عـودة للخلف   منتديات تعب قلبي > منتديات تعب قلبي للقصص والروايات > قصص تعب قلبي


إضافة رد
 
أدوات الموضوع
قديم(ـة) 26-06-07, 11:10 AM   #1
|[ عـضـو نـشـيـط ]|

 
صورة مظلوم الحب الرمزية
 
الدولة:
Thumbs up عيون الناس تحسد كل حبيبين(بقلمي)


زوار واعضاء وموسسين و........منتديات تعب قلبياظهر لكم اليوم في قسم لاول مره اشارك فيه عسى ان تقبلوني بقلمي التواضع بشخصي المتفاءل تاره والمتشاءم تاره انا ومثل ما قلت لاول مره رح انزل قصتي
عيون الناس تحسد كل حبيبين
املا في ان تعجبكم وتتسلل بين قلوبكم
طبعا رح تنزل على اجزاء
بس مو بعد ما تعطوني رايكم في الجزء الاول واحداثه التي لم تبرز القصه فيه بعد رايكم يهمني وهو دافعي للمواصله
ما رح ينزل الجزء الثاني الا من بعد رايكم اذا ما عجبتكم قولوا نسكر القصه وكان الله غفور رحيم
علما باني لا احب المجاملات
اترككم اعزائي البنوتات والشباب مع اول جزء من قلمي المتواضع جدامظلوم الحب
عيون الناس تحسد كل حبيبين
مظلوم الحب غير متصل   الرد باقتباس
قديم(ـة) 26-06-07, 11:14 AM   #2
|[ عـضـو نـشـيـط ]|

 
صورة مظلوم الحب الرمزية
 
الدولة:
الافتراضي رد : عيون الناس تحسد كل حبيبين(بقلمي)

عيون الناس تحسد كل حبيبين
عيون الناس تحسد كل حبيبين
يردوني ابتعد عنك واعو فك
وإذا أنت جرح ما ريدك طيب
اروف بصفك ولا ما اروفك
لحضنك لحضنك الدنيا بديا
حبيب وغالية أعيونك عليا
بسرعة الوقت صاير يخلص وياك
هواء أنت وإذا رحت اختنقنا
وإذ طلعت شمس تفوت أنت للبيت
لان شمسين معنا احترقنا احترقنا





