عـودة للخلف   منتديات تعب قلبي > منتديات تعب قلبي للقصص والروايات > قصص تعب قلبي

إضافة رد
 
أدوات الموضوع
قديم(ـة) 12-03-07, 03:35 AM   #1
|[ عـضـو مـبــدع ]|

 
الدولة:
الافتراضي ريم القطريه


قصة حلوة لا تفوتكم حبايبي

الجزء الأول
الساعة الثامنة الا ربع مساءا بتوقيت الرياض ..يعني السادسة الا ربع بتوقيت لندن وبلاني الله بشايب يسوق التاكسي أقول له ما بقى ألا ربع ساعة على الطيارة وهو كل عشر دقايق يهدي يأخذ أدويته وبعدين يكمل وأنا أحترق المهم وصلنا مطار هيثرو الساعة السادسة ونصف مساءا و أنا توني نازل من التاكسي ...الا أشوف طيارة الخطوط السعودية طايرة في الجو ... ومزعجين العالم الساعة ست الأقلاع بس يعني وش نقول تعودنا ..المهم وأطمر على كاونتر السعودية ويا عيني على الأخلاق والمعاملة والبشاشة ...

أنا : لو سمحت يا أخوي أنا فاتتني الطيارة ما في طيارة ثانية ..

الموظف : وفرحان أنت و خشتك أن الطيارة فاتتك وش أسوي لك يعني .. يعني دبروا لي طيارة ثانية ..ما درينا عنك طال عمرك كان خلينا الطيارة توقف لين ..تجي أنت طال عمرك..

أنا : الله يهديك لو أني ولد فلان وعلان والله أن ما يركب الطيارة أحد قبلي بس خلها على ربك ريحتكم فايحة يكفي أن المطارات الكبيرة صارت تنحش منكم ولا تحطكم بآخر مدرج ..ثانيا طال عمرك يعني الأمر ما يخلى من هنا ولا هنا طيارة أمير ولا طيارة عفش تدحشوني فيها ..

الموظف : يا أخوي أنت ما تفهم توكل على الله خلاص بنمشي بنروح نسهر في الادوار روود اذا عندك شي هناك مكتب للخدمات حاطينه البريطانين يمكن ينفعك .. و تركوني وسكروا النور ...

المهم مشيت ورحت للمكتب و توني بأحط أغراضي ألا تجي بنت وراها عربانتين كلها مليانة شنط غير شنطتين كبار في فيدها وتركض ركض ...وتصطدم فيني وتطمر على المسئول البريطاني ...

البنت : ايسكيوز مي , ماي اير بلاين ليفت مي ..ات وينت تو كاتر ( الطيارة حقتي فاتتني وراحت لقطر )

أنا : أجل فاتتك والله من شافك وشاف قطار العفش وراك عرف أنك ما ذكرتي طيارتك الا قبل ساعة ...

البنت : مو شغلك أنت فاهم ..يالله على هالخليجين نفتك منهم في أوروبا ومضايقاتهم بس ما فيه في المطار اذا قربت الرجعة بدى شرهم يطلع ... اني واي سير تيل مي وات أي كان دو از ثير اني بلاين أي كان جو ثرو ات تو كاتر ...( الله يسلمك مافي طيارة ثانية توديني قطر )

الموظف : اوكيه مس يو كان وايت فايف منت تو سي وات أي كان دو ... وات اباوت يو سير وات دو يو وانت ( اصبري بس نشوف وش نقدر نسوي لك ..وأنت يالأخو وش تبي )

أنا : ذا سيم ماي بلاين ليفت مي اند وينت تو سوديا ارابيا اف ثير اني بلاين فور سوديا ارابيا أي ويل ثانك يو ( وانا بعد طيارتي فاتتني وراحت للسعودية ما تخبر لنا الله يستر عليك طيارة توديني للسعودية )

الموظف : اوه ما ي جود هي بيبول وين يو ويل اندرستاند تو اتيند يور فلايت تايم يور ار جلف بيبول دو ثات ايفري تايم والله هرام اليكم .... ثير از فلايت ويل جو تو كويت افتر تو هورس اند ثير از تو سيت يو كان جو تو كويت ثين جو تو يور كونتري اوثر وزايز يو ويل لوس يور تيكت ( غربلكم الله يالخليجين أنتم كفو طيارات وتجون لندن حدكم الصمّان يا تموتون يا تنقلبون ضفادع ما تعرفون للطيارات مواعيد تحضرونها فيها في طيارة بتروح الكويت بعد ساعتين فيها مقعدين فاضين بأحطكم فيها ومن الكويت دبروا أنفسكم ..)

وبالفعل رحنا لكاونتر الخطوط الكويتية ويعطوننا تذاكر وصعدنا للطيارة و يحطوننا أنا والبنت القطرية في كرسيين جنب بعض ... في درجة الأفق بيني وبينكم البنت حليوة ومواصفاتها قياسية جسمها مو نحيف ولا دبة ممتلي عز الطلب يعين بين قوسين جسم من ماركة أبو تموجات ..وشعرها طويل شوي وبيضا على خمري .. ويقولون الخمر ممنوع في الخليج ....والواحد راجع للرياض يعني وده يضبط نفسه ... و جايب معي فوق 30 جريدة ومجلة ( للي ما يعرف خطة الجرايد والمجلات ..الواحد أذا في رحلة دولية على الأقل يجيب معه 30 جريدة ومجلة علشان لو تجي جنبه بنت أما هي تطلب منه أن تقرا كذا مجلة أو جريدة أو لو على بالها هي ثقيلة تقوم تعرض عليها أنت أذا تبي تقرا ما تستحي منك .وعلى كل جريدة ولا مجلة تحط اسمك ورقمك و ايميلك .. وملحوظة ما ينفع الواحد يأخذ معه جريدتين ولا مجلة .فرضا قالت البنت أبي المجلة الفلانية وش تسوي وقتها تفك خشتك ..وأذا لا سمح الله طلع اللي جنبك رجال ..وطلب منك جرايد قل له مش خشمك ) .. المشكلة شوي والبنت تطلع مجلة مختصه بالرسم وتجلس تمخمخ فيها ساعتها أدركت أن خطة الجرائد والمجلات راحت ملح ..فقمت أفكر بخطة ثانية علشان أسولف مع البنت ..وأحك رأسي وكل شوي صايد لي قملة متوزيه في طعوس القشرة لين لقيت الفكرة ..

أنا : لو سمحتي ما أدري احنا قد تقابلنا من قبل مشبه عليك بصراحة ... هالوجه الحلو ما ينسى بصراحة ..

البنت : الله يسلمك من ذوقك , بس ما أدري والله أنت قد جيت قطر ولا وين تسكن في أي فنادق أذا سافرت ؟

أنا : لا والله ما عمري رحت قطر ..بس مدري أنتي تدخلين شات البال تالك وتفتحين الكاميرا ؟؟

البنت : أقول انطم زين انطم البال تاك لك ولأشكالك أنا موب حقت بال تالك ..و أياني وأياك تكلمني زين ...

أنا : هدي أعصابك بس يعني بنات البال تاك وش فيهم ملح وقبلة ..على العموم أنا بقرا جرايدي أصرف من مقابلك ..

البنت : سو اللي تبي بس لا تسندر رأسي فاهم ( تسندر = تزعج بس بالقطري ) ... يا راعي البال تاك أنت كفو لندن حدك مانيلا ويخب عليك ...

أنا : بشويش لا تطيح هالكشة أنتي اللي عاد كأنك خبله في هالمطار وراك عشرين عربية وألف شنطة شكلك أول مرة تسافرين وآخر مرة ..

البنت : يا بابا لندن من كثر ما جيتها طلعت من خشمي الحمدلله ما علي قاصر يوم في لندن ويوم في باريس ويوم في أمريكا مو زي بعض الناس معشعشين على البال تاك ...ما شافو خير..

أنا : ( وجالس أرن على جرس استدعاء المظيفين ) ..أنا أوريك شغلك وشوي ويجي رئيس المظيفين ..شاب كويتي لطيف ... وأكلمه ..لو سمحت فكوني من هالعلة بدلوها وجيبوا لي واحدة غيرها يمكن تلقون لبنانية سورية أي شي ابرك منها ...

البنت : لا هذا المزعج المغازلجي الصايع راعي البال تاك ..ما بيّه من يوم صعدنا على الطيارة وهو يهذر فوق رأسي

المضيف : الله يهديكم لو سمحتوا هدوا أعصابكم المشكلة ما في أي مقاعد فاضية في الطيارة ولا نقدر نبدلكم مع أحد ناسين أننا مستضيفينكم علشان اتفاقيه بين الخطوط الخليجية ومطار هيثرو من كثر الخليجين اللي يفوتون مواعيد رحلاتهم فياليت تتحملون بعض وتسكتون عن بعض لين نوصل باقي 6 ساعات انشاءالله ونوصل الكويت .

أنا : صاحي أنت تبيني أجلس 6 ساعات جنب هالملسونة أم لسان طويل لو تقول عشر دقايق ما تحملتها هالمرة 6 ساعات يا شيخ اصفطوا الطيارة على جنب ونزلوها ولا أقول لك ما تستاهل من يوقف على جنب علشانها عطوها براشوت وارموها أبرك ...

البنت : وخروه عني أحسن ولا والله أقوم و أزنطه وأتك روحه تك ... أصلا هو من يوم شافني وهو مذيني ( مذيني = مؤذيني بس بالقطري بعد ..مدري وشلون يقولون انهم يحكون عربي )

المضيف : الله يخليكم خلوا الرحلة تكمل على خير ما صارت .. ما عمرها صارت ... شوفوا عاد أنا بروح الآن وقسما بالله أشوف واحد منكم مكلم الثاني أني أحطه ويّا العفش زين ...

وبعد ساعة من السكوت جا وقت العشاء ..وبحكم أنا وهالبنت المزعجة كنا في آخر الصف وعلى ما وصل دورنا ..المهم جت المضيفة وسألتني قبل بحكم أني جالس عند الممر .. واخترت وجبة دجاج وبعدين جا دورها ..

المضيفة : مساء الخير يا مودموزيل ايش تحبين تاخذين على العشاء ؟

البنت : ياليت وجبة دجاج لو سمحتي ؟؟

أنا : يا شين التقليد ..لو طالب عكرة ظب كان بعض الناس قلدوني ... أبوك يالحب من أول نظرة ..

المضيفة : آسفة والله الدجاج خلص وكمان البيف خلص ما بقى ألا الربيان ..

البنت : يوووه المشكلة ما أحب الربيان عندي حساسية .. منه وواجد جوعانة على ما كنت أجهز أغراضي والطريق نسيت أكل .. وبعض الناس بعد ما قصروا لعوزوني ...

المضيفة : أذا مرة جوعانة ممكن أشوف لك وجبة دجاج بس وجبة أطفال يعني شي عن الجوع ...

أنا : ههههههههههههاااااااااااي ملعوبة كبر ..... وتأكل أكل أطفال عسا بس في أخر الوجبة لعبة هدية هذي ما ينفع لها وجبة أطفال ..هذي جيبوا لها أطفال تأكلهم يمكن تشبع ..

البنت : أنت تسكت لا والله أزتك برا الطيارة أنت أصلا ويهك فقر نحس يمشي

أنا : بشويش يا ست الحسن المهم بأكون أحسن منك وبأعطيك وجبة الدجاج حقتي وبأخذ الربيان قطرية وما تأكل ربيان ... شكلك مو قطرية اصليه ..اعترفي من وين .. متى عطوكم الجواز

البنت : مابي منك شي ..ثانيا أنا قطرية أبا عن جد وأهلي ناس معروفين في قطر ..فاهم ..بس الربيان يجيب لي حساسية ..أموت جوع أصرف من أني اخذ منك شي ..

أنا : لا والله خلاص هدنة باقي خمس ساعات مو ممكن نستمر كذا خذي وجبة الدجاج وأنا باخذ وجبة الربيان أصلا أنا مشتهي ربيان بس خفت أنه يكون خلص ..لو سمحتي يا مضيفة عطيني وجبة الربيان ...

وأخذت البنت وجبة الدجاج وأخذت أنا وجبة الريان .. ولما خلصنا الأكل ..

أنا : بالعافية ..انشالله هني محل ما يسري يمري ..

البنت : الله يعافي قلبك ... والله ودي أشكرك على موقفك النبيل وياليت تكون هذي صفحة جديدة بيننا ..

أنا : الله ما أسرع ما توقعت بهالسرعة ...

البنت : شنو وش صار في شي فهمني لو سمحت ؟

أنا : لا بس يقولون البنت اللي تأكل من صحن بعد ولد بعد فترة تصير تحبه وتموت فيه ...

البنت : قول آمين حبتك حية ولدغتك عقربة .. بتمن علي بهالوجبة ..

أنا : صدق أذا أنت أكرمت الكريم ملكته و أذا أكرمت اللئيم تمردا ...هذا الحين جزاي يوم تنازلت لك عن وجبتي ...

البنت : اوووف مو أنا شكرتك شنو تبي أكثر من جذي لا تبط جبدي عاد ...

أنا : بسم الله على جبدك ..كل هذا علشان البال تاك ..كلمة وقلناها ..آسفين ..

البنت : خلاص سامحتك بس فج عني واسكت زين ..خلني اكمل المجلة حقتي ...

المهم وصلنا لمطار الكويت ورحت الكاونتر اسأل عن أقرب رحلة للسعودية قالوا لي بكرة و عطوني تذكرة على الخطوط السعودية للرياض .. و جاني موظف من الخطوط الكويتية يقول لي انهم بيستضيفوني ليلة في فندق السفير هدية من الخطوط الكويتية ..الله يعز الخليج صدق خليجنا واحد وشعبنا واحد .. على ما وصلت الفندق وحطيت راسي و انخمدت ما صحيت ألا ثاني يوم الصبح الساعة 8 الصباح ونزلت أكل فطوري ..لقيت نص طاولات المطعم محجوزة علشان في وفود رسمية ..وما بقى ألا نص الطاولات و توني مالي صحني من هالبوفية المفتوح وسميت بالله أبي أكل الا أشوف الجرسون يجي يمي ..

الجيرسون : لو سمحت يا أستاذ ... بما أنك بروحك على الطاولة ممكن تسمح للآنسة تجلس معك على نفس الطاولة مثل ما أنت شايف كل الطاولات مليانة ...

أنا : ( رفعت رأسي وشفت البنت حقت الطيارة القطريه ) ... ايه حياها الله ما عندي مشكلة

البنت : بس مو تقول لي يقولون البنت اللي تأكل في نفس الطاولة مع ولد بعد فترة تصير تموت فيه ...من الحين

أنا : لا الضرب في الميت حرام ملاحقتني حتى في الفطور ما يبيلها ما بقى ألا تنطين في حظني وتخميني

البنت : ياربييه يا جيرسون وينك ما بي فطور خله بروحه يشبع ...

أنا : لا خلاص اجلسي ما راح أضايقك ..كلي واشبعي وملي عينك مني ..

البنت : وووععع شنو أملي عيني منك من زينك أنت عاد يبه روح طالع بالمراية .. صج مصدق روحك أنتا تدري وشلون هونت ما أبي فطور أنت اشبع بروحك

أنا : لا بس خلاص والله لو أنها طاولة أبوي ..كلها وجبة فطور بعدين بروح للمطار و اتقلع عند أهلي ..

البنت : صدق والله متى رحلتك .. أنا رحلتي الساعة 12 للدوحة على الخطوط القطرية ...

أنا : أنا رحلتي للرياض الساعة 11 شكلنا بنروح مع بعض للمطار ...

البنت : ايه أنا لازم أروح أبكر علشان معي عفش كثير وبادفع قيمة العفش الزائد ... ابتلشت

أنا : أذا تبين مساعدة تراني جاهز صحيح كان بيينا هواش بس ولو يعني في الأخير احنا عيال خليج واحد ..

البنت : مشكور والله من ذوقك .. على قولتك عيال خليج واحد وأنت والله يعلم مثل أخوي ..

أنا : ( بيني وبين نفسي .. مالت عليك مثل أخوك هذي آخرتها طيب ) طيب بما أني مثل أخوك عطييني تذكرتك وعفشك و أنا أخلص أوراقك و أنتي تنتظريني في الانتظار ...

البنت : يووه ما أبي اثقل عليك وش دعوة أنا أقدر أسوي هالشغلات بروحي ...

أنا : وش تثقلين علي الله يهديك لا تقولين هالحكي ... مافي تعب ولا شي

وعطتني تذكرتها وأول ما وصلنا للمطار .. نصيت كاونتر الخطوط السعودية ...

أنا : لو سمحت يا أخوي هذي تذكرتي ياليت تسوي لي بطاقة صعود وهذي تذكرة بنت خالتي وخطيبتي في نفس الوقت تطاقينا أمس وصممت ترجع قطر ياليت تحولها من عندك للرياض أمي تبي تشوفها ..وأمي مريضة وأخاف تدري أننا تطاقينا تتعب أكثر

الموظف : والله ما أقدر أحولها لين تجي هي بنفسها وتحضر جوازها معها هذي رحلات دولية ما أقدر ألعب فيها و أغيرها من دون علمها ..

أنا : يعني وش الحل ما ني مخليها تروح كذا بروحها وهي معصبة وطاقة معها ..

الموظف : والله ما أدري وش أقول لك بس ما أقدر أحول تذكرتها من الدوحة للرياض ...

أنا : طيب تقدر تحول تذكرتي من الرياض للدوحة على الخطوط القطرية نفس الرحلة ولا ما تقدر ..

الموظف : لا هذي سهلة عطني تذكرتك بس وعطني جوازك .. وأصلحها لك في دقائق ...

وحولت تذكرتي على الدوحة وبعدين رحت كاونتر الخطوط القطرية وصلحت التذكرتين وسويت بطاقتين صعود طائرة بحيث نكون في مقاعد جنب بعض ورجعت للبنت بكل برائه

أنا : تفضلي هذي بطاقة صعود الطائرة حقتك ..وبطاقة العفش بعد يالله أشوفك على خير رحلتي للرياض بعد خمس دقايق بينادون عليها .. واستري على ما واجهتي ألا ما بعد تعرفت عليك الى الآن ...

البنت : أنا ريم من قطر طالبة فنون ..في كلية فرجينيا في قطر .. وأنت بعد استر على ما واجهت

أنا : ماشاءالله طالبة فنون بعذرك طول هالوقت مطنشتني وأنتي في الطيارة وجالسة تقرين كتاب الصور ... يالله مع السلامة ... وأروح أتوزى في جهة في مطار الكويت لين جا وقت طيارة قطر ويوم بيسكرون الباب حق الطيارة وأنط للطيارة .. واروح لمقعدي اللي هو جنب مقعد ريم ... ( هي عند النافذة وأنا عند الممر ) .. وأطب عليها

ريم : وجع شنو جابك وش فيك رديت هييي أنتا طيارتك للسعودية فج عنا وش جايبك هني

أنا : آها بس من يوم شفت وجهك والنحس ملاحقني ملاحق في وفد ديبلوماسي كبير جا على غفلة واضطروا يفضون لهم الدرجة الأولى كلها ونزلونا وخيروني يا أنتظر لرحلة جدة ولا أروح قطر ومن قطر للرياض .. وش أقول بس خليني ساكت لا يظهر اللي في القلب ...

ريم : والله ما يندرى عنك مو مصدقتك .. شكلك مسوي مصيبة بس وش هي ما أعرف

أنا : تكفين لا تظنين أني مسوي كذا علشان معجب فيك وميت عليك يا شين البنت أذا خذت في نفسها مقلب ذكرتيني بواحدة كنت أمشي وراها في السوق ويوم جيت بأعطس واطلع المنديل من جيبي قالت لي لا تعطيني الرقم الآن أخوي قريب مني ..صدق أنتم يالبنات أذا شفتوا ولد وسيم تخربونها مرة معه

ريم: طالع عاد من الوسيم لا يكون أنت .. بصراحة لقب قرد وسيم ما أعطيك أياه

أنا : القرد بعين أمه غزال يا أم القرد ..أنتي وش فيك مو مصدقتني أذا وصلنا مطار الدوحة أوديك كاونتر السعودية تتأكدين منهم هذا اللي ناقص بعد .. ترى ما ودي أحطمك بس ما بقى ألا أني أنا أفكر أغازلك هذا اللي ناقص ...

ريم : انطم زين انطم تراك في طيارتنا والله لا افتح الباب وأقطك في البحر ..يعني خلك مؤدب ..

أنا : أشوفك صايرة زي قناة الجزيرة شر يتطاير ..كأنك أبو شعر ابيض أذا قام يعبس ويغمز بعيونه أبد يبي مشكلة على تالي الليل .. وش طيارتكم ..مركبيني ببلاش الحمدلله تذكرتي معي ..

ريم : آص بس تراك سندرتني وعورت راسي ولعوزتني لعوزة ممكن تسكت .أنا أصلا قايلة خليجي سنع ما يصير يشوف بنت ويهدها طل بويهي ( ويهي = وجهي ليه أهل قطر حاقرين حرف الجيم ) متى نوصل قطر ...

وبعد ثلث س اعة يبدون في توزيع الغدا وتجيب ا لمضيفة الأكل

المضيفة : تفضل يا أستاذ هذي وجبة الدجاج .. مثل ما طلبت ...وأنتي يا مودموزيل تفضلي وجبة الربيان

ريم : بس أنا ما احب الربيان أبي يا دجاج يا لحم ...

المضيفة : آسفة يا مودموزيل بس الوجبات أولا خلصت ثانيا أنتي مسوية طلب تكون وجبة الغداء حقتك ربيان ومسوينها لك مخصوص

ريم : أنا طالبة وجبة ربيان لا مو صحيح أكيد في غلط ..نادي رئيس المضيفين لازم اتأكد منه .. وشوي ويجي رئيس المضيفين ...

ريم : لو سمحت في غلط أنتم تقولون أني طالبة وجبة ربيان مع أني ما أحب الربيان والمشكلة تقولون أني مسوية أوردر مع أن هالكلام كله مو صج ..

رئيس المضيفين : عفوا يا آنسة ريم بس كلامك أنتي مو صحيح ... عندنا هنا في ليستة الركاب أنتي طالبة وجبة ربيان وبالأمارة خطيبك هو اللي سوى لك الأوردر ..

ريم : خطيبي منو هذا خطيبي وش جالسين تخربطون ..

أنا : عن أذنكم بس بروح دورة المياة في واحد دق علي بيجر

رئيس المضيفين : لحظة يا آنسة الأوردر كان من خطيبك اللي على المقعد اللي جنبك الأستاذ عبدالعزيز مو هو خطيبك ..

