقاعه على ما جا الدكتور
بعد ساعتين طلع الدكتور وراحو لنقطه التجمع او المحطه
امل منزله راسها بجوالها والبندري مكتفه يدينها وتتفرج بخلق الله على ما يجي الباص
جاو الشباب وجلسو جنبهم وجلسو يسولفون
البندري لما شافتهم التفت لامل وحاولت تسولف معها
البندري :وش رايك نروح لسوق بدال ما حنا جالسين بالشقه
امل استانست :اوكي يالله فيه سوق قريب وحلو
البندري ما كانت تبي السوق بس ما كانت عندها سالفه :هاه لالا فيه سوق قريب من السكن
امل :ي غبيه خلي نروح لهذا احسن واكبر واونس
البندري عصبت :اللهم طولك يا روح طيب وان رحنا لهذا نجلس لما الساعه 9 فيه
امل :ايه صح عندنا محاظره الساعه تسع
البندري :عشان كذا لو نروح لهذاك احسن نروح ساعه بعدين نروح الشقه نجلس شوي ونرجع للجامعه
خالد قط:عندكم محاظره الساعه تسع
امل تنرفزت :لا احسن تفضل بيننا
فارس وفيصل وفهد فقعو ضحك:ههههههههههههههههههههههههههههه
البندري طاح وجهها:اموول بسس
امل :لا خليه يتآدب لا صار البنات يسولفون لا يقط بينهم ويكون محترم
البندري قامت وسحبتها :امول عيب خلاص استحي ترى مب في السعوديه
امل :حتى ولو ان شاء الله في المريخ ... الأدب أدب
البندري :أوكي خلينا هنا على ما يجي الباص باقي دقايق
امل تعدل بلوزتها :وجع يوجع العدو ما بقى الا وينط بيننا يسولف
البندري :ي رببيييه خلاص ما صار سؤال
امل :البندري لا ترفعين ضغطي هذا قليل ادب ولا تربى
خالد نط :نعممم ما سمعت وش قلتي
امل رجعت ووقفت عنده :قلت انك قليييييييل ادب ولا تربيت
خالد وقف:صدق انك ما تربيتي ... لو ما انتي بنت وبغربه كان علمتك كيف التربيه
امل ابتسمت :هه علم نفسك أول
خالد تقدم لانه ناوي يتوطاها بس مسكه فهد :خالد خلاص ترى الحرمه ناقصه عقل
امل :انت والله اللي ناقص
البندري مسكت امل :اموول خلاص اسفهيه تستهبلين انتي
امل :فكيني عليه :خليني اعلمه كيف يكون مؤدب ولا يتليقف
خالد : إذا عرفتي شلون تختارين الفاظك تعالي علميني شلون اكون مؤدب
فيصل صرخ عليهم :بسسسس ...بس انت وياها قله أدب
جالسين تتناقرون بالشارع ...احترمو نفسكم
كل واحد طول وعرض والعقل ميح ..الحمد لله والشكر
البندري سحبت امل ودموعها بعينها :امل تكفين خلاص يكفي ان حنا ما لنا ظهر بهالغربه
امل :فكيني الله يرحم امك ..
جا الباص وركبت البندري وامل وجلسو على طول
البندري جلست على الشباك وهي مخنوقه
امل تنغزها :وش فيك ؟؟ليش وجهك اسود
البندري :ابد سلامتك اللي صار من شوي جدا حلو ولا يزعل
امل ابتسمت :ههه يووه بيدو انتي حساسه بقوه ..عادي اصلا انا كنت مروقه وابغى اتهاوش مع اي احد
لقيت هذا المتطفل عذر
البندري انصدمت :نعممممممممم
امل نطت وضمتها بقوه :لا تصيرين حساسه ...بعيدن يا اخذي حقك بيدك ولا ترى محد بفازع لك
البندري دفتها :شغلك مب هنا شغلك بالبيت
###نهاية البارت الاول ##
شتتني وبعثرني غير متصل   الرد باقتباس
قديم(ـة) 31-10-12, 12:50 PM   #2
|[ عـضـو مـشـارك ]|

 
صورة شتتني وبعثرني الرمزية
 
الدولة: المملكة العربية السعودية
الافتراضي رد: روايةة غربآء يعزفوون أوتآر آلحب /بقلمي ..