الجزء الأول
بعد عرس خرافي حضره كثير من المعازيم ورقص فيه جميع بنات الآهلين بعد ليله عمر طالما حلمت فيها ريماس لسنين تحقق حلمها لتهنئ برجل طيب القلب وجميل بعد تصافح اليدين وتبويس الجبين غردت العصافير معلنه يوم جديد ملئ بالشوق والغرام
صحا راشد على الساعة تسعه الصباح بابتسامه وهو يشوف ريماس جنبه الله يا محلى نومها تهبل عطاها بوسه على خذها بس البنت شكلها سكرانة في النوم قام للحمام واخذ له شاور سريع سمع طق باب الجناح مين جاي أكيد حنينوه المهبوله (العريسين ساكنين في بيت أهل راشد البيت واسع وهو بعد شهر رح يرجع لعمله وهي رح تترك عملها لان هذا طلب راشد وطبعا ريماس وافقت بدون تردد فيخاف يتركها لوحدها على الأقل هنا رح تكون جنب أهله ويكون مطمئن عليها)
فتح الباب وطلع توقعه صحيح هذي حنين
أخته عمرها 17سنه بس الي يشوفها يقول عمرها12على هبالتها وهياصتها مرحه جدا وحبوبه وهذا رأي الكل فيها
حنين*مبروك يا أحلى رشود في الدنيا(تعلقت في رقبته وهي تبوسه)
وراحت بتدخل الغرفة
راشد*أنت أنت يا مهبوله وين رايحه؟؟
حنين بدلع*بروح أشوف ريماس واسلم عليها
راشد*البنت نايمه لما تصحا تعالي وسلمي عليها الحين انقلعي عن وجهي
حنين*وإذا نايمه يعني أروح واصحيها
راشد*حنينوه اذلفي مدام النفس عليك طيبه وطلعها برى الغرفة وسكر الباب
بعدها بشوي فتح الباب
لقاها تنزل من الدرج
راشد*حنين قولي للخدم يجيبوا لنا فطور
حنين*بعد كل الي قلته لي بس ماعليه أنا طيبه ورح أقول لهم بس لان اليوم صباحيتك
راشد*تسلمي يا أحلى حنين في الدنيا
صحت ريماس على أصواتهم وهي فيها النوم (ريماس تحب النوم مره يعني اقل من 10ساعات نوم ما تكفيها)
راشد*وأخيرا جلستي صباح الخير ياوجه الخير
ريماس بصوت هادئ وهي تثاوب*صباح النور
راشد*يالله ياحلو قومي غسلي الفطور على وصول
ريماس*اوكيه بس بنفطر هنا
راشد*ايوه وين تبغي أنتي
ريماس*أنا شفت حديقتكم من النافذة شكلها يطير العقل خلنا نروح نفطر فيها
راشد*أنت تآمري اوكيه أنا نازل أقول لهم يحطوا الفطور في الحديقه وأنت خلصي وانزلي
ريماس*اوكيه
لبست فستان يوصل لتحت الركب فيه دمج لعده ألوان وحطت لها كحل مع بعض راشات العطر وحست نفسها كذه ناعمة وفي نفس الوقت جذابة
وصلت إلى الحديقة الواسعة ولقت راشد ومعه حنين يسولفوا
ريماس*صباح الخير
قامت لها حنين وحضنتها بقوه وكأنها وحده تعرفها من زمان (على فكره ريماس كانت ممرضه نفس راشد التقى فيها كذا مره في المستشفى دخلت قلبه وهي نفس الشي تعرفوا على بعض وقضيوا سنتين وهم يحبوا بعض بعدها قرروا يتزوجوا وتم الزواج وانكسرت قاعدة أهل راشد لأنهم دوم يتزوجوا من العايله بس الحين ريماس خلت بالقاعدة)
راشد*حنينوه خلاص قتلتي مرتي
حنين *موت حره
قام ومسك ريماس من يدها وجلسها في الكرسي إلي جنبه
حنين*اه يا غيره الرجال على العموم انا ماشيه تبغي شي رموستي حبيبتي قالت هالكلام وهي تناظر راشد
راشد*شكرا ولو بغت معاها رشودها صح ريماس؟؟
ريماس *صح
حنين*اوريكم قلبتوا ضدي ها بس مسامحتكم لان اليوم زواجكم
بعد ما راحت حنين
ريماس*والله تجنن هالبنت
راشد*ويعني بعض الناس مو مالين عينك (قالها وهو يغمز لها)
ريماس بابتسامه*إلا مالين عيني ونص
خلصوا فطورهم وصار راشد المرشد السياحي
تمشى مع ريماس وعرفها على كل زاوية في الحديقة إلي الزهور ماليها وصوت العصافير تغرد فيها وكان الجو ربيع يخلي الواحد ما يمل منها وصلوا الى نهاية الحديقة
راشد وهو يأشر*وهنا إسطبلات الخيول
ريماس بابتسامه*الله خيول أبغى أشوفها
راشد*من عيوني وسحبها من يدها
كانوا الخيول يجننوا حلوين مره عددهم خمسه وكل خيل إلى شخص
وصلوا الى الخيل الأسود أبو الشعر الحريري عيونه ناعسة جميله وعضلاته بارزه
راشد*وهذا هو خيلي
ريماس*يجنن راشد ممكن اركبه
راشد*اكيد اذ رموستي ما ركبته مين اجل يركبه
ساعدها على ركوبه ابتسمت ريماس كان حلمها تركب خيل بس أبوها كان دايم يمنعها يخاف عليها تطيح او يصير فيها شي عشان كذا هي ما تعرف شلون تمشي الخيل او حتى تأمره يتحرك
ريماس بيأس*ما اعرف
راشد فهمها ركب قدامها وجلس يعلمها بعد شوي ما تشوف إلا الخيل يجري بسرعة تمسكت بشده في راشد*خلاص خليه يوقف
راشد بابتسامه يدري أنها خايفه ومع هذا هز الحبل أكثر وزادت حركه الخيل أكثر*راشد حرام عليك والله أخاف
بس راشد سوى نفسه ما يسمع اساسا كان مبسوط أنها متمسكة فيه وما يبغى سعادته تروح بمجرد وقوف الخيل
وأخيرا وقف الخيل نزل راشد وساعد ريماس تنزل نزلت وتوجهت للبوابة بدون ما تتكلم عصبت من راشد مره
حس فيها راشد وراح ورآها*حبيبتي ريماس ريماس والله آسف مو قصدي
وصلت لباب الجناح وأول ما دخلت مسكها بس تركته ورجع مسكها بقوه*والله ما عاد أعيدها أسف وحقك علي
ريماس*حرام عيك أرعبتني
باسها في جبينها*خلاص عاد سامحيني وبلا دلع
ريماس*اساسا ما زعلت أنا بس انقهرت مره
راشد وهو يغير الموضوع*ريماس وين حابه نروح شهر العسل
ريماس*اممم خلنا نروح دبي يعني مكان نعرفه أحسن من مكان ما نعرفه
راشد*دبي دبي أنت تأمري أمر خلاص أنا بعد الغذاء أروح احجز
في بيت عم ريماس كان ماجد قافل على نفسه الباب الدنيا ضايقه فيه تعب من الألم النفسي تنهد من قلب ما في شي حلمت فيه تحقق الدنيا دوم ضدي
رن تلفونه بندر يتصل بك
اف وش تبي الحين خلوني يا ناس بحالي والله تعبان مالي خلقكم ابعدوا عني خلوني على راحتي
بس بندر كان مصر ويتصل بشكل متكرر حتى رحم بحاله ماجد ورد*الو
بندر*وأخيرا يا شيخ حرام عليك الي تسويه بنفسك يعني بهالطريقه بتغير الي صار
ماجد*بندر لا تفتح جروحاتي يعني وش تبيني أسوي ارقص مثلا
بندر*ما قلت كذا بس عيش حياتك مثل قبل
ماجد*إلي راح ما يرجع
بندر*الكلام ضايع معاك المهم أنا حبيت أقولك إن الشباب حجزوا على الإمارات وأنا حجزت لي ولك
ماجد*بندر والله ما فيني والله بتتعبوا معاي أنا إنسان مو حق طلعات
بندر*إحنا حجزنا وانتهينا أنت بس جهز شنطتك
ماجد*بس
بندر*لا بس ولا شي بتروح إلا إذا بغيتني ازعل منك
ماجد*لا كله ولا زعلك بروح بس بقول لكم من الحين إنكم رح تتأذوا معاي وتتعبوا
بندر*تعبك راحة يالله سي يو الشباب ينادوني
ماجد:باي
بعد الغذاء كانت عروستنا النحيلة ذات الوجه الدائري والعيون الواسعة تناظر في المرايه الكبيرة كانت لابسه تنوره قصيرة بيضاء ووبدي عنابي و حاطه ظلال خفيف على عيونها الكحيلة لبست صندلها العنابي سمعت الباب ينطق*أكيد حنين
فتحت الباب *هذي مين كأني شفتها أمس في العرس بس ما اعرفها
وجدان*مبروك
ريماس*الله يبارك فيك تفضلي
وجدان وهي تدخل*وين خالي راشد
ريماس أكيد هذي بنت أخته فرح*خالك طالع شوي وراجع
وجدان*اوكيه أوه نسيت جدتي قالت انزلي تحت اجلسي معانا
ريماس*ان شاء الله بس ممكن تنادي لي خالتك حنين
وجدان وهي تناظر في ريماس ومو عاجبتنها*إن شاء الله
وجدان بنت أخت راشد عمرها15 سنه متعلقة في خالها مره وخايفه إن ريماس تنسي راشد وجدان عشان كذا هي تكرها قبل ما تعرفها
ريماس طلبت حنين لأنها تستحي تنزل لوحدها وخصوصا لناس ما شافتهم إلا كم مره
ٍٍٍٍٍٍٍٍٍٍٍٍٍٍ؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛
بين أضواء الشموع وهدوء المكان تنتثر الدموع على رسائل معشوقها الذي صار ماضي لكن القلب والعقل رافضان إن ينسياه أو حتى يتناساه بكت بألم وحسره على أجمل الأيام والليالي التي مرت معه
وينك يا ريماس ليش رحتي وتركتي أختك الحبيبية ليش تركتي صبا وحيده في دنياها وأسيرة ماضيها
لمت رجلينها لحضنها وهي تقرى احد رسايله الحلوة والي كان يألفها لها اااااااااااااااااه يا أمير تعبت من كلماتك تعبت من الفراق من الشوق واللهفة والعذاب من البكى من الحسرة من الحزن وينك وحشتني
وينكم يا أحبابي ليش تركتوني ليش لما أكون محتاجه لكم تبتعدوا عني وتنسوني
حبيتك ونسيت أحبابي
وهجرت كل الناس وسكنتك في بالي
عشقتك في غرورك وصرتي أحلامي
ذكرتك وأنا مع أصحابي
وضيعت الكلام وانقلب حالي
كيف لو أشوفك قبالي
أنسى البشر وخليك ضوى الليالي
حتى القمر يعتم لو شفت خيالك واقف مع خيالي
محبك المخلص على مر الزمن*أمير
فتحت امها عليها الباب وغضبت لما شافت بنتها كذا وعلى ايش على واحد ما يسوى
ياربي على هالبنات يبغوا يسووا إلي في رأسهم وبس ما يعرفوا مصلحتهم وين
الأم*صبا بسك بكى على واحد ما يسوى
صبا وهي تتنهد*حتى الدموع بترحموني منها اساسا لو كنتوا تحبوني ما سويتوا فيني كذا
الأم*يا بنتي أنا وأبوك نبغى مصلحتك ومصلحتك مو في قربه
صبا*مصلحتي وسعادتي في قربه بين يديه وأحضانه يمه لا تحرموني منه حرام عليكم
الأم*انا وأبوك أخذنا قرار ومرح نتراجع عنه وبعدين انت ليش متمسكه فيه بنات اخر زمن
قفلت الباب وطلعت اه من بنات هالوقت ما يدروا وين الله حاطهم يمشوا ورى قلوبهم وعمرهم ما شاوروا عقولهم يا ربي تهديهم وتنور طريقهم
زاد صوت بكها يا ربي ارحمني وساعدني كيف أعيش في الدنيا بلا أمير كيف وينك يا ريماس تشوفي أختك وش صار لها في بعدك وينك
مسكت جوالها وهي ترتجف
ريماس *هلا بصبا
صبا*ريماس هئ هئ هئ
ريماس بصوت مخنوق*صبا وش فيك ليش تبكي
صبا*هئ هئ هئ هئ هئ هئ هئ
وقفت من مكانها مع أنها مستحيه مره من أهل راشد بس كله ولا صبا احسها مخنوقة تتألم تبكي
حنين وهي تعمز لها*هذا رشود قالتها وهي تمزح*خليه يحجز لي معاكم والله مليت من جلست البيت
ريماس تأشر الى حنين بنفي *هذا مو راشد
حاولت تمشي بسرعة لين ما وصلت الجناح حقها
ريماس*صبا وش فيك قطعتي قلبي تكلمي
صبا تهدي نفسها بس فراق أمير عذبها وحرمها الهدوء والسكينة*وحشتيني يا ريماس وحشني أمير كلكم وحشتوني
مظلوم الحب غير متصل   الرد باقتباس
قديم(ـة) 26-06-07, 11:16 AM   #3
|[ عـضـو نـشـيـط ]|

