قديم(ـة) 21-03-11, 05:05 AM   #1
|[ عـضـو مـشـارك ]|

 
صورة صوت الألـم الرمزية
 
الدولة:
الافتراضي رواية فاقدهـ غالي للكاتبه: صوت الألم




((بسم الله الرحمن الرحيم ))

هذي مشاركتي الأولى معكم في المنتدى

أضعها بينكم لأني لسمت فيكم حب الروايات وتقديرها

أتمنى أن تنال إعجابكم..

رواية:فاقدهـ غالي

للكاتبه: (صوت الألم)


لااحلل نقلها الابذكر المصدر

علماً بأن الروايه واقعيه مع اختلاف الأسماء

*****************************
ألا يا الله يا عالم بحالي .. كثير الهم عن قلبي تزيله

خذت مني اليالي اعز غالي .. تفارقنا ولا باليد حيله
سهرت ايام مع عدّة ليالي .. وحالي من سبايبهم عليله
عليّ الوقت يا مشكاي حالي .. الا بالله عدّل كل ميله
الا ليت البكى بيرد غالي .. لسيّل واديٍ ما سال سيله
واصيح صياح من صابه هبالي .. على اللى نافلٍ بالزين جيله
الا يا عين منك عزتالي .. على الحمى تزيدينه مليله
*****************************
اولا ابدأ بذكر الشخصيات في الروايه

شخصياتنا سعوديه من اصول كويتيه تركوا الكويت في ايام حرب الخليج

واستقروا هنا في بلد الامن والامان واخذوا الجنسيه السعوديه

عائلة يوسف بوماجد

وهم مها اكبرهم عمرها20سنه وهي بطلة القصة

ماجد عمرهـ18 كل همه السيارهـ وطلباته تكون مجابه

مجد عمرها 10سنوات شقيه وياكثر ماتعاني منها مها لانها تحب تقلدها

مازن عمرهـ 6سنوات يدرس تمهيدي كل همه الكورهـ وبس

مهند عمرهـ 4سنوات هذا دلوع واخر العنقود ومها تحبه ومتعلقه فيه حيييل

عائلة محمد بوراشد صديق يوسف الروح بالروح

راشد عمرهـ 30سنه موظف

خالد عمرهـ 28سنه مدرس في احدى القرى التابعه لمنطقة مكه المكرمه

سعاد عمرها 25سنه تدرس في استراليا مع زوجها

سارهـ صديقة مها الروح بالروح عمرها 20سنه

عائلة سعود بو بندر

بندر الابن الاكبر عمرهـ 25سنه كل همه كشخته والمظاهراخذ الباكالريوس في الهندسه

ولا لقى وظيفه وصار ويّا ابوهـ يدير اعماله

ولهالشي صارت سفراته وايد كثيره بين السعوديه والكويت

بشاير 22سنه قريبه جداً من مها وسارهـ طالبه في كلية الطب

توفت امهم وعايشين مابين جدانهم اهل ابوهم واهل امهم

بقية الشخصيات تتعرفون عليهم بالقصة

منهم الجد عبدالله ابويوسف وماشاء الله عياله واجد


بذكر منهم يوسف بوماجد اللي سبق ذكرهـ وسعود بوبندر

وهدى اصغر عياله واكبر من بطلة القصه مها بـ سنتين وقريبه حيل منها ..

*****************************



آخر من قام بالتعديل ملآمح دآفئة; بتاريخ 09-04-11 الساعة 04:33 AM. السبب: اضافة وسام
صوت الألـم غير متصل   الرد باقتباس
قديم(ـة) 21-03-11, 05:08 AM   #2
|[ عـضـو مـشـارك ]|