###البارت الثاني ###
لفت عنها ووجهها احمر من العصبيه
امل ضحكت :ويلوموني فيك ..اححححبك
......في الجهه الثانيه .....
خالد:شوف شوف ...
فهد:وشو؟
خالد:شف البنت اللي تهاوشنا معها تضحك ..كن ما صار شي قبيل ..
فهد :هههه خلها تضحك على راسك هي
خالد :لا قاهرتني ..
فهد :خلاص خلود خل البنيه في حالها ..بعدين هي ما غلطت عليك انت اللي متلقف عليها
خالد:انا ؟؟
فهد انفجع :لا تنكككر
خالد نزل راسه :ايه صح انا اللي مخطي بسس المفروض تحترمني انا ما قلت شي يزعل
فهد حط يده على كتف خالد :خلوود حبيبي لا تحسب الناس كلها طيبه ..بيحترمونك لو تخطي وبيراضونك لو تزعل
هنا غيييييير غيييييييير غيييييييييييير
خالد دفه :زين انزل انزل
نزلو وكلهم راحو لشققهم
البندري تمشي ورى امل :امول وين موديتنا
امل :بنروح لسوق
البندري وقفت :الله يقلعك ...وانتي صدقتي ..ارجعي بلييز مالي خلق
امل :نعمم أرجع
البندري رجعت :ما راح اروح لسوق اليوم وربي مكتومه امول مشينا للبيت
امل زعلت بقوه :اوكي بيدو مشينا
سبقت امل البندري ووصلت للبيت
البندري وهي تمشي حست باحد يلحقها
حاولت تسرع الخطوات لما وصلت لباب العماره دخلت تركض لما وصلت باب الشقه
طلعت مفتاحها وفتحت الباب بس ما رضى يفتح
نزلت عينها بالأرض وهي تقول بخاطرها :الله ياخذك يا امول افتحي لالالالالا افتحي خايفه
حست باحد يقرب منها غمضت عيونها بقوووووووه وومسكت الكتب بيد واليد الثانيه على مقبظ الباب وتحاول تفتحه
امل تصارخ :لا يا بيدو نامي برى
البندري دموعها بدت تنزل كل ما قرب الشخص (امووول مو وقت مزحك افتحي اباب)
الشخص :فيك شي
صرخت البندري بكل قوتها وعيونها تصب الدموع
فيصل :بسم الله عليك ..سمي سمي ..
البندري التفتت وهي تبكي :خوفتني ..
فيصل ابتسم :ما اقصد والله بس لك ساعه واقفه هنا فيك شي
امل فتحت الباب خايفه :بيدو وش فيك
خالد كان واقف ويوشوش باذن فهد :وووووع شف ذا الشين بنفس العماره ولا بعد مسوي لي فيها اعرف امزح
البندري دفت امل ودخلت تركض
امل تكت على الباب :نعم اي خدمه ؟؟
فيصل ناظرها باستحقار لانها كانت لابسه بجامه:شفت اختك كانت واقفه قلت يمكن تبي مساعده
امل :لا مشكووور بعدين تصدقون فيكم قله ادب مب طبيعيه الحين لاحقين البنيه ليين باب الشقه
خالد عصب ووقف قدامها :هيه انتي احترمي نفسسك حنا ما لحقناها حنا عمارتنا هذي
امل انصدمت لانه كان يقصد الباب اللي مقابلهم :هذذذذذي ؟؟؟؟؟؟؟؟
خالد يقلد صوتها :ايه هذي
امل :اجل يالله تيسرو لشقتكم
دخلت وسكرت الباب بس كات فيه يد ماسكه الباب
فتحت الباب لقت خالد قدامها والشباب يفتحون شقتهم عشان يدخلون