 
صورة مظلوم الحب الرمزية
 
الدولة:
Thumbs up رد : عيون الناس تحسد كل حبيبين(بقلمي)

ريماس نغزها قلبها ياربي عليك يا صبا رجعنا إلى أمير*حتى أنت وحشتيني بس لا تبكي وبس ينتهي شهر العسل أوعدك إني كل يوم عندك
صبا يزداد بكاها*وأمير كيف أشوفه وأحلامي متى أحققها
ريماس وعيونها مليانه دموع*حرام عليك يا صبا حرام تعذبي نفسك أمير ماضي والماضي ذكرى انسيه وحافظي على اهلك احترمي أمك وأبوك
صبا*كيف احترمهم في شي أنا عارفه انه غلط يا ريماس غلط
سالت دموع ريماس على خذها والله إلي تقوله صح بس مافي حل غير النسيان*حتى لو كان غلط الموضوع انكسر وصعب تصليحه ارضي بالأمر الواقع
صبا*ماحد راضي يفهمني كلكم ضدي كلكم تحبوا نفسكم
قفلت الخط في وجه ريماس والله عارفه انك تتعذبي يا صبا بس وش بيدي وما عملته هئ هئ هئ هئ
دخل راشد الجناح وتفاجأ ريماس تبكي وبصوت مسموع تنهيدتها تقطع القلب
راشد*حبيبتي ريماس ليش تصيحي احد ضايقك
ريماس*هئ هئ هئ هئ هئ
راح لها ولمها لحضنه أكيد محتاجه قربه محتاجه حنانه أكيد محتاجه يخفف المها
راشد*حبيبتي ريماس لا تبكي والله قطعتي قلبي تبغي أموت يعني
ابتسمت ريماس*لا لا
راشد*ايوه كذا نبغاك دوم
بعد عشر دقايق من كلام راشد الحلو هدأت ريماس
راشد*والحين يا حلوه احكي لي ليش تصيحي
ريماس*مضايقه على صبا
راشد*بسم الله عليها وش فيها
ريماس*صبا تتعذب كل يوم صبا تتألم
راشد باهتمام*من ايش
ريماس*صبا كانت البنت المدللة في بيتنا و الكل تاركنها على حريتها تسوي إلي تبغاه وتطلب إلي تشتهي في يوم من الأيام تعرفت على واحد عبر الانترنت ومع مرور الأيام عرفت عنه كل شي ومو بس كذا حبته وتعلقت فيه وهو نفس الحال إذا مو أكثر عشقها يمكن لأنها أولته اهتمام سمعت مشاكله ورحبت فيه ما تتصور قد ايش يتعذب هالانسان في حياته مات أبوه وهو صغير وعاش مع أمه إلي تزوجت بعد أبوه مثل أكثر الأرامل وعاش في بيت زوج أمه والعيشة معاهم ما تساعد على الدراسة وخصوصا ان زوج أمه قال له انه يعتمد على نفسه ويشوف له وضيفه تعيشه لأنه ما يقدر يصرف عليه طلع من الصف التاسع واشتغل بمبلغ لا يزيد عن ثلاثة آلاف ريال حبها وكانت نيته شريفه سألها عن أهلها وين ساكنين من بعدها جاء هو وزوج أمه وطلبوا يد صبا بس من بعد ما سال أبوي عنهم وعرف حالهم قرر انه ما يأخذ صبا لو ويش يصير مو عشان انه على قد حاله لا لأنه من عايله صغيره وأصلهم يعني جدود جدوده من الشام وهذا بنظر أبوي سبب يكفي انه ما يأخذ صبا رد عليهم بعدم الموافقة وهنا طق جنون صبا ليش الولد وش دخله في جدوده المهم هو سعودي وخلاص بس ماحد رد عليها والحين صبا يا راشد تتألم تتعذب وغرقانه بدموع وأنا أشوف حالتها ومو عارفه وش أسوي أو كيف أساعدها
راشد*ريماس ليش ما نهيتوها من البداية عن الغلط
ريماس*ما توقعت كل هذا بصير توقعت تنظر له بشفقه ما توقعت أنها تحبه
راشد*بس الغلط يبقى غلط وهذا هي حبته واكبر قوى في العالم لا يمكن تنسيها حبه إحنا لازم نساعدها يا ريماس الي يحب يتعذب
ريماس*وكيف بنساعدها
راشد*خلي الموضوع علي وأنت حاولي تجهزي أغراضك بكره الصباح ان شاء السفر
ريماس*من عيوني
راشد*أنا رايح اخذ شور
طلعت لها حقيبة بحجم متوسط لونها ازرق وجلست ترتب أغراضها وأغراض راشد لين ما خلصتها كانت تشعر بسعاده كبيره وتذكر أيام طفولتها وكيف تفكر في فارس أحلامها يالله على ذيك الأيام كنت أحلم بفارس أحلامي يشبه أفلام الكرتون هههههه وهي غارقة في مستقبلها وماضيها سعادتها وأفراحها كانت تفتح الأدراج وتدور *أف ياربي وين هذا حاطه
راحت لباب الحمام *راشد راشد
راشد*نعم
ريماس*وين حاط الشاحن حق الجوال تعبت وأنا أدور
صوته تحت الدش منخفض مع انه يصرخ*عند حنين
يا ربي فشله أروح لها عشان شاحن لا عادي حنين طيوبه ومن أول ما وصلت بيتهم وهي حاطتني فوق رأسها بس والله أحس ان ورى ضحكتها حزن عيونها تحكي شي مختلف تحكي معاناة وش هالافكار الحين خلني أروح أجيب الشاحن أحسن
طق طق طق
حنين*تفضل
كانت نايمه على بطنها لابسه بجامه نعومه وتقرى كتاب مو رواية مو مجله ما ادري شنو بس يمكن خواطر بصراحة لفت نظري وجاني فضول اعرف وش فيه
ريماس*حبيبتي حنين ممكن شاحن راشد
حنين*إيه أكيد هذا حق زوجك وأنت أحق فيه
ريماس*انا نسيت الي حقي في البيت
حنين*وانا ماخذته من زوجك عقاب
ريماس*هههه ليش
حنين*بعدين احكي لك افتحي الدرج الثاني بتلاقيه
فتحت الدرج الي كان مليان البومات صور وشكلها يخلي الواحد غصب انه يشوفها كانت منسقه بشكل مرتب وفضولها منعها تمشي بدون ما تشوفها
ريماس وهي تأشر عليهم*حنين لفتوا نظري ممكن أشوفهم
حنين وهي تعدل جلستها*أكيد جيبيهم اوريك
فتحت الألبوم الأول كان شكله طفولي مرسوم عليه دببه ومن هالاشياء
حنين*هذا أنا وولد عمي بندر كنا طالعين للبر
حنين*هههههه وهذي فرح كانت طالعه من الحمام
ريماس*هههههه شكلها مضحك بس حلوه
شافت تقريبا كل الصور الي كان اغلبها لحنين وبندر ولد عمها على حسب قولها صديق الطفولة بس أنا أحس ان ورى بندر إن
