عـودة للخلف   منتديات تعب قلبي > منتديات تعب قلبي للقصص والروايات > روايات تعب قلبي

إضافة رد
 
أدوات الموضوع
قديم(ـة) 16-11-11, 04:54 AM   #1
|[ عـضـو نـشـيـط ]|

 
صورة ًالجوهره الرمزية
 
الدولة: المملكة العربية السعودية
جديد رواية أحلام تحتضر


رواية أحـــلام تــحــتــضــر..
للكاتبه/بوووح الحنين88
,,,,,,,,,,,,,,,,,,,,,,,,,,,,,,,
روايه سعوديه دراميه قويه وفيها جرئه..أتمنى تعجبكم..

للأمانه منقووله
,
,
الجزء الأول....,
التعريف بالشخصيات..,
بيت ابو راشد.,لديه 3 أولاد وكلهم متزوجين وساكنين معه بنفس البيت اللي مقسم لأدوار لكل واحد طابق, مع انهم قادرين على فتح بيوت بس هذي أوامر بو راشد, الأولاد راشد هو الأكبر وماجد وسلطان..أما بناته 2 ومتزوجات حصه ومها........ راشد:عنده من الأولاد..,راكان9سنوات رنيم+ريم7سنوات توأم رامي5سنوات..
ماجد:اولاده..ميس12 سنه, ملاك 7سنوات,,محمد3سنوات....
سلطان:اولاده الجوهره 6سنوات سعد 4....
حصه متزوجه وساكنه (جده) مع زوجها...هي أكبر عيال بوراشد
مها متزوجه وساكنه (الخبر).............
عايله ولا أروع...عايله عاديه مثل باقي الشعب..متماسكه في الرخى والشده.
تدور أحداث هالروايه,بين الأبطال,اللي كل واحد فيها راح ياخذ نصيبه من البطوله فيها..
حب ,طموح,همم,علاقات انسانيه.. ...............
وعلاقة الحب النقي الصادق اللي هي من أسمى العلاقات الإنسانيه وأنبلها واللي الكل يبحث عنه...يلقاها المحظوظ فقط.. وغيره يتعذب...
الروايه يتخللها أكشن....في أغلب مواقفها...
,,,,
...
..
.
الفصل الأول//
البدايه...
أصوات صراخ وبكى أطفال,,
....:آآآآآآآآآآآآآآآآآآآآآآآآآآآآآآ
ام راشد جالسه وتسمع بالراديو تركته وطلعت تركض:خـــــــــير خير
ملاك شعرها منكوش ودموعها مغرقتها:راكاااان ياجده ضربنــي وشد شعري ااااااااااااااااااااااااااااااااااا{تبكي}
ام راشد (الجده):لاحووول من هالراكان الأقشر,,
نزلوا ام راكان وام ملاك من فوق::::
ام ملاك ضمت بنتها:بسم الله علييييك وش عندك بعد.
ملاك تمسح دموعها بكمها ببراءه:راكاان شافني العب مع رنيم وريم وخرب لعبتنا وكسر عروستي انا وضربني مدري ليه {بكت}..
ام راكان حطت يدها على راسها:اللــه يصلحه هالولد مجنني,عاقب خواته وبنت عمه
الجده ام راشد:إلا ناشب بحلق هالضعيفه ملاك
ام ملاك وهي تبطب على بنتها:حصل خييير ياملاك تكبرين وتاخذين زيها,,أنا قايلتلك أقعدي مع أختك ميس فوق بس ماتسمعين الكلام
الجده ام راشد بعصاها:إن ماكسرت راس راكانوه وإلا ماااش
ام ملاك:لا ياخاله والله ماتضربينه..
ملاك ببرائه تمسح دموعها:إلا ياجده اضربيه احسسسن.
دخل راكان اللي منكس شعره على وراء,ورافع اكمام قميصه ومعه سلسله يلعبها,شافهم واقفين ويخزونه:هيه وش فيكم
ملاك متضايقه منه للآخر:آآكل تبـــن ياحماااار
راكان عصب وعقد حواجبه: منهو الحمار هااه من؟
ملاك جت وراء جدتها,وهي مرعوبه من نظراته:أنت بعد من غيرك
راكان خزها بعيونه الحاده:هييين ياملاكوه,جدتي مهي عندك دايم ,والله لأوريك
ام ملاك قرصة بنتها:ملااااك عيييب هالكلام.,,تعالي تعالي معي الفوق انا اوريك عند هالألفاظ,,,,,,
{راحت ملاك مع امها لغرفتهم}
راكان خزها لين راحت ناويلها على نيه: (مااااعليييييه ياملااااك علمك عندي)
ملاك مدت لسانها تحره وهي راقيه الدرج مع امها:.................
ام راشد :راكان تعال اكسر راسك بهالعصاه,
راكان:ليه ياجده وش سويت؟
ام راشد:تضرب البنات وتقول وش سويت,,
راكان:هم مايسمعون الكلام,
ام راكان مصعت أذن راكان وودته معها:تعااال انا اللي بوريك ياللي ماتسمع الكلام انت,,فشلتني
راكان عورته بس مايبكي عنده انه رجال مالازم يبكي:يممممه عورتيني
,,,,
,,
,


الليــــــــــــــــــــــــل.............
بوراشد وعياله وام راشد مجتمعين,وكل واحد يسولف باللي عنده ,,,والحريم يسوون العشاء ,الحياه هاااديه ,,وماشيه تمااام بين الكبار لكن ,,الصغار!!!!!
بالحوش,,
ريم جالسه تسولف مع ملاك على العتبه وكل وحده معها علبة عصير,,,وفجأه حصاه طايشه تمر من عندهم وتكب عصير ملاك على ملابسها,بس الحمدلله بدون إصابات,بس..
ملاك غرقت عيونها من الدموع على فستانهااللي صار كله عصيرألتفتت شافت راكان واقف ويضحك,عصبت:ليــــــــــــــه
راكان ببتسامة نصر:بكيـــييـفي
ملاك عصبت:من زينك يابوكشه
راكان مسح على شعره الطويل الناعم ومرجعه وراء مسوي عربجي:ههههه أحلى منك يا أم عيون
ريم تشرب عصيرها وتراقبهم ببراءه:؟؟؟؟؟؟؟؟؟؟؟؟؟؟
ملاك عيونها كبيره ووساع وحلوه بس راكان كان يرفع ضغطها,,شهقت من المسبه:أنــااا أم عيوون ,هين بقول لجدتي تضربك
{ودخلت عليهم بالمجلس وعيونها غرقانه دموع كــالعــــاده}
راكان:هههههههههه
ريم:ياويلك ياركوون
راكان:أقول انطمي لا أشوتك اللحين
ريم سكتت خايفه,,:
,,
بالمجلس:
ملاك كالعاده دخلت تبكي,,,بس هالمره بحرقه على فستانها:....
ماجد:لاحووول ياملاك وش ذا؟
ملاك وهي تبكي:راكاااان
الكل:هههههههههههههههههههههههههههههه
ام راشد:هالولد انا ذابحته ذااابحته
ماجد:ههههه يمه تراهم بزران
ام راشد:لو كان عقد البنت
سلطان:ههههههههه أهم شيء بنتي جوجو مايطقها ههههه
ابو راشد:تطمنوا محد ماكل طقه كله إلا ملاك هالضعيفه ههههههه
راشد عصب على ولده:رااكااااااااااااان رااكاااااااااان
دخل راكان يتسحب كالعاده ومسوي برئ:سم يبه
الكل:!!!!!!!!!!!!!!!!!!
راشد وبلهجة تهديد:تعال وأنا أبوك تعال
راكان خايف لايضربه,وقف مكانه:.
راشد عصب:راكاااان تعااال
بوراشد:وش بلاكم على سميي,اتركوه علي أنا,راكان يابوي تعال
راكان يرتاح لجده لأنه الوحيد اللي مايضربه,راح وجلس جنبه:سم ياجدي
بوراشد:اللحين وأنا جدك وراك تضرب ملاك كل شوي
راكان:................
راشد:لقااافه
بوراشد:راشد اسكت خلني اتفاهم معه,,شوف وأنا أبوك انت رجال وإلا لا
راكان مد ظهره بحماس,وضخم صوته:إلا رجـــال
بوراشد:خلاص مدامك رجال,قووم وأستسمح من ملاك ولاعاد تضربها
راكان جلس ماقام,ماأعجبته فكرة انه يعتذر من ملاك,,سكت:....
بوراشد:يله قوووم ياراكان وأعتذر من ملاك قدامنا كلنا
ملاك تناظره بنص عين فوق تحت تشوف كيف بيعتذر منها ماتدري وش السالفه,وتشمت:.
راكان قام وكأنه شايل الدنيا على ظهره,وتقدم ووقف قدام ملاك,
ملاك واقفه وتخزه بعيونها الوساع,وتبسم بنصر:.........
راكان,عينه بعينها,قرب لها وهو مايدري شلون يعتذر مو متعود,باسها بخدها:أسف
الكل:!!!!!!!!!!!!!!!!!!!!!!
ملاك ماتوقعتها منه,أستحت,ودخلت داخل بسرعه:
راكان رجع وجلس جنب جده,كنه ماسوى شئ.....
ماجد وراشد وسلطان يناظرون بعض ويناظرون هالنتفه راكان بنص عين....
سلطان:هههه هالراكان مهوب بسيييط
ماجد:ههه أعقب ياهالولد تحب بنتي قدامي ,,عيني عينك
راشد ببتسامه:ماشاء الله وأنا أبوك وش ذالحركات
بوراشد غمزله اسكت....
راكان ببرائه:أي حركات يبه
الكل:ههههههههههههههههههههههههههه
,,,,,,
,
,
,
.
.
.
أحد الأيام::
بالشارع..., العيال يلعبون بالشارع,ومعهم هالمره عيال عماتهم ,,
رنيم جالسه مع أختها ريم ومعهم الجوهره ولينا ورنا بنات مها عمتهم ويتفرجون على ملاك ولمى وسما بنات حصه يلعبون العتبه على الأزفلت قدام البيت... والعيال يلعبون بالبرحه جنب البيت كوره,,,
سعود ولد مها رمى الكوره عاليه وجات عند البنات:
راكان عصب:ياادلخ غشيم ماتشووف
سعود اكبر من طلال بسنه:أنت الدلخ هيييه لاتسب تراني اكبر منك
راكان عصبي مررره:أكـــل تبن
طلال أكبرهم ولد حصه,عمره 14سنه,مسوي كبيير كان جالس ويراقبهم:عيااال خلاص انا بروح اجيبها وأدخل,بس عااد ,بدون هواش,,
راكان:بسرعه شوتها علينا مو تقعد تفلسف...
طلال راح للبنات اللي بعيد شوي وأخذ الكوره وشاتها على العيال,أنتبه شافهم ناقصين:بناات
ملاك مشغوله تلعب ماردت:......
ريم:نعم طلال وش تبي
طلال: وين ميس ما أشوفها معكم؟
ملاك:اختي ميس دااخل, ماعاد تطلع معنا بالشارع
طلال:أهاااهـ.....
{دخل طلال يدورها}
جت الكوره عالبنات مره ثانيه بس من راكان ولازم يروح يجيبها هو,جاء وشاف ملاك مبسوطه ,قرر ينكد عيشتها,رقعها بالكوره وطاحت,وضحك على شكلها:هههه
ملاك عصبت وقامت تسبه مابيدها شيء غير كذا:الله ياخذك يا بو كششششه
راكان يعصب من هالكلمه:أنا بوكشه يام عيووون, أدخلي داخل البيت يــله
ملاك حطت يدها على خصرها:ماااني دااخله عندك مااانع,
راكان:لا ماعندي مانع بس عندي هاليد والله لا أسطرك طراق يقلب وجهك يام عيون
ملاك انقهرت منه وقررت تدخل لأنه اكيد بيطقها لو مادخلت:انا ماحبك مااحبك طلال احسن منك,اكرهككك ماطيقك ان شاء الله تموت زييين
راكان:وعععع عاد انا اللي ميت عليك ههههههههاااي ادخلي بسس
ملاك حست بالإهانه: يععع انت ووجهك..