 
صورة صوت الألـم الرمزية
 
الدولة:
الافتراضي رد: رواية فاقدهـ غالي للكاتبه:صوت الألم


نبدأ الروايه
مع الفصل الاول
في بيت بوماجد
يوم الاثنين الفجر
الكل نايم بالبيت بوماجد اول مرهـ يقعد عياله من الفجر للمدارس
دخل على دلوعته مها
جلس على طرف سريرها
بوماجد:ميمي مومي مهاوي
مها تدلع وتلف للجهه الثانيه تبيه يزيد يدلعها اكثر عياره هالبنت
بوماجد: عيون ابوها وحياته ياالله قعدي وراك دوام
مها:الدوام لله
بوماجد: ميت ضحك عليها يالله عاد قومي بلاعيارهـ
مها تناظر الساعه: يبه شفيك تو الناس حنا وين ووقت يوم نروح المدرسه وين
بوماجد: ادري بس خاطري اشوفكم وانتم تصلون وتتريقون وياي اليوم بالذات
مها: ابوك يالاحراج تبي تشوفني اصلي لازم
بوماجد:ضحك بوجه مها وفهمها
مها:حست انها قالت شي غلط استحت
بوماجد:بقعد باقي اخوانك يالله الحقيني تحت بالصاله امك قعدت من بدري وزهبت الريوق
مها:مدري من غشكم انت وياها اليوم من صباح الله خير
بوماجد حذفها بالمخده وهو يضحك :بتقومين ياام لسانين ولا لي تصرف ثاني
مها :لالالاخلاص وراك ماتقعد اخواني الا انا مطبحه قدامك
اخذت مها جوالها طبعاً تعودت مستحيل تنام او تقعد من النوم قبل ماتكلم صديقتها ساره
مها:الوو
سارهـ:هلا مهاوي
مها:صوتك مو توك صاحيه صح
سارهـ:اي والله صاحيه من نص ساعه اليوم عندنا حالة استنفار بالبيت
ابوي من الصبح قعد البيت كله
مها:ههههههههههههههه ابوك بعد مغشوش
سارهـ :شفيك الخبله شقاعدهـ تقولين
مها:حنّا بعد ابوي مسويلنا نفس الحاله عندكم مقعد البيت كله
سارهـ :ياربي والله ماشبعت نوم شكلي بتميرض واغيب
مها:يالغبيه تغيبين اليوم نسيتي ان عندنا حصص نشاط يعني بنهيّص قومي لاحقه ع النوم
سارهـ:اي والله صدقتي امري لله يالله بس خليني اصلي وانزل اشوف سالفة ابوي اللي مقعدنا عليها من صباح الله خير
مها:اوكي انا بعد بغسل وجهي وانزل