ما اقدر أوصف لكم هالانسانه حنين بنت غير عن البنات جامعه كل المواصفات رومانسيه و حالمة مره وحركيه ومزعجه مره ما لقيت وصف أقوله غير إنها مزاجيه او بالأصح قدام الناس يبين إنها مبسوطة مره ومن ورآهم يا كثر ألمها وحزنها قالت هالكلام إلى راشد
راشد*انتوا يا النسوان عليكم أحاسيس غير شكل
ريماس*على الأقل أحسن منكم نحس بشخص بدون ما يتكلم
راشد*إحنا بعد بس انتوا ما شاء الله تدققوا في الواحد زين وغصب تعرفوا ويش فيه
ريماس*لانا حنونين زيادة
راشد*انا ما أشوف هالحنيه إلا لغيري مره صبا ومره حنين وبكره ما ندري مين وأنا ما فكرتي فيني
ريماس* بالعكس أنت في عيوني
راشد*تدري وش أحسن شي في السفر انك مارح تشوفي غيري
ريماس*هههههه أناني تبغاني بس الك يعني
راشد*ليش مو من حقي يا ست ريماس
ريماس*ههههههه اه من الرجال ما يفوتوا حقوقهم مش كفاية أن قلبي ملكته هذا ما يكفي
راشد*لا أنا ابغاك قلبا وقالبا
في غرفه ماجد الساعة التاسعة صباحا
تلفون ماجد يرن ويرن ويرن وأخيرا جلس من النوم
الووو
بندر بعصبيه*كفايه نوم قوم طيارتنا الساعة 11
ماجد*والله مالي خلق منسده نفسي عن كل شي
بندر*صار لنا مثلك وأزود ما مسوينا مثلك وعزلنا نفسنا عن العالم
ماجد*على الأقل أنت عندك أمل يتصلح الموضوع بس انا ما في أمل مستحيل
بندر*أقول خلك من الكلام الفاضي كلها نصف ساعة وانا عندك
ماجد بملل*أحاول
بندر يرفع صوته*حبيبي انا ما خذيت شورك انا قلت لك أجهز فاهم
ماجد*خلاص هدي
بندر* لا ترجع تنام
ماجد*خلاص قلنا
بندر*بعد ربع ساعه وأنا عندك وقفل الخط قبل ما يسمع رد ماجد
ما ادري شفيه هالولد كل هذا لان إلي يحبها تزوجت اجل وش أقول أنا إلي حبيت و محبوبتي ضاعت بإرادتي وإرادة اقرب الناس لي
اه يا محبوبتي المجروحة إلي تكابر الدمعة إلي تعشقني
الناس حسدونا ضيعونا عذبونا كسروا أحلام وأماني وأمال مبنية اه
ومن إلي يحسدنا اقرب الناس لنا دنيا عجايب لو يدورا الناس إني أخاف حتى من ظلي أخاف يحسدني لأني مستقيم وهو مايل أخاف من لساني يفضحني بلحظه ضعف أخاف دمعتي تسيل على خدي وتشفق الناس علي ومع هذا الي يشوفني يتوقعني بقمة وناستي
صحيح ما كل من يضحك مع الناس مبسوط انا اضحك وابتسم لأني رجل والرجل يتحمل الصعاب لأني متفاءل في الحياة أنها تقرب محبوبتي لي وابقي معاها إلى رحيلي من هالدنيا
أقلعت الطائرة متوجهة إلى الإمارات الحبيبة إلى دبي دار الحي
ريماس*راشد شوف شكل المملكة من فوق يهبل يجنن والله احبك يا السعودية وأرسلت لها بوسه
راشد وهو يغمز* نيالها
ريماس*صح نيالها في قائدها في حكومتها في شعبها ونيالنا إحنا فيها في صحرائها وجبالها وبحارها نيالنا في هواها في سماها في صخرها
راشد*زوجتي شاعره وأنا ما ادري
ريماس*هههههههه حرام لا تتمسخر علي والله مملكتنا ما مثلها شبيه تخلي إلي مو شاعر شاعر
راشد*كل يوم اعرف فيك شي جديد
لفت له ريماس باهتمام*ويش عرفت
وهنا الصاعقة
تعلقت عيونها بماجد
ماجد ولد عمي إلي كابر على مشاعره ماجد إلي حبيته ووالقدر كان اقوى منا ماجد اه من ماجد وش جابه لي هنا ليش يا دنيا جمعتني معه أنا اكرهه اكرهه
راشد*ريماس ريماس
ريماس*هااا
راشد*وين سرحتي
ريماس*لا بس كنت أفكر وش عرفت فيني
راشد*يهمك
ريماس*أكيد يهمني
راشد*عرفت انك حنونة وقلبك مع الكل عرفت انك حساسة عرفت انك رومانسيه وحالمة وعرفت انك تعطي وما تنتظري المقابل
ريماس*صح الكل يقول كذا
مسك يدها*ريماس أحسك خايفه ترتجفي وش فيك
ريماس بارتباك والله ما تدري وش صابها شوفة ماجد قلبتها 180درجه *سلامتك (تحاول تغير الموضوع تعرف إذا ستمرت كذا يمكن يكشفها خصوصا انه قوي الملاحظة لدرجه إنا اليوم الثاني إلي لنا وهو تقريبا عرف شخصيتي وطريقه تفكيري *ما تحب تعرف وش عرفت عنك انا؟؟
راشد بابتسامه*نورينا
ريماس*واثق وثقتك بالنفس حلوه وتحب تساعد الكل وهذا الشي حبيته مره خصوصا من بعد ما وعدتني تساعد صبا وأمير وامممممم وعرفت انك تمتلك طاقات من الحنان ومتعلق بأهلك مره
راشد بحزن*لان أهلي يحتاجوني
ريماس*للأسف ما عندي أخوان شباب عشان كذا ما اعرف كيف يحتاجونك
راشد*يحتاجوني في محنهم في المهم في مصاعبهم
ريماس*أحس إن ورى كلامك شي
راشد*ممكن أشياء مو شي
ريماس*احكي لي
راشد* مثلا الأمس لما قلتي لي عن حنين حسيت انك قويه الملاحظة رح أقولك إن تفكيرك صح حنين تخبي ورى الابتسامة دموع ورى الضحكة أحزان حنين يا ريماس ضحية
ضحية بنت ما تقدر وما تحترم الخبز والعيش إلي كان بينهم
ريماس بإصغاء تام*ومين هي
راشد بضحكه ساخرة*بنت عمي المصون ليلى
في هذا الوقت هبطت الطائرة ارض الإمارات السبع بين النخيل في صحرائها والأسماك في مائها
نتوقف هنا لينتهي الجزء الأول
من عيون الناس تحسد كل حبيبين
ولكن للحديث بقيه في الجزء الثاني
لنكمل أفراح وأحزان وماضي وذكريات
مظلوم الحب غير متصل   الرد باقتباس
قديم(ـة) 27-06-07, 11:36 AM   #4
|[ عـضـو نـشـيـط ]|