ريم : خطيبي ايه صح تصدقون أحنا متفقين هالموضوع يبقى سر بس هو الله يهديه على العموم ما في مشكلة كلها نص ساعة ونوصل الدوحة بس حبيت اسأل سؤال بسيط

رئيس الملاحين : تفضلي يا ست ريم اسألي على كيفك احنا كلنا تحت أمرك

ريم : أنا الفيزا كارد مالتي انتهت .. ممكن اشتري من المبيعات الجوية عن طريق الفيزا كارد مالت خطيبي ..

أنا : فيزا كاردتي قصدي تقصدين بطاقتي ما فيها فلوس شوي وتخلص ..معليش يا حبيبتي أذا وصلنا للدوحة تشترين على كيفك زين ..

ريم : ( همسا) والله أذا ما طلعت بطاقتك الحين لا أفضحك في الطيارة وأقول أنك مو خطيبي وانك جالس تتبلى علي هاه بتطلعها ولا وشلون

أنا : ايه تذكرت معي بطاقة فيزا ثانية ما في مشكلة جيبوا لها المبيعات الجوية على حسابي مو مشكلة .. الواحد أذا ما دلع خطيبته من بيدلع ..

ويجيبون لها المبيعات الجوية وياليتهم ما جابوها ..

ريم : أبي من هالعطر 3 غرش واحدة لي وواحدة لبنت خالتي وواحدة لبنت عمتي . وأبي من هالعطر 6 حبات

أنا : بس هالعطر مخيس ليه تجيبين منه 6 حبات

ريم : ايه مو لي في بنات ما أحبهم ولا أواطنهم بعيشة الله ما كنت ناوية أجيب لهم هدية بس بما أنك لزمت علي اشتري على كيفي يالله خل أذلهم بهدايا .. المهم .وأبي من علبة المكياج الفخمة أربع حبات لي واحدة ولأمي واحدة .. ولخالاتي حبتين .. ومن علبة المكياج السكة أبي 3 حبات لشغالاتنا .. أزعجوني يبّون هدايا من لندن يالله وش بيدريهم أنها من الطيارة مو من لندن ... و شنو ذي بعد الله نظارات شمسية أي ماركة راي بان .. عنود بنت عمي تحبها ..وعذيه رفيجتي هم تحبها يالله أبي 4 نظارات شمسية .. ألقى عندكم ألعاب لأخواني الصغار ..

أنا : بس بس الله يهديك أنتي بتشترين هدايا ولا بتفتحين محل هدايا ..

ريم : خلني ساكتة زين يا خطيبي ..أجل وفد ديبلوماسي وأخذوا مقاعد الدرجة الأولى كلها ولا أنا ويهي نحس عليك انزين .. وفوق هذا كله ربيان تطلب لي مخصوص ربيان ...أقول لو سمحت ياأخوي ما تبيعون مجوهرات شي دسم

رئيس الملاحين : أكيد عندنا مجوهرات بس وش تبين خواتم ولا قلائد ولا ايش بالضبط .

ريم : الزين كله راوني اياه وأنا أختار بنفسي الله يخلي لي خطيبي ولا يحرمني منه آمين يا رب ..

وتخلص المشتريات قصدي تخلص بطاقتي ..كان فيها 8000 ريال سعودي ما بقى فيها ألا 3 ريال بس .. وهي تخزني بعيونها خز وكأنها تقول تستاهل المهم وصلت الطيارة الدوحة وأنا مفلس مرة واحدة .. لا في جيبي ولا ريال وبطاقة الفيزا اللي كنت معتمد عليها شفطتها هالمفترسة بمشترياتها .. وأنا بعد ما خلصت كل شي في مطار الدوحة ..طلعت بشنطتي وحالتي مزرية حطيت شنطتي على الأرض وجلست فوقها ..وعبرتي في عيني الا شوي تجي سيارة فياغرا سوداء .. مضللة .. وتهدي جنبي ..وتنزل الدريشة الخلفية وفيها بنت متغطية بطرحة خفيفة

البنت : أقول يا أخوي ..تعال اركب ويانا

أنا : ( في نفسي ) اخس يا بو ناصر وجاك اليوم البنات يتعازمون عليك سو نفسك ثقل

البنت :يا أخوي هي أنت يا سعودي ...

أنا : نعم يا أختي في شي تعرفيني ... ما عمرك شفتي ولد وسيم ...

البنت : بل بل أي وسامة يا شيخ روح انزين هذا يزاي رحمتك ما معك بيزة قلت شلون بيروح الدوحة ووين بيسكن تدري .. أحسن خذ لك وانيت يوديك واسكن مع هنود ..

أنا : لا أمزح معك طال عمرك وش دعوى بس وش دراك أني مفلس ..

البنت : اركب انزين ..لا يشوفونّا شباب الدوحة والله يسوون لنا مسيرة ولا مسيرات شارع السد اركب يالله

وجيت بافتح الباب الخلفي الثاني ... الا تصرخ البنت في وجهي

البنت : صدق تمون أنت ويك اركب قدام يالله جنب السايق عمي مرة شايف نفسه روميو بيركب جنبي ورى روح انطق قدام يالله خل نمشي ترى تأخرنا

واركب الا وأشوف ريم راكبة ورى جنب البنت اللي كانت تحاكيني ...

أنا : اها أنتي وراي وراي وش تبين مو انتقمتي مني وقضيتي فلوسي كلها

ريم : تشوف تشوف الحين مرة أنت بريء ولا جالس تلاحقني وتوهقني بالربيان ومشوه سمعتي بأني خطيبتك احمد ربك ما قلت لهم أنك نصاب ..ثانيا هذا جزاي أني رحمتك يوم شفتك ما معاك فلوس قلت نأخذك نوديك فندق نسكنك على حسابنا ونسفرك للرياض بس المعروف ما يبين معك قايلة لج يالعنود يا بنت عمي هذا صبي راعي مغازل راعي بنات خزني و أخزك ..

أنا : وش سويت يعني مو مصدقتني أن الطيارة اللي كانت بتروح للرياض وفد ديبلوماسي اخذوا مقاعد الدرجة الأولى و أظطروا أن يبدلون تذكرتي .

البنت ( العنود بنت عم ريم ) : ايه يوم بدلوا تذكرتك يا مسكين تروح وتلزق بالبنت وتقول أنها خطيبتك وتطلب لها ربيان صدق أنك ظالم ... مشكلة بنت عمي مو أنها ما تحب الربيان بس ألا يجيب لها حساسية ... يصير ويهها كله حبوب ويحمر ...

أنا : هذا جزاي أبي أخدمها أخلي وجهها أحمر أوفر لها من المكياج و الخرابيط ... ألا الحين قولوا لي وين بتودوني وش بتسوون فيني تراني صرت أخاف من بنت عمك عقب ما خلتني على الحديدة

العنود : احمد ربك مخليتنك على الحديدة هذا عشانك خطيبها بس ... لو بعد أنت زوجها كان حتى الحديدة ما بتحصلنها ..ثانيا لا تخاف ... أحنا بنوديك ونسكنك فندق على حسابنا يعني كتعويض على هالخساير اللي خسرتك اياها ريموه ... هاه وين تبي تسكن الشيراتون ولا فندق الريتز هاه وين تبي نوديك ولا تخاف على حسابنا ..

أنا : الله يسلمك والله كلك ذوق يالعنود ليت بعض الناس بس يتعلمون

ريم : يالله وش فيك علي أنتا الى الآن حاقد علي بسبب اللي شريته ببطاقتك احمد ربك بنسكنك في فنادق ولا عمرك تحلم فيها

أنا : وش دعوى قالوا لك عايش في خرايب الحمدلله أني كنت راجع من لندن .. يعني بين قوسين كشخه

ريم : أي كشخة يبه خلني ساكتة بس لابس لي هالجنز المخيس وقميص بني وععع مالت عليك ما عندك ذوق

أنا : أزين من هالبنطلون اللي لابسته اللي مدري كأنه ايش ..خمسمية لون في بعض

ريم : قايلتنلج ( قايلة لك ) يالعنود بيسندرنا بيعور رأسنا المفروض معطينه ثلاثمية ريال يبدر عمره فيها يرجع للسعودية ولا يشوف له صرفة

العنود : لا حرام شكله يونس يضحك كأنه محمد هنيدي ...

أنا : يا عمي وقف السيارة خلني أنزل بكرامتي واحدة تقول ثلاثمية ريال عقب ما خسرتني فوق 8000 ريال والثانية قال بتجبر بخاطري كأني محمد هنيدي ....

تتوقعون عبدالعزيز بينزل من السيارة ..تبون تعرفون تابعوا الجزء الثاني
وانتظر ردوودكم وتفاعلكم حبايبي
تحياااااااااااتي
نوسو نوسو غير متصل   الرد باقتباس
قديم(ـة) 12-03-07, 03:36 AM   #2
|[ عـضـو مـبــدع ]|

 
الدولة:
الافتراضي رد : لاتفوووووووووووووووووووووتكم ريم القطريه قصه حللللللللللللللللوه

وهااااذااا الجزء الثاااني

حب بلا حدود الجزء الثاني

العنود : بل بل فلفل خبري أهل السعودية باردين وما يعزون شي كثر مزح البنات .. متأكد انك سعودي ..

أنا : لا روسي ما تشوفين بوهتي كأنها بوهة يلتسين .( البوهة لمحة من الوجه تشمل الفم والأنف والعين والحاجب ) متى تفهمون أن اصابع يدك ما تتساوى أنا مو مثل غيري من الشباب التافه عندي أشياء كثيرة أهتم بها

ريم : يا هووووه كومار سو لنا خمستين أموت في الشاب الجد الله يرحم والديك اسكت لين نوصلك للفندق ساعتها انهبل على كيفك يا بو ربيان ...

أنا : طيب طلب أخير لو سمحتي جوالك بس آخر طلب ...

ريم : شايفة يالعنود مو كفو حشيمة ويبّي جوالي مرة واحدة يمون رشدي أباظة على غفلة

أنا : لا مو قصدي كذا بس جوالي مو معمم وأبي أكلم أخوي في الرياض علشان يرسل لي فلوس أدبر عمري فيها هنا ..انتم كثر الله خيركم يكفي توصلوني للفندق وتدفعون ثمن هالليلة ...

العنود : يالله يكسرون الخاطر السعوديين عندهم شركة اتصالات ما تخاف الله الله يخلي لنا الكيوتيل صدق أنهم حرامية بس جنب شركة الاتصالات السعودية يصيرون ملائكة ما تبّي جوالي أنا

أنا: لا الله يسلمك جوالها هي على الأقل كفارة عن الثمانية الآلآف ريال اللي شرت بها من الطيارة

ريم : ياربيه ما راح أخلص منك امسك بس لا تطول كلها كلمتين تقول له أنك في قطر واسم الفندق وخلاص زين مو تهذر أنت وأياه يالله خذ

وآخذ جوالها و لحسن الحظ كنت مخلي جوالي على السايلنت .. وأدق على جوالي وبعد شوي أرجع لها جوالها

أنا : يووه أخوي مقفل جواله شكله نايم بأكلمه من الفندق أذا وصلت انشاءالله

ريم : أحسن توفر والله عسا أخوك بس ما هو مثلك ..الله يصبر أمك عليك

أنا : ويصبر أهلك عليك .. ألا ليه ما جوا معك شكلهم مسفرينك طفشتيهم وأنتي في لندن

ريم : لا والله أصلا أنا فاكهة البيت بس رجعت الدوحة لأني اشتقت للدوحة وغير جذيه عرس صديقتي نورة يوم الخميس فسبقت أهلي و جيت هني .أنت اللي أهلك في ديرة و هادينك في ديرة تطلع شرك بعيد عنهم

أنا : لا أهلي ما هم راعين سفر حدهم جدة بس أنا غير ...

العنود : توني أصدقج يا ريم شكله أبو لمعة يجذب الجذبة ويصدقها .. على العموم يا عبدالعزيز وصلنا الفندق هذا فندق الريتز أحدث فندق في الدوحة .. ولا تشيل هم الحساب تراه علي أنا تقدر تعتبرني أختك هني في الدوحة

ريم : يابنت الحلال ذي علة والله بكرة ينشب لك انزل يا عزوز يالله لا تعطلنا ...

أنا : مشكورة أختي العنود ومشكورة وانشاءالله أذا جيتي الرياض تذكري لك أخو اسمه عبدالعزيز

ونزلت الفندق ورقيت غرفتي وبعد ما صليت وارتحت شوي جلست أتمشى في الدوحة وبما أني مطفر فماغير أمشي بس ولا قدرت أروح السينما مع أني مشتهي أشوف لي فيلم وفي الطريق كلمت أخوي من جوالي اللي هو في الأساس معمم ووصيته يحول لي على الأقل 5 الآلآف ريال على بطاقة الفيزا حقتي وطبعا على ما يحولون لي الفلوس يبغا لها على الأقل يوم ..والى بكرة وش أسوي رجعت الفندق وطلبت عشاء طبعا على حساب الغرفة يعني على حساب العنود بعدين مسكت جوالي وقلت أدق على ريم واستهبل عليها ترن ترن ترن

أنا : الو الأخت ريم من قطر ولا أنا غلطان

ريم: الو .. أي نعم وصلت يا أخوي بس مين معاي ومن وين تكلم يا أخوي هالرقم غريب

أنا : أنا خالد أخو عبدالعزيز اللي من الرياض اللي دق علي اليوم الصباح من جوالك رجع وكلمني وفهمني القصة .. بصراحة أنا مستحي منك والله أنتي ما قصرتي معاه ..بس عبدالعزيز أخوي بعد ما ينلام

ريم : هو اللي سواه أخوك شوية ..وليه ما ينلام عشان أخوك بس .. يا أخوي أخوك لزق لي لزقة

أنا : والله بصراحة لو تعرفين قصته أن تعذرينه هو قبل كم سنة كان يحب بنت وكان ناوي يتزوجها بس دروا أهلها وزوجوها غصب عنها وفرقوهم عن بعض .. من ذاك الوقت حاول ينتحر أربع مرات المشكلة تشوفينه يضحك ومبسوط وفجأة يقول لك مشكور ما قصرت أنا لازم أمشي وارجع لأهلي يعني معناها أنه يبي ينتحر فلازم أحد يبقى جنبه ويمسك يده بحنية ..حتى دكتوره اللي كان في لندن عجز يلقى له علاج علشان كذا هو رجع للرياض .. دايما يكره الفراق فاذا صمم على أنه يكون بروحه فالله يستر

ريم : يا حرام ...طيب هو كذا يلزق بأي بنت يشوفها ولا وشلون

أنا: لا مو أي بنت بصراحة الأطباء احتاروا ناس يقولون البنت اللي تشبه البنت اللي كان يحبها وناس تقول بنت حلوة مرة مرة هي اللي تسوي به كذا .. أنا اعتقد من كلامه عنك أنك حلوة مرة مرة ..

ريم : الله يسلمك والله من ذوق أخوك ..شوف أخوك خفيف دم وحليو بس فيه شوية حنة ( حنة = أزعاج ) ولا أخوك بصراحة ما عليه قاصر

أنا : الله يسلمك على العموم يا أخت ريم ياليت تاخذين بالك عليه أنا حولت له فلوس والمفروض توصله بعد بكرة وعلى طول بيجي للرياض

ريم : افا عليك لا توصي حريص بكرة أروح افطر معه وأجلس معاه أنا وبنت عمي الى الليل كل شي ألا عزوز عاد

أنا : شكرا ما تقصرين والله كل أهل قطر خير وبركة ...

وثاني يوم من الصبح ألقى ريم وبنت عمها العنود في صالة الطعام حقت الفندق وأنا نازل افطر

ريم : حيالله عزوزي يا صباح النور ..تو ما أنورت قطر ...

أنا : الله يسلمك ويعافي قلبك ..وش عندكم في الفندق أخبرك ما ودك تشوفين رقعة وجهي

العنود : ولو يا عبدالعزيز يعني ما تدري عن ريم أنها تحب تغشمر ..ثانيا معزة أهل السعودية غير والله غير ..

ريم : وهي صادقة بنت عمي معزة أهل السعودية غير على وزن جدة غير أنت أجلس بس افطر معنا وش دعوى الى الآن شايل علي في قلبك والله كنت أتغشمر معاك وش فيك أنت

أنا : لا ابد ما فيني شي بس بروح أفطر علشان بأمشي وأرجع لأهلي خلاص تأخرت عليهم كثير

ريم : لا شنو ترجع لأهلك والله ما يصير ما قمنا بحقك ما راويناك الدوحة ما مشينك فيها ما شفت شارع السد ولا اللاند مارك والسيتي سنتر ولا رحت مزرعتنا عندي خيل باراوايك أياها وش فيك مستعجل على الردة يبه ما شبعنا منك

أنا : لا مشكورة ما قصرتي بس صدق مستعجل أني أرجع لأهلي اعذروني .لازم أروح

العنود : يبه رح ييب ( ييب = جب = احضر ) فطورك قبل لا يخلص البوفية ترى نص سكان قطر أجانب يحبون يبلعون خصوصا من هالبوفيهات .. بعدين يحلها حلاّل ...وأقوم أروح أجيب فطوري من البوفيه المفتوح

ريم : ( تكلم العنود ) ما قلت لك ناويها عز الله أنه ناوي ينتحر هني في الدوحة ويفنقش وشلون نمنعه

العنود : ( تكلم ريم ) أي والله شايفة الأصرار عنده أبي ارجع لأهلي مرتين ما في أذنه ماي ناويها من قلب الله يستر بس والله الولد ما يستاهل طيب وشلون نمنعه ...

ريم : ( تكلم العنود ) أنا عندي حل بس سايريني زين .... وارجع بعد ما عبيت صحني أكل

ريم : أقول دامك مصر ترجع لأهلك خلاص ولا يهمك أحنا نوديك للمطار بأنفسنا ومنها ولد خالة العنود يشتغل هناك يدخلك من الصالة الخاصة حقت التشريفات اقل شي في حقك يا عزوز

أنا : لا ماله داعي لا تتعبون أنفسكم ..صدقوني خلاص والله تأخرت على أهلي أنتم ما قصرتوا معي

العنود : لا لا تقول ما قصرنا ألا قصرنا ونص ناسي وش سوت معك ريم صدق أنها ما تستحي على ويهها تخلص بطاقتك بخرابيطها ..ثانيا يا أخي نبي نقوم بواجبك اقل شي تسافر من صالة التشريفات أنت مو أي أحد ..بس أكل فطورك

أنا : طيب براحتكم بس ما أبي أتعبكم أنا أبغى أروح بروحي أريح لكم وأريح لي

ريم ( وهي بدت تمسك يدي ) : ليه جذي مليت مني لا ما يصير وش دعوة .يالعنود أمسكي يده الثانية ..والله ثم والله ما يوديك المطار الا حنّا

أنا : باقي على الرحلة حوالي 10 ساعات ..بروح المطار على طول مشتاق لأمي أذا مسكت يدي كانت تفركها بشوية حنية ودفء

العنود : سامعه يا ريم أمه تفرك ايده افركي يده زين .عوضيه عن حنان أمه

ريم : شوف أنت ضيفنا الى موعد الطيارة بنوديك الهابي لاند وشارع السد و نوديك السينما ونفرجيك قطر ..

أنا : ما أدري طيب بس ما أحب أركب مع السواق ريحته خياس ...سواقكم ما يتسبح وأنا أقرف

العنود : بس يبه أنت تآمر أمر الدريول نخليه ينتظر هني لين نرجع بس لا أنا ولا ريم نعرف نسوق أنت تعرف تسوق

أنا : أسوق بس ما أدل شي في الدوحة ..بس لازم اللي يدلني يكون جالس جنبي قدام

ريم : ما يصير ما نقدر نركب جدام يمّك بروحنا نركب معاك ,الله يستر ترى الدوحة صغيرة وكل شي ينتشر فيها بسرعة

أنا : قلت لكم أبي ارجع للرياض هناك أمي كانت تركب قدام جنبي .مع السلامة خلاص بروح الرياض بأمشي ديرتي اصرف لي

العنود : لا لا لا وش تمشي بروحك أنا بأركب جدام يمّك وباتلثم يا عزوزي وش ديرتك ووش ديرتنا .ما حفظت الأنشودة اللي تقول خليجنا واحد وشعبنا واحد ..يالله يا ريم صفقي ويّاي يعييش فليعيش تبارك يا خليجي ..

أنا : خلاص أجل يالله نمشي بسرعة .... وبالفعل نركب السيارة وندور ..ومشغل على أذاعة صوت الخليج وأغاني ومسرع ... ويوم وصلت قريب اللاند مارك اللي فيه ستار بكس ...قلت لهم أبي أنزل مشتهي أشرب من ستار بكس

ريم : وش دعوة توك مفطر ...ثاني تبّي تطلب أطلب من التيك اواي وخلنا نمشي مو عدلة هني مكان مرة مزحوم كله شباب أخاف أحد يعرفنا ولا يعرف السيارة

العنود : وهي صاجة ريم هالمنطقة مرة خطرة واللي يعافيك يا عزوز لا توقف هني ... مع الدريول مانستجري نمر فيها بروحنا هالمرة وأنت ويّانا

أنا : خلاص مو مشكلة أصلا أنا عارف كذا من الأول أنا برجعكم للفندق وخذوا سيارتكم وروحوا مع دريولكم مدري وش تسمونه وأنا بروح للرياض أمشي في شارع التخصصي بروحي أحسن لي ولكم

ريم : سامعتنه يا عنووددي منيشن بعد على المكان .. لا يبه أنزل وخذ راحتك أذا تبينا ننزل و أياك هم ما عندنا مشكلة أهم شي أنك تنبسط أنت كم عندنا من عزوزي انزلي يا عنوودي الله يستر بس وش تاليتها

أنا : بس من بيدفع الحساب ما معي فلوس

ريم : يبه ما عليك أطلب اللي ودك كاوبتشينو استبريسو أن بغيت فرابتشنو بالكاراميل و أن حبيت تأكل بعد خذ راحتك لا تشيل هم فلوس ...

أنا : ما اقبل بنت تدفع لي وش ناقص فشايل يعني بتذلوني وتقولون لي ليه أبي ارجع للرياض , ..لا وفي سوق بعد يعني فضيحتي بتصير في جلاجل . ألا كم ارتفاعه هاللاند مارك شكله عالي مرة ..

العنود : سامعة يالخبلة يسأل عن أدوار اللاند مارك نواها عز الله المصيبة قربت طلعي الفلوس اللي وياج كلها أنا معي 463 ريال قطري فقط لا غير والله على ما أقول شهيد

ريم : الحمدلله أن اللاند مارك دور واحد ولا كانت مصيبه أنا معاي 600 ريال قطري ..هاك يبه بس لا تزعل ...

