المنتديات
اجعلنا صفحة البداية
اضفنا للمفضله
المنتديات
|
#1
06-04-07, 04:23 PM
|
|||||
|
|||||
أضحك من قلبك
قرية اهلها اشتكوا ان الامام يلقي خطب طويلة جدا جدا في الصلاة فاشتكوا الي الاوقاف التي ارسلت لهم اماما جديدا ولكنه كرر نفس المشكلة فاعادوا الشكوى فارسلت لهم الاوقاف شيخا آخر وحذرته من الاطالة وصل الامام الجديد فدخل المسجد وصعد المنبر وحيّا المصلين وسأل : اتعرفون قصة سيدنا يوسف عليه السلام؟ فرد المصلون كلهم: نعم فنظر الامام الى المؤذن وقال: اقم الصلاة ولما فرغ من صلاته استوقف الناس وسألهم: اتعرفون قصة سيدنا موسى عليه السلام؟ فرد المصلون : نعم فقال لهم : ماتجوش الجمعة الجاية ---------------------------------------- شرطي صعيدي في الخدمة لقى قرد في الشارع وداه للضابط المسؤول عنه وقاله : يا باشا انا لقيت قرد أوديه على فين ؟ قال الضابط : على حديقة الحيوانات غاب الشرطي الصعيدي ساعتين ورجع هو والقرد ، الضابط بيسأله ايه الي رجعك ؟ قاله يا باشا وديته على حديقة الحيوانات ، تحب أخده دلوقتي أفسحه في الملاهي؟ ---------------------------------------- واحد اخترع حبوب للحوامل علشان المولود يطلع مؤدب وكل مولود فعلا نزل مؤدب . واحدة اخدت الحبوب وماولدتش في المعاد فراحت للدكتور عملها ولادة قيصرية ، لقى توأم كل واحد بيعزم علي التانى ويقول له اتفضل إنت الأول ---------------------------------------- مره واحد صعيدى حلم انه بيحفر فى بير غويييييط.. صحى لقى ايده فى مناخيره ---------------------------------------- مرة واحد بيشتكي من الديدان اللي ف بطنه... داخ عند كل الدكاترة... محدش عرف يعالجه... اخر حاجة قالوله فيه شيخ بيشفي من كل الامراض... راحله واشتكي له حالته... قال له... مشكلتك بسيطة جدا... تروح عند محل بيبيع بطيخ... وتشتري بطيخة حمرة وكبيرة... تقطع راسها وتقعد عليها... بيقوم رئيس الديدان بينزل ويلحس منها شوية... ف هيلاقيها حلوة... هيقول للديدان... شباب انزلوا... قام رايح صاحبنا واشتري اكبر بطيخة حمرا وقعد عليها... نزل رئيس الديدان ولحس منها شوية ولقاها حلوة... قال لهم... شباب طلعوها -------------------------------------- واحد بيسأل صاحبه هو ايه الفرق بين تجارة الحشيش وتجارة عين شمس ؟ قام صاحبه قاله تجارة عين شمس 4 سنين انما تجارة الحشيش أقلها 25 سنة ------------------------------------- ابو العربى قابل مذيعة قالت له انا سمعت كتير عن بطولاتك فى الحرب... قالها طبعا ابو العربى يسد فى كل مكان فى 48 واليمن و56 و67 و73 والعراق... قالت المذيعه طب هأسألك كام سؤال... لو انت فى الحرب وطلع عليك دبابتين ومعاك قنبلتين هتعمل ايه؟ قالها: هادخل عليهم وأفجرهم طيب لو خمسه؟؟؟؟؟؟ قالها: هادخل عليهم بالسلاح الأبيض طيب لو اربع دبابات... و عشر عساكر... وطيارتين؟ قالها جرى ايه يا وليه هو مفيش حد بيحارب غيرى ولا إيه؟؟؟ ------------------------------------ صعيدي وقفت علي وشه دبانة... بيهشها... قالت له حتي انت يا معفن!!!!! ------------------------------------ مرة صرصار كان ميت علي نفسه م الضحك .. ليه؟ علشان كان بيجري وراه واحد احول... ----------------------------------- مرة واحد رخم ضرسه كان بيوجعه... راح للدكتور وقاله اخلعلي كل ضروسي وسيبه لوحده زي الكلب ----------------------------------- صعيدي اشتري كمبيوتر... شال ال mouse وحط جاموسة ----------------------------------- واحد عنده مزرعة فراخ.. دخل المزرعة لقي كل فرخة بايضة بيضة واحدة بس.. مسك فرخة من رجليها ونتف ريشها وقطعها.. وقال للفراخ اللي مش هتجيب بكرة خمس بيضات هقطعها زي الفرخة دي.. تاني يوم لقي كل الفراخ بايضة خمس بيضات ماعدا فرخة بايضة تلات بيضات بس.. فقاللها ايه ده؟؟ قالت له استر عليا دا انا ديييييييييييك ----------------------------------- واحد صعيدى حصل على الدكتوراة قال لمراته ليش بيقولوا على الصعايدة اغبياء مايعرفوش انى حصلت على الدكتوراة مراته ردت دق على الخشب ليحسدوك فقام ودق على الخشب مراته قالت مين ع الباب راح قالها خليكى جالسة انا ح افتح الباب ----------------------------------- واحد بيقول لمراته تيجي نعمل جمعيه.اديكى كل يوم بوسه واديكى جنيه! قالتله ماشى. جه على اخر الشهر لقى معاها تسعين جنيه.قالها ايه ياوليه انا مشبديكى كل يوم بوسه وجنيه .. قالتله ماتسكت مش ابو هيثم جارنا دخل بنفرين. ---------------------------------- مذيعة تليفزيون قابلت شاب فى الشارع سألته سؤال جاوب إجابة صحيحة، طلبت منه يحب يشوف أيه ، أجاب الشاب بسرعة: أمى الله يرحمها ، ردت المذيعة مستحيل و ترجته انه يطلب طلب آخر ، فكر الشاب ثم قال : أحب أشوف الزمالك وهو بياخد الدورى ... ردت المذيعة بسرعة لأ أجيبلك مامتك أسهل. --------------------------------- بخيل وهو بيموت قعد يسال علي عياله.. فين محمد؟؟ قال محمد نعم يا بابا.. وفين محمود؟ رد محمود وهو بيعيط انا هنا يا بابا.. الاب: ايه ده؟ انتم الاتنين هنا وسايبين نور الصالة قايد --------------------------------- واحد ومراته وعياله التلاته كانوا ركبين القطر وبعدين طلع عليهم حرامي فقال للراجل "طلع الفلوس الي معاك" فقلهم مش معايا فلوس وضحك وبعدين الحرامي قلوا"حتطلع الفلوس ولا نرمي عيالك من القطر" قالهم مش مطلع قام الحرامي رامي عيالوا وقال "حتطلع الفلوس ولا نرمي مراتك" قالهم مش مطلع وقعد يضحك قام الحرامي رامي مراتوا من القطر وقالوا يا راجل رمينا عيالك ومراتك وبرضوا بتضحك قام قالهم منا عارف انتوا الكاميرا الخفيه"" ------------------------------- واحد بخيل ضرب عياله.. ليــه ..؟ لقاهم مشغلين المروحة على ثلاثة وهم اثنيين ------------------------------- مره كان في اتنين مساطيل قاعدين بيحششوا فواحد بيقول للتاني انا شايفك اتنين فالتاني بيقولوا لا انا الي شايفك تلاته فقالوا الاول لا انا الي شايفك اتنين المهم قالوا خلاص احنا نروح لشيخ المساطيل فقال خلاص نروح لشيخ المساطيل فراحوا وعرضوا عليه المشكله. فقالهم خلاص اصحاب المشكله يقعدوا على جنب والباقي ده كولوا يروح ------------------------------ مسطول سأل واحدة اسمك ايه؟ قالت : أسماء. فقال: يعني ما فيش اسم محدد ------------------------------ مرة واحد كان واقف فى الشارع مستنى الاتوبيس فجاله واحد تانى قاله والنبى يا عم ماعندكش جنيه سلف قاله بص يا ابنى عارف الميدان اللى هناك ده انت تروح هناك و تعد من على ايدك اليمين سيب اول شارع,تانى شارع,تالت شارع,رابع شارع و خش فى الخامس.سيب اول عمارة,تانى عمارة,تالت عمارة و رابع عمارة و خش فى الخامسة.اطلع اول دور ,تانى دور,تالت دور,رابع دور و بعدين لما توصل خامس دور هتلاقى سبع شقق سيب اول شقة,تانى شقة,تالت شقة,رابع شقةو بالمفتاح اللى انا مديهولك ده افتح باب خامس شقة. اول ما تدخل هتلاقى قدامك ست غرف سيب اول غرفة ,تانى غرفة, تالت غرفة, رابع غرفة ادخل الخامسة هتلاقى دولاب افتحه سيب اول رف,تانى رف,تالت رف,رابع رف و خامس رف مد ايدك هتلاقى مصحف هاته احلفلك عليه ما فيش فى جيبى و لا مليم .... ------------------------------ طفل بيسأل والده : أنا جيت أزاى؟ فقال له جبنا كوب ماء وسكر ووضعناه تحت السرير ثم صحينا من النوم لقيناك فعل الطفل كما قال والده وعندما نظر فى الكوب وجد صرصار فقال له لو ماكنتش أبنى كنت فعصتك ------------------------------ مفتش دخل فصل وسأل مين قتل كليبر أول تلميذ خاف وقال مش أنا ياأستاذ التاني قال والله ماأعرف حاجه وهكذا كل الفصل خرج المفتش متضايق خرج المدرس وراه وقاله ياسيادة المفتش انت متأكد ان اللي قتل كليبر في الفصل ده ------------------------------ مرة أربعة بلدياتنا راحوا فرح الأول:- نقط بخمسة جنيه و ضرب طلقة رصاص، الثانى:- نقط بعشرة جنيه و ضرب طلقتين، الثالث:- نقط بخمستاشر جنيه و ضرب 3 طلقات، أبوهم الراجل الكبير بقى عايز يعمل منظر راح منقط بـ ميت جنيه و رمي قنبلة!!! ------------------------------ واحد بلدياتنا جوز بنته تاني يوم لاقاها قاتله العريس قال لها عملتي كده ليه يابنتي؟ قالت له الشرف غالي يا بوي ------------------------------ مرة واحد موظف ماشي الصبح رايح شغلة وهو ماشي شاف جماعة بلدياتنا واقفين فوق كوبري قصر النيل مهيصين و بيسقفو و بيصفروا ويرقصوا ويهللوا وينادوا هاريدي هاريدي وبس تاني يوم شاف الموظف نفس الحكاية، ثالث يوم شاف نفس الحكاية فراح يسأل حد من الجماعة ونبي يا بلادينا شايفكوا بتسقافوا ومهياصين على الأخر هو في أية؟ قالوا أحسن غطاس عنديكم بيجعد جد اية تحت المية قالوا ثلاث دقائق قالوا هريدي ولد عمي !!!! بجالوا تلات تيام في المية ومطلعش!!! ----------------------------- مرة كان في واحد بلدياتنا ابنه تعب وداه للدكتور وبعدين خرج الدكتور وقاله ابنك مات، فقال ابنه: بابا انا عايش ما موتش، رد عليه بلدياتنا: اسكت انت يعنى هتفهم اكتر من الدكتور ---------------------------- واحد معدي لقى ناس بتهيص قوي قالولهم فية ايه قالوله فى واحد بلدياتناعايز ينط من سطح العمارة قالهم خلاص انا طالعلة وطلعلة وقاله عايز تنتحر لية بلدياتنا قاله اصل انا غبي وكل الناس بتقول علي غبي راح الراجل قايله هاقولك فزوره لو حلتها ماتبقاش غبي حاجة اسمها زى شكلها بلدياتنا : ماخبرش الراجل:البيضة اقولك واحدة تانية حاجتين اسمهم زي شكلهم بلدياتنا :ماخبرش الراجل: بيضتين اقولك واحدة تانية بسيطه و سهله حاجة كبيرة وسودة وبتجيب لبن واسمها جاموسة بلدياتنا 3 بيضات راح الراجل ماسكه وراميه ---------------------------- مرة الجماعة بلدياتناعملوا اجتماع يناقشوا فيه تأخرهم العلمي. فقام واحد بيقول : أمريكا طلعت القمر قبلنا واحنا قاعدين قام رد عليه واحد: خلاص احنا لازم نطلع الشمس. فقالوا: احنا كدة هنسيح رد عليه: يا غبي احنا هانطلعها بالليل. ---------------------------- واحد بلدياتنا بيلف علي اكشاك السجاير يقول للبياع بتعرف تتكلم انجليزي يقوله البياع لا يروح لغيره ويكون نفس السؤال ونفس الاجابة لغاية اما وصل للكشك الاخير قاله بتعرف تتكلم انجليزي قاله ايوا قاله كويس قوي اديني علبة مارلبورو --------------------------- واحد أشترى عربية بالكمبيوتر فلما عدى التسعين قال الكمبيوتر "بعد التسعين تعمل حادثة..احذر. "ففرح الراجل وفضل يزود فى السرعة والكمبيوتر يحذره لغايه ما وصل إلى 180. كيلو فصاح الكمبيوتر"يخرب بيتك نزلني هنا" ------------------------- صعايده وفلاحين بيحششوا بوكس الامن المركزي كبس عليهم الفلاحين استخبوا في الغيط والصعايده استخبوا في البوكس ------------------------- استضافو ابو العربى فى برنامج من سيربح المليون فسأله جورج سؤال المليون و كان السؤال الحج فريضة ام سنة فاندهش ابو العربى و قاله هاستعين بصديق ابن عمى غريب فى بورسعيد فقاله السؤال قاله اللى سالك السؤال ده مش فاهم حاجة فسأله ابو العربى ليه قاله لأن الحج اما قرعة ياما سياحى ------------------------- واحد مسطول بيسأل واحد مسطول ثاني: اسم دولة أوروبية لو حطيت على أخر حرف فيها نقطة تصير اسم عالم ذرة أم التاني قله أنا غلب حماري آم الأول قله: الدولة هي قطر ولما تحط نقطة حتصير قطز أم التاني قاله هو قطز عالم ذرة؟؟؟؟؟ فرد عليه الأول يعني هي قطر دولة أوروبية؟؟؟؟ -------------------------
|
|
#3
06-04-07, 10:03 PM
|
|||||
|
|||||
رد : أضحك من قلبك
تسلم اخوي ع النكت
والله يعطيك الصحة والعافية همس.المشاعر
|
|
#4
06-04-07, 10:06 PM
|
|||||
|
|||||
|
رد : أضحك من قلبك
هههههههههههههههههههههههههههههههههههههههههههههههههه هههههههههههههه الله يهنيك سطحتني من لزحك موفق ومشكور
مع أرق التحايا وأطيب الأمنيات أختك ريوفه الملقوفه
|
|
#5
07-04-07, 02:18 AM
|
|||||
|
|||||
|
رد : أضحك من قلبك
شكرا جزيلا على الردود الجميلة من أجمل الأعضاء
وأن شاء الله أنتظروا الجديد
|
النمط المتتابع