{دخلت وهي تبكي}
البنات دخلن بعد ماشافوا ملاك دخلت,وهن خايفات من راكان اللي يكره شيء أسمه بناات,,,وخصوصاً ملاك!!!!,...
,,,,,,,,
,,
,
بالصاله جوى البيت,ميس جالسه وتتفرج بمجله بيدها والتلفزيون يشتغل ومعها العنود اخت طلال, وجالسين يسولفون......
دخل طلال وعينه تدور على ميس:السلام عليكم
ميس+العنود:وعليكم السلام,
طلال جلس وهو يراقب ميس,حب يصرف اخته:العنوود
العنود: نعم طلال
طلال: روحي جيبي لي كاس مويه
العنود:روح انت واشرب بنفسك
طلال عصب:العنوووود قووومي
العنود قامت وراحت تجيب مويه وهي تحلطم:...
ميس سكتت ولفت تطالع التلفزيون وهي متكيه,,,حست بيد تلمس يدينها اللي ماسكه المجله,ألتفت:طـــلال!!.
طلال ويده على يدها:وش فيك خفتي؟ أنا ابي اشوف المجله بس
ميس سحبت يدها من يده:لالا ماخفت
{سكتت وهي بقمة ذهولها}
طلال وده يتكلم بأي موضوع,بس مايدري كيف يبدأ,أكتفى أنه يطالعها ويدقق فيها,تعجبه بنعومتها وهدوءها,وشياكتها الدائمه رغم صغرها, وعيونها وحياها دقق بشامه صغيره على خدها فوق الغمازات محليتها:
ميس حست بنظرات طلال واستحت:طـلال,لاتطالعني كذا
طلال يموت بأسمه بفمها:ميس انتي كم عمرك؟
ميس استغربت السؤال:عمري 12سنه,ليش
طلال:اهاااااه,يعني بيني وبينك سنتين صح
ميس:ليش انت كم عمرك
طلال بفخر:عمري14سنه
ميس سكتت,ماجاء علبالها شيء,,
طلال رجع يحدق فيها وهالمره قرب ولصق جنبها,
ميس استحت تقوم,بعد ماقرب,جلست على أعصابها,,,
مرت ام طلال وأم ميس من عندهم وطارعقلها من هالحركات:طــــلال وش عندك هنا؟ وش تسوي
طلال قام ووقف على حيله:هااه انا ماسوي شيء جالس مع البنات نتفرج عالتلفزيون
ام طلال استحت من ام ميس:الله يصلحك وانا امك أي بنااات مافيه غير ميس هنا,
طلال تلفت:هااه
ميس ببراءه:العنود كانت هنا بس طلال قالها تروح تجيبله مويه
طلال ارتبك: خلاص انا طااالع..{طلع مسرع}
ام طلال:أفااا ياذالعلم
ام ميس:ههههه يابنت الحلاااال بزراان وش يعرفهم
،،،،،،،
،

,
,
بعد أيــــام....,
ملاك:ريمي خلينا نطلع برا نلعب مع هياء بنت جيراننا,
ريم:لااا مــااابي,
ملاك بإحباط :ليـــــــــــه؟
ريم:مـاحبها مدلعه ومغروره
ملاك,سكتت صادقه هياء مدلعه,:بس ولو عندها ألعاب حلوه توها شاريتها, خلينا نروح نشوفها.
ريم:رووحي أنتي أنا ماني برايحه
ملاك,مشت من عندها وهي تفكر تروح أو ماتروح,وعند الباب,وقفت خوووف, شافت راكان قدامها,بلعت ريقها:خيـــــــر؟
راكان مبتسم لملاك على غير العاده:ملاك أنتي وين رايحه
ملاك بعدت غرتها عن عيونها بدلع:وش دخلـــك؟؟أروح أي مكـان بكيــــــــفي
راكان:لا بس كنت أبي أوصلك بهذي
ملاك فتحت عيونها من معاملته الرقيقه معها على غير العاده وببرائتها:كــيــف؟!!
راكان تدخلين بوسطه,وأنا أدفك لين توصلين للمكان اللي تبينه
ملاك أستانست:طيب توديني لبيت جيراننا العبدالكريم,أبي أروح لـ هياء بنتهم
راكان نقزت عيونه وفرح أنها وافقت:يله أدخلي.
ملاك الضعيفه دخلت البرميل البلاستك المفتوح من الجهتين وجلست فيه,وهي ماتدري وش بيصير لها:يـــله راكان كيف يمشي اللحين؟
راكان ماعطاها فرصه,علطول صار يدف البرميل وهي المسكينه داخله وتتدحرج داخله,وتصيح وماتقدر تطلع وهو يتحرك لأنها لو بتحاول تطلع راح تصير كارثه,,وراكان مبسووووط لأن ملاك قاهرته كذا خلقه مايحبها,صار يضحك ليــن وقفها عند باب جيرانهم,كانت هياء واقفه وهي تناظر راكان,
هياء بالمرره شايفه نفسها:راكان هذا صراخ من
راكان:ههههه ملاك,جبتها لك تبي تزورك
هياء قربت تبي تشوفها:.وينها؟؟!!!.
ملاك طلعت راسها وكان شكلها بالمره مبهذل شعرها معفوس ودااايخه ودموعها مغرقه وجهها:
هياء ارتاعت وضمت راكان اللي كان واقف جنبها:يمممممممممه
ملاك قامت وحتت ملابسها وعدلت شعرها,كانت مفتشله منها ومقهور هان هياء الكريهه شافتها بهالمنظر:يمه منك أنتي.
{ألتفتت على راكان وناظرته بحقد عميــق}وأنت اللـــــه ياااخذك ان شــاء الله وتموووت, وأرتـااح منك, ياحيوااان ياحمااار,والله لأقول لأبوي عليك
{بكت}
راكان+هياء:هههههههههه
هياء بنظرات تكرها ملاك:ملاك أقعدي شوي خليني أضحك على شكلك
ملاك,خلاص كرهت هياء وحقدت عليها,تذكرت كلام ريم قبل شوي:صادقه ريم يوم قالت انك مدلعه ومغروره,ياحماااره,,<<<<قالتها من قلب
{مشت من عندهم مقهووره وهم يضحكوون}أكـــرهـــكـكـــكــــــــم
((((((((
,
,
,
{أحـــــلام تــحــتــضــر}
,
,
,
.
.
.
ًالجوهره غير متصل   الرد باقتباس
قديم(ـة) 16-11-11, 04:58 AM   #2
|[ عـضـو نـشـيـط ]|

 
صورة ًالجوهره الرمزية
 
الدولة: المملكة العربية السعودية
الافتراضي رد: رواية أحلام تحتضر

الفصل الــثــانـــي//
بـــــــــــــعـــــــــد مـــــــروووور الــــســــنـــــــــــــــــوااااات....
خلالها توفى الشايب بوراشد,وافترقوا الأبناء كل واحد ببيت مستقل بسبب ان الأبناء كبروا وكثروا لكن التواصل لم ينقطع بينهم بالعكس صار اقوى....
,,,,,,,,
,,,,,
,,
,
.

بيت ماجد(بو محمد)::
ماجد:محمد ليه ماداومت اليوم ماعندك اختبار
محمد جالس ويفطر:هههههه أي إختبار يبه خلصنا
ماجد:طيب وأختك ملاك ليه تداوم اليوم
محمد:هههه يبــه نسيت,ملاك بالتوجيهي هالسنه, وأنا توني بالمتوسطه ,
مهند بالتمهيدي:هههه ابوي داايم ينثى هههههههههه
ماجد:مهنـــــــــد,
مهند سكت وكمل فطوره:....
ميس البنت الحالمه بثاني سنه بالجامعه ومخلصه اختبارات من زماان:يبه وين بتودينا السنه بالإجازه
محمد:ههههه أكيـــد الطايف
مهند:لا يبه نبي نثيف برا هالثنه كل ثنه الطايف الطايف وإلا ابها
ماجد:يصير خير وأنا ابوك نصيف برا هااه وأنت وش عرفك هالحركات
مهند:يبه ثديقي ماذن{مازن}
ماجد:هههههه وانت باليك الله بحرف السين والزاي بكل شيء حتى اصدقاءك
ميس+محمد:هههههههههههههههه
ام محمد جابت معها الحليب وجلست:اللـــه يوفقك ياملاك وتجيبين نسبتك اللي تحلمين فيها,
ماجد:أمييين,
الكل:أميييين...

((((((((((((
,
,
,
,
,
.
.
زحمة بنـات,,اللي تصيح لأنها ماقدمت زين واللي واقفه على جنب مع اختها تراجع اجوبتها....وهذي وحده مصدومه من سؤال ماعرفت تحله واللي مو مهتمه ...وأشكــاال البنااات..
.......خلصت الأختبار وطلعت من القاعه وشاقه الإبتسامه,وبيدها اوراق الأسئله,,,,
ريم شافتها وجتها تركض:هااه ملاك شسويتي اليوم
ملاك ببتسامة رضى عريضه:تماااام,الحمدلله أووكيــه
رنيم شافتهم وجات عليهم
ريم بحماس:يعني نسبه
ملاك قطعت الأوراق وطيرتهم:ههههه قولي بعثه ههههههههاااي
رنيم بتهزئ:ههههه تحلميييين بالبعثه
ملاك عبست:وليش حياتي,بتشوفين النسبه
رنيم بجديه:مو قصة نسبه ادري انك شاطره ودافووره,بس عمي ماجد وعماني الباقين بيرفضون انك تسافرين تدرسين برا لحاالك
ريم:ملاك ماعليك منها هذي تحب تكسر المجاديف بس
رنيم:عشاني واقعيه قلتي تكسرين المجاديف
ملاك حست ان رنيم صادقه,خصوصاً لمن كلمت ابوها اخر مره عن الموضوع مارد عليها لا بنعم ولا بلا..سكتت:طيــــب تتحدوووني يابنات
البنات:نتحداااك
ملاك رفعت حاجب ونزلت الثاني:أوووكيه ماااكون ملااك بنت ماجد الراكان إن ما سويت اللي براسي وطلعت بعثه وبتشوفون
البنات:ههه نشووف
ملاك تذكرت شيء:ريمي حبيبتي,ليه ما أرسلتي جوالي البارحه علي
ريم:نسيت بس إن شااء الله الليله بيجيك لاتخافين
ملاك:أوكيه
{ناظرت الساعه}اللحين جاء السايق باي بنااات اشوفكم على خيير
البنات :بااااي
,,,,,,
,,,,
,,,,,,,,
,,,,,
,,,,,,
,,,,

بيت سلطان...:
......دخلت على أمها وهي تغني: تعيشي ليــا يا أمي يا أغلى من روحي ودمي يا ست الحباااايب ياحبيبه ,,ياحنيينه وكلك طيبه ياأغلى من روحي ودمي,
ام سعد ببتسامه عريضه:هاااه جوجو بشري اكيييد قدمتي زين
الجوهره بعد ماحبت راسها:واااي يايمه,,أحلى اختبار بس ادعي لي اجيب معدل
سعد:اكيد بتنجحين لاتخافين انتي وملاك دوافير العايله.
الجوهره:بسم الله علينا اللهم لا حسد ماالت عليك
سعد:هههه تطمني ماني حسود
ام سعد:خلاص خلصتوا,بسرعه كلكم قوموا بدلوا ملابسكم يله وترى الليله العشاء في بيت عمكم راشد..