ونزلنا السوق ودخلنا و أروح لستار بكس وفي طاولات برى قدام الناس .و أسحب الكرسي علشان أجلس وأقول لهم أجلسوا وش تنتظرون

ريم : الله فاتج يا العنود شايفة كذا موديل جديد في لندن في فرع زارا تعالي وياي أراويج أياهم

أنا : اصبروا نشرب كابتشينو شوي ثم نروح كلنا ..وش فيكم مستعجلين ..

العنود: لا عليك بالعافية أحنا ما راح نتأخر بس نشوف هالموديلات اللي تقول عنها ريم ونرجع شغلات حريم ماحنا متأخرين ..

أنا : خلاص أذا مو متأخرين أجل أجي وأياكم ونرجع كلنا نشرب كابتشينو هنا

ريم : عزوزي والله نص الدوحة هني صعبة نجلس وأياك بكرة نلقى خبرنا في جريدة الشرق ولا الراية أنت أشرب الكابتشينو وبعدين نطلع هاه وش قلت عزوزي

أنا : اها أصلا أنا عارف ما أحد يحبني ولا يقدر يستحملني ..طول عمري كنت كذا وبأتم كذا خلاص روحوا وهذي مفاتيح سيارتكم وكثر الله خيركم ....

ريم : تشوفين اللي اشوفه يا عنود الريّال ( الريّال = مو عملة السعودية ولا قطر هنا بمعنى الرجل والرجل مو المجلة الشهرية هنا بمعنى مان .. ومان مو معناه يذلك بشي أنما كلمة أنجليزية ) يطالع السقف ..الله يستر ..شوف عزوزي بالطقاق زارا ونينا ريتشي بنشرب ويّاك كابتشينو بس مو هني ذي ستار بكس يهودي وش رأيك نقاطعهم ونروح الأوبرا كافيه دورين وقطرية ومضمونة هاه وش قلت أكيد موافق ..

أنا : مقاطعة ولا ما تبون الناس يشوفونكم معي مو مشكلة طول عمري كنت وبأتم منبوذ ..خلاص يالله مع السلامة

العنود : شنو مع السلامة لا يبه وين ما يروح العنابي أنا و أياه قصدي يروح عزوزي ..يبه هني هني .الله يلعن أبو المقاطعة ايلسي ( ايلسي = اجلسي) يا ريموه وشافونا اهل الدوحة خير يا طير ( وتشفط هوا من العبرة ) الله يستر بس ..آمر عمي عبدالعزيز وش تريد تشرب وتأكل ... يا جيرسون يب لوحة كبيرة أكتب ريم والعنود مع عبدالعزيز خل الناس تشوفونا مع عزوزي ..ولا أقول لك هذا رقم وكالة الأنباء القطرية خلهم ييون يأخذون لنا صورة جماعية

ريم : العنود وش فييج وش صار لعقلج ... عنوودي ردي علي

العنود : ولا شي بس عندي أحساس غريب يشبه أحساس خروف في عيد الضحية . أتصور أبوي أذا درى ..هو ذابحني ذابحني ما فيها شك بس يا هل ترى كيف الطريقة بيزنطني ولا بيخنقني ولا وشلون بالضبط

ريم : أي والله يا عنوود عاد أنتي أمج هني و أخوانك هني يمكن يمكن يدافعون عنج ... بس المصيبة أنا أهلي مدري في لندن ولا راحوا باريس ومن زين الحظ أبوي بروحه في الدوحة والله بلشه أنا اصلا وش ييبني أحضر عرس نورة أحد يسوي عرسه في الصيف وهني بالدوحة ... أنا أخاف أبوي يطبق علي حركات المصارعة الحرة أبوي يعزهم وايد خصوصا اندر تيكر أذا تك الواحد من رقبته ورفعه فوق فوق ثم يقطه في الأرض وينط فوقه

أنا : وش تحكون عنه .. لا تجلسون تحكون مع بعض وتطنشوني متمللين مني

العنود : استغفر الله أحنا نمل منك أنتا ودي تيجي يا راجل بس نودع بعضنا ..خبرك نهايتنا قربت على ايدك الله يسلمك ولا يحرمنا منك أجل عمي يا ريم هالأيام معجب باندر تيكر ... أنا أبوي من زمان عن المصارعة آخر خبره بيوكوزنا ذاك الياباني المتين ..اللي يبرك فوق المصارعين ويفطسون اهيء اهيء اهيء

أنا : الله عندكم سينما يا حظكم ( منتهى تبلد الحس ) احنا ما عندنا سينما في السعودية مدري ليه رافضين مع أن مافيها شي والله ..قهر ..لحظة بروح أشوف الأفلام اللي عندهم ... ولا أقول لكم ستار بكس حقكم في الدوحة مو زين تعالوا كلنا نروح سوى نشوف الأفلام اللي عندهم ونحضر لنا فيلم

ريم : على أمرك أنت بس تمشي وأحنا وراك ... أقول يا عنودي ظنتج بيذبحونا فرادى ولا جملة وفي البيت ولا في ميدان عام ...

العنود : مو باط جبدي أنه ولا حاس خير شر ..يبّي يشوف أفلام ويحضر سينما ..متفرغ الأخ مرة ...

ريم : طالعيني عدل ودي أشوف ويهج كله قبل ما يذبحونج ... والله أنك حسافة على الموت يا عنود

أنا : يالله حركوا بسرعة يا سلام سبايدر مان نزل في قطر حركات رهيب كان ودي أشوف هالفيلم ..هييه هييه

ريم : يالله يا عنود أذا بنموت على الأقل نشوف فيلم قبل ما نموت ..

العنود : بس عاد مب سبايدر مان أذا بنشوف نشوف فيلم كوميدي شوي ..بس وش نسوي عاد حكم القوي

وندخل ونشوف الفيلم وطبعا أنا جالس في النص .. ريم ماسكه الفشار الحلو والعنود ماسكه الفشار المالح وأنا أكل شوي من هذا وشوي من هذا ويوم خلص الفيلم طلعنا

ريم: يالله يا عزوز نطلع من هنا بسرعة شوي وينزحم السوق في نهاية الظهر اللي بيتغدون واللي يبّون يحضرون سينما ...

العنود : وهي صاجة ريم ..مو أنت شفت الفيلم سبايدر مان ..خل نروح أي مكان ثاني

أنا : زي ما توقعت على طول مليتوا مني ..على العموم مشكورات ...هذي مفاتيح سيارتكم ..روحوا بروحكم أنا بروح أشوف السيتي سنتر اللي دايما يطلع في التلفزيون ..وثم بأطلع للمطار بروحي بأمشي ما أبي أزعجكم أكثر اللي مثلي أحسن له يتم بروحه طول الوقت بروحه ولا يزعج الناس ...

ريم : سامعة يا عنووودي بيروح الستي سنتر .. فاهمتني الستي سنتر 3 طوابق يعني فوق فوق فوق تحت تحت

العنود : والله سامعتنه يا ريم ..أقول عزوزي ما بتروح السنتي سنتر بروحك..وش رأيك أحنا بنروح و أياك أنا وريم

أنا : لا لا ماله داعي أنتم بنات الله يستر عليكم ..يشوفكم أحد معي في الستي سنتر تنفضحون يكفي اللي شافوكم معي هنا في اللاند مارك ...أنا ما راح أطول في الستي سنتر كلها شغلة سريعة بأطلع فوق ثم بأنهيها

ريم : وش تطلع فوق وتنهيها نو نو نو سوري أنت في قطر يعني أنت ضيفنا بنروح و أياك الستي سنتر وبعدين نتمشى على الكورنيش وفي الليل بنعزمك على العشاء ...كم عزوزي عندنا

أنا : لا وش عشا ناسين أن رحلتي آخر العصر ... تذكرتي معي ..و أغراضي جاهزة في الفندق ..

العنود : أهليين معاه التذكرة وأخوه ما طرش له البيزات ...ويبّي يروح الستي سنتر .. عزوزي والله ثم والله .. ما بتسافر اليوم ..حلفت أنا عاد يالله وش عندك ...علي الطلاق من جاسم ولد عمتي اللي ناشب في بلاعيمي وأنا ما أبيه ..ما بتروح اليوم ..هاه ناوي تشرد جاسم وتخليه مطلق ...

ريم : أي والله ..عليها الطلاق من جاسم ...ما بتروح .. ألا قولي لي يا عنود عمي ألى الآن ملزم على جاسم ... مو راضي يقتنع أنج ما تواطنينه بعيشة الله

العنود : أي والله شايفة وشلون ..وش جاب لجاب ..هو بدوي بحت .. من بر لبر وكل سنة يطلع للمقناص .. وأنا حدي أزرع ورد واسبح في بركتنا ... هو يحب سلامة العبدلله و أنا مالت عبدالمجيد عبدالله وراشد الماجد وطقتهم ..وغير ذي كله ..اذا جا بيدلعني يقول لي يا هيش ( هيش = كلمة بدوية تعني يا مرة )

ريم : الله يهديه عمي بس وش لج بجاسم ..والله الزين سعود ولد خالتك .. ولا ثامر ..ولد خالج .ناس هاي وكشخة ومتخرجين من أمريكا ..مو جاسم راح يدرس ببريطانيا لغة ..رجع معلمهم العربي و حمس القهوة ..وصيد الضبان

العنود : ويرحم والدينج لا تذكريني ..ترى يضيق خلقي ..أنا أصلا مابي من عايلتنا هالمرة ابتلش في جسوم ..شايله هم أذا طلع البر وصاد حبارى أو ضب وقطع لي عكرته و لا شي ثاني بيقطه علي ويقول يالله اطبخيه ..والله لا أدوخ وأطيح في المطبخ

ريم : طيب كلمي امج يمكن تلقى لك حل ..وتقدر تقنع ابوج بيني وبينك أنا شايلة هم لو تزوجتي جسوم وشلون بأشوفج وأطلع معج .. أخاف يكون زي أخوه حمد تم حابس مرته ما تطلع الا في العيد تزور أهلها نص ساعة وترجع

أنا: أقول تبون شي تشربونه فيما تخلصون سالفتكم وش دخلنا بجاسم وثامر وحمد ومرته ... داخ رأسي أنا بروح الستي سنتر هاه بتجون معي ولا لا

العنود : لا أمش و أحنا وراك ..قصدي ريلنا على ريلك ما بنهدك تروح مكان بروحك .., ونروح للستي سنتر ..طبعا سوق كبير وكشخه ومليان ناس ... ومن خوفهم علي كل واحدة ماسكة يد من يديني ..وكل شوي ساحب أيديهم بشويش ومقربها لي أكثر يعني زي مشية العرسان أول الزواج ( حطوا مية خط تحت أول الزواج ) .. وجلسنا نمشي في السوق وكل ما حسيت أهتماهم قل فيني أطمر للدور الثالث ساعتها يلزقون فيني بقوة .ويمر الوقت ويخلص العصر ويجي المغرب و أجوع وأبي أتغدى وندخل مطعم ايطالي في السيتي سنتر ..وياليتنا ما دخلنا المطعم ,, طبعا ما في هناك قسم عوائل ولا أفراد كلهم صالة واحدة ..وجلسنا على الطاولة ..وطلبت الأكل وجلست اشفط العصير فيما يجي الأكل ... والا بنت متلثمة جالسة على طاولة مع عائلتها مشتغلة قزقزة فيني ( قزقزة كلمة سعودية تعني مطالع بالخليجي تخزني بعيونها ) .. طبعا التفسير المنطقي اللي في رأسي أنها بنت مقهورة شافتني مع بنتين وكل واحدة تمسك في يدي و تدلعني ... طبعا أنا أطبق الحكمة القائلة زيادة الخير خيرين وقمت أشتغل مع البنت نظرة بنظرة ..ولا بيهمني حاجة ... وجا الأكل وقمت أكل وأطالع البنت ..وهي وعائلتها خلصوا أكل وطلعوا أهلها وسبقوها وجت البنت ناحيتي وياليتها ما جت

يا ترى من هالبنت و وش تبي بعبدالعزيز ..تبون تعرفون تابعوا الجزء الثالث

تحياااااااااااااتي
نوسو نوسو غير متصل   الرد باقتباس
قديم(ـة) 12-03-07, 03:38 AM   #3
|[ عـضـو مـبــدع ]|

 
الدولة:
الافتراضي رد : لاتفوووووووووووووووووووووتكم ريم القطريه قصه حللللللللللللللللوه

البنت : أبد هو هو ما يتغير ما يعقل .. راعي البنات هو راعي البنات ..حيالله عزوووز

ريم : اوه تعرفينه ..عبدالعزيز تشوف هاي البنت تعرفنك زين .وتسأل عنك ..تقرب لك هي ولا وشلون

أنا : لا بس أكيد معجبة ولا واحد سامعة فيني ..شكلها كذا

البنت : أي معجبة مالت عليك نسيتني أنا شوق ..من الرياض .خويتك قبل العام نسيتني يالمحلي ( المحلي = لقب يطلقونه البنات على أخوياهم اذا تطاقوا من بعد ما كانوا يسمونهم يا حلو وفي الغالب هي شتيمة )

أنا : أنتي .. هاه وش تقولين آسف شكلك غلطانة أنا مو اللي تقصدينه روحي دوري على اللي لعب عليك ...

ريم : عزووز ما عليك منه شكلها مشبهه عليك ما تعرفه خلها تولي

البنت : يا عيني و تدلعك بنت والله ما أنت سهل يالنيص ( النيص = شي مدري وشو بس شين وصغير ) وتعرفت على خليجيات والله شكلك شغال صح في النت ..وترقيم ومواعيد وهات يا شغل ..

ريم : احترمي نفسج يبه شكلك غلطانة هذا عبدالعزيز مو مال هالشغلات .. ( وبدت تهمس في أذن البنت ) بيني وبينك هو عنده حالة نفسية ..ومتأثر منها الى يومج ... وما نبي نخليه بروحه لا يسوي في نفسه شي

البنت : أحلىىىىى يالمريض النفسي أموت أنا في الولد الرومانسي يا عيوني أنتي وأياها أنا شوق من الرياض أعرفه زين ..متعرفة علية من الانترنت ..وقام يقنع فيني ويقنع فيني لين صرت أكلمه بالتليفون ... بعدين يقنع فيني ويقنع فيني لين شافني في السوق وبعدين يقنع فيني ويقنع فيني ..

العنود : هاه شنو بعد هالمرة لا يكون أقنعج ااا.......

البنت : وجع لا انشاءالله بس أنا ينقال لك حبيته وتعلقت فيه وأهلي جابوا لي واحد متقدم يخطبني وقلت له الحقيقة أنه يزعل أنه يحس أنه يتحرك ..بكل برود قال لي ... شوفي يا شوق أنا توني في أول حياتي ولا بعد أهلت نفسي ولا أقدر أتقدم لك ولا اقدر أربطك فيني ...

أنا : ( لا شعوريا أتذكر بعض من كلماتي الخالدة ) الزواج مسئولية ومصاريف وفوق ذا كله مستقبل طرفين ..يا شوق الله يوفقك و...

البنت : يا شوق الله يوفقك ويصبرني على فراقك مدري كيف باكر الرياض بتكون أذا ما سمعت صوتك والأسواق وش بتسوى أذا ما شفتك ..صدقيني يا شوق ...

ريم : هاه وبعدين ....

البنت : ولا قبلين دخلت مرة بالصدفة في الياهو شات لقيته يغازل بنت ويقول لها أنتي أول بنت ارتاح لها في حياتي

ريم : يعني ما كان يحب واحدة ويوم أهلها غصبوها تتزوج غيره جاه اكتئاب وبغى ينتحر كذا مرة ...

البنت : أي انتحار وأي بطيخ يا حبيبتي شوفي جواله بنفسك ...تلقين أسامي بنات أعرفه زين خبز يدي 8 شهور علاقة ..ما أكذب عليكم ..هو أذا حب يحب صح ..ويحسسك أنك أول بنت في حياته بس الصدق ..الله لا يوريك

ريم : عبدالعزيز هات جوالك أبّي أشوف شي ..ييبه بسرعة

أنا : بتصدقين ذي الخبلة أقول لك أنها غلطانة بالله تمقلي في وجهي هذا وجه راعي بنات بالله عليك

ريم: أقول لك هات جوالك أحسن لك .... وتأخذ جوالي ..وتناظر فيه ..ما ناظرت قائمة الأسامي على طول دقت على جوالها و لما رن ّ جوالها وطلع لها رقمي ...

أنا : عن أذنكم يا شباب تذكرت مواعد واحد في الوكرة بأروح أقابله ويمكن ما ارجع توصوني على شي يالله باي

ريم : أنا أخو عبدالعزيز أحب أشكرك ... وأخوي مريض نفسي ومر بتجربة عاطفية قاسية وباغي ينتحر ..وقبل ذي كله جوالي مو معمم بس داخل السعودية ...أنت تجذب ( تجذب =تكذب ) علي طول هالمدة وكل شوي بروح بروحي وخلوني ..وعبالنا أنك بتنتحر ونخاف عليك وأمسكوا يدي وبأجلس هني وهني ونروح السينما مع بعض ..وش أسوي فيك هاه قول لي ...

وكنّا في الدور الثالث وأشوف ريم ترمي جوالي من فوق الى تحت ويتحول جوالي ألى فتافيت .. منظر طبيعي خلاب وشفتها تقترب مني بسرعة ..قلت لنفسي يا ولد العطة يا بطة ...وركض في سوق السيتي سنتر وريم والعنود وراي ... الشي اللي ما أعرفه ليه صار كل السوق يلحقني هل هو تعاطف مع البنات ولا عرفوا القصة ... المهم انحشت وانحشت لين ضيعت ريم والعنود ورجعت لفندقي شلت عفشي ورحت لفندق ثاني ... بتقولون وش مقعدني بعد . مدري حسيت أني ارتبطت بريم ..أجلت رحلتي شوي ودورت لي فندق حلو ..وسكنت فيه وجلست أدور من مكان لمكان ..لين صدفة لقيت العنود في كوفي شوب مع بنات ... ورحت لها

أنا : هلا العنود كيفك عارف أنك زعلانة مني وحاقدة علي بس ممكن تسمعيني

العنود : شنو بعد بتقول انك محرول ولا يتيم .. ولا وش بتقول وش بتجذب بعد .هاه هات وش عندك ..

أنا : أنا غلطان والغلط راكبني من رأسي لرجلي ..بس وش أسوي بنت عمك أعجبتني أول شي فكرتي عنها أنها حليوة بس فيها عناد ورزة على الفاضي بس بعدين أكتشتفت فيما بعد أنها طيبة وحليوة وتتأكل أكل ..

العنود : انزين يعني أنا اللي طلعت جيكرة الحين وأنا الشينة يالله وش بييي منك يعني أكيد بتعذرب فيني بس ما يهمني رأي واحد مثلك ..خلاص

أنا : لا والله أنتي ما عليك بعد قلبك ابيض وطيبة ..بس الحين نرجع لبنت عمك ريم ..شوفي أنا أقدر أروح لديرتي ولا كأن شي صار صح ولا لا بس والله مازلت افكر بريم البنت أعجبتني ودخلت مزاجي ..

العنود : لا والله مبروك الحين اتصل عليها واعلمها قصدي ابشرها أنها دخلت مزاجك تروح مع السواق تخمس بالسيارة مع الدريول ولا أقول لك تاخذ علم قطر ..وتمشي على الكورنيش يعني تمويه ..هاه وش رأيك

أنا : يا بنت الناس أفهميني والله ودي اصلح غلطتي و أبيها تسامحني من جد

العنود : المشكلة ودي أصدقك بس تاريخك معنا أسود ما في شي يشفع لك ..أقنعني

أنا : والله العظيم أني بس أبيها تسامحني هذا اللي أبيه كله عارف أني مصختها وسببت لها الأحراج

العنود : تشوف أنا بأكلمها وبأحاول أقنعها ومع أ ني من جد ما أطيقك ولا أصدقك بس أحسك صادق هالمرة

وتروح العنود بعيد شوي وتدق على ريم من جوالها وأنا أنتظر .وترجع العنود لي ..

العنود : تشوف هي تقول لي ما ينفع تعتذر جذيه ...أنت عطنا رقم فندقك ورقم حجرتك ..وأحنا بندق عليك علشان نحدد لك موعد ..ريم تبي تقابلك شخصيا ...

أنا : هي قالت لك تبي تقابلني شخصيا والله ودي ..واحد يطول يجلس معها ..طيب هذي أرقامي وما راح أطلع بأنتظر منكم مكالمة زين ..يالله مشكورة يالعنود وسامحيني أنتي بعد .. وأروح لفندقي ولا أتحرك لين بعد صلاة العشاء رن تليفون الغرفة ..و أرد .. الو

ريم : عبدالعزيز العنود كلمتني ..وقالت لي أنك تبيني أسامحك بعد كل اللي سويته .. رغم أني من صدق ودي أزنطك بس مستعدة أسامحك بس قبل أبي تقابلني في مكان ..أذا ما ودك خلاص

أنا : لا وش اللي خلاص يا بعد عمري وين تبيني أقابلك بس أنتي حددي ولا يهمك

ريم : زين خلاص تمسك الطريق حق الكورنيش وتمشي وتمشي لين ينقطع بك الطريق بعدين تكمل في الرمل شوي لا تخاف ترى التراب تمشي فيه السيايير .. امش حوالي عشرين كيلو ..وانتظرني هناك على حزة المغرب هنيك منطقة حلوة أسمها بحر العديد ايلس هناك وانتظرني وأنا بأييك مو تمل وتزهق وتروح ترى من جد أزعل منك

أنا : بس ما أدل ما في شي اقرب وأوضح وش بحر العديد هذا

ريم : عزووزي ناوي تفضحني جدام الناس .. مواعدتك ..أنا بروح مزرعتنا وبعدين بأسوق السيارة بنفسي وأجيك وش فيك شكلك ما تبينا نجلس مع بعض ونأخذ راحتنا حتى العنود ما بيها تيي واياي ..خلاص بكيفك أنسى كل شي ورح للرياض أنت ما ودك تشوفني مبينه ..مع أني والله معجبة فيك و عجبتني خطتك يوم قصيت علي ..

أنا : لا والله وش دعوة مو بحر العديد انشالله لو تبين بحر الصين ابشري يا عيوني ...

وأروح للوعد .. وتظلم الدنيا ويطلع وقت العشاء ولا تجي ريم ..قلت في نفسي شكل البنت تبي تنتقم مني و قلبي يقول لي أنتظر بعد لو نص ساعة ( أخس يا ذا القلب كل ما شاف بنت صار كأنه سفتي المرور يونون ) ..وشوي وتبان أنوار سيارة كبيرة ..قلت بس جت حياتي ريم ..وشوي ألا السيارة تصير سيارات ... وزحمة ..قلت بس ريم بتعرف صديقاتها علي ..علشان تقهرهم بي ..وتوني جالس أتكشخ ألا ..وينزلون عساكر من السيارات ..حوالي 20 عسكري وينطلقون حوالي ويقولون أمسكه لا يروح لا ينحاش .. ويحاصروني ويكتفوني ويطقوني طق الله لا يوريكم ..وكل واحد يقول يا حمار وش تسوي هنا اعترف تنتظرها هاه تنتظرها ...