مها نازله مع الدرج تفاجأت كلهم تجمعوا
بوماجد :هههههه هذي اللي بتطبح قدامي
ماجد:ماتعرف هالسلحفاة دايم اخر وحده تقعد
مها :مالك شغل يالتمساح كيفي
ماجد:الا لي شغل غصب عنك
مها:تسكت ولا اصكك بفنجان الشاهي بين عيونك
ماجد:لاوالله يالله جربي وصكيني وربي لاصكك بكف اقلب وجهك مليون صفحه
بوماجد :بسسسسس شنو هذا هواش مع الصبح وقدامي كل يوم على ذا الحال وانتم الكبار
اجل اذا مت شنو بتسوون الظاهر بتذابحون وتذبحون امكم واخوانكم الصغارهاللي يناظرونكم
قامت مها تحب راس ابوها: سملله عليك يبه الله يطول بعمرك
بس قوله هو دايم ينرفزني
ماجد : لانك خبله ماتعرفين المزح
مها :والله مو خبل الا انت وجهك
ام ماجد :وبعدييييين توابوكم ماخلص كلامه صار الحكي كله لك انتي وياه هواش وقلة حيا
قطعت الكلام مجد
مجد:احسن حل يمه اني وابوي جيبو شريط لاصق امريكي اصلي وحطيه على افوامهم هي وياه
بوماجد:هههههههههههه احسن حل عز الله انك جبتيها يادلوعتي انتي
مها:نعم نعم ماسمعت منهي دلوعتك
بوما
بوماجد:ياصباح المسلمين كلكم دلوعاتي انتي وياها
ناظرهـ ماجد: وانا شنو ؟
بوماجد: انت رجال البيت ومسؤول عنه من بعدي
مها:الله يطول عمرك يبه ولاننحد على ماجد يصير رجال علينا
ماجد يلفت يدور شي يحذف مها:رجال غصب عنك
بوماجد:ماجد مها ودي يوم واحد تبطلون هالحركات والمناقر ودي اتطمن عليكم
ودي احس انكم اخوان قلوبكم على بعض
مها انتي كبرتي ابيك تتعلمين من امك وتعتبرينها صديقتك قبل ماتكون امك ابيك تنتبهين لمجد
مجد توها طفله صغيره ومحتاجه لاخت مثلك توجهها وتعلمها وتكون قدوهـ لها
وانت ياماجد ابيك رجال ينشد فيك الظهر يعتمدون عليك امك واخوانك
ابيك تاخذ بالك اخوانك مازن ومهند وتكون قدوتهم
وتخلي بالك من خواتك مهاومجد وتكون حنون عليهم
ادري ياام ماجد الحمل عليك ثقيل لاكن ماجد رجال وانا متأكد انه قد المسؤوليه
ام ماجد:وخانقتها العبرهـ الله يطول عمرك يابوماجد شفيك من البارح مانمت وكلامك مايطمن ابد
والله قطعت قلبي
مها وماجد قاموا يم ابوهم
ماجد:يبه في شي متعبك اوديك الطبيب
بوماجد: لايبه شفيكم كاني قدامك مافيني الا العافيه
يالله يالله لاتأخرون عن مدارسكم البسوا وانا بوصلكم اليوم قبل اروح مشواري
مها وماجد ومجد طلعوا : حاظر يبه
وطلعوا يتجهزون
ام ماجد خلي السايق يوصلهم قاعد ماعنده شي
بوماجد: لاخاطري اوصلهم انا
ام ماجد: طيب وين بتروح بعد ماتوصلهم
بروح انا وبوراشد (ثول) في ارض هناك يمكن نشتريها انا وبوراشد ونسوي عليها مشروع
ام ماجد:عاد ماقيتوا الا ثول شوفوا اي مكان اقرب
بوماجد: لاهناك الاراضي ارخص والمشاريع بدت فيها وكلها كم سنه وتصير مدينه
ام ماجد:الله يوفقكم يارب
بوماجد يضم عياله مازن ومهند ويسلم عليهم
ام ماجد مومرتاحه من اللي قاعد يصير جالسه تناظرهـ وهو يضم بعياله والعبرهـ خانقتها
نزلوا ماجد ومجد :يالله يبه جاهزين
بوماجد: وين مها
مجدبصوت واااطي تخاف من مها تسمعها: السلفحاة ماتترك طبعها كل يوم تأخرنا
كلهم طلع صوتهم يضحكون
نزلت مها : اشم ريحة محشات فيني
بوماجد: لاسلامتك طال عمرك بس كنّا نقول مهاوي عسولتنا وين مانزلت مانقدر نسوي شي بدونك
مها: احم احم وتتمخطر من قدام ماجد
يالله بابي انا جاهزهـ
ماجد:اقول امشي وربي لو اشوتك بشلوط وانك طايره في السيّاره
مها جات بترد طبعا مستحيل تفوت كلمه
قاطعها بوماجد:يالله يالله تأخرنا قدامي ياالله
طلعوا كلهم ورجع بوماجد وسلم على راس ام ماجد :اشوفك على خير يالغاليه
ام ماجد: مانطقت بكلمه غير دمعتها نزلت
في السيارهـ
مها: يبه وصلني آخر شي ابي اتأخر
بوماجد:ليش بتتأخرين في احد يضايقك
مها :ايه
بوماجد: منو؟وليش ماقلتي لامك عشان تجيك المدرسه؟
مها: الاذاعه بيه ازعاااااج مع الصبح ماحبها
ماجد: الحمدلله والشكر يبه انت تصدق ان هذي تحد يقدر يضايقها
بوماجد: يابنتي الاذاعه شي اساسي ومانشئت الا يستفيدون منها الطلاب والطالبات
فيها ذكر الله وفيها معلومات تنشط ذاكرتك مع الصبح قبل ماتبدأ الدروس
مجد : يبه انا احب الاذاعه
مها: يالمصريه يالله بس انزلي الحقي الاذاعه ولا تنسين النشيد الوطني ههههه
بوماجد :تعالي مجودهـ بوسيني وروحي وضمّها ضمة وداع وراحت
ماجد ومها حاسين في شي مو طبيعي
في السيّارهـ هدوء الكل ساكت ماجد ومها كل واحد يفكر بتصرفات ابوهم من الصبح
بوماجد يكلم صديقة بوراشد بالجوال يقوله نص ساعه ويكون عندهـ
سكر الخط وصلوا مدرسة ماجد
بوماجد: يالله ماجد لاوصيك وانا ابوك خلي بالك على امك واخوانك
ماجد يناظر ابوهـ وعلامات استفهام كثير بوجهه:ان شاء الله يبه على امرك
سلم على راس ابوه ونزل
بوماجد واقف يناظرهـ الى ان دخل المدرسه وماجد يمشي ويلتفت في ابوه متعجب
مها طول هالوقت تراقب تصرفات ابوها
بوماجد:مها انزلي تعالي قدام لايحسبوني صديقاتك سواقك ههههه
مها:اقص لسانها اللي تقول عنك هالكلام انت احلى ابو بالدنيا كلها عسى الله لايحرمني منك
بوماجد:ياالله عاد انزلي تعالي قدام تاخرت عن شغلي
نزلت مها وركبت قدام


