عـودة للخلف   منتديات تعب قلبي > منتديات تعب قلبي للقصص والروايات > روايات تعب قلبي



إضافة رد
 
أدوات الموضوع
قديم(ـة) 26-08-12, 12:56 PM   #1
|[ عـضـو مـشـارك ]|

 
صورة loly159 الرمزية
 
الدولة: المملكة العربية السعودية
الافتراضي رواية عيزا أغني و أرقص و أضحك يا ناس


السلام عليكم ...
اول مره ننزل قصه هبالي عالم من اختياري وغاليه ابوها القصه فيها هبال وفلله وناسه ورجه ورومنسيه راح نزل اول بارت اذا ما عجبكم راح نقفله طيب......... اول شي اقدم الشخيصات
الجد ابو عبدالله:عبدالرحمن عنده شركات من اكبر الشركات في السعوديه << لها فروع وكل واحد من عياله مستلم فرع وحنون على احفااده ويحن على البنات اكثر<<الجد زاحف. الجده ام عبدالله:الجوهره <<فلللله الجدان
((بيت ابو الوليد))
ابو الوليد:عبدالله يشتغل في شركة من شركات ابوه مايرد لعياله طلب .ام الوليد: هياء حنونه على عيالها
الوليد:23سنه اسمر بس سماااره خقق وجسمه مره خق داخل نادي اهووانس وسطام لون عيونه بني فاتح ويدرس طب برا المملكه في(امريكا)
انس:20 سنه لاهو اسمر ولا اهو ابيض وسط بس انه خق وجسمه عضلي لانه مثل ماقلتلكم داخل نادي مع اخوه ولون عيونه سودعيونه تذبح وشعره لحد رقبته اسود مثل الفحم ونااعم وخشمه حد سيف وفمه مرسوم رسم شفايفه ورديه
غاليه:20سنه توام انس بيضاء وجسمها مثل العارضات وشعرها اسودونااعم وطويل ووشفايفها ورديه عيونها رماديه لها غميزتين على جدتها واهي وبنت عمهاالروح بالروح بالولى جامعه بس انها فلللله
بدور:18سنه ثالث ثانوي علمي شعرها بوي وبيضاء وعيونها سوداء وعربجيه اهي وبنات عمها فجر والهنوف اذا اجتمعوا تصير كارثه <<راح تعرفون الكوارث مو كارثه وحده خخخخ
((بيت ابو سطام))
ابو سطام:فهد ويشتغل في شركة من شركات ابوه حنون على عياله ولا يرد لهم طلب. ام سطام:افنان طيوبه وحنونه على عيالها وعيال عمهم الكل يحس انها امهم الثانيه
سطام:23سنه وهو صديق الوليد الروح بالروح ومسجل معه في النادي جسمه خقق لونه برونز وهو الوحيد الي في العايله اهو واخته الي الوانهم برونزعيونه خقااااق سوداء وشعره دايم يسويه سبايكي طالع شكله جنان
نوره:20سنه برونزيه مثل اخوها وجسمها كل من شافه سم بالرحمن وخق عليهاوعيونها وسااع ولونها عسلي وناعسه ولها غميزه باليساروشعرها بني فاتح وخشمها حد سيف وشفايفها توتيه وصغيره واهي وغاليه الروح بالروح واهي دجه وفللله في اولى جامعه
فجر:18سنه مملوحه سمرا بس سمارها مناسبها وعيونها بنيه غامقه بس انها عربجيه محد يسلم من لسانها ابدا واذا عصبت ماتعرف من امها وابوها
عبد الغني:16سنه ولدمملوح ابيض وطويل وله غميزه على اليمين وياخذ اخته فجر قدوه له وحبوب وعلى نياته
((بيت ابو زياد))
ابو زياد:عبد العزيز ويشتغل في شركة من شركات ابوه حنون على عياله وعصبي شوي ام زياد:فوزيه طيبه قلبها كبير وحنونه
زياد:22سنه ابيض وطويل وعريض وخشمه حد سيف وشعره بني على اشقر
الهنوف توام زياد:22سنه وتشبه اخوها في كل شي لدرجه محد يفرق بينهم في فرق بسيط بينهم ان الهنوف وجهها دائري وزياد طويل وشعرها دايم بوي لانها من شلة بدور وفجر واهي دايم تسوي مقالب مع زياد راح تعرفونها بعدين
((بيت ام سليمان))ام سليمان :هند حبوبه وفلللله دايم تسوي حركات تصغر من سنها (ابوهم متوفي)
سليمان:20 سنه كل البنات خاقين عليه واهو فله وناسه وراعي هبال ودجه
رهف:19سنه بنت مغروره وشايفه نفسها وحقوده
((بيت ابو عبير))
ابو عبير :خالد يشتغل في شركة ابوه ..الام متوفيه
عبير:19سنه ودلوعة ابوها ومايرد لها طلب واهي نفس رهف حقوده ومغروره
وخالهم تركي :24سنه اعزب طويل وعريض وابيض وعيونه وساع ورموشه كثيفه والبنات يحبونه مررره لانه طيب وحبوب
روح الوله** نالت إعجابه.
loly159 غير متصل   الرد باقتباس
قديم(ـة) 26-08-12, 05:05 PM   #2
|[ عـضـو مـشـارك ]|

 
صورة روح الوله** الرمزية
 
الدولة: المملكة العربية السعودية
الافتراضي رد: رواية عيزا أغني و أرقص و أضحك يا ناس / بقلمي ، كاملة

شكلها حلوة
استمري
loly159 نالت إعجابه.
روح الوله** غير متصل   الرد باقتباس
قديم(ـة) 26-08-12, 08:22 PM   #3
|[ عـضـو مـبــدع ]|

 
صورة قلب المحرق الرمزية
 
الدولة: البحرين
الافتراضي رد: رواية عيزا أغني و أرقص و أضحك يا ناس / بقلمي ، كاملة

ننتضر البارت
ودي :)
loly159 نالت إعجابه.
قلب المحرق غير متصل   الرد باقتباس
قديم(ـة) 27-08-12, 05:31 AM   #4
|[ عـضـو مـشـارك ]|

 
صورة loly159 الرمزية
 
الدولة: المملكة العربية السعودية
الافتراضي رد: رواية عيزا أغني و أرقص و أضحك يا ناس - بقلمي كاملة