أنا : أي والله انتظرها ..هي بتجي بعد شوي بس وش فيها انتم هيئتكم عساكر ولا وش السالفة

النقيب : وتقولها ..تعترف بكل بجاحة أنك تنتظرها ... وهيئتنا عساكر تتطنز أنت وويهك ..هاه الأخبار اللي جتنا طلعت صج ..وكفشناك يالهيس ...

أنا : والله الوعد كان هنا على أنها بتجي عندي بنفسها .. يعني بعيد عن عيون الناس بس وش السالفة الله يحييك عندنا في الرياض اذا الهيئة مسكت ولد و بنت متواعدين يقعدون يهاوشون فيهم لين يصيحونهم بعدين يوقعونهم على تعهدات بس ما توصل للعساكر والتكفخ وكلبشات في يدي ..

النقيب : وش بنته أنت وويهك ..وش تخربط ...لا تستغبي علي فاهم لا أصفقك ..أنت عارف و أحنا عارفين

أنا : والله العظيم بنت قطرية من عندكم واسمها ريم بعد ... هذي كل السالفة ..اقسم بالله لو أدري أن مواعد البنات في قطر كذا والله ما أواعد لو ولد

النقيب : تبي تفهمنا أنك ما تنطر قارب مليان كراتين خمر ..بتجيك عن طريق الخليج ... هاه قول يالله سمعني

أنا : وش خمره أنت ووجهك .. والله العظيم لاني راعي خمر ولا شرب ..الدخان ما أدخن هالمرة بأشرب خمر

النقيب : يا حمار اللي مثلك خبيث ما يشرب بس يروج ويبيع عارفين أحنا هالأشكال

أنا :والله العظيم أنها بنت ... وش خمره ... أول مرة أطب فيها قطر بأقوم أهرب خمور يا حضرة النقيب أفهمني

النقيب : انطق هنا معنا وبننتظر نشوف بيجي قارب و لا لا ... أذا طلعت صادق بنهدك ..واذا طلعت جذاب يا ويلك يا سواد ليلك والله لا أنكل بك ...

وننتظر بعد ما طفوا أنوار السيارات طبعا أنا شايل هم الكلبشات .. ولا عارف ما في خمر ولا يحزنون ويمر الوقت والنقيب يناظر فيني لين جت الساعة 12 وقال النقيب شكل ما في خمر ..وهو مواعد بنت يالله فكو كلبشاته وخلوه يمشي ... وشوي ألا ينط جندي

الجندي : يا حضرة النقيب في أنوار جايه من البحر ... تولع وتطفي

النقيب : اوكي انتبهوا ولا تتحركون ولا تطلعون أي صوت ولا أي ضوء أذا وصلوا للساحل اقبضوا على المركب .. ويوصل المركب وينطون عليه العساكر ...ويفتحون الكشافات في وجهه ويفتشون القارب والهندي اللي فيه ...ويطلعون كراتين وقراطيس ولفات واجد ..ويلتفت النقيب لي ..ويهديني تفلة و طراقين ثم يقول لي

النقيب : أجل ما في خمر وكل المسالة أنك مواعد بنت وقطرية واسمها ريم ..هاه يا كلب أثرك مو بس راعي خمر ألا راعي حشيش بعد يا حمار ..وطراقين بعد

أنا : والله العظيم مالي علاقة به اقسم بالله الله لا يوفقني أني ما قلت ألا الصدق ..

النقيب : صادروا الخمر ..وجيبوا الهندي وهذا وخل نروح للمركز و أنا أراويهم .... ويسال الهندي وعلى فكرة الهندي أطرم وطبعا لأنه هندي ..مدري من لعب عليه مهرب هالخمر من مركب رايح لدبي .. وما غير يهز في رأسه سألوه أذا يعرفني هز رأسه سألوه أذا ما يعرفني قام هز رأسه بعد .. سألوه أذا جايب هالخمر لي ولا لا قام يهز رأسه .. طبعا الهندي بيسفرونه وخروج نهائي بس زي العادة يغير جوازه ويرجع والتفتوا علي

النقيب : زين تقول هالخمر مو لك ولا تعرف عنه شي وأنك في الأساس مواعد بنت وقطرية بعد من عندنا واسمها ريم

أنا : أي والله العظيم هذا الصدق أما الخمر وغيره ما عرف عنه أي شي صدقوني ...

النقيب : بس مو غريبة تكون في المكان نفسه اللي وصل الخمر فيه ..لا ومدربين الهندي زين بعد ما غير يهز رأسه ..تدري لو أنت مهرب خمر بس كان هانت ..سجناك كم شهر وطردناك من قطر وخلاص ..بس فيها حشيش ذي يعني سجن مو اقل من عشر سنين ...

أنا : والله العظيم ما عمري شربت لو نص كأس ولا شربت حشيش أنا أذا جيت بأدشر رحت باسكن روبنز وطلبت آيسكريم وحطيت فوقه صوص ( صوص يعني صلصلة مو و لد الدجاجة ) توفي ..وأدوخ بعدها وابشرك بعد ا لمقاطعة صاير ما أشتري من باسكن روبنز ما غير كون زون .. هالمرة توصل ..لخمر وحشيش حرام والله ..ثانيا أنا مواطن سعودي نادوا سفارتي أبيها تدخل

النقيب : يا فالح دقينا على السفارة أول ما كفشناك ..تدري وش قالوا ..قالوا لنا حلالكم ..تبون تذبجونه تسجنونه يستاهل هالهيس الأربد... أحنا ما ندافع عن راعين الخمر والحشيش هاه عندك أحد تبي نعطيه خبر

أنا : والله العظيم أقسم بالله يا حضرة النقيب ماني راعي هالشغلات ..طيب دوروا ريم ولا العنود بنت عمها ... واسألوهم .. لحظة رقم ريم ..هذا ---------- اتصلوا عليها ونادوها واسألوها بنفسكم ...

النقيب : ( بعد ما اتصل بالرقم ) الرقم مو موجود في الخدمة ..الكيو تيل يقولون غلط ...

أنا : وشلون ..طيب هذا رقم العنود بنت عمها واسألوها هي قلبها طيب بتقول لكم الحقيقة

النقيب : ( بعد مادق على العنود ) عبدالعزيز تستخف دمك معطيني رقم واحد هندي يرد علي .. أنت على بالك جذي بنصدقك ونهدك التهمة لابستك تفصيل عليك فاهم ولا لا

أنا : والله العظيم صدقني ..يا حضرة النقيب .... مالي شغل بهالدعوة ...

النقيب : أقول انطم يجفي جذب بس عاد ..بعد أسبوع بتعرضك على المحكمة بس من الآن أقول لك مو اقل من عشر سنين ..بتخيس في السجن عندنا هذا أذا صدقك القاضي

وينشرون صورتي في الجرائد وفضيحتي في جلاجل ويطلعون الخبر في قناة الجزيرة اللي ما تحب الفضائح أبدا وفيصل القاسم يقدم حلقه خاصة في الاتجاه المعاكس ..موضوعها لماذا السعوديون يحاولون تهريب الخمور دائما من بلدان مجاورة وبالذات قطر ..وأكثر من رأي يستضيفون لهم كم واحد ..كلهم يأكدون أن تاريخي ملطخ بالخمور والمخدرات والدعارة واللي يقول أني عضو في المافيا ونشيط بعد ..ويتصل واحد على باله بيدافع عني قال هذا من تنظيم القاعدة ..وكله كوم ..وبرنامج الأسلام والحياة كوم ثاني ..يناقشون الفرق بين المذاهب الدينية في السعودية ..والدول الأخرى وهل أباح علماء الشريعة في السعودية شرب الخمر خارج بلدهم ... المهم ودوني للمحكمة ..وفي يوم الجلسة ...قام محامي النيابة وشرشح فيني شرشحة طلع شارون أطيب مني .. وأني أ سعى في الأرض فسادا وأنا عيوني على باب القاعة ( متأثر بالأفلام المصرية أن ريم بتدخل آخر الجلسة ...وتقول داه بريء يا سعادة القاضي باحبه يا بابا باحبه ) .. ويخلص محامي النيابة من الحكي ويقوم القاضي يسألني وش رأيي

أنا : والله يا سيادة القاضي بريء أقسم بالله أن محامي النيابة ما عنده ما عند جدتي ..والله العظيم يا سيادة القاضي كنت مواعد بنت قطرية اسمها ريم على أساس أني رقيق المشاعر وأبي أصالحها أيه هين عقب ما اكتشفت أني كذاب ..بس في شي اسمه نحس .. هي ما تجي ويجي مركب محمل خمر وحشيش وزيادة في البلاء الهندي اللي يسوقه أطرم يعني كملت .. والبنت تقفل جوالها وبنت عمها .مسبلة جوالها للهندي سواقها .. والله قهر ..نادوا السفير السعودي ابيه يجي الآن ....

القاضي : تراك أدوشتنا الله يدوشك ..الأرقام اللي أنت أعطيتنا أياها واحد طلع لبنت وهي تقول أنسرق منها من شهر والثانية جوالها تبع العائلة والآن مع سواقهم ..يعني أنت نصاب ....أما سفارتكم .الله لا يهينهم في الأخير أرسلوا واحد من سواقينهم معه ورقة صغيرة ..مكتوب فيها يرجى تسهيل أمور المواطن عبدالعزيز والتعجيل بقضيته ....هاه وش رأيك . عندك شي ثاني تقوله ؟

أنا : يالله عاد تراني مليت عارف أن ريم تنتظرني ورى الباب يالله افتحوا الباب ..صرنا ولا ليالي الحلمية ..

القاضي : أجل ليالي الحلمية ..حكمت المحكمة بالسجن والأشغال المؤبدة على عبدالعزيز لمدة خمسة وعشرين سنة ...هاه يا متهم عندك طلب تتمناه علشان نسويه لك قبل التنفيذ ..تعرف مهرجان صيف الدوحة موصينا نسوي عروض كويسة ..

أنا : اممم أجل أطلب ..أبي تطلعون لي يد ثالثة على الأقل تونسني في السجن ..ولا أقول لك ..وش رأيك ودي أروح جزر حوار أتمشى فيها شوي

القاضي: ماشالله تتريق على المحكمة ..أنا كم قلت 25 سنة وش رأيك بيصيرون 35 سنة .....هاه أخلص وش طلبك

أنا : شف يا سعادة القاضي دام هالقضية فيني فيني ..فلازم استفيد منها ...طال عمرك الحشيش والخمر اللي لقيتوه في القارب تجيبونه لي أتونس به في هال35 سنة ... بعد انسجن بهم على الأقل استفيد منهم ..ومثلك عارف وكلنا شباب ..شراب وحشيش ما ينقصهم ألا بنات ..ترسلون واحد لدبي يتنقى لي كم بنت مغربية على روسية على رومانية وبولندية أهم شي البولنديات ..عليهم أجسام شي ووجوه تفتح النفس تقول آيسكريم فانيليا ..

القاضي : أنت خبل ولا يتهيأ لي .. وش تخربط أنت وش بناته في أحد يجيب بنات عنده في السجن على ذي الحالة نص الناس تبي تنسجن ..وأولهم أنا

أنا : الله وناسة ..أنت في السجن اللي جنبي ..ونتبادل البنات شي ...واسألهم عنك ..وش مسوي ...سبع ولا ..

القاضي : احم احم أقول خذوه بس ودوه للسحن تراه أزعجنا ...

واركب سيارة السجن وفي الطريق من المحكمة أشوف سيارة العنود .. والسواق يسوقها وأجلس أصارخ

أنا : هذولي هم البنتين هذي سيارة العنود عرفتها من لوحتها ونوعها وقفوا والله العظيم هذي سيارتهم ..ويوقفون سيارة العنود ..وينزل النقيب ..ويشوف ريم والعنود وينزلوني أنا ..وأجلس أصارخ

أنا : ريم واللي يرحم والدينك الله يخليك قولي لهم الحقيقة أنك كنتي مواعدتني ...تكفين تراهم بيسجنوني 25 سنة

النقيب : أنت انطم ثانيا 35 سنة ولا نسيت ..يا أختي أنتي وأياها تعرفون هالولد

العنود : لا أبدا من وين نعرف هالأشكال وش قالوا لك يا حضرة الضابط ..أحنا بنات عوايل ..

أنا : والله مو وقت مزح مزحتوا معي في المحكمة ... ولا جيتوا زي الأفلام العربية ..خلاص عاد يكفي الرحمة زينة والله مستقبلي بيروح فيها ..

ريم : وش القصة ليه ماسكينك ...كل هذا علشانك كنت في بحر العديد ..

أنا : أنتي ما تتابعين قناة الجزيرة ولا تقرين جرائد تورطت في قضية خمور وحشيش كله من موعدك يا ست هانم

ريم : الحمدلله أني ما جيت أنت شكلك راعي بلاوي ..يا عزوزي ..ثانيا من صجك أنت في قطري يتابع قناة الجزيرة ليه علشان يقهرونا .. فوق ما هم كرهوا الناس فينا

النقيب : يعني تعرفونه أوكيه ..ياليت تجون معنا للمحكمة قبل ما يطلع القاضي علشان تشهدون من جديد قبل لا مستقبل هالخبل يضيع مع أن ويهه مو ويه مستقبل

ونروح كلنا للمحكمة وندخل عند القاضي ..وأول ما شافني بدى يلطم ولما عرف القصة سال ريم أذا بتشهد أنها فعلا متصلة علي ..و عطتني هالموعد

أنا : تكفين يا ريم اشهدي وفكيني لا يضيع مستقبلي ... ترى فيها سجن مو لعبة

ريم : تبيني أشهد انزين قول لي آسف يا عمتي ريم و أنتي أذكى مني يالله قول

أنا : أقول اها بس يالله ودوني للسجن بس ...أحسن ..ويمسكوني الشرطة علشان يطلعوني من المحكمة ولما شفت الدعوة صدق رجعت بسرعة و بديت أصارخ ... آسف يا عمتي ريم والله العظيم أني آسف وأنتي طلعتي أذكى مني .. هاه بس اشهدي ...

ريم : انزين أشهد يا حضرة القاضي أني أنا متصلة فيه قبل ليلة اللي صار وعطيته هالموعد بس كنت أبيه ينطق هناك بروحه في مكان بعيد عن الدوحة علشان أئدبه ..وبس وماله شغل بالخمر

القاضي : متأكدة يا بنتي ... ولا بس تبين تساعدينه وتفكينه ..والخمر كيف جا

ريم : أي والله العظيم يا حضرة القاضي ..أنا أقول الصدق ..أما الخمر هي صدفة أكيد صدفة كلنا يعرف أن بحر العديد منطقة مهجورة وما أحد ييها بالمرة ...

القاضي : طيب يا ريم ..بناءا على شهادتك أعلن أن السيد عبدالعزيز بريء من جميع التهم الموجهة اليه بمافيها التنكيت على هيئة المحكمة ...وأيضا توجيه التهمة الى الآنسة ريم بدعوى تضليل العدالة عندما أنكرت أي علاقة لها بالجوّال .. وتواجه عقوبة السجن لمدة 6 اشهر ..ألا أذا سامحتها يا عبدالعزيز

أنا : اها يعني مستقبلها بيديني ..هاه ريموه تبيني أتنازل ولا لا ..

ريم : وش دعوى عزوزي ..مو أنا جيت وشهدت لك و فجيتك من القضية والسجن صير أنت كريم بعد

أنا : أذا تبيني أتنازل ..تقولين بصوت عالي وجهوري قدام المحكمة ..أحبك يا عبدالعزيز

ريم : لا لو تموت مب قايلة شنو هي ..لعب عيال

أنا : يا حضرة القاضي اسجنها البنت مو عارفة مصلحتها ... أنا سويت اللي علي ..والباقي على الله

ريم : الله ينتقم منك ..احبك يا عبدالعزيز هاه ارتحت يالله تنازل ..

أنا : ما سمعت قوليها بصوت عالي وجهوري أنا أحبك يا عبدالعزيز

ريم : أنا أحبك يا عبدالعزيز ..خلاص عاد ما صارت ..

أنا : خلاص يا حضرة القاضي أنا متنازل ... عن حقي وأطلقوا سراحها ..بس علشان تعرفين أني شهم ..

ريم : لو ما شهادتي كان خست بالسجون أنت وويهك ...

القاضي : بس سكوت حكمنا بطرد ريم وعبدالعزيز من المحكمة ..بتهمة السندرة فوق رأس القاضي وتسفيرهم لموزمبيق علشان يتهاوشون هناك

وشوي وتدخل العنود ومعها أبو ريم ..وهي شكلها في الطريق قالت له السالفة كلها . الرجل طلع محترم وسلم علي .. وبعدين تطمن على بنته ... وتشكر من القاضي قبل ما يطلع من المحكمة وبعدين عزم علي العشاء في بيته

أنا : مشكور يا عمي ..ما تقصر والله بس قل لي وشلون مستحملها ..يا شيخ بنتك تجيب الصمرقع ..

أبو ريم : هم أنت بعد ما قصرت ... كلكم أن جيت للصدق تستاهلون الطق ...

أنا : يابن الحلال وسع صدرك ...وش رأيك أسوي بك معروف ما راح تنساه لي طول العمر ..بنتك حلوة وتهبل وخفيفة دم ..وفيها شقاوة تطير العقل ..و داخلة مزاجي فوش رأيك تزوجني اياها يا عمي ...

أبو ريم : والله احلف مب تهوّن بعدين ...تشيل هم عن قلبي ..مصاريفها ولا مصاريف دولة .. طول السنة لوحات وألوان وأوراق وغرف رسم وعافستنا عفس وفي الصيف جنها شغالة تروح أوروبا بشنطة وترجع بعشر ...

أنا : يابن الحلال حاس فيك والله .. لا ولو افترضنا يعني مو صدق جا واحد وقال ابشتري لوحاتها يعني واحد خبل أعمى بيشتغل الهبال حقها بتقول هاللوحة تعز علي ما أقدر أبيعها ..وهذي تذكرني بموقف ..وهذي رسمتها وأنا في حالة تعبانة ..مرة يعني بصراحة كل اللوحات ما أقدر أبيع ولا واحدة منهم ..والله حاس فيك

ريم : كأنكم تحجون فيني ..أنت ويّا ويهك تبي تزوجني أنا مب موافقة أنت آخر رجال في الدنيا أفكر فيه

أنا : يا كذبك .. مو من شوي تقولين في المحكمة تصارخين أحبك يا عبدالعزيز ولا كلام الليل يمحوه النهار

ريم : تشوف تشوف وأنت مو قلت يا عمتي ريم أحد يتزوج عمته

أبو ريم : بس خلاص يكفي ..يا ريم العنود بنت عمج قالت لي كل شي وان عبدالعزيز معجبك و معجبتج خفة دمه وأنك تحبينه شوي ..يعني ليه ترفضين .. الزواج زين وأنا أبوج

ريم : يووه أوريك شغل الله في العنود أن ما نتفت شعر رأسها شعره شعره ... أنا ما أبي أروح الرياض أذا بيتزوجني وبيجلس في الدوحة موافقة

أنا : وش أجلس في الدوحة .. أقول أنثبري بس ..بتوافقين ورجلك فوق رأسك وبنروح الرياض ..من بعد الرياض عن الدوحة ..وأنت بعد شف لك دبرة في بنتك .. ولا عطيتها طراق ..

أبو ريم : تعطي مين طراق أنت وويهك .. وانتي يا بنتي وش فيها الرياض خلاص ..بيسكن في الخبر بس وافقي

ريم : ما أبّي يالدوحة و لا يخلي الدوحة جنب الرياض أذا يقدر ...

أنا : يخلي الدوحة جنب الرياض .الرياض يبيلها 3 عفاريت وخمس صعايدة علشانه يخلونها جنب الدوحة .. يا عمي علمها الزوجة تتبع زوجها

ريم : وأنت الحين على هالويه تزوجتني يوم تقول جذي ..يبه ما أبي أتغرب

أبو ريم: وش تتغربين الرياض أهلنا وحنا أهلهم ..

أنا : أي والله وعلى قولة المثل ..خليجنا واحد وشعبنا واحد يعيش يعييش فليعيش تبارك يا خليجي ربنا

ريم : تبوني أوافق ...بشرط ..أذا صرت أروح للسعودية من قطر والعكس بدون جواز .وصار الكويتي ...يتعامل بالدينار الكويتي في عمان ... والبحريني يقدر يشتغل في الأمارات كأنه مواطن ساعتها أوافق ..بس دامني أتنقل بين الخليج بجواز سفر فهي دولة غريبة ..هاه بتقدر يا أبو العريف تقنعهم هالستة الأخوان أنهم يعقلون ويتحدون ولا لا؟

..وش رايكم عبدالعزيز بيوافق على شرط ريم ... ولا لا هذا اللي بتعرفونه في القصة الجاية....

تحياااااااااااااااااتي
نوسو نوسو غير متصل   الرد باقتباس
قديم(ـة) 12-03-07, 03:40 AM   #4
|[ عـضـو مـبــدع ]|

 
الدولة:
الافتراضي رد : لاتفوووووووووووووووووووووتكم ريم القطريه قصه حللللللللللللللللوه

أنتهت قصة حب بلا حدود على طلب ريم الغريب ...مو غريب بقدر ما هو صعب وبصراحة ما هو صعب أن صح التعبير نوعا من المستحيل ....

أنا : أنت يا عمي شف لك صرفة ببنتك تراها تتكلم بكلام مالها فيه حظ ...المباحث قدامها والاستخبارات من أمامها ...( والله ما أقصد شي ) أنتي وش رأيك بأخذك وبأجرك من شعرك للرياض ووريني وش بتسوين

أبو ريم : سوري على المقاطعة ما ودي أزعجك طال عمرك بس ما تلاحظ أنك تماديت شوي يعني تقول هالكلام قدامي .وش بتجر بنتي من شعرها ...شوي وتقول يا ملعونة الوالدين ..

أنا : لا وش دعوى أمها بنت ناس محترمة ..قصدي يا عمي ما تشوف بنتك ما كفتها القضية اللي صارت جايه هالمرة بتوهقنا في شي أصلا ما يحققون فيه يا مصعوا رقبتك وفكوا العالم منك يا غيبوك ورى الشمس

ريم : قول آمين يا رب يمصعون رقبتك مصع جذيه جذيه أشوفك ميت والكلاب تنهش من عظمك أنت بس قول آمين جانك ريال قول آمين ...