خالد :ثاني مرة خلي مزحك خفيف ..عيب عليك تخلين اختك عند الباب
امل انقهرت وصفقت بوجهه الباب
صرخت من داخل :أووووف ناس ما تنطاق
ضحك خالد :والله لأطلع براسك قرووون
دخل شقته وسكر الباب بقووه
فهد :خالد خل منك البنت حرام عليك
فيصل :احترمها يا اخي واعتبرها اختك
فارس :لا تنسى انها جايه بغربه والغربه صعبه علينا يا الشباب وش عاد على البنات
يالله بنام شوي وصحوني قبل المحاظرة بساعتين
دخل فارس ولحقه فيصل وفهد
ضل خالد جالس بالصاله ويفككر :حرام اكيد قسيت عليها فعلا الغربه قاسيه وانا زودتها
اكيد تذكرت لو انها بالسعوديه كان اخوها بيوقف معها مسكينه ...
جلس يشوف القنوات لما الساعه 8
قوم الشباب و جلس يكمل فلم يتابعه
طلع فيصل كاشخ ووراه فهد وفارس
ناظرهم خالد باستغراب :وش عندكم كاشخين
فهد : بنروح للجامعه منت جاي؟
خالد فكر:لا ما راح اجي ..
فيصل قرب من عنده وضربه على راسه :اقول قووم بس وخل منك الأفلام
فهد :يالله بسرعه لازم نروح بدري اليل تكون زحمه الشوارع
خالد:ما ابي ياخي ما ابي بجلس ارتاح اليوم
فيصل نط جنبه :ي غبي لازم نداوم عشان نقدر نوفر غياب ونورح لسعوديه سوى
خالد جاته غصه :انت من تقول السعوديه احس ودي اسوي اي ششي عشانها
فيصل ابتسم :اجل قوم يالله البس
نط خالد من فوق الاريكه وراح للغرفه لبس وتكشخ وطلع
لقى الشباب جالسين يشوفون الفلم
خالد :خلصت
الشباب:ما راح نروح بنرتاح اليوم
خالد:نعمممم
الشباب:بنشوف الفلم
خالد :آقول قومو قومو بس
ضحكو الشباب وطفو التلفزيون وقامو
طلعو لقو البندري وامل طالعين من الشقه
سبقوهم عشان لا يضنون فيهم شي
البندري :امل شوفيهم من بعد اللي صار و هم ما يسلمون
امل صرخت بوجهها :وهم من متى يسلمون ترى شفناهم اليوم بسسس
ليكون تعرفينهم من قبل
البندري كببببري عقلك ماني فاضيه اتحمل مسؤوليتك
طلعت امل من العماره ولحقتها البندري
امل تمششي وتلعب بجوالها
البندري تمشي جنبها وعيونها على المحلات
البندري :الله اموله تعالي شوفي هذا
امل وقفت :وششو
البندري تسحبها للمحل :شوفي هذا الخاتم
امل :الله حلو
البندري :ناعم صح
امل :ايه يجنن
البندري تعالي اجل
دخلو المحل
البندري :لو سمحت هذا الخاتم بكم
البياع :بـ50 باوند
البندري :حلو يا اموله صح
اموله :يجنن يطير العقل بس من له ؟
البندري :لوحده من خواتي
اموله :بالعافيه عليها بس غالي
البندري :ما يغلى عليها
اموله صدت وسوت نفسها تشوف الخواتم