 
صورة مظلوم الحب الرمزية
 
الدولة:
الافتراضي رد : عيون الناس تحسد كل حبيبين(بقلمي)

الجزء الثاني قريبا
مظلوم الحب غير متصل   الرد باقتباس
قديم(ـة) 28-06-07, 03:05 PM   #5
|[ عـضـو نـشـيـط ]|

 
صورة مظلوم الحب الرمزية
 
الدولة:
Thumbs up رد : عيون الناس تحسد كل حبيبين(بقلمي)

الجزء الثاني
حنين تحت الدش لمت الماء بين أياديها بس الماء يهرب يبتعد يتسرب بين أصابعها :أنت مثل الناس تهرب مني ما بقى احد معاي ظلمتوني وعذبتوني ليش ذليتوني قدام الناس بعد ما كنت رافعه الرأس صرت انا اليوم بنت صايعه بنظر الناس كلهم صرت عار على أصحابي على أهلي من كذبه اه يالدنيا والله محتاجه احد يفهمني ويواسيني وينكم يا أصحابي لدي الدرجة ما تثقوا فيني بس لازم يكون عندي أصحاب ما لازم أعيش كذا اه وش فايده اذا صار عندي أصحاب وفي وقت الشدة يتركوني مثل ما تركوني إلا قبل يظلموني ويلموني ويعذبوني بكلامهم وبعدها يتركوني يخافوا اشوه سمعتهم بعد تفكير :ريماس مره اخوي والله شكلها بنت حبوبه وقريبه من القلب هذي إلي بتفهمني بتساعدني على تخطي مشكلتي بس لا أخاف افتح قلبي لها تغدرني مثل الناس تطعني لا لا ما في احد يستاهل يعرف وش في قلب حنين غير حنين وبس الناس ما منها غير الاذيه والمهانة
نشفت شعرها بالمنشفة الخضراء لبست بنطلون جنز وتي شيرت اسود ورشة عطر:الله والله أحب هالريحه خصوصا إنها منك ياحبيبي (كانت تكلم نفسها في المرايه)لا تزعل يا عمري أنا سوية كذا لمصلحتك ولأني احبك ومرد الدنيا تضحك لنا يا ترى وين أنت وايش تسوي ودي اعرف عن أخبارك سوت لنفسها باي في المرايه وطلعت من الغرفة راحت تشوف اعز الناس على قلبها أمها وأبوها حياتها ومماتها جنتها ونارها
نزلت من الدرج متوجه الى الصاله الففخمه بستايرها العاليه وكنبها المريح بصبغها الفنان بالوحات كبار الرسامين :مساء الخير
الجميع:مساء النور ما عدا فرح الي كانت تبكي في حضن امها
راحت لها وهي خايفه:فرح وش فيك ليش تبكي
وجدان:بابا ضربها وسبها
حنين:وهذا ما رح يتغير الله لا.........
فرح بين دموعها وشهقاتها:حنين لا تقولي كذا لا تدعي عليه
حنين بعصبيه:وانت ليش خايفه عليه على كل الى سواه فيك وانت راضيه
فرح:ما كان بوعيه
حنين:انت مالازم تعيشي معه كذا
ام سلطان:حنين اختك عاقل وادرى بمصلحتها
حنين:مصلحتها انه يهنها وياذيها قدام بنته
فرح:مو مهم انا ما شتكيت من هذا كله انا ابكي عليه ابكى لما اتذكره كيف كان وكيف صار
ام سلطان:اهدي يا بنتي الله يصلح حالك ويهدي زوجك
فرح:يمه لا تقولي لابوي اخاف ياذيه
ام سلطان:لا تهمي حالك يا بنتي وما بصير الا الي تبغيه
حنين حست ان فرح ودها تقول كلام لامها ودها تعلن الي في قلبها وتفرغ سحنات من حزنها بين احضان اطيب قلب في الدنيا
حنين:حبيبتي وجدان خلينا نطلع الحديقه
وجدان ما تكلمت قامت منزله راسها يحزنها حال امها وابوها تتمنى تعيش مثل كل البنات الي يفخروا بابوهم ويرفعوا الراس به
ابوي دمرني قطعني وهو ما يعرف حطمني حرمني اعيش مثل كل البنات حرمني من اخوان اعيش معهم حياتي وكونوا سند لي حرمني من اعمامي الله يسامحك يا يبه
فتحت البوابه الكبيره ذات الزخارف الرائعه والالوان الغريبه بعصبيه بالم بقهر
حست فيها حنين وحاولت تطلعلها من المها: وجدان وش رايك نسوي سباق بالخيول
وجدان:ما لي نفس
حنين:حبيبتي وجدان لا تهمي نفسك ان شاء الله الامور بتصلح
وجدان:انا من شفت الدنيا ما شفت السعاده وعمر الايام ما صلحت شي حياتي عشتها بين اب سكران وام منكسره انا ما ذقت طعم الفرح الا مع خالي راشد كان مثل ابوي واكثر يطلعني يلعبني ويدللني عطاني شي ما عطاني مثله ابوي مع صغر سنه الا اني احسه اب لي
حنين متى بيرجع راشد؟؟
حنين:حبيبتي ما صار لهم اسبوع رايحين
وجدان:وحشني حيل اتصلت عليه كثير بس دايم مغلق
حنين:بقول شي وجدان بس لا تزعلي راشد ما عاد اعزوبي مثل ما كان راشد وراه مره وكل شي محسوب عليه الي ابغاك تفهميه لما يرجع لا تحاولي تكوني 24ساعه معاه قبل تغير الحين راشد ملك لريماس وهي احق فيه
وجدان:لا راشد مو ملك احد وما رح اغير معاملتي معاه كفايه ابوي لا تزيدوها علي (راحت تركض للبوابه ودموع على خدوها المتورده)
حنين:تعالي وجدان انا اسفه ما كنت اقصد
اوووه كيف افهم هالبنت اكيد لما يرجعوا بتنزعج منها ريماس وبتتمنى ما رجعت هالبيت
اقترب مني ترى الدنيا فرص
وخذ من شوقي اذ شوقك نقص
خلني احجي لك مواويل وقصص
اش ما يعدي العمر حبنا يظل جديد
قريب من امواج المياه وبجتماع الحب كان راشد يغني لريماس
ريماس:راشد شوف صوره القمر على سطح البحر صوره حلوه
راشد:حتى القمر بالكون ما يهمني نوره
لو انت لو ماريك لعيوني صوره
بستان قلبي راد منك زهوره
ريماس بيأس:راشد كفاية أغاني خلني أتكلم شوي
راشد:في احد حاصل له هالدلع ويتخلى عنه
أهلا راشد
التفت إلى الصوت كان بندر ولد عمه ومعه واحد أعمى ماسكه من يده
راشد:أهلا بندر وش جايبنك هنا
بندر:أبدا بس جاي أتمشى مع الشباب أعرفك صديقي المقرب ماجد
التفت ريماس لما سمعت اسم ماجد :اه يا قلبي وأنا وين ما رحت القاك في وجهي أكرهك رغم إني احبك بس أنت اليوم مجرد أخ لا غير
أخ عشت معه أحلى سنين حياتي عشت في قلبي والي يعيش في قلبي ما ينسى كان ودي اسلم عليه وأقوله هذا زوجي هذا نصيبي في الدنيا بس خفت وترددت ما اعرف السبب إلا أن لساني ما قدر ينطق بكلمه
راشد:في حفظ الله
ريماس:هذا ولد عمك
راشد:ايه ومعه واحد أعمى كسر خاطري يقول انه صديقه ماجد
خافت ترددت اقوله أن هذا ولد عمي إلي ما حضر زواجنا لأنه ما يحب تعليقات الناس ومسخرتهم بسبب فقد بصره و زعلان لانه ضيع حلمه وعطاه لواحد ثاني برضاه ما حب يحضر افتراق روحه عنه ونهايه قصه حبه
ماجد:بندر خلينا نرجع الفندق احس نفسي تعبان وقلبي لالمني
بندر:سلامت قلبك وش فيك
ماجد:خطرت على بالي ريماس ما ادري ليش بس حسيت اني اتنفس عطرها حسيت انها قريبه مني
بندر:ماجد وش هالافكار انت تتوهم انساها مو انت الي ضيعتا من يدك انسها ترها الحين متزوجه واكيد تحب زوجها ومي مفتكره فيك
ماجد:تحب غيري ااه يا الدنيا الله يسعدك يا ريماس ووفقك في حياتك انا يا بندر مو محتاج ريماس تتذكرني ريماس هي الي ساعدتني اعيش حياتي واتاقلم مع الناس ومن ضمنهم انت انا اليوم ما اتمنى غير ربي يسعدها
بندر:هذا الكلام الزين يا ماجد لا تخلي قلبك يسيطر عليك
ماجد:مو بارادتي غصب علي القلب وما يهوى يا بندر
سرح لا بالاصح غرق في الماضي تذكر لما كانت تلعب معاه ريماس الفارق العمري الي بينهم صغير (ماجد اكبر من ريماس بسنه ونص) لما كانت تقوده الى كل ما كان يبغاه لما تفهمه بينما كل الاطفال يهربوا منه لانه ما يعرف يلعب معاهم ويرجي وراهم فكانت جلسته بالنسبه لهم ممله ما كانت معاه الا ريماس كبروا وكبروا مع بعض ابو ريماس ما مانع ان ريماس تكون مع ولد عمها لانه حاله خاصه ولانه منعزل عن الناس فوجودها معاه دعم له وتشجيع شجعته انه يظهر للعالم ويتعرف على الناس حتى صار عنده اصدقاء من ضمنهم رفيق روحه بندر
تذكر لما اعلن لها حبه
ماجد وهو منزل راسه:ريماس مع اني ما اشوفك الا اني اعرفك اكثر من الي يشوفوك انا اعرف جواك انت جوهره لا تقدري بثمن طيبه قلبك غمرتني بلاصح ذوبتني في حبك
ريماس هنا نزلت راسها كان الشعور متبادل ويما فكرت تقوله وتصحر عنه بس تدروا هي بنت وريماس من البنت الي ما يسمحوا يعرضوا نفسهم فكرت لو قالت له بتصير كانها عارضه نفسها عليه
ماجد:ريماس انت دنيتني وكل شي بدونك انا ما اقدر اعيش يوم
ما اقول هذا الكلام عشان امدحك اقوله لانك في قلبي شي غالي ولا يمكن احد يحل محله او حتى يساويه عوضتيني عن حنان امي الي ابعتدت عني مو بالجسد بل الاعظم بالقلب والعطف والحنان شفتي ام ما تحب ولدها ولا عشان ايش لانه اعمى
ريماس:لا تقول كذا هذي امك جنتك ونارك
ماجد:شفتي ان قلبك حنون بكل معنى الكلمه لو كل الناس مثلك كان الدنيا كلها فرح
ريماس:خلاص ماجد تراك خجلتني ما خليت شي فيني ما مدحته
ماجد:لانك تستاهلين
ريماس:وانا ما سويت الي سويته الا لانك تستاهل
تذكر لما دخل عليه ابوه الغرفه
ابو ماجد:السلام عليكم
مظلوم الحب غير متصل   الرد باقتباس
قديم(ـة) 28-06-07, 03:07 PM   #6
|[ عـضـو نـشـيـط ]|

