العودة   منتديات تعب قلبي > منتديات تعب قلبي لبيت حواء > مكياج × ميك اب × اكسسوارات


Like Tree3Likes

إضافة رد
 
أدوات الموضوع
#1  
قديم 09-04-11, 06:14 PM
مـ الروح ـلاك
|[ عـضـو مــاسـي ]|

مـ الروح ـلاك غير متصل
لوني المفضل Cadetblue
 رقم العضوية : 556250
 تاريخ التسجيل : Feb 2010
 فترة الأقامة : 1751 يوم
 أخر زيارة : 04-11-14 (02:50 PM)
 المشاركات : 10,597 [ + ]
 التقييم : 2147483647
 معدل التقييم : مـ الروح ـلاك مـ الروح ـلاك مـ الروح ـلاك مـ الروح ـلاك مـ الروح ـلاك مـ الروح ـلاك مـ الروح ـلاك مـ الروح ـلاك مـ الروح ـلاك مـ الروح ـلاك مـ الروح ـلاك
بيانات اضافيه [ + ]
افتراضي أكبر موسوعة للحصول على الحواجب المثالية



أكبر موسوعة للحصول على الحواجب المثالية









السلام عليكم

حبيت اسوي موضوع كامل عن الحواجب وكل شي عنهم
لسببين
1- كثير بنات يشتكون من حواجبهم من ناحية الشكل او الرسمة او غيره..
2- ابيكم تستغنون عن شي اسمه صالونات او مشاغل لان بصراحة كثير يلعبون ومايسوون اللي يناسب كل وجه ونادر تلقين واحدة عارفة ايش اللي يناسب وايش اللي ما يناسب وايش اللي موضة قديمة


اول شي بتكلم عن اهمية الحواجب الصحيحة او المثالية
كثير بنات "مستهترات" بهالموضوع وبالنسبة لها اخر اهتماماتها
بس احب اقولها ترا الحواجب الغلط ممكن تخليك ..
زعلانه - حزينة -عيونك متباعدة-خشمك كبير
يعني ممكن تغير حتى بالملامح..
و هي "ايطآر الوجه" حتى قصة عينك تتغير 100% لما تعرفين
رسمة حواجبك المثالية..


اول شي ../

- لازم تقررين ايش يناسب شكل عيونك وبنتكلم عن هالشي بعدين بالتفصيل..
-بعدين قرري كيف بتضبطين حواجبك ..

القص والنمص مافيهم شرح صراحة يعني ما يبيلهم شي


بس في نقاط لاحظتها بالتشقير الحواجب:

-كثير بنات سمر يشقرون حواجبهم ..طيب انتي سمرا لما تشقرينها بتطلع حواجب شقرا بس!
يعني ما استفدتي شي.. لازم تشقرينه لما يتوحد مع لون بشرتك مو لازم يكون فاتح..

-بنات حنطيات تقلب حواجبهم برتقالي!! نفس الشي انتبهوا لمدة التشقير ونوعيته..

-بنات حواجبهم كثيفة مررا لدرجة التشقير يقلبها اخضر.. انتبهي لمدة التشقير ونوعية وحاولي تمشطينهم بجل الحواجب علشان يطلع شكلهم انعم ..

-كثير ينسون شعر مابين الحاجبين اللي هو بالنص ويطلع حاجبها متصل!! مظهر قبيح جداً ..


وجبتلكم فيديو كيف تشقرين بالبيت ..(طبعا خليه لمده اطول لما يتوحد مع لون بشرتك)
-ماحطيت فيديو للحف او النمص مابي اخذ ذنوب احد صراحة بس تلقونهم باليوتيوب-

[YOUTUBE]aDSCdL3KzkU[/YOUTUBE]

لاول مرة انصحك عالاقل تروحين صالون معروف بشغلهم الحلو و تشوفين كيف تسويلك عالاقل مرة واحدة

بعدين طبقي بالبيت ..


