أيه أحبك !!

[expert love]

إيه أحبك \ أعشقك \ أهواك \ وأموت فيك
بس مدري ليه مع هذا أكرهك
وودي في لحظة أنسف كل شي يذكرني فيك

مدري هو حب (ن) وإلا جنون انه كل ماناديتني جيت لك وبرواقة بال
وإلا هبال متمردة نست إنه في هذا الزمن مابه محب صادق وخوان


هذا أنا كنت قدامك كلي لك
تبعثرني\ تلملمني\ تنثر أشواقي \تحرق بقايا أوراقي \وببسمة ترضيني

مدري لمتى ببقى طفلة تمسح دموعها بلعبة تصدر أصوات وأغاني

يمكن أحبك ..وأعشقك .. وكنت في بالي

بس الأكيد إني ماعدت أذكرك

وكل الي لك في داخلي غبار ذكرى تافهة

إيه أحيا بقربك وأموت لأجلك ومقوى بعادك

بس ودي أسألك
كم مرة (ن) غلطت باسمي وقلت يافلانه

وكم مرة(ن) عديتني ضمن غلطاتك

ودي أسألك

كم مرة(ن) غلطت بعد زلاتك.. وترجع تعد من ثاني

تواسيني لجرح(ن) جرحت به شخص ثاني

مالومك مو أنا وحده من ألف أنثى في قاموس عشاقك



ودي أفهمك\ ودي أعرفك \ ودي أمحي كل ذكرياتك

وكل مرة أرجع أقول يمكن يتوب ويرجعلي من ثاني

وكل مالك تزيد بذنوبك .. وأستغفر لزلاتك

مدري هو خطا مني وإلا هو شي مستأصل(ن) في ذاتك

إنك تحب وترجع تخون .. وترجع تحب من ثاني ومن ثم تخون

غلطتي معك إني كل ماجيتني ودمعتك تسبق سلامك

أنسى جرحك \ امحي دمعك .. وخلنا نعيش حبنا من ثاني

دوم تخطي .. دوم أسامح .. وتعتذر وأنسى وتخطي وتنساني

بس تدري

أنا معك ... ماغلطت إلا مرة
لما اعترفت أني أحبك ,, ومت بترابك
لاانت كفو ,, ولا أمثالي تسوى ترابها

[!ريانة العود!]

.expert love . سلمت يمناك قطف رائع ومميز لكلمات شجية لاعدمنا كل جديد منك ، ، __ينقل لرسائل الجوال __

[expert love]

مشكورة ريانة العود على المرور الاجمل من رائع ...

[قلب المدينة]

مدري هو حب (ن) وإلا جنون انه كل ماناديتني جيت لك وبرواقة بال
وإلا هبال متمردة نست إنه في هذا الزمن مابه محب صادق وخوان


/


\


/
يعطيك العافية على ذووقك الحلو


في حفظ الله