في حي من احياء الرياض الراقيه وفي داخل احد القصور جالسه تضيف اخر اللمسات في ميك اب حقها جت اختها فتحت باب الغرفه
:اف انتي متى تخلصين يله اخوي تحت يقول وينكم وامي توها متصله تقول لاتتاخرون
:اف خلاص خلاص خلصت بلبس عباتي وبنزل لكم الحين يله اسبقيني انتي
:اوكيشن لاتتاخرين
:طيب
تحت في الصاله كان جالس يستنى خواته واهو جالس يستناهم رن جواله
:الوو
هلا انس اخبارك وش مسوي
:الوليد ! الحمدلله بخير يارجال انت اخبارك وش مسوي خلاص ياخي متى ترجع طولت تراك
الوليد:هههههه اشتقتولي خلاص هانت كلها كم يوم واجي بس لاتقول لاحدبخليها مفاجئه المهم اخبار العيال وامي وابوي وخواتك
انس: تبي تعرف غلاك يعني.كلهم بخير ويسلمون عليك و..سحبت منه الجوال
:الو الوليد كيفك اخبارك وش مسوي متى ترجع والله اشتقنالك خلااص طولت وجلست تصيح
الوليد:خلاص غلو كلها كم اسبوع وجايكم بس لاتصيحين ترا دموعك غاليه علي
غاليه:يعني كم هالاسبوع شويه يعني بس وش نسوي نصبر والوليد بدور تبي تكلمك
الوليد: عطيني اياها مشتاقلها
غاليه: طيب
بدور: هلا وغلا يابو الشباب اخبارك وش مسوي
الوليد : الحمدلله بخير كم مره اقولك لاتقولين ابو الشباب انتي متى تعقلين
بدور: ههههه وش نسوي يابو الشباب خلها على ربك الا متى ترجع
الوليد: بعد كم اسبوع الا وين امي ؟؟
بدور: امي عند عمي فهد مسوين عزيمه عشان سطام ترقى في وظيفته بس<<هدت الشريط كله ههههه هع
الوليد :اها اجل سلميلي عليها ولا اخركم يله تبون شي
بدور: لاسلامتك ترجع لنا بالسلامه
الوليد الله يسلمك يالله فمان الله
بدور:فمان الكريم
سكرت السماعه وراحو ركبو السياره
غاليه كانت لابسه
فستان فوق الركبه فسفوري وفي اسفله رمادي طالع شكلها جناااان
وبدور اهي وبنت عمها فجر متفقين يلبسون نفس اللبس فاكنت الباسهم نفس بعض
برمودا جنز وبلوزه كات وفيها رسمه جمجمه
في بيت العم فهد تقولون القيامه قايمه الي جالس يشيك على البوفيه والخدم حوووووسه قلبو القصر فوق تحت
طبعا اهي لابسه وخالصه من زمان لان لبسها ما يحتاج كانت لابسه
راحت عند اختها في الغرفه تحب تجننها دخلت عليها واهي تصرخ
::نويييييييييييييييييييييييييييير يله اخلصي جو بنات عمي تحت
نوره :وجع فجوروش هالصراخ تراني اسمع ماني صقها
بعدين من بنات عمي ؟؟
فجر: من يعني بدور وغاليه
نوره:احلفي قولي والله
فجر:افا انا متى كذبت عليك
نوره: طيب خليهم يرقون فوق ليه جالسين تحت
:اصلا من قال انا نستناك تقولين لها خليهم يرقون جيناك <<قالتها بطريقه عربجيه
نوره:ههههههه وانا اقول غريبه بدور ماترقى علي انتي اصلا نفس فجر
بدورجلست تصفر :وش هالزين نوره طالعه قمر اقري على نفسك يامرت اخوي
نوره كانت لابسه
فستان فوق الركبه لونه وردي من تحت الصدر شريطه فوشي طالع شكلهاخقق
نوره:عيونك الحلوه بعدين وش مرت اخوك اعقلي ابس
بدور:تستحيين هاه قولي اعترفي
نوره: اقول وين غلاتي بس وقسم الي يجلس معكم انتو يالثنتين راح يجيه شي
فجر وبدور:نيهاااااااااااااااااااااااااااااااي
فجر: اصبري لين تجي الهنوف
نوره:الثلاثي اعقلو اليوم تراه مميز لاتخربونه علينا
غاليه:نوره هذولا لو تعلمينهم اليوم الين بكره ماراح يسون شي اهم يسمعون من هنا ويطلعون من هنا اصبري الين تجي الهنوف شوفي وش رايح يسون
نوره: انتي صادقه اقول بنات وش رايكم تنامون عندنا اليوم
فجر: اي والله فكره وش رايكم عشان نفلها مره وحده
غاليه:راح نقول لامي ونشوف وش تقول
نوره:طيب انشاء الله توافق
بدور: اقول ماودكم تنزلون
فجر:الا يله نوره عشان نشوف امي تبي شي ولالا
نوره وغاليه يطالعون بعض
نوره:غريبه انتي تقولين هالكلام اختي عقلت اجل
فجر: الشره مو عليك الشرها علي انا الي اقولك
بدور يله بس ننزل
بدور:يله
غاليه ونوره:ههههههههه خلاص راح نجي معكم
نزلو البنات والعيون بدت تطالعهم وكل من شافهم سم بالرحمن كان كل وحده تقول الزين عندي
راحو سلمو على المعازيم وجلسو يسولفون نوره: بنات سمعتو اخر الاخبار؟
البنات :وش قولي بسرعه
نوره:انا ذاك اليوم سامعه جدي يقول لابوي ان راح ناخذ مزرعه
البنات:فلللللللللللللللللللللللللللللللللللللللللل لللللللللللله
نوره:خلونا نخطط من الان وش راح نسوي
غاليه:طيب متى أي يوم عشان نتجهز؟؟
نوره:الخميس الجاي
بدور: يعني باقي اربعة ايام على الخميس
فجر:ايون كوشخه احلى شي
نوره:اجل خلونا نتفق ونروح السوق
البنات: صح
عند الشباب
سطام: شباب سمعتو اخر الاخبار؟؟
الشباب: وش قول تكلم
سطام: وش لي
انس: تراك فاضي قول وخلصنا
سليمان:لك الي تبي بس قول
انس: يللللللللللللله تكلم
سطاام :هههه لو تشوفون اشكالكم وشلون متحمسين يله رحمتكم بقول امممم
تركي:اذا ماقلت تراني بقول
انس:يعني انت تعرف
تركي: اكيد لاني صاحب الفكره
سليمان:طيب قول وراك ساكت
الشباب :يلللللللللللله قول
تركي:خلو سطام اهو الي يقول
سطام:ههههه تامر امر يالخال
تركي: مايامر عليك عدو يلاقول شوف وشلون متحمسين تراك لعبت باعصابهم
سطام:ههههههه طيب
جدي قال ان راح ناخذ مزرعه راح نجلس فيها اسبوع كامل
الشباب: من جدك تتكلم
سطام : لامن عمي أي من جدي والله
سليمان:يوووو من زمان عن المزرعه
انس:واااااااي فله خلونا نفل امها هناك طيب أي يوم بنروح لها
تركي:الخميس الجاي
سليمان:طيب شباب ابي نرد للبنات هذاك المقلب وش رايكم
الشباب: موافقين
تركي:اكيد راح نرده لهم
انس:سطوم حبيبي قوم جيبلي مويه عطشان
سطام:اولا اسمي سطام مو سطوم ولاني اصغر عيالك عشان تناديني كذا ثانيا انت تدل المطبخ روح جبلك
انس: افاا ترا هذا بيتكم مو بيتنا
سطام:اقول منت غريب قوم جيبلك
انس:خلاااص بروح اجيبلي اكلتني بقشوري
سطام:ههههههه يله روح
راح انس للمطبخ عند البنات
ام سطام :نوره نوره تعالي شيلي ودي ذا الاغراض7 المطبخ
نوره:انشاءالله يمه الا اقول يمه وش رايك انادي الخدامات يجون يشيلون ؟
ام سطام :اي يمي على طريقك ناديهم
نوره:انشاءالله يمه
راحت نوره المطبخ ومعها الصينيه حطتها على الطاوله وراحت عشان تنادي الخدامات الا …………. ماراح اقولكم راح اقولكم في البارت الثاني

هاه وش رايكم اكمل لكم ولا ما اكمل ترا عادي وان عجبتكم راح انزل لكم كل نهاية اسبوع بارت اهم شي : ابي ارائكم فيها
loly159 غير متصل   الرد باقتباس
قديم(ـة) 27-08-12, 03:01 PM   #5
|[ عـضـو مـشـارك ]|

 
صورة loly159 الرمزية
 
الدولة: المملكة العربية السعودية
الافتراضي رد: رواية عيزا أغني و أرقص و أضحك يا ناس