ملاحظة احب اقولها /

يا بنات يا عالم لا تسوون حواجبكم تاتوو

موضة الحواجب التاتوو اول شي انتهت لان الحين موضة الحواجب الطبيعية اكثر

- شرعا ما تجوز
- هي مضرة لك ..لازم كل فترة وفترة تضبطينه وتعيدين رسمه عند المتخصصة
- يلزمك برسمة واحدة مدى الحياة .
- بعض الناس ما ناسبهم او طلعت الرسمة غير متساوية حاجب غير والثاني مختلف تماما وتوهقوا
-كثرة التاتو على البشرة وكثرة تصحيحه بين فترة وفترة تخررب الحواجب والبشرة
- واللي يصبغون شعرهم مرة اشقر مرة اسود مرة بني..لازم كل فترة وفترة تغيرين لونه!!
- اغلبية التاتو يكون حواجب غااامقة بزيادة حتى لو الوان غير الاسود وتطلع تلمع So fake - الحين طايحين باللي تسوي الحواجب ترسمها شعرة شعرة يطلع كانه طبيعي مثل ديانا كرزون..بس الشكل النهائي يطلع كان شعر حواجبك اجعد كيرلي كانه اجعد اجعد..
-غير كذا ترا التاتو يحررق شعر حواجبك الاصلي وانا اعرف شخصيا بنات صارت حواجبهم مافيها شعر
تلمعع!! وشكل ابدا مو حلوو وصارو مجبرين يجددون هالتاتو لان لو شالته مافي بحواجبها شعر
-ترا تصحيح التاتو انها توشم بنفس لون الجلد وتصحح شكل الحواجب يعني مو تحسبينه شي ولا بينشال تماما!

وجبتلكم اضراره الصحية./



فإن عمليات وشم التجميل الدائم أو وشم المكياج، تتضمن حقن صبغات في الطبقات العميقة من الجلد تحت البشرة، التي تُسمى بطبقة الأدمة. والمعلوم أن طبقة البشرة هي طبقة الجلد التي نراها عادة. وهي طبقة خارجية يتم سلخها باستمرار كي يتم تجديدها. أما طبقة الأدمة فهي أعمق وتبقى ثابتة، ولذا فإن أي صبغ لها لا يزول. وعمليات الوشم المكياجي تطال إيصال الصبغات إلى هذه الأعماق في الجلد حتى لا تزول مطلقاً. والسبب في زوال صبغات الحناء مقارنة بالصبغ بالوشم، هو أن الحناء لا تصل مطلقاً، في حال سلامة الجلد، إلي طبقة الأدمة، بل تظل في طبقات خلايا البشرة الخارجية. ولذا تزول الحناء مع مرور الوقت.






ويقول الباحثون من مايو كلينك إن الوشم، أو التاتو، هو شكل أو علامة ثابتة تُصنع في الجلد عبر إدخال صبغات من خلال وخز عميق فوق الجلد. وخلال العملية يتم تكرار وخز الجلد بإبرة أنبوبية تحتوي بداخلها مادة الحبر الملونة، كي تُدخل قطراتها عميقاً في طبقات الجلد. وتتسبب هذه العملية، التي قد تستغرق دقائق أو ساعات حسب مساحة النقش، بقليل من نزف الدم وبدرجات متفاوتة من الإحساس بالألم الموضعي



اتوقع غيرتو رايكم صح؟؟








هذي الـثلاث نقآط بتساعدك كثير لما ترسمين حواجبك ولما تحددين شكلها

من خلالها بتعرفين تساوين بين الحاجبين

رآس الحاجب لازم يكون على نفس استقامة مدمع العين ..هذا الشكل الصحيح وهو المقياس الثابت

نهاية الحاجب مع خط مستقيم مائل مع زاوية الانف مثل الصورة

ومنتصف الحاجب اختياري حسب شكل عينك واللي يناسب واللي تبينه











من النآس اللي انشهرو بحوآجب بيرفكت .. ديآنآ كرزون لان ملامحها ناعمة

ومدى عينها واسع يسمحلها تسوي حواجب عريضة وثقيلة تناسب لون شعرها الاسود الحالك

طبعا حواجبها تاتو وانا ما انصح ابدا فيه .. وباين بفيديوكليب لها مدري ايش اسمه ان حواجبها كانها حواجب شعر اجعد بس هي مسوية التاتو اللي يكون شعرة شعرة على اساس انه طبيعي بس بالعكس يبين كانه حواجب لواحدة شعرها اجعد..






