المنتديات
المنتديات
| روابط إعلانية |
| ||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
 |
| | أدوات الموضوع |
09-03-07, 01:46 PM
| #31 |
| |[ عـضـو مـبــدع ]| الدولة:  |  رد : تعب قلبي <سعوديه> انتظرك لين يوم السبت اتمنى تنزلي اجزاء كثيره مره وحده باااي اشوفك يوم السبت |
|  |
|
10-03-07, 08:09 PM
| #32 |
| |[ عـضـو مـشـارك ]| الدولة: | رد : تعب قلبي <سعوديه> فيصل رجع للغرفة واخذ بكيت الدخان حق محمد واخذ له وحده شغلها وقعد يكمل كلامه ويفض فض بس صووته كان اخف وما ينسمع وريم تبي تكمل تسمع شنو يقووول وقربت اكثر لجهة الجدار الي يفصل البلكونتين عن بعض وصلت لريم ريحة الدخان لها وما قدرت تستحمل لأن اكره شي عندها ريحة الدخان وقااامت تكح بصووت عالي مو قادره تكتم فيصل سمع الصوووت فيصل قلبه فجئه قام يدق بقوووه مين الي موجوود كل البنات قاعدين عند البحر وحس الدنيا قاعده تدوور من حوووله مع انه ما يدري انها ريم سمع صوووت يقووول له : طفها طفها بسرعه فيصل سمع الصووت مو غريب عليه طفى الزقاره بسرعه تكلم فيصل : انتي ريم صح؟ ريم ظلت ساكته وما ردت عرف فيصل انها ريم من سكوتها فيصل بحزن : ريم ريم تحاول تغير صوتها : انا مو ريم فيصل ما اقتنع وحس انها ريم اخذ جواله ودق على رقمها ودق جوال ريم وفضحها وعرف انها ريم ريم ما تدري انه فيصل دخلت داخل الغرفه وردت ريم : الووو نعم رد عليها فيصل : ليش دخلتي داخل ؟؟ ريم انصدمت ما توقعت ابدا ان الي ارسل لها الرسايل هو نفسه فيصل ريم دموعها شوي قامت تنزل من غير ما تحس فيصل : ريم ادري ان انتي الي سمعتيني .... ممكن تطلعين للبلكونه اشوي في كلام ابي اقوووله ريم بحزن : ليش اهو في كلام ماقلته غير هذا ؟ فيصل : في اكثر واكثر بس في شي ابي اقوووله لك طلعت ريم للبلكونه وهي ماسكه الجوال وراحت جهة السووور وتتأمل منظر البحر ريم : شنو تبي تقوول ؟ سكر فيصل التلفوون وحطه بجيبه فيصل هو الثاني اتجه ناحية السووور وعيوونه على البحر هبت عليهم نسمة هوى قويه طيرت شعهرها بعد فترة سكووت تكلم فيصل : ريم انا بقووول لك شي وابغاك تسمعيني ولا تفهميني غلط انتي سمعتي الكلام الي قلته صح ؟ ريم : صح هذا الكلام الي كنت بقوووله لك لمى كنتي في بيتنا بس انتي ما عطيتيني فرصه ورديتي علي بكلام .... التفتت ريم وهي قاعده تسمع كلامه وشافت فيصل متسند على السووور يتكلم وشكله حزين شهقت لأنها مو لابسه عباه فيصل سمعها تشهق والتفت وشافها واقفه التفت بسرعه للجه الثانيه مو ناقص تزعل او تعصب مره ثانيه يكفي الي صار ريم انحرجت وراحت بتدخل داخل بس فيصل حس فيها واستوقفها : ريم لهاذي الدرجه انتي زعلانه علي وما تبين تكلميني ؟ ولا حتى على الاقل تسمعين كلامي الي بقووله وقفت ريم مكانها ولا تحركت فيصل : ريم انا احبك ............ ريم منحرجه ما توقعت ان فيصل يحبها وكانت تفكره لمى عصب عليها ما يحبها ظلت مصدووومه بمكانها كيف عنده الجرئه انه يقووول كذا !!!!!!!ما لقت شي تقووله غير انها تتأسف على الي صار : أ .. أنا ...... وسكتت مو قادره تكمل منحرجه منه فيصل بحزن دمووعه متجمعه بعيونه الثنتين : قوليها ادري بتقولين ان انتي ما تحبيني ومستحيل تبادليني مشاعري قوليها ليش خايفه لاتفكيرن اني بنجرح من هاذي الكلمه خلاص انا متوقعها منك وما ادري ليه انتي حاقده علي ... ريم مصدووومه من الكلام الي قاعد يقووله ليش هو متوقعها مني ؟؟ قاطعته ريم : لا ...لا يا فيصل انا كنت بتأسف من الي صار اليوم وربي ماكان قصدي اضربها عليك ابتسم فيصل ابتسامه من وصط الحزن : فديت الظربه بدمها منك ريم انحرجت وما درت شنو تقوووول حست ان رجولها مو قادره تشيلها طاحت على الأرض قامت تصيح وتصيح وما تدري ليه وفيصل كان يسمعها تصيح ويقوول في نفسه خلاص يا ريووم لاتصيحين والله تعبتي قلبي ما يهووون علي تصيحين ...... كسرت خاطره : خلاص ريوووم لا تصيحين ريم: ليش انا حظي كذا اول مره اجرب اظرب الكوره ويصير كذا وانا ما كنت اقصد اني اظربها و ما تدري الحين جات الكوره فيك وبكره شنووو بيصير اكيد بقتل عليكم احد انت يمكن ما تحس بالموقف قد ايش محرج الأنك ما جربت تصير بمكاني كيف شعورك لو تشووف احد طايح بالأرض بسبتك وما تدري شنو بيصير فيه بيعيش بيمووت وكل الناس عيونهم عليك يناظروونك بنظرات لووم وعتب على الي سويته اوهم شي انك ما تقدر تسوي شي علشان تخفف من الي صار فيصل : عادي هاذي حوادث وتصير وانا ادري ان انتي مو قاصده انه يصير كذا بعد فترة صمت قصير ريم : انت ليه ما رضيت تروووح المستشفى ؟ فيصل : لأن الموضوع ما يستاهل مستشفيات وانا جاي علشان انبصط واذا رحت المستشفى بيكبروون الموضوع وبيرجعون بيوهم وانا ادري اذا صار هذا الشي مراح يرضيك لأني عارفك تموتين على طلعة الشاليه ........ بس الغريبه انتي ليه قاعده بالغرفه والبنات كلهم تحت ريم : علشان انا مالي وجه انزل بعد الي صار وين اودي وجهي واخاف اسوي لهم شي واخرب عليهم الطلعه خليهم ينبصطووون وانا مراح اطلع الا الوقت الي بمنشي فيه فيصل : شيلي هاذي الأفكار من راسك والدنيا ما تسوي روحي انبصطي وغيري جوووو انتي اكثر وحده تنبصطين دق جوال فيصل في هذا الوقت رد فيصل : هلا فهد : هلا والله شخبارك الحين شكلك مروووق ومبصووط فيصل ابتسم : اسكت اسكت الحين بتطخني عين فهد : ههههه المهم الشباب يسئلوون عنك ويقلووون لك اذا تقدر تجي النادي تعال فيصل : اوكي جايكم الحين بس مسافة الطريق فهد : تبي نجي نمرك ؟ فيصل : لا وين تمرووني قريب كلها خطوتين واكوون عندكم فهد : اوكي لا تتأخر سكر فيصل التلفووون : ريم انا بررووووح النادي للشباب وابيك تنزلين مع البنات وتغيرين جووو شوفيني ما فيني شي مثل الحصان حالتي احسن بكثير من قبل دخل الغرفه وغير هدووومه ولبس بنطلوون برموود جنز مع تي شرت اسوود وطلع للنادي وريم دخلت الغرفه لبست عباتا ونزلت مع البنات عند البنات الساعه 8 ونص كانوا يلعبووون (uno) انووو مها : رزان عن الغش ترى حركتك ملعووووبه وقديمه لاتحاويلن رزان : ومن قال لك اني اغش مها : لاتحالولين تكذبين انا شايفتك بعيوني الثنتين التفتوا البنات كلهم لم شافوا ريم جايتهم وهي تبتسم وكلهم مستغربين شنووو الي غير حالها بسرعه حست ريم انهم مستغربين منها وحبت تلطف الجوو: شفيكم ؟ كأنكم شايفين جني !!!!!! سلوى : لا ما شفنى جني بس مستغربين ريم : من شنووو مستغربين ؟ رغد ترقع : كنا مفكرينك نايمه ريم : اها .... لا مو نايمه . نزلت راسها للأرض وشافت الشبسات والحلوياتت مفتوووحه ومئكووله: اشوفكم قبضتم على الأكل ولا خليتوا لي شي مها : من ناحية قبضوا هم ما قصرووووا اقبضووو على الأكل بس انا خليت لك الحلاوه الي تحبينها ريم تحمست : شنووووووو شنوووو علميني شنو خليتي لي اكيد حلاوة فاري روووشيه مها :وهل يخفى القمر ؟ ريم : واااااااو فله احس اني محتاجتها هذا الوقت بالذات فتحت الحلاوه وبدت تاكل ريم : شنووو كنتوا تسوووون ؟ رزان : نلعب (uno) ريم : اها ................. طيب شنو تبوون تسووون الحين ؟؟ فاطمه : شرايكم نتمشى ونرووح للبركه مها : لا انا اقووول البركه نرووحها بكره علشان مره وحده نروح ونسبح رغد : طييب شرايكم نشوووف فلم فهد جايب معااه افلام رعب يقووول تخووووف مررره سلوى : اممممممممم هاذي نخليها نهاية الليل قبل ما ننام ريم : اي صح بس الحين شنوو نسوي ؟ سلوى : جاتني فكرررررره خطيره رغد : شنووو ؟؟؟ الله يستر من افكارك ترى افكارك ما يجي ورها الا المصايب سلوى : الي مو عاجبته افكاري يدبر له وناااسه مها : هههههههههه طيب قولي لنا شنو في بالك ريم : يلا انا تحمست سلوى : طيب طيب صبر علي اشوي << عدلت جلستها احم احم بصفتي رئيسة الشله اود ان اقترح .. فاطمه تهمس لريم : من متى صارت رئيستنا ؟ ريم ترد عليها : هههه اصلا على بالها داخله اجتماع رغد : اقوووول سلوووى لا يكثر و قولي لنا الفكره على طووول سلوى : طيب طيب انا اقوووووول خل نقووول لأخونا يخلونا نسووووق سياره مها : هيه انتي صاحيه ؟ سلوى : اي صاحيه وبعدين الشاليه فاضي مافيه ناس كثير ومحد بيدري ريم : طيب الحين الشباب بالنادي كشف بنقووول لهم رغد: انا بدق على فهوود وفيصل واشوووفهم خذت رغد جوالها ودقت على فهد فهد كان يلعب بلياردوا مع خالد فهد : شتبييييين ؟ رغد : بسم الله الرحمن الرحيم شفيك معصب ؟ اكلتني بقشووووري فهد : اخلصي شتبين انا مشغووول رغد : الله والشغل عاد ... اقووول اكيد الكلام ما منه فايده معاك اسكر احسن لي باي فهد : احسن باااي سكرت رغد رغد : شكلهم مشغوووولين سلوى : الحين ادق على خالد اكيد بيرضى طلعت جوالها من الشنطه بتدق عليه استوقفتها ريم ريم : لالالالالا سلوى لاتدقين ..... بنااااات ... اكيد اخونا مشغولين ولا راح يرضووون فاطمه : طيب والحل ؟ ريم : انا عندي الحل مو صح النادي الي هم فيه قريب من الشاليه يعني ما يحتاجووون سياره علشان يرحوون له صح؟ سلوى : صح ريم : والرجال بيكونون بالمجلس او بالجلسه الي عند البحر يعني ما يطلوون على الشارع والحريم اغلب الوقت بالصاله والحين يصيروون يطبخووون العشى مها : يلا قولي ريم : ما فهمتوا ايش ناويه عليه ؟ ناخذ السيرات ونسووقهم اشوي وبعدين نرجعهم ولامن درى ولامن شاف البنات كلهم ساكتين مو مستوعيبن الي تقوووله ريم لهم وكلهم يتلفتوون على بعض وكل وحده تشوووف ردة فعل الثانيه ريم : هيه الوووووو ........ ها شقلتووا موافقين مها : انتي الحين قصدك ناخذ سيرات اخونا ؟؟؟؟؟؟!!!!!! ريم : اي مافيها شي رغد : طيب من وين نجيب المفاتيح ؟؟ ريم : اكيد اهم راح يخلونهم بالغرفه لأنهم مراح يحتاجوون لهم رزان : انا خايفه ....... مين الي راح يعلمنا نسوووق؟ سلوى : انا اعرف اسوووق خالد علمني من قبل ما يسافر ريم : ها نتووووكل ؟ ونصرق المفاتيح ؟؟ فاطمه : انا اقووول يلا ...... بس كلنا بسياره وحده يكووون اونس رغد : اي صح وناسه لمى نكوون مع بعض سلوى : ريم روحي جيبي مفتاح سيارة خالد ريم : اوكي بس ابي وحده تجي معاي اخاف احد يرجع واتورط لحالي فاطمه انا اجي معاك اتفقوا البنات ان ريم وفاطمه ويرحون يجبون المفتاح والباقي يلاقونهم عند السياره دخلوا غرفة الشباب واخذوا مفتاح خالد ونزلوا بهدوووء علشان محد يحس فيهم في هذا الوقت ساره زوجة عبد العزيز كانت طالعه من المطبخ وصادفتهم ريم ارتبكت وخبت المفتاح ورى ضهرها وقفوا فاطمه وريم وابتسموا لها خايفين تكشفهم ساره : شعدنكم تطالعوني كذا نظراتكم هاذي ما تطمن كانكم ناوين على شي فاطمه : شدعووووه يعني شنو ناوين عليه بنسوووق سياره مثلا؟ كان قصدها تمزح ظربتها ريم وهمست لها : اصصصصص لاتفضحينا فاطمه : لالا لاتاخافين ساره اختي وانا عارفتها تطوووف عليها هاذي السوالف ساره : هههههه والله انا شاكه انكم تسونها عادي ما استغرب عليكم شي ........................... المهم انا بروووح اشوووف الهنوووف مسكينه من اول ما وصلنا وهي مع مريم ومشعل يلعبووون بلاي ستيشن.. انا استغرب منهم ما يملوون من البلاي ستيشن ريم : ههههههه والله تعبنا معاهم مافي فايده اول ما راحت ساره منهم طلعوا من الباب وراحوا جهة المواقف وصلوا عند البنات رزان : اشفيكم طولتوا ساعه على ما تجبووون مفتاح ريم : شفنا اختك ساره وخفنا انها تكشفنا قعدنا نسولف معاها اشوي سلوى : طيب يلا خلصونا خل نركب لحد يشوووفنا وراحوا عند سيارة خالد الهمر وكان لونها اسووود ركبت سلوى محل السايق ومها ورغد انواااااع الهوااش على مين يركب قدام مها : هيه ما يصلح تركبين انا جيت قبل رغد : اقووول انقلعي انا اكبر منك خليني اركب مها : مافي انا ابي اركب جنب خطيبة اخوي استحت سلوى من كلمة مها : اقوووول خلصونا انتي وياها يا تركبووون ولا بنمشي ونترككم في الشارع ركبت مها السياره : رغد يلا اركبي جنبي خل نستهبل رغد : من صجك ؟؟؟؟؟؟؟؟؟؟ مها : اي عادي مافي احد بيشوووفنا ركبت رغد جنب مها تاركين الوسع الي ورى ووراهم كانت ريم ورى سلوى وجنبها فاطمه بعدها رزان رزان : والله فشلتونا تاركين الوسع ومتظايقين قدام شكلكم لحوووج اول مره تركبوون سياره ريم : عادي خليهم يوسعوووون فاطمه : اي والله يوفرووون مساحه سلوى : الرجاء من الركاب الكرام ربط احزمة الأمان خوفا على سلامتكم ..... مها : اقوووول شتخربطين انتي ؟؟؟؟ سوووقي وانتي ساكته سلوى حطت يدها على كتفها : شنوووو شنوووو شنوو ؟ انا سلووووى بنت بو خالد اسكت؟؟؟؟ لالالالالا اسمحي لي انتي تعرفين مين قاعده تكلمين؟ اذا نزلت من السياره دورو احد يسوووق لكم غيري مها : اي عارفه قاعده اكلم حرم اخوي العزيز الوليد <<< ترفع حواجبها وتنزلهم بسرعه هذا الكلام خلى لسان سلوى ينعقد ما عرفت شنوو ترد عليها سلوى: اقووول لايكثر تراك خبيتيني بأخوووك ترى اهووون واغير رايي مها : لالا خلاص بسكت ولا بتكلم وبربط الحزام ... تامرين شي ثاني؟ بهذا الوقت رزان كانت مستانسه علشان راكبه سيارة الي تحبه مو بس تحبه الا تموووت فيه متى يجي اليوم الي اركب فيها ويكون الي جنبي خالد ... وغرقت في دوامت احلامها سلوى شغلت المسجل وشغلت اغنية beep لفرقة pussycat [Will.I.Am] It's funny how a man only thinks about the... You got a real big heart, but I'm looking at your... You got real big brains, but I'm looking at your... Girl, there ain't no pain in me looking at your... [PCD] I don't give a... Keep looking at my... 'Cause it don't mean a thing if you're looking at my... I'm a do my thing while you're playing with your... Ha, ha-ha, ha-ha, ha-ha Every boy's the same Since I been in the seventh grade They been trying to get with me Trying to (Ha, ha-ha, ha, ha-ha) They always got a plan To be my one and only man Want to hold me with their hands Want to (Ha, ha-ha, ha, ha-ha) I keep turning them down But, they always come around Asking me to go around That's not the way it's going down بدت تمشي بهدوووء وكل اشوي تزيد السرعه الى ان صيطرة على الوضع وقعدت تمشيهم في الشاليه سلوى تصارخ : يااااااااااااااويلي !!!!!! مها : شفيك تصارخين ؟؟ سلوى : نسيت وين مكان البريك البانت كلهم خايفين مها تتطنز : انتي سلوى بنت بو خالد تنسين وين مكان البريك رغد : شنووو تقولين شلووون تنسين مكان البريك سلوى : ما ادري ياويلي شنو بنسوي فاطمه : انتي ما قلتي انك تعرفين تسويقين ليش تكذ بين سلوى: اي انا اعرف بس خالد علمني من زمان قبل ما يسافر والحين نسيت ريم : مو وقت الهواش الحين لازم نلقى طريقه نوقف فيها السياره مها : جربي دوووسي على هذا يمكن توقف سلوى : لايشيخه افرضي ما توقف ويصير شي اصوء من الي حنى فيه رغد : خلاص انتي خففي السرعه واحنى نطب من السياره سلوى : ههههههههههههههههههههههههههههه من جدك؟ ريم : هيه انتي هذا وقته تضحكين دوري لنا حل نطلع من المشكله الي حنى فيها سلوى : ههههههههههه اي وقته لأنكم بسرعه تصدقوووون انا سلوى بنت بو خالد انسى مكان البريك ؟ هههههههه لا ما انسى ريم : سلوى ان عدتي هاذي الحركات ترى اذبحك لاخوفينا وخلينا ننبصط سلوى : طيب طيب .... وين تبووون تروحون الحين مها : اول شي غيري هاذي الأغنيه لأنها رفعت ضغطي وثاني شي خل نسوي شي حماس ظغطت على المسجل وشغلت اغنية عباس ابراهيم (امنتك الله ) ريم : مهااااوي ليه حطيتي اغنيه حزينه ما نبغى مها : طيب شنووو تبغين ؟ ريم : اي شي حماس غيرت في الأغاني الى مالقت اغنيه تعجبهم اغنية شكيرا وصلوا قريب من النادي الي فيه اخوانهم وكان في شلة شباب واقفين عند باب النادي سلوى : بنات تلثموا علشان محد يعرفنا من اخونا رغد : لا تكفين يعني مراح يرعفونا من السياره سلوى : يمكن ما ينتبهووون بس اهم شي ما يعروفنا تلثموا ومروا عند النادي وكان صووت المسجل عالي والشله كلهم التفتوا على الصوووت رزان : مهاااا قصري اشوي الله يلعنك كل الناس دروا ان احنى هنا مها : طيب لا تعصبين بعد ما مروا على النادي انواااااع التعليقاات عليهم واحد من الشله : شباب لايفووتكم الي تسوووق بنت رد عليه واحد من الي معاه : هيه اقووول ترى شكلك خرفت مراح يرظوون الحريم يسوووقون الا بعد طلعت الرووح يعني يبلهم على الأقل 10 سنوات علشان يطلعوون القرار هذا اذا طلع اصلا تكلم واحد : لا صدق ذولي بناااات تكلم واحد منهم بصوووت