الجوهره فرحت:صدق يمه
ام سعد:إييه صدق
الجوهره :اللــــه ياني مشتااقه للبنات من جت الأختبارات ماشفتهم
سعد وهو يطقطق بجواله:والله من الهذره
الجوهره,قامت ومرت من عند سعد:حررررره
_________
,,
,,
,,
,
,
بيت راشد(بو راكان)..........:
راكان نازل من الدرج وهو ينسف الشماغ وهوماشي شكله طالع:.....
لحقته ريم عند الباب:راكاااان
التفت راكان وهو ماسك عروة الباب:خييييير شفيك تركضين كذا
ريم مدت جوال ملاك:هاك هذا
راكان أخذه وجلس يطالعه بإستغراب:وش ذا؟!
ريم بسماجه:جوال N95
راكان:لا والله بذمتك..تصدقين أحسبه سشوار..,تستهبلين انتي ووجهك
ريم افتشلت:قصدي هذا جوال ملاك
راكان عبس(والكوووبه) طيب وليش تعطيني إياه اللحين
ريم:هي نسته عندنا من قبل الأسبوع اللي راح لمن جاتنا,,,وكل يوم ابي اوديه وأنسى,بس ذكرته اللحين
راكان:ماشاء الله وهي أصبرت عنه كل هالفتره
ريم:هي بالإختبارات ماتعطي شيء وجه همها الكتب وبسسس حتى أنها ماسألتني عنه إلا أخر يوم بالإختبارات...
راكان:ول عليها شكلها شاطره
ريم:إلا داافوره..قل لا إله الله وشكلها بتجيب النسبه العاليه إن شاء الله
راكان ماتهمه ملاك:طيب طيب ,يله أنا بروح هاتيه..
{وطلع..}
ريم:أوكيه لاتنساه معاك
~~~~~~
,
,
,
,
,
,
,
بيت حصه بجده....
لمى وسما نازلين يركضون كنهم في مسابقه للجري:: يماااااااااااااااااااااااه
طلال نزل يركض خاف من الصراخ وقف بنص الدرج:خييير وش فيه
ام طلال كانت جالسه وتتفرج بالتلفزيون:بسم الله الرحمن الرحيم...خير وش عندكم
لمى وقفت وجنبها سما وضبطوا ياقاتهم وشقوا الابتسامه:يمه لو سمحتي نبي نسافر للرياض,
ام طلال اخذت نفس:بسسسس
طلال فصخ الشبشب اللي كانت برجله وشاتهم بها وهو معصب:اللحين فزعتوني من نومي بصراخكم,وركضكم والنهايه تبون هالطلب
لمى فركت ظهرها:آآآآآي شفيييك, حنا مشتاقين للرياض
سما جد مدلعه:بعدين انتا ليش صحيت شوف العنود ماصحيت,
طلال:ماشاء الله اقول انكتمي انتوا تدرون ان نومي خفيف,ياخفيفات العقول
لمى:يعني شلووون مانتوا مودينا للرياض
ام طلال:نشوف وضع ابوكم كيف إذا موافق أوعنده التزامات
سما جلست بإحباط ونفشت تنورتها البيج عالكنبه:يمممه ابوي كل يوم بالدوام مايفضى,وبعدين ترى والله ملينا,لنا شهرين مارحنا للرياض.
لمى:إي والله,
طلال أخذ شبشبه,ومشى:معليه كملوا ثلاث شهور
لمى وسما بإحباط:لااااا
ام طلال:معليه قلتلكم بشوف ابوكم الليله يله ضفوا وجيهكم ونادوا العنود خليها تسوي القهوه وتجي اتقهوى انا وياها
لمى وسما طلعوا لفوق وهم يتحلطمون:...
طلال مر على غرفة العنود رايح لغرفته,وسمعها تكلم بالجوال, وقف يتنصت,لعلى وعسى...
العنود حست بأحد عالباب:ميس لحظه شوي بس...
{فتحت الباب وشافت طلال} طلاااااال وش قاعد تسوي
طلال بغى يطيح على وجهه من الخرعه:اشششش
العنود:ميس حبيبتي اكلمك بعدين انا اللحين عندي شغل. اوكيه..
{سكرت السماعه} اللحييين ماتفهمني شموقفك هالوقفه قدام غرفتي هاااه
طلال استحى:بنت هيـــه العنود تراني اكبر منك احترميني
العنود:لا والله توقف تتنصت علي وتبيني اسكت
طلال,حب يغير السالفه: العنود وش اخبار ميس....{وقع بالمحظور مايدري}
العنود صغرت عيونها!!:نعم نعم ..عيد اللي قلته ماسمعت
طلال,حس بالمطب:أوه عندي موعد مع واحد من خوياي اللحين وتأخرت عن اذنك.. {راح مستعجل}
العنود تكت على بابها تناظره بنظرات شك وهو رايح:معليييييه ياطلووول إن ماخليتك تعترف ماكون نووودي,
,,,,,,
,,,,,,
,, ,,
,,,,,,
,,,
,,,,
الرياض.
راكان واقف عند الباب من ساعه,يدق الجرس عند بيت عمه ماجد:شفيهم محد يفتح أكيد مافيه أحد..
{ناظر بالجوال على الشاشه صورة أنمي بنوته صغيره غامزه عين ومكتوب عليه "ملاك وعيوني هلاك"...(واااثقه الأخت),لف يبي يمشي}
ملاك من ورى الباب:ميــــن؟!
راكان قرب عند الباب:هذا أنا راكان
ملاك اعتفس وجهها وفتحت الباب:(والكوووبه)خير بغيت شيء
راكان:شفيكم مابغيتوا تفتحون,بغيت أمشي
ملاك من تسمع بطاري راكان تتغير ملامح وجهها شلون إذا تتكلم معه:وهذا حنا فتحنا وش بغيت؟أبوي وأخواني مو موجودين,
راكان:لا مابي ابوك ولا أخوانك,
ملاك:طيب وش بغيت؟
راكان:بغيت ملاك
ملاك تغيرت نبرة صوتها:نـــعــــم
راكان:أقصد بغيت أعطيها جوالها بس,أنتي مين ميس وإلا مين
ملاك عصبت,وماعاد تتحمله:مــاعليك مني ميس وإلا غيرها,
راكان:طيب والجوال؟
ملاك بدون نفس: حطه عند الباب وروح وراك أنا باخذه بنفسي
راكان تنرفز من أسلوبها ماسمع كلامها,مد الجوال ودخله وراء الباب لين دخله عليها:خذيه مالازم تطلعين براا,يله عن اذنك,
{مشى وتركها}
ملاك ندمت على تصرفها البايخ,بس ما أنبت نفسها كثير,أخذت الجوال وسكرت الباب ودخلت البيت ..........
ميس كانت جالسه تتابع برنامج غزل البنات على روتانا:ملاك مين هذا
جلست ملاك وهي تفتش جوالها لها اسبوع ماشافته:هذا بركان{قالتها بدون نفس}
ميس تدري بكره ملاك له:هههههه راكااان!!ووش يبي
ملاك:جايب جوالي
ميس:أهاااهـ....{تذكرت شيء وابتسمت}غرييييبه..ماضربك
ملاك زرت عيونها ومدت لسانها تهزء:ها ها ها..باااايـــخه
ميس:ههههههههههههههههه
,,,,,,,
,,
,,
,
,
اليوم الثاني...............
بيت راشد:
رامي متكي بالصاله,,وماد رجلينه عالطاوله اللي قدامه,ويفصفص,ويقط حب بالأرض ويتفرج عالتلفزيون ورافع على آخر حد:.........
ريم واقفه بالمكنسه ومأتشه من الضغط:يمممممه تعالي شوفي رامي, وسخ الأرض وأنا توني مكنستها.
رامي: اكلي تبن وخليني اطالع المباراه بتبدأ اللحين
ريم:يممممممه,
ام راكان جايه من المطبخ:رامي الله يصلحك تراك كبرت وانا امك ماعادك صغير..,خل أختك تكمل كنس,عمانك بيجوننا الليله
راكان نازل من فوق بهدوء ويعدل شماغه,ويناظر بالساعه:خير ريم وش عندك صوتك عالي كذا
ريم:راكان الله جابك, شوف رامي يوسخ الأرض وأنا توني منظفتها
راكان بكل هدوء: أفاا صدق يارامي,
رامي وقف احترام لراكان:راكان الليله مباراة الأهلي والهلال بجده وانا ابي اتابعها,
راكان:طيب قوم هي تقولك, الليله بيجون عماني,مايصلح يارامي يجون ويلقونك قدامهم صح وألا انا غلطان,
رامي سكت:....
راكان:خلاص روح مع سعد للمقهى وتابعوها هناك إذا تهمكم حيل
رامي:أبوي رافض يقول من بيقابل عمانك
راكان:وهو صادق من بيقابلهم,خلاص مو مشكله إن فوتها الليله,يله رامي اسمع كلام اختك وقم
رامي :طيب طيب....
{أخذ قشه وطلع}
ام راكان واقفه وتسمع لراكان اللي كبر وتغير صار رجال وهي مبتسمه:
راكان شاف امه تبسم,أبتسم:شفيك يمه
ام راكان:ماني مصدقه انك انت نفسك ولدي الملقوف يومك صغير,تغيرت ياراكان
راكان ابتسم وعدل شماغه بالمرايه اللي بالصاله:هههه هذاك قلتيها كنت صغير
ريم:ههههههه الحمدلله انه تغير يمه وإلا كانت علووووم
راكان:يله بس يمه أنا طالع عندي موعد مع واحد من خوياي
ام راكان:والعشاء منت حاضره
راكان:إلا شدعوه,بس موعدي مهم كله ساعه وراجع,,,عن اذنكم....
{طلع وسكر الباب}
ام راكان:اللـــــــــــه يحفظك يارب
,,,,,
,
راكان واقف عند السياره بيشغلها,, شاف سيارة جت وصفطت جنب البيت,وقف يشوف من:..
نزل محمد,وفتح الباب لأمه,وراح يسلم على راكان:السلام عليكم
راكان ببتسامه هاديه:هلاااا محمد الله حي ولد العم
محمد ببتسامه:الله يحييك لو سمحت وخر هنا اهلي بيدخلون
راكان: حيااهم الله...{صد بوجهه عن الباب} تفضلي ياخاله ام محمد
ام محمد:شلونك ياراكان
راكان:تماام الله يسلمك,انتي اخبارك
ام محمد:بخييير يامال الخير...
ملاك ماشافته لأنه صاد بس تكره طاريه:وعععع مااالت هذا البركان,وش هالليله ياربـــي
ميس:ههههه شفييك عليه للحين تكرهينه,
ملاك:أسكتي ما أدانيه...
{مشت ودخلوا كلهم}
راكان طبعاً ماعرف ملاك,لأنها متغطيه,بس عبس وجهه من وجودها معهم, ركب سيارته ومشى لمشواره.....
,,,,,,,,,,,,
,,,
,,
,
داخل البيت:::
بعد ماسلموا وجلسوا,جو بيت سلطان ومها اختهم اللي جايه من الخبر, والبنات التموا حول الجده,ضحك وتعليق وسوالف...
ملاك واقفه وتقلد وحده من المدرسات والبنات يضحكون عليها:هههه جد يابنات والله هذي حركاتها,استغفر الله هههههههههه
البنات:هههههههههههههههههه
الجده شافت لبس ملاك,ماعجبها: بنطلون جينز وتيشرت بينك ضيق جوبنيز وهي فاكه شعرها لنص ظهرها:مــــلااااك
ملاك :لبيه ياجدتي
الجد:وجع وش هاللبس الشين
البنات:ههههههههههههه
ملاك دارت على نفسها:الله يسااامحك لبسي شين!
ريم:هههههه شكلها اول مره تمعن النظر فيك
الجوهره:ههههه مادرت انك ولد ,ومتمرده ماتلبسين غير البناطيل,
ملاك زعلت من نبرة الجوهره:ولـــــــد!!!