هذا البارت الثاني انشاء الله يعجبكم
-------------------------------------------------
راحت نوره المطبخ ومعها الصينيه حطتها على الطاوله
وراحت عشان تنادي الخدامات الاوتصدم في انس
انس مفهي يناظر من ذي الي قدامه ملاك سبحان الله وهو الين الحين يناظر نوره مطير عيونه فيها ونوره استحت من نظاراته حطت رجلها وانحاشت انس رسمت على شفاته
ابتسامه شوي نادى خدامه قال لها تجيب لها مويه وسالها
انس:ميري من هذا مدام
ميري:هذا مدام نوره
انس:اها نوره والله حلويتي يابنت عمي
ميري:بابا انت ايش قول
انس:انتي وش عليك جيبي المويه وانتي ساكته
جلست الخدامه تتحلطم وماده بوزها
انس يكلم نفسه والله كبرتي يابنت عمي وتغيرتي
خلني اروح للشباب تاخرت عليهم
للشباب ومعه المويه دخل عليهم واهو سرحاااااان يفكر في نوره
سطاام :هي ابو الشباب وين وصلت
انس:معك هلا وش بغيت
سطام:والله منت معنا الاقولي ماكلمكم الوليد
انس:الا ويسلم عليكم بعد
سطام وسليمان وتركي:الله يسلمه
عند البنات
راحت نوره لهم واهي تركض غاليه: نوره وش فيك
نوره:هاه مافيني شي
غاليه:نوره تكلمني تراني اعرفك زين قولي وش فيك
نوره : ورب البيت مافيني شي الا غاليه اخبار الوليد ماقالكم متى بيرجع
غاليه:الا كلمنا اليوم قبل مانجيكم قال انه باقي له كم اسبوع وبيجي
نوره:اها ياليته يجي معنا في المزرعه ونااسه
غاليه: أي والله اهو ملح المزرعه
بدور:ملح ولا بهارات
فجر:هههههههههايي كفك كفك
فجر وبدور سو حركتهم
نوره وغاليه:بايخه ماتضحك
الاشوي بدخلت الهنوف
:الا تضحك ونص بعد
غاليه:هههههه الناس تسلم بالاول
الهنوف:هههههه سلااااااااااااااام ياحلوين
البنات : وعليكم السلام ياحلوه
فجر: هلا بام الشباب وش فيك تاخرتي
بدور:أي وش فيك ماهي من عوايدك
الهنوف :بنات انا شفت شي عشان كذا اخرني
البنات: وش قولي
الهنوف رافعه حواجبها اليمنى واهي تقول:انا كرمكم الله شفت وحده في المطبخ صقعت في اخوكم انس <<قالتها واهي تاشر على غاليه وبدور
غاليه:في اخوي منهي هذي
بدور:بس بس كاني عرفتها
الهنوف:صح عليك يابدور بس منهي
بدور : من غيرها الي جتنا واهي تركض نوير
نوره:هيييي انتي ماني اصغر عيالك عشان تقولين لي نوير
غاليه:افا نوره تصقعين فيه ولا تقولين لي ماهقيتها منك
نوره وجهها صار احمر:طيب صقعت فيه وش صار يعني
فجر:هييي انتي وياهـا شوفو وش خليتو اختي انقلبت طماطه اقول الهنوف مادريتي
الهنوف:عن المزرعه
البنات طارت عيونهم
فجر:وش دراك
الهنوف:ههاااااااااي لاتنسون اني الهنوف
بدور:ندري انك الهنوف قولي خلصي وش دراك
الهنوف:سامعه ابوي واهو يكلم جدو<قالتها واهي تتدلع
فجر وبدور:وعععع
بدور:ياشين الدلع مايلاق عليك خليك عربجيه احسن<<تحطييييييييييييم هع
الهنوف:جد اجل خلااص لادلع بعد اليوم
:اف ياشين االسماجه
بدور:هيييييي انتي وش سماجته يالسحليه اقول انقلعي لا اجيك وادوس ببطنك فاهمه
:احترمي نفسك احسن لك فاهمه ولاراح يصير شي مايسرك مالت عليك وعليهم
فجر:عبيروه احترمي نفسك ترا والله محد يقدر يفكك مني
عبير كانت عارفه فجر اذا عصبت ماتعرف من امها وابوها عشان كذا راحت واهي تتوعدهم من داخل
غاليه:شفتي وشلون تتكلم
نوره: اقول ماعليكم منها الا بنات ماتخافون ان العيال يردون لنا المقلب
الهنوف: افا عليك وانا راح اخليهم اصلاانا حاسبه حسابهم
نوره غمزت للهنوف:تعجبيني
البنات كانو نسوين مقلب للشباب(يوم كانو في المزرعه كانو الشباب مجتمعين في اخر الليل الي يسولف والي يلعب بلاستيشن راحت الهنوف لبست عباية جدتهاوراحت ورا شجره صغيره جلست مع وراها واهي تطلع اصوات الشباب طلو مع باب الخيمه الا ويشوفون وحده ورا الشجره هنا الشباب طاحت قلوبهم وكل مال الهنوف تمشي بسرعه تروح ورا شجره ثانيه عبد الغني انتبه لها وقال:شباب شباب تعالو شوفو الجنيه
الشباب من سمعو كلمه جنيه وكل واحد مسك قلبه وقام يقرا قران من الي حافظينه الهنوف ماقدرت تستحمل منظرهم قامت تسدحت ضحك انتبه لها تركي :الهنوف انا اوريك
وراح لها واهو يركض مع وراها واهي تركض ومسكها
تركي:زين كذا طيحتي قولبنا من صاحب الفكره
الهنوف كانت تضحك معرفت تجاوب عليه واهي ميته ضحك
تركي:بس عرفت نوره صح
الهنوف تهز راسها بالايجاب لانها ماتقدر تتكلم من الضحك تركهاوراح)
الهنوف:ايه انا الهنوف والاقر على الله هع هع
غاليه:اقول نوره شغلي الدي جي بس مشتهيه ارقص
نوره:ماطلبتي شي من عيوني
غاليه تسلم عيونك .راحت نوره شغلت الدي جي وجلسو البنات يرقصون فجر وبدور رقصهم كانه رقص اولاد
اما البقيه رقصهم كان خقق راحت غاليه وبدور حاولو في امهم انهم ينامون في بيت عمهم فهد وبالويل وافقت
انهم ينامون
غاليه:نوره وش صار على الجامعه قبلوك ولا بعد
نوره:مدري الى الان ماردو علي انا خايفه انهم مايقبلوني
غاليه:وشلون مايقبلونك وانتي مشاء الله نسبتك ترفع الرس وحلوه 98،55 وش يبون بعد
نوره:الله كريم وانتي وش صار عليك
غاليه:لا ابشرك قبلوني في جامعه الملك سعود
نوره:مبرووووووووووك حبيبتي عقبالي اي قسم طيب
غاليه: يارب نصير انا وانتي نفس القسم في قسم اداره اعمال الا وين الثلاثي تراهم كارثه روحي شوفي لايسون شي
نوره:انتي صادقه غريبه هاجدين . شوي الا سمعو صوت زي الطبول راحت نوره وغاليه طلو مع الدريشه الا بدور والهنوف وفجر جالسين في الحديقه ويطبلون نزلو تحت نوره وغاليه ووصلو عند البنات بدور:نوره انتي واختي ترقصون احنا راح نطبل لكم طيب
نوره وغاليه هزو روسهم بالايجاب وجلسو البنات يطبلون ويرقصون ويصارخون الشباب سمعو صوت صراخ وخافو وش هالصوت
سطام:اخاف الاهل فيهم شي
تركي:لاتفاول
زياد:والله سطام صادق اسمع صروخهم
راحو الشباب الا ويشوفون البنات جالسين يستهبلون
انتبهت لهم الهنوف
الهنوف:بناااااااااااااااااااااااااااااااات الشباب جو اهجدو
وعم الهدوء في المكان
انس:وش فيكم وش هالصراخ
بدور:ولاشي يابو الشباب يعني وناسه انتو ليه جاين
انس:سمعنا صراخ وخفنا ان فيكم شي
فجر:لالا لاتخاف وش رايح يجي مدامني معهم افا عليك ليه هنا مافي رجاجيل
سطام:فشلتينا الله يفشلك وش رجاجيله وانا وين رحت
فجر:هع هع هع انت موجود بس انا قصدي اني اطمن انس وزياد وسليمان بس
سطام:اها اعقلي بس
فجر:ابشر ماطلبت شي
الهنوف:وانا وين رحت وانا بعد ليه تخافون وانا معكم ناسين اني..
البنات :خلاااص حفظنا لامانسينا
زياد:وش فيكم على اختي
بدور:ملينا منها ياخي كم مره تعيد نفس الموال
تركي:انتو الحين ليه ماتصيرون مثل غاليه ونوره
غاليه: وش فينا انا نوره
تركي :مؤدبين
نوره:على بالي بعد احنا صح مؤدبات بس ناخذ حقنا بيدنا
غاليه:صح انا مع نوره
تركي:اقول اشوفكم انقلبتو صرتو مع شله العصابات
نوره:لالا وين الله يهديك اقول تروك
تركي:بنت احترمي نفسك انا خالك تناديني تروك
فجر:اخس واعقب عيب يانوره عيب
الهنوف وبدور:ماهقيناها يانوره منك
نوره:وش سويت انا <<خنقتها العبره
غاليه:وش فيكم عليها
سطام:اقول خلو اختي لحالها بعدين وش فيها يعني اذا دلعتك مافيها شي
تركي:انا خالها مايصلح تقولي كذا تقولي تركي وانا حاضر
انس:ولايهمك يانوره قولي الي تبين شوي ويرضى خالك
نوره:لا خلااص ما ابي شي راحت نوره دخلت جوى القصر
سليمان:شكلها زعلت
زياد: من جد والله سطام اختك زعول
سطام:لا مو زعول بس حساسه يله بروح اراضيها الله يعين
تركي:انت اجلس انا بروح
سطام: على راحتك
نوره كانت جالسه في الصاله تشوف التلفزيون شوي ودخل عليها تركي تركي:نوره انتي زعلتي جد
نوره:لا وش دعوه ازعل بس حسيت بشويه صداع
تركي:اها اشوا على بالي انك زعلانه أي صح دريتو عن المزرعه
نوره:اكيد متحمسه
تركي:لا تحسبون انا راح نعدي ذاك المقلب
نوره:ههههههههههههههه
تركي:دوم الضحكه أي اضحكي انتي حلوه اذا ضحكتي
نوره:يسلمو تركي
رجعو نوره وتركي للحديقه
بدور:شوفو نوره وتركيوه جو
تركي:تركيوه في عينك اصغر عيالك انا
الهنوف وتهمس لفجر:بيزعلها مثل مازعل نوره
تركي:وش تقولون تراني سمعتكم
الهنوف:هع ولاشي اقولها شوفي نوره وتركي ماكانهم تزاعلو يضحكون مع بعض<<ام الصواريخ هههه
نوره: لاتسكونا بعين اصلا انا وتركي بسم الله علينا مانتزاعل صح تروك
ذابو الشباب على دلعها
انس:يابختك يا تركي في احد يدلعك
انتظر ردودكم حبايبي
loly159 غير متصل   الرد باقتباس
قديم(ـة) 27-08-12, 05:40 PM   #6
|[ عـضـو مـشـارك ]|