عالي : امووووت انا بالقمر الي راكبه الهمر عند البنات سلوى : بنات انا اقوووول نرجع الحين يكفي خلاص اخاف يحس انا احنى اخذنها لأن البانزين ينقص اتفقوا البنات انهم يرجعووون الشاليه في النادي الشباب كانوا متجمعين على وحده من الطاولات دخل واحد كان جاي من برى يكلم اصدقائه الي بالطاوله الي جنبهم : شبااااااب لا يفوووتكم البنات الي يسوووقن همر انواع الفله والأستهبال داقين لكم اللثمه والظاهر كلهم راكبين قدام هههههههه فهد بس سمع كلام الولد اشوي وينسدح من الظحك : هههههههههههه راكبين قدام كلهم ههه تلقووونهم ولا مره ركبوا قدام الوليد : مووو كفوا احد يعطيهم سياره خالد : الغلط على الي معطينهم السياره وين اهلهم واخووانهم عنهم تراكينهم يهتووون بالشووارع محمد : تصدقووون لو انا وحده من خواتي تسوي هاذي الحركات اذبحها شوفوا كيف الناس يتكلموون عنهم فيصل : لا شدعوووه عادي تلاقي اهلهم راضين لهم يمكن هم عندهم فري عادي.... وانا من رايي ان البانت من حقهم ينبصطوون اشوي دايم محبووسين بالبيت فهد : اقووول اسكت اشوووفك صرت تدافع عن حقوق المرأه خالد : هو كلامك صح من حقهم ينبصطوون بس بحدوود وقرروا انهم يرجعووون الشاليه في طريق الرجعه مروا على سيراتهم الواقفه عند الشاليه محمد : اقووول خالد خالد : سم محمد : سم الله عدوووك ... بس شفيك ما تعرف توقف السياره شوووف كيف موقفها الي يشوووفك يقووول اول مره يسوووق خالد مفكر ان هو صدق الي موقفها ما جا على باله ان ممكن البنات ياخذوون السياره : لالا اصلا انت ما تدري ان هذا من انوااع الفن وانت ما تقدر تسوي زيي محمد : عاش مرقع فهد : من جد عاش مرقع نروووح لي لبنان عند فارس كان طالع مع نادين رايحين يتغدوووون ونادين قاعده تحاول تنسيه كل شي عن رغد بس فارس ما كان يساعدها وكان طوول الوقت يتذكر رغد وكان يتمنى انها تكوون موجوده معاه بكلامه كان هو يرتاح لأنه يفض فض لنادين بس نادين كانت في قبلها نيران تشتعل حتى لو بس قال اسمها لأنها حست انها تحبه ومو قادره توصل له فارس : ادري ازعجتك بكلامي عن رغد بس لووو تشوفينها يا نادين راح تحبين هاذي الانسانه ما اقدر اوصف لك قد ايش طيبه مع اني ما احتك فيها كثير في هاذي الفتره ... لازم لمى نرجع تشوفينها نادين هنا خلالالاص لو بكيفها عطته 3 كفوووف علشان يسكت حست بالنقص قدامها وانها مستحيل تقدر تنسيه رغد نادين عصبت : انت متى راح تنسى هاذي الأنسانه افهم افهم البنت ما بتحبك ما بتحبك بتعتبرك متل اخوها فارس استغرب من انفعالها المفاجئ : نادين والله حاولت بس مو قادرلأني حبيتها والي يحب ما يقدر ينسى بسهوله نادين : شوو يعني مو ناوي نتسها وانا ؟ وانا ؟ يا فارس ما بتحبني فارس استغرب منها : انا احبك ؟؟ لا شكلك فاهمه الموضوع غلط .. قاطعته نادين : لاء انا فاهمي كل شي قامت من الطاوله وراحت وتركت فارس فارس منصدم ظل بمكانه شفيها هاذي ؟ على بالها انا احبها تخسى احب وحده مثلها انا مراح احب غير رغووودتي والي تفكر تقدر مكانها بقلبي هاذي وحده غلطانه دفع حساب المطعم وطلع فكرها رجعت للسكن بس تفاجئ انها ظلت تتنظره في السياره سوى نفسه ما شافها وعلى طوول اشرعلى التكسي وركب ومشى ولا عبرها نرجع للسعوديه في الشاليه الساعه 11 الكل كان في الشاليه يتعشى الرجال والشباب يتعشوون بالمجلس والبنات والحريم بالصاله بعد ما خلصوا الكل راح الغرف رغد كانت في البلكوونه تتفرج على منظر البحر وينك يا فارس ... رحت وتركنتي هنا مع الذكريات ليتك ترجع ... وتشووف حالتي طلعت جولها وظلت ماسكته وتفكر .. وتفكر ياربي ارسل له رساله ولا ما ارسل والله حايره اخاف ارسل له وتكوون ردة فعله مو الي اتوقعها بالأحرى مو الي ترظيني اكيد وخاصه هو في لبنان مستحيل يفكر فيني لو بثانيه رجعت الجوال للشنطه وشالت الفكره من راسها قرروا البنات انهم يشوووفون فلم قطع حبل افكرها صووت مها التفتت رغد مها : رغد وين فلم الرعب الي جابه فهد خليه يجـ...... مها ما كملت كلامها وفتحت عيونها على الأخر : رغد ؟؟؟؟؟؟؟ شفيه وجه متغير كأن احد معطيك طراااخات شفيك ؟؟ احد مزعلك ؟ احد مضايقك؟ رغد : لالا ما فيني شي بس عجبني منظر البحر مها : اكيد ؟؟؟ رغد ما تبيها تحس بشي : اي اكيد.. يلا خلينا نرووح نشووف الفلم دقت على فهد فهد : نعم ؟؟؟ تراك ازعجتيني رغد : شفيك طووول الوقت معصب يأخي روووق فهد : طيب ... هلا والله وغلا ومرحبتين امري تدلللي ..عاجبك كذا؟ رغد : ههههه اي عاجبني لو سمحت ممكن تتكرم وتعطيني الDVD نبغى نشوووف الفلم فهد : مافي رغد انقهرت : ليه مافي ؟ فهد: انا قلت مافي يعني مافي رغد : يووووه لاتصير نحيس فهد : اذا تبوون تشوفونه شوفوه معنى احنى تحت بالمجلس بعد 5 دقايق بنشغله رغد : ما استحلى لكم الا الحين فهد : يعني بالعقل شفتي احد يشوووف فلم رعب وصط النهار ؟ بنستى الليل يجي علشان نشوووفه رغد : افففف طيب طيب بشوووف البنات واعطيك خبر فهد : وجععع لاتنافخين علي رغد : افففففففف اففففففففف اففففففف وسكرت الخط بوجهه رغد : بنات فهد يقوول ان اهم بيشوووفن الفلم الحين تبوون تشوووفونه؟ قرروا البنات انهم يشفووونه لبسوا عبايتهم و نزلوا تحت للمجلس دخلت رغد وورها البنات سلوى اول واحد طاحت عينها عليه هو الوليد شافته يطالعها استحت ونزلت راسها جلسوا البنات في جه والشباب في الجه الثانيه البنات جابوا معاهم شبسات من الي كانوا جايبينهم معاهم وبدى الفلم فيصل: رغوووود عطينا واحد من الي عندكم رغد بنحاسه : مافي فهد : افاااااااا ليه ؟ رغد : انا قلت مافي يعني مافي فيصل اخذ مخده وجا بيرميها على رغد بس جات على ريم الي كانت جنبها فيصل : اووووووووه اسف اسف كان قصدي ارميها على رغد ريم : لا عادي بس المره الجايه افتح عيوونك الوليد : هههههههههههههههههه فهد : شفيك تضحك انت ووجهك ترى الفلم رعب مو كوميدي الوليد : لا اضحك على فيصل وريم تعادلوا كل واحد ضرب الثاني يعني ما فيها زعل لووووول ... وبعدين انت شدخلك اضحك ولا ما اضحك بكيفي فهد : هههههههههه اي والله النتيجه تعادل الحين نشوووف على ايش تنتهي المبراه هههههه الفلم كان مرعب مررررره والنور كان مطفى والبنات من شدة الخوووف صاروا متجمعين جنب بعض وكل واحده ماسكه يد الي جنبها وكل ما جى مقطع مرعب قاموا يصارخوون فهد ناوي يتهاوووووش معاهم فهد : اقووول بنات الي تبي تصارخ تطلع ولا تنطم ساكته رغد : خلاص خلاص نعطيكم شبس وخلووونا خالد : اي بس عطوونا الحااار ريم : طرااارين ويتشرطوون اقووول الخل والملح يخب عليكم محمد : طيب يلا عطووونا اي شي وخلصونا بيخلص الفلم وانتوا ما بعد تعطونا فاطمه اخذت الشبس بنحاسه وافتحته فتحه صغيره وخلت الهوى يطلع وبعدين لاحته جهت الشباب وخلته يصقع بالجدار ويتكسر : تبووونه روحوا خذوووه محمد : فطووووم عليك نحاسه ما ادري من وين ماخذتها فجئه دق جواااال محمد واظطر انه يطلع برى بعيد عن الأزعاااج محمد : هلا والله يوسف ........................ شنوو؟؟؟؟ مشتسفى؟؟؟؟؟؟...................... أي مستشفى؟ ؟؟ .............. خلاص انا جاي الحين مسافت الطريق بس دخل محمد الشاليه وغير ملابسه على السريع ولبس ثوووب ومر على الشباب والبنات بالمجلس محمد : انا طالع مشوووار وبرجع بكرى الصباح خالد : وين؟ محمد مستعجل: اذا رجعت اقووول لكم انا مستعجل يلا سلام الوليد : الله يساعدك و يوفقك مين تتوقعووون الي في المستشفى ؟ ومحمد بيقدر يورووح ويشووف الي بالمستشفى؟ وفارس نادين تقدر تغيره وتشيل رغد من باله وريم وفيصل تتوقعوون ريم قامت تحب فيصل ورغد بترسل لفارس شي؟ او تدق عليه؟ ولا كرامتها مراح تخليها ؟ وسلوى والوليد ؟ شنوو بيصير بينهم وخالد بيحس بأن البنات اخذوا السياره باقي يوووم لهم في الشاليه بيعدي على خير ؟ آخر من قام بالتعديل sفراشة الواديs; بتاريخ 20-03-07 الساعة 08:12 PM. |
|
| |
|
11-03-07, 08:42 AM
| #33 |
| |[ عـضـو نـشـيـط ]| الدولة: | رد : تعب قلبي <سعوديه> يسلموووووووو البارت هذا مرة يونس بس البنات راعين مشاكل البيت ويخب عليهم..اكثر شي ضحكت عليه طريقة كلام رغد وفهد هههههههه بالنسبة للتوقعات اتوقع اللي في المستشفى حبيبة محمد ماراح يقدر يشوفها وان شاء الله نادين البايخة ماتاثر على فارس حرام رغودة تحبه وريم بعد ماطاح اللي براسها من فيصل اتوقع تبدا تستلطفه ورغد ماادري بس ليتها ترسله وسلوى والوليد الله يتمم عليهم وان شاء الله مايصير شي يفركش واتوقع خالد ينتبه ان البنات خذوا السيارة..والله يستر عليهم اخر يوم بيصير مشكلة سووري عالاطاله ولاتطولين ننتظرك اختك:قطووطة |
|
| |
|
11-03-07, 02:12 PM
| #34 |
| |[ عـضـو مـشـارك ]| الدولة: | رد : تعب قلبي <سعوديه> هلا والله قطووووطتي <<< ميانه مشكووووره على التوقعااات الأكثر من حلوووه اتمنى ان البارت عجبك وشاكره لك مروووورك ان شالله البارت الجياي ما يتأخر اختك فروووشه |
|
| |
|
11-03-07, 04:18 PM
| #35 |
| |[ عـضـو نـشـيـط ]| الدولة: | رد : تعب قلبي <سعوديه> مشكوووووووووووووووووووووووووووورة على التكملة الله يعطيكي العافية وننتظر البارت الجديد |
|
| |
|
| الإشارات المرجعية |
| أدوات الموضوع | |
مواضيع مشابهة | ||||
| الموضوع | الكاتب | المنتدى | الردود | آخر مشاركة |
| حصريا نغمة تعب قلبي والله انها تعبت قلبي حصريا في منتديات تعب قلبي ؟؟!! | Cristiano Ronaldo | مقاطع يوتيوب × مقاطع فيديو | 33 | 04-05-11 11:42 PM |
| سواها قلبي .. روايه سعوديه .. | خيال الشرفا | روايات تعب قلبي | 361 | 29-12-10 08:32 PM |
| سواها قلبي (روايه سعوديه) | ميموmem | روايات تعب قلبي | 1 | 26-01-08 03:41 AM |
| فتاه سعوديه سعوديه تادب شاب اوربي امام الناس | ابعرف بس وش ذنبي وخطايا | قصص تعب قلبي | 4 | 17-09-06 04:21 PM |