رنيم:مـــاعليـــك منهم ملاك انتي كذا{سوت اوكيه}
ملاك زعلت من كلام الجوهره: متمرده هذا رأيك فيني ياجوجو,مشكوووره طلعت من الغرفه للصاله,ولحقتها رنيم....
الجده كالعاده نست الهواش:وش بلاها طلعت ملاك,احدن مزعلها
ريم التفتت عالجوهره:الجوهره,الله يصلحك وش هالنبره هذي,
الجوهره:ماتوقعتها بتزعل
ريم:لا والله,تقولين هالكلام وماتبينها تزعل,
الجوهره:وأنا صادقه ماتلبس غير البناطيل,حتى الزواجات ماتحضر إلا نادراً عشان ماتلبس فساتين.
ريم:وانتي وش دخلك هذا ستايلها باللبس,كيفها,ترضين احد يسب ستايلك,بعدين حتى انتي تلبسين بناطيل احياناً
الجوهره,سكتت,,حست بغلطها...
ريم:يله قومي اللحين واعتذري منها,مايصير بنات عم وتتزاعلون على أشياء تافهه.
الجوهره,قامت وهي تفكر كيف تعتذر من ملاك,
ملاك بالصاله جالسه وعندها رنيم..كانوا يسولفون ولمن جت الجوهره سكتوا...
الجوهر جت وجلست جنب ملاك,ونغزتها بكوعها بشويش:زعلانه
ملاك كاتمه الضحكه من حركة الجوهره وهي تنغزها: إيــه
الجوهره,نغزتها مره ثانيه:ملاااك أنا اسفه,ماله داعي كلامي قبل شوي
ملاك ساكته:........
الجوهره:مــــلاك,امانه عاااد افردي وجهك والله ماكان قصدي ازعلك
ملاك:.............
الجوهره:مــــــــــــــــــــلاكــــ
ملاك انفجرت ضحك :هههههههههههههههههههههههههههههههههههههههه
ريم ورنيم:هههههههههههههههههههههههههه
الجوهره:بناااات وجع ليش تضحكون
ملاك بعد ماهدت :هههه شكلك حلو وانتي تعتذرين مثل الأطفال ههههههه,شفيك بغيتي تسوين فجوه بكتفي من النغز.ههههههههههه
البنات:ههههههههههههههههه
الجوهره انتبهت لحركتها فالإعتذار:ههههههههههههههه
(((((((((
,
,
,
,
,
,
,
المقهى...
.........:طيب حاول مره ثانيه أقنعه لا تيأس
راكان بإحباط:مــافيه فايده ياسيف
سيف:يعني شلووون,ماراح تسافر لبعثتك
راكان أخذ نفس عميق:يقول منت بمسافر إلا وأنت متزوج غير كذا مافيه
سيف:أبوك هذا من صدقه,اللحين هذي دراسه وإلا إيش
راكان اخذ نفس:عجزت افهمه راافض تماماً,وانا بيني وبينك مابي اتزوج بالمررره كرهني ابوي بالعرس من كثر مايطريه علي عشان اسافر
سيف:يبن الحلاال ولا يضيق صدرك,سافر من دون علمه حطه بالأمر الواقع وماراح يقول شيء,يمكن يزعل فتره وبعدين يرضى..
راكان بحيره:قولتك كذا ياسيف
سيف: إيــه يبن الحلااال واجد سووها قبلك
راكان ناظر بساعته:يوووه تأخرت على اهلي اللحين ابوي بيقعد يتصل ,,,يله سيف تشااو,اشوفك بكره بنفس المكان,
سيف:لا راكان أنا بكره بالدمام,بعد بكره نلتقي وإلا نسيت
راكان:اووه نسيت خلاص بعد بكره, يله بالأذن...{مشى ...}
(((((((((
,
,
,
,
,
,
بيت بوراشد...,
لينا:بنااات بتضلون كذا سوالف بايخه انسوا المدرسه شوي
ملاك :إي والله.. الله يخليكم لاعت كبدي منها,,
ريم:وش نسوي يعني
رنيم:قشموا حب واشربوا عصير باارد وبردوا على انفسكم ههههه
ملاك:يابيييخك
رنيم:مجرد اقتراح.
لينا:بنـــــــــــاااات لقيتها,
الكل بحماس:وشهي
لينا: مسجل واغاني ورقص شراااايكم؟
ريم:وجع يارنا وش هالإحراج ما اعرف ارقص
ملاك ولينا بحماس:لا حنا بنرقص بس قومي جيبي المسجل بسررعه
قامت ريم وجابت صندوق الأشرطه والمسجل ,وحطته عندهم:هذا الصندوق وهالمسجل من غرفة راكان جبته لأنه كبير استريو مثل مانتوا شايفين صوته عالي
ملاك عبست من طاري راكان: (قــــطــــــــع)
لينا ربطت على خصرها:شوفو ترى أول من يحيي السهره انا,
دخلت ميس وهي متعجبه:ماشاء الله وش ذا وش عندكم؟!
رنيم وريم:سهره راقصه هههههه تعالي معنا
جلست ميس معهم,تتفرج:
ملاك تقلب بالكاسيتس:لينا لونك إيش عربي خليجي وشو بالضبط
لينا:حطي عراقي الله يخليك,
ملاك شغلت اغنية تفاحه وبدأ التفاعل مع لينا
لينا بدت ترقص من جدها ولا عراقيه...
ريم:حظظظظظها تعرف ترقص,
ملاك مأ أعجبها رقص لينا,أشرت لها وشهالرقص...
خلصت الأغنيه ووقفت لينا:هااه حلو رقصي
ملاك:من زمان حلو بس صايره بطيئه شوي,لحظه أوريك الرقص الشرقي على أصوله,حطت أغنية هيفاء وهبي "رجب" ,وركبت فوق الطاوله اللي بالصاله وأخذت الطرحه وربطتها عالخصر:شوووفو عدل تعلموا..أديها مزيييكااهههههه ,,وبدت تهز وترقص شوي تبسم وشوي تستهبل بدلع وتغنج عشان ترفع ضغط البنات,وتسوي نفسها كنها على مسرح هههه
راكان بهالأثناء تووه داخل البيت كان يبي يتوجه للمجلس الخارجي اللي الكل فيه بس جذبه صوت الموسيقى العاليه شاف الشباك مفتوح, وطل من غير لا أحد يحس ,وفتح فمه عالمنظر,عالدلع والغنج (ياربــــــــــــي) والجسم المتناسق لمح النجمه اللي مرسومه على كتفها زي الوشم بشكل مره حلو ومكتوب داخلها حرف الإم بشكل تحفه والإبتسامه تاخذ العقل مع لمعة الروج البناتي عالشفايف طقم التيشرت ,هبلته ضحكاتها,,حس على دمه بعد ما انتهت الموسيقى,
ملاك بحركة دلع حطت يدها على خصرها قبل لاتنزل تستعبط عالبنات:هااااه شرااايكم فينــي
راكان طار عقله ماقدر ينزل عيونه لين نزلت عن الطاوله: (أويلاااه تااااخين العقل) حسااافه نزلت,
{مشى وهو يفكر فيها} ياربي من هذي,اكيد وحده من الجيران وإلا من صديقات ريم ورنيم وإلا من بالضبط,هالبنت ماقد شفتها من قبل, بس كيف اعرفها؟!,,,,,
{دخل عالرجال وهو يفكر فيها للحين}
,,,,,,,
,,,,,,,,,,
,,,,,,,,,,,,,,,
,,,,,,,,,,,,,,,,,,,,,
عند البنات الجو عال العال.....
ميس طفشت منهم:بنات قوموا نروح عند جده نسولف عليها شوي
ريم:كنا عندها قبل شوي ماطلعنا إلا بعد ما أدوخناها وطرتنا.
لينا قامت:ميس أنا بروح معك مشتاقه لها
{وراحت معها.........}
رنيم وكأن عندها سالفه مهمه لفت عالبنات:بنات أحس ميس تحب
ملاك:ههههههههههههههههههههههههههههههههه
رنيم : والله صدق ياملاك شكلها تحب
ملاك:الله يقطع بليسك اللي يشوفك وانتي تكلمين يقول عندك سالفه من جد,,
رنيم:صدق اشوفها تسرح كثير,
ملاك:الحمدالله,كلنا نسرح يعني لازم اللي يسرح يحب,صدق ماعندكم سالفه
ريم:اقول خلوا عنكم هالكلام الفاضي ,وقوموا ساعدوني نحط العشاء يله
ملاك قامت تبي تتهرب:انا بروح لجدتي واحشتني سوالفها
ريم مسكتها بيدها:ههههه واللـــه ان تروحين معنا المطبخ قدااامي يله
ملاك مدت بوزها بدلع:يووووه تفش..{طفش}
رنيم:ههههه ياحلوه تفش وإلا مو تفش,بتقومين وانتي بنت رجال
((((((((((((
,,,
.
.
.
مجلس الرجال...:
بو راكان: وش رايكم ياجماعه,نروح الشرقيه هالأسبوع
مها (ام سعود):والله الفكره الزينه,حياكم كلكم عندي بالبيت
بو محمد:ماحنا بشوي ياأم سعود
بو سعود:ماهي بمشكله البيت واسع والله ماتقعدون إلا عندنا
بو محمد(ماجد):شوركم وهداية الله
بوسعد(سلطان):مدامكم ناوين الله ييسرها
ام سعود:وانا بأتصل بحصه تجينا هناك
راكان جالس ومو معهم,سااكت:.......
سعود بنفس عمر راكان:راكان بو الشباب وين الدنيا به معك
راكان انتبه:هااه
سعود:ههههه منت هنا بالمره
راكان مايدري وش السالفه ابتسم وبس..:
رامي دخل:تفضلوا عالعشاء
بو راكان:يله ياجماعه اقلطوا
{قاموا وتعشوا,,,,,,,,,,,,,,,,,,,,,,,,,,,,,,,وانتهت هالعزيمه وكلن راح لبيته}
((((((((((
,,,,
,,,,
.
,
,
.
بيت بو محمد(ماجد).........:
ملاك طلعت من الحمام بعد مابدلت ولبست بجامتها ولمت شعرها بشباصه كبيره لفوق بشكل معفوس وهي تتثاوب, شافت نور غرفة ميس مضوي,قالت امر عليها:ميس انتي للحين صاحيه..
ميس جالسه على سريرها وتكتب خواطر كالعاده,نزلت نظارتها ورفعت ناظرها لملاك,وضحكت على شكلها:هههه ملاك وش هذا اللي لابسته
ملاك طالعت شكلها:وش فيه لبسي
ميس:ههههه,بجامتك صفراء وفيها اخضر والبنطلون فوشيا والشباصه زرقاء ههههههه علبة الوان تجيب المرض
ملاك تثاوبت:الحمدلله والشكر اللحين من بيقعد يتمقلني وانا نايمه صدق ماعنك سالفه.أروح انام أحسن لي..وانتي اقعدي اكتبي خرابيطك مثل كل ليله.
{طلعت وسكرت الباب معها وهي تتثاوب شوي وتطيح على وجهها من الكسل}
رجعت ميس لدفتر خواطرها وهي تبتسم على شكل ملاك,تجنن هالبنت,شغلت المسجله لأغنية محمد عبده,هذا المساء للحب للشوق للمواعيد,هذا المساء لك انت شمع واغاني وعيد...هذا المساء لك أنت...وينك حبيبي قبل الشفق مايغيب تدري حبيبي كثر الصبر تعذيب....
{أخذت القلم وبدأت تكتب}
[أخيــراً رأيتك...أخيــراً أيها الطيف الجميــل..
أخيــراً لمحتك عيناي...يــا إلـــهي,,لقد أزدت أناقتاً ووروعه ووسامه...