 
الدولة: المملكة العربية السعودية
الافتراضي رد: رواية عيزا أغني و أرقص و أضحك يا ناس

يسلموووووووووووووووووووووو
موني17 غير متصل   الرد باقتباس
قديم(ـة) 27-08-12, 10:19 PM   #7
|[ عـضـو مـشـارك ]|

 
صورة loly159 الرمزية
 
الدولة: المملكة العربية السعودية
الافتراضي رد: رواية عيزا أغني و أرقص و أضحك يا ناس

البااااااااااااااااااااااااارت الثالث)
-------------------------------------------------
(نوره احمر وجها من نظرات انس لها )
تركي:أي اجل مثلك محد يدلعني انا تركي مو حياالله
بدور:بس بس لوعت كبدي مايلاق عليك السوري
فجر:وانتي صازه لوعت كبدنا صح يابنات
نوره:هههههههه اهم شي صازه
الكل: من جد
غاليه:لااا كل شي الا تروكي
تركي وهو يرمش بعيونه:احم احم اخجليني
الكل:هههههههههههههههههههههههههههههه
سطام: اهم شي راضيت اختي وخيلتها تستانس
غاليه:نوره شفتي ذيك العجوز الي كانت تطالعنا
نوره:لا أي وحده
غاليه:الي جالسه مع امي الجوهره
نوره:اهاااا عرفتها وش فيها
غاليه:ماشفتي نظراتها لنا
بدور:تخيلي تخطبكم
غاليه: تخيلي اصلا ماراح اوافق لاني ابي اكمل دراستي<<جالسه ترمش بعيونها
الكل:ههههههههههه
انس:اصلا من قال اني بوافق انكم تتزوجون
سطام:انا بزوج اختي انت وشعليك كل واحد حر باخته
انس:طيب انا ما ارضى ان بنت عمي تتزوج اهي واختي توهم صغار لازم يكملون دراستهم بعدين ازوجهم
نوره:اصلا من قال اني بمشي على شور اخوي
غاليه تصفق بيدها وتبوس خد نوره:هذي بنت عمي الي اعرفها
فجر:لنرفع الشعار لاللزواج
الكل:ههههههههههههههههه
سليمان:اقول وش رايكم نلعب صراحه وجراءه
زياد: أي يله خلونا نلعب مع بعض
جت رهف وعبير
سليمان: رهوفه تلعبين معنا انتي وعبير
رهف:ايه راح نلعب معكم
وجلسو البنات والشباب على شكل دائره<<طبعا اهم مايتغطون عن عيال عمهم بس يتحجبون
سطام جنبه نوره ثم تركي ثم غاليه ثم انس ثم بدور ثم فجر ثم الهنوف ثم زياد ثم سليمان ثم رهف ثم عبير
جاسطام ولف القاروره وقفت على سطام يسال غاليه
سطام: تبين صراحه ولاجراءه
غاليه:جراءه
سطام:اممم روحي جيبيلي كاس مويه
غاليه:بس اوكيشن ون منت
جابت غاليه كاس المويه لسطام
سطام:يسلمو
غاليه:الله يسلمك وبالعافيه على قلبك
سطام:الله يعافيك
رجعو للعبه وراح سطام لف القاروره مره ثانيه وفقت على نوره تسال زياد
نوره:جاك الموت ياتارك الصلاه صراحه ولا جراءه
زياد:صراحه
نوره:كان ودي انك تختار جراءه بس يله امممم انت تحب احد من العايله؟؟
زياد:أي احب
نوره: جد منهي
زياد:الظاهر انه سؤال واحد
نوره جالسه تتحلطم :خلااص
لفو القاروره مره ثانيه عبير تسال انس
عبير:صراحه ولا جراءه
انس:صراحه
عبير:من اكثر وحده عجبتك من البنات الي جالسين ؟؟
انس: امممم توامي غلو
غاليه:وه بس فديت اخوي
نوره:امم انا بروح انام تعبت من اليوم كله كرف تصبحون على خير
البنات: وحنا بعد جايين معك
سطام:وين تو الناس خلنا نكمل
نوره: خلاااص لعبناشوي بروح ننام تعبنا اليوم كرفنا كرف الله لايوريك
تركي:لحظه نواري
نوره:لبيه
تركي:فيك شي وجهك مو عاجبني
نوره:لابس تعبانه شوي ابي انوم
تركي:اها اجل نوم العوافي
نوره:الله يعافيك
راحو البنات مع نوره
سليمان:ياحليل بناتنا كانهم عصابه يتكلمون مع بعض ويقومون مع بعض
زياد:الحمدلله ان في احد لاحظ الله يعين الي يطيح بين يديهم
انس:انت صادق والله
رهف وعبير كانو يطالعون البنات بحتقااااار
رهف:سليمان يله
سليمان : طيب يله عن اذنكم شباب بروح اودي اختي وبنت خالها
الشباب: اذنك معك
راح سليمان يودي رهف اخته وعبير بنت خاله
راحو البنات لغرفة نوره جلسو شوي يسولفون واتفقو ان بكره يرحون السوق عشان يتجهزون للمزرعه كل البنات نامو ماعدا وحده جالسه تفكر
:ياترا هل هو يحبني مثل ما انا احبه جالسه اكذب على نفسي وين يحبني اهو اصلا مايدري عن هوى داري اه يا انس ياليتك تحس فيني وتحبني مثل ماانا احبك.. نامت واهي تفكر
عند رهف وعبير
عبير:رهف انا لازم ارجع كرامتي منهم انتي ماشفتيهم واهم ينافخون علي هين ماني بنت خالد اذا ما اخذت حقي بيدي
رهف:اكيد هذي يبيلها شي اصبري بس انا ناويه عليهم بس خليها في المزرعه احسن
عبير:انتي شفتي كيف اشكالهم بالعزيمه كل وحده شايفه نفسها وتمشي واهي تتمخطر ودي اذبحهم بس انشاءالله وعدهم في المزرعه على قولتك
رهف وعبير ضحكوا ضحكه شيطانيه
هذي التوقعات
----------------------------------------------
تتوقعون غاليه تحب من؟؟
ومن هذي الي تفكرفي انس؟؟
عبير ورهف ناوين على شر في المزرعه بس هل خطتتهم راح تنجح؟؟
تسعدني ردودكم
تحياتي
loly159 غير متصل   الرد باقتباس
قديم(ـة) 27-08-12, 10:21 PM   #8
|[ عـضـو مـشـارك ]|

 
صورة loly159 الرمزية
 
الدولة: المملكة العربية السعودية
الافتراضي رد: رواية عيزا أغني و أرقص و أضحك يا ناس

الجزء الثاني
البارت الاول
----------------------------------------------------------------------------------------------------------

