عـودة للخلف   منتديات تعب قلبي > منتديات تعب قلبي لبيت حواء > مكياج × ميك اب × اكسسوارات

شجرة الإعجاب13إعجاب

إضافة رد
 
أدوات الموضوع
قديم(ـة) 29-01-12, 01:48 AM   #1
|[ عـضـو مـبــدع ]|

 
صورة ساحبه عالدنيا جلنط الرمزية
 
الدولة: المملكة العربية السعودية
الافتراضي كشخة بنات الجامعة -Banat aljam3aH





السلام عليكم ورحمه الله وبركاته


بما ان بدينا دوامات رسميا حبيت اسوي موضوع لبنات الجامعة
الموضوع فيه نصايح وفيه كلام كثير وكالعادة ارجع واقول انا ماني خبيرة ولا شغلتي هالاشياء
بس اعطيكم من معلوماتي العامة


اولا بالجامعة مثل كل مكان بس يمكن اكثر.. تلقون كل سنة تتجدد الصرعات اكثر من اي مكان ثانية
وذلك بحكم ان الاغلبية فئة الشابات او البنات اللي 18 سنة والخ..وطبعا الجامعة مافيها لا قيود ولا شروط
لكن لو تروحين لاماكن دوام لموظفات او اماكن عمل ثانية بتلقين نسبة اقل متابعه للموضة لانهم اكبر سنا شوي مع ان الاناقة مالها دخل بالسن لكن دايما نلقى كل ما يكون السن اصغر يكونون Trendy اكثر


اكيد اللوك مهم جدا بحياة اي بنت لكن بالاخص بفترة الجامعة ; تبدا البنت تكتشف ستايلها الخاص
الستايل الخاص هو بالعربي ( تفسير او تلميح لشخصيتك) ..

اذا ستايلك كلاسيك .. او بوهيميان او punk او nerd او chic او ستايل خليجي..
يعطي انطباع عنك طبعا ..
من خلال نظرة واحدة للبنت ..
تعرفين اللي منتبهة ومطلعه على الموضة و اللي مهملة واللي تدقق بالتفاصيل واللي ذوقها عدم بالتنسيق
وكل هالاشياء طبعا تنحط بالاعتبار و احيانا تحكمين على الشخص ومستواه المادي والاجتماعي من لبسه !!
للاسف هذا مجتمعنا نحكم على الشخص من شكله وهذا واقع لازم نعترف فيه

طبعا ارجع واقول ان هالشي خاطئ تماما انك تحكمين على الاشخاص من اشكالهم بس 50% يظل فينا هالصفة ان نحكم عليهم ونعرف شخصيتهم ويمكن حتى من اي بلد واي اصل!!
علشان كذااقول انتبهو لموضوع الموضة والفاشن و اكيد البسو اللي يناسبكم يعني حلو الواحد يتابع الموضة بس ما تكون هوس

وعموما فترة الجامعة المفروض تكون فترة شباب ووناسة يعني اذا ما انبسطتي بهالسنين متى بتنبسطين ..؟




واحب انووه ان البنت اللي تعوود نفسها من ايام الثانوية او من ايام الجامعة انها تهتم باناقتها وشكلها الخارجي راح يصير عندها روتين وتلقينها حتى لما تكبر وتعججز تكون انيقة ومتجددة
بينما المهملة تلقينها تعلللق على نفس الشكل وتهمل شكلها و عالارجح الثنتين ينقلون هالاشياء لعيالهم بالمستقبل.. يعني المهملة بناتها يصيرون مايعرفون يلبسون ولا يحطون ميك اب
واللي تهتم تلقين بناتها مكشخين..

لاتفكرون الموضوع تافه او غير مهم او اللي تقول بعد الجامعة ببدا .. صدقيني ترا والله العظيم المظهر مهم جدا جدا جدا وخاصة بزمننا هذا
المهم ما علينا من كل هالكلام





اولا طبعا بنبدا باللبس.~



التوبآت
لازم يكون عندك تشكيلة منووعة و مختلفة بالتصاميم والالوان و الخامات يعني اكبر خطأ تشترين نفس القطعة الوان او نفس الموديل اشكال
يطلع للناس كانك لابسه نفس التوب!!!

راح تحتاجين:


- قمصان / طبعا حاولي تختارين الالوان السماوي او baby pink و الابيض لانها الوان هادية وحلوة بالنهار مع اضاءة الشمس وتناسب السمر والبيض وحلو انك تجربين القمصان المخططة بالطول تخطيطات ناعمة وبالوان هادية وابتعدي عن القمصان الساتان او الحراير لانها ما تصلح مع حرارة الشمس ومزعجة لان الدوام فيه حركة كثير و شكلها (متكلف او مبالغ فيه) للدوام او النقشات المزعجة للعين وطبعا اي شي ترتر او لماااع انسي تلبسينه.