آآآه كم تمنيـت خـلال غيـابك رؤية محيــاك,والحـمدلله لمحتك صورتك بمخيلتي لقد أثــار طيفك علي الشجـون,,آآآه لطالما تمنيت القرب منك لأعرفك وأرى منك بدلاً من الطيف الحقيقه تتمثل على أرض الــواقع,,ونتسامر سويتاً على قمة جبلٍ في ليلةٍ هــادئه مقمره نتبادل أطراف الحديث ونحن نراقب النجوم.... أتعلم حبيبي أن خيالك لا يفتأ يزورني كـــل ليــلةٍ فأرآه,لأطمئن بعد ذلك لأنام بأحلام سعيده,أراك فيها فارساً ملثماً تمتطي حصـاناً أبيضاً فألحق بك وألحق بك محاولتاً أن أرى وجهك فإذا أقتربت منك وأصبحت قادرتاً على رؤيته,,,إذا بأمي توقضني من النوم,كي أذهب للكليه!!!!!!!!!!!!!!!!]
{ ميس فتاه حالمه,تحلم بالحب ,تتمنى ان تعيش قصة حب حقيقيه مثل قصص الف ليله وليله,لكنها لم تجد حبها حتى الآن,ومع ذلك عندها أمل كبير بلقاءه,,تحب القصص الرومانسيه,وتتمنى لو كانت ذات يوم بطلة في إحدى قصص الحب التي تقرأها أو تشاهدها بالأفلام}...............................
,
,
{أحــــــــــلام تـــحتـــضر}
,
(((((((((((انتهى الجزء الأول)))))))))))))
لم تأتي الأحداث الساخنه بعد..............!!
ترقبوها بالقاادم من الأجزاء...........
ًالجوهره غير متصل   الرد باقتباس
قديم(ـة) 16-11-11, 12:50 PM   #3
|[ عـضـو جـديـد ]|

 
الدولة:
الافتراضي رد: رواية أحلام تحتضر

روايـــــه في قمــــــــه الروعـه واحداثــــــها جداااا مشوقه....
في انتـظار الاجزاء ..... وان شاء الله اكون من متابعينها ....
بس بلييييز لاتتاخري ..... الا اذا كانت عندك ظروف معذوره....
(تقبلي مروري)


(باقـي على ذكـــراك ~~~)
باقي على ذكراك ~~~ غير متصل   الرد باقتباس
قديم(ـة) 16-11-11, 05:52 PM   #4
|[ عـضـو مــاسـي ]|

 
صورة αĐмήt 7Ъқ الرمزية
 
الدولة: المملكة العربية السعودية
الافتراضي رد: رواية أحلام تحتضر

ننتظـــــر
يع ــــــطيك الع ــــــافيــه
αĐмήt 7Ъқ غير متصل   الرد باقتباس
قديم(ـة) 21-11-11, 03:03 PM   #5
|[ عـضـو مـبــدع ]|

 
الدولة: المملكة العربية السعودية
الافتراضي رد: رواية أحلام تحتضر

جمييييييييييييلة جدا

بانتظار القادم
|| صڈﭬہ لﭱيﭡہ || غير متصل   الرد باقتباس
قديم(ـة) 25-06-12, 01:11 PM   #6
|[ عـضـو نـشـيـط ]|

 
صورة ًالجوهره الرمزية
 
الدولة: المملكة العربية السعودية
الافتراضي رد: رواية أحلام تحتضر

السلام عليكم ااحبتي واسفه على التأخير
راح ابدأ انزلها
ًالجوهره غير متصل   الرد باقتباس
قديم(ـة) 25-06-12, 01:50 PM   #7
|[ عـضـو نـشـيـط ]|

 
صورة ًالجوهره الرمزية
 
الدولة: المملكة العربية السعودية
الافتراضي رد: رواية أحلام تحتضر

شكرااا لكل من حضر في متصفح الروايه

كل الود
ًالجوهره غير متصل   الرد باقتباس
قديم(ـة) 26-06-12, 01:17 AM   #8
|[ عـضـو نـشـيـط ]|

 
صورة ًالجوهره الرمزية
 
الدولة: المملكة العربية السعودية
الافتراضي رد: رواية أحلام تحتضر

[COLOR="rgb(72, 61, 139)"]* * *الجزء الثـــاني....,
بالسياره بطريقهم للرياض:
لمى وسما مسوين صجه بالسياره..
طــلال:لموو سموو والله لما تسكتون لأنزلكم
فراس:إلا عط كل وحده كف وتسكت
ام طلال:هههه مايقدرون بالعات راديو هالثنتين
لمى وسما سكتوا,,,,!!!!!!!!!!!!
العنود حاطه سماعات صغار بأذنها ومو دريانه باللي قاعد يصير::....
فراس:طلال عندك البوم بو نوره الجديد
طلال:لا ماشريته,بس شريت حق راشد الماجد,ياخي هذا كل البوم احلا من اللي قبله..
لمى بلقافه:طلوول تكفى شغله خلنا نسمع
سما :لا شغلوا نانسي الدنيا حلوه
فراس:طلال شكلي بصفقها ذي
سما بلهجه حجازيه:إيش فيك يافراس كل شويه تصرخ علينا,هادي ماهي حاله
فراس:اقوول اسكتي انتي يالبارده
لمى داست على اصبع رجل سما وهي ماتدري:...
سما تعورت:آآآآي يامعفنه ماتشوفي فعصتي صباعي*
لمى!!:أووه اسفه ماشفتك
فراس:سما والله لما تعدلين لهجتك لأوريك
سما بدلع:ماما شوفي فراس عقدني ماكأني أكبر منه
ام طلال:فراااس الله يهديك وش بلاك عليها وانا امك خلها براحتها

طلال بعد طول سكوت:أقوول الشرهه مو عليكم عاللي شايلكم معه بسيارته وإلا انتوا المفروض بالطياره ,لعنبوا بليسكم تقل بزران اصصصص
الكل:!!!!!!!!!!!!!!!!!!!!!!!!!
فراس:هههههه عندك إيااهم
طلال:حتى انت اصصص
فراس!!:أفااا..................
البنات ضحكوا على فراس بس بشويش:
العنود:يمه وين بنروح بالأول
طلال بدون تردد:بيت عمي ماجد <<<<<<{عشان ميس!!!}
ام طلال:لا بنروح بيت عمكم راشد
العنود:بس يمه الليله العشاء عند عمو ماجد
طلال انبسط:وانتي وش دراك يانودي
العنود:ميس مرسله مسج عليه اللحين*
طلال حس روحه طارت مع اسم ميس ابتسم تلقائياً:اوكيه على بيت عمو ماجد طيرااان
ام طلال: يله مثل ماتبون
طلال شغل أغنية الأمـاكن...........
,,,,,,,,
,,,,,,
,,,,
,
,,,
بيت ماجد....,
ملاك:يبه الله يخليك افهمني,
بو محمد بلطف:يابنتي صعبه مايصير تسافرين لحالك برا تدرسين
ملاك:طيب سافروا معي يبه
بومحمد:والدوامات نسيتي اختك اللي مرتبطه بجامعتها هنا وأنا عندي عمل ما اقدر اتركه
ملاك قربت تصيح:بس يبه
بو محمد:انتي قدمي على الكليات هنا وشوفي,أي قسم تبينه*
ملاك:نسبتي تأهلني لأحسن الجامعات,وبصراحه ناويه على نظم الحاسب ابي ادرسه برى هو مطلوب كثير هالأيام وبصراحه انا احبه,وبنفس الوقت ابي خبره وتقويه باللغه*
بومحمد: طيب طيب يصير خير بنشوف,
ملاك:بتشوفوون!
{رن جرس الباب}
بومحمد:ملاك قومي افتحي الباب وإلا نادي محمد يفتحه
ملاك قامت تفتح الباب وهي تفكر بكلام ابوها:مييييين؟
لمى:ملاااك افتحي انا لموو
ملاك بغت تطير من الفرحه,فتحت وبدت تسلم عليهم ودخلتهم:هلا والله بعمتي حصه وعيالها نورتونا.
ام طلال:ياهلابك ياملاك,مبروك النجاح,ولو انها متأخره*
ملاك :ههه الله يبااارك فييك تفضلوا بروح انادي امي
العنود: لحظه ملاك انا بروح لـ ميس فوق بنفسي
ملاك:مو مشكله..

بالمجلس:
محمد:ياهلا بطلال وفراس*
طلال:هلا فيك كيفك محمد عسى نجحت
محمد:ابشرك, وانتوا
طلال:الحمدلله
فراس:اقول محمد عمتي مها جت من الخبر
محمد:إيه وبيجون كلهم بعد شوي ان شااء الله
فراس فرح من دااخل ,ابتسم: (ياحياااتي يا لينا)
طلال عرف اللي بخاطر فراس,ابتسم,:فراس ماودك نقوم نتمشى بالرياض شوي
فراس كان مسرح........
طلال:فرااااس وين رحت
فراس:هاااه
محمد وطلال:ههههههههههه
محمد:اجلسوا والله ماتروحون القهوه يالربع ,خلونا نتقهوى لين يجون باقي الشله ...{راح يجيبها}
طلال:ههههه من سمعت بطاري اهل الشرقيه وانت رايحن فيها,
فراس انحرج لأنه معلم طلال بكل شيء وبحبه الكبير للينا:ياولد لا جاء لها طاري انسى نفسي, أحبها يا طلال, أحبها
طلال حاس بفراس:إيـــه الله يهنيك بس يبيلك مشواار علبال ماتاخذها,
فراس:مو مشكله هي توها تدرس باول كليه وأنا باقيلي سنتين عالتخرج,هاانت بس أنا بحاول اخطبها اللحين*
طلال:وش له العجله تو النااس يامطيور
فراس:ياخوي اخاف تروح من يدي
طلال عوره قلبه عند هالجمله "أخاف تروح من يدي" سكت وسرح يفكر لو تروح ميس من يده وش راح يكون موقفه:.............
دخل سعود وهو شاق الإبتسامه ومعه نايف اخوه:السلاااام علييكم
طلال+فراس:وعليـــــــــــكم السلام
فراس مو بالأرض طاااير,لينا موجوده بنفس المكان اللي هو فيه مو مصدق:....
{وبعد السلامات والترحيب}
سعود:شدعوه مابغينا نشوفكم..
طلال:شنسوي بعد المسافه خبرك جده ماهي قريبه مثلكم للرياض
سعود:بذي صادق الله يعين
نايف بثاني كليه:طلال انتوا هنا مع خالتي حصه {قصده سما ههههه}
طلال:إيه كلنا هنا*
نايف تشقق من داخل:زيـــن مشتاق لخالتي حصه
فراس نفس حالة نايف: حتى انا مشتاق لخالتي مها
سعود سااكت ومقفل على قلبه:...
طلال:إلا سعود كيف الشرقيه
سعود:والله حلوه ناقصتكم,ولااااازم تجونا بنهاية هالأسبووع
طلال:هههه قالت لي الوالده عن قرارهم التاريخي البارحه,يصير خير ان شاء الله إلا وين راكان ما أشوفه اشتقتله*
دخل راكان ييتسامته الحلوه:هاا أنــا قد جئتكم ياقووم ابشروا بي
الكل:هههههههههههههههههههههههههههه
فراس:ههه تكفى يالواثق
راكان بعد ماسلم وجلس هو ورامي اخوه:كيفكم شباب وش هاللمه الحلوه من زمااان عنها.
طلال:ههههه حنا تماام بس انت طمنا عنك شسويت بموضوعك {قصده البعثه}
راكان عبس: أسكت للحين مدقر
طلال :لاااااه ,الله يعينك
سعود:أي موضوع شباب
بدت السوالف بينهم........................