عبير:انتي شفتي كيف اشكالهم بالعزيمه كل وحده شايفه نفسها وتمشي واهي تتمخطر ودي اذبحهم بس انشاءالله وعدهم في المزرعه على قولتك
رهف وعبير ضحكوا ضحكه شيطانيه<<للتذكير فقط
--------------------------------------------------------------------------------------------------------------
اليوم الثاني الساعه2ونص الظهر
ام سطام راحت لغرفه البنات عشان تصحيهم
ام سطام :نوره يابنات يله قومو يله صلو الظهر وتعالو تغدو ترا اذا ماصحيتو تعرفون وش راح اسوي فيكم
نوره:انشاءالله يمه
قامت نوره توضت وصلت الظهر وراحت تقوم البنات بس ماصحو جت على بالها فكره راحت جابت مويه باررررررررررررده كبتها على البنات والبنات قامو واهم يتنافضون من البروده كانت اشكالهم تضحك الي مفتحه نص عينها والي شعرها واصل السقف اشكالهم تحفه نوره ماتت عليهم ضحك
نوره:يله امي تقول صلو الظهر بعدين تعالو عشان تتغدون ههههههه
فجر:نوير اطلعي وسكي الباب قبل ما اجيك
نوره:اقولك امي تقول يله قومو
فجر:ااااااااااافففففففففف يله قمنا
بدور:كم الساعه الحين
نوره :الساعه3الاربع
بدور:يخرب بيتك خليني انوم شوي انا مو متعوده اقوم بهالوقت
نوره:هههههه وش فيك قلبتي مصريه احمدي ربك اني انا الي مقومتك مو امي
بدور:صازه في هذي صازه معتس حق اجل يله اصبحنا واصبح الملك لله
نوره:هههههههههه وش فيكم انتو اليوم كل وحده قلبت الاقولي امسينا بنات شوفو غاليه والهنوف وشلون نايمن وش رايكم نقومهم
نوره غمزة لفجر ولبدور واهم فهموها كان عند عبد الغني قطوه راحت بدور خذتها منه بالويل طبعا وراحو حطوها بين الهنوف وغاليه وقفلو عليهم باب الغرفه .. غاليه حست بشي عند رجلها فتحت عينها شوي يوم شافت القطوه قامت تصرخ قامت الهنوف مفزوعه بس عرفت انه مقلب من البنات دخلو عليهم واهم ميتين ضحك على اشكالهم الهنوف:هين هين انا اوريكم راح اردها لكم بس بعدين
فجر:وش بتسوين يعني ههههه انتو ماقمتو قلنا مافي غير هالطريقه الي تقومكم صح يابنات
نوره وبدور:أيوا صح
غاليه:حسبي الله على بليسكم بغى يوقف قلبي
نوره:بسم الله على قلبك ياقلبي انتي يله بنات امي تسناكم تحت
نزلو البنات وكان الكل متجمع على طاوله الاكل وكل وحده جلست في مكانه المعتاد طبعا في تغير بعض الاماكن بحيث ان غاليه جالسه جنب نوره وبدور جالسه جنب فجر والهنوف جنب بدور ^_*
نوره:اممم يبه
ابوسطام:هلا امري
نوره:مايامر عليك عدو انا والبنات اتفقنا ان اليوم نروح السوق فـ...قاطعها ابوها
ابوسطام:تبون فلوس يعني
فجر:ياعيني عليك يابوسطان تفهمها واهي طايره في الهوا
سطام:مايبيلها فهم هذي من يوم قالت سوق وانا فهمت وش تبي
فجر:ابوك يالقافه
ابوسطام:ولايهمكم ماطلبتو شي وانتي ياغاليه وبدور تبون فلوس؟؟
غاليه:لا عمي مشكور توني متصله على امي تقول انها ارسلت الفلوس مع السواق واهو اكيد الحين في الطريق
ابوسطام:خير انشاءالله اذا تبون زياده عادي
غاليه:مشكور عمي ماقصرت خيرك سابق
ابو عبدالله الجد:الا على الطاري تراني اتفقت مع عمانكم انا نروح المزرعه الخميس الجاي
بدور:ندري عشان كذا اليوم راح نروح السوق
الجد مبقق عيونه :وش دراكم انتو من قالكم
هنا نوره طاح قلبها :ياربيه وش بيقول عني الحين جالسه تتسمع ياويلك مني يابدور
فجر:العصفوره قالت لنا انكم راح تروحون المزرعه ويوم الخميس الجاي بعد
عبد الغني:ياحبك للكذب اصلا انا شايف نوره واهي عند غرفة ابوي
نوره تمنت ان الارض تنشق وتبلعها وفي نفسها تتوعد بدور وعبد الغني كان شكلها واضح انها خايفه سطام ماسك ضحكته لان شكلها يضحك واهي خايفه
ام سطام:نوره انتي وشلون تتسمعين على ابوك وجدك
نوره:يمه والله ماكان قصدي انا اصلا كنت رايحه عند ابوي عشان اكمله في موضوع الجامعه وفجئه سمعت الخبر
سطام:وانتي ماصدقتي على الله ونشرتيه
الجد ابو عبدالله:حصل خير اصلا في الكل الحالتين الخبر راح ينتشر
فجر:السي ان أي على غفله
الجد ابوعبدالله:وشتقولين انتي
فجر:ولاشي سلامتك
ام سطام:طيب من راح يوديكم السوق
سطام:لاتناظروني دورغيري
بدور:ياكثر السواويق الي عندنا من قال انا نبيك صوح ياصبايا
البنات:صوحين
بدورواهي تهمس لنوره:اقول نوره وش صار على الي متفقين عليه
نوره:لاتخافين تركي راح يتصل علي ويعلمني بالتجهيزات وانتو اليوم في السوق اشترو الي تبون لان سيده على المزرعه
بدور:اهــــــــــــا
ام سطام:وش فيكم تتساسرون وتهامسون
فجر:ابد يمه يقولون انك امس في العزيمه شي
ابو سطام:اهي مو بس في العزيمه كل الايام شي
هنا البنات جلسويصفرون ويصرخون معهم سطام وعبد الغني ام سطام استحت وصار وجهها احمر
عبد الغني:حرام عليك يبه شف وشلون احرجت امي
سطام:انا مع اخوي اذا رحتو جناحكم قولوا الي تبون
ابوسطام:انتو وش عليكم واحد جالس يتغزل في زوجته وش دخلكم انتم
بدور:وش وش دخلنا ياعمي ناوي تخربنا
سطام وعبد الغني يضحكون
بدور:قلت شي غلط
سطام:بس قويه ناوي تخربنا انتو تخربون بلد كامل
بدور:هاهاها اضحك يعني
الهنوف:ماعليك منه خليها يولي
نروح لبيت ابوالوليد
ابو الوليد توه راجع من الشغل
ابو الوليد:السلام عليكم حر برا وش الله لايوريك
ام الوليد:وعليكم السلام براد الجنه انشاءالله
ابوالوليد:انشاءالله الا اقول غريبه البيت هاجد اليوم
ام الوليد:عشان البنات من امس واهم نايمين في بيت اخوك فهد
ابو الوليد:اها طيب وين انس عشان تحطين الغدا بيجي اهو؟؟
ام الوليد:الابيجي تومن شوي مكلمني يقول في الطريق
ابوالوليد:خير انشاءالله الا ماكلمكم الوليد وش اخباره
:الا مكلمنا امس ويسلم عليكم بعد هلا يبه اخبارك راح باس راس ابوي وجلس
انس:يله يمي حطي الغداء
ام الوليد:انشاءالله ثاوني ويكون جاهز
ابو الوليد:طيب ماقال متى يجي؟؟
انس:الا يقول بعد كم اسبوع ويجي
ام الوليد:يله الغداء جاهز
في بيت ابو زياد
ابو زياد:زياد وين اختك ما اشوفها اليوم
زياد:عند عمي فهد اهي والبنات يتجهزون للمزرعه
ابو زياد:اها الله يوفقهم يارب
ام زياد:يله زياد وابو زياد الغداء جاهز
راحو ابو زياد زياد يتغدون
عند عبير و رهف
عبير:اهلين رهوف كيفك
رهف:الحمدلله بخير اقول عبور
عبير:هلا
رهف:مشتهيه اتغداء في مطعم وش رايك
عبير:حلوحتى انا خلاص خمس دقايق وامرك
رهف:اوك خلاص استناك سيو
عبير:سيو
نرجع لابطالنا في بيت العم فهد(ابو سطام)
بعد الغداء راحو جلسو في الصاله ويشربون شاهي
فجر:ماما<قالتهاواهي ترمش بعيونها
سطام:وع مايلاق الدلع عليك خلي الدلع لاأهله
فجر:كيفي وش تبي انت من حياتي المهم يمه
ام سطام:هلا
فجر:يمه غريبه اليوم على الغداء ماشفت تركي ولا امي الجوهره غريبه
سطام:يوووووووووووه اشوا انك ذكرتيني نسيت تركي
يله سي يو
فجر:وش عندكم
سطام: وش عليك انتي اقول بس تلايطي مناك يله يمه بروح تبين شي
ام سطام:لا سلامتك
سطام:الله يسلمك
شوي رن جوال نوره بعدت عن البنات وردت
نوره:هلا وغلا
تركي :هلابك هاه وش سويتي
نوره:كل شي تمام حتى اليوم بنروح السوق اليوم وانتو عليكم الباقي
تركي:حلــــــو حلـــو طيب متى راح تروحون
نوره:بعد صلاة المغرب
تركي:اوك خلاص اول ماتطلعون سويلي رنه وقفلي طيب
نوره:طيب
تركي:فمان الله
نوره:مع السلامه
نوره :الهنوف تعالي شوي ابيك انتي وبدور وفجر
بدور:وش عندك
نوره:تعالو وبس
راحو عند نوره وفهمتهم كل شي
اما عند تركي
اتصل على سطام وانس وسليمان وزياد
عشان يساعدونه في الترتيبات الي عليهم
اذن المغرب و راحو البنات مع السواق للسوق
نوره:غاليه ابيك تختارين لك فستان فخم
غاليه :وش المناسبه؟؟!!
نوره:ولاشي بس ابيك تختارين لك فستان لحفله كذا ابيه حلو
غاليه وعلى راسه علامه استفهام كبيره :طيب راح اختار
راحت نوره وغاليه عشان يختاورن الفستان
loly159 غير متصل   الرد باقتباس
قديم(ـة) 27-08-12, 10:23 PM   #9
|[ عـضـو مـشـارك ]|