 
صورة مظلوم الحب الرمزية
 
الدولة:
الافتراضي رد : عيون الناس تحسد كل حبيبين(بقلمي)

ماجد:وعليكم هلا يبه استريح
ابو ماجد:شلونك يا ولدي
ماجد:ما دامك بخير فانا بخير
ابو ماجد:انا جايك في موضوع
ماجد:تفضل يبه كلي سمع وطاعه
اليوم انا كنت جالس مع اختك رزان (في الثانويه عامه طيوبه حيل وحبابه اجتماعيه مررررره ومخبئ اسرار صبا هالثنتين ما يتفارقوا ابد )
وكنا نتكلم عنك
ماجد:عساه خير يبه
ابو ماجد:خير يا ولدي تعرف انت الي بسنك تزوجوا وانا يا ولدي الود ودي اشوفك معرس وش رايك يا ولدي
ماجد حس بالم فضيع في قلبه انا اتزوج وكون عندي ولاد كيف انا اعمى كيف اشوف اولادي يلعبوا قدامي ولعب معاهم كيف ادرسهم كيف ........لا زواجي عذاب لي وعذاب للي باخذها
الى هنا وقطع تفكيره ابوه:اعرفك يا ولدي تفكر من هذي الي بتاخذك يا ولدي الرجال مخابر ومو بمناظر وانت رجال عن عشره مفتحين واذ على العروس تراها موجوده
ماجد:ريماس لا لا لا سمع صدى كلمته في الغرفه يتردد يمكن يعاتبه يانبه بس لا هذا قراري ومارح اترجع عنه
ابو ماجد:ليش يا ولدي ريماس والنعم فيها وهي الوحيده الي تفهمك وعارفه اوضاعك
دخلت عليهم رزان:هاا نقول مبروووووووك
ابو ماجد:اخوك مو راضي يا بنتي
راحت جنب اخوها ومسكت يده:ليش يا ماجد ما كان هذا حلمك وهذا حلمك على وجه التحقق ليش لا يا ماجد
حس بصداع قوي يعصره من لالم:خلاص انا قلت كلمتي ريماس اختي وبس وانسوا فكره الزواج اتركوني خلوني ارتاح
قام ابو ماجد من مكانه ماحب يشوف ولده يتعذب قلبه يتمنى وعقله ينفد:على راحتك يا ولدي
رزان:بس انا مارح اتركك لين تقول لي ليش لا مو انت تحبها وتتمناها ليش بس اليوم صارت اختك ليش
ماجد:رزان تركني واسمعي الكلام ريماس تستاهل الي احسن مني تستاهل الي يسعدها ويهنيها الي يونسها ويربي عيالها
رزان:وانت قادر لا تخلي فقدان البصر يحرمك من شي تحبه
ماجد:رزان هذا قراري ومارح اتراجع عنه الموضوع انتهى وريماس الله يهنيها في غيري
بندر:ماجد ماجد ماجد
ماجد:هاااااااا
بندر:صار لي سنه انادي اركب السياره خلنا نرجع الشقه
عند ريماس وراشد كان الوقت جدا جميل مثل كل زوجين في بدايه ايام عمرهم
راشد:وش ارايك نروح نتعشى
ريماس:اوكي ما عندي مانع
راشد:اول بكلم اهلي وحشوني
ريماس:وانا كمان
راشد:اوكي انت اتصلي اول وحطي اسبكر عشان اسلم عليهم
اتصلت على جوال صبا لكن ما جاها رد اتصلت على البيت
ريماس:الووووووووو
صبا بوناسه :هلاااااااااااا ريماس كذا يالقاطعه ما تدقي علينا
ريماس:عطيني فرصه اول
صبا:اوكي تكلمي خلنا نشوف اعذارك
ريماس:انا دايم اتصل على جوالك بس انت ما تردي
صبا سكتت وما تكلمت وريماس ما صارت تسمع الا صوت بكاها بعد راشد عنها ما حب يكون ثقيل على زوجته واختها
ريماس:حبيبتي صبا ليش تبكي
صبا:ابوي اخذ الجوال من عندي وحتى الاب توب حقي
ريماس تفتح ثمها:ليش درى
صبا:لا بس شكله شاك في الموضوع
سحبت امها السماعه من يدها
ام ريماس:الووو مين
ريماس:انا يمه كيفك شخبارك
ام ريماس:هلا بنتي كيفك وشخبار راشد معاك
ريماس:كلنا كويسين يمه
ام ريماس:سلمي على راشد ولا اوصيك خلك مره مطيعيه
ريماس:لا توصي حريص يمه يمه بس وش فيها صبا ليش ابوي ماخذ الجوال حقها
ام ريماس:والله يا بنتي اختك تشكك الي ما يشك وابوك حس ان وراى موضوع الخطيب الي فات شي
ريماس:لا يمه بس عجبها
ام ريماس:الي خلقه خلق مثله وتعرفي ابوك عمره ما سوى شي يزعلكم بس هو خايف عليها
ريماس:من حقه
ام ريماس:يالله يا بنتي لا تطولي على الرجال
ريماس:اوكي يمه سلمي على ابوي
ام ريماس:الله يسلمك
ريماس:راشد راشد
راشد:عيونه وقلبه وكل شي فيه
ريماس:تعال ما تبغى تكلم؟
راشد:الا بكلم ليش حلال لك حرام علينا
ريماس:ههههه
راشد:يا حلو الضحكه
الا على ردت وجدان:هلا خالي من هذي الي يا حلو ضحكتها؟؟
راشد:انت في احد غيرك
عصبت ريماس وضربته على كتفه
راشد:ااااااااي
وجدان:وش فيك خالي
راشد:ابد سلامتك شخبارك انت
وجدان:بخير بس وحشتني متى بترجع
راشد:ان شاء الله بعد اسبوع وين امي
وجدان:راحت عند الجيران
راشد:طيب من معك
وجدان:معاي حنين
راشد:عطيني ياها
حنين:هلا والله بشيخ الشباب
راشد:هلا بحنونه
حنين:شخبار عروستنا
راشد:تسلم عليك
حنين:راشد المستشفى من شوي اتصلوا عليك
راشد:ما قالوا ايش يبغوا
حنين:لا بس طلبوا رقم تلفونك وعطيناهم
راشد:اوكي الحين انا بكلمهم سلمي على فرح وامي وابوي
حنين:ولا يهمك يوصل
وجدان:شكله وايد مبسوط مع زوجته
حنين:الله يهنيهم
وجدان:طول ما هو يكلم اسمعها تضحك ما ادري على ايش
حنين:وانت ليش معصبه عساهم دوم
وجدان:اكرها احسها شي ثقيل على صدري
حنين بياس:وجدان كم مره قلت لك بلا هالكلام هذا خالك وسعادته مع زوجته وام عياله
وجدان:عياله اكيد اذ جاب عيال رح ينسى وجدان اكيد هئ هئ هئ
يوم الاثنين الساعه 8صباحا
صحى ماجد الساعه خمس الصباح صحاه حلم ..حلم بريماس شافها كانت قمه في الجمال ملاك هالكلمه قليله شافها مبسوطه والبسمه مزوعه على شفتها شاف عيونها تاملها كانت وسطها دمعه ..دمعه عتاب..دمعه شكر..دمعه فرح..دمعه وداع
حس بالعطش بس هذا المكان ما تعود عليه جلس ومد يده يتلمس الاشياء قدامه وصل الى التسريحه الي كان موجود عليها كاس ماء تلمسه ومد يده ياخذه بس الكاس طاح تكسر تفتت ملى الغرفه بالزجاج في جميع الاتجاهات مشى شوي وطااااااااااااخ طاح على الارض الماي متناثر والارضيه تزحلق كل هذا سبب في انه يطح يصرخ:بندر
صحى على صوته :ماجد وش فيك وش مصيحك
ماجد:بندر يدي تالمني
بندر:اوووووه الزجاج ليش ما صحيتني اجيبلك الي تبغاه
ماجد:الى متى بكون عاله على الي معاي الي متى بكون مو قادر اسوي شي بنفسي الى متى اعتمد على الناس يا بندر تعبت ابغى اتحرر من الظلام واشوف النور اشوف احبابي اشوف الشروق والغروب الى متى بظل متقيد
بندر حس في المه بس هذي الي الله كاتبه هذا قدره :ماجد احمد ربك على كل حال وقوم معي نروح المستشفى يدينك مليانه زجاج وتزف بقوه
ماجد:ما ابي اتركني انا اقدر امشي بروحي اقدر اسوي الي ابغاه (رفع صوته) اقدر اعتمد على نفسي مو محتاج احد مو محتاج
على اخر كلمه انهار بين يديه ما عرف وش يسوي يروح ينادي الطبيب لا يخاف يتركه ويصير فيه شي وينكم يا شباب ليش طلعتوا وخليتوني في المازق بدون شعور طلع من الشقه واخذ يضرب على الشقه الي قبالهم كان فيها شابين من الكويت(مشاري...محمد)
طلع مشاري وهو لسى في وجه النوم وشعره محيوس فوق تحت
بندر وهو مفتشل:سوري عالازعاج بس صاحبي طايح ممكن تساعدوني نروح فيه المستشفى
نعرفكم على الشخصيات الجديدين
مشاري@23سنه طالب جامعي يوم يروح الجامعه يوم وعشره لا ذكي يعني يفهمها وهي طايره(رح تشوفوه بعدين)