,,,,,,


,
عند البنات...,
ملاك وميس جابوا القهوه والشاهي والحركات والحلا والتموا البنات مع الحريم وهاتك ياضحك ووناسه وسوالف,وتعليقات,,,
ملاك:لمى سما ريم رنيم الجوهره وش رايكم نروح فوق لغرفتي نحوسها شوي
لمى بحماس:إي والله تراني مشتاقه للحوسه ههههه
ملاك:هههه مدام كذا خلونا نمشي,
ام راكان:الله يصلح هالبنات..
ام سعود:ملح الحياه,
ميس: لينا العنود برايكم نطلع نتمشى بالساحه الخلفيه للبيت*
لينا:فكره حلوه
العنود:يله مشينا...{وطلعوا...وبقوا الحريم لحالهم}
ام طلال:كبروا البنات والله,
ام راكان:هههه وصاروا عرايس
الجده:عسى الله يبلغني فيهم كلهم..
الكل:ههههههههههههههههههه
,

بغرفة ملاك...
الجوهره:هههههه ملاك إيش هذا؟!
ملاك: هههههه هذي عشان اخبط بها النامس خبركم الشجره عند شباكي فالنامس يعاقبني,حتى شوفي عندك ورى ناموسيه عشان النامس
رنيم:ههههه نفس راكان اخوي عنده زيها
ريم:أي والله ونفس اللون بعد ههههههه
ملاك ببتسامه صفراء:صدق ياسبحان الله(ماالت عليه من بكره بغيرها اجل)
سما واقفه وتتأمل بالشباك,وشكلها مسرحه,,تشوف نايف واقف ومعه فراس اخوها ويسولفون,وهي راايحه وطي مع نايف اللي تحبه وتدري انه يحبها, لأنه صارحها بحبه من مده بسيطه,لمن زاره

بالساحه الخلفيه للبيت....:
العنود وميس ولينا يتمشون بالحديقه,وهم يسولفون....,
العنود:يالله يابنات تدرون وش ناقصنا اللحين
ميس+لينا:إيش ناقصنا
العنود:رنا,,ليتها اللحين معنا
لينا أخذت نفس:أسكتي لاتذكريني ترى والله اصيح
ميس:آآه مو مثلي والله اني مشتاقه لها حيــل,إلا ماقلتيلي اخبارها بعد الزواج
لينا:ماشي الحال,تقول خالد مو مقصر معها.
ميس:الله يسعدها يارب.
لينا تذكرت شيء:أقول ميس..
ميس:سمي
لينا:تعرفين وحده اسمها منيره عبدالعزيز
ميس!!:منيـــره عبد العــزيز...لا ما أعرفها ليش
لينا:غريــبه..!!
ميس:وشو اللي غريبه
لينا:هذي وحده من صديقات رنا بالكليه وعزمتها على زواجها,وحضرت هذاك اليوم بعرس رنا,
العنود:الحمدلله وش هالدوخه وين الغريب بالموضوع
لينا:الغريب انها سألتني عنك,كنها تعرفك,
ميس خافت بعادتها رقيقه:سألت عني! وش تبي فيني وانا ما اعرفها,
العنود:وانتي وش فيك خفتي,عادي,,طيب ليونه وش جاوبتي عليها
لينا:أجوبه سطحيه,عاديه,يعني اسمك و..{تذكر}وسألتني إذا متزوجه أو لا وجاوبتها
العنود بنص عين:أهااه شكل الدعوه فيها خطوبه وإلا...
ميس:ههههه خطوبه,أي خطوبه الله يخليك اسكتي تكفين
لينا:وليش لا ياميس

ميس دخلت عالم الأحلام وهي تناظر للورد حولها:أنا ياحياتي ماراح اتزوج إلا عن حب,يعني اعيش قصة حب بكل تفاصيلها,أبي قبل لايخطبني, أحبه ويحبني,يعني ابيه يكون حبيبي قبل لايكون زوجي,مايهمني الشكل بقدر مايهمني القلب,يكون حنون ورجل بمعنى الكلمه..
لينا مسويه تعزف كمان:أيوه اتحفينا بمقطوعات بعد...ماااالت عليــك من بنت*
ميس:ليـــش ماقلت شيء غلط
العنود:بس وانا اختك اللي قلتيه صعب
لينا:أصلاً هذي خرابيط من كتب الشعر والروايات اللي تقرينها,ومالها أي صله بالواقع اصحي من اوهامك ياحلوه
ميس:يووه ماعلي منكم قولوا اللي تقولونه, من حقي أحلم وأحقق حلمي
لينا:هههه أحلمي بس بحدود,مافيه شيء أسمه حب بالدنيا
ميس سكتت وهي مصره على رايها...
العنود:بنات شرايكم ندخل ونمر عالبنات المراجيج*
لينا:يله,لأن احلام ميس رفعت ضغطي
ميس+العنود:هههههههههههههههه*
,,
,
.
.
بعد ماطلعوا الشباب يتمشون بالسياره, قرر بومحمد يفاتح اخوانه بموضوع ملاك وسفرها للخارج للدراسه,لأنه مايبي يكسر بخاطرها طلب منهم سبب مقنع يقوله لها*
بوسعد:لا يابو محمد ماعندنا بنات يسافرون لحالهم, نسيت انها عرضنا
بومحمد:مانسيت,وماني موافق اصلاً بس البنت مصممه وأنا مابي اكسر بخاطرها, خصوصاً*نسبتها ياجماعه 98.45حرام تروح عالفاضي,
بو سعد:ولو مافيه سفره بابومحمد,,,,{ألتفت على بوراكان}بوراكان خلك محضر خير قول شيء,
بوراكان,كان ساكت ويفكر بنفس الموضوع:شوفوا راكان ولدي عنده نفس الطلب يقول انه قبل ببرنامج البعثات,بس بصراحه انا رفضت,خفت عليه ويوم الح علي, شرطت عليه يتزوج بس ماحدت العروسه,وهو بعد يقول مابباله وحده لأنه مثل ماقلت ماهمه العرس همه الدراسه وبس
بومحمد: والعمل يابو راكان,
بوراكان:والله يبو محمد برايي اننن نزوج راكان وملاك ويسافرون سوا دام هدفهم الدراسه,
بو محمد:!!!!!
بو سعد:إيـــه إذا كذا ماهي بمشكله,توكلوا على الله
بومحمد حس ان عقده عنده انحلت,لأنه ماكان يبي يكسر بخاطر ملاك وهي مقطعه نفسها بالمذاكره طول السنين,على هالأمل:بشوف بقولها وهي بكيفها,
بوراكان:على بركة الله*
//////////
///
//
//

بيت بوراكان,,,
راكان بغرفته متسطح على سريره ويحاول ينام,بس كل شوي يتذكر اللي شافها هذيك الليله {{مايدري انها ملاك}},أشغلت تفكيره حاسته حوسه:(ياترى مين هالملاك) أعوذ بالله بسم الله عليها من ملاك الشينه...........,
{تذكر شكلها وهي تقول هااه شرايكم فيني بكل دلع}ياويل حااالي رحت فيها ياراكان,اللحين انت يم الدراسه وإلا العرس,,
{تذكر كلام سيف,اللي يقول سافر وماعليك من أحد}اووه صعب هالشيء, اغضب ابوي عشان هالشيء,ياربي الهمني الصح يارب ابوي يوافق..
,,,,,
,,
,
,
,
.
,
.
بيت بومحمد:
الساعه 2بالليل
ملاك بغرفتها,,وتفكر بمستقبلها,(ياترى وش كان يقصد ابوي من كلمته بنشوف, الله يستر بس),,
{طارت حواليها نامسه,أخذت العصاه وخبطتها,تذكرت رنيم وهي تقول راكان عنده زيها,ناظرتها بقرف ورمتها عالأرض بقوه}مااالت عليــــه.
لمى فزعت من صوت الخبطه:بسم الله ملاك وش فيه
ملاك تذكرت ان لمى معها بالغرفه:اسفه لمو بس هذي نامسه عاقبتني وخبطتها
لمى رجعت تكمل نومها:أشوى
ملاك(شفيني أنا كل ما أتذكره افقد اعصابي..مااالت عليه)
,,,

غرفة ميس:
العنود تتصفح بإعجاب دفتر خواطر ميس:يالله ياميس اللي يشوف هالدفتر يقول هالبنت عاشقه للنخاااع
ميس ببتسامه حالمه:آآآه فعلاً أنا عاشقه يا نودي
العنود:أفاااا ولا تقولين لصديقتك وبنت عمك من هذا اللي انتي عاشقته هااه
ميس بحالميه:أنا أعشق الحب وأحب الرومانسيه,نفسي الاقي الشخص اللي أحبه,وأعيش معه أحلى قصة حب
العنود:أعترفي يعني مافيه بحياتك شخص محدد
ميس مدت بوزها بدلع: لا مافيه,
العنود اعجبتها رومانسية ميس:هنيا له اللي بتحبينه
ميس ابتسمت,
لينا عورها راسها من هذرتهم:بناااات اصصص ابي اناام ارحموني,ليتني رحت مع الجوهره لبيتها بدل هالإزعاااج
العنود:أقول لاتمننين علينا بقعدتك معنا
ميس:اوكيه,يله نودي خلينا ننام والصباح رباح زي مايقولون,طفي الأبجوره وراكي
((((((((((
,,
,,
,
.
,
الصبــــــــــــاح,,,,
راكان بعد ماتروش ولبس طلع من غرفته متجه شاف غرفة ريم ورنيم مفتوحه طرى على باله هالسؤال وقرر يدخل{طق الباب} بنااات ممكن ادخل
رنيم:ههههه انت دخلت اصلاً تفضل راكان
دخل راكان وجلس على كرسي الكمبيوتر:صباح الخييير وين ريمي
رنيم:ريمي تسوي الفطور تحت
راكان:أهاااه وانتي ليه ماتساعدينها

رنيم وهي تسفط ملابس بالدولاب:لاتخااف انا اللي بسوي الغداء,بس انت اخلص تكلم قول اللي عندك وتبي تقوله
راكان فتح عيونه عالآخر:ومن قالك اني ابي اقول شيء
رنيم:هذا شكلك إذا بغيت تقول شيء,بعدين هذي اول مره تدخل غرفتنا, اخلص تكلم
راكان قام يبي يطلع:ماعندي شيء اقوله,بس تعالي انزلي معي نفطر سوا
رنيم:بعد شوي بلحقك اللحين عندي شغل*
راكان,وصل عند الباب والسؤال يقرقع بقلبه,ألتفت على رنيم:أقول رنيم
رنيم ببتسامه:إيوه قول,كنت داريه
راكان بعد تردد:تذكرين يوم عشانا ذيك الليله,بعد الإختبارات
رنيم:إيوه شفيه
راكان بتردد:فيه أحد جاكم غير اهل اعمامي
رنيم!:لا ,ليش
راكان:هــاهـ ولاشيء ولاشيء ,يله بس ألحقيني تحت بسرعه
{طلع وهو يكلم نفسه}(ياترى من هي)
رنيم:وش عنده هالولد ليــه السؤال؟!!!!!
,,,

الصــــــاله..........تحت
بوراكان صاحي من بدري كالعاده ويسولف مع ام راكان تحت بالصاله,,,
بوراكان:هااه شرايك باللي قلتلك يام راكان
ام راكان:واللــه الســاعه المبــاركه,,,ياحليــله ولدي الصغير صار كبير وبيعرس والله ماني مصدقه يابوراكان*
بوراكان:هههه كبرنا يا ام راكان
ام راكان:لاااه انا ماكبرت بس انت اللي كبرت
بوراكان:هههه ليه وقفتي الأمبير هههه
نزل راكان على اصوات ضحك ابوه وامه,ببتسامه:مـــاشاء الله الوالد والوالده يضحكون عالصبح ضحكوني معكم
ام راكان:هههه تعال يا راكان افزع لي ابوك يقول اني كبرت,انت شرايك
راكان طالع امه وهو يفرك دقنه:والله يعني يمه,يبه وش رايك تزوج على امي
بوراكان:هههه ايوه هذا اللي استفزعتي به مانفعك ههههه
ام راكان خبطت راكان على ظهره:والله هين ياراكان,,بس انا بروح اكمل شغلي انتوا توحدتوا علي طبايعكم يالرجال ماتخلونها...