 
صورة loly159 الرمزية
 
الدولة: المملكة العربية السعودية
الافتراضي رد: رواية عيزا أغني و أرقص و أضحك يا ناس

اما الهنوف وفجروبدور ماخلو احد بحاله في السوق الا مطلعين الشيب براسه راحو الثلاثي لعند واحد توه صغيره طير وقلبه مسيكين راح عند امه واهو يصيح شوي وجت امه الثلاثي ما يدرون انها ام الولد :ليه تصيحون الولد
فجر:انتي وش عليك مناك بس مناك
ام الولد:انتو ماتستحون
بدور:لانخجل
البنات:ههههههههه الهنوف:كفك كفك
سوو حركتهم المعتاده
ام الولد:الحمدلله و الشكر بس
الهنوف:مشكوره
نوره :انتو وينكم ساعه ندورعليكم شريتو شي ولا توكم
فجر:خلاااص شوفينا وين بنروح يعني لا ماشرينا
نوره:امااا يله بسرعه اشترو للمزرعه مافي وقت يله
غاليه:وشلون مافي وقت باقي على المزرعه ثلاث ايام
نوره توهقت:هاه ولاشي بس عشان نفضي انفسنا
الهنوف :ايه صح يلا بسرعه عشاااان نلحق فجر بدور تعالو معي عشان نشتري. فجرو بدور شرو لهم لبس وراحو عشان يشترون جزم (كرمكم الله)فجرواهي جالسه تقوس الجزمه
الهندي كان ينتظرها عشان تعطيه المقواس ويروح يجيبلها نفس الي تبي واهي جالسه تقوس
تقول لبدور:وش فيها هذا يطالع كانا مو عاجبينه
بدورواهي تضحك عليها:وش تبينه يسوي ينتظرنا عشان ياخذ مقياسك
فجر:ليه بيفصلي فستان اهو ياخذ مقياسي
بدور:يالخبله اقصد رجلك
فجر:بدور تصدقين ودي اضربه بالجزمه الي معي
بدور:اقول خلصينا الله يستر عليك
جتهم الهنوف:هاه خلصتو ولا باقي
بدور:لا خلصنا شرينا جزم(كرمكم الله)وانتي خلصتي
الهنوف:ايه يله غاليه ونوره ينتظرونا
فجر: يله خلصت ....فجر تنادي الهندي: يامحمد<< هع هع
تعال جب نفس هذا مقاس
الهندي يهز راسه :حاضر مدام
فجر:مدام في عينك اخلص بس جب لنا نفس المقاس
راح الهندي وجاب لها الي تبي وحاسبو وطلعو
راحو الهنوف وبدور وفجر عند غاليه ونوره
غاليه :اقول نوره دقي عالسواق يله خلصنا
نوره:طيب لحظه دقت نوره عليه ورجعت للبنات
البنات:هاه وش قال وينه فيه
نوره:السواق راح مع امي تبيه بشغل
الهنوف:وش هالورطه الي طحنا فيها
نوره:شفتي
بدور:اقول غلو دقي على انس خليه يجي
وحده من البنات من سمعت اسمه واهي تحس نبضات قلبها الكل جالس يسمعها
غاليه:بشوف انشاءالله يرد ويوافق يجي
البنات:انشاءالله
الهنوف:اذا ما وافق بتصل على زياد اخوي
البنات:طيب
اتصلت غاليه على انس شوي جاها رد منه
غاليه:هلا انس اخبارك
انس:هلابك الحمدلله بخير وش بغيتي
غاليه:اممم انس انا وبنات عمي في السوق وو
انس: طيب انتو في أي سوق
غاليه:حياه مول
انس:اوك خمس دقايق واكون عندكم
غاليه:يسلمو يا احلى اخ في الدنيا يله نتظرك
سكرت غاليه من انس وعلمت البنات ان انس رايح يجي يوديهم البيت البنات و راحو يجلسون على الكراسي ينتظرون انس .
نوره:بنات شوفو عبير ورهف
فجر:وينهم ؟؟
بدور:أي والله شوفيهم شوفي عباياتهم بس هذي عبايه هذي جلابيه ودي اروح واتوطى في بطونهم
الهنوف:صازه بدور احس يدي بدت تحكني
غاليه:وش عليكم منهم خلوهم لاتناظرونهم
نوره:صادقه غاليه لاتناظرونهم خلوهم بحالهم
انس سوا لغاليه رنه وافهمتها يعني يله اطلعو
غاليه:يله يابنات انس جا
البنات:يله .
راحو البنات وركبو السياره قدام غاليه في المرتبه الثانيه ورا غاليه بدوروجنبها فجروجنبها الهنوف ثم نوره
البنات:السلام
انس: وعليكم السلام
فجر:ابوالشباب قبل ماتودينا البيت نبي كون زون<<فالتها البنت
انس:مافيه
فجر: ليه مافيه
نوره:خلاص فجر يمكن وراه شغل
انس:لا ماوراي شغل ولاشي بس لانها اهي الي طلبته مني لو انه احد غيرها كان وديته
فجر:ليييييييييييه انشاءالله وش معنى انا
انس:كذا بس
فجر:عشتوا
غاليه ونوره والهنوف و بدور:هههههههههههههههه
غاليه:انس حرام عليك رحمتها خلاص نبي كون زون
انس:اكيد عشان ما اجيب لها لحالها من يبي كون زون؟؟
بدور:انا ..الهنوف:انا..فجر:اناااااا من زمان وانا اقولك
نوره:فجور بلا حركات مالها داعي طيب
فجر:وش سويت انا ابي كون زون بس
نوره:طيب ولو تكلمي بادب
انس:اه بس ياليتها تصير مثل اختها مؤدبه وتعرف السنع
بدورحطت ايدينها على راس انس
انس:وش فيك
بدرو:لابس بقوس حرارتك انت فيك شي اليوم
انس:ليه؟؟
بدرو:لانك اول مره تمدح احد بالعاده كله تحطم
انس:انا امدح الناس الي تستاهل
نوره استحت وحمر وجهها وتحمد ربها انها متغطيه ولاكان انفضحت
غاليه:بس بس اخجلت البنت
انس:سوري نوره
نوره:احم لاعادي
الهنوف:من قلب طالعه عادي ولا كذا بس تمشينها
نوره احمر وجهها توها بتتكلم الا غاليه تقاطعها
غاليه:اقول بنات ماكان هذا طريق المزرعه
البنات سو نفسهم مايدرون <<خخخخخخ
الهنوف:الا والله هذا طريق المزرعه
غاليه:وش عندك ليه مودينا المزرعه
انس:لابس عندي شغل شوي ابي اخلصه وبنرجع البيت
فجر:اقول بس لا تنسى كون زون
انس:ياليل ماطولك الحين بدويك احسن من كون زون
فجر:وناااااااااااااااااااااااصه طيب متى توديني
انس:الحين
فجر:كوشخه
الهنوف:لا والله بس فجير انا ابي اروح معكم
فجر:ابوك يالغيره
بدور:ايه كلنا نبي نروح مو بس اهي صح نوير
نوره:اولا اسمي نوره مونوير ثانيا اناما ابي اروح عندك شي
الهنوف:غريبه انتي ماتبين
نوره:الهنوف انا متحمسه الحين تكفين لا تخربين حماسي
الهنوف:اوكيشن
غاليه:وش هالحماس الي فيك يانوره ليه متحمسه
نوره:هاه ولاشي بس كذا
غاليه:اها
انس:عن كثرة الحكي بس يلا وصلنا انزلو
غاليه:ليه ننزلانت تقول عندك شغل خلصه واحنا في السياره
انس:لا ماينفع بطول جوا يلا انزلوبس
نزلو البنات ونوره مسكت يد غاليه وصارت تمشي بخطوات سريعه الين وصلو الفلا الي داخل المزرعه ورقت فوق ومعها غاليه
غاليه:نوره وين توديني ؟؟
نوره:ماعليك شوفي انتي البسي الحين الفستان الي شريتيه
غاليه:ليه ؟؟
نوره:ماعليك سوي الي قلتلك وبس
غاليه سوت الي قالته لها نوره لبست فستان توب كان لفوق الركبه اسود منقط باابيض ومن تحت الصدر مخمل اسود ساده الين الخصر والباقي اسود منقط باابيض وحطت ميك اب خفيف قلوس زهر وحكل ومسكرا خلصت وجلست تتسنى نوره تجي بس نوره تاخرت عليها ملت غاليه من الجلسه في الغرفه نزلت تحت وتفاجئت بــــانهم مسوين لها سبرايز……..
انتظر ردودكم الحلوه ...
loly159 غير متصل   الرد باقتباس
قديم(ـة) 27-08-12, 10:25 PM   #10
|[ عـضـو مـشـارك ]|