محمد@النقيض الى مشاري ماكل الكتب اكل يدرس محاماه هادي حيل وهو نفس عمر مشاري23سنه
صحيح مختلفين الا انهم يشتركوا في صفات كثيره تجمعهم مع بعض كاصدقاء واولاد عم
نرجع الى الاحداث
حملوا ماجد الى المستشفى وفي الطوارئ صحوه وحطوا عليه دم يعوضه عن الدم الي فقده نظفوا كفوفه من الزجاج ولفوها الحمد لله الجروح مش غزيره(سطحيه)
بندر:والله ما قصرت يا اخوي جزاك الله خير
مشاري يحس بوناسه انه سوا شي يشكر عليه:ولو ما سوينا شي الناس للناس والكل لله
بندر: ونعم بالله ما عرفتنا عليك يا اخوي
مشاري:مشاري من الكويت
بندر:وانا اخوك بندر من السعوديه
مشاري:تشرفنا والله بمعرفتك (يرن التلفون)
محمد:وانت من تجلس من النوم تتطير وينك لا يكون نسيت طيارتنا
مشاري:لا تاكلين ما نسيت بس بعده باقي وقت
محمد:زين تعال رتب اغراضك بنتغذا ونطلع
مشاري:ولا يهمك مو مطول
مشاري يقول لبندر:هذا محمد ولد عمي يحسبني طالع اتمشى لان اليوم طيارتنا
بندر:تصدق عاد حتى احنا بعد اليوم راجعين
مشاري:حسافه ما عرفناكم قبل
بندر:ولو والسعوديه والكويت جيران وان شاء الله الوصل مو مقطوع بينا
مشاري:ان شاء الله تامر على شي انا رايح
بندر:وين يا خوي هذا وقت غذاء لازم نغذيك على سلامه ماجد
مشاري:مشكور يا بندر بس محمد ينتظرني
بندر:انت وصديقك في عيونا والغذاء اليوم علي
اتفقوا على الغذاء وراحوا مطعم رايق وتغذوا يعني تعرفوا شوي على بعض واخذوا ارقام بعض وبعدها توادعوا كلن على ديرته
ابكي والله اضحك افرح والله احزن اليوم صابتني صاعقه يا ريتها كهرباء تاخذ روحي وتريحني من الدنيا يا ريتها سياره تخبطني وظل طول عمري في غيبوبه يا ريتها ايش اااااااااااااااااااااااااااااااااااااااااه
كل شي ما عاد ينفع انكتب عليك يا صبا الحزن طول حياتك انكتب عليك
العذاب يا ربي وش
الحل اوافق انسى الماضي انسى فارس احلامي وامير ليلي امرمره معاي اكيد بعدها بيندم انه اخذني يا ربي وانا ش ذنبي وهو وش ذنبه ياخذ وحده قلبها وعقلها مالكنه غيره ليش يا دنيا كل هالقسوه نزلت دمعه اشبه بقطره الندى مسحتها بقوه لا لا لا ما رح ابكي انا اقوى من كل شي انا اقوى من الدنيا رح اسوي المستحيل حتى لو كلف الامر اني اهرب ايه لا تستغربوا اسويها اهرب اتشرد ابتعد ولا اترك امير انا ممكن اسوي اكبر من كذا انتوا ما تتصوروا كثر حبي له الحب يعني دمار هلاك وانا حبيته ودمرت وعشت ليالي ابكي عشانه عشت ليالي بين جدارن المستشفى منهاره لفراقه...
اهلي حرمتوني من قلبي ونبضه من دمي من احساسي جردتوني هلكتوني اااااااااااااااااااااه لو تدري يايبه فيني كان ما تركت بنتك بهذي الحاله يوم ااااااااااااااااااااااااااه ريتني مثلك يا ريماس تنسى الماضي وتقلب الدنيا مثل صفحات الكتاب سرح فكرها الى ذاك اليوم كان من سنتين كان مؤلم لريماس ولي كان مؤلم لماجد ولرزان كان مؤلم للكل بس رجع تفكيرها الى اليوم ....اليوم ريماس في دنيا ثانيه بين احضان مخلوق يموت عليها تعيش الحب باحلى لحظاته
رزان:هووووووووووووووو
صبا:يمه حرام عليك طيحتي قلبي
رزان:الى وين سرحتي
صبا:الى كل مكان....انت وش فيك تاخرتي علي صار لي ساعه انتظرك ؟؟؟
رزان:يا طويله العمر اليوم ماجد راجع من الامارات وتدري نسيت حالي في السوالف معاه
صبا فاتحه عيونها:ماجد في الامارات
رزان:ايه واليوم رجع
صبا:وريماس وين ما تروح ماجد معاها حتى في ايام عرسها
رزان:تصدقي احسهم نفس القلب نفس كل شي حتى التفكير
صبا:وانا كمان من كان يصدق ان ريماس تاخذ غير ماجد
رزان بحزن:النصيب <<تحاول تغير الموضوع<<<صبا لا يكون ما بضيفيني
صبا:كيفي مالي خلق اضيفك غصب هو يعني
رزان:اوريك يا صبا الشرها علي جايه ازورك
صبا:لا لا كله ولا عمتي رزان تزعل الحين اجيب لك المطبخ كله امري بس
رزان:ايه صيري مره>>>>>اووه قبل ما انسى ايش الموضوع الي قلتي بتقوليه
صبا:ااااااااااااااه جايني خطاب
رزان:كللوووووووووووووووووووش
صبا:رزان احر ما عندي ابرد ما عندك
رزان:سووووري ما كان قصدي بس انت يا صبا لازم تطلعي من الدوامه الي حاطه عمرك فيها امير ماضي انسي الماضي يا حبيبتي وابدي صفحه جديده
صبا:صععععععععععب صعب ما اقدر
رزان:تقدري يا حبيبتي يا صبا انت بس حطي الفكره في بالك وانت تقدري
صبا: انا مو موافقه بس خايفه اقول لامي
رزان:ليش
صبا:لان الخطيب مالت عليه امه صديقه امي الروح بالروح وهذا السبب غطى على كل عيوبهم
رزان:يعني تفهمني انه فيه شي مو زين
صبا: لا بس قصدي انهم رفضوا امير على نسبه واصله بينما هذا حتى لو كان مثله رح يوافقوا لانه امه صديقه امي وانا هالمنطق مو عاجبني
رزان:حبيبتي لا تحاولي تربطي بين هذا وذاك ترى بتتعبي
صبا:بس رح ارفض حتى لو اضطر الموضوع ان امي تزعل علي
رزان:بس هذا امك يا صبا انت بس فكري شوي وبتعرفي انه كل الي تفكري فيه غلط
صبا:سكري على الموضوع انا قراري ما رح اتراجع عنه
رزان
رزان:نعم
صبا:تقدري تروحي معي السوق خلال هالاسبوع
رزان:اقدر بس ليش
صبا:بعدين اقولك ليش انت الحين قولي لي شخبارك مع الجامعه
رزان:تصدقي ونااااااسه حيل تعرفت على بنات حبوبين ومبسوطه معاهم
صبا:الله يوفقك انت بس شدي حيلك عشان توصلي للي تتمنيه
رزان:ان شاء الله<<صحيح صبا متى بتجي ريماس
صبا:خلال هاليومين راشد اتصلوا عليه المستشفى طالبينه ضروري وبيرجع
رزان:الله يرجعهم بالسلامه
..........................
اليوم انا ملانه حيل الدنيا صايره ممله بندر رجع من الامارات شكله انبسط بس بصراحه طفشني كل شوي يتكلم عن ماجد ما ادري وش شايف فيه اعمى ولله الحمد ومو شايف طريقه قلة الاولاد عشان يختار هالاعمى صديقه اف حتى الشي الي افكر فيه ملل
فتحت النت ولقت رساله في صندوق الوارد
اف الى متى هذا بيلاحقني من حلاتك اعجب فيك واحبك انا
لا لا شوفوا وش كاتب في الرساله
حبيبتي ريم(مكذبه عليه وقلت له ان اسمي ريم) انتظرتك كثير تشبكي واكلمك بصراحه وحشتيني اذ شفتي رسالتي كلميني هذا هو رقمي لا تتردي **********
انتظرك سي يو
والله العظيم مصدق حاله انا ليلى بنت ابوي انزل نفسي لمستواك واكلمك ما بقى الا انت
طق طق
ليلى:تفضل
الخادمه:ماما في قول هي روح بيت عم انت اذ بتروح البس بسرعه
اووووووووووه هذي احلى وناسه خلني اروح واتمسخر شوفي على حنينوه قليلت الادب
ليلى:يمه انتظريني خمس دقايق وانا عندك
......................
هل صبا بتوافق على العريس الجديد؟؟؟؟
زياره ليلى بيت عمها وش رح يصير؟؟؟
رجعت ريماس وموقفها من وجدان؟؟؟
بندر وحبه ؟؟؟
ريماس وحكايتها مع ماجد
اتمنى الجزء عجبكم
واتمنى تفاعلكم ونقدكم فهو دعم
انتظروني في الاجزاء والاحداث القادمه
اختكم:مظلوم الحب
مظلوم الحب غير متصل   الرد باقتباس
قديم(ـة) 29-06-07, 06:29 AM   #7
|[ عـضـو فـعـال ]|

