بحث مخصص
|
| | |
| | |
|
| ||||||
| |||||||
| الملاحظات |
| ||||
 |
| | أدوات الموضوع | انواع عرض الموضوع |
|
#1
03-17-2007, 08:19 PM
| |||||||||
| |||||||||
 تعال شوف يوميات فراشه دلوعه(ريوفه الملقوفه) بسم الله الرحمن الرحيم السلام عليكم ورحمة الله وبركاته كيييييييفكم وشلوووووووووووونكم اشتقت لكم ولمواضيعكم الحلوة بكتبلكم اليوم قصتي بعض يومياتي المدرسيه >>>>>>>>>>>>حلوه المدرسيه ههههههههه البدايه بحكمه مدرسيه خارجه عن السيطره حكمت محشش؟ العلم نور, ونور كهرباء,والكهرباء خطره فلماذا نتعلم ؟ حكمت ؟ .................................................. ....... والله وحنا بحصة الرياضيات وجالسين مسرحين وكل وحده تطالع بساعتها متى يدق الجرس   و نفتك من الحصه والمدرسه وتنقطع الكهربا وتسمه صياح البنات وهم ما صدقو خبر لقو شي يشغلون المدرسه فيه طبعا إكتشفنا إن المديره قاطعه الكهربا عن الدورنا فقط عقاب لنا بسسبب المضاربه إلي سارت بذا الدور حنا متنا قهرملاحظه هذا الفصل مو مهم  .................................................. . والمهم بعد ذي الحصه كان المدرسه إلي علينا غايبه إحتياط وأقوم أجهز شلتي وأقول بنات متنا من الحر والله ما لنا غير نسوي مظاهره نرجع فيها حقنا :وأقوم أسوي أبو العريف  وأطلع على الطاوله حقتي وأصيح بأعلى صوتي ((((لا تكيف لا أضواء أعيدو لنا الكهرباء)))) والبنات ورايه حتى إلي على الصامت ويرتفع الصوت ليوصل للحارس تحت وتطلع المديره وأنا ما زلت أحرض البنات على المديره وفجأه يسكتون البنات وأنا أرفع صوتي وأقولهم وشفيكم ساكتين وصاحبتي تأشرلي على الباب وألتفت وأشوف الإداره كلها ورايه قلت بنفسي مافيه غيرإني أطالب بحقي وأنزل من على الطاوله وأقول مديرتنا الفاضله الوكيله المحترمه (لاقطتها من الإذاعه بالمدرسه) الله يرحم والدينكم إرحمونا ورجعو الكهربا وتعطيني المديرة نظرات من عيار سبعه بوصه وأتهزء من الوكيله طبعا معاها عكازتها وخايفه تعطيني علقه وتقول المدير ما فيه كهربه وإنت لك عقاب ثاني تعالي لي الإداره وأروح وأكتبلها تعهد(وتستأذن المديره و الوكيله تروح عند ثالث).................................................. ....... وأرجع الفصل وأشوف الدور مظلم وأقول ما أكتب تعهد على الفاضي وأخرج من الفصل ومعي كرسي وأرجع الكهربا للدور كله وترجع الإبتسامه لفصلي الجميل ويرجع النور بحضوري والبنات من الفرحه قامو يدقون ويغنون وأنا أقوم وأدق وأغني بأعلى صوتي وأخرج من الثانيه بسلام  .................................................. ... أما ذي القصه حصلت لي وأنا في ثالث متوسط .................................................. .. أسمع إنه وحده من صاحباتي إنخطبت وأقول للشله إشرايكم اليوم عندنا 4حصص إحتياط نبي بوحده من ذي الحصص نسوي فها زواج لصاحبتنا طبعا وافقوا ما فيه حدا يقدر يرفض ونروح الفصل قبل البنات وندخل ونقسم أنفسنا لثلاث مجموعات وأنا (وأعوذ بالله من كلمت أنا) المشرفه على المجموعات كلها المجموعه الأولى مجموعة الكوافير والمجموعه الثانيه مجموعة القهوجيات( طبعا مافيه قهوة عربيه فصحى) دبرنا أنفسنا وجبنا كفشتينو (كفي شوب )هههههههههههه من المقصف والثالثه دقاقات أوطقاقات طبعا