 
صورة loly159 الرمزية
 
الدولة: المملكة العربية السعودية
الافتراضي رد: رواية عيزا أغني و أرقص و أضحك يا ناس

البارت الثاني
تفاجئت غاليه بانهم مسوين لها........
---------------------------------------------------
نروح عند رهف وعبير
رهف:عبور اليوم نوره متصله فيك
عبير:أي وانتي شكلها بعد متصله عليك
رهف:أي متصله علي عشان حفله بيسونهافي المرزعه
عبير:والحفله لغاليه
رهف:عبور وش رايك ننادي بنات من شلتنا للحفله وهناك نقلب حفلة غاليه ونخليها تتكدر؟؟
الفكره عجبت عبير
عبير:والله انك عبقريه بس انا قلت نوره اني ماراح اجي
رهف:انا قلت لها اني بشاور امي عادي اتصلي عليها الحين وقولي بجي للحفله
عبير:خلااص بروح اتصل وانتي اتصلي على البنات
رهف:اوك
تفاجئت غاليه بوجود والزينه الي في المزرعه كلها طلع شكل المزرعه جنااأأآآآن وكانت الاضواء هاديه وخافته كان الجو رومنسي قبل ماتنزل غاليه مع الدرج راحت نوره بسررررعه تشغل الا غنيه
ودعتك الله يانظر عيني

بامانت اللي ماغفت عينه

ماودي تترك يدك يديني

فرقا الحبايب يابعدي شينه

خلني معك ولاولا تخليني

دنياي بعدك ماهي بزينه

فيني ياخلي مايكفيني

الله يصبر قلبي ويعينه

حاولت اسافر يالغضي وياك

لكن شسوي عيت الظروفي

القلب يصرخ مايبي فرقاك

ولهفة حنيني تصرخ بجوفي

والله ماسوى انا بلياك

اسمع كلامي وصدق احلوفي

انت وعدت بترجع والقاك

والحردايم لا وعد يوفي

لوبتصال ارجوك طمني

وخبرني وشهي أخر علومك

اوصف لي اوضاعك وعلمني

وشلون تقضي بسفر يومك

ولابرسالت شوق راسلني

واكتب لي افراحك مع همومك

وأذا نويت ترد خبرني

ابحتفل ياخلي بقدومك

الموت في بعدك يناجيني

والعمربعدك يكره سنينه

لجل المشاعرخلك بعيني

وانسى السفرلاعادت سنينه

ودعتك الله يانظر عيني

بامانت اللي ماغفت عينه

ماودي تترك يدك ايديني

فرقا الحبايب يابعدي شينه
كلمات/حست عبدالله^_*
ركضت غاليه لعند نوره وضمتها وجلسو يبكون مع بعض البنات تاثرو من المشهد
فجر:ياحوووووووووووووول قلبوها فلم هندي
نوره:والله غصب عني مقدر راح تمر سنتين من دونها
فجر:واذا صار طيب سنتين يعني وين بتروح
الهنوف:صح على فجر اهي وين بتروح اهي راجعه راجعه
بدور:شوفيني انا اختها ماسويت مثلك
غاليه:خلااص نوره خلينا نستانس شوي <<قالت هالكلام واهي تجفف دموعها
نوره:خلااص بروح اعدل مكياجي واجي
بدور:يله بسرعه قبل مايجون المعازيم
راحو البنات يعدلون اشكالهم
نوره:غاليه روحي فوق الغرفه واذا جو المعازيم انزلي اذا سمعتي الاغنيه طيب
غاليه:اوكيشن يله راح اروح الغرفه
راحت كل بنت تعدل مكياجها ولبسها
نوره كانت لابسه فستان لفوق الركبه لونه سكري وتحت الصدر مخمل وردي خقق ومكياجها مررره رايق وناعم حاطه شدو وردي وقلوس زهر فااااتح ومسكرا طالع شكلها جنااااااااااااااااااااااان ورايق
بدوركانت لابسه بنطلون جنز وبلوزه سوداء معها صداري لونه رمادي ولابسه حزام فوق البلوزه لونه احمر وحاطه على شعرها بندانه<<الي يربطونها الشباب على راسهم<علي شرح بس هذا الي قدرت عليه لووووووول
فجركانت لابسه بنطلون اسود وبلوزه صفراء ولابسه ربطه حمراء
الهنوف كانت لابسه برمودا ابيض وبلوزه خضراء ومجعده شعرها
وصلت رهف وعبير للمزرعه صادفهم سطام
رهف تتميلح لانها تحب سطام
رهف:اهلين سطام كيفك؟؟
سطام واهو ماله خلق لانه راح يودع صديقه
سطام:الحمدلله بخير انتو اخباركم؟؟
رهف ضاق صدرها لانه ماعبرها وقال اخباركم<هع
رهف:الحمدلله بخير
عبير:سطام من في المزرعه
سطام:البنات كلهم
عبير:طيب وش مناسبة الحفله
سطام قالها واهو مبتسم:لغاليه بس اهي حفله وداعيه لها ولأنس يعني انتو في قسم النساء واحنا في قسم الرجال
رهف:اهـا
عبير:مشكور اخرناك
سطام:لاعادي يله سلام
راح سطام وعلى طول تكلمت رهف
رهف: شفتي وشلون قال اسم الي ماتتسما غاليه واهو مبتسم تتوقعين يحبها
عبير:حتى لو يحبها راح نسوي المستحيل عشان يحبك افا عليك لاتنسين انك مع عبير<قالتها واهي دقت على صدرها
رهف:ايه اشوا انشاءالله مايكون يحبها
عبير:يله بس خلينا نشوف الهمج الي داخل
رهف:هههههههه يله
راحو عبير ورهف داخل شافتهم نوره وفجر
فجر:شوفي من جاء وعع الله يقلعهم
نوره:وسعي صدرك بس
جلست رهف وعبير حتى بدون مايسلمون عليهم
فجر:شف شف الوقاحه لا انا بروح اتوطى في بطونهم
نوره:اقول يابنت اعقلي خليك ماسمعتي راشد وش يقول
فجر:وش يقول
نوره:ابعد عن الشر ياعمري و غنيلوه
بدورتكمل:يدوا دان الي دان دانه واويلوه
فجرونوره:ههههههههههههههههههههههههههههههههههه
بدور:ضحكتو من سركم بلا وش فيكم وراكم وقفتو كملو
فجر:اوكيشن ماطلبتي شي
جلست فجر تطبل على الطاوله ونوره تغني وبدور جالسه تستهبل بالرقص
عبير تهمس لرهف:وع شوفي السّمج
رهف:ويع كرهت الاغنيه
عبير ورهف :ههههههههههه
الهنوف:وش جابهم هذولا
عبيرتطالعها بستحقار:من هذولا ترا لنا اسامي جعلك ماني قايله
الهنوف:لا قولي انا ابيك تقولين
انتبهو لهم البنات راحت لهم نوره
نوره:خلااص هدوا بلا هواش الهنوف تعالي اتركيهم روحي عند غاليه فوق قوليلها تتجهز
الهنوف:احمدي ربك الي فكك ولا كان بدال هالحفله عزا
راحت الهنوف لغاليه فوق دخلت عليها بس مالقتها الهنوف دورتها مالقتها جت بتطلع تذكرت قالت لنفسها يمكن جالسه في البكونه راحت وفعلا شافتها
الهنوف راحت ورا غاليه واهي تمشي باطراف اصابعها
الهنوف:ببببببببووووووووووووو
غاليه نقزت وشهقت من الروعه:وجعه انشاءالله روعتيني
الهنوف واهي ميته ضحك
الهنوف:ههههه تقولك ههههههه<<جتها حالة هستيريا
غاليه:اذا سكتي من الضحك كلميني
الهنوف:هههههههههه لحظه ههههههههههههههههههه<<مسكت خط* للمعلومه الهنوف اذاضحكت ماتسكت
غاليه طفشت منها
شوي والهنوف سكتت من الضحك
الهنوف:اف خلااص بتكلم الحين
غاليه:يله تفضلي
الهنوف:تقولك نوره شوي وتشغل الاغنيه كوني مستعده<اموت على اللغه العربيه يالهنوف هع هع
غاليه:اوكيشن
راحت الهنوف تحت وشافت كل البنات الي عزومهم جو
راحت سلمت على صديقاتها الي مثلها<بالعربي عرابجه زيها <عن الفلسفه الزايده كملي وانتي ساكته
المهم وشلة الخراب عبير ورهف جو صديقاتهم الباسهم كانت عاااريه لفتو الانظار
بدور:شوفي صديقاتهم شوفي صراحه انا متبريه منهم لحد يسالني عنهم تراني ما اعرفهم
فجر: من جد اشكالهم اهم وصديقاتهم ماتشرفنا
جتهم نوره واهي تتحلطم
بدور:ههههههههه وش فيك نوني
نوره:لا بس عماتكم قاهرني شفتو كيف لابسين اهم وصديقاتهم
فجر:شفتي قلتلك لا تنادينهم الحفله بس انتي عنيد
نوره:انا ماعزمتهم الا علشان عمي وعمتي ما ابيهم يزعلون
بدور:طيب كان خليتيها علي
نوره:خلااص مابقى شي يله قولو لغاليه تستعد لاني الحين بروح لراعيه الدي جي بخليها تشغل الاغنيه نفسها
بدور:انابناديها.........راحت بدور طيران لعند اختها وصّقعت في خلق الله الكل تضايق منها
وصلت لعند اختها في الغرفه وصقعت بالباب<ههههه رجه هالبنت
غاليه وقفت مفزوعه <ياعمري اليوم بتجيها سكته قلبيه من الخوف والسبب اختها وبنات عمها
بدور واهي تكلم غاليه بسرعه اماا غاليه مافهمت من الي تقوله
بدور ياست من اختها سحبتها مع يدها وخلتها قدام الدرج بدت موسيقى لاغنيه بدور دفت غاليه بغت تطيح<من العجله بغت تطيح اختها خخخ
غاليه ودها تذبحها بس خلااص الاغنيه بدت
ودعتك الله يانظر عيني