أنا : الحين تلومني لو ربطتها من رجولها و حطيتها عند أربعة ضبان جايعين يمزمزون عليها ...هاه بس وش أقول ما لقت قدامها رجال يربيها .معليش يعني شباب ومعصب شوي..ثانيا أنت معجبك كلامها الحين رد إذا أنت رجال رد سوري بتكون عمي في المستقبل بس الى ذاك الوقت أمون

أبو ريم :أقول بس عاد سندرتونا ..شوف أنت رح ملحق الضيوف أرتاح وخذ دش وهد أعصابك وأنتي يا ريم أرقي حجرتج فوق وفكري بالموضوع زين ....وباجر نشوف وش يصير عليكم ... وشوي وتدخل عنود وهي طايرة بعبايتها كأنها بات مان أول ما يقلع يبي يطير ..

العنود : شنو شنو وش صار أمانة تقولون لي وش طافني .. الله يخليكم عيدوا اللي صار ...

أبو ريم : ما صار شي يا بنيتي بس زي العادة ردوا يتناجرون ..مدري متى بنخلص ...المهم أنتي صعدي فوق مع بنت عمج ريم وهدي أعصابها وشوفي وش خاطرها فيه فاهمتني زين يا بنت أخوي

العنود : إن شاء الله عمي أنت تآمر أمر أنت تخيط واحنا نلبس على كيفك .. الشور شورك ... يالله يا ريم ...( تهمس لها شنو صار بالضبط والله أزنطج لو فوتي كلمة علي فاهمة )

أنا : اسمع يا عمي يا أبو محمد ( أبو محمد = أبو ريم ) لازم يكون لك موقف حاسم .. دلعت بنتك لين كبر رأسها الله يرحم الأوليين البنات يبون يتزوجون علشان يفتكون من الطق والكرف اللي في بيوتهم مو الحين البيت فيه كم شغالة وكم سواق والصيف تبي تسافر وفي الإجازات القصيرة تبي تروح دبي ولا البحرين تغير جو

أبو ريم : والله يرحم رجال من أول ..تدري أن أم ريم أبوها شارط علي مهر تسع فصوص دان حرة الواحدة فيهم ما تقل عن حبة العبري ..تصدق عاد جلست في البحر شهرين ..تخيل شهرين كل يوم أغوص وأطلع في الدان بس ما يطلع بنفس الحجم اللي عمي يبيه وأرجع أقطه في البحر لين جبت الفصوص التسعة مو مثلك عجاز وقلت له يا عمي شروطها صعبة .. المرة وأنا عمك تحب أن الرجال يحسسها أنها غالية ويحقق شروطها وشروط أهلها لو هي صعبة

أنا : والله الصعبة شلختك ..صواريخ وززز طع أجل حبات لولو الواحدة أكبر من حبة العبري .. تصدق عاد لو عمك طالب حبات لولو بكبر التفاحة ..كان ريم أصغر من الحين بشهر بس .. شايفني هندي يالشيخ بتنصب نصب أوكيه بس مو تخربها أجل شهرين في البحرين وين الأخ ضفدع ..الحين بدال ما تقول لي هالصواريخ رح وبالعقال ليّخ ( ليّخ ارفع العقل ونزله لين يطلع صوت وهو في الهوا قبل ما يطلع صوت على الظهر ) بنتك ترى السياسة ما فيها خير

أبو ريم : انزين أقول لك ما قد أحد قطك في البحر ليين السمك يتعشى عليك .. ورح على الملحق دام النفس طيبة

وفي هذي الأثناء ...فوق في غرفة ريم

ريم : مابيّه مابيّه يروح يتزوج له واحدة من الرياض أحسن له قال ايش احي معه الرياض هذا اللي باقي

العنود : يالخبلة أحد يعوف الرياض فديت أهل الرياض وأهلها والله واللي يرحم والديج روحي هناك علشان أصير أزورج كل شهر الله يخليج وافقي ..يالله عاد

ريم : مابيّه مابيّه اخذيه أنتي ..من زينه عاد ..أنا لو تاركته يخيس في السجن أحسن من مغثته لي بالرياض

العنود : من صجتج يعني لو آخذه أنا وأروح الرياض ما تزعلين مني ... فديتج يا بنت عمي يا أحلى وأطيب بنت عم

ريم : والله أزنطج وأزنطه في ليلة واحدة أصلا هو لو يفكر يتزوج أي واحدة بيكون آخر يوم في حياته

العنود : ارتاحي ما فكرت فيه ناسية أني أطول منه هذا الناقص بعد آخذ واحد أقصر مني ..ثانيا يومج تحبينه لا تضيعينه من يدج والله صج عيال الرياض فيهم اللي فيهم بس أهون من عيال قطر شوفة عينج الواحد لو يتزوج عشر تبقى عيونه طايرة في أي واحدة من أمهات البناطيل في السيتي سنتر وكل ويك اند يوديج بيت أهلك ويطمر لدبي آخذيه يالخبلة قبل لا يهون ..

ريم: بالطقاق يا ينطق هني في الدوحة وياي يا مابيّه

العنود : خلاص بروح أنزل أقول له ماكو نصيب خل الولد يتسهل على ديرته أحسن له

ريم: لا عنود الله يخليج شوفي حاولي تقنعينه يجلس هني في الدوحة ولا ينفذ شرطي عارفة أن شرطي ماله داعي بس عاد قلته ومابي أرجع في كلامي عاد بكرة يشوف أني ميتة عليه وع من زينه الله يأخذه صج حليو بس ولو

العنود: ولا يهمج هذي سهلة لها ألف حل أنا بنزل له الآن وبكلمه بقنعه ... وتنزل العنود وتشوفني عند باب الملحق

أنا : هلا بعنود كيفك وش أخبار بنت عمك المستخفة ما تبي بعد أحرر فلسطين تراني مستعد لأي شي تبيه وإذا واحدة من جداتكم من ألف سنة متولهة عليها تبي تشوفها بالمرة مو عفريت أنا مو إنسان

العنود : عن الطنازة يعني لازم تقدر وضعها يا عبدالعزيز ريم تموت بشي أسمه قطر ما تتخيل نفسها عايشة برع قطر .أنت الحين تبي توديها وين الرياض ..فديت الرياض وأهل الرياض والله .طيب أنت يبيّلك تشتري طيارة كونكور ما تاخذ مشوار تدوس نص ساعة وأنت بالرياض ونص ساعة وأنت بالدوحة ..ومشغل سمرات بعد شي والله

أنا : يعني أفهم أنك واقفة معها ومؤيدتها في طلباتها .وش أجلس أسوي في الدوحة ولاني قادر على الشرط الثاني والله أخاف أقوله يمكسوني المباحث .. إلا مو أنتي تحبين الرياض وش رأيك نتزوج أنا وأنتي وهي خليها تجلس في الدوحة وتشبع بها

العنود: صج والله ونصير نروح الثمامة وطعس التحدي أموت وأشوف طعس التحدي عاد بالكروزر موديل 2001 تدعس ما يردك شي ومشغل بشير شنان قمة الانسجام ... لا عاد ما أقدر أخطف خطيب بنت عمي منها

أنا : وش خطيبها شايفتنا الحين في الكوشة ولا لابسين دبل ثانيا ما تلاحظين اننا منسجمين مع بعض

العنود : عزووز سوري بس أنا بدون كعب أطول منك بعشر سنتي هم ّ بكعب ما راح أصير أشوفك ثانيا لا تلعبون على أنفسكم أنت وهي تحبون بعض بس لازم تعترفون مو حالة لازم شوية تضحيات أنت تضحي شوي وهي تضحي شوي

أنا : أضحي يعني كيف نروح نسكن في البحرين كحل وسط أبي أعرف و ش مطلوب مني أنا أصغر أخواني ولازم أجلس في الرياض عند أمي هذا شي الشي الثاني كيف أقرب دول الخليج وأخليهم دولة واحدة هذا المستحيل بعينه وعلمه ...يعني وش أسوي

العنود : انزين أنا أقول لك مع أني المفروض ما أساعدك على بنت عمي بس علشان طعس التحدي في الثمامة مو العديد من كبرها ويحطون فيها أمريكان ..كلها أسبوع وتبدى جامعة ريموه وش رأيك تسوي لها حركة رومانسية تنظرها برع الكلية معك ورد تكتب لوحة كبيرة أحبج يا ريم جذي و لا معك ورد ..ساعتها ريم بتنحرج جدام كل البنات وبتظطر توافق

أنا : جبتيها تصدقين يا عنووده تنفعين تصيرين ولد أجل قلتي الدراسة بتبدأ الأسبوع الجاي ..كويس أنا بروح دبي أرتاح هناك شوي وأنتي قولي لها عبدالعزيز خلاص صرف نظر وزعل وأول يوم دراسي في الجامعة بأسوي الخطة المتفقة هاه وش رأيك ...

العنود: طيب بس العرب وش عندهم في دبي ... هم يالبحرين يا دبي ما صارت عاد

أنا : العرب عندهم قمة عربية مصغرة في بار عاد تدرين لو العرب يسون اجتماعاتهم في بارات والله الفلة على الأقل لو تطاقوا ولا اختلفوا ثاني يوم الصباح ما يذكرون وش صار .. المهم ممكن أخذ رقم جوالك علشان التنسيق

العنود : أقول أسكت بس لا تجيب لنا مصيبة ترى أنت سمعتك موب شي هنا

أنا أنتظرت في بيت أبو ريم إلى المغرب بعدين رحت لفندق وثاني يوم الصباح رحت دبي ودقيت علي أهلي قلت في شغل بيزنس مع واحد إماراتي وجلست في فندق في دبي حول شارع الرقة .بس اللي ما كان على بالي هو اللي كان يصير في قطر ...

ريم : عنود أنتي متأكدة أنه راح الرياض يعني ما بيرد هالخاين وين اللي يقول لي ريم أحبج أموت فيج على طول ما صدق أتغلي عليه وأتدلل شوي إلا يهج للرياض عند أهله ..أصلا موب هامني هو الخسران

العنود : أي والله هو الخسران ولا من يطول ظفرج الله يهداه بس ما عنده صبر ..وش نسوي هذا الجيل الجديد ما يعرفون للحب وين رياييل من أول يتعصرون من الحب تعصر الحين أبد خذي الرقم دقي ..خليني أشوفج يالله باي

ريم : تدرين عاد أنا وش بأسوي بأدبه بأخليه يعض أصابعه لين يغص بهم إن شاء الله

العنود : وش بتسوين يا متهورة .هاه قولي لي

ريم : يوم الجمعة أقول لج إذا سافر أبوي ,,وأمي بتكون معزومة طول اليوم بس ابيج تصحين من بدري فاهمة

العنود : انزين ما عليج أن شاء الله من الفجر اصحي بدري ولا يهمج بس وش بتسوين

ريم : بعدين بعدين بتعرفين بس خليج ريدي زين

وتطلع العنود من بيت عمها وهي ما تدي وش ريم ناوية عليه وتدق علي موبايل

العنود: اسمع عزوز ريم ناوية لك هالمرة نية الله يستر ..هي مصدقة أنك رجعت الرياض وتقول يوم الجمعة بيعرف وش بأسوي فيه ..أنت معطيها صورة من صورك ولا شي شكلها بتفضحك في كل قطر ولا قناة الجزيرة فأحسن حل يوم الجمعة ترجع قطر بس شوف ما تتعدى الفندق حتى الأكل تأكله في الفندق اوكيك وتخلي جوالك مفتوح علشان التواصل فاهم علي مو تتعدى الفندق حقك أبد

أنا : أبشري من عيوني الثنتين الله مير يسلمك تسلمين لي ذخر يا شيخه ... وأتصل بالخطوط وأحجز رحلة للدوحة يوم الجمعة من الصباح .. مو الصباح مرة مرة يعني من الساعة 12 الظهر ... وتمضي الأيام الى يوم الجمعة صباحا ..ريم في السيارة مع السواق عند بيت عنود وتصحيها من النوم علشان تنزل بسرعة وتجيب معها جواز السفر حقها وتركب معها في السيارة

العنود : أقلقتيني وش تبيّن بالجواز سندرتيني على ايش ناوية بالضبط

ريم : بنروح الرياض بأفضحه عند أهله وقدام الله وخلقه بأقول لهم كل شي وأبيه يرجع لي فلوسي مو مسكنته في الفندق على حسابي و رايح جاي على حسابي و أخذه وأوديه للمول ويقص علي يسوي نفسه مريض وتعبان وكل قطر تشوفني وأنا أمسك يده وأتحبب له .. والله لا أطلع كل ذي على ظهره

العنود: من صجك بتروحين الرياض وش نسوي هناك حنا ما نعرف فيها شي ..ثانيا الرياض يا معوّدة كبيره حيل أكبر من قطر سكانها كم مليون بنضيع وسطهم والله ثانيا كيف بتدلين بيت أهله هاه قولي لي

ريم : ما عليج خذيته من الفندق نسيتي أن فواتيره كله دزوها لمكتب أبوي هو كاتب عنوانه يوم راح هناك وهذي هي معي ..والله لا أراويه هالآدمي ..أجل ما صدق على الله على طول راح الرياض وفج

وتوصل ريم والعنود للمطار وما يلقون رحلة مباشرة للرياض ذاك اليوم ما في إلا رحلة جدة ويحجزون عليها ..وتقلع طيارتهم الساعة الواحدة ظهرا بتوقيت الدوحة وفي تمام الساعة الواحدة وربع توصل الطيارة اللي أنا فيها من دبي وبناءا على توجيهات العنود ركبت تاكسي ونصيت الفندق هالمرة على طول

أنا : لو سمحت ممكن أحصل عندكم غرفة ليومين ولا ثلاثة ( مأمل أبو ريم بيسكنه في جناح على حسابه )

موظف الاستقبال : ولو تكرم عينك بدك فيو ولا بدون فيو يعني بدك على الخليج ولا وسط الدوحة ولا مابدك فيو

أنا : بيني وبينك يعني مو قضية فلوس و أني أبي أوفر بس مابي فيو كل مرة أجي أسكن في فندق يعطوني فيو يا أخي مليت من كثر الفيوات

موظف الاستقبال : متل ما بدك بس هالايام عندنا عرض كل الغرف بسعر وايحد ( واحد باللبناني ) بس زي ما بدك

أنا: لا كل شي إلا أنك تطلق زوجتك علشاني خلاص بس هالمرة علشانك أبي أطلق فيو مو فيو نص ونص إلا ما بعد وصلكم عرض الجناح بسعر غرفة ولا توه

موظف الاستقبال : شو السويت بسعر غرفة من امتين ( من متى بس باللبناني بعد ) هالحكي ما بتدخل العئل

أنا : يا أخي الواحد يضيق صدره لا جاء الدول العربية من زود التخلف .. توني جاي من أوروبا باريس تعرف باريس عندهم هالعرض الناس طق عصي على الفنادق حتى أهل باريس يبون يسكون في السويتات ..ناس تعرف تسوي صناعة سياحية مو أنتم مهرجان ومطربين وحر وشمس الله لا يوريك ..المهم هات الغرفة بالفيو قبل لا يروح علينا الفيو

موظف الاستقبال : بتكرم عينك بدك شي تاني حبيب ئلبي ..

أنا :ايه أبى بكرة الله لا يهينك تجهزون لي باقة ورد كبيرة مرة ..علشان بكرة إن شاء الله بقابل خطيبة المستقبل ..

موظف الاستقبال : ولو بتكرم هلا بكلم محل الورود اللي بنتعامل معه هو محل كبير ومحترم جدا ..أحلى بائة ورد كرمالك وكرمال خطيبتك ... بس بدك نئيدها على الفاتورة ولا بدك تدفع لا الون ( الون =لهم باللبناني موب عاقل اللي خواله لبنانيين) يعني بتطلع لها شي خمسة آلاف ريال

أنا : ريال وشو قطري ولا سعودي ... لا يا أخوي مابي تسون لي حديقة يعني جب لي باقة ورد ما تكون كبيرة مرة ولا حلوة مرة .يعني شي وسط

موظف الاستقبال : فهمت ائصدك بائة صغيرة بتحملها بايدك ما هيك ..مش مشكلة بتتدبر هايدي حئها شي خمسمية ريال ..قطري إذا بدك نعمل عليها شوية حركات يعني اعمل حسابك بميتين ريال زيادة ..

أنا : هذا والله اللي بيطفرنا ..أقول حبيب قلبي أهم شي أني أوريها أني أحبها يعني ما راح ألبسها هالورد علشان تقول لي مرة بالفين ومرة بخمسمية ريال يعني الله لا يهينك لو بكرة الصباح قطعت لي وردتين من اللي عندكم على المدخل ولفيتهم بمنديل من مناديل مطعمكم تسوون لي فضيحة ولا تمشونها

موظف الاستقبال : عفوا حضرتك شو بتئول ..ما فهمت عليك ..لا سلامتك وين حجرتي بس ..ولا تخلي أحد يرقى بشنطي والله أعرف أشيل اقسم بالله العظيم .

وطلعت غرفتي وتحسب للظروف وعلشان ما أسوي شي ثم تصير مشكلة قفلت جوالي ونمت استعداد لبكرة العظيم ... وبعد ساعتين من هالوقت بس في مطار الملك عبدالعزيز بجدة لما وصلت الطيارة من الدوحة ونزلوا للكاونتر علشان يحجزن للرياض ومالقوا الا مقاعد في الدرجة السياحية

ريم : أخوي شنو مقعدين سياحين شايفنا ما شفنا خير بحياتنا أبّي درجة أولى فيرست كلاس ..

موظف الخطوط : يا ستي أجيب لك من فين صدعت رأسي الله يخرب بيتكم على بيتها شغلة ..كل صيف نفس المشكلة الناس تجي أول الصيف مع بعض وترجع آخر الصيف مع بعض وكله يبغا مقاعد ..اللي يبي جنب زوجته واللي ما يبي أحد يجلس عند شغالته ..يعني ايه نطير لكل عائلة طيارة علشان ترتاحون ( توه خاطب ومتوهق مع خطيبته )

ريم : موب قصدي بس يعني حاول مني منّي كود يطلع معاك شي

موظف الخطوط : الله يطولك يا روح وبعدين ..دحين أقول لك الطيارة ....فول ..عارفة ايش معنى فول يعني ما في مكان مرة أنا قولت أخدمك لما دبرت لك مقعدين في الدرجة السياحية الوقت هادا من العطلة كل الرحلات للرياض فول من أي مكان في العالم ..من جدة من أبها من لندن من باريس من الخرطوم من القاهرة ..أهل الرياض هادولي ما أعرف فين بيروحوا ..

ريم : طيب مو الرحلة ذي الرحلة اللي بعدها أو اللي بعدها أو اللي بعدها أهم شي نروح الرياض الليلة

موظف الخطوط : يخرب بيتها شغلة أنتي بتفهمي من فين يا أختي كل الرحلات مقفلة يعني انسي أنتي تحمدي ربك دبرت لك مقعدين في السياحية على الرحلة الجاية ..

ريم : لا مابّي فشلة أول مرة أيي السعودية أركب درجة سياحية .وش يقولون أهل قطر

موظف الخطوط : اش بهم أهل قطر كمانا حيركبوا معاكي ..الله يحرقك يا شيخه قرفتيني يا عدنان الله يخليك شوف الأخت هادي جابت لي الضغط والسكري أنا بروح آخذ لي استراحة حرقت أعصابي ..

عدنان : هلا والله بأهل قطر آمري يا حبيبتي وش تبين أطلبي بس ( يا متزوج وعنده ولد توه بيبي يا أعزب ولا وراه خطيبه )

ريم : تسلم والله نبي تذكرتين الليلة للرياض بس خويك ذي سندرنا كل شوي يقول الرحلات مقفلة ومقفلة شنو اهي سوق ولا مطعم وفوق ذي كله يقول تبون سياحية ... عاد يرضيك أول مرة أزور السعودية أركب سياحية ...

عدنان : يا شيخه اش دعوى ما عندنا نظر احنا ننزل الناس من الطيارة ونفضيها لك ...تآمرين أمر ..هالقمر هادا يركب سياحية اش يقولوا عنا باقي الشركات بس شوفي يا ريم ..تسمحين لي أناديك باسمك كدا بدون ألقاب ..بكرة الصباح أطلعك درجة أولى يعني على الساعة 8 للرياض باقي الرحلات فيها أمراء ومسوئلين صعب نفضي لك مكان في الدرجة الأولى ( اسطوانتهم المشروخة أمراء ومسئولين ولو تبي حتى سياحية ما يقدر يدبرلك ) اش رأيك منها يا ستي نكرمك في جدة ..دي حتى جدة حلوة ظفرها بالرياض ..عندنا بحر ..وعندنا أسواق والناس مبسوطة مو زي الرياض ...

العنود : زين زين نبي مالت بكرة أحسن على الأقل نتمشى في جدة ونشوف أسواقها أنا أموت وأشوف سوق حراء أموت فيه من جد ولا بحرها كلش ولا بحر جدة عاد ( همسا : وينه ذي ليه مقفل جواله الله يآخذ عمره كثر ما هو غبي وين الاتفاق شكله إلى الآن في دبي )

ريم : طيب وش نقول لأهلنا عن طلعتنا وين بتنا يا ذكية هاه فهميني ...

العنود : نقول نمنا عند أمل كانت مسوية ديجي على الضيق ونعسنا هناك ونمنا وبكرة الظهر إن شاء الله رادين الدوحة ..اعتمد يا أخوي بكرة الرحلة ..

عدنان : طيب يا قمر ممكن إثباتاتكم علشان أحجز لكم المقاعد ...على فكرة يا ريم ..ممكن تعطيني رقم الموبايل حقك علشان بس تتابعين الحجز معايا لأن نوبتي حتنتهي بعد شوية ( توه مستلم النصاب ) وأنا أشوف لك حجزك لأن مرات في موظفين بيكنسلون حجوزات علشان يطلعوا عليها معارفهم ( يعني هو البريْ مع تحيات واحد مقهور من مطار الملك عبدالعزيز بجدة )

ريم : تسلم والله كلك ذوق ما أدري من دونك وش كنت بأسوي صراحة

العنود : ( همسا)من صجج بتأذخين رقمه و عبدالعزيز ..

ريم : ايه بآخذه و بأكلمه بعد ولا تجيبين لي طاريه ذي كرهته اللي ما تقابلنا ألا نرد نتخانق مرة ثانية

العنود: ( همسا) عسا يرد ذي قبل لا نروح الرياض والله مدري عنه وش مهبب شكله طايح في مصيبة جديدة )

و يطلعون ريم والعنود من مطار جدة ويفرون أسواق جدة فر وكل شوي العنود تدق علي وجوالي مقفل إلى الساعة 10 في الليل بتوقيت البلدين لما صحيت من النوم وفتحت جوالي أشوف إذا في مسجات جديدة ولا لا وعلى هالحزة تتصل علي العنود ..