(اللي ما تعرفونه عن أموله أنها لقيطه ..واخذتها وحده وربتها لما كبرت قالتلها عن الحقيقه وقالت بتزوجها ولدها تعقدت نفسيا وجلست كم شهر بالمستشفى الصحه النفسيه بعدين رفضت ترجع للحرمه اللي ربتها ...خذت بعثه على طول وطلعت للخارج ..البندري معها من وهي صغيره ولا قصرت لما دخلت المستشفى يعني البندري اكككثر من اختها )
حاسبت البندري :يالله اموله
حطت يدها بيده اموله وطلعو يضحكون ويسولفون
البندري :اموله دخلي جوالك وربي احسك مو معي
امل :اوكي
دخلت الجوال وجلست تسولف مع البندري
وقفو عند النقطه وجلسو يسلفون
دقايق ووصل الباص
ركبو وراحو للجامعه
دخلو القاعه وكانت البندري جنب اموله
والشباب من الجهه الثانيه
دخل الدكتور وجلس يشرح
طلعت البندري الخاتم ومسكت يد اموله ودخل الخاتم بيدها
اموله جلست تناظر يدها لما خلصت البندري
رفعت نظرها للبندري لقتها مبتسمه بثقه
جلست اموله تصيح وضمه البندري
الطلاب التفتو كلهم على البنات
امل لما حست بالنظرات قامت تصيح بصوت عالي
البندري ما قدرت تمسك نفسها جلست تبكي
الدكتور انهبل :What areyoudoing
البندري قامت تمسح دموعها :sorry Dr.
الدكتور عصب :OUUUUUUUUUUt
البندري قامت بخوف وسحبت ورقه وكتبت فيها أعتذار واخذت اموله ومرو على الدكتور ونزلو الورقه وطلعو
امل لما طلعو ضمت البندري اقوى وهي تبكي
البندري ابتسمت :امووله لو أدري اني بنطرد كان ما عطيتك الخاتم
اموله ضحكت :ههه برجعه ترى
بيدو :هئ يا ويلك بذبحك أنا انطرد وانكرش وانظرب كله يهون دام انتي السبه
هههههه
ضحو الثنيتين
البندري :تدرين بما أن حنا انطردنا خلينا ناخذ صورة تذكاريه
ضمه اموله بيدو :يالله
طلعت بيدو جوالها ولقطة صورة اماميه
امل:طيب بمناسه ان حنا انطردنا وبمناسه الخاتم الحلو انا عازمتك على العشأ
بيدو:لالا محد عازمك غيري
امل :مب على كيفك حبيبتي امشي بس
مسكو بعض وراحو لمطعم قريب ..
بعد نص ساعه طلعو الشباب
البندري شهقت :امول قد حنا متاخرين ..يوه امشي يالله اخاف ترى
امل:اوكي مشينا
وقفو عند المحطه لقو فهد وفيصل وفارس وخالد واقفين والنوم ماليهم ملي
امل تمسكت بالبندري :بيدوو برررد
تكتفت البندري ودخلت راسها بالجاكيت :اي والله غطي اذونك لا تتعبين
وقفو ينتظرون ولا كان بالمحطه الا هم
مرو من عندهم شباب سكرانين
البندري انهبلت ولزقت بامل :اموول
امل دزتها :خليك عاااادي ي خبله
البندري قامت تنافظ وجلست على الكرسي بقوه
التفتت امل :فيك شي
البندري :لا ما فيه شي تعالي اجلسي
اللتفتت امل للكراسي وابتسمت يعني ما فيه مكان
انتبه فيصل وقام من جنب البندري :تعالي اجلسي
امل بذوق :مشكور
جلست امل جنب البندري وحطت يدها ورى ضهرها وسحبتها لصدرها بقوه عشان تطمنها
مر السكران وجلس يتلفظ عليهم ويناظرهم باستحقاار