- تي شيرتات / سادة اسود وابيض لازم يكون عندك قطع كلاسيك ..لايام زهقانة مالك خلق.. وطبعا ممكن تلبسين تي شيرتات منوعة .. عموما انتبهي لنقطة انك ما تلبسين شي فيه شك او ترتر او اشياء لممماعة
او الوان مزعجة للعين و فيه حاليا موضة دارجة اللي هي تي شيرتات قطن مطبعة بالزهور مثل الصور اعلاه هذي مرااا كيووت ومريحة باللبس و تخفف عنك الحرارة والرطوبة ،ومهم تبتعدين عن التي شيرتات اللي مكتوب عليها
عبارات وقحة او مزعجة للنظر في كلام ما يصلح تلبسينه بالدوام .

-سويترات او جاكيتات/ ممكن تلبسينها بالوان و ممكن تكون مبطنة بلون ثاني .. بس حاولي تختارين خامات خفيفة و مناسبة للجو والمكان والالوان تكون معقولة.







القطع السفلية~


طبعا اهم شي انك تنووعين لان اذا لبستي قطع متشابهه راح يبين انك تلبسين نفس القطعة مليون مرة فبالنسبة للبنات اللي مضطرين يلتزمون بتنانير رمادية او سودا او الوان معينة .. جبتلكم موديلات زي ما انتو شايفين
فووق انها مختلفة تماما الديتيلز يا بنات مهمة جدا .. واحدة ستايل الخمسينات والثانية ضيقة وبعدين تكون واسعة من تحت وواحدة فيها ازارير ستايل نيفي شوي وواحدة سادة لكنها هاي ويست وواحدة بينسل سكيرت وواحدة كلاسيك سادة

يعني لاحظو كل تنورة موديلها مختلف مع انهم كلهم لونهم اسود وهذا اللي احب اقوله .. لما تسوينلك تنورة او تشترينها حاولي تغييرين بالموديلات ..



اما للي داوماتهم عادية وغير مقيدين بموديل او لون ..
فالبنطلونات الجينز اختاري درجات مختلفة مثلا فاتح وغامق واختاري واحد فيه ازرار عند نهاية الرجل وواحد هاي ويست و ممكن تلبسين ليقينقز مع توبات طويلة.
او بنطلونات الخمسينات اللي تكون فوق الرجل بشوي يعني طولها مريح جدا ..
زي ما انتو شايفين لازم التنويع و اهم شي الخامات تكون خفيفة ومريحة وعملية لان بالدوام نتحرك كثير + الالوان تكون سادة وهادية علشان نقدر
نلعب بالتوبات ونغيير اللوك مليون مرة.







الحقائب~

بالنسبة للشنط لازم تكون عندك شنط كبيرة ومريحة باللبس.. بس لا تعلقين على نفس الشنطة!!!
اختاريلك 5 او 4 شنط مبدئيا وحاولي تغيرين بين فترة وفترة ..اهم شي تكون كبيرة وقادرة على التحمل وخامتها (ماتتوسخ بسرعه) علشان كذا ما انصح بالوان فاتحة مثل الكريمي او الابيض
لانها تتوسخ بسرعه حاولي تختارين الوان مميزة وارجع واقول البساطة افضل حل..

اخطاء شائعة/
- الاحظ بنات ياخذون شنط البحر على اساس انها شنط للجامعة !!!! هذا اكبر خطأ ويدل على (تخلف) البنت صراحه هذي اول فكرة تجيني لما اشوف هالحالات بالجامعة
لان شنط البحر للبحر وشنط العادية غيرر ..

- شنط الدعايات ... هذي ما تنلبس بعد .. في شنط من بلومنغدايل هذي صراحة مدري وش تحس فيه اللي تلبسها والمشكلة اكثر من واحدة مدري مين قاص عليهم
شكل مراا يفشل!شكلها بلاستيك ومرا مو مرتب!
-شنط الترتر او اللي تلللمع جليتر .. هذي ما تنلبس بالدوام ابدا ابدا ابدا ..



الاحذية~

مهم الاحذية تكون فلات وعملية!! صراحة الكعب ما انصح فيه ابدا ابدا و اصلا صوت الكعب يطقطق بالجامعة ما يدخل عقلي .. ما احسه يصلح لمكان اكاديمي!
لكن الفلاتات مهم تنووعين فيها وممكن تلبسين شوز التنس الابيض الكلاسيك مراا كيوت .. ولاتنسين النقشات والالوان تكون حلوة وبسيطة ..