العنود : أخيرا وين كنت غاطس بأي مصيبة هاه وليه مقفل جوالك أنت في دبي الآن ولا وين عساك بالسعودية ...

أنا : بشويش علي لا تأكليني أنا في الدوحة ..ومثل ما اتفقنا في الفندق ما تعديته ابد انتظر بكرة الصباح يجي بفارغ الصبر علشان اسنتر عند باب كلية ريم ..وش رأيك فيني أعجبك صح

العنود : يا ليتك ما جيت الدوحة تدري أحنا وينّا فيه .. في سوق حراء ...

أنا : ماشالله حتى أنتم بعد عندكم سوق حراء من متى ما عمري سمعت به ابد ..

العنود : لا في جدة أنا الحين أكلمك من دورة المياة علشان ما تسمعني ريم ..ريم ناوية تفضحك عند أهلك وتسوي لك مصيبة عند أهلك كلهم أنا قلت لها أنك رجعت الرياض لما حسيت أن ما في أمل من الزواج هي تضايقت والظاهر استخفت بعد ..وحالفة إلا تفضحك في الرياض كلها

أنا : هلا والله وش هالمصايب ..طيب وش موديكم لجدة ..اختطفوا طيارتكم ولا وش القصة ...

العنود: لا أمس ما في إلا رحلة واحدة للسعودية متجه لجدة على أساس نروح من جدة للرياض على طول بس صارت مشاكل ولازم نبات الليلة في جدة بس بكرة من الصباح بنكون في الرياض لازم تجي الرياض بسرعة ولا ريم بتسوي مصيبة هذاني أقول لك ..

أنا : طيب ما تقدرين تأخرينها من وين أدبر رحلة الآن وشكل مطاركم بعد مسكر الآن الله يخليك عطليها قد ما تقدرين أنا بأسوي أي مصيبة توديني الرياض بس الله يخليك أمسكيها أخريها

العنود : ما أقدر أخرها أنا حبيت بس أقول لك الحين لازم أسكر أخاف أتأخر على ريم وتشك في الموضوع ..

أنا : مشكورة الله يسلمك ... وش السواة الآن ..

وأطمر من غرفتي بأقسى بسرعة وأتجه للمطار

أنا : الله يخليك يالحبيب أبي أقرب رحلة وأسرع رحلة للرياض أي طيارة أي درجة لو مع الشحن في مصيبة في الرياض ولازم ألحق عليها الآن

الموظف : ماكو طيارات هالحزة ماكو إلا طيارات بتوصل من أوروبا وشرق آسيا غير كذا ما فيه رحلة الرياض بكرة إن شاء الله الساعة 12 الظهر ...

أنا : الله يخليك أي طيارة مو شرط مباشرة لو عندكم بتروح استراليا ثم طيارة من استراليا توديني للرياض لازم أروح الآن من جد لازم تقدر ظروفي ..أفهمني الله يخليك ..

الموظف : والله ماكو طيارات خير شر اقرب رحلة الصباح على الساعة 6 احنا نبند بدري بس نصير نستقبل رحلات تالي الليل ...

أنا : لو انتظرت لبكرة الظهر بتصير كارثة إنسانية غير مسبوقة ..الله يخليك ..ساعدني ..

الموظف : تبي توصل الرياض قبل الصباح يعني هذا طلبك ..

أنا : ايه ..الله يسلمك أحب رجلك يا شيخ ساعدني ...

الموظف : مو مشكلة أنا دوامي بيخلص الآن وبأعلمك الطريقة اللي توديك للرياض بأسرع طريقة ..وأنتظر لين الموظف خلص شغله ..وبعدين ركبت معه في السيارة ..وقال لي أنت تبي توصل الرياض قبل الفجر مو جذيه

أنا : ايه الله يخليك طلبتك مسألة حياة أو موت بس كيف وما في طيارات بتوديني يعني بطيارة عسكرية

الموظف : لا الله يهديك أنا أبوي عنده محل تموينات على قدنا ونجيب عصاير وألبان من السعودية من شركة البقرة الحلوب ..والسواق مال الشركة باكستاني بس يعجبك يدوس في الطريق دوس شكله راعي حبوب تصدق لو في عفش ضايع ولا ناسين نحطه في الطيارة نعطيه اياه وهو يوصلها مجرب لا يهمك ..

أنا : يعني أنت ضامنه أخاف يهبد بنا في الطريق ويصدم بنا في عمود ولا شي ونروح ملح

الموظف : ما عليك أقول لك ضامنه يبه هذا يسوق من الدوحة للرياض وهو مغمض عينه شبلاك أنت

وبالفعل ركبت مع الباكستاني .ماشالله أزين ما فيه يعطيك انطباع انك في طيارة كونكورد مو سيارات نقل عصيرات وألبان وكلها نص ساعة وصلنا الحدود القطرية السعودية ..ولما وصلنا الجوازات السعودية ...

الضابط : أنت ياللي راكب جنب السواق ..سعودي

أنا : ايه نعم طال عمرك ومن الرياض بعد في شي طال عمرك .

الضابط : رفيق وقف السيارة على جنب وأنت تعال معي للمكتب .... أقول أنت رايح دبي من قريب

أنا : وش دراك ماشالله عليك أكيد قريت الجواز اليوم الصباح توني واصل من دبي ..

الضابط : زين قوارير ولا حبوب أخلص ..ولا من بقايا أفغانستان .. يالله على مهلك تكلم

أنا : الله يهديك ليه كذا بس لا قوارير ولا حبوب ولا عمري تعديت الخليج من يم الشرق أبد .. ناوي تجيب أجلي هالليلة

الضابط : أقول هالاشكال مارة علي من قبل أنا أبي أساعدك صدقني بس أنت قل لي الصدق .مو منطق في آخر الليل وراكب مع باكستاني في سيارة نقل عسا ما شر ..مطير فلوسك على روسية يعني

أنا : لا والله لا روسية ولا شي ثاني يا طويل العمر السالفة وما فيها وعندها يرن التليفون ...وأرد عليه ..الو ( والضابط ملصق أذنه معي في الجوال )

العنود : هلا وينك يا أخي هاه بشر عسا الأمور تمام لازم توصل للرياض في الفجر علشان ما تخرب الخطة ما صدقنا على الله تضبط الأمور وكل يمشي زي ما تمنينا ..

الضابط : يا عساكر بسرعة جيبوا الكلبشات وكلبشوه وفتشوا السيارة وأنتبهوا السيارة مليانة بالمتفجرات وبلغوا العمليات في الرياض فورا .....ليتك راعي حبوب ولا قوراير كان أهون

أنا : يا حضرة الضابط تراك فاهم السالفة غلط والله العظيم

العنود : من عندك شنو ضابطه وش صار بعد وأنا كل ما أخليك تطيح في مصيبة

الضابط : أنتي من هاه أنتي من .. ووش الخطة وش كنتم ناوين عليه في الرياض ولازم قبل الفجر تكلمي بسرعة

العنود : يمه من أنت شكلي غلطانة يالله باي ...وقفلت جوالها

الضابط : هيّن على بالها إذا قفلت جوالها ما راح نقدر نجيبها بس دواها عندي ..الحين بتجي طيارة مروحية تأخذك للرياض رأسا علشان نباشر معك التحقيق هناك

أنا : الحين يوم تدبرت روحة الرياض جت مصيبة لا تنهضم ولا تنبلع ... يا حضرة الضابط والله العظيم أنك فاهم السالفة غلط مو زي ما أنت متصور قسما بالله أنا وين واللي في رأسك وين يمين بالله ..

الضابط : نصيحة مني توفر حكيك كله لين تروح الرياض فاهم ولا لا أصلا ما يخرب البلد إلا أمثالك كفروا الناس وحاربوهم معقتدين أنهم المسلمين والباقي كفرة والإسلام منكم براء ..

أنا : طال عمرك وراك قلبت خطبة جمعة .. والله العظيم أنت فاهم الموضوع غلط يا أخي هذا وجهي وجه تفجير ولا أفغانستان أنا عساني أصلي الفجر في المسجد قبل بعدين يحلها حلال

الضابط : أقول ولا كلمة الهليكوبتر اللي بتنقلك للرياض في الطريق وأحنا نعلمك شغلك زين ..

وتجي الهليكوبتر و تأخذني للرياض في ساعتين ومن الساعة 2 الفجر والتحقيق معي

المحقق : وش رأيك بابن لادن وتنظيم القاعدة ..هاه

أنا : والله يا طويل العمر ابن لادن الله يهديه بس مدري من لعب في رأسه يعني لو يبي المصلحة صدق كأن قضب أرضه وشغل فليساته في شي ينفع ديرته ولا المسلمين مو ذبح وذبيح ما بقى أحد على وجه الأرض إلا كفره حتى المشايخ جاهم نصيبهم .. أما اللي معه يا مبزرة يا ناس ما لقوا لهم شغل يا ناس من راعين حبوب وقضوم طايرين في العجة ... زينة أجابتي طال عمرك

المحقق : ممكن أعرف وين كنت قبل دبي وهل عندك أسامي ثانيه

أنا : كنت في الدوحة وبعدين رحت دبي وبعدين رجعت الدوحة وكنت طالع الرياض ..بالنسبة للأسامي عد واغلط عبدالعزيز ..عزوزي , العزي ..وعندك أمي إذا عصبت علي تقول عزيز ووجع .وأبوي الله يرحمه يقول لي يا ضيراط . بس

المحقق : مو ملاحظ تنقلاتك وسفراتك في المدة البسيطة شي غريب مرة ما تلاحظ ...

أنا : شف يا طويل العمر القصة وما فيها القصة كيت وكيت بدت من حوالي أسبوعين في لندن ..وسردت له الحكاية كلها من أولها ...وفي هالوقت في جدة في فندق الهيلتون على الكورنيش ..تليفون ريم يرن

ريم : الو مين

عدنان : أهلين والله أنا عدنان موظف الخطوط السعودية حبيت بس أذكرك بموعد رحلتكم و أقول لكم خلاص الحجز تأكد مع أحنا ودنا تنورينا في جدة وقت أطول تأمريني حاجة تانية

ريم : مشكور تسلم والله ما قصرت ..مع السلامة ..عنود لو أنتي محلي ما تحسين بالقهر شوفي الفرق بين عدنان ذيه وهاللي يقول يحبني ويموت فيني و ما صدق على الله ينحاش

العنود : ( في نفسها ) والله شكله يقص علي جالس في دبي مع شلة سكارى و مسوي روحه في الشرطة ..أنا حاولت أساعده بس الواحد يعرف مصلحته بروحه ...

ريم : وش فيك ساكتة ردي علي وش رأيك بالفرق هاه

العنود : والله تعبت ويّأكم سووا اللي يجوز لكم ابتلشت معاكم والله ...

وفي الرياض كان التحقيق ما زال مستمر وبعد أربع ساعات وبعد ما خلصت كل القصة من طقطق لسلامو عليكو من يوم لندن إلى اليوم

المحقق: شف يا عبدالعزيز علشان نتكلم بصراحة أنا ما صدقت ولا كلمة من كلامك وفي نفس الوقت ما في شي نقدر نمسكه عليك شف راح نطلق سراحك الآن بس خل في بالك بنراقبك عن قرب لو تسافر الصين بيكون واحد من عيوننا يراقبك فاهم ولا لا

أنا : الله يخلي لكم عيونكم ..آمين يارب يعني أقدر أطلع خلاص بذمتك خلاص ...

المحقق : ايه يالله طس وفارق وأتمنى أني ما أشوفك هنا مرة ثانية لأني لو شفتك صدقني بتشوف شي ما عمرك شفته في حياتك فاهم ولا لا

أنا : ابشر طال عمرك وكثر الله خيرك ..وانطلق من المباحث و أنصى أقرب ليموزين وأدق على أخوي ... اسمع تآخذ أمي وتطمر بها لكل مستشفيات الرياض ..ترى خالي في الإسعاف وما أدري في أي مستشفى

أخوي : وش القصة وش صار وش تخربط أنت ووش دراك وأنت برى المملكة

أنا : توهم عيال خالي داقين علي بس ما قالوا بأي مستشفى

أخوي : ليه ما دقوا علينا احنا وليه أنت بالذات ..على العموم أدق عليهم الآن وأشوفهم وين هم بأي مستشفى

أنا : صدق ما عندك سالفة يعني هم أبوهم بين الحياة والموت وأنت تدقدق عليهم بالجوال صدق ما تستحي على وجهك تأخذ أمي الآن وتلفلف بها على كل مستشفيات الرياض حتى المستوصفات فاهم ولا لا لين تلقونهم على ما احي ..قصدي على ما ارجع من السفر فاهم ولا لا

وأنتظرهم بالليموزين عند الباب ولما طلع أخوي وأمي من البيت طمرت للبيت ودخلت وارتحت من التعب اللي تعبته وشوي إلا يرن الجرس وافتح الباب وألقى ريم

أنا : ومابيّه ومابيّه وخلوه يروح لأهله وجاية تلحقني صدق الحب يذبح

ريم : روح زين حبك برص وعشرة خرص وين أمك وين اهلك بسرعة نادهم لي هني أبى أفضحك عندهم يا مغازلجي بتناديهم ولا وشلون أدخل أنا لهم بنفسي ...

أنا : أدخلي بس الناس صراحة بيقولون وش هالبنت اللي تدخل بيت ولد ما فيه ألا هو يا بيطلع عليك حكي ولو يدرون بعد أنك كنتي تلفين بي نص أسواق الدوحة وأنتي ماسكة يدي بيقولون وش هاللي ذابة وجهها عليه

ريم : شوف أنت بتجنني أنت وهالويه وين أمك هاه وين أهلك ترى والله لأصارخ الحين وأخلي الناس كلها تتفرج عليك

أنا : صارخي أنا أهلي مو فيه مسافرين ..وأن سألوني عنك بأقول واحدة مجنونة فيني وجالسة تلاحقني من شافتني في مطار هيثرو كل ما رحت ديرة لقيتها وراي ناشبة فيني

ريم : نشبوا فيك أن شاء الله عشرة عفاريت أنا ألاحقك من زينك عاد ولا كرم أخلاقك تدري وشلون

جرس الباب يرن وأروح أفتح الباب وألقى جارنا الشايب أبو عبدالله

الشايب : عسا ما شر يا وليدي وش هالصياح والصراخ وش فيكم عسا الوالدة ما فيها شيء

أنا : تراك غثيتنا يا الشيبة أنت ملصق أذنك ثانيا قلت لك ألف مرة اترك أمي في حالها وقابل مرتك أحسن لك ترى الفياجرا مو لك صدقني الفياجرا تعتبر خطر عليك أداة قتل بالنسبة لك والله العظيم ولو سمحت توكل يالله لبيتكم قبل لا تموت علينا ...وأسكر الباب والتفت على ريم .. ايوة وش كنا نقول

ريم : ما نقول شي على العموم تدري أنا جيت أقول لك انك جبان وماصل وشين وما فيك خصلة واحدة زينة ..يالله يا عنود نمشي علشان نلحق طيارة الدوحة لو بقيت هني دقيقة بعد بطق بنفجر من بعض الناس

العنود : ( همس ) أنت وشلون وش سويت كيف أمداك تلحق على كل ذي

أنا : بعدين أعلمك ..بسرعة ألحقيها لا تسوي بنفسها شي أنا بلحقكم للدوحة بس بالسيارة بس ارتاح شوي

ريم : عنود تعالي بسرعة ترى والله واصلة معي من ذي ...

تتوقعون عبدالعزيز الى الان مصر على ريم ولا بيهون تبون تعرفون وش صار التكملة

تحياااااااااتي
نوسو نوسو غير متصل   الرد باقتباس
قديم(ـة) 12-03-07, 03:42 AM   #5
|[ عـضـو مـبــدع ]|

 
الدولة:
الافتراضي رد : لاتفوووووووووووووووووووووتكم ريم القطريه قصه حللللللللللللللللوه

وراحت ريم مع العنود للمطار بالليموزين و أنا ارتحت ساعة وطلعت بالسيارة قبل ما أخوي وأمي يجون ويلعنون خيري إذا اكتشفوا أني كنت ألعب عليهم ووصلت للفندق في الدوحة على الساعة 6 الفجر وتعبان وهالك من الطريق والمشاوير ...وأول ما وصلت للفندق رحت لموظف الاستقبال ..

أنا : صباح الخير لو سمحت ألاقى عندكم خرقة

الاستقبال : شو شو خرقة لو سمحت يا سيد أحنا هون اوتيل محترم ما عندنا الشغالات هيدي(خربوه عيال الدوحة )

أنا : يابن الحلال الحين فندق طويل عريض وخمس نجوم ومدري ايش وما عندكم خرقة ألاقيها في الشوارع لو أدور بس مالي خلق والله

الاستقبال : شوف يا سيد بتجيبا من الشارع بتجيبا من أي زفت على كيفك بس ما تفوتها لهون في الاوتيل فاهم عليي .. ما بنفوتون عندنا في الاوتيل

أنا : يابن الحلال خرقة بيضا وش فيك أنت

الاستقبال : شوف بيضا سمرا قمحية ما بيفوتوا عنّا وبس هيدني ئلت لك

أنا : أبيها بأكتب عليها شي أبى خرقة أكتب عليها شي افهم مو اللي في بالك يا وصخ

الاستقبال : والله شو بدي ائول لك بس ما عندنا من هي اللي بتئول عنّا سوري كان بدي أساعدك

وأرقى لغرفتي وأدور وألقى فوطة ( فوطة = منشفة ) وأكتب عليها ... ريم تراني أموت فيك ولا أقدر على فراقك صدقيني .. يا ريم والله أحبك واسفط الفوطة وأطلع من الفندق على الساعة 9 ونص وأخذ تاكسي وأروح لمدخل كلية ريم القهر جلسنا في التاكسي وأنا أقول له لف لف لف أدور مدخل البنات من كثر الشباب اللي يدورون عند الكلية نسيت أنها كلية للبنات بس المهم نزلت من التاكسي عند مدخل كلية البنات و أجلس شوي واجلس على الأرض و أعلق لوحتي على شجرتين قدام مدخل الكلية وأجلس تحتها ... وكلها خمس دقائق وتختفي سيارات الشباب وبعد عشر دقائق إلا أشوف شباب الدوحة وعلى المناطق المحيطة بها مراعاة فارق التوقيت كل واحد نازل من سيارته واللي شايل قطعة قماش طولها عشرين متر واللي معه قطعة فلين واللي جايب صحيفة كل كاتب أحبج يا ريم أموت فيك واللي كاتب ريم ما أقدر على فرقاج ..واللي يقول فديت ريم وكل بنات الدوحة ... طبعا أنا ماني فاهم وش السالفة وش هم يبون المهم جالس نص ساعة على ذا الحال بنات الكلية بدوا يتجمعون ويطلون من الدرايش والظاهر في أحد بلغ أن في مظاهرة أو شي زي كذا كلها نص ساعة ألا سيارات الشرطة جايه وتحاصر المكان و الشباب من سمعوا صوت الدوريات كلا ركب سيارته وانحاش بقيت أنا ما معي سيارة لا ومن زين الطابيع أسفط في الفوطة علشان أرجعها للفندق أخاف لو ضاعت يحاسبوني عليها .. ويمسكوني الشرطي ويودون لمركز الشرطة ومن قرادة الحظ يحقق معي نفس الضابط اللي مسكني يوم أطلع لبر العديد يوم يحسبوني أهرب مخدرات وخمور وحشيش

الضابط : وأنا كل ما تطيح في يدي قضية عودة ألقاك بويهي أنت وشو جاي تنشر الجريمة في قطر وش تبي منها

أنا : طال عمرك أنا اللي ودي أسألك قطر كلها ما فيها ضابط ألا أنت بصراحة صرت أتشاءم منك لا تزعل بس هذا شعوري و انطباعي الأول

الضابط : الحين ياللي ما تستحي على ويهم هاد بنات السعودية وش كثرهم ووش زينهم فديتهم والله وجاي حاط عينك على هالكم بنت اللي عندنا في قطر بس أبي أفهم وجاي تبتكر طرق في المغازل عاد احنا عندنا شباب أبد ما يحتاي واحد يسوي شي ألف واحد يسوون مثله

أنا : والله يا طويل العمر أنا مثلك تفاجئت كلهم بسرعة جابوا لوحاتهم وكلهم نفس الشي أحبك يا ريم وأموت فيك ..طيب أفرضوا أني العب عليكم ولا سكران الله يهديهم بس شباب طائش متهور

الضابط : إذا هم متهورين أنت وش ينقال عنك هاه فهمني الحين ممكن بالضبط تفهمني وش أسوى بك احنا هني في قطر عقوبة المغازل جلد وتعهد بعدم التكرار ونفضحه عند مجلس أهله بس أنت مب قطري أولا وثانيا راعي سوابق وثالثا أنا بديت أشك في عقلك

أنا : قولوا لي ترى اللي تسويه عيب واعقل ولا عاد تكررها مرة ثانية وبس تبون تعهد ما عندي مانع

الضابط : المرة ذيك ريم أنقذتك من التهمة ولا كنت بتروح فيها ملح بس هالمرة فهمني من بيساعدك بأجلدك بيدي

أنا : ممكن أعرف ليه أنت حاقد علي طال عمرك والله ماني راعي خرابيط ولا راعي مغازل بس حبيت ....

العسكري : سيدي الضابط في واحدة عند الباب تقول أنها ريم وتقول إن المتهم ذي يصير خطيبها وجاي يثبت لها أنه يموت فيها صج وتبي تقابلك ضروري أخليها تدش ولا لا

الضابط : أبي أفهم بس أنت وش مسوي لريم ساحرها ولا وش القصة بالضبط ..يا عسكري خلها تدش

وتدخل بنت أول مرة أشوفها

البنت : قوة شلونكم عساكم بخير ..هلا حبيبي وحشتني وحشتني كثير

الضابط : الحين أنتي ريم .طيب وريم اللي في المحكمة وش تصير وش السالفة ..أنت خطبت ريم ثانية غير ريم ألاولانية

أنا : والله يا حضرة الضابط الكذب خيبة بس تبي الصدق عاد أنا نفسي ما صرت أدري وش السالفة

العسكري : سيدي الضابط في واحدة تقول أنها ريم خطيبة المتهم وتبي تدخل تشوفه وش أقول لها

الضابط : أنت أعمى ما تشوف وهذي وش تصير مو هذي ريم خطيبته يا عسكري أنت ماكل شي

العسكري : والله العظيم يا سيدي الضابط أني شايفها وصاحي بس في واحدة ثانية تقول أنها ريم وخطيبته وتبي تدخل تشوفه وتتطمأن عليه

الضابط : عبدالعزيز وش القصة فهمني كم واحدة أنت خاطب وكلهم أسمهم ريم أنت مريض نفسي

أنا : والله العظيم طال عمرك أني ما عندي أدنى فكرة بس وش ورانا خلها تدخل نشوف بس عسى ما تطلع توهيقة وشيفة ترى هالأيام بيني وبينك كاثره المقالب

الضابط : خلها تدش يا عسكري نشوف وش تاليتها

وتدخل بنت ثانية علينا وتقول

البنت 2 : اشحالكم وش مسوين هلا قلبي فديتك والله ليت أبو ظبي كلها هنا بدالك والله ما تسوى عليك هالوقفة

الضابط : ممكن يا أختي أعرف من أنتي

البنت 2: أنا ريم من أبو ظبي أدرس هني في كلية فيرجينا وعبدالعزيز روحي وحياتي وكل عمري

الضابط :وأنتي من وشنو قصتج أنتي بعد

البنت 1 : أنا ريم من الكويت أصلا ما جيت هني الدوحة إلا علشان عبدالعزيز هو اللي وعدني بيزورني في الدوحة بعد قلبي حياتي عزوووزي

الضابط : أنت جالس تواعد بنات الناس في ديرتنا قالبها شنو أنت ..