مر من بينهم واللتفت لفيصل لانه الوحيد اللي كان واقف
فيصل كان منزل راسه بجواله ويحاااااول قد ما يقدر انه ما يرد عليه
وقف بوجه فيصل وتفل عليه
فيصل تنهد بقوووووه ومسح وجهه
راح السكرااان وهو يضحك ومستانس
لف فيصل على السياج بقوه وضربه بيده وهو مقهوور على حياة الهم والضيم والجحيم
ابتسم فهد وراح له وحط يده على كتفه يحاول يهديه :الصبر يا فيصل الصبر ..
جا الباص وركبو كلهم وهم خايفين
امل :خلاص بيدوو ما صار سكران ومر
البندري : مدري بس مب حاله لنا شهر ناخذ محاظرات ليليه وكل يوم نتعرض لأهانه شكل
امل :اوكي هدي حياتي هذا اللي ربي كاتبه لنا
البندري:طيب واذا صار لنا ششي لا قدر الله من بيفزع لنا حنا بنات يا اموول بنااات
امل :اذا انتي بنت انا اخوك
ضحكت البندري :تستهبلين انتي
امل :لا ما استهبل وعشان احميك بسوي اللي اقدر عليه
البندري:وش بتسوين مثلا
امل :يعني يمكن اكلم واحد دب طويل عريض يجي يحرسنا
البندري :ههههه فاضيه صدق
امل :ايه وش تبيني اسوي ..تبيني اغير اسمي ماجد مثلا
البندري :لا عاد اسم امول يجنن عليك
خالد وراهم :اوكي انا بالخدمه باخذكم من الجامعه وبوصلكم لحد الشقه ولا تخافون
البندري طارت من الفرحه :صدق ..
خالد :ايه صدق ..بس وش اسمائكم
البندري :انا البندري وهذي أ....
قاطعتها امل :كم مرة قلت لك لا تلقف بعدين حنا مب محتاجين احد يحرسنا نقدر نعتمد على نفسنا
خالد :انا اسمعكم تو تقولون بنكلم بديقارد قلت ما يحتاج بديقارد انا بالخدمه
فيصل:ايه وخالد صادق اذا تبون شي حنا تحت امركم
فهد وفارس:وحنا بعد
فهد :والله ما نعتبركم الا خواتنا واكثر يعني لا تفهمون غلط حنا بس نخاف عليكم
وقف الباص وقامت امل بعصبيه :هيه اسمع انت وياه حنا ما جينا هنا لحالنا الا وحنا قادرين نحمي انفسنا
ما جينا عشان احد يحرسنا وثاني مرة يا خويلد لعد تلقف وانتم كلكم ولا واحد منكم يتعرض لنا
ويا ليت لو تغيرون شقتكم ترى اذيتونا ..يالله بيدو
البندري بربكه :لحضه اموول
نزلت امل ولحقها خالد والشباب :ترى عرفت اسمك يا امل
التفت امل عليه والشرار يتطاير من عيونها : Crushed you
سحبت البندري وراحو لشقه
وهم يفتحون الباب مرو الشباب من عندهم
صرخ خالد وهو يضحك :شباب تعرفون وحده اسمها امل .هههههههه
فيصل دفه ودخله الشقه وسكر الباب :خلود خلاص استح على وجهك البنات صارو يتضايقون منا خلاص هم ما يبون خل حنا بطريق وهم بطريق
دفه من كتفه ودخل لغرفته
ولحقو الشباب معصبين
............
###نهايه البارت الثاني ##
شتتني وبعثرني غير متصل   الرد باقتباس
قديم(ـة) 31-10-12, 12:53 PM   #3
|[ عـضـو جـديـد ]|