اخطاء شائعة/
- خطأ تلبسين نعل البحر او النعل اللي مفتوحة بدون سير مثل (نعل الحمام او شبشب البيت) هذي ابدا ابدا مو مرتبة فضلا عن انها تعطي مظهر رث و (غير حضاري) للبنت.
- خطأ تلبسين صنادل رومانية .. احس هالاشياء حتى لو حلوة بس ما تصلح لمكان اكاديمي يعني لازم تعرفين ملابس الطلعة وملابس بحياتي العادية وملابس الدوام لازم تكون فيه لمسه رسمية شوي.
-خطأ تلبسين صنادل او فلاتات فيه اشياء لميعة او جليتر او سيكوين .. لانها ما تصلح للنهار اساسا!!






اكسسوارات~



بالجامعة اكبر واهم الاكسسوارات تكون بالساعات و الحلقان والنظارات .. طبعا ممكن فيه سلاسل وخواتم يعني هالاشياء بالنهاية ترجع لذوق وستايل وشخصية البنت وايش تحب
لكن يفضل ان تكون قطع ناعمة ومطفية ومريحة للنظر و تكون صغيرة او متوسطة الحجم ..القطع التشانكي او الكبيرة والتصاميم المعقدة خليها للطلعات او بحياتك الشخصية لكن بالدوام لا تلبسينها..




- الحين موضة الـnerds او نظارات الـ تسعينات دارجة طبعا واللي تكون مظللة بمراية وايطارها اسود .. او اذا كانت طبية تكون لون ايطارها ازرق او اخضر او بنفسجي يعني الوان نيون.

-الـcateyes انتقلت للنظارات اللي تكون نظارة طرفها الخارجي من فوق مسحوب للاعلى ..مثل الصورة اعلاه.

-نظارات الدائرية اللي انا اسمها نظارات (التون جون ) خخخ دارجة طبعا وفيها ديتيلز ذهبي او تكون سادة ..



الاهم من الموديل انك تختارين اللي يناسب ملامحك وحجم وجهك و تضاريسه من انف و فم وعيون واهم اهم شي لازم مدى العين بين الحاجب والعين والانف يكون متناسق مع النظارة..


اما بالنسبة للحلقان والساعات وغيره ما يحتاج انصحكم .. مثل الصورة اعلاه الكلاسيكات دارجة جدا والاساور الناعمة بالوان فرفوشة مثل الازرق او الاخضر
تضيف للوك الكثير والكثير فلا تستخسرين انك تشترينها.












الشعر~


بالنسبة للشعر حسب طول شعرك وملمسه وتكوينه .. اهم شي تهتمين بالجامعة لكونك طبعا بتاخذين شاور يوميا انك ترطبين شعرك بالكريمات بالويك اند وتستخدمين
ماسكات شعر و كونديشينر مناسب و تهتمين فيه ..

لكن ارجع واقول السيشوار والفير وخاصة السيراميك حاولي تستغنين عننه قد ما تقدرين ولو مضطرة تستخدمينه يوميا لازم وضروري تستخدمين (واقي الحرارة) مثل ماركات تريسيمي وغيره .. يحمي شعرك مع ان اكيد راح يتضرر على المدى الطويل..


حاولي تجربين اطلالات مختلفة وانا جبتلكم هذي الصور ممكن تخلينه ويفي طبيعي او تجربين الظفاير لان ممكن تسوين حركات مثل كورتني هنا مسويته بطريقة مرتبة وTrendy
او تسشورينه وتشدينه عند الاذنين وتخلينه لورا مثل هبة الاباصيري يعني تقدرون مليون طريقة


الميك اب~


لازم لازم لازم الميك اب يكون ناعم وبسيط لكن لازم يكون فيه ميك اب ..

انصدم من كمية البنات اللي يجون وجيهم مغسولة!!!!!

كانها واحدة فيها مصيبة او جاية من سفر!!

وتلقين وجهها اصفر او شاحب و حالتها حالة وشكلها (رث) ما كانها جاية دوام كانها رايحة عزا وفي اللحظة الاخيرة !

اختاري الوان مطفية لا تقربين من الالوان اللي فيها لمعه او شيمر ..
اختاريها بالوان بشرتك يعني ترابية او بيجيات عامة .. وانسى تماما شي اسمه اسود او الوان فاقعة او صارخة!

*طبعا الاهم من الميك اب الـwaxing للمناطق مثل فوق الشفتين (الشنب) لان بعض البنات اللي يصلحهم تحط ميك اب فوقه ويصير عندها شنب اخضر +تشذيب الحاجبين وترتيبهم ورسمهم بطريقة صحيحة ونظيفة
مهمة جدا جدا جدا ..