مها:وهذي قعده يالحليلي من قدي اليوم كاشخه مع ابوي ابي كل البنات يشوفونك اليوم
بوماجد:الله وش بيشوفون يعني رجال عادي مثل مثل ابوانهم
مها تشهق:لاوالله من يقول انت غير مامثلك احد شوف اشحلاتك ولد حليوه يهبل ماشاء الله عليك ماكني بنتك
حتى اخاف يفتكروني جايه مع واحد حبيته ولاشي ماشيات
بوماجد :ههههههههههههههه لاتخليني اخذ مقلب بروحي واصدق اني بعد شباب وحليوه على قولتك
مها:ومن متى انا اصلا امزح وياك الاصدق ونص
بوماجد:يالله عاد عن العياره
بوماجد:مهاوي
مهاوي:ياعيون وقلب وروح مهاوي
بوماجد:اخوك ماجد
مهاوي :شفيه
بوماجد:ابيك تعاملينه على انه رجال ولا تنقصين من قيمته
مالكم غيرهـ من بعدي حتى لوهو غلط عليك خذي الامور بعقل وخليك احسن منه
مها:الله يطول بعمرك يبه شفيك اليوم من الصبح تصرفاتك مقلقتني
بوماجد: يابنتي الواحد مايظمن عمرهـ وانا ابي اتطمن عليكم
مها تناظر ابوها وبالها ابد مومرتاح
مها:يبه انت فيك شي حاس بشي يوجعك
بوماجد:لاياعيوني مافيني الا العافيه
يالله حبيبتي وصلنا مدرستك
مها حبت يد ابوها وخذا هو ايدها وحبها
بوماجد:لاتنسين اللي وصيتك عليه
مها:عيوني لك يبه كلامك كله على راسي
بوماجد:يالله يمه استودعتك الذي لاتضيع ودائعه
نزلت مها وعيونها مليانه دموع
دشت المدرسه ولقت سارهـ صديقتها قدامها تلف عباتها
سارهـ:هلامها شفيك لاسلام ولا كلام
مها:سارهـ ابوي مدري شفيه اليوم تصرفاته وكلامه غريب
سارهـ :حتى ابوي يامها من الصبح مقعد البيت كله الا نتريق وياهـ
وسوالفه ع السفرهـ كلها وصايا ونصايح دام حتى ابوك نفس السالفه اكيد صاير شي خسروا بمشروع اوشي
وضايقين من هالشي
مها:على قولتك يمكن وليش لا
سارهـ :لحوووول بدا الازعاج الاذاعه بتصك روسنا اليوم
مها: الله من العله الله يسامحك يبه مسرحنا من الصبح
سارهـ:ههههه غنم انتم عشان يسرحكم ياالله بس امشي لاتجينا ابله فوزيه تصك روسنا بكم كلمه
مها: اي والله عاد موناقصينها
ابله فوزيه مقابلتهم: ماشاء الله اليوم مها وسارهـ جايين بدري وحيحظروا الطابور
مها:والله ياطويلة العمر نوينا مثل كل يوم نجي بعد الطابور لاكن الظروف خلتنا نجيك سارحين من بدري
سارهـ:اي والله مها صادقه احس شكلنا غلط جايين هالوقت
ابله فوزيه:امشوا بس انتي وهيا ادخلوا ان شاء الله كل يوم تصيرلكم دي الظروف ياالله قُدامي
سارهـ:حلفت مايمشي بالاول الاانتي
مها:اي والله حتى انا حلفت لازم الكبير اول ومن بعدك سارهـ لانها اكبر مني بـ9ايام هي جات برمضان وانا بشوال
ابله فوزيه:انتم حتحكولي قصة حياتكم انتي وهيا يالله امشوا ادخلوا
دخلوا سارهـ ومها يضحكون مثل كل يوم الابتسامه ماتفارقهم