أنا : أقسم بالله العظيم أني صدق صدق ماني فاهم شي بس ما أخبي عليك مبسوط متشقق من الفرحة يذكرني بالسوبرماركت اشتر واحدة واحصل على واحدة مجانا

العسكري : سيدي الضابط في واحدة تقول أنها خطيبة المتهم واسمها ريم

الضابط : يلعن أبوها شغلة خلها تدش نشوف وش سالفتها بعد

البنت 3: خلف طوايفي بعد حلوى الرهش كلها يا أحلى من عين عذاري ..يا بعد الدان والمحار عبدالعزيز والله حرام وحشتنا يا بعد المنامة والمحرق و علىالمقيمين خارجها مراعاة فارق التوقيت .عسا ما جاسوك أو اذوك تحج (تكلم)

الضابط : أنتي من ومن وين ووش قصتج

البنت 3 : أنا ريم من المحرق تبي حلوى,, خطيبته بعد قلبي هو صج كاشت فيني بس ما أقوى أبد على فراقه

الضابط : طبعا أنت ما تعرف شي ولا عندك أدنى فكرة

أنا : أكثر شي يعجبني فيك يا حضرة الضابط أنك لماح وسريع البديهة

العسكري : سيدي الضابط في

الضابط : بنت تقول اسمها ريم وخطيبته خلها تدش يبه أي واحدة تبي تدخل على طول لا تشاور دخلها على طول شغالة منحاشة هم بعد دخلها واحدة ساحرة أي شي أحنا ما عندنا لا روميو ولا فالنتينو عندنا كيوبيد

البنت 4: عبدالعزيز حياتي ..ايش عملوا فيك لا يكونوا عملوا لك حاقة والله أموت قبل ما أوصل صلالة

الضابط : طال عمرك أبي أسألك سؤال يعني من واقع خبرتك ومعرفتك باقي كثير يعني إذا تتوقع عدد أكبر ممكن ننتقل لصالة أكبر علشان نكمل التحقيق معك طال عمرك

أنا : والله طال عمرك أني ما أدري بس أحتياطا أعمل حسابك يمكن يزيدون لو منك كنت أسوي كذا

الضابط : أنتم يا بنات صدق تعرفونه وتحبونه ولا بس جايين دفاعا عنه .ترى الولد راعي شبهه ومو أول مرة نمسكه

ريم الكويتية: بعد طوايفي والله أحبه ويحبني من يوم خزني في سوق شرق ما أجذب عليك هم أنا خزيته ومن يومها و حبه ساكن في وسط قلبي

ريم الأماراتية : هم أنا بعد أموت في زوله من يوم قابلني في دبي في مركز برجمان وهو يبتسم لي ذيج الابتسامة قلب حياتي فوق تحت وين ما أسير صورته وسط عيني فديته وفديت طوله والله

ريم البحرينية: ما أقدىر ( تراها تنكتب كذا علشان نطق البحرينين) والله ما أقدىر أعيش يوم بدونه صار بحياتي مثل حلوى الرهش مالي غناة عناه والله من يوم تقابلنا في سينما السيف وهو حياتاي كلها

ريم العمانية : ما تقول كيف حبيتيه واي حاجة ثانية ..أنت بس اسألني كيف كنت عايشة بدونه في مطار مسقط كان أول لقاء وبدأت حياتي من هناك

الضابط : طبعا أنت تذكر هالمواقف كلها صح يا فالنتينو عصرك وزمانك

أنا : والله الكذب خيبة يا حضرة الضابط بس يمكن تعرف أنا من النوع اللي حبه عنيف فمثلي ينسون ضحاياهم فيما الضحايا تعاني وتعاني الحين جالس أهيء نفسي علشان أتذكر البنت اللي بتجي من بيروت عاد كل شي إلا بيروت

الضابط: بس جب .ما أقدر أقول شي لو سجنتك بتقدر تطلع بكفالة ألفين ريال بعد نص ساعة ..وهذا برأيي مو كفاية تدري وش أحسن حل لك ولهم .. شوفوا لكم أسبوع ما أبيكم تفترقون كلكم ..وين ما تروح ألا وهم معاك والله لو أشوفك بجهة بروحك ولا واحدة منهم مو معك أقطك في السجن على الأقل عشرين سنة فاهمين أنت وياهم

أنا : بس طال عمرك يعني أنت فاهم يعني ما يصير وش تبي أنت

الضابط : يالله توكلوا على الله كلكم ما أبي أشوف ولا واحد منكم ولا تنسى يا عبدالعزيز لو أشوفك بروحك يا ويلك يا سواد ليلك يالله تقلعوا كلكم .

و طلعت ومعي هالأربع متمسكين فيني وتوني طالع وألقى ريم القطرية ومعها العنود بنت عمها

يا ترى لما ريم شافت عبدالعزيز طالع وبيده أربع بنات وش بتسوي له ووش بيصير

تبون تعرفون تابعوا معاااي الجزء الأخير
تحياااااااااااااتي
نوسو نوسو غير متصل   الرد باقتباس
قديم(ـة) 12-03-07, 03:44 AM   #6
|[ عـضـو مـبــدع ]|

 
الدولة:
الافتراضي رد : لاتفوووووووووووووووووووووتكم ريم القطريه قصه حللللللللللللللللوه

ريم القطرية : ما قلت لج يا عنود راعي بنات هين يالزطي دواك عندي بس أياني وإياك أشوفك مقرب فريجنا فاهم

أنا : يعني يا تحبني يا بزعل والله ما صارت حالة .. لازم تتقبلين الأمر الواقع

ريم القطرية : جب ولا كلمة فاهم لا اجي الحين أتوطى في بطنك ما أبي أسمع منك ولا كلمة بس

ريم الكويتية : اهووه عاد كل شي ولا عزوزي احترمي نفسج عاد

ريم العمانية : والله هذا مرة كلام مو لايق بالمرة أنتي ليه تقولي كذي ما تخافي ربك

العنود : بس بس بنات هدوا أعصابكم عبدالعزيز ممكن تضف البنات اللي معك وأنا بأخذ بنت عمي

أنا : والله يا عنود تعرفين حبي عنيف وأنا بطبيعتي ديموقراطي أحب أنهم يعبرون عن رأيهم بكل صراحة بدون أي تدخل مني .. بنات تحبوني .

ريم البحرينية : أطالع الله بالسماء ثم أطالعك يا قلبي يا غناتي

ريم الأماراتية : سير يا بو سعود بس خلها هي وويهها مو ناقصين لها ...

أنا : بنات يالله وراي عازمكم في في كوفي شوب على حسابي ...غايضة الحساد أنا من يومي ايوة آه

ونروح كوفي شوب ..وهناك تبيّن لي أن الأمر لم يكن كما توقعته فأصعب شي أنك تكون وسط أربع بنات المفروض تغازلهم كلهم ومو قادر ...يعني وشلون بأنصب علي واحدة منهم وأقول لها أموت فيك ثم التفت على الثانية وأقول للثانية نفس الشي ..

أنا : بنات بصراحة أنتم عارفين أني ما عمري قابلت ولا واحدة منكم بس ليه تتدعون أني أعرفكم كلكم وبيني وبينكم قصة حب ..

ريم الكويتية : أبد والله عجبتني رومانسيتك .. الله لا يواريك كنت أحب واحد في الكويت هو راح يدرس ببريطانيا ودائما يحجي لي عن الثقة ومالثقة يوم قلت له أبي أسافر الدوحة أكمل دراستي قام يغثني ما أرضى وما أرضى أنا أغار عليج وش يوديج لقطر أنا أصلا ما ودي تكلمين دراستج في الكويت هالدور بتروحين لقطر .يوم صممت على قراري قام هدني وتزوج واحدة بريطانية ... عاد أنا شفت فيك الرومانسية اللي أنا مفتقدتها ...

أنا : طيب وأنتي ياللي من أبو ظبي وش قصتك أنت بعد تحبين واحد وطنشك ...

ريم الأماراتية : لا أنا قصتي ثانية ..احنا في عايلتنا البنت لولد عمها ..صج أنا خلصت بكالورويس آداب في أبو ظبي وجيت أدرس مرة ثانية هني .بس شنو أخرتها بتزوج ولد عمي واحد ما معاه ثانوية وطول الوقت يا يطالع كورة في التلفزيون يا يلعب بلاي ستيشن في مقاهي الكمبيوتر في ديرتنا ..طول عمري أقص على نفسي وأقول ما في حب و هذي خرابيط أفلام ...نفس كلام أمي مدري يوم شفتك شايل اللوحة عند مدخل الكلية كل شي تغير في عيوني

أنا : وأنتي يا بنت دلمون وش قصتك ..

ريم البحرينية : أقول لك بس ما تزعل احنا في البحرين ما أحد غثنا ولا خرب ديرتنا ألا أنتم يالسعوديين كلش مقازل في السيف وفي الدانة ما تخلون أحد يروحه .أحنا صرنا نضرب فيكم المثل في العيارة وأنكم بس تلاحقون بنات ..بس أنت حسستني أننا كنا ظالمينكم وفيكم ناس تحب صج ..يعني رحمتك ..

أنا : الله مير يسلمك وأنتي وش قصتك يا بنت عمان ..

ريم العمانية : أنا ما عنديش حاقة والله ..بس شفتك قلت يا ربي هو يحب واحدة وهي ما عبرتوه . أصلي أحب الأفلام الهندية واقد ما تتصور قد ايش

أنا : بصراحة يعني الحق ينقال الواحد ما يتخيل أنه مع بنت حلوة وأنتم ماشالله أربع بنات حلوات لو واحدة ولا ثنتين عرفت عليكم وأقول لكم أني ميت فيكم بس مدري أحس أني ما أقدر أسوي شي وأنا معكم يالأربع ..بس أبى منكم خدمة بسيطة مع هاللي شفتوها برى مركز الشرطة بس أبيها تعترف أنها تحبني وتفكني هي مشكلتها أنها تكابر ..بعدين أقول لكم جزاكم الله خير ... وأتصل على العنود

العنود : أنت وش تبي الحين يا أبو البنات هاه وتقص علي وتقول ساعديني

أنا : أقسم بالله ما أعرفهم ولا عمري شفتهم ألا اليوم بس هم الظاهر رحموني من ظلم بنت عمك ومن الشرطة لا يسجنوني و هذي كل السالفة ..

العنود : انزين وش تبّي مني الحين هاه قول لي

أنا :أبيك تجيبين ريم لأي مطعم ولا كوفي شوب وأنا أعترف لها بحبي لها وأضحي بالبنات الباقيات علشانها

العنود : والله أنك تخوف بس أوكيه باجر تروح اللاند مارك في ستار بكس بس والله أن سويت جذي ولا جذي أني بأصف مع ريم ضدك وأنا بنفسي بخنقك

أنا : أوعدك ما راح يصير إلا اللي يرضيك ويرضيها .... يالله باي ..بنات بكرة أبيكم في شغلة في ستار بكس في اللاند مارك أرجو أنكم ما تخيبون أملي فيكم والحين توكلوا على الله على بيوتكم ..

البنات : وين نروح نسيت الشرطي يقول لنا لا أشوفكم ولا واحدة منكم مبعده عنه ولا نسيت يعني رجلنا على رجلك

أنا : بنات بروح للفندق برقد أوكيه يعني نوم وأنتم أربعة يعني أطلق فيلم أمريكي شفت البطل فيه مع ثلاث بنات هالمرة أنا مع أربع بنات لو سمحتوا ...

البنات: رايحين معك يعني رايحين معك ..بنسكن في غرف جنب غرفتك بس تتركنا وتروح بروحك لا مفهوم ..

أنا : طيب تعالوا يالله مدري وش الله حادني عليه ..و أدخل الفندق والبنات ماسكين يديني وحتى الأجانب اللي كانوا في الفندق قاموا يصفرون ..وحجزت للبنات أربع غرف جنب غرفتي مو لله كله علشان بكرة وتهديد الضابط ..و في اليوم الثاني ...رحنا لستاربكس أنتظر ريم وبنت عمها العنود ومعي هالريمات الأربع وشوي وتدخل ريم القطرية ومعها العنود .. ويوم شافتني ريم بغت تطلع وتغصب عليها العنود علشان تجلس

ريم القطرية : موب شايفته هني أبو البنات مدري وش عندهم ...

العنود : طب احنا وش علينا منه يعني هو اشترى الدوحة الحين بقروشه ..

ريم القطرية : طيب مو مشكلة بس والله لو يحاجيني أو يقول لي أي كلمة والله لا أراويه

أنا : مال الئمر ماله ماجيناش على باله ..مال الئمر ماله .هو اللي متربي على العز ياربي ..

ريم القطرية : عنود في غراب هني أن ما سكت والله لا أرتكب فيه جريمة فاهمة

أنا : والله أحبك مالي غناة عنك أنت النظر وأنت الحياة .. التفت علي داوي قلبي بابتسامة

ريم القطرية : معك أربع خلهم يبتسمون لك يا جعلك ماني قايلة يالشيفة ياللي مافيك خير ...

أنا : هيلي يا رمانة هيلي يا رمانة الحلوة زعلانة الحلوة زعلانة من يراضيها أنا أراضيها وبروحي أفديها

ريم القطرية : لا عاد زودها أنا بأقوم عليه الحين وأكسر رأسه تكسير ..وتقوم ريم وتلتفت وفجأة تصرخ .. عدنان حيالله عدنان وشلونك نورت الدوحة مالك حق يا أخي إذا بتجيي الدوحة كان عطيتنا خبر نفرش لك الدرب رمل وورد

أنا : ( أدق على جوال العنود وأكلمها همس ) من عدنان هذا وش قصته وش يبي وش السالفة ومن وين ريم تعرفه

العنود : ( همسا ) هذا عدنان من السعودية عرفناه يوم أحنا كنا ندورك ...قصته قصة طويلة أقولها لك بعدين

أنا : ( همسا ) عدنان ومن السعودية ويوم كنتوا تدوروني عرفت أوكيه مشكور يا عنود ..

ريم القطرية : وش دعوى بس يا عدنان جالس بروحك على طاولة تعال أجلس معنا أنت نور عيونا اللي سويته لنا في السعودية ما ينسى يكفي أنك فكيتنا من أزمة والله ما كنا ندري وشلون بنطلع منها

عدنان : لا ما عملت حاجة والله بس أنتي عارفة النظام أحيانا يكون معقد وفيه أشياء صعبة مرة بس الواحد يعرف كيف يقدر الآخرين اللي يستاهلون التقدير أما الناس الثانيين لاء .. لازم يمشي عليهم النظام

أنا : ( أكلم البنات همسا ) شوفوا يا بنات واللي يرحم والديكم الرجال اللي شايفينه جالس مع البنت هذيك هذا مباحث مرسلته الحكومة السعودية علشان يلاحقني

ريم العمانية : اهيء اهيء أنت ايش عملت عامل قريمة يا عبدالعزيز اعترف ..

أنا : فال الله ولا فآلك المهم أنا بطلع من هنا وبتمشى في السوق لين يروح وبعدين أجي أخذكم اتفقنا

ريم البحرينية : وش حقااه موب لازم ترجاع والله ذي بعد مباحث عبالك أحنا حمل مباحث وتحقيق

أنا : المهم أنا بطلع الآن وإذا عطيتكم الإشارة تجون اوكيه ... واطلع من الكوفي شوب وأنا موزي وجهي وامشي شوي وأسرع وتوني بادي أركض ألا واصطدم بشخص وارفع رأسي إلا يطلع حضرة الضابط

الضابط : هلا والله وش عندك ماشي بروحك وين خطيباتك الأربع وش أنا قايل لك

أنا : البنات هناك في الكوفي شوب معقولة يعني بأخليهم ..

الضابط : طيب أنت وين ماشي ووين رايح بدونهم

أنا : أبد شايف لي بدلة ورحت أشوفها وبرجع فيما يشربون هم هذي بس كل السالفة ... وش دعوى ما في ثقة

الضابط : بتروح تجيبهم ويّاك ولا أخذك الحين وأقطك في السجن

أنا : لا وش دعوة الحين أجيبهم لك هوى ..وأرجع مسرع للكوفي شوب وأدخل طيران واصطدم بعدنان و نطيح كلنا

عدنان : يخرب شكلك اش بك اش بك مبلبع حاجة هاه قول

أنا : لا لا طال عمرك ما بعبعت قصدي ما بلبعت شي والله هو أنا ناقص بتحطون في ملفي أني أشرب بعد ..

الضابط : وش فيك أنت آذيت العالم ..و أنتم يا بنات وراكم ما تسمعون كلامي ما قلت لكم ما بي أشوفكم مفترقين أبد

البنات: ( وهم يصيحون ) والله يا حضرة الضابط لعب علينا استدرجنا ولا الصدق لا نعرفه ولا يعرفنا بس هو كان يهددنا

الضابط : أنت مهددهم يعني يا عزيزان ولا أصلا أنت ما تعرفهم ولا يعرفونك

أنا : ( في نفسي : انسجن بتهمة مغازل بنات ولا بتهمة أرهاب ) نعم يا حضرة الضابط أنا اللي قالوا لك عليه أنا كريه أصلا أنا إنسان وقح مغازلجي بس اسجني واللي يرحم والديك

عدنان : والله باين أنك مبلبع كتير هادا أنتم يالشروقي من يوم تسافرون برى كأنكم ما شفتوا دنيا كل حاجة تعملوها

أنا : طال عمرك مالك دخل فيني الحين قطر بتسجني بتهمة مغازل خلاص يعني ما في شي علي رسمي وأنت يا حضرة الضابط وش تنتظر يالله كلبشني يلعن أبوها حالة

و يآخذني الضابط ويوديني للتوقيف وأجلس هناك يومين وتجيني العنود تزورني

العنود : عزيز وش فيك استخفيت وش صار عليك أنت شمسوي في دبي قل الصج

أنا : ولك وجه تتكلمين بعد ... الحين يومكم ماسكتكم المباحث في السعودية ليه ما علمتيني

العنود : أي مباحث عزوز وش فيك الله يهديك مصخن ..وش السالفة ..

أنا : لا يا شيخه وعدنان اللي أنقذكم في السعودية وش قصته هاه وتقوم ريم وتخليه يجلس معكم

العنود: الله يهداك عدنانوه ذي موظف في الخطوط السعودية هو اللي دبر لنا الحجز من جدة للرياض بس فهمت الحين

أنا : يعني عدنان ما هو مباحث وجاي يراقبني .. يا عسكري يا عسكري أبي أكلم الضابط ضروري .... ويأخذني العسكري للضابط

الضابط : هاه وش الشي المهم والضروري اللي عندك اخلص علينا

أنا : أبي أعترف يا طويل العمر وأقول لك السالفة من أولها من يوم كنا في لندن ( ما تلاحظون صرت أغث فيها أي واحد بيحقق معي ) .... وقلت له كل القصة .... وهذي العنود شاهدة على كل كلمة أقولها مو صحيح كلامي يالعنود .

العنود : ( همسا ) تدري عاد يا عزوز أول مرة أشوف قطري حلو وطويل أثر عندنا في الديرة شباب يخبلون ..الله يخليك يا عبدالعزيز سأله هو متزوج ولا لا

أنا : أنتي صاحية احنا وين وخرابيطك وين الحين من جدك تبيني اسأله هالسؤال

العنود : شوف بتسأله هالسؤال ولا والله أطلعك جذاب قدامه هاه وش قلت أقول أنك لوتي نصاب خراط

أنا : طيب الشكوى لله ..أقول يا حضرة الضابط ممكن سؤال بايخ يعني لو ما عندك مانع ,, أنت متزوج ولا لا

الضابط : شنو ذي شتخربط أنت ..و إذا مرة مهم الجواب لا مو متزوج

العنود : ( همسا)حلو والله عزوز سأله هو خاطب ولا منيشن على بنية مني ولا مني

أنا : عنود ترى من جد ما صارت حالة صرت خطابة على آخر عمري ...يا حضرة الضابط ..طيب أنت حاط عينك على واحدة معينة هاه ..اعذرني على هالاسئلة بس غصب عني

الضابط : ( وهو يبتسم ) ايه فهمت لا منيشن في واحدة خاشة مزاجي حتى بالأمارة موجودة هني ويّانا

العنود: ( همسا ) سأله مين هذي من تكون وبنت مين ..

أنا : واضحة ما يبي لها شرح الله يهديك يقصدني ..وش رأيك العسكري عنده من زمان بس متزوج يعني ما يمديه عليه ما بقى إلا أنا وش فيك الأعمى يشوفها ترى شكلي صار بايخ على فكرة ...المهم يا حضرة الضابط وش قلت عساك صدقتني ..عطني أسبوع بس يا أقنعت ريم فيني يا أوعدك ما عاد أطب الدوحة نهائيا بس وافق الله يخليك

الضابط : ( همسا ) اوكيه بس تضبطني ويا هاللي وياك هالشقحا الطويلة هاه وش قلت

أنا : ( همسا ) من جد صار وضعي الله لا يوريك مسجون أهون من الشغلة اللي بتشغلوني أياها

الضابط ( همسا ) شوف بتضبطني معها وتعطيها الرقم ولا أنسى أنك تطلع من السجن هاه وش قلت

أنا : يا عنود أبشري حضرة الضابط طالب القرب في جوالك وش قلتي تقبلين رقمه على سنة الله ورسوله ولا لا وتراه يقول أن ما خذيتي رقمه بيخليني أخيس في السجن

العنود : علشانك يا عبدالعزيز بس والله ولا الله يعلم

الضابط : اسمع أنت لك أسبوع من الآن يا تخطب ريم القطرية رسميا ولا مابي أشوفك في الديرة ابد طول العمر وأنتي ترى مناوبتي تنتهي الساعة 9 تسع وربع في البيت على طول ما عندي لف ولا دوران .. تدق وتسكر زين

أنا : نعم أدق وأسكر ليه تبيني في شي طال عمرك

الضابط :مو أنت يوه المهم لك أسبوع مهلة فاهم ولا لا

وطلعنا من المركز وتسألني العنود .

