المنتديات
المنتديات
| روابط إعلانية |
| ||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
 |
| | أدوات الموضوع |
06-03-07, 10:09 AM
| #1 |
| |[ عـضـو مـشـارك ]| الدولة:  روابط إعلانية |  شباااااااب بحاااااااااار صار مهندس سياكل ( ادخل وإذا فصلت من الضحك انا مو بحاااار ) السلام عليكم ورحمة الله وبركاته كيفكم يا احلى اعضاء وأسعد الله صباحكم ( اذا كنت داخل في الصباح ) وأسعد الله مسائكم ( نفس القاعده السابقة ولكن في المساء >> يعني لازم تشغلو مخكم شوي اوكي خخخخخ >> امزح ترا ) حبايبي ابشركم صرت مهندس سياكل !! :11: مثلي مثل الكثير من الشباب العاطل همه الوحيد جمع بطاقات السوا وكتابة حرف الحبيبه فيها او التكيات عند محولات الكهرب او استراحات المستشفيات بحكم انهم يقدمون شاهي ببلاش وفيها تكييف مركزي !! <<< ابوك يآلعــلم .. :You-make-me-hurt: والبعض الاخر << متعوب عليها .. مقومين دوري بلاي ستيشن وبراد رايح وبراد جاي وماخفي كان اعضم !! انا من البعض الاخر حقين الملاحق والنصب والسوالف اللي نصها مالها سنع والنص الثاني نصب مالكم بالطويله كنا جالسين وكان اغلبيتنا منعفط على جنب من تاثير الكوكاكولا والبعض الاخر فاقن كشرته عند ستار اكاديمي وماسكين التلفون ويصوتون لواحد معلق سرواله على الكاميرا ويبي يطلع وربعه منبسطين وطاقتهم الحميه مايبون يطلعونه مبسوطين عليه تقول ماعندنا الا هو!! وانا ورفيزي متقابلين فيس تو فيس وكل واحد يذب على الثاني !! ومع محاولات الذب الارضيه والجويه وجالسين نقوي اللغه القذره بين بعض عشان جمعت الخميس.. طلع عن النص رفيزي وقال وراك ماتملط الشنب بس وتحلقه صفر !! وتصير مثل هاللي في ستار اكاديمي تسمين الله ينفعك مير وتتعرف على وحدتن تصرف عليك <<< استغلال مادي !! قلت الا بسوي نيو لوك على قولتهم ابملط ام الشنب واللحيه .. واروح للحلاق باكستاني واغمض عيوني قلت شل اي شعره الا الحواجب .. ويلطس وجهي ببودره حقت بزران وطلعت كني افغاني جاي بفيزة سباك ويشتغل خباز لبست الخوذه وركبت موتري (بحكم ان موتر ونيت 82 خط مكيف ولا فيه أيرباق البس خوذه عشان توقيني من الحوادث لاسمح الله) <<<فقير طلعت وتوجهت شمال قلت خلني اطلع واشوف ردة فعل الشارع السعودي على النيو لوك وهل له تاثير على الفرد والمجتمع ومن المحتمل تكدس حالات الطلاق بعد مروري على ذالك الشارع <<< بالله كلام واحد صاحي ذا جنحت على طريق الخدمه بعد كبري قبل كبري التحليه !! وسفطت موتري ونزلت على رجليني قلت خلني اشوف هاللوك له مؤيدين ومعارضين ولا لا ؟؟ ولا محدن طاقلي خبر والوضع فري <<< فري ولا صامت ههه انا نزلت من موتري ووقفت على رجولي الثلاث وفاقن كشرتي وماسك ورقه وقلم قلت بحسب المؤيدين والمعارضين اللي بيبتسم لي هذا معبجه واللي بيكشر ولا يسوي حركه بيده مالها سنع هذا معارض <<< ربعنا مافيهم ملح تقول ربي ماخلق ايديهم الا للحركات اللي مالها داعي <<<< على هالجمله كني منيب مولود بالشمال وامي مرضعتني عصير جزر!! اول ماتواسيت وحركت وجهي بعكس عقارب الساعه وقبلت على شارع الملك فهد شفت العالم كلها تناضر !! باستغراب راعي ونيت انكسرت رقبته وهو يناضر !! جمس محمل بزران موقفين عندي وجالسين يلمسون راسي !! ميني فان واقف والدريشه مفتوحه وطلع منها ريحة بنات !! ماكملت ثلاث دقايق الى شارع الملك فهد مسكر من من الزحمه والبواري تتسابق كني على كبري المعادي وش السالفه ياولد يوم بدى يعرق وجهي واحس اني منيب انا من جد حطيت يدي على وجهي واحس ان وجهي صار بلاستيك !! قلت بس هذا الجدري اللي يقولون يجي مع الخوف وتموت.. اثري نازل ونسيت افصخ الخوذه !! اشوا ان وجهي مهوب باين يوم بردة شوي وبديت استخف دمي واتميلح واسوي حركات مدري وشي هع هع زين اللي مارميت ملابسي <<< طرّاه ان ربعنا لو يشوفون فار مدعوس وقفو عنده وانشب بهالعالم وشلون بروح الحين والتفت وراي والقى عماره عند الفيصليه تبنا قلت ياولد خلني اطب فيها واطلع مع الجهه الثانيه واخذ لموزين وارجع لموتري بعدين واطب في هالعماره ويقابلني واحدن املط سيم سيم قال اهلين خيو قلت هلابك والله (شكيت في الوضع عماره توهى تبنى وانا وياه لحالنا) !! قال شرف شرف من هون عموو ويمسكني مع ذراعي ويسحبني لين دخلني فندق الفيصليه واشوف عالم متجمعين ومؤتمر صحفي وافصخ الخوذه قلت خل ان كان فيه تصوير عشان اترزز ويجوني الناس يسلمون علي ويخموني ويطيروني بالعجه وانا مدري وش السالفه قلت لايحسبونن بس من عيال هالشيوخ خلني امشيها عليهم بس واتعشى وعقبها اظرب الباب واقول اكلت الظرب ويحبحبوني ويتبسمون والبنات من بعيد ياشرون علي كني سمعت وحده تقول هذا بحاااار وريحة العود وناس ريحتهم زينه مهيب ريحة بعض الناس !! ويجلسني الطرنيب على كرسي ويجيب لي عصير تفاح الظاهر انه راوخ !! ويقعد يتكلم واحدن خلفه حركاته كنها حركات خليفه البنقالي حق ستار اكاديمي وماسك جوال سوني اريكسون في يده ومعلق مفتاح البي ام دبليو في رقبته <<< ابن البنـانيـه قهرني يـوم ينصب ولا بس بدله افرنجي ويقول هونيك وانغز اللي جنبي << القروي مايخلي طبعه .. قلت هذولي وش عندهم الحين متجمعين هنا وقاعدين يمدحون في هالبرج !! قال اليوم عيد ميلاد البرج . .. شو نسيت انك انتى اللي بانيه !! يؤيؤيؤ قلت بانيه وش بانيه ياعم وش اللي بانيه قال طول عمرك متواضع ويطنشي ويقعد يتسمع لهالي يتكلم وانا انتفض قلت لايكون البرج بس طايح وبيسجنونن المهندس ولزقوها بضهري!! عشاني فقير مسكين والمهندس لبناني ومعه بي ام قلت ياولد دام الدعوه فيها تصوير واثباتات خلني اتغدى فيهم قبل يتعشون فيني قلت اسمع انت وياه يوم التفتو العالم كلهم علي وخفت!! ابي اكمل كلامي عجزت ويقعدون يصفقون !! ^ ^ ويجيني واحد ويمسكني مع يدي قال تفضل ياسعادة المهندس واشرح :016: للجمهور اساسات البرج وكيف بنيته !! وموقفين قدامي برج مصغر للناطحه .. انا بصراحه يوم قال مهندس انبسطة لو يذبحوني عقبها عادي قلت لا انا ما اعرف اشرح الا صدق على الطبيعه خلو نفر البرج واشرحلكم ويرجع الجمهور يصفق!! <<< مادرسوهم بالابتدائيه الا التصفيق؟؟ قلت يالله نبدى من المدخل .. انا ابي اصل الباب بس واحط رجلي والله ان مايشوفوني قالو لا خلنا نبتدي من فوق:003: والله الحاله!! قلت يالله مشينا نبدى من السطح <<< وهـ بس ونطلع فوق الين البلوره وابدى انصب عليهم قلت هذا انا صممتها عشان اذا جاء المطر وشقها السحاب يطلع قوس قزح في الرياض وتكون مدينة القوس قزح.. ومناك كنت ناوي اخليها استراحه للعيال بس حسوفه عليهم... ويصفق الجمهور !! وكل مارفع صحفي اصبعه يبي يسئل قلت له اصبر خلني اكمل كلامي وننزل على المطل الي يطل على الرياض<<<اجل وين يطل على رفحاء << رفحاء على طاريهاا نبي نسوي لهاا اعلان وانا شغال نصب اجل اقولهم ان المطل اصلا ناوين نلبسه كل قزاز بس اختلفنا مع المقاول!! وحسيت العالم بدو يحرجوني بالاسئله وانا اصرفهم وهم شكو في وضعي بعد لاني نكبه قلت مابدهاش مالك الا خطه (4 4 2) <<< لعيونكم ياحبايبي وانقز على المطل واتعلق بحبل وبدى جسمي يتدودل بين السماء والارض ... قلت اسمع انت وياه تحسبونا سبايك تلعبون علينا ترانا صيع ومنتكلش اونطه !! صور يامصور وطلع الفضايح قالو وش فيك قلت اسمعو يالصحافه تراهم نصابين عشان البرج بينهد جابوني انا عشان يلزقونها بضهري. . لاني فقير مسكين ويهجون كلهم ! ولا بقى ولا واحد الى هذاك اللي غاثني بكثر الاسئله قال صدق البرج بينهد قلت ليه هو مهوب منهد من تحت والرافعات اللي في العماره اللي جنبكم لكم قال لا قلت اجل نزلني الله يرحم والديك ( ) قال بعدين ويروح ويخليني !! وانا اصايح هيلب مي هيلب مي والعالم تتناحش واشوف العليا كلها فضت العالم قامت تصفر مابقى مخلوق لاعند الفيصليه ولا العليا كلها قلت خلاص هذي نهايتك يابحاااار النكبه بتموت اخرتها موتتك طيحه من برج !! والله الموته البايخه ويوم شفت العالم كلهم ابعدو ولا فيه احد حولي ولا سيارات قلت خلني اطبح على الزفلت واموت ارحم من موتتي على كبوت كامري وافك يديني وانا اطنبح ولا اسمع الا صوت الهواء ويجي في بالي اشياء كثيره قعدة اتذكر كل ايام عمري في هاللحضات من البرج اللين الزفلت تندمت على الذنوب اللي سويتها تندمت على كل لحظه قضيتها من دون اعمل لاخرتي فيها تندمت على امي اللي طلبتني ولا وديتها تندمت على الدنيا اللي كانت شاغله كل همي وملهيتني عن الاخره تندمت اني ذبحت نمله وتندمت وتندمت وتندمت وتندمت آآآآآآآآآآآآآهــ ليتني اقدر ارجع الزمن شوي ولا اوقفه كان سويت اشياء كثير المفروض اسويها من زاماان خلاص قربت على الزفلت جبهتي