في بيت بوراشد مابقى احد غير ام راشد
قعدت بالصاله الا التلفون يرن
ام راشد:الوو
ام ماجد:السلام عليكم شلونك ام راشد
ام راشد:وعليكم السلام هلا وغلا ام ماجد شلونك وشلون عيالك
ام ماجد:بخير يالغاليه انتي شلونك وشلون من عندك
ام راشد:الحمدلله الكل بخير مثل كل راح شغله ومابقى غيري احد
ام ماجد:بوراشد راح مع بوماجد صح
ام راشد:ايه قالي انه بيروح وياه ثول بيشوفون اراضي هناك
لكن والله ماني متطمنه الله يستر من مشروعهم ذا جايبه قلق والله طول الليل مانام
ام ماجد:وانتي صادقه بوماجد موعلى عوايده قلبي ماكلني عليهم
ام راشد: ان شاء الله خير قل مايصيبنا الا ماكتب الله لنا
ام ماجد: ونعم بالله
ام راشد اكلمك شوي صوت مهند يبكي هالشغاله ماني متطمنه منها من جاتنا والولد كله يبكي
ام راشد: زين روحي شوفي ولدك الشغالات محد يامنهم ياكثر مشاكلهم وبلاويهم
ام ماجد:صدقتي يالله مع السلامه
ام راشد:مع السلامه

بوماجد اخذ بوراشد وطلع وياهـ بسيارته راحين للمشروع
بوراشد:اخرتنا يابوماجد كان خليت السايق يوصل العيال
بوماجد:لاحقين خير ياخوك خاطري اليوم انا اللي اوصلهم واتطمن على كل واحد فيهم
بوراشد:يالله هذا الرجال يتصل شكله وصل الموقع قبلنا
بوماجد:رد عليه قله ربع ساعه وحنا عنده خله ينتظرنا
ويدووس ع السياره 220
قطع الاشارهـ وبالخط الثاني يقابلهم وايت بانزين بيلف يدخل المحطه
دخل بسيارة بوماجد ولعّت السيّارتين اعتلت النار من البانزين
حادث شنيييع....



شنو تتوقعون صار فيهم؟
هل احد فيهم نجا من الحادث؟
شلون بيوصل الخبر لاهل بوراشد وبو ماجد؟
شلون بتكون وقع الصدمه عليهم وخصوصا مها؟
كل ذالك في الفصل الثاني من الروايه
تابعوا الاحداث



صوت الألـم غير متصل   الرد باقتباس
قديم(ـة) 21-03-11, 04:11 PM   #3
[ قِصَة لَم تَكتَمِل ...!

 
الدولة: المملكة العربية السعودية
الافتراضي رد: رواية فاقدهـ غالي للكاتبه: صوت الألم

َ. ِ
حياك أختي والمنتدى كله لعيونكم
نورتي القسم بجديد موفقة بإذن الله
جنان الورد لروحك
ملآمح دآفئة غير متصل   الرد باقتباس
قديم(ـة) 23-03-11, 04:03 PM   #4
|[ عـضـو نـشـيـط ]|

 
صورة توته الفرفوشه الرمزية
 
الدولة: المملكة العربية السعودية
الافتراضي رد: رواية فاقدهـ غالي للكاتبه: صوت الألم

يسلموو
منور المنتــــــــــــــــدى بوجودك
توته الفرفوشه غير متصل   الرد باقتباس
قديم(ـة) 23-03-11, 06:00 PM   #5
|[ عـضـو مــاسـي ]|

 
صورة ṃẳπẫчεŗ الرمزية
 
الدولة: المملكة العربية السعودية
الافتراضي رد: رواية فاقدهـ غالي للكاتبه: صوت الألم

مشكوووووووووووووورة
يعطيك العافيه وودي لك
ṃẳπẫчεŗ غير متصل   الرد باقتباس
قديم(ـة) 24-03-11, 04:42 PM   #6
عضو موقوف من الاداره
 