بامانت اللي ماغفت عينه

ماودي تترك يدك يديني

فرقا الحبايب يابعدي شينه

خلني معك ولاولا تخليني

دنياي بعدك ماهي بزينه

فيني ياخلي مايكفيني

الله يصبر قلبي ويعينه

حاولت اسافر يالغضي وياك

لكن شسوي عيت الظروفي

القلب يصرخ مايبي فرقاك

ولهفة حنيني تصرخ بجوفي

والله ماسوى انا بلياك

اسمع كلامي وصدق احلوفي

انت وعدت بترجع والقاك

والحردايم لا وعد يوفي

لوبتصال ارجوك طمني

وخبرني وشهي أخر علومك

اوصف لي اوضاعك وعلمني

وشلون تقضي بسفر يومك

ولابرسالت شوق راسلني

واكتب لي افراحك مع همومك

وأذا نويت ترد خبرني

ابحتفل ياخلي بقدومك

الموت في بعدك يناجيني

والعمربعدك يكره سنينه

لجل المشاعرخلك بعيني

وانسى السفرلاعادت سنينه

ودعتك الله يانظر عيني

بامانت اللي ماغفت عينه

ماودي تترك يدك ايديني

فرقا الحبايب يابعدي شينه
وغاليه بدت الدموع تتجمع بعينها الهنوف من بعد واهي تاشر لها يعني بذبحك اذا صحتي غاليه خافت وبلعت دموعها وكل شوي تناظر الهنوف <من الخوف ياعمري
ورهف وعبيريناظرونها ولا اهتمو جلسو يسولفون ويضحكون مع صديقاتهم بصوت عالي بشكل يلفت الانتباه بدوروفجروالهنوف وصلت معهم<الله يعينهم
رهف وعبيرما اهتمو يومم قربو منهم بدور كانت قدامهم وفجر و الهنوف مع وراها رهف وعبير والبنات الي معهم طاحت قلوبهم لان كانت اشكالهم تخووووف كل وحده حطت رجلها وانحاشت بس الثلاثي ماخلوهم
بدوربصوت عالي:وراكم وراكم والزمن طويل (متاثره البنت)هههه
صارو يركضون فجر داست على فستان عبير واهي بدورها طاحت على وجها وتمسكت بفستان الي قدامها وكل وحده طاحت على الثانيه وبدور راحت لكلاب الحراسه وفكت حبالهم وصارت الكلابه تلحقهم وكل البنات الي في المزرعه صرخوا بصوت عااااااااااااااااااااااااااالي
والي بالجهه الثانيه عند الشباب وقفو مفزوعين وراحو بسرعه لقسم النساء
وكل الي دخلو بصوت وااحد كاكككككككككككككككككككككك تسدحو ضحك على اشكالهم سليمان:اشكالهم كانهم بنيان مرصوص ..(والعيال تسدحو ضحك)
البنات طاحت وجيهم تفشلولان العيال يضحكون عليهم
سطام راح عند رهف واهوميت ضحك رهف هنا استانست لان سطام جاي لها
سطام واهو ياشر باصبعه على شعرها لان فيه حشره من الزرع
البنات بعدو عنها بقرف والعيال تسدحوضحك عليها رهف تفشلت خذت عبايتها وطلعت وراحت وراها عبير <مايلامون من الفشيله
العيال نسو انفسهم وصار يناظرون البنات كل واحد مبقق بعيونه
راحت فجرواهيت تتنحنح
فجر:احم احم اقول ماودكم تتلايطون
بدور:واهي صازه يله عاد وروني مقفاكم
الهنوف:نبي عرض اكتافكم
سليمان:ليه بتفصلين لنا اثياب
الشباب جتهم حاله ضحك
الهنوف:تبيني اضحك يله روح شوفنا بدون غطا
سطام:ايه صح عيب عيب مايجوز تشوفون خواتي هذولا محارمي
انس:شف شف هماك شفت محارمنا مير انا ماشفت احد من خواتك وانت شفتهم كلهم لازم اشوفهم(صار يدور برقبته)
سطام:خيييييييييييير يالاخو تعال هناك نتفاهم
انس:لا لازم اشوف خواتك ليه تشوف خواتي وانا لا
سطام:خواتك اهم الي جايين موانا
الشباب استغربو الهدوء لان بالعاده ينطون ويدخلون نفسهم بالسالفه التفتو شافوهم متغطين وجالسين على الارض يناظرونهم كانهمي شوفون التي في
انس:في شي
نوره:لا بس ننستنى متى تخلصون
انس:اها يله بالاذن
غاليه:وين تونا بدري كملو كملو
سطام:عادي ليه لا(وجلس واهو متربع قبال غاليه)
غاليه صار وجها احمر انس شاف سطام وقلده جلس قبال نوره هنا نوره انقلبت طماطه جت الهنوفدفت نوره وجلست قبالها انس:بسم الله الرحمن الرحيم لا اله الاالله
الهنوف:ليه شايف جني قدامك
انس:لاابليس الازرق
الهنوف:اضحك يعني
انس:لا ااا لاتسوين شي ابد
وبدور دفت غاليه وجلست قدام سطام سطام:اف وش تبين يالقرد
-------------------------------------------------------------------------------------------------

اشاء الله يعجبكم البارت
انتظر ردودكم ^_*لاتنسون التقييم
ودي
loly159 غير متصل   الرد باقتباس
إضافة رد

الإشارات المرجعية

أدوات الموضوع

قوانين المشاركة
لا يمكنك إضافة مواضيع
لا يمكنك إضافة ردود
لا يمكنك إضافة مرفقات
لا يمكنك تعديل مشاركاتك

رمز [IMG] متاح
رموز HTML مغلق
Trackbacks are مغلق
Pingbacks are مغلق
Refbacks are مغلق


مواضيع مشابهة
الموضوع الكاتب المنتدى الردود آخر مشاركة
رواية الحب بعد فوات الاوان ... أقوى رواية سعودية رومانسية جريئة soul love الروايات المكتملة 56 20-07-14 06:41 AM
روايتي رواية ملاك الروح..غرقانه في بحر الذكريات..رواية من تأليفي.. **MoOn LiGht** روايات تعب قلبي 70 25-03-10 09:38 PM
رواية وجوه رمادية .. رواية سعودية رائعة .. للكاتب : البدر الضاوي الصقره11 روايات تعب قلبي 18 15-12-09 07:59 AM
عيزا أغني و أرقص و أضحك يا ناس / رواية سعودية فله و دجه و صرقعة و رومنسية عنيده وعنادي يعجبني* روايات تعب قلبي 15 26-11-09 11:43 PM
فيديو مضحك جدا لطفل عراقى زعيم عصابة مضحك جداااااااااا masraweya_82 مقاطع يوتيوب × مقاطع فيديو 4 26-07-09 01:24 PM


الساعة الآن +3: 09:53 PM.