بتصقع بالرصيف ويلقفني واحدً ريحته دهن عود وداق لطمه وشكله قوي لانه قدر يلقفني مع قوة الجاذبيه طلع فــــــهـــــــــد وقال ماتطيح يا بحاااار وانا موجود موضوعك بيكون مميز يارب ترحمنا برحمتك يارب صح اني فقير ... وشهادتي ماتعدت الثانوية ... بس شهادتي بالله اكبر شهادة... وصح اني ما املك لا الفيصليه ولا المملكه ... بس املك اصدقاء الجلسه معهم احسن من اطلق كفي بالعليا واملك منتدى واحلى منتدى واحلى ناس في>(منتدى تعب قلبي) وصح اني ما البس شورت ولا برمودا... بس الثوب والشماغ ماخذه مني حته مايستفاد:- 1 لاتناظر فوق كثير ترى تنكسر رقبتك وناظر اللي دون منك وقل الحمدلله على اللي انا فيه 2 انتبه عزيزي القارئ من الغزو الفكري والقنوات الماجنه <<< قويه ماجنه 3 اغتنم الفرصه والعافيه اللي انت فيها قبل تنتهي في الحياه ولا تنشل 4 صح اني جديد معاكم بس اتمنى اني اكون صديق دائم لكم وتفيدون وتستفيدون 5 جميع ماذكر للأمانه منقول وأرجوا انه ما يكون مكرر علشان ما أتفشل خخخخخ يلا يا احلى أعضاء لنا لقاء إنشاء الله مع الردود سلاااااااااام آخر من قام بالتعديل بحاااااار; بتاريخ 08-03-07 الساعة 01:47 PM. السبب: المرور ما اعجبني وعلشا كذا غيرت الموضوع بالكامل |
|  |
|
06-03-07, 10:53 AM
| #2 |
| |[ عـضـو فـعـال ]| الدولة: |  رد : عضو جديد يحتاج انكم تعطوه شوية وجه وتقرو موضوعه خخخخخ هههههههههههههههههههههههههههههههههه ههههههههههههههههههههههههههه ههههههههههههههههههههه يسلمووووووووووووووووووووووووووو بحاااار بداية قووووووووييييييييييية رجك الله رجا مبرحا أنا صراحة عجبتني فيس تو فيس وكمان هلب مي هلب وأحلى أحلى شي مانتكلش أونطة <<<<<هذه خلتني اسطح من الضحك يعطيك ألف ألف عافية ومراحب فيك بمنتدانا الغالي |
|
| |
|
06-03-07, 11:08 AM
| #3 | |
| |[ عـضـو مـشـارك ]| الدولة: | رد : عضو جديد يحتاج انكم تعطوه شوية وجه وتقرو موضوعه خخخخخ نمّوسه هلا فيك والله ضحكة دوم انشاء الله اقتباس:
مشكور على المرور الحلو ولك مني احلى تحيه | |
|
| |
|
06-03-07, 11:29 AM
| #4 |
| |[ عـضـو مــاسـي ]| الدولة: | رد : عضو جديد يحتاج انكم تعطوه شوية وجه وتقرو موضوعه خخخخخ هههههههههههههههههههه والله خطير ياولد ما شاء الله هذي البدايه لك مستقبل ههههه اهلا وسهلا فيك وحياك الله بيننا يعطيك العافيه البحار |
|
| |
|
06-03-07, 01:35 PM
| #5 |
| |[ عـضـو نـشـيـط ]| الدولة: | رد : عضو جديد يحتاج انكم تعطوه شوية وجه وتقرو موضوعه خخخخخ اهلا يالبحار بصراحة شديتني مع الموضوع تقبل مروري |
|
| |
|
| الإشارات المرجعية |
| أدوات الموضوع | |
مواضيع مشابهة | ||||
| الموضوع | الكاتب | المنتدى | الردود | آخر مشاركة |
| يحتاج إلي أم وليس زوجة | شمس الحقيقة& | نقاشات و حوارات | 26 | 16-06-10 10:05 PM |