{قامت وخلتهم}
،،،،،

راكان وأبوه:هههههههههههههه
بوراكان,بعد ماهدأ:هااه ياراكان وش قلت بالموضوع
راكان ساكت ومتردد:.........
بوراكان:شوف إن كاانك معزم عالسفره وتبي قلبي راضي عليــك تزوج ملاك بنت عمك وسافروا وخلها تدرس معك هناك,مدام هدفكم واحد...
راكان بكل ذهول العالم:.مــــــــــلاكـــــــ................
,,

,
{أحــــــــــــــلام تــــــــحـــتـــــــضـــــــــر}
,
,
,
.


.........:راكــــــــــــــــان!!!
بومحمد بعصبيه:إيــــــه راكان وغير كذا مافيه سفر للدراسه برا
ملاك غرقت عيونها دموع وقامت وهي بقمة ذهولها,:لااااا...
{صعدت لغرفتها وهي تركض}
ام محمد:بومحمد من صدقك هالكلام
بو محمد:اجل بهالأمور مزح يا ام محمد الله يهداك بس
ام محمد:بس شكل البنت رافضه هالزواج
بو محمد:والله إذا صدق تبي تكمل دراستها برا توافق على راكان, غير كذا مااافيه
ام محمد:بس...
بومحمد قاطعها:بدون بس خلها تفكر *بينها وبين نفسها راح امهلها يومين بسس
,,


بغرفتها..ملاك جالسه على الكرسي وراسها على يديها على طاولة الكمبيوتر, وتبكي ,مو متخيله نفسها بيوم مع راكان,مستحيـــل,انسان مغرور وشايف نفسه ويخوف,غير كذا ماتحبه,:أنا مستحـــــيل أتزوجه,مستحـــــــــيـــــــل............. تذكرت الدراسه اللي متحديه البنات عشانها,وأحلامها بالدراسه بالخارج, زاد الضغط عليها قامت ورمت نفسها عالسرير وغطت راسها بالمخده وبكت بصوت مسموع,وهي تمتم:مــابـيـه مـابـيه..
,,,,,
.

,

,
{أحــــــــــــــلامٌ تــــــــحــــتــــــــضـــــــــر}
,

.
,
بالشارع...راكان يمشي وهو يفكر بالقنبله اللي سمعها من ابوه, مو متخيل ياخذ ملاك :مالقيت غيرها يبه, الله يسامحك,,
{رن جواله...سيف يتصل بك}هلا سيف
سيف بالجوال:اهلين راكان,وينك يابعدي
راكان :بهالشوارع!
سيف:أفاا ياذالعلم بالشوارع هالحزه وليش
راكان وهو حاس نفسه مخنوق:سـيـف شكلي بسوي مثل ماقلت وبسافر دون علم اهلي, واللي يصير يصير..
سيف:أيــه احسم امورك يارجال ذبحت نفسك بالتفكير,عالبركه متى بتسافر

راكان: بعد اقل من شهر.
سيف:زيــن الله يوفقك.,يله مع السلامه اخليك بهالشارع ياقطوونتقابل بكره
راكان:اوكيه مع السلامه...( هذا أحسن حل,,مستحيل اتزوج ملاك,هذي هلاك,أنا ماني بزر,يزوجوني على كيفهم,)..
{كمل طريقه للبيت,وهو بين افكـاره}
,
{أحــــــــــــلامٌ تــــــــحــــتـــــضــــر}
*


,
{أحــــــــلامٌ تــــحـــتــــضــــر}

خلال يوم واحد انتشر خبر خطبت راكان لملاك.......
,,,,

ميس:ههههههههااي
ملاك تناظرها بحقد:ضحكتي بلا اسنان ان شاء الله
ميس سكرت فمها بنعومه:يــااااي بسم الله على اسناني,هههههه شفيك معبسه كذا*
ملاك جالسه قبالتها وتهز رجليها بتوتر ومعها علبة بيبسي باارد تبرد على قلبها, وهي عاقده حواجبها: من حرتي,ومن ضيقي,طفشاااانه
ميس ببتسامه ساحره:يبنت الحلال افرديها,دنياك ياملاك ماتستاهل الضيقه كل هذا خوف من راكان ههههههه
ملاك شربة جرعة بيبسي وعطتها نظره:يخسى اخاف منه,,انتي مانتي حاسه فيني ,مع انك تدرين اني اكره شيء اسمه راكان قصدي بركان ,مااااحبه اكررهه ماتفهمين
ميس:هههه بركان!أفهم بس اللي ابي اعرفه انتي يومنك رافضته تحبين احد غيره؟ قصدي ببالك واحد محدد..
ملاك بدون نفس:!!لاااحب غيره ولا احب احد انا مابي اتزوج

ميس:طيب مدامك تبين الدراسه برا,تزوجيه ومشي أمورك بمعرفتك,يالطفله,,منتي قادره تنسين اللي صار وانتوا صغار
ملاك:لاااوالله أنــــا أتزوج هــذا البركان,بعد هذا اللي ناقص يعععع
ميس قامت :بكيـــفك مستقبلك وانتي حره فيه,أنا نازله لأمي تحت تشاو...
ملاك قامت من كرسيها ورمت علبة البيبسي بالسله اللي جنبها وهي معصبه, راحت للمرايه وحاست شعرها بيدها وهي تطالع نفسها بالمرايه,وصرخت...........
,,,,


,
{أحــــــــــــــــــلام تـــــــحـــــتــضــــــــر}
,





بيت*بوراكان:
....:هههههههههههههههههههه
ريم:ههههه بذمتك يارنيم
رنيم:قسم بالله منتي مصدقه هذي امي جات اسأليها
ام راكان:شبلاكم, صوت ضحككم لآخر البيت
ريم:صدق يمه انتوا خاطبين ملاك لراكان
ام راكان:إيه وش فيك
ريم:لاااا مو مصدقه هالخبريه ههه رنيم,معقوله *ملاك وراكان ههههه

ام راكان:وليه مو معقوله,
رنيم:ولا شيء يمه ههههههههه
دخل راكان وراح يبي يطلع لغرفته وباين مسرح
ريم:شفيك راكان شايفنا كراسي قدامك ماتسلم علينا
رنيم وهي فيها ضحكه:اللي مااااخذ عقلك يتهناا به
راكان عرف قصدها عقد حواجبه وخزها:ما أحد ماخذ عقلي ابشرك,*
ام راكان:وينك يا ولدي اليوم ماشفناك ابد
راكان والطفش يعلو وجهه:كنت مع خوياي....{تركهم ومشى لغرفته}
ام راكان: شفيه الولد
ريم+رنيم:مـاااانـدري!!
*,,,
.
,
.
,
.
.,
بالفندق:
سما ولمى,جالسين يسولفون ويضحكون على ملاك لأنهم يدرون بكرهها الطفولي لراكان,بس ماعندهم خبر انها تكرهه للحين..........
العنود:بناات انتوا إيش تضحكون عليه ضحكوني معكم الله يخليكم
لمى:هههههه على ملاك وراكان,بتتذكري لمن كان يضربها واحنا صغار
العنود:هههه ايه بس اللحين الوضع تغير هم كبروا
سما:هههههه ولو كل مااتخيلهم مع بعض اقول راح تصير مضارب
لمى:ههههههههههه
العنود :وش دراكم يمكن العكس
سما:ماااظن هههههههههه
((((((
.
.
.

. (
ملاك بغرفتها من وقت ما قال لها ابوها على موضوع راكان, معتكفه بغرفتها و عايشه عالسوائل...{صوت طرق باب}ميـــــــــن؟
ام محمد:انا امك ياملاك افتحي
ملاك مسحت دموعها وقامت تفتح:هلا يمه
ام محمد:يوه شفيك ذبلتي خلال يومين يابنتي
ملاك..........
ام محمد:لا حووول,,,تعالي نجلس هنا وقولي كل اللي بخاطرك لأمك,ولاتخبين شيء
ملاك طاحت على صدر امها وهي تبكي...
ام محمد :خلاااص وانا امك افتحي قلبك وقولي كل اللي بخاطرك واوعدك اساعدك.
ملاك ...........
ام محمد:شوفي ياقلبي إذا زواجك من راكان بيسوي بك كذا,خلاص بلاه وبلا الدراسه بكبرها مانبيها إذا بتذبحك,انتي وانا امك اهدي وانا بقول لأبوك انك مانتي موافقه على راكان وانك هونتي عن الدراسه بالخارج.
ملاك أخيراً نطقت:لا يمه انا ابي ادرس برا,بس مابي راكان مابيه
ام محمد:مافيه غير راكان هذا قرار ابوك وعمانك.
ملاك تمسح دموعها:يمممه شوفي لك صرفه,أنا الزواج بكبره مابيه مو بس راكان*
ام محمد:والله يابنتي مابيدي شيء وأسويه,أنتي عقلك براسك وتعرفين مصلحتك زين,والمره مننا ياملاك إذا ماتبي شيء ماتسويه لو بالغصب, وهالكلام حطيه حلقه بإذنك مافيه شيء بالغصب,واللي تبينه اخذيه,وانتي افهميها....,انتي افهميها....,يله انا بنزل تحت وعلى فكره ابوك يبي جوابك الأخير هالليله...
{قامت وطلعت وسكرت الباب}
ملاك,جلست تفكر بكلام امها,وهالجمله ترن بأذنها"مافيه شيء بالغصب,واللي تبينه اخذيه".....
.
,
.
((
,
{أحـــلام تــحــتـــضــر}
,


بالفندق......:
سما استغلت نزول لمى والعنود للسوق ومسكت الجوال ودقت على نايف,:.....
نايف بالجوال:هلا يالمتصل ياهلابك عدد دقات قلبي في غيابك
سما تشققت,وبنعومتها المعهوده:اهليــن نااآيف
نايف:لبى هالصوت,كيفك يا سما
سما بدلع:تماام,أنتا كيفك..يادب اسبوع ما أسمع صوتك ياظالم
نايف:والله ودي بس الظروف ما سمحت والأسبوع اللي فات كنت مشغول اختبارات
سما:ممم وكيف الإختبارات معاك
نايف:مااشي الحال..المهم يالغلا ابي أشوووفك طاير مشتــااق انتي فاضيه اجيك
سما بدلع:آآسفه ما أقدر أستقبلك
نايف بإحباط:ليـــه؟
سما:كــذا كفايه سهرتنا الشهر اللي راح 4 ساعات ونص ياحلو ماكفتك,

نايف:اللـــه الشهر اللي راح,من زمااان..بعدين لاتصيرين ظالمه,انا ابي منك ساعه وبس
سما:ولا ربع ساعه ولا عشر دقايق,ولا شيء
نايف:سمااا..ارجووووك
سما:نايف غير الموضوع لأقفل الخط
نايف:صدق بتسوينها
سما بدلع:هههههه*
نايف:فديـــــــت هالضحكه ياربـــي,سما أنا عندي لك مفاجأه
سما :إيش هيه
نايف:لا إذا بقولها ماتصير مفاجأه..يله اللحين مع السلامه قلبو
سما:أوكيه مع السلامه...
{سكرت الجوال وهي بقمة سعادتها,,وقفت عند شرفة الغرفه وتناظر باللي رايح واللي جاي...}ياترى إيش مفاجأت نايف....
{صوت طرقات باب السويت}
سما خافت:من هذا ياربــي ماما وبابا مو هنا ولمو ونودي توهم رايحين للسوق.. أتصل بالسكيورتي وإلا وش اسوي
{راحت للعين الساحره وتفاجأت}...........نــايف!!