الدولة:
الافتراضي رد: رواية فاقدهـ غالي للكاتبه: صوت الألم

مشكوره ياوخيتي على القصصصه الججميله
الله يعطيكي الف عافيه لاهنتي ياقمر .. كل الود والورد لكِ عَزيزتي

كشكول إنسَان غير متصل   الرد باقتباس
قديم(ـة) 24-03-11, 04:49 PM   #7
|[ عـضـو فـعـال ]|

 
صورة الحب الدافئ"M" الرمزية
 
الدولة:
الافتراضي رد: رواية فاقدهـ غالي للكاتبه: صوت الألم

يسلمووووووووووو,,
امممممممم ههههه ما أعرف شو بيصير ننتظر الباقي من القصة لأنها بجد عجبتني..
بووووووووركت أناملك أختي تشرفنا بطلتك..
أختك:الحب الدافئ"M"
الحب الدافئ"M" غير متصل   الرد باقتباس
قديم(ـة) 26-03-11, 01:31 AM   #8
|[ عـضـو مـشـارك ]|

 
صورة صوت الألـم الرمزية
 
الدولة:
الافتراضي رد: رواية فاقدهـ غالي للكاتبه: صوت الألم

حيّاكم الله جميعاً كلاً بإسمه

إليكم تكملة الروايه ...
صوت الألـم غير متصل   الرد باقتباس
قديم(ـة) 26-03-11, 01:34 AM   #9
|[ عـضـو مـشـارك ]|

 
صورة صوت الألـم الرمزية
 
الدولة:
الافتراضي رد: رواية فاقدهـ غالي للكاتبه: صوت الألم

الفصل الثاني
تجمعوا الناس حضر لدفاع المدني والاسعافات والشرطه
ثلاث ساعات محاولات تطفية الحريق
رجال الدفاع المدني يدورون ع السايق واللي معه
محاولات صعبه جداً في البحث
النار اكلت كل شي حتى الجثث ماعاد لها معالم
ولاهويات للمصابين
اشلاء متفحمه من سواد النار
الشي الوحيد اللي ممكن يعرفهم على ضحايا الحادث
لوحة السيّارهـ
طلعوا الجثث ولفوها في قصديروشالها الاسعاف لثلاجة الموتى
اتخذت الشرطه الاجراءات وعرفوا صاحب السيّارهـ
عرفه الضابط صديق راشد ولدمحمد كان دايم يقابل بوماجد عندهم
لكن اللي ماكان يعرفه الضابط ان اللي كان مع بوماجد هو بو راشد صديقه
الظابط:الووو
راشد: هلا والله بالقاطع وين الناس
الظابط : مشاغل وانا خوك خلها على بس
راشد: ونعم بالله
الظابط:راشد عندي خبر موزين
راشد:خير ان شاء الله قول وانا اخوك
الظابط:بوماجد صديق ابوك صار عليه حادث وماعتقد انه عاش السياره احترقت والحادث كان بالحيل شنيع
راشد: احد كان وياهـ
الظابط: والله مدري في واحد وياه لاكن مولاقين اي هويات لهم السياره تفحمت باللي فيها
راشد: اللي وياه ابوووي ياناصر ابوووووي
الظابط:لاحول ولاقوة الابالله
راشد:وينهم الحين ووين ودوهم؟
الظابط:بمستشفى جامعة الملك عبدالعزيز
سكّر راشدالخط بوجهه الظابط مايدري شلون بيوصل الخبر لأهله ولاهل بوماجد
اتصل على اخوهـ خالد وعلمه بالخبر اللي ماكان اقوى صدمه من اخوهـ
طلب منه يجي بسرعه ويروح المدارس يطلع اخته سارهـ وعيال عمهم بوماجد يوديهم عند امهم
في بيت بوراشد
دخل راشد على امه موطي راسه وعيونه غرقانه دموع
ام راشد:راشد شفيك راد من الدوام بدري وعلامه وجهك معتفس صاير شي
راشد حضن امه :يمّه ابوي وعمي بوماجد صارلهم حادث
ام راشد:حادث!!!!!حادث شنو وهم وين الحين صارلهم شي ؟؟؟
راشد: البقى براسك يممممممه ابوي عطاك عمرهـ
ام راشد طاحت من طولها انهارت تصيح
في مدرسة سارهـ ومها
الابله تشرح رياضيات ومها سرحانه بعالم ثاني
سارهـ:مها شفيك منتي ويا الابله
مها:هالاولاشي بس احس اني متضااايقه
سارهـ:وانا مثلك مدري شفيني
مها:اسكتي يالقلودهـ كل ماقلت شي قلتي حتى أنا
سارهـ:وجعوووهـ والله اني صادقه
ابله الهام: مها سارهـ وبعدين معاكم انا دايم اقول ماتجلسوا جنب بعض جالسين تتكلموا وانا اشرح واحرق اعصابي لمين ؟
سارهـ:سلامة اعصابك ياابله الهام خلاص حنا آسفين اخر مرهـ
ابله الهام:وانتي يامها من اول الحصه وانتي سرحانه ولاتدري انا اش اقول
مها معصبه:تدرين مالي خلق احضر الحصه بترك لكم الفصل واطلع
دفت الماصه بعصبيه وقامت الا على دخلت ابله فوزيه المراقبه
ابله فوزيه:بعد اذنك ابله الهام سارهـ ومها ياخذون اغراضهم ويجون الادارهـ
مها وسارهـ يناظرون بعض مايدون وش السالفه