العنود : تهقى يا عبدالعزيز هو صاج يعني ولا يبي علاقة يتسلى فيها هاه

أنا : أقول لك أنا الحين عندي مهلة أسبوع ..لازم أسوي كل الطرق المشروعة والغير المشروعة ..يالله عن أذنك

العنود : طيب قول لي وش نويت تسوي شنهي الخطة مالتك

أنا : مو شغلك بس تعلميني وين ريم بتقابل عدنان بس هذا اللي أبيه ...بعد شوي بدق عليك ...وأطمر لسكن طالبات كلية فيرجينيا في منطقة الوجبه .. وأطلب أني أكلم البنات الأربع ..طبعا هم طلعوا ما يدرون وش السالفة ولما شافوني .عند الباب

ريم الأماراتية : شو ..مستوي أنته لما هدوك من السجن جيت عندنا شو تريد منا هاه شو

ريم البحرينية : شوف عاد أحنا عطيناك ويه في الأول بس ما طلعت كفو راعي سجون ومباحث لا تشوه سمعتنا ورانا زواج ما تفتهم أنتا

ريم العمانية : يا إرهابي روح بعيد أنتا شبهه يا مقرم روح بعيد ..

أنا :يا بنات الحلال أفهموني لا أنا إرهابي ولا المباحث تلاحقني اللي حصل كله سوء فهم لا أكثر و لا أقل أنا طالبكم في خدمة يا ليت تنفذونها لي وأكون شاكر لكم

ريم الكويتية : وش حقه عاد يوبه روح في حال سبيلك لا تلعوزنا ويّاك ماحنا فاتحين مكتب خدمات ..

أنا : يا بنات نصكم أنجرح من الحب ونصكم خايف منه ..أنا قدر الله علي وحبيت هالبنت ومتأكد أنها تحبني وما أبيها تضيع من يدي ساعدوني

ريم الأماراتية : اللي ربي كاتبنه بيصير صج تكسر الخاطر بس شو طالع بيدينا ما في شي

ريم البحرينية : أي والله ما ميش هدها تلقى ألف غيرها صح أنا بنية بس ترى البنات كثر الهم على قلبي

أنا : أرجوكم آخر طلب لكم فكروا فيها بكرة الله يوفق كل واحدة منكم باللي يحبها ويقدرها وتعيش أحلى قصة حب

ريم العمانية : خلاص يا قماعة والله الدمعة بتنزل غصبا عني خلاص يا بنات نساعده و نكسب أجر من الله

ريم الكويتية : اوكيه اوكيه ذكرتني بآخر فيلم هندي شفته ..وش المطلوب منا نسويه الحين

أنا : أنا أقول لكم أبيكم بس تكونون معي وتسايروني وكلها يوم يومين بالكثير و خلاص الموضوع ينتهي ..

البنات : اوكيه موافقين

وشوي التليفون يرن ... وأرد وألقى العنود على الخط

العنود : الحق يا عبدالعزيز الحق ..

أنا : وشو ريم ملكت على عدنانوه ولا انخطبوا علميني ترى ما استحمل أصبر بعد

العنود : جاسم جاسم جاسم ...

أنا : من جاسم بعد الحين عدنان ومتوهقين فيه هالمرة نطيح في جاسم ولد عمكم

العنود : لا جاسم ذي الضابط أرسلت له مسج أول ما وصلت قام هو ..أرسل لي مسج بيت شعر غزل يجنن تبي أقوله لك .. يجنن وايد

أنا : صدق أنك رايقة ..المهم ما عرفتي ريم وهاللي ما يتسمى عدنان بيتقابلون اليوم ولا لا

العنود : يعني ما تبي أقول لك البيت مالت عليك بلا مالت عليك .ايه ريم بتروح تقابل عندنان وتتغدى معه في فندق الشيراتون في مطعم الحبارى فوق هناك .. عبدالعزيز الحين أرد عليه بمسج ولا أسوي نفسي ثقيلة

أنا:الله يعينيني بس كل شوي فندق ومصاريف وحالة ..يالله يا بنات تعالوا معي ورانا مهمة مستعجلة . وأنتي يا عنود أرسلي له مسج قولي اتصل فورا وقفلي جوالك حركات ثقل ..

و نوصل للمطعم وألقى ريم جالسه مع عدنان وهو شكله ينصب عليها

عدنان : أقول لك مرة طيارة كانت بتحترق وسيارات المطافي كلها كان خربانة وأروح أخذ طفاية الحريق من مكتبي واركب سيارتي وأنطلق واطفي الطيارة بروحي والله العظيم ناس التموا علي وشغلانة وكانوا حيكرموني بس كله من أحداث 11 سبتمبر تصدقين كانت نفس اليوم وشكوا أنها مدبرة مع بعض

أنا : يا بنات أشوف الزير سالم مشرف معنا في المطعم يالله عسا خير لا يكونون بيصورون الجزء الثاني هنا في الدوحة

عدنان : حبيبتي شوفي مين مشرف الحاج متولي .. يمكن حيسووا نسخه خليجية

أنا : لا عاد أحترم نفسك الحاج متولي .. على الأقل متزوج أربع مو واحد من أول المسلسل إلى آخره ما غير يلف على حصان ما ندري هو أعرس ولا لا ..

عدنان : لا مصختها يالشروقي ...ايش قصتك أنت هاه تبغى أحد يضربك اليوم

أنا : تعال تعال يالزير سالم يالله ورني طولك وش بتسوي يعني

ريم القطرية : ( بعد ما صارت في النص بيننا )عدنان بس ما عليك منه ذي واحد حاقد حاسد

أنا : ايه ايه لو فيك خير ما توقف ورى بنت يا جبان وينك هاه على بالك بتحميك

ريم القطرية : هي أنتا وش فيها البنية مو مالية عينك يعني ..هاه لا قول لا ألتك كف على ويهك الحين

عدنان : ( بعد ما صار هو هالمرة في النص بيننا ) يا ريم سيبك منه دحينا هذا واحد راعي مشاكل وسجون وإنسان مصايبه كتير استريحي يا حبيبتي وريحي أعصابك

أنا : ايه ايه أصلا لو فيك خير ما وقفتي ورى واحد أهبل طويل .

عدنان : ايش قصتك أنتا هاه ايش تبغى بالضبط ..ايش دين أهلك

أنا : أقول أنت جاي تسوي لي أختبار توحيد الحين أنت ووجهك ..

الجيرسون : يا جماعة مش معئول بئه مش معئول دا مطعم محترم ..يالله كل واحد يترزع على الطاولة بتاعته .. يالله

ونجلس كل واحد على طاولته

ريم القطرية : يا جيرسون هذا مطعم محترم أبي افهم وشلون أشكال جذيه جايه هني ترى هذا يؤثر على سمعتكم

أنا : والله على الأقل يعني مالين طاولتنا مو اللي طالعين مع بعضهم كأنهم آخر نكتة

عدنان : حبيبتي سيبّك منهم أصلا هم لو عندهم كرامة كان قبلوا يجون لمطعم زي كذا بالشكل هذا

أنا : دنيا غدارة يا بنات البنات ما صاروا يحبون الرجل اللي عنده كرامة ويقول لحبيبته لازم تجين معي ..صاروا يبون واحد تفصيل على هواهم ..وين ما يبون الدوحة ولا جدة ولا بخارستان ولا قندهار

ريم القطرية : الواحدة ما صارت توثق بواحد خير شر ..يقول أحبج أموت فيك مستحيل أعيش بدونك وثاني يوم مع واحدة ثانية ياليت واحدة ثانية الله يكافي الشر أربع

أنا : من يحبه الله يحبب فيه خلقه مو يوهقه مع ناس مدري من وين ..بس صدق دنيا أنا معي أربع وهم رموا نفسهم على أول واحد شافوه يعني أحنا صرنا نحب

ريم : ( وتقوم مرة ثانية تبي تطقني ) لا عاد ما أسمح لك أنت وويهك الحين باهفك كف يعني الله ما يحبني ..تبي الصج عاد ربي ما يحبني يوم أنعمي وأحبك

أنا : اها يعني تعترفين أنك تحبيني وتموتين فيني قلتيها بنفسك

ريم : قلت كنت أحبك كنت خلاص الحين لا ولا تهمني ولا تجي في بالي حتى

أنا : ايه واضح والدليل أنك لاحقتني هنا في المطعم الله عليكم يالبنات ما تخلون الواحد في حاله ألا تنشبون له

ريم : الحين من واصل قبل أنا ولا أنت , أنت اللي تلحقني مو أنا ألحقك بعد ويا هالويه

أنا : ايه كلام كلام سهلة أنتي وش وراك أول ما تعرفين وين بأروح تسبقيني على طول أنتي معك ثور واحد وأنا معي أربع عرايس قمور ..,,ويرن تليفوني وأرد .. هلا حضرة الضابط .. وش أخبارك طال عمرك .. سم .. لا والله مدري عنها ..ولا أدري ليه قفلت جوالها ... طيب اسمعني طال عمرك أنا وش دخلني مالي ذنب .. لا لا وش تسجني الحين أدق على العنود وأشوف ليه مقفلة جوالها

ريم : لحظة لحظة وش العنود هاه و أنا أقول شلون تعرف أنا وين رايحة أثاريك أنت وعنودوه متآمرين علي

أنا : قصري صوتك وش متآمرين عليك بنقلب الحكم السالفة وما فيها يعني تقدرين تقولين مو هاين علي بعدك وعنود كانت تساعدني

ريم : وكل شوي أنتي ملاحقتني وأنتي مدري وشلون بين الصج أنت اللي تحبني ومو قادر تنساني ..

أنا : يا سلام يعني بأخاف أيه احبك يعني ما تدرين ..الجدار فهمها وأنتي لا

ريم : لا والله وهالأربع اللي صافنهم جمبك شيصيرون هاه تماثيل ولا تتفاءل بهم إن شاء الله

أنا : لا بس علشان افرفرك شوي واحرق أعصابك مثل هاللي صافته معك هالطويل الأهبل

عدنان : أهبل في عينك جاك البلا في شكلك

ريم : أنتا هي أنثبر شوي ..يعني يا عزيزان أن ما تحبهم كلش كلش قول الصج

أنا : والله ما أحبهم أصلا أنا ما أحب إلا أنتي ..يا بنات بيني وبينكم شي أحبكم ولا تحبوني

البنات : لا أبدا أنت تحبها هي بس .. كذا كويس

ريم : تدري عاد حتى أنا والله أحبك ولا قدرت أنساك نهائيا مسبب لي أزمة ( حشا غبار مو آدمي )

عدنان : وأنا تسيبيني بعد الحب هادا كله يا ريم معقولة

ريم : يبه انثبر والله العظيم نص حجيك ما أفهمه بس أهز رأسي كأني فاهمة تحج زين في الأول مو أحوبج .. ودحين ومدري وش بعد وكله كوم على الغداء نقول له مجبوس سمك ولا لحم يقول أبي يغمش ( اليغمش عجينة محشوة باللحم وتنحط في يالفرن )بالله شنو اليغمش ذي من وين يصيدونه..

أنا : ها ها ها لقط وجهك يالله توكل على الله تحوبني هي تحوبني ..

ريم : طيب إذا تبيني أحبك صج وأرجع لك أبي تقول للبنات ذولي أنا ما أحبكم ولا أبيكم أبى ريم وبس ..وهي برقبتكم تسواكم وتجيبكم ...

أنا : وشوله الإحراج أنا أحبك أنتي وبس ماله داعي المشاكل

ريم : هاه بتقول ولا لا خلصني ترى عدنانون إلى الحين هني بتقول لهم ولا أمشي وقل لهم بعد ريم عمتكم

أنا : الله يستر يا بنات تراني أموت في ريم اللي قدامكم هذي ..وهي أحلى منكم كلكم .. الله يستر ويمكن تقرب لكم يعني من الجماعة ولا ( بصوت واطي جدا )عمتكم

ريم : لا قولها بصوت عالي عمتكم يالله قول

أنا : ع...عم...عم ...عمتك...عمتي...عمتنا..عمتكم

ريم الكويتية . شنو شنو شنو لا حبيبتي بدري عليج قال ايش قال عمتي وأنت يا حظي هذا يزانا يوم أحنا بالشوفة ونعاونك .صج مالت عليك أنت وإياها

ريم العمانية : أنتي أصلا لو تحترمي حالك ما قلتي حاقة زي كذا بس صدق ما تستحين على وشش اهيء اهيء

ريم البحرينية : أنتي هي جب عاد يالله واحترمي نفسج يالطمطمة يالطمحبلة لا أقطج في البحر ولا أدفنج في سابع ارض

ريم الأماراتية : وش تنتظرون يا جماعة هجوووووم

وتبدأ المعركة ... والجيرسون يصارخ البوليس يا جماعة حد ينده للبوليص حيكسروا المحل الحئونا ..ويصعد لنا رجال أمن الفندق ..ويمسكوننا كلنا أنا والبنات أما عدنان فانحاش بنفسه ويودوننا للشرطة ..وأول ما وصلت الشرطة قابلني العسكري وقام يضحك

العسكري : أنت عجيب يعني تحطم الأرقام في الجية للمخفر وش عندك على العموم جيت في وقتك الضابط يبيك أدخل يالله وهالحريم وش قصتهم معك ..... وندخل عند الضابط

الضابط :أنت جيت زين تصدق توك في بالي .. أجل أنت قايل لعنود دقي عليه دقة وقفلي جوالك ماشاء الله عليك تعرف تنصح أستاذ في الحب والغرام والعشق والهيام .. أن ما قطيتك في السجن لين تخيس .. وش قصتك يقولون في البلاغ مثير شغب في مطعم فخم وسط واحد من أفخم فنادق الدوحة .. مكن أعرف أنت وش ناوي عليه بالضبط

أنا : والله يا طويل العمر بنات تعرف ناقصات عقل ودين وبالنسبة لعنود هي فهمتني غلط أنا قلت لها قفلي بالسعودي يعني سكري بس هي مدري وشلون تبادر إلى ذهنها تقفل جوالها

الضابط : وأنتم يا بنات وش قصتكم هاه لا يكون لاعب عليكم ولا واعدكم بالزواج ..

ريم القطرية : ايه ايه ايه

بقية البنات : ايه ايه ايه

الضابط : حلو حلو جيت والله جابك هم خمسة يعني فوق اللي محلله لك الشرع هاه بتتزوج وبتطلق ولا كيف عطني جوابك بسرعة

أنا : بس وش رأيك فيني خليت العنود تفتح جوالها وتكلمك أعجبك أنا ..

الضابط : وتكذب بعد الحمدلله أني دقيت في وقت هي كانت فاتحة جوالها تبي تطبق خطتك وترسل رسالة ثانية وترد تقفل جوالها وردت علي وقالت لي عن خططك الجهنمية

أنا : يا حضرة الضابط أنا واحد لا لي ولا علي قدر الله علي وحبيت وصار اللي صار ويشهد الله أني بريء ومالي في المشاكل بس ما أدري عين ولا قرادة حظ ..

الضابط تروح تحب لي خمس وتقول قرادة حظ ولا عين أنت جذي تحتال على القانون ..خمس يالظالم خمس

أنا : والله يا طويل العمر ما تسمعهم يقولون تجري الرياح بما لا تشتهي السفن سنين وأنا مو لاقي ظفر بنت والحين أطيح لي خمس ..طيب وش الحل الآن وش بتسوون فيني ممكن أعرف

الضابط : بأترك الحكم للبنات اللي خدعتهم يحكمون ,,يا بنات وش تبون تسوون فيه

البنات : واللهي ... يعني بصراحة .الحقيقة ..نسامحه بشرط يتزوج ريم ..ويجلس هني في الدوحة ويزور أهله مرتين في السنة وكل مرة ما تتجاوز أسبوعين وبعد كل شهر أسبوع في دولة خليجية شكل

ريم القطرية : هع هع هع والله البنات طلعوا طيبات

الضابط : هاه وش قلت موافق ولا السجن ينتظرك

أنا : هاه موافق ..بس أنا بعد عندي شرط ..

الضابط والبنات وريم : هاااه قول شنو شرطك يا حظي ...

أنا : يصيرون دول الخليج متحدين وأقدر أسافر بينهم كلهم بدون جواز .. ويكون لهم عملة واحدة ويكونون قبل ذا كله متحدين قلبا ومضمونا مو كل شوي دولة معصبة ورايحة لدول ثانية ضد الباقين ..يالله فيكم خير حققوا هالشرط ..المهم عن أذنكم أنا ماشي ..

ريم القطرية : هي وين رايح ما تبّي تزوجني وش قصتك أنتا

أنا : ما عندي استعداد أترك الرياض وأجلس في أي مكان ثاني سوري ...( شديد )

ريم القطرية : طيب اسمع موافقة والله موافقة بس يعني شهر في الصيف وشهر في الشتا نجي الدوحة وش قلت

أنا : شوفي إذا تزوجنا لك علي أسبوعين كل سنة نقضيهم في الدوحة وغير الأعياد والمناسبات الرسمية ..واهلك أن جو الرياض فهم على عيني وعلى رأسي ..

وتدخل العنود وهي سافطة سرعة ألف كيلو متر شنو شنو طافني شنو طافني

الضابط : هلا والله نور المركز .لو داري فرشته لك ورد ورمل ..تبين تجلسين محلي يا قلبي تعالي

أنا : أبد ما صار شي قلت لريم تبين نتزوج تجين معي للرياض الدوحة وأهلك على عيني ورأسي بس في الأخير الزوجة مع رجلها صح ولا لا

ريم القطرية : شفتي يا عنود وش مسوي فيني عبدالعزيز

العنود : يبه توكلي على الله واقبلي أنتي تحبينه وهو يحبج وإذا على الرياض لا تخافين نقنع بعض الناس يصيرون ملحق هناك في السفارة ونطب عليكم

الضابط : فديت هالبسمة .مو أصير ملحق في الرياض أصير قائد جبهه في أي مكان في العالم لعيونج أنتي تآمرين أمر

أنا : هاه ..وش قلتي يا ريم موافقة ولا لا

ريم القطرية : خلاص خلاص موافق لا تدف عاد وإذا بغيت أجي أروح بروحي مفهوم مو تقول ما تسافرين إلا معي

أنا : طيب ولا تزعلين أذا اشتقتي تروحين لهم في الويك أند ..صدق يتمنعن وهن راغبات خلاص يا حضرة الضابط قفل المحضر خل نطلع ترى تعبنا

الضابط : أسكر أبوه بشرط .نطلع من هني لمجلس عايلتهم فاهم

أنا : لا أنتم أسبقوني أنا برجع البنات للسكن وألحقكم على طول

ريم القطرية والعنود : نعم وش تقول

أنا : أبد سلامتكم بس يعني الواحد يودع العزوبية شوي على طريقته الخاصة ....

ريم والعنود : حضرة الضابط قطه في السجن بس ما منه رجا ..

أنا عن نفسي مدري وش صار هم حطوني في السجن ولا تزوجت ريم ولا ايش

على العموم أتمنى أن تكون القصة أعجبتكم وحازت على رضاكم...
مع تحياتي










منقوووووووووووووله


وبليييييييييييييييييييز ابي ردووووووودكم اذا عجبتكم القصه...
نوسو نوسو غير متصل   الرد باقتباس
قديم(ـة) 29-03-07, 01:34 PM   #7
|[ عـضـو مـشـارك ]|

 
صورة همسة غلا الرمزية
 
الدولة:
الافتراضي رد : لاتفوووووووووووووووووووووتكم ريم القطريه قصه حللللللللللللللللوه

نوسو الله يعطيك الف عافيه الف عافيه






وقصتك راح اتباعها كل ما نزلتي فصل وانا بنتظارك

آخر من قام بالتعديل همسة غلا; بتاريخ 31-03-07 الساعة 03:44 AM.
همسة غلا غير متصل   الرد باقتباس
قديم(ـة) 11-04-07, 01:05 PM   #8
|[ عـضـو مـبــدع ]|

 
صورة مطوعه الرمزية
 
الدولة: المملكة العربية السعودية
الافتراضي رد : لاتفوووووووووووووووووووووتكم ريم القطريه قصه حللللللللللللللللوه

:19: انتى تجيبين شئ مو حلوووووووووووووووووووووووو اصلا الزين مايجيب لازين وحشتييييييييييييييييييييينننننننننننننننننني موت وينك
مطوعه غير متصل   الرد باقتباس
قديم(ـة) 15-04-07, 07:32 PM   #9
عضو موقوف من الاداره
 
الدولة:
الافتراضي رد : لاتفوووووووووووووووووووووتكم ريم القطريه قصه حللللللللللللللللوه

يسلموووووو على الطرح

الله يعطيكى العافيه
نـــ الوجود ـــادر غير متصل   الرد باقتباس
قديم(ـة) 05-05-07, 01:05 PM   #10
|[ عـضـو فـعـال ]|

 
صورة كبرياء الرمزية
 
الدولة:
الافتراضي رد : لاتفوووووووووووووووووووووتكم ريم القطريه قصه حللللللللللللللللوه

رووووووووووووووووووووووووووووعه

بصرااااااااااااااااااح تجنن

فطست من الضحك شوي صراحع عجيب هالكاتب
من جد عبيط

وتسلم يمناج على القصه
كبرياء غير متصل   الرد باقتباس
إضافة رد

الإشارات المرجعية

أدوات الموضوع

قوانين المشاركة
لا يمكنك إضافة مواضيع
لا يمكنك إضافة ردود
لا يمكنك إضافة مرفقات
لا يمكنك تعديل مشاركاتك

رمز [IMG] متاح
رموز HTML مغلق
Trackbacks are مغلق
Pingbacks are مغلق
Refbacks are مغلق


مواضيع مشابهة
الموضوع الكاتب المنتدى الردود آخر مشاركة
مكياج خبيرة التجميل القطريه صيته الحميدي قمر برووونزي مكياج × ميك اب × اكسسوارات 14 16-05-11 12:50 AM
صور مكياج خبيرة التجميل القطريه منيره الانصاري الحلا عنواني مكياج × ميك اب × اكسسوارات 28 08-05-11 01:40 AM
خبيرة التجميل القطريه ( منيره الانصاري ) فرش فروت مكياج × ميك اب × اكسسوارات 31 03-07-09 08:37 PM
كلمات من اللهجه القطريه مـهـكر آحسآسي منتدى المواضيع العامة 3 12-08-08 03:12 AM
تعالوا واسمعوا وش قال اسير القطريه ..!! مــ q6r ــلاك منقولات أدبية 8 05-10-07 12:42 AM


الساعة الآن +3: 08:57 PM.