ذي االفرقه فرق طرب  ........................................... وأقوم أنا أسوي الكوشه ونحط خمس كراسي فوق بعض ونجيب أربع طاولات وحط كل طاولتين على بعض ونجمع أحزمت البنات ونربط الأحزمه بين الطاولات ونعلق الأقلام على الأحزمه ونخلص من الكوشه ............................................. ونروح للكوافير ونجمع الشباصات من روس البنات كلهم عشان نسوي التسريحه ونجيب أدوات التجميل من البنات الدلوعات أكيد تتسألون وشهي أدوات التجميل؟ هي عباره عن كحل و مرطب أو روج وعدسات وبعض العطور نكمل القصة ونجيب العروسه وندخلها عند المرايه وتقوم مجموعة لكوافير( بتزبيط) العروسه ويخلونها مثل القمر وأروح للقهوجيات ونجيب 19 كاسه علبه على عدد البنات ونرجع الفصل ونكتب للعروسه زفه ولا أحلى ونقوم نجيب الدقاقات أو الطقاقات وندور لحن للزفه ونلقاه وندرب باقي المجموعه عليه وندخل المعازيم وأحلى معازيم هما الدقاقات أو الطقاقات والكوافير والقهوجيات عددهم 19 وأنا العشرين وأتذكر إني ما إشتريت لي عصير وأرجع المعازيم ورا(للخلف) وأقول حدث خلل فني شوي وتعالو وأرسل وحده من الشله تشتري 5 عصير يمكن ننسي أحد أو يطب أحد علينا وتروح طيران وترجع طيران ونقوم ندخلهم (المعازيم )ويوم إكتمل العدد وأقول لفرقة طرب يالله أعلونو بدء الزواج وتبدأ البنت بكلمة ألوألو تسمعوني الصوت واضح والبنات يضحكون وأروح وأقولها ترى الخمس ألاف ما بتجيك (طبعا خمس ألاف هلله)ههههههه وتقوم تغني وبعد أغنيتين وأقولها العروسه بتطله ونسمع ألف الصلات والسلام عليك ياحبيب الله محمد وأضربها وأقول بتطلع مو طلعت وي ما تسمعين قالت أسفه وأرسل وحده من القهوجيات تطفي االنور وتقول لخويتنا تبدأ وتبدأ صاحبتنا عساها العافيه وتدخل العروسه ومن جمالها تقول للقمر قوم وأجلس مكانك كنها القمر وأقول للبنات أذكرو الله لا تصيبون البنيه بعين يذكرون الله ونولع النور يوم دخلت طبعا شخطت لها بكم خطوه بس عادي نمشي مستعجلين ورانا واجبات ما إنحلت ودفاتر ما تكملت وتجلس على الكوشه وتكمل خويتنا الزفه وتجي وحده من حراس لأمن الدوريات (المديره) جااااااااااااااااااااااااااات ونقوم نشيل الحوسه ذي كلها وكل وحده تمسك حاجه ترجعا مكانها والكوافيرات يقطعون شعر العروسه يخرجون الشباصات من شعرها ووحده تمسح المكياج وبيفتحون علبة عصير ويمسحون الوجه السموح (وجه العروس) ووتجي المديره وإحنا ننظف الفصل وتقول ما شاء الله تنظفون الفصل ويقوم المتحدث الرسمي بالفصل (أكيد مما لا شك فيه إنها أنا) إيه ننظف الفصل عشان ما حد يدخل ويقول فصلكم وسخ وتروح وتقفل الباب وراها وألتفت أدور على العروسه أدور وأدور ألقها ضعيفه تحت الكوشه متخبيه تعرفون ليش؟ إنقلبت من قمر لجنيه وهي تصيح (قطعتم شعري )وتولول علينا البنت وأنا أقولهم عين ما صلت على النبي وتخرج(من الفصل) وحده من بنات (حراس) الأمن وتقول المديره طلعت الإداره ونودي العروسه للحمامات نمسح المكياج ونمشط شعرها ونرجعها مثل القمر وإحنا ميتين ضحك وتبنا من ذي الزواجات بس هذا الزواج كشف مواهب البنات فيه بنات أصواتهم حلوه مره وبنات كوافيرات والله عملو تسريحه ولا أجمل ولا أروع و إكتشفت إني مهندسة ديكور فكرة الكوشه من عندي تذكرو كل شي من خامات الطبيعه وعرفت إن أي