ابله الهام :ليش اكيد عاملين مصيبه
ابله فوزيه:لاماعملوا شي بس اهلهم يبونهم ضروري تحت
مها حست بخوف اول مرهـ تحس فيه راحت تجري على ابله فوزيه ودموعها تسابقها
مها:ابله فوزيه الله يخليك قوليلي صاير شي ؟ابوي فيه شي ؟
سارهـ قامت تجري وراها
سارهـ:ابله بليييييييز قوليلنا صاير شي في اهلنا
ابله فوزيه :مادري يابنات انتوا هاتوا اغراضكم وتعالوا معايه الادارهـ
سارهـ ومها خذوا شنطهم ونزلوا ع الادارهـ لقوا المديرهـ عيونها مليانه دموع
المديرهـ صديقة ام مها وعلاقتها قويه وياها
مها تجري ع المديرهـ
مها:ابله رجاء منو اللي جاي ياخذنا وليييييش
ابله رجاء:خالد اخوسارهـ يبغاكم تروحوا معاهـ البيت
سارهـ: خالد!!خالد شنو جابه هو بدوامه الحين
ابله رجاء:بنات البسوا عبيكم وانزلوا بسرعه لاتسألوني لاني مادري عن شي
نزلوا البنات يجرون طلعوا مع باب المدرسه لقوا خالد بالسياره متطلم بشماغه وراكب جنبه ماجد يبكي
ركبوا السيارهـ سارهـ ومها بصوت واحد :خالد وش السالفه شنو صاير؟
خالد:ابوي وعمي بوماجد صارلهم حادث ماصالهم شي الحمدلله بس اصابات بسيطه والحين هم بالمستشفى
الحين نبي ناخذ مجد لاتصايحون قامها تخرعون البنت مافي شي يستاهل هم بخير
مها:ماجد صحيح الكلام اللي يقوله خالد
ماجد بصوت متقطع :ايه صحيح
اخذوا مجد وراحوا على البيت
دخلت مها على امها لقتها تبكي وصلها الخبر ومن راشد
رمت مها نفسها على امها تصيح
مها:يمه ودوني له بروح اشوفه
ام ماجد:شنو تشوفين يامها ابوك ماااااات
مها:لايمه وربي كلهم كذابين مامات هو بس تعور شي بسيط وبالمستشفى الحين
يمه ابوي يحبنا ولا بيتركنا
مها :ابوك خذاه الموت يامها ابوك ماااات
مجد تبكي :يعني ماعاد بشوف ابوي
اليوم الصبح يوم ضمني كان يودعني لايمه لا لاتصدينهم بيجي هو قالي انا احبك يامجد وبجيبلك كل اللي تبينه
صح ياماجد صح يامها ابوي بيرجع ابوي يحبنا
ضمتها مها وتصيح ايه يامجد ابوي بيرجع كلهم كذابين والله كذابين بيرجع ماعليك منهم بيرجع بيرجع
ماجد:صاح فيهم بس انتي وياها ماتفهومون نقولكم ابوي مات تقولون بيرجع
ام ماجد: ماجد اتصل على جدك وعمانك ماظنتي وصلهم خبر
ماجد بتصل على عمي مشعل وهو يقول لجدي والباقين ماقدر اتصل على جدي اخاف يرتفع عنده الضغط ولايكون احد عنده
ام ماجد:خلاص دق على عمك مشعل
في بيت بوراشد
سارهـ منهاااااارهـ تصيح
يبه لاتموت يبه من لي بعدك يبه اكيد نواف بيجي ياخذني اذا عرف انك خلاص مت
اكيد تتسائلون منهو نواف؟؟
هذا ولد عم سارهـ وحبها الأول
تزوجته وعاشت وياه اقل من شهر عذاب×عذاب وابوها رافع عليه قضيه يطلقها منه
مات بوراشد قبل مايخلص سارهـ من نواف
في المستشفى
بويوسف وعياله واخوان وعيال بوراشد وعمامهم بيستلمون الجثث عشان يدفنونها
دخلوا كلهم وعلامات الحزن مليانه بوجيههم
مشعل:دكتور لوسمحت حنّا هل اللي صارلهم الحادث اليوم ونبي نستلمهم
الدكتور:لاكن الاول لازم تتعرفون على المتوفين
دخل مشعل وسلمان فتحلولهم درج الثلاجه
صدمه عنيفه مافي اي معالم للجثث لدرجة انهم مايقدرون يودنهم مغسله ويغسلونهم
بو يوسف رجل مؤمن بالله وصاحب مسجد ويأم المصلين فيه دايم
جالس يردد ويدعي بااعلى صوت ودموعه تسبق صوته
يارب ماتوا محروقين احتسبهم شهداء عندك يارب
يارب ترحمهم برحمتك الواسعه التي وسعت كل شي
يارب تجبر كسرنا عليهم يارب
يارب ارحم بحال عيالهم يارب
**********