 
صورة اجرام الشوق الرمزية
 
الدولة: المملكة العربية السعودية
الافتراضي رد: روايةة غربآء يعزفوون أوتآر آلحب /بقلمي ..

يسلمو على النقل مشكور
اجرام الشوق غير متصل   الرد باقتباس
قديم(ـة) 31-10-12, 12:59 PM   #4
|[ عـضـو مـشـارك ]|

 
صورة شتتني وبعثرني الرمزية
 
الدولة: المملكة العربية السعودية
الافتراضي

قرآئه ممتعه ...العفو ..
شتتني وبعثرني غير متصل   الرد باقتباس
قديم(ـة) 31-10-12, 02:56 PM   #5
|[ عـضـو شرف]|

كُن مُبتَسِم وَلو بَلغ بِكْ الأسَى بَحراً
 
صورة Malame7 الرمزية
 
الدولة: المملكة العربية السعودية
الافتراضي رد: رواية : غرباء يعزفوون أوتار الحب

الله يعطيك العافية على ماقدمتِ
تحيتي
Malame7 متصل الآن   الرد باقتباس
قديم(ـة) 31-10-12, 03:52 PM   #6
|[ عـضـو مـشـارك ]|

 
صورة kamar alsamhouri الرمزية
 
الدولة: الأردن
الافتراضي رد: رواية : غرباء يعزفوون أوتار الحب

رواية حلوة كتييير انتظر البقية
kamar alsamhouri غير متصل   الرد باقتباس
قديم(ـة) 31-10-12, 07:59 PM   #7
|[ عـضـو مـشـارك ]|

 
صورة رجفة قلم الرمزية
 
الدولة: المملكة العربية السعودية
الافتراضي رد: رواية : غرباء يعزفوون أوتار الحب

السلام عليكم

جميله الرواية فيها سلاسة وعفوية بالسرد ، استمري أختي الله يوفقك
عجبتني العفوية والتنقل السلسل بين الأحداث
ننتظر الجزء الثالث. فكلما زادت الأجزاء أصبحت النهاية مشوقة فانا على يقين أن هناك رسالة بين دفتي هذه الرواية لابد لنا و ان نتاملها ونستفيد منها
موفقه ودمتي بخير
رجفة قلم غير متصل   الرد باقتباس
قديم(ـة) 31-10-12, 09:10 PM   #8
|[ عـضـو مـشـارك ]|

 
صورة شتتني وبعثرني الرمزية
 
الدولة: المملكة العربية السعودية
الافتراضي

بليز البارت الثالث مو قاعد ينزل معاي ..
حاولت اككثر من مرة ..مرة م ينزل ومرة ينزل رد فاضي ..مثل اللي فوق
شتتني وبعثرني غير متصل   الرد باقتباس
قديم(ـة) 01-11-12, 11:20 AM   #9
|[ عـضـو مـشـارك ]|

 
صورة kamar alsamhouri الرمزية
 
الدولة: الأردن
الافتراضي رد: رواية : غرباء يعزفوون أوتار الحب

صراحة انا كتير متشوقة لاعرف شو بيصير بالرواية
يمكن المشغل ما بيساعد او كمية البااارت كبيرة قلليه
وبليييز ضلك حاولي
kamar alsamhouri غير متصل   الرد باقتباس
قديم(ـة) 01-11-12, 01:50 PM   #10
|[ عـضـو شرف]|

كُن مُبتَسِم وَلو بَلغ بِكْ الأسَى بَحراً
 
صورة Malame7 الرمزية
 
الدولة: المملكة العربية السعودية
الافتراضي رد: رواية : غرباء يعزفوون أوتار الحب

اقتباس:
المشاركة الأساسية كتبها شتتني وبعثرني مشاهدة المشاركة
بليز البارت الثالث مو قاعد ينزل معاي ..
حاولت اككثر من مرة ..مرة م ينزل ومرة ينزل رد فاضي ..مثل اللي فوق
ياعسوله اذ البارت طويل ماراح ينزل معك جزئيه الى جزئين او ثلاثة وراح ينزل معك

بالتوفيق
Malame7 متصل الآن   الرد باقتباس
إضافة رد

الإشارات المرجعية

أدوات الموضوع

قوانين المشاركة
لا يمكنك إضافة مواضيع
لا يمكنك إضافة ردود
لا يمكنك إضافة مرفقات
لا يمكنك تعديل مشاركاتك

رمز [IMG] متاح
رموز HTML مغلق
Trackbacks are مغلق
Pingbacks are مغلق
Refbacks are مغلق


مواضيع مشابهة
الموضوع الكاتب المنتدى الردود آخر مشاركة
رواية الحب بعد فوات الاوان ... أقوى رواية سعودية رومانسية جريئة soul love الروايات المكتملة 56 20-07-14 06:41 AM
رواية :الحب العذري حلمها وردي روايات تعب قلبي 4 16-09-11 06:56 AM
رواية ويظل الحب صامداً - رواية كاملة احلام بلا حدود روايات تعب قلبي 23 08-10-10 07:14 PM
ملاك الحب !.. أول رواية لي .. شباصة عالموضة روايات تعب قلبي 29 06-07-09 09:14 AM
رؤاية الحب والطفل ريهم خواطر - عذب الكلام 7 03-10-06 05:40 AM


الساعة الآن +3: 12:04 AM.