شي يسير بكل سهوله لو تعاونا شوفو دخلت المديره من دون ما تعرف حنا وش كنا نسوي رجعنا الفصل مثل ما كان وأحسن كله لأن كل وحده رجعة الحاجه إلي جابتها بس العروسه جاتها أزمه نفسيه وإكتشفنا إنا فاهمين الموضوع غلط ما إنخطبت البنت وحده بالثانوي إسمها سويره أنخطبت وحنا نحسبها صاحبتنا ههههههههههههههههههههههههه بس خلاص تعلمنا إنا ما نسوي شي من دون ما نتأكد منه .................................................. ............ ذا الموقف مكن سخيف لكن عادي بقوله مره في حصة الرياضيات في أولى ثانوي وحنا جالسين ومنتبهين (متنحين ماحدا فاهم)  ونسمع صرخه مدويه من ورا(الخلف) وألتفت وأشوف شي يطير فوق روسنا والبنات يصرخون وأنا أقول فار طائر ويطلع عصفور دخل من النافذة وتخبط بالجدران من جدر لي جدر وداخ ضعيف وخرج من الفصل وهو يقول لا وفق الله الساعه إلي دخلتني على دولا الهمج (الأخ جداوي).................................................. ........ وذي القصه حصلت بالفسحه وأنا أتمشي بالحوش وأمشي أنا وصاحبتي وأشوف شي يجي ناحيتي ومسرع وأصرخ وأبعد عنه وهو يلحق فيني وأكتشف إنه جراده وأنا عندي عقده نفسيه من أيام الطفوله من الجراد وتجي وحده من البنوتات العربجيات وتمسكها تخوف فيها البنات الدلوعات طبعا متضاربه معي ما بتمزح ذا المزح معي لأني بأسطرها مو قوه لا والله خوف بخاف من الجرادة وأفك حرتي في البنت .................................................. ........ ووته توته ما خلصت يوميا ريوفه الملقوفه إذا ما فهمتم كلمه من إلي كتبته أنظر المعجم أدناه وإذا فيه شي بعد مو مفهوم أكتبه بالرد ......................................... معجم المدرسه على الصامت:يعني ما لهم صوت بالغصب تسمع لهم صوت (ملاحظه) أتمني كل واحد أو وحده تدخل أو يدخل يكتب رأيه بكل صراحه وأسفه طولت عليكم العكازه:المسطره نظرات عيار سبعه بوصه معروفه صح تزبيط :يسو لها مكياج وتسريحه ....................................... تتقبلو تحياتي و لقافتي ومشكورين على المرور مقدما أختكم :ريوفه الملقوفه ................................       |
| تعال شوف يوميات فراشه دلوعه(ريوفه الملقوفه) |
| |
|
#2
03-17-2007, 10:39 PM
| ||||
| ||||
| رد : تعال شوف يوميات فراشه دلوعه(ريوفه الملقوفه)
هههههههههههههههههههههه يومياتك فلللللللللللللللله خاصه العرس اللي مسوينه والله ضحكت عليكم ضحك===>يعنني ماكد صارلي موقف يفشل بس بجد شكلك انتي وزميلاتك فلااااااااااويات شوكراان جزيلين
|
|
#3
03-18-2007, 12:18 AM
| ||||
| ||||
| رد : تعال شوف يوميات فراشه دلوعه(ريوفه الملقوفه) أووووووه تسلمين,,,أصدقاء جنان!! والله يونسك مثل ما ونستي صديقتك المخطوبه,,, يااا هيك الأصدقا يا بلا أخوووك قناااص القلوووب |
|
#4
03-18-2007, 12:32 AM
| |||
| |||
| رد : تعال شوف يوميات فراشه دلوعه(ريوفه الملقوفه)
مشواااااااار اقراها <<وش تبي اجل لكن يسلمووووووو |
|
#5
03-18-2007, 03:37 AM
| ||||
| ||||
| رد : تعال شوف يوميات فراشه دلوعه(ريوفه الملقوفه)
ههههههههههههههههههههههههههههههههههههههههههههه تصيـــــــــــــرين صـــديقتــــــــــي الله فلـــــــــــة |
 | سياسة الخصوصية |  |
العرض العادي