 
صورة كبرياء الرمزية
 
الدولة:
الافتراضي رد : عيون الناس تحسد كل حبيبين(بقلمي)

رووووووووووووووعه

وبدايه حلوه مشووقه بصراحه

انا انتضر البااااااااااااااااااقي

وسلمت يمناااااااااااااك على القصه

عاد لا طول
كبرياء غير متصل   الرد باقتباس
قديم(ـة) 29-06-07, 12:17 PM   #8
|[ عـضـو نـشـيـط ]|

 
صورة مظلوم الحب الرمزية
 
الدولة:
الافتراضي رد : عيون الناس تحسد كل حبيبين(بقلمي)

هلا كبرياء
بصراحه ونسني ردك
حسيت ان في احد يقراء الي اكتبه
ولا يهمك ما رح اطول ان شاء على يوم الثلاثاء
ينزل الجزء الثالث
واذا قدرت قبل ما رح ابخل
تحياتي اختك:مظلوم الحب
مظلوم الحب غير متصل   الرد باقتباس
قديم(ـة) 29-06-07, 08:35 PM   #9
|[ عـضـو مـبــدع ]|

 
الدولة:
الافتراضي رد : عيون الناس تحسد كل حبيبين(بقلمي)

بصراحه تو بدخل بقراة من عنوان القصة شكلها رهيبه بس اقراعا وأعلمك رايي
بس كمل انت وما عليك
خخخخخخخخخخخ
لاتطول
تحياتي
شهد الحلا غير متصل   الرد باقتباس
قديم(ـة) 30-06-07, 02:46 AM   #10
|[ عـضـو نـشـيـط ]|

 
صورة مظلوم الحب الرمزية
 
الدولة:
Lightbulb رد : عيون الناس تحسد كل حبيبين(بقلمي)

هلا والله بشهد
انا انتظر رايك بشغف:pangel4:
وان شاء الله ما طول
اختك:مظلوم الحب
مظلوم الحب غير متصل   الرد باقتباس
إضافة رد

الإشارات المرجعية

أدوات الموضوع

قوانين المشاركة
لا يمكنك إضافة مواضيع
لا يمكنك إضافة ردود
لا يمكنك إضافة مرفقات
لا يمكنك تعديل مشاركاتك

رمز [IMG] متاح
رموز HTML مغلق
Trackbacks are مغلق
Pingbacks are مغلق
Refbacks are مغلق


مواضيع مشابهة
الموضوع الكاتب المنتدى الردود آخر مشاركة
نامت عيون الناس وعيوني سهرانة إحساس الألماسة خواطر - عذب الكلام 30 31-01-12 10:55 PM
في عيونها بحر به الناس تغرق ( مكياج عيون ) تلآوين مكياج × ميك اب × اكسسوارات 32 06-01-10 04:55 AM
هو صحيح الحب اعمى / او عيون الناس عور !! .. العتيبي نايف .. منقولات أدبية 15 24-11-09 02:30 PM
نامت عيون الناس إلا عيوني .. بنوته ع طول منتدى المواضيع العامة 23 18-11-08 10:28 PM


الساعة الآن +3: 02:58 PM.