بدر 2000 ومعاناة الترقيم مع البنات ..!!! ؟؟

[بدر2000]

أتـعـبـنـي الـتـرقـيـم ... !!
قصيدة إجتماعية لا تخلو من الفكاهه ...... اتمنى أن تضفي بعض السعادة على أرواحكم الجميلة.....





اتعبنـي الترقيـم مـن سـوق فـي ســوق
كنـي موظـف فـي حـراسـات الأســواق

لزقـت فيهـا لزقـة عـلـوك ( بـاطـوق )
حـتـى عرفـنـي كــل بـايـع وســواق

مـن شافـنـي يـقـول تـاجـر ومـرمـوق
فـي اللبـس انـا رسـمـي ورايــق وذواق

وانـا منـتـف فــي الحقيـقـة ومـزنـوق
حظـي مجـنـب بــي عــن دروب الأرزاق

عقلـي مــن الخـفـرات لاذع ومـحـروق
مـن يفتحـون السـوق وانـا علـى ســاق

الحـق بنـات الـنـاس هـايـم ومطـفـوق
ومخبـاي مليـانـه مــن أركــان الأوراق

شبّكت ( هند ) و( ريـم ) والثالثـة ( شـوق )
والرابعة والخامسـة ( وعـد ) و ( أشـواق )

دايــم وجـوالـي عـلـى الآذن ملـصـوق
محبوبتـي مــا تحتـمـل بـعـد وإفــراق

تقول ( ثامـر ) وإسمـي الصـدق ( مـرزوق)
لا يابعد ( ثامر ) و( مـرزوق) و ( إسحـاق )

ألعـب عليهـا لـعـب عـاشـق بمعـشـوق
وأبنـي بـراس الحلـوه جـسـور وأنـفـاق

هذي ... سلوم اهل الهوى كلها بووووووووووق
أكثر ضحايا الناس في الوقت عشـاااااااااااااااااق


فاصله : الى من يهمه الامر ...!!!
الود مايعطى جميع المخاليق !!!
الود يعطى للمخاليق واحــد !!!

بدر 2000 الوائلي

[عذبة الخاطر]

صح السانك ...بدر ..

نعم مشكله اجتماعيه منتشره في مجتمعتنابصوره كبيره ( ومحزنه ) ....

نقلت لنا المشكله ببوح جميل يدعو لضحك..ويرفع عنا الملل.


كلمات رائعه ورساله مخبأه بين طياها ...

تسلم.على الابداع الراقي ..

[نايــــف الغالــــــى]

بدر 2000

صـــــــح لســــــااااانك مليااااار ولايكفون

بجد انت جبتها على الجرح يابدر

تبي الصدق قريتها وانا اضحك من كثر الفكاهه اللى فيها

دايم وجوالي على الأذن ملصوق \\ \\ محبوبتي ماتحتمل بعد وفراق

لك اجمل تحيه بعبق العطور الفواح

مع كامل الود وريح الورد

نايــــــــف الغالــــــــي

[بدر2000]

• بعدد الورد في هالكون اللي بكل لون أرسل أمسياتي لاغلى عيون وقلوب شكرا لكم من اعماق فؤادي