الفاونديشن يكون طبيعي شكله و طبقته خفيفة مناسبه للنهار و لو تلقين كريم اساس معه وقايه من الشمس يكون افضل .
الارواج اختاري اللالوان اللي تبينها بس اهتمي انها تكون مناسبة لدرجة اسنانك وكيف بيطلع شكلها مع اضاءة الشمس او اضاءة الكلاس !

اخطاء شائعة/

-بنات ما تهتم بازالة شعر الوجه او تشذيب الحاجبين باستمرار وهذا خطأ.
-بنات يحطون ارواج حمرا او بنية بالدوام وهذا شي خطأ لانه يعطي لوك اووفر ومؤذي للعين فضلا عن انه لوك مسائي ما يصلح للنهار اساسا.
- اللي يبالغون باضاءة تحت الحاجب ويصير مزعج للعين وباضاءة الكلاس كانها راسمه بالابيض تحت حواجبها.
- اللي تبالغ بالبودرة بعد الفاونديشن و تنتهي بلوك (طحيني).
-اللي يختارون فاونديشنات غير مناسبة لدرجة بشرتهم و يصير لوكهم (شاحب مائل للرمادي) او يبالغون بالبرونز ويصير (وجهها احمر وبني).
-الارواج المات على الشفاه المتشققة اكبر منظر مقزز!
-المبالغة بالبلاشر تعطي لوك (مهرجين السيرك).




وبالنهآية الاهم ان ننتبه بالتفاصيل وهي بالبداية ممكن للي اول مرة يكون صعب عليهم لكن بعد فترة بيكون موضوع روتيني و سهل وماياخذ الا 20 دقيقة بالكثير.~

مهم جدا نهتم بالمظهر يكون لائق ومرتب ومنسق ويناسب مكان و الهدف اللي انتي جاية علشانه بنفس الوقت ما نبالغ بالبساطة ونصل لدرجة الاهمال يطلع شكلنا (رث)


يعني يطلع شكلنا مزري وكاننا جايين من عزا او مستشفى او مصيبة ..

و عموما الاناقة مَلَكة تتوفر ببعض الناس وليس الكل .. لكنها مكتسبة ..

ارجع واقول .. في فرق كبير بين كلمة (مرتبة ) و كلمة (انيقة)!


الاولى يعني واحدة مرتبة متناسقة .. لكن الثانية يعني واحدة فاهمة ومتابعه وعارفه هي ايش تسوي..
واكبر خطأ التقليد اللي اشوف كثير بنات يطيحون بهالخطا بالجامعة تشوف واحدة وتنسخ ستايلها تراه جدا جدا يدل على قلة الثقة بالنفس وشي سلبي جدا

و ترا باين للناس مين يقلد ومين الاصل فترا ما يضحكون على احد هالاشكال ..

التوازن هو الحل ..
ايه احط ميك اب والبس واتانق لكن بشكل فيه لمسة رسمية تناسب المكان اللي اانا رايحه له وللهدف اللي رايحه له وللزمن اللي رايحه فيه.

اتمنى تكونون استفدتو من الموضوع

وعذرا اسلوبي جارح او قوي بس حبيت يكون مثل مجلس البنات سوالف عادية وملاحظات انا اشوفها كذا
يمكن تخالفوني الراي هذا شي يرجع للواحدة وكل انسانه بالنهاية عندها ستايل وتفكير خاص بالموضة
لولا اختلاف الاذواق لبارت السلع مدري وش دخل بس ابي اختم الموضوع

وبالتوفيق يا حلووين =)












ساحبه عالدنيا جلنط غير متصل   الرد باقتباس
قديم(ـة) 29-01-12, 03:38 AM   #2
|[ عـضـو مــاسـي ]|

 
صورة احلى ايام عمري الرمزية
 
الدولة: المملكة العربية السعودية
الافتراضي رد: بنآت الجآمعة -Banat aljam3aH

يسلمو الايادي
كتير حلوين
احلى ايام عمري غير متصل   الرد باقتباس
قديم(ـة) 29-01-12, 09:24 AM   #3
|[ عـضـو مــاسـي ]|

 
صورة الضحكة الخجولة الرمزية
 
الدولة: المملكة العربية السعودية
الافتراضي رد: بنآت الجآمعة -Banat aljam3aH

موضوع جمييل
الله يعطيك العافيه ع ماقدمتي
ودي ,.
الضحكة الخجولة غير متصل   الرد باقتباس
قديم(ـة) 29-01-12, 09:39 AM   #4
|[ عـضـو مــاسـي ]|