حزن يغطي مساحات القلوب
ترى هل تتجاوز مها تلك المحنه؟
كيف ستكون علاقتها باخيها ماجد؟
وسارهـ كيف سيكون حالها؟
وهل سيتركها نواف ام تعود له؟
كل ذالك في الجزء الثالث من الروايه
تابعوني....





صوت الألـم غير متصل   الرد باقتباس
قديم(ـة) 26-03-11, 06:35 AM   #10
|[ عـضـو فـعـال ]|

 
صورة الحب الدافئ"M" الرمزية
 
الدولة:
الافتراضي رد: رواية فاقدهـ غالي للكاتبه: صوت الألم

أووووووووووووه البارت قصير بس بكيت مساكين كانوا يوادعون عيالهم..
ربي يرحم موتانا وموتى المسلمين أجمعين..آآآآآآآآآآآآآآآآمييييييييييين..
ننتظر البقية..
أختك:الحب الدافئ"M"
الحب الدافئ"M" غير متصل   الرد باقتباس
إضافة رد

الإشارات المرجعية

أدوات الموضوع

قوانين المشاركة
لا يمكنك إضافة مواضيع
لا يمكنك إضافة ردود
لا يمكنك إضافة مرفقات
لا يمكنك تعديل مشاركاتك

رمز [IMG] متاح
رموز HTML مغلق
Trackbacks are مغلق
Pingbacks are مغلق
Refbacks are مغلق


مواضيع مشابهة
الموضوع الكاتب المنتدى الردود آخر مشاركة
رواية جرحني وصار معشوقي للكاتبه رسمتك حلم ~النجمة الساطعة~ روايات تعب قلبي 200 22-07-13 02:00 AM
رواية مشآعر أنثى"/ للكاتبه ورود الشتاء ورود الشتاء روايات تعب قلبي 30 05-04-12 03:33 PM
رواية ورود الأمل برائحة الألم(سعوديه_رومانسيه_روووعه_كامله)بقلمي • شـمـوخ Ѽ روايات تعب قلبي 239 28-06-11 01:49 AM
رواية ذكريات المساء للكاتبه ورود الشتاء.. ورود الشتاء روايات تعب قلبي 56 07-02-09 08:59 PM
رواية الف ليله وليله للكاتبه علوا روح يامروح روايات تعب قلبي 7 25-11-08 02:26 PM


الساعة الآن +3: 02:18 AM.