المنتديات
المنتديات
| روابط إعلانية |
| ||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
 |
| | أدوات الموضوع |
12-03-07, 12:55 PM
| #36 |
| |[ عـضـو مـشـارك ]| الدولة:  |  رد : تعب قلبي <سعوديه> يسلموووو على الطله ومنتظره التوقعااات |
|  |
|
20-03-07, 08:14 PM
| #37 |
| |[ عـضـو مـشـارك ]| الدولة: | رد : تعب قلبي <سعوديه> محمد : هلا والله يوسف........................ شنوو؟؟؟؟ مشتسفى؟؟؟؟؟؟...................... أي مستشفى؟ ؟؟ .............. خلاص انا جاي الحين مسافت الطريق بس دخل محمد الشاليه وغير ملابسه على السريع ولبس ثوووب ومر على الشباب والبنات بالمجلس محمد : انا طالع مشوووار وبرجع بكرى الصباح خالد : وين؟ محمد مستعجل: اذا رجعت اقووول لكم انا مستعجل يلا ....سلام الوليد : الله يساعدك و يوفقك وطلع من المجلس والشباب والبنات كملوا يشوووفون الفلم فاطمه تهمس لأختها رزان : شفيه وجهه متغير كأن احد ميت عليه رزان :والله ما ادري ايش فيه بعد ما جاه هذا التلفووون تغير اكيد في شي ورى هاذي المكالمه وبعد ما خلصوا راحوا لغرفهم عند البنات كانوا قاعدين بالغرفه حاطينه على محطة الأغاني ويجهزوون اغراظهم علشان يرحوون المسبح باليوم الثاني ريم ومها وفاطمه كانوا في البلكوونه مها : ريم وش رايك تغنين ؟ انتي صوووتك حلوووو سمعيني شي ريم :.... امممممم وش تبين اغني فاطمه : غني احلى اثنين ريم : اوكي .................. احم احم هممممممم تعرفوون لازم اسوي برووووفه فاطمه : يا شين الي يتفلسفووون اقووول يغني لا يكثر ريم : بعديها لك هاذي المره وبغني انت بحري وانا اليم يقولون الي يقولون انا بحبك متيم خلي الحساد يموتون انت في قلبي غالي لو عنك يسألون انت بحري وانا اليم يقولون الي يقولون هذا حبيبك تحبة والي قلبك على قلبة لاتخلون العواذل بينكم يفرقون اثنين تجمعنا المحبة يغارون منا الاحبة حبي وانا احبة عذال ماتفهمون انت بحري وانا اليم يقولون الي يقولون انا بحبك متيم خلي الحساد يموتون هذا حبيبك تحبة والي قلبك على قلبة لاتخلون العواذل بينكم يفرقون ان زعلت هو يصالح وان خطا انا اسامح في شيء ما تعرفونة اني احبة بجنون انت بحري وانا اليم يقولون الي يقولون انا بحبك متيم خلي الحساد يموتون مها : الله رووعه ابدعتي بصراااااحه بعد فترة صمت جاهم صوووووت من الجهه الثانيه خالد+ فيصل+فهد اتفقوا انهم يغنووونها : لا تجرح إحساسي .. أنا إنسان حساسي ليتــك تــدارينــي .. وتحـــس يا قـــاسـي * * تجــرح ولا تبالـي .. وتصــد عــن غالــي يغليــك ويــداري .. يــا أكبـــر آمــالــي * * واللي ملك روحي .. هــو سبة جروحــي ماريد أنا غيــره .. وأقــول وأبـــوحـي * * لا لا تعــذلوني .. عــن ناظــر عيـــونــي تكفون خلوني .. اهواه..أهـوى قاســي البنات تفاجؤا ريم: اوووه فشله يعني اسمعوني فاطمه:ههه عادي طقاق الي يطقهم محد قال لهم يقطوووون اذن مهابصوووت عالي:وععععع على بالهم صوتهم حلوووو لفت بتدخل الغرفه الا وتجيها ظربه قووووويه على ظهرها قرشة مووويه راميها فهد مها : وجععععع مين الحقير الي رمى القرشه فهد: انا ...