 
صورة نحيب فقد الرمزية
 
الدولة: المملكة العربية السعودية
الافتراضي رد: بنآت الجآمعة -Banat aljam3aH

روووووعه روووعه رووعه مووضووعك وانا من البناآت اللي احب انووه انووو البنت لازم تحط لمسه رسميه ع لبسها ..... انتظر جديد واسلووووبك بالعكس مره حلووووووو مو جارح ولا شي .... تقبلي وودي واحترامي قبل ردي ....
توووته المحبوبه نالت إعجابه.
نحيب فقد غير متصل   الرد باقتباس
قديم(ـة) 29-01-12, 02:56 PM   #5
|[ عـضـو مــاسـي ]|

 
صورة روعة كيان الرمزية
 
الدولة: المملكة العربية السعودية
الافتراضي رد: بنآت الجآمعة -Banat aljam3aH

يعطيـطـ العافيـــهـ
موضوعكـ رائع
توووته المحبوبه نالت إعجابه.
روعة كيان غير متصل   الرد باقتباس
قديم(ـة) 29-01-12, 05:21 PM   #6
|[ عـضـو فــضــي ]|

 
صورة ابشرك برحل الرمزية
 
الدولة: المملكة العربية السعودية
الافتراضي رد: كشخة بنات الجامعة -Banat aljam3aH

يعطيك الف عافيه يالغاليه معلوماااااااااااااااااااااااااات رائعه مفيده تدل على رقيك وكلماتك الجارحه والقويه كانت في مكانها ولاتحرمينى من جديدك دمتي بود
توووته المحبوبه نالت إعجابه.
ابشرك برحل غير متصل   الرد باقتباس
قديم(ـة) 29-01-12, 05:33 PM   #7
|[ عـضـو مــاسـي ]|

 
صورة رجــــآء الرمزية
 
الدولة: المملكة العربية السعودية
الافتراضي رد: كشخة بنات الجامعة -Banat aljam3aH

ياهلا بك آختي
موضوع جميل وانتقادات بمحلها هههههه تسلمي ع النقل المميز
يعطيك العافية وبإنتظار جديدك
..{
}..
توووته المحبوبه نالت إعجابه.
رجــــآء غير متصل   الرد باقتباس
قديم(ـة) 29-01-12, 06:21 PM   #8
|[ عـضـو فــضــي ]|

 
صورة توووته المحبوبه الرمزية
 
الدولة: المملكة العربية السعودية
الافتراضي رد: كشخة بنات الجامعة -Banat aljam3aH

مشكوره موضوع أكثر من رائع
تسلم الأيااااااادي
تقبلي مروري
توووته المحبوبه غير متصل   الرد باقتباس
قديم(ـة) 29-01-12, 07:28 PM   #9
|[ عـضـو مــاسـي ]|

 
صورة طبعي كدا الرمزية
 
الدولة: المملكة العربية السعودية
الافتراضي رد: كشخة بنات الجامعة -Banat aljam3aH

موضووع في قمة الرؤؤؤؤؤؤؤؤؤؤؤؤؤؤؤؤؤؤؤؤؤعه
يعطيكـ الف الف عآآآفيه..
طبعي كدا غير متصل   الرد باقتباس
قديم(ـة) 29-01-12, 09:50 PM   #10
|[ عـضـو مـبــدع ]|

 
صورة متهم بقتل غزاله الرمزية
 
الدولة: العراق
الافتراضي رد: كشخة بنات الجامعة -Banat aljam3aH

موضوع جدا رائع شكرا على هذا الاهتمام
متهم بقتل غزاله غير متصل   الرد باقتباس
إضافة رد

الإشارات المرجعية
أدوات الموضوع

قوانين المشاركة
لا يمكنك إضافة مواضيع
لا يمكنك إضافة ردود
لا يمكنك إضافة مرفقات
لا يمكنك تعديل مشاركاتك

رمز [IMG] متاح
رموز HTML مغلق
Trackbacks are مغلق
Pingbacks are مغلق
Refbacks are مغلق


مواضيع مشابهة
الموضوع الكاتب المنتدى الردود آخر مشاركة
صور وانواع بنات الجامعة بنوتة بنغازي نكت × نكت ضحك 24 08-09-09 04:36 AM
بفساتين زفاف المصمم زياد أنطون 2009/ كشخة بنات عساك بدنيتي دايم ازياء × فساتين 45 12-08-09 01:20 AM
بنات الجامعة فلاح العنزي خواطر - عذب الكلام 4 13-02-09 01:24 PM


الساعة الآن +3: 04:40 PM.