وش يسوون الطلاب والطالبات اذا رن جرس الفسحه؟؟

[الحلوه ام كشه]

تبون تعرفون وش يسوون البنات والشباب اذا رن جرس الفسحه ...

اولاً البنات :

اول ما يرن جرس الفسحة

- تشوف شلة بنات داخلين الحمام .. اللي تعدل شعرها والثانية تعدل كحلها وكل وحدة منهم تسولف عن اللي سوتا في اخوها الصغير امس ..


- كل وحده تمشي وفمخباها كافي ( شكولاته ) واذا عطيتها شبس تقولك : سوري .. انا مسوية ريجيم .. ( الله واكبر ) .. اول ماترد البيت على طول تتصل تليفون للدكان اللي على الشارع ..


- والبنات الاذكياء اول مايرن الجرس تشوفها داخلة غرفة المدرسات تبي المدرسه تشرح لها الدرس اللي كانت غايبه فيه.


- وبعض البنات اتشوفهم منخشين ورا السلم يحلون واجب الرياضيات اللي ماحلوه في البيت ..


- اما الاهم .. تشوف بعض البنات يستأذنون من الحصة قبل الفسحه بثلاث دقايق ويركظون الكافتيريا –يحجزون لهم مكان – واول مايرن الجرس الاكل كله مخلص مافيه الاعصير يتهاوشون البنات عليه واخرتها يطلع منتهي ......


خلصنا من البنات


*******************************

وانروح انشوف شيسووون الشباب في الفسحة ..



- تلقى واحد منهم نايم طول الحصة واول مايرن الجرس يدعي على اليوم اللي دش فيه المدرسة ( لان حلمه انقطع بسببهم )


- واثنين من الصبيان ينطرون متى يروح المدير اللي صار له واقف ساعة جدام الصف واول مايتحرك خطوتين يشلون شلايلهم وينطون من الطوفة ويشردون من المدرسة ويمرون على كم دكان في طريجهم وبعد نص ساعة يرجعون المدرسة ..



- وشلة تروح ورا المدرسة ويجلسون يدخنون لين ما يقولون بس وما امداهم يشفطونها الا واحد رايح يفتن عند المدير وما يحسون الا المدير يتصل تليفون حق ابائهم وفاصلهم ..



- اما واحد تشوفه فارش غترته على الارض ويكمل رقاده ( لان طول الليل مارقد يشوف فلم ويلعب سوني او جاي من العديد )



^^ اذا فيه شي مو مذكور اتمنى تذكرونـــه وتسلمون على المرور ^^

[هًمسٍ الًمشاعٍر]

-تسلمين على الموضووع يا الغلاا

والله يعطيج الصحة والعافية

همس.المشاعر

[الحلوه ام كشه]

شكرا حياتي همس المشاعر على مرورك والله لا يحرمنا من طلتك الحلوه

[قلب دافئ]

ههههههههههه

موضوع حلو وجميل

بس لو كان هالموضوع في قسم النكت والضحك راح يكون احلى

لاني ماني شايف اي صورة في الموضوع وهذا خاص بقسم الصور

يعطيك الف عافية اختي الحلوة ام كشة

تقبلي مروري

[الحلوه ام كشه]

شكرا قلب دافئ على مشاركتك ولا يهمك المره الجاي بحطه هونيك