لأنك غلطتي علي ريم: عادي ما فيها شي البنت تقوووول رايها وثاني مره لاقطووووون اذن علينا لو ادري ان انتوا هنا كان ما غنيت فيصل الله هذا صووووت ريم والله صوووتك حلووو ويهبل يا ريوووم خالد : اصلا احنى ما قطينا اذن انتوا الي كان صوتكم عالي اصلا احنى شنبي فيكم الحمد لله المغنيات تارسين التلفزيووون ريم عصبت حطت يدها على خصرها : هذا وانا اختك ما تدافع عني كيف لو كنت مو اختك اوريك يا خلووودوووه فيصل يكلم خالد : يا ويلك من ريم الحين اذا حقدت عليك بتوريك الويل زي ما شاتت علي الكوووره ههههه ريم انصدمت ما توقعت ان فيصل معاهم يووووه فشله الحين فيصل سمعني وانا اغني ليه انا حظي كذا يلتني ما غنيت ما بقى احد ما سمعني فاطمه تصارخ : اقووووول شكلكم ناوين تتهاوشوون ترى عادي نتهاوش فهد : يمه خو فتيني يمه يمه جاتني فاطمه بتطقني اقوووول عرفي مين تكلمين اول وبعدين تحدي وفجئه جتهم قرشة المويه الي لاحوها وجات على خالد خالد عصب راح وجاب كل القرشات الفاظيه الي بالغرفه بيرميهم على البنات وفيصل وفهد معااه عند البنات ريم : يمه وش هذا السما تمطر قرشات مووويه فاظيه فاطمه : هههههههههه شكلهم ناوينها هواش هاذي المره مها : انا بروووح الغرفه وبجيب شي نرميه عليهم ريم : اوكي لا تأخرين انى بنرمي القرشات الي يرمونها عند الشباب فهد : القرشات ما تنفع نبي شي احس خالد : مثل شنوووووو؟ فيصل : انا بروووح اشوووف واجيب شي مها رجعت للبنات ومعها جرايد ريم : هذا الي لقيتيه؟؟ مها: شسوي هذا الي شفته قدامي فاطمه : خلاص خل نعفسهم ونسويهم كووور علشان نرميهم مها : اوكي عند الشباب خالد : اووووووه البنات تتطوروا وقاموا يرموون جرايد فهد: ههههههههه نشوووف فيصل شنو بيجيب رجع لهم فيصل ومعاه صطل مااي كبير خالد: ايووووه ما يفع معاهم غيرالماي جابوا كرسي ورقى فهد فوووقه واخذ الصطل وكبه على البنات كله عند البنات ريم: آآآآآ ه شنو هذا البارد فاطمه : وجع كبوا علينا الموووويه مها : السالفه فيها موووويه اوريهم الحين دخلت داخل وقالت لرغد ورزان يساعدونها بعد فتره الشباب قاموا يرموون عليهم علب البيبسي والعصير ريم : شفيها مها تأخرت؟؟ فاطمه : ما ادري ... خل نروووح نشووووفها وراحوا يشفووونها عند الشباب فيصل : شفيهم وقفوا فهد: شكلهم استسلموا خالد : انا عندي احساس انهم ما استسلموا وبعد فتر قصيره تجيهم ذيك البلووووونات داخلها ماي والبنات كلهم ما عدا سلوووى قاموا يرمووون عليهم وبقووووه فهد : بسم الله الرحمن الرحيم ذيلي ناوين علينا اليوم فيصل : شف الله يلعنهم .....شكلهم عصبوا لم كبينا عليهم الماي خالد: اكيد... اصلا انت الي جبته بارد مرررره فهد :خلهم يستاهلووون دخل فهد الغرفه وجاب معاه مخداااات يبغى يرميهم خالد: هيه انت انجنيت ؟؟؟؟؟؟؟؟ فهد : لا ما انجنيت بس البنات اقهروني وابي انتقم منهم فيصل : دووور بعدين احد يجيب لك المخدات بعدين فهد : من هاذي الناحيه لا تخاف في غيرهم كثير بالدولاب البنات والشباب انواااع الهواااش وكل شوي تتطور السالفه وفي الغرفه سلوى كانت تكلم الوليد بالجوال الوليد : شنووو يعني ما اقدر اقعد معاااك ؟ الا بعد الملكه سلوى كانت مستحيه : امممممم تقدر تقوووول الوليد : لالا شنو.. انا ابي اقعد معاك لو مره وحده بس سلوى : ما اقدر الوليد : طيب ليش اكيد خالي بيوافق اقعد معاك سلوى : مو على انه يوافق او ما يوافق بس .. الوليد : بس شنووو سلوى: بصرااحه انا .. استحي ابتسم الوليد : اموووووت على الي يستحووون سلوى استحت وجهها صار فراوله : لا تقوووول كذا الوليد : ليش؟ سلوى : مراح اقووول لأني لو قلت بتعلق مره ثانيه الوليد : لا عادي قولي سلوى : انا استحي طبعي خجوووله ما احب احد يقووول لي كذا الوليد : ههههههههههه على شان كذا بعد فترة صمت الوليد : اممممممممم ... شنو لابسه سلوى استغربت : شنوووو؟ الوليد : اقووول شنو لابسه سلوى : سمعتك بس مستغربه شنو هذا السؤال الوليد : ههههه ابي اعرف علشان اتخيل شكلك واتخيل شنو لابسه سلوى شافت ملابسها بجامه: لحظه لحظه بدلت ملابسها على السريع : لابسه تي شرت فوشي وجنز برمودا الوليد : الله كاشخه توقعتك تكونين لابسه بجامه سلوى تضحك على نفسها : انا طووول عمري كشخه حتى اذا بنام اكوون كاشخه<<< بدت الصواريخ نروووح للمستشفى دخل محمد للمستشفى وراح عند غرفة الطوارئ والي كان يوووسف جالس ينتظر عندها راح عند يوسف : ها شقال الدكتوووور رد عليه يوسف بتوتر وحزن : والله ما ادري شقوووول لك اهي والجنين حالتهم خطره محمد حس ان سكاكين قووويه تدخل فيه من الي سمعه مو قادر يستوووعب الي يصير هاذي اول مره يحس انه راح يفقد احد ... ومين يفقد؟ يفقد اعز شخص بحياته محمد عايش بحالة ارتباك مو قادر يسوي شي كل الي يقدر يسويه انه يدعو ربه: لا حووول ولا قوة الا بالله يوسف : ان شالله تقوووم بالسلامه طلع لهم الدكتوووور محمد و يوووسف اول ما شافوا الدكتووور وقفوا محمد : دكتووور تكفى علمني وش حالتها الدكتوور بحزن : انت قوزها؟؟<<<<مصري محمد عصب مو وقته يسأله هذا السؤال: زوجها ولا مو زوجها ما عليك قولي شصار ؟؟؟ الدكتووور نزل راسه : الجنين حالته سليمه وهو بنت بس......... محمد ما قدر يستحمل سكووت الدكتوووور بنفاذ صبر: والأم اهم شي الأم الدكتووور : والله مش عارف أأولك ازاي بس البئيه في اعماركم يوسف انصدم :شنووووووو قاعد تقوووول انت ؟؟؟ اختي وينها الدكتووور : حاولنا ننقذها بس هي فقدت دم كثير وما قدرنا نعوضها محمد منصدم وده الأرض نتبلعه ولا يسمع انه فقد اعز مخلوووقه بالكووون عنده زوجته روان ... روان الي حبها والي مشى عن كلام ابووووه علشان يتزوجها تموووووت وتترك له ولد عمره 5 سنوات وبنت صغيره محمد : دكتوووور تكفى قول الي تووووك قايله كذب يوووسف : دكتووووور ما نقدر نشوووفها الدكتووور : لا اكيد تقدرووون تفظلوا راحوا محمد ويوووسف لها ودخلووا الغرفه الي كان فيها اجهزه كثيره وسرير كانت موووجوده على السرير وكانت مغطيه