نايف من وراء الباب:سماا افتحي بسرررعه منظري وانا واقف كذا مو حلو
سما خافت تفتح له:نايف حبيبي مايصير افتح لك,انا لحالي بالسويت
نايف(عزالطلب):طيب سما أنا ماراح اكلك بس بشوفك, يله افتحي حياتي
سما بعد تردد,قررت تفتح وما انتبهت للبسها:.خير نايف بسرعه.........
نايف وقف متسمر,من لبسها,قميص نوم قطني كت لنص الساق: خير نايف!..فيه وحده تستقبل حبيبها بهالكلام, هذا بدال الأحضان*
سما انتبهت للبسها استحت:نايف بليز اطلع اللحين
نايف سكر الباب,وقرب لها:لسى ما شبعت منك مامداني.
سما ابعدت عنه وهي ساكته,وتبلع ريقها,خايفه لاتغلط معاه,وهي ماتقدر تمنعه.. نفسها تنازعها..بين رغباتها وحدودها...
نايف قرب لها ومسكها بيديها الصغيرتين,وهمس:الله شقد ناعمين{قرب وباسها}
سما بردت اطرافها,وقربت تبكي:نايف حبيبي حراام اللي نسويه حرام,بلييز اطلع وريحني,
نايف فك يدينها وهو معصب:أوكيه,انا طالع بس لا عاد تكلميني وانسي شيء اسمه نايف...*
{طلع وسكر الباب بقوه}
سما قفلت الباب ووجهها مليان دموع وهي حاطه يدها على قلبها وتبعد شعرها عن وجهها وتتنفس بسرعه:ياربي سامحني, ماكنت اقصد, استغفر الله استغفر الله,
.
,
[/COLOR]
ًالجوهره غير متصل   الرد باقتباس
قديم(ـة) 26-06-12, 01:20 AM   #9
|[ عـضـو نـشـيـط ]|

 
صورة ًالجوهره الرمزية
 
الدولة: المملكة العربية السعودية
الافتراضي رد: رواية أحلام تحتضر


{أحـــلام تــحــتـــضـــر}
,
.
.
.
بالسياره...
طلال:راكان شفيك ياخوي شكلك منت خالي
راكان:طلال انا بسألك سؤال..
طلال:تفضل
راكان:انت ليه كنسلت الدراسه بجامعة الملك سعود بالرياض ودرست بجامعة الملك عبدالعزيزفي جده مع انك كنت مصمم تدرس بالرياض
طلال أخذ نفس:ليــه تسأل
راكان:كذا سؤال وطرى علي
طلال: بصراحه انا كان بإمكاني اسوي اللي ابيه خصوصاً ابوي ماعنده مانع بس امي رفضت مع انها ماعصبت بس أنا كنت خايف اني اعصي كلام امي وما أتوفق بدراستي,عشان كذا جلست جنبها في جده واكسب رضاها والحمدلله ماندمت
راكان سرح:............
طلال:راكــــــــــان وين رحت
راكان: معك بس قولي ماعطشت نوقف نشرب شيء
طلال:إلا والله عطشان ,بس هذي شكلها هروب
راكان:هههههههه اوووكيه نمر الكــافي اللحين ونقعد هذيك القعده اللي يحبها قلبك.
{ورفع على صوت اغنيه راشد الماجد نورعيني......}
,
.
ًالجوهره غير متصل   الرد باقتباس
قديم(ـة) 26-06-12, 01:32 AM   #10
|[ عـضـو نـشـيـط ]|

 
صورة ًالجوهره الرمزية
 
الدولة: المملكة العربية السعودية
الافتراضي رد: رواية أحلام تحتضر

[COLOR="rgb(72, 61, 139)"]
{أحـــــلام تـــــحــــتـــضـــــر}
,



بيت مـاجد..........:
بومحمد:ميس وين ملاك ما اشوفها
ميس: بغرفتها
ام محمد:تبكي يابعد قلبي,,
بومحمد رفع صوته:يعني شلوون ماتبي راكان,من تبي اجل
ام محمد:قصر صوتك ماله داعي فضايح,هي ماتبي الزواج اصلاً,
بومحمد:اجل تقعـ...
ملاك قاطعته:لا يبه,أنا موافقه أبي أدرس برا,...... <<< {ماقالت موافقه اتزوج راكان}
بومحمد:إيـــه هذي بنتي العاقله
ملاك,حابسه العبره:اوكيه يبه عجلوا كل شيء ماله داعي تأخير زياده
الكل:!!!!!!!!!!!!!!!!!!!!!!!!
ملاك لفت وجهها ورجعت مسرعه لغرفتها...,
ام محمد حست ان بنتها مغصوبه لأنها قالتلها قبل شوي بصراحه انها ماتبي راكان (عسى الله يكون بعونك يابنتي)
بو محمد ببتسامه عريضه:خلاص ترى الأسبوع الجاااي الملكه زين يا ام محمد
ميس لحقت اختها..
ام محمد:زين ان شاء الله
{أحــــــــــــــــــــــلام تــــــــــحــــتــضــــــر}
ميس عند باب غرفة ملاك:مـــلااااك افتحي الباب
ملاك فتحت الباب وعيونها حمرا من الصياح,ضمت ميس وبكت:...........
ميس:بس ياقلبي والله قطعتي قلبي,
ملاك زاد بكاها,,
,,
.
,
.

الفندق:
لمى والعنود يسولفون باللي شافو بالسوق,أنتبهو لسما اللي ساكته على طرف كرسي بعيد عنهم.....
العنود:سمااا
سما سرحـــــــــــانه:..........
لمى:سمااا
سما:..........
العنود+لمى:سـمـااااااا
سما انتبهت:بسم الله خير ان شاء الله
لمى بنص عين:اللي ماخذ عقلك يتهنى به
سما ابتسمت وجت عندهم: اقوول وروني ايش شريتوا بس
العنود:شووفوا التصريفه هههه
سما:لاجد وروني,هاه بشروا في شيء حلو
لمى:والله يعني مو ذاك الزود
العنود:حنا ما افترينا بالسوق كله بكره ان شاء الله بننزل السوق وبنشتري فساتين لملكة ملاك وراكان
سما!!:ليش حددوها
لمى:إييييه وقالت لنا ميس قبل شوي ان الملكه نهاية الإسبوع والزواج مره قريب.
سما: (آآه عقبالي انا ونايف,ويصير كل شيء بيننا حلال)

((((
,
.
,
.
,
{أحـــــــــــلامٌ تـــحــتـــضــــر}

بغرفته طلع شنطة السفر وصار يحط ملابسه بدون تفكير,خلص وأخذ جواز سفره واوراقه المهمه,وقف شوي يفكر,حس راسه بينفجر وتفكيره مشوش,طلع قبل لايغير رأيه,نزل مع الدرج والشنطه بيده,
أمه كانت جالسه بالصاله,شافته وقامت:راكـــااان!
راكان ارتبك لمن شاف امه:هـ..هلا يمه,
ام راكان شافت الشنطه وشكله:وين رايح ياولدي


راكان بعد تردد:..أ..أنا مسافر للدمام,
ام راكان:مسافر للدمام ماخذ هالشنطه بكبرها ليش مطول وش عندك هناك
راكان:هـاه..لا أنا رايح رحله مع الشباب أيام وراجع يمه
ام راكان ماتطمنت:أكيد يمه
راكان حب على راسها:أكيد يمه..يله بأمان الله
ام راكان قلبها ماكلها:بمان الكريم ياولدي..
,,,,
.
.
.
.
,
{أحــــــــــــلامٌ تــــــــحــتــــضـــــــر}

جــالس وسرحــان وحـاس بالضيق لعدم اخباره أحد باللي بقلبه,عايش بحيره,ما يدري يفاتح اهله بطلبه او يستنى لين يتوظف والدنيا ماهي بطايره....,
فراس:طــــــلاااال هــيــــــه طـــلاااال
طلال انتبه اخيراً:هـلا
فراس:هههه اهلين وينك سرحان يا خوي لي ساعه اتكلم عالفاضي,
طلال:أسف ماكنت منتبه,
فراس:وشو اللي أسف,طلال انت وش فيك بالضبط منت عاجبني,قول فضفض لأخوك, وارتاح
طلال,لقاها فرصه له,عشان يقول اللي بخاطره,بس(موأنا اللي يدري الناس بسري حتى لو أخوي,بصبر ليـن الله يفرجها,ماعاد باقي إلا القليل,واتخرج,واتوظف مثل ما وعدني أبوي وبعدها أتقدم وأخطب ميس...)
فراس:لاحووول رجع يسرح مره ثانيه.
طلال:هههههه لاتحط بال انت ,المهم شرايك نروح لراكان
فراس:يله عالأقل بلقى واحد يعبرني احسن منك...
,,,
.

{أحـــلام تـــحــتــــضــــر}

واقف عند الريسبشن,قرر يتصل على سيف:ألوه السلام عليكم
سيف بالجوال:هلا وعليكم السلام, ويــنك راكان اتصل فيك من ساعه
راكان وهو حاس انه مخنوق:سيف أنا بفندق ماريوت أبيك تجيني اللحين زين
سيف:زين زين بس لاتعصب هدي أعصابك,أنت ليش رايح الفندق
راكان بعصبيه:ســــيــــف تعـــال وبس...{سكر الخط بوجهه}
{بعد ربع ساعه}
سيـــف:اللـحــين متصل فيني ومعصب وعلبالي عندك شيء مهم فالنهايه تقولي هالكلام.
راكان مسح بيده على وجهه من التوتر:سيف,أنا أحس أني مخنوق ومالي هدف هربت من بيت اهلي وملكتي بعد كم يوم,والسفر باقي عليه شهر,أنا أحس بلخبطه, استأجرت بالفندق هنا ناوي اقعد فيه لين موعد سفري بس متردد خايف
سيف:يابن الحلال,إذا تبي تعيش حياتك ألغي الناس من إعتباراتك,أنسااااهم, فكر بنفسك انت وبمستقبلك,
راكان سكت يفكر,فعلاً سيف معه حق:...............
{رن جوال سيف}اوووه الأهل,يله راكان انا لاااازم امشي اللحين تامرني شيء
راكان:لا لا سلامتك
{طلع سيف}.............
راكان رمى نفسه عالسرير وبدأ يفكر بكلام سيف(فعلاً سيف معه حق إذا بغيت افكر لصالح نفسي لازم الغي كل الإعتبارات,وانسى كل شيء,وابوي راح ينسى مع الأيام.......
.[/COLOR]
ًالجوهره غير متصل   الرد باقتباس
إضافة رد

الإشارات المرجعية

أدوات الموضوع

قوانين المشاركة
لا يمكنك إضافة مواضيع
لا يمكنك إضافة ردود
لا يمكنك إضافة مرفقات
لا يمكنك تعديل مشاركاتك

رمز [IMG] متاح
رموز HTML مغلق
Trackbacks are مغلق
Pingbacks are مغلق
Refbacks are مغلق


مواضيع مشابهة
الموضوع الكاتب المنتدى الردود آخر مشاركة
رواية حنان قلبك يريحني للكاتبة مـ أحلام ـلاك •»تنـآهيد الـولـہ..~ روايات تعب قلبي 14 27-03-11 01:38 PM
روح تحتضر قلبي دنيا غداره منقولات أدبية 5 17-03-10 01:52 AM
رواية وجوه رمادية .. رواية سعودية رائعة .. للكاتب : البدر الضاوي الصقره11 روايات تعب قلبي 18 15-12-09 07:59 AM
غزه تحتضر =( ღ نــــووفــــووه ღ صور - كاريكاتير 28 17-01-09 05:24 AM
رواية ( أحلام ) سندريلا الناعمه روايات تعب قلبي 2 09-12-08 07:29 PM


الساعة الآن +3: 12:27 PM.