منى امرشا من الناس النادرين اللي من جد الرسمة الحواجب ضبطت معهم لان مدى عينها واسع بعد

وعلى فكرة ما اتوقع منى امرشا مسوية حواجبها تاتوو لان كل مرة رسمة ولون حواجبها مختلفة تماما

يعني رسم مو تاتوو..حتى اخر لقاء لها بعيد الاضحى بكلام نواعم كانت حواجبها مثل الصورة اللي على اليمين بس راسمة عليهم و باين انه في شعر









هالانسانه سيرين عبدالنور حواجبها بيرفكت




هيا عبدالسلام حواجبها طبيعية وحتى مو راسمتها ثقيل مرا

بس مناسبة ملامح وجهها وحسيتها تنفع كمثال للحواجب المثالية







طبعا ترسمين حواجبك في اكثر من طريقة


1- القلم السائل.. يكون مثل الألوان السحرية لكنه قلم مخصص للحواجب وفيه راسين راس عريض حاد وراس مدبب صغير..يعطي شكل مثل الحواجب التاتو فيه لمعه..بعض البنات يحبون هذا اللوك ويبون اللمعة ننصحكم فيه..



2- الفرشاة المشطوفة او الحادة..تستخدم لرسم الحاجب طبعا بشكل حاد وبتشوفون بعدين شرح موضح لاستخدامها..



3-بودرة الحواجب..هي تكون للي ما يبون حواجبهم تكون غاامقة او مطموسة ..يصير بس يثقل شوي من لونها لكن يحافظ على شكلها الطبيعي وهو اللي يستخدمونه مثل كيم كرداشيان وخواتها..



4- القلم العادي..وهو اسهل وافضل الطرق لانه بس يحتاج تبرينه ويكون راسه حاد وسهل الاستخدام

وما يتاثر بعوامل الطقس من حر وغيره مستحيل ينمسح او يسيح ..







*لاحظو كثرة المسافة بين الحاجبين تكبر الخشم وغير كذا تعطي شكل ان
العيون متباعدين و يطلع الشكل غلط!



جبتلكم هالفيديوهآآت مفيدة/

- فيديو اخفاء الحواجب تماما بواسطة المكياج فقط (بدون صبغ ولا غيره)

[YOUTUBE]Oc229_1TjpU[/YOUTUBE]



اوكي الحين قررتي ايش بتستخدمين وعرفتي الادوات اللي تحتاجينها
جآ الدور الاهم وزبدة الكلام... شكل رسمة الحاجب ...اللي هي اهم شي بموضوعنا كله

كل عين لها رسمة حواجب تناسبها..انا جبت اكثر الامثلة اللي دارجة وبشرحلكم كل واحد
الحين الصور اللي بتشوفونها مرقمة كلهم حواجبهم غلط!! وبنتكلم بالتفصيل!!





1- لاحظوا ان حواجبها مرتفعة بزيادة عن عينها..يعني بعض البنات يسوون هالحركة تحسب ان بيعطي عينها مدى اوسع
بس هي غلطانه بيطلع الشكل ان حواجبها طايرة وما يطلع مريح للعين لانه مو طبيعي..خليك على نفس شكل ومكان حواجبك الاصلي
لا تحاولين تعللينه او تنزلينه علشان ما يطلع شكل حواجبك غلط.


2-الحواجب المتباعدة اللي يخلون المسافة بين الحاجبين كبيرة مثل ماذكرت تكبر الانف وتعطي مظهر Nerd لوجهك دايم احس
اللي تسوي هالحواجب يصير وجهها كانها تعطيك نظرة غبية ..مثل اللي ترفع نهاية حواجبها بزيادة تعطيك نظرة شيطان او زعلانه نفس الشي هنا
تعطي نظرة "غباء" مدري كيف و تحسين عيونها متباعدة يعني واحدة يمين واحدة يسار.


3-اللي فاهمين الحواجب الطبيعية غلط..اوكي قلنا حلوو الطبيعي ومدحنا بس مو لهالدرجة ضبطيهم مشطيهم شوفيلهم حل
بعض البنات الله يصلحهم حواجبهم كثيفة وماتصلحها وما تهتم فيها..انا ما اقولك احلقيها بس عالاقل ضبطي شوي حاولي تجملينها.