بشرشف ابيض قرب محمد من السرير وعيووونه متجمعه دموووووع : ليه تروووحين وتتركيني خليتني لحالي كيف بعيش الحين من دووونك خذيني معاااك آآآآآآآآآآآآه ليه انا صار فيني كذا البنت الي حبيتها ما اقدر اعيش معاها قرب ومسك يدها وقام يصيح ما قدر يكتم دموووعه شنو اقووول لسيف والبنت الي جبتتيها اذا اسألوا عن امهم وينها يوسف الي كان وراااه كان يصيح على اخته الوحيده دخل عليهم الدكتور ومعاه سرير طفل كانت البنت نايمه فيه : تعالوا شوفوا البنت و تقدروا تاخذ وا البنت بعد يومين على شان نسوي الفحوصات ونتأكد انها سليمه يووسف ودموووعه كل مالها وتزيد راح للسرير واختذ البنت وشالها وجلس يمسح على راسها ويتأمل شكلها : خالد تعال شووف بنتك محمد : ما ابي انا بقعد مع زوجتي شوفها انت يوسف : شنو الي قاعد تقوووله رووح شووف بنتك هاذي بنتك مو بنتي محمد : زوجتي اهم ليت زوجتي عايشه للحين وما جابت البنت يوسف انقهر من كلام محمد وعصب: محمد هذا مو كلام واحد عاقل وين احساسك بالأبووه .. هذا الي كاتبه ربك مقدر ولازم يصير محمد بحزن وكان صووته عالي من القهر الي فيه : الأحساس مات وراح مع روان اصلا انا الحين ما ادري وش بسوي بنتحر وبقتل نفسي علشان افتك من هاذي الدنيا يوسف بصووت عالي : محمد وعيالك عيالك الي ما بقى لهم غيرك تتركهم يرضيك يعشووون عيالك ايتام الأم والأب جلست البنت على صراخهم وقامت تصيح محمد سمع صووت البنت وهي تصيح وقلبه يتقطع عليها : خلالالاص يوسف شنو الي خلاص قرب محمد من يوووسف واخذ البنت ومسكها وأول ما اخذها اسكتت : خلاص انا بروووح وباخذ سيف والبنت معاي ولازم اهلي يدرووون لأني ما بقدر اربيهم لحالي وبسميها شهد امها كانت تحب هذا الأسم في الشاليه الساعه 2 الفجر الكل كان نايم ما عدا خالد كان يكلم صديقه طلال خالد : طلالووووه انت تتكلم من جدك؟ طلال: اي من جدي ... مسكينه والله .....تخيل وحيدة امها وابوووها .... وتموووت امها وابووها في السعوديه مو داري عنها رد خالد بحزن على حالها : طيب كيف امها ماتت ؟ طلال: حادث سياره خالد : لاحووول ولا قوة الا بالله ... مسكينه لو انا مكنها بنتحر طلال: اي والله ..... تدري؟ اهي الحين بترووح عند ابووها في السعووديه بعد ما تخلص اورقها خالد : تتوقع ابوها بيرحب فيها ؟ طلال: اي اكيد لأن اهي تقووول ان ابوها كان يزورهم كل شهر لمى كانوا في لبنان بس بعد ما راحوا امريكا صعبه يجيهم كل شهر صار يجيهم في السنه مره خالد: انا سمعت ان ابوها متزوج امها بالسر واهل ابوها ما يدروون وان عنده زووجه وعيال كبار طلال: اي..... ادري .................... بس مسكينه مها غابت عن الدوام اسبووعين ما بعد تجي متأثره كثير والي يزيد الطين بله ان محد معها من اهلها يواسيها خالد: اي صح .... انا كنت ناوي اكلمها بعد ما رجعت بس حسيت انها مو حلوووه اني ادق عليها طلال : خالد البنت تحبك وعادي اذا كلمتها واكيد بتفرتح لمى تدق عليها خالد : انا راح ادق عليها قرييب بعد ما ارجع من الشاليه بكرى طلال: اووووه يا الخاين تروووح شاليه ولا تعزمني خالد : ههههههههههه نسيت انت وينك ؟ انت في امريكا طلال:هههههههههه يا بختك يا خالد قاعد بأرض وطنك ومش متغرب مثلي خالد : لا تقلبها حزن وصياح كلها كم اسبوووع وبترجع طلال: اي والله كم اسبوووع وارجع اشوووفك اشتقت لك يا الدب .... بس تدري ما ادري كيف اقدر اصبر على الأسابيع الباقيه خالد: زي ما صبرت 3 سنوات اصبر كم اسبوووع في اليووم الثاني والأخير في الشاليه الساعه 11 الصباح البنات كانوا بالنادي وكانوا بالمسبح كانوا كلهم متجمعين عند ريم الي كانت بتتطب بالعميق رغد : يلا تراك زودتيها متى بتطبين؟ ريم : اصبروا خل اتأكد اني مراح اغرق << تخاف مها : اكيد في النهايه مراح تطبين ريم : لالا انا بطب اكيد بس من زمان ما سبحت اكيد نسيت سلوى : هذا الي تقووول رايحه معهد سباحه يلا ورينا ريم حست انها لازم تطب : اوكي يلا عدوا لـ3 وبطب فاطمه : عدينا اكثر من الف مره وانتي ما بعد تطبين ريم : لالا خلاص الحين بطب اكيد كلهم قاموا يعدوون : 1 2 3 وطبت ريم بعد فترة من بعد ما طبت البنات ينتضرونها تطلع رغد : شفيها ذي طولت ؟ سلوى : ما ادري شكلها غرقت مها : هههه تخيلي تغرق واهي داخله معهد تعليم سباحه فاطمه : اشفيها ما طلعت يمكن صج غرقت مها : ترى البنت طولت في الماي سلوى خافت : يا ويلي اختي غرقت شنسوي؟ وريم ما لها اثر للحين شنووووو توقعاتكم لهذا البارت تتوقعون ريم صج غرقت ؟؟؟؟؟؟؟ وفيصل شنو يسوي لو ريم غرقت؟ |
|
| |
|
22-03-07, 06:11 PM
| #38 |
| |[ عـضـو نـشـيـط ]| الدولة: | رد : تعب قلبي <سعوديه> يوووووووو ليش ماكملتي؟؟؟ بس يمكن البنات يسوون اكشن لانها ماطلعت واذا عرف مغرمها_فيصل_ اكيد بيطب على اساس يطلعها بس بتصير تلعب عليهم... اتوقع كذا اذا مو كذ1 علميني وش بيصير = نزلي البارت بسرعه ههههه اختك: قطوطة |
|
| |
|
24-03-07, 10:37 AM
| #39 |
| |[ عـضـو مـشـارك ]| الدولة: | رد : تعب قلبي <سعوديه> تسلمين قطوووطه على التوقعااات الرهيييبه اسعدني تواجدك الدأم في القصه وان شالله ما اطووول عليكم في البارت 9 |
|
| |
|
24-03-07, 11:50 PM
| #40 |
| |[ عـضـو مـشـارك ]|  الدولة: | رد : تعب قلبي <سعوديه> انا بصراحة مابعد قريت القصة بس قريت المقدمة وصراحة شكلها مشوقة ولي رجعة ثانية إنشاء الله مع تحياتي::: تركــــــــــــــــي |
|
| |
|
| الإشارات المرجعية |
| أدوات الموضوع | |
مواضيع مشابهة | ||||
| الموضوع | الكاتب | المنتدى | الردود | آخر مشاركة |
| حصريا نغمة تعب قلبي والله انها تعبت قلبي حصريا في منتديات تعب قلبي ؟؟!! | Cristiano Ronaldo | مقاطع يوتيوب × مقاطع فيديو | 33 | 04-05-11 11:42 PM |
| سواها قلبي .. روايه سعوديه .. | خيال الشرفا | روايات تعب قلبي | 361 | 29-12-10 08:32 PM |
| سواها قلبي (روايه سعوديه) | ميموmem | روايات تعب قلبي | 1 | 26-01-08 03:41 AM |
| فتاه سعوديه سعوديه تادب شاب اوربي امام الناس | ابعرف بس وش ذنبي وخطايا | قصص تعب قلبي | 4 | 17-09-06 04:21 PM |