4- اللي عيونهم مبطنة او يابانية..عادة تكون صغيرة وشبه دائرية ..اكبر خطأ تسوي رسمة حواجبك نفس شكل عيونك
بمعنى: عيونك دائرية حاولي تخلين حواجبك مثل منى امرشا فيها طوول يعني خط مستقيم اكثر .. وعيونك مسحوبة بزيادة
حاولي تخلين حواجبك فيه دائري شوي مثل ميريام فارس..فهمتو قصدي؟ سوي العكس مو نفسه!


5- حواجب الثمانينات الدائرية ..اغلبية اللي يسوونها عجايز..اللي تكون كانها حاطة صحن على عينها وراسمه حواجبها مرا تعطي شكل بشع
للعين و يخلي جفن عينها غليظ..غير كذا موضة قديمة


6- الحواجب المطموسة بزيادة..بعض البنات يطمسون حواجبهم وترص عالقلم وهي ترسم!! المفروض تبدا شوي شوي
ويدها خفيفة عالقلم او اللون او البودرة اللي تستخدمها للحواجب.. وشوي شوي تزيد منه بس ترص يطلع كانه مختوم على وجهها


7-راس الحاجب اصغر من منتصف الحاجب وهذا نادر ناس يناسبهم انا شخصيا للحين ماشفت احد يناسبه..راس الحاجب او بدايته
لازم تكون = او اعرض من منتصف الحاجب هذي قاعدة لاتنسينها ابدا..


8-عكس رقم 2 ..الحواجب المتلاصقة بزيادة..هنا تجي فايدة الثلاث نقاط اللي ذكرتها ببدايةالموضوع اللي هي راس الحاجب و منتصفه
ونهايته لان لو عرفتيهم بتعرفين وين ترسمين راس الحاجب..اللي يلصقون حواجبهم او يخلون المسافة مرا شبه معدومة يعطي شكل خطأ
للعين ويقبحها بدل ما يجملها


9-اتوقع الكل اتفقوا ان موضتها انتهت اللي هي الحواجب الشيطان او التشاينيز ..مرا مو حلوة وتعطي شكل انك زعلانه
اساسا من زمان رايحة موضتها بس بعضهم معلقين عليها ..


10-الحواجب اللي يكون منتصفها عالي مقارنه مع راسها.. يعطي شكل لعينك انك زعلانه او معصبة..مرا مو حلو يعطي
شكل قاسي للعين ويظلمها


11-اللي يكون راس دائري للحواجب بعدين خط!! ..يعني مو تدريجي كانه دائرة وبعدها يطلع خط مافي تدرج مافي موازنة
المفروض يتدرج رسمة راس الحاجب لنهايته تدريجي مو دائرة وفجاة خط فهمتو قصدي؟


12- يعني خخخخخ الصورة تتكلم الحواجب المتلاصقة موضة شعبية و محد يسويها..





هذي قوالب للحواجب ..بعض البنات مايعرفون يرسمون او يحددون الشكل فممكن تستخدم
هالقوالب تحطها على حواجبها و تبدا تعببي داخل القالب وتشيله يطلع شكل الحواجب متساوي ومضبوط..
القوالب رخييصة جدا وموجودة بكل محلات التجميل العادية..

فيديو لطريقة الاستخدام/

[YOUTUBE]5jq-Kd6dY40[/YOUTUBE]




هذي صورة انا سويتها بالفوتوشوب وعذرا للرسم الردئ بس حبيت اوضح
كيف ان الجزء الاعلى من الحاجب والجزء السفلي منه تغير تماما من شكل الحاجب
نادر بنات ينتبهون لهالنقطة وحبيت انبههم لها وهم يرسمون حواجبهم..


هذي طريقة لرسم الحواجب بطريقة الفرشاة ../
الطريقة التقليدية..






شي بعد احب اقوله ..ان موضة الحواجب العريضة انتهت بعد





انتشرت سنة 2009 و 2010 موضة الحواجب العريضة او حواجب الثمانينات والكل استانس طبعا
ومشى عليها.بس الحين رجعوا للحواجب العادية والناعمة وانتهت هالموضة بسلام..


شوفوا شكلها صار انعم بكثير بعد ما نعممت الحواجب وخففتهم
وعطى شكل افضل للعين..



لاحظوا الرسمات الغلط والالوان الغلط كيف تؤثر وتقبح العين!




فيديوهات مفيدة لرسم الحواجب/
-استفيدو من تقنياتهم وانسو رسمات حواجبهم لان اغلبيتهم غلط -

[YOUTUBE]G1oWK6ZfxRA[/YOUTUBE]


[YOUTUBE]4gK4Y8IpiT8[/YOUTUBE]


بعد ما حددنا الشكل اللي يناسبنا وايش بنستخدم
يجي دور آخر و نقطة مهمة ومرا تفرق

لون الحواجب..



اقبح شي ممكن اشوفه شعر اسود وحواجب بنية او شعر اشقر وحواجب غامقة!
شكل قبيح جداً للعين والشعر..






مثال لوجين العمران شعرها اسود حالك ومصرة ترسم حواجبها بقلم بني فاتح !! مراا شكل قبيح
والمثال الثاني سيينا ميلر صابغة شعرها وناسية حواجبها..مرا شكل قبيح بعد

افضل حل يكون لون حواجبك مثل لون شعرك..




نقطة مهمة نادر احد ينتبه لها..:

-كثير بنات شعرهم مثلا بني رمادي وترسم حواجبها بقلم بني على احمر!!

-او شعرها اشقر وترسم حواجبها بني غامق! او اسود!

انتبهي لدرجة اللون مو كل بني بني ومو كل اسود اسود والخ..

بمعنى ../شعرك اسود باهت مثلا لا ترسمين حواجب غاااامقة بقلم اسود..حاولي ترسمينها ببودرة الحواجب تعطي شكل اخفف ويمشي مع شعرك..
حواجبك بنية على رمادي استخدمي بني على رمادي مو بني على برتقالي او بني على احمر!

فهمتوا قصدي؟

انتبهي لدرجة اللون و بعد بالضبط يميل لايش.. ممكن يكون اغمق بدرجة او افتح من شعرك
بس اكثر من كذا لا تسوين.. لازم لازم لون شعرك يتماشى مع حواجبك..





فيديو توضيح طريقة تفتيح الحواجب السودا/

[YOUTUBE]_vLC6qIeKDc[/YOUTUBE]


طبعا اللي يفتحون لون حواجبهم ..لازم كل اسبوعين تجددين اللون..لان شعر الحواجب
ينمو بسرعه..مو مثل الشعر..




لاحظوا ان خبراء التجميل المحترفين يهتمون بهالنقطة اللي ذكرتها

ميريام فارس شعرها بني على احمر و رسموا حواجبها بنفس الدرجة من البني!!
دينا حايك شعرها اسود باهت رسموها بنفس اللون..
كورتني شعرها اسود لكن حبت تثقل حواجبها خفيف ما طمستهم مثل دينا حايك..
انالين مدري ايش اسمها.. رسمتهم بنفس درجة شعرها الذهبي الاشقر بس غامق شوي بالضبط





امثلة ثآنية .. كل واحدة مسوية حواجبها نفس لون شعرها بالضبط وهذا اللون المثالي والصحيح
وجبتلكم كل الامثلة اسود -بني -احمر -اشقر



*مثآل ان الحواجب الناعمة والنحيفة رجعت موضتها..





اخر واهم نقطة بتكلم عنها هي الحواجب الغير متماثلة..:
كلنا الله خلقنا باحسن صورة بس معلومة انا سمعتها من زمان ان كل الناس عندهم
الجزء اليمين غير عن الجزء اليسار بمعنى../ ان مثلا حاجب مرتفع اكثر من الثاني ..

احنا مو photoshop نسوي كوبي فعشان كذا بعض هالاشياء مثل الاختلافات اللي الله خلقك فيها
حاولي توازينها وتضبطينها بالميك اب وهي متواجدة عند الكل مو عندك بس..
لان كثير بنات يفكرون ان هم بس عندهم هالمشكلة بس 90% من الناس صفاتهم بالجزء الايسر لا تساوي الجزء الايمن 100% ..تلقين اختلاف بسيط ما يبين الا لما تركزين مرا..







وبالنهاية اتمنى تكونون استفدتو من كلامي
و شرحي كان واضح وخفيف ومختصر




محبتكم
مـ الروح ـلاك









رد مع اقتباس
قديم 10-04-11, 05:59 AM   #2
كتموتو الشهري
|[ عـضـو ذهـبــي ]|



الصورة الرمزية كتموتو الشهري
كتموتو الشهري غير متصل

بيانات اضافيه [ + ]
 رقم العضوية : 587460
 تاريخ التسجيل :  May 2010
 أخر زيارة : 18-07-13 (12:33 AM)
 المشاركات : 1,493 [ + ]
 التقييم :  1694383807
لوني المفضل : Cadetblue
افتراضي رد: أكبر موسوعة للحصول على الحواجب المثالية



يسعدني اني اكون اول من يرد عليك قلبووووووووووووه
ماشاءالله عليك
موضوووع مررررررره مفيد
يعطيك ربي مليووووون عافيه
^ـ^


 
 توقيع : كتموتو الشهري



رد مع اقتباس
قديم 10-04-11, 07:16 AM   #3
دلع غلاها
|[ عـضـو فـعـال ]|



الصورة الرمزية دلع غلاها
دلع غلاها غير متصل

بيانات اضافيه [ + ]
 رقم العضوية : 332588
 تاريخ التسجيل :  Aug 2008
 أخر زيارة : 11-06-12 (04:37 PM)
 المشاركات : 201 [ + ]
 التقييم :  117908755
لوني المفضل : Cadetblue
افتراضي رد: أكبر موسوعة للحصول على الحواجب المثالية



يسلموو يابعدهم ماقصرتي فديت قلبك موضوع مفيد يعطيك الف عافية تقبلي مروري


 
 توقيع : دلع غلاها



رد مع اقتباس
قديم 10-04-11, 08:14 AM   #4
غـلا بنت الطيب
|[ عـضـو مــاسـي ]|



الصورة الرمزية غـلا بنت الطيب
غـلا بنت الطيب غير متصل

بيانات اضافيه [ + ]
 رقم العضوية : 199574
 تاريخ التسجيل :  Dec 2007
 أخر زيارة : 09-12-13 (10:59 AM)
 المشاركات : 13,368 [ + ]
 التقييم :  2147483647
لوني المفضل : Cadetblue
افتراضي رد: أكبر موسوعة للحصول على الحواجب المثالية



هلا و غلا

موضوع متكامل يحتوي في جعبته الكثير

مجهود واضح غير مستغرب

الله يعطيك العافية

لك الود مع باقات من الورد


 
 توقيع : غـلا بنت الطيب

ركني الهادئ
يتشرف بتصفحكم الراقي


رد مع اقتباس
قديم 10-04-11, 10:49 AM   #5
الضحكة الخجولة
|[ عـضـو مــاسـي ]|



الصورة الرمزية الضحكة الخجولة
الضحكة الخجولة غير متصل

بيانات اضافيه [ + ]
 رقم العضوية : 283517
 تاريخ التسجيل :  Jun 2008
 أخر زيارة : 28-04-14 (11:17 AM)
 المشاركات : 42,604 [ + ]
 التقييم :  2147483647
لوني المفضل : Cadetblue
افتراضي رد: أكبر موسوعة للحصول على الحواجب المثالية



يعطيك الف عافيه ع المووووضوع ^^


 


رد مع اقتباس
قديم 10-04-11, 01:27 PM   #6
AkaBEr
|[ عـضـو مــاسـي ]|



الصورة الرمزية AkaBEr
AkaBEr غير متصل

بيانات اضافيه [ + ]
 رقم العضوية : 657012
 تاريخ التسجيل :  Dec 2010
 أخر زيارة : 01-10-13 (01:50 PM)
 المشاركات : 3,826 [ + ]
 التقييم :  2147483647
لوني المفضل : Cadetblue
افتراضي رد: أكبر موسوعة للحصول على الحواجب المثالية



مشكووووووووووووووووووووره حبيتي
يعطيك العااافيه


 
 توقيع : AkaBEr



رد مع اقتباس
قديم 11-04-11, 12:57 PM   #7
امبرطورة
|[ عـضـو نـشـيـط ]|



الصورة الرمزية امبرطورة
امبرطورة غير متصل

بيانات اضافيه [ + ]
 رقم العضوية : 684999
 تاريخ التسجيل :  Mar 2011
 أخر زيارة : 23-11-12 (06:34 PM)
 المشاركات : 149 [ + ]
 التقييم :  141597111
لوني المفضل : Cadetblue
افتراضي رد: أكبر موسوعة للحصول على الحواجب المثالية



رووووعة يعطيك العافية


 


رد مع اقتباس
قديم 11-04-11, 01:18 PM   #8
๚ פـگآيـۃ ڦـڷپـے ▪▪
|[ عـضـو مــاسـي ]|



الصورة الرمزية ๚ פـگآيـۃ ڦـڷپـے ▪▪
๚ פـگآيـۃ ڦـڷپـے ▪▪ غير متصل

بيانات اضافيه [ + ]
 رقم العضوية : 581829
 تاريخ التسجيل :  Apr 2010
 أخر زيارة : 29-03-13 (03:18 AM)
 المشاركات : 4,576 [ + ]
 التقييم :  2147483647
لوني المفضل : Cadetblue
افتراضي رد: أكبر موسوعة للحصول على الحواجب المثالية





،
تسلم ديأإتك
الله لآ يحرمنىآ منك ومن مجهودك*
كل الشكر لك
وتعجزالكلمأإت شكرك
يا الغلآ
تحياتيْْْ



 
 توقيع : ๚ פـگآيـۃ ڦـڷپـے ▪▪


يككفيْ إني ؛
م هويت من آلقِلوبْ
ﭑلا خفوقههآ


رد مع اقتباس
قديم 12-04-11, 01:16 AM   #9
اسوسة
|[ عـضـو فــضــي ]|



الصورة الرمزية اسوسة
اسوسة غير متصل

بيانات اضافيه [ + ]
 رقم العضوية : 666558
 تاريخ التسجيل :  Jan 2011
 أخر زيارة : 16-04-12 (07:17 PM)
 المشاركات : 1,172 [ + ]
 التقييم :  582548246
لوني المفضل : Cadetblue
افتراضي رد: أكبر موسوعة للحصول على الحواجب المثالية



الله يعطيك العافية وجزاك الله خير


 


رد مع اقتباس
قديم 12-04-11, 09:44 PM   #10
~,‘وردهـ لآتذبلْ,‘~
|[ عـضـو مــاسـي ]|



الصورة الرمزية ~,‘وردهـ لآتذبلْ,‘~
~,‘وردهـ لآتذبلْ,‘~ غير متصل

بيانات اضافيه [ + ]
 رقم العضوية : 643277
 تاريخ التسجيل :  Oct 2010
 أخر زيارة : 18-02-13 (07:33 PM)
 المشاركات : 3,099 [ + ]
 التقييم :  2147483647
لوني المفضل : Cadetblue
افتراضي رد: أكبر موسوعة للحصول على الحواجب المثالية



تسلم يدينـــكـ على الطرح الرائع
ربي يعطيكـ الف عافيه
لاعدمنــــــــاكي غلاتي


 


رد مع اقتباس
إضافة رد

مواقع النشر (المفضلة)
أدوات الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are معطلة
Pingbacks are معطلة
Refbacks are معطلة


المواضيع المتشابهه
الموضوع كاتب الموضوع المنتدى مشاركات آخر مشاركة
أكبر موسوعة نكت جديدة أكثر من 5000 نكته أرجو التثبيت !!..مجروحه وتكابر..!! نكت × نكت ضحك 9 07-07-14 04:43 AM
نصائح سريعة للحصول على بشرة أكثر نضارة <<نور الحياة>> عالم حواء العام 20 27-02-12 07:31 PM
أكبر موسوعة صور حزينه زهرةأللوتس صور - كاريكاتير 51 19-09-10 03:12 PM
أكبر موسوعة للعطور النسائية miss Dooly مكياج × ميك اب × اكسسوارات 16 27-02-09 03:50 PM
نادي سانتوس يصف انتقال روبينيو لمانشيستر سيتي بالعار وأحد أكثر الحوادث المعيبة في الكرة البرازيلية ميسي الظاهرة كرة القدم العالمية 6 08-09-08 07:32 PM


الساعة الآن 04:28 AM