المنتديات
المنتديات
| روابط إعلانية |
| ||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
 |
| | أدوات الموضوع |
21-08-07, 08:17 PM
| #121 |
| |[ عـضـو مـشـارك ]| الدولة:  |  رد : تعب قلبي <سعوديه> 13 ريم : هذا ولد خالك عادي انا شنو دخلني بينكم اقووم احسن لي قامت ريم من الطاوله وراحت تقعد بطاوله ثانيه انتبه فيها فيصل مو كأن هاذي ريم ؟ الا هذا الوجه اعرفه وجه ريم هاذي ريم انا متأكد بس ليه قاعده لحالها بالطاوله شاف صديقه قام يتمشى مع بنت عمته اشوووي بالسوووق بدال ما اجلس لحالي ارووح اشووف ريم شفيها جالسه لحالها ريم كانت قاعده بالطاوله تبي تلهي نفسها بأي شي طلعت جولها وقامت تقرى الرسايل الي جاتها من فيصل جى في بلها انها ترسل له رساله ارسلت له رساله وما تسمع الا صووت جوال فيصل <رنة الرساله > الي كان واقف وراها التفتت بسرعه ريم : فـ....فيصل؟ ابتسم فيصل : اي فيصل .... شفيك ؟ خفتي؟ ريم منحرجه : لا ما خفت فيصل: ممكن اجلس لأن صديقي راح يتمشى مع بنت عمته وتركني لحالي ريم ما تقدر تقوول لاء : اي اكيد تفضل سحب فيصل الكرسي وجلس قدامها ريم منحرجه من فيصل ومنزله راسها على صنية الأكل وتطالع في الأكل تبي تاكل بس تستحي تاكل وأحد يطالع فيها فيصل : اقووول ريم ريم ردت عليه بهدووووء: نعم فيصل : شفيك جالسه لحالك؟ ريم : علشان صديقتي جا ولد خالها وجلس معاها شوي وبعدين قاموا يتمشوون فيصل: اها يعني عبد الرحمن صديقي يقرب حق صديقتك غريبه هاذي الصدفه بس تدرين ان هذا الشخص مسكين مثلي ريم منحرجه : ليه؟ فيصل : يحب بنت خاله بس هي ما تحبه يعني مثلك انتي ما تحبيني شفيه هذا يقووول كذا كيف يقولها لي كاااااش ليش دايم يحب يحرجني كل ما اشوووفه لازم يحرجني بس انا الحين احبه اي انا احبه وهو ما يدري عني بس كيف اقووول له هو شكله قاطع الامل من اني احبه اي ما الووومه كل الي شافه مني يدل على اني مستحيل احبه وانا عذبته الحين حسيت كيف الي يحب يتعذب مسكييين يا فيصل ما تدري اني اتعذب مثلك الحين بس كيف اوصل لك اني احبك آه ه ه يا فيصل والله تعب قلبي فيصل : الووووووو ريم شفيك ساكته ريم رجعت للواقع: نعم ؟ شنو قلت؟ فيصل ابتسم على شكلها كيف كانت مرتبكه وواضح انها راحت عالم ثاني : وين رحتي ؟ ريم : لا ابد ما رحت مكان .... بس انا صديقتي تحب ولد خالها فيصل : فرح لصديقه : جد والله؟ ريم : اي هي تحبه ودايم تسولف لي عنه بس هي تقووول انها ما تدري اذا كان يحبها فيصل : لا هو يحبها ويموووت فيها بعد ريم تحمست تبي تقوول لصديقتها نزلت عيونها للأكل ومييييته جوووع فيصل حس فيها تبي تاكل فيصل : ريم ليه ما تاكلين ؟ ريم ما تبي تاكل قدامه : لامو جايعه خلاص الحمد لله شبعت فيصل : كيف شبعتي والصحن ما تحرك منه شي ريم : شبعانه ما ابي اكل اكلت شوي خلاص عرف انها تستحي حب يقهرها اخذ شوووكتها وقام ياكل من اكلها : والله حرام نرميه خليني انا اكله احسن ريم تطالع فيصل وهو ياكل وتطالع الشووكه وين ما تروووح وهي جايعه منقهره حرام عليك يا فيصل ليه تسوي كذا كنت ابي اخذه معاي البيت هئ هئ فيصل يقهرها : امممممممممممممم لذيذ شمي ريحته حلوووووه هههههههههه مسكينه ريم شكلها تتعذب تبي تاكل اخليها تتعذب ياما عذبتني ادري انها جايعه بس تمثل انها شبعانه اتعبي مثل ما تعبتي قلبي ********** في لبنان فارس في اخر يوووم اختبراااته خلص اختباره وطلع من القاعه وراح عند الكفي شووب وطلب له قهوه ودق على البيت ام خالد : الووو فارس: هلا يمه كيف الحال ام خالد فرحانه لأنها سمعت صووت ولدها : هلا فيك يا وليدي شخبارك عساك بخير فارس: بخير انتوا اخباركم ؟ ام خالد : كلنا بخير نسأل عنك فارس: تسأل عنكم العافيه ام خالد : ها شخبار الأختبرات ؟ زينه؟ فارس: الحمد لله انشالله سويت زين ام خالد : ان شالله الله يوفقك وينجحك وترجع نزووجك فارس: وين اتزووووج يمه وخالد ما بعد يخطب خطبووا لخالد قبل وبعدين انا ام خالد : هههههه انت ارجع ونخطب لكم ونزوووجكم في ليله وحده مع بعض فارس: ههههههه ان شالله يلا دوروا لخالد عروووس علشان ما ارجع الا وهو خاطب ام خالد : انت وخالد ندووور لكم اثنينكم فارس: لا انا اخترت بس باقي خالد ام خالد : صج ؟ مين اخترت ؟ فارس: خلاص اول ما ارجع راح تعرفينها ام خالد ما تبي تضغط عليه : الي يريحك........ متى بترجع؟ فارس: انا خلصت اختبراتي بس استنى الشهاده يعني بعد اسبووع راح ارجع ام خالد : الله يوووفقك فارس: سلمي لي على اخواني وابووي ام خالد : ان شالله ...اهتم بحالك واكلك وشربك فارس: ان شالله لا توصي حريص بهذا الوقت سلوى كانت نازله من الدرج وشافت امها تكلم فارس سلوى: ماما عطيني اكلمه قبل ما تسكرين ام خالد : اقوول فارس سلوى تبي تكلمك فارس: هي جنبك ؟ يلا عطيني اكلمها اخذت سلوى السماعه من امها سلوى: هلا فارس: اهلين اخبارك؟ سلوى : تمام انت اخبارك بعد الرساله ؟ فراس يضحك : احلى رساله قريتها في حياتي مشكوووره على الخبر الحلووووو سلوى : ههههههههه شدعوه ما سويت شي هذا الواجب فارس: على كذا انتي تستاهلين هديه اجيبها معاي شنو تبغين سلوى: شنوو يعني انت ما كنت ناوي تجيب لي هديه؟ فارس: الا كنت ناوي بس يعني شي بسيط يعني تدرين انتي ما تستاهلين حدي اجيب لك تي شرت سلوى: شنووووو؟ حدي تي شرت ؟ فارس: هههههههههه شفيك عصبتي امزح اصلا انا شريت لكم اشياء كثير انتي وريم بس تبين شي موعين؟ سلوى تفكر: اممممممممممم ابغى فستان فخم لالالا اخاف تجيب على ذووقك شي مو حلووو لالا امممم ابغى .... فارس: يلا بسررعه واصلا انا شريت لك فستان بس مو فخم حق سهره واكيد راح يعجبك واذا ما عجبك راح يعجبك غصب سلوى: طيب طيب خلالاص جيب لي اي شي ولا تنسى تجيب حق الي خبري خبرك لوووول فارس يضحك : اي ان شالله لاتوصين حريص وسلمي لي عليها وقولي لها اني اسبوووع وراجع سلوى : صج ؟؟؟؟ وناااسه يلا يلا تعال علشان نرووح الشاليه فارس: طيب خليني ارجع ويصير خير سلوى: طيب طيب يلا ارجع انا الحين برووح البس علشان نرووح عيد ميلاد فيصل مسووين له مفاجئه فارس: يلا ليتني معااكم سلوى: ارجع وراح نسوي الحفله لك انت شتبي بعد ؟ فارس: مشكوووووره وما تقصرين يلا باي سلوى : باي في المجمع ريم تنتظر صديقتها الي تأخرت ما جات وخلتها مع فيصل لحالها وفيصل يضحك على ريم بس كانت كاسره خاطره في نفس الوقت دقت صديقت ريم انوار عليها ريم ردت عليها بهدووء : الووو شفيك تأخرتي انوار : ما فيني شي بس رحنى نتمشى اشوي يلا انا استناك تحت عند البوابه لأني تحت مع ولد خالي عبد الرحمان ريم : شلووون تخليني لحالي انوار : مو لحالك عندك ولد عمك فيصل ريم : خلاص خلاص الحين بنزل سكرت ريم الجوال وحطته بالشنطه وخذت اغراضها وقامت فيصل : وين ؟ ريم : بروووح بيتكم مع صديقتي فيصل : بيتنا ؟ ليه؟ ريم : البنات بيتجمعون اليووم هناك وسلوى يمكن راحت الحين فيصل : انا الحين برجع اوصلك معاي ريم منحرجه ما تبي تركب معاه : لامشكوور صديقتي انوار قالت بتوصلني فيصل: طيب ليه تروحين معها وانا موجود ريم ساكته تفكر تستحي تركب معاه لحالها فيصل : يلا ما يحتاج لها تفكير كلمي صديقتك وقولي لها برووح مع فيصل ريم ما تبغى ترده ودقت على صديقتها وقالت لها ونزلوا وركبوا السياره وريم ركبت ورى طبعاً اول ما ركبت السياره دقت على رغد بتقوول لها انها بتجي بيتهم مع فيصل ريم بصووت ما يسمعه فيصل لأن المسجل كان صوته عالي اشوي : هلا رغد انا بجي البيت الحين مع فيصل انتبهي لا ننكشف ويخترب الي خططناه رغد مستغربه : شنو قاعده تقولين ؟ فيصل قال انه مراح يجي الا المغرب ليه جى بدري ريم : غريبه انا شفته بالصدفه في السووق وقال لي انه بيرجع البيت الحين وبيوصلني معاه رغد : هووو قال لي بعضمة لسانه انه مراح يجي الا المغرب ... طيب انتوا كم يبي لكم وتجوون ؟ ريم : ما ادري يمكن ربع ساعه رغد : طيب خلاص بس اهم شي ما تجوون المجلس ريم : اوكي ..... انتي اقفلي المجلس من الباب الي برى رغد : اي اكيد راح اقفله ريم : جات سلوى ؟ رغد : ما بعد يجي احد انا الحين قاعده بالمجلس وازين المكان تعالي ساعديني والله تعبت ريم : وفهد شنو يسوي ؟ رغد : فهد راح يجيب الكيك ويجيب الهديه ريم : اها .... طيب الحين اجي واساعدك رغد : لاتتأخرين ريم : اوكي باي في بيت بو محمد البنات كل وحده في غرفتها قاعده تتجهز رزان كانت متحمسه مرررررره للحفله علشان بتشووف خالد هناك فتحت الدولاب وطلع لها تنوووره بيضه موديل كسرات وبلووزه بنيه كات ولبستهم وحطت كحل ورووج مرطب اما نووف الي كانت حايره شنو تلبس تخاف تلبس شي ما يصلح لمجتمعهم اخذت لها جنز ضيق وبلووزه ذهبيه طووويله بدوون سيوور وراحت ووقفت عند غرفة رزان وغيرت رايها وراحت عند فاطمه علشان تتقرب منها اكثر دقت باب غرفتها ودخلت عليها وكانت فاطمه لابسه جنز برمودا وتي شرت اخضر مرسووم عليه زخارف بالأبيض وكانة فاكه شعرها وحاطه عليه جل ومكسرته اللوك طالع مررره حلووو نوف: فاطمه ممكن استشيرك بشي؟ فاطمه برحابه : اي اكيد نوف حطت الملابس على السرير : عادي اذا لبست ذولي بالحفله ؟ فاطمه تتفرج عليهم : واااااااو يجننون اي عادي يصلح نوف تتطالع الهدووم وتفكر : الجنز بلبس معاه بووووت بني والبلووزه افكر احط لها حزام بني عريض يكون على الخصر فاطمه : اي صح والبسي اكسورات ذهبيه تكوون حلووه نوف : امممممممم ذهبي ما اتوقع جبتهم ما جبت كل اغرضي من هناك جبت الأغراض المهمه بس فاطمه: مو مشكله انا عندي وراح اعطيك طلعت صنودق الاكسسورات فاطمه : اختاري الي يعجبك ابتسمت لها نوف وقامت واحضنتها تبي تتقرب منها اكثر واكثر وفاطمه احتاجت وقت علشان تستوعب الي يصير وبعد فتره فاطمه تاثرت بالموقف وقامت تصيح لاشعورياً نوف خافت عليها : فطووووم شفيك تصيحين؟ فاطمه تمسح دموعها : سامحيني سامحيني نوف : ليه اسمحك ؟ على ايش؟ فاطمه : اول ما جيتي عاملتك كأنك وحده غريبه وانتي مو غريبه انتي اختي من لحمي ودمي نوف تحاول تهديها: عادي لا تصيحي انا بحبك ومو زعلانه عليك بعد ما هدئة فاطمه جلست على الأرض وفتحت صندووق الأكسسورات وطلعتهم وقعدت تختارلنوف اكسسورات تصلح مع لبستها فاطمه: بعدين نرووح السووق مع بعض ونشتري الأشياء الي تحتاجينها نوف: تسلمين كلك ذووووق في بيت بو عبد العزيز رغد كانت بالمجلس من الساعه 2 للساعه 4 ونص العصر بعد ما وصلوا ريم وفيصل ريم دخلت وراحت المجلس على طوول وسكرت الباب علشان فيصل ما يدخل وفيصل راح غرفته فووق يرتاح سااعه قبل ما يطلع مع صديقه عبد الرحمن رغد كانت واقفه على كرسي تعلق الزينه على الجدار سمعت صووت الباب يتسكر بقوووه وارتاعت لأن المجلس كان هدووء وكانت مركزه وترفع نفسها تبي تطوول المكان الي بتعلقها فيه من الرووووووعه ارتبكت واختل توازنها وطراااااااااااخ على الأرض رغد : آآآآآآآآآآه ريوووووووووووووم روعتيني ريم خافت عليها وركضت وراحت عندها تساعدها تقوووم ريم ماسكه يد رغد تسحبها : شفيك طحتي رغد تتألم : آآآآ ه روعتيني ريم بعد ما تطمنت عليها قامت تضحك وما قدرت تكتم ضحكتها <<يتبع:33: |
|  |
|
21-08-07, 08:21 PM
| #122 |
| |[ عـضـو مـشـارك ]| الدولة: | رد : تعب قلبي <سعوديه> رغد : اي تضحكين ما عليك مو انتي الي طحتي وتعورتي ريم تحاول تمسك ضحكتها وعيونها تدمع من الضحك : والله شكلك تحفه وانتي تطيحين رغد : اوووه خلاص خلاص زين ان محد في المجلس غيرك كان تفشلت ريم : ههههههه ومن قال لك اني مراح اعلمهم رغد تخاف تتفشل وتخاف فارس يدري : لالالا تكفين لاتعلمين احد ريم : هههههه امزح معك لاتخافين سرك في بير رغد : اي نصبر ونشوووف انتي ما تستحملين يومين على بعضهم وبعدين تشتغلين مسجل ما يبقى احد الا وقايلة له انا عارفتك ريوووم ريم : لا بس انا تغيرت رغد تتطنز : تغيرتي ؟ هههههه ما شفنى شي تغير ريم : اوووووه قلت لك تغيرت يعني تغيرت وبتشوفين رغد : اوكي ريم قامت فصخت عباتها بتساعد رغد ورغد طلعت من الكيس كيسة بلووونات صغيره وعطتهم ريم رغد : يلا انفخي وريني شطارتك ريم : شنو شنو شنو ؟. الحين معطتني كيس بلونات تبغيني انفخه ؟ رغد ببروود : اي ريم : والله مانيب نافخه رغد انقهرت لأنها اتعبت وهي تزين : ريم حرام عليك والله تعبت وانا انفخ خلص الاكسجين مافي بمووت ريم : حتى انا بتعب عطيني اي شي بس ما ابي انفخ رغد : طيب طيب شنو تبين تسوين ؟ ريم : خلاص انا بعلق الزينه معاااك في هذا الوقت دخل عليهم فهد مستعجل ولا حس بريم بالمجلس جايب الكيكه ومسوي قلق وتفحيط بالمجلس ما يدري وين يرووح فهد يحط الكيكه على الطاوله : رغد روحي اقفلي الباب بسرعه فيصل شافني وانا ادخل وقام يصارخ ونادي ما ادري ليش وريم ارتاعت لمى شافت فهد وهي مو لابسه العبايه وما تدري وين ترووح الباب الي يودي على برى مقفوول واذا طلعت من المجلس بتشووف فيصل راحت عند الكنب الي فيه عباتها بتلبسها بسرعه غطت نفسها اي شي بسرعه ورغد تصارخ على فهد وتضحك على ريم : هيه انت ما تشووف المجلس فيه بنات اطلع اطلع فهد يتلفت ما يدري شنو السالفه : وين وين ؟ ما اشووف احد شاف ريم مغطيه نفسها وقاام يضحك فهد: انا ما اشووف الا كيسة زباله على الكنب رغد ماتت ضحك على فهد خليها ريم تستاهل الي جاها مثل ما ضحكت علي خليني اضحك عليها فهد : والله ما كنت ادري انها موجوده واشووف فيصل معصب علشاني بدخل هنا كل هذا غيره على ريم الحين عرفت السبب ريم انحرجت ولا ردت عليه وظلت ساكته على شان ما تفشل نفسها زياده فهد : المهم قبل ما اطلع ابي أأمنكم على الكيكه محد يفتحها قبل الحفله خلوها مفاجئه رغد : طيب طيب اطلع وخلصنا ولا اقووول لك ظل لا تطلع اقعد انفخ بلونات معانا فهد : طيب طيب بس خليني اشووف الدلخ فيصل شنو يبي مني وخلي الزباله تلبس عباتها عدل تراها مقلوووبه خخخخخ طلع من المجلس وهو قاعد يضحك وريم متفشله صايره نكته عند فهد والي فشلها اكثر عباتها كانت مقلووبه رغد :خخخخخخخخخ يا الخبله انا ابي اعرف ليه مخيطه عبايه فيها تطريز وانتي بتلبسينها بالمقلوووب ؟ ريم تلبس عباتها : كنت مستعجله ابي اغطي نفسي وش مدريني مقلوووبه ولا لاء رغد : طيب طيب يا كيس الزباله كملي شغل وانتي ساكته ريم عصبت : زباله في عينك يا صندوووق الزباله في هذا الوقت فهد طلع حق فيصل فهد : شفيك تصارخ؟ فيصل : ريم داخل ترووح تدخل انت وخشتك فهد يبي يرفع ضغطه : هههههههههههه اي شفتها فيصل غااار من اخووه : شفتها ؟ امداك شفتها ؟ فهد : اي شفتها تجنن يا فيصل عليها شعرررررر خيال يا بختك فيها بس يا حسره البنت ما تحبك يمكن تحبني انا فيصل انقهر : لالالا القمر موجود وتحبك انت يا الدب فهد كاتم ضحكته : يقلوون الحب اعمى وما يختار الحلووين امثالك فيصل حزت في خاطره هاذي الكلمه نزل راسه بالأرض : صدقت يمكن البنت تحب غيري ويمكن تحبك انت شكلها مرااح تحبني لو تنطبق السما على الأرض يمكن تكوون من نصيبك ما تدري يا اخوي وراح عند الدرج بيرووح غرفته وقفه فهد : لا يا فيصل ترى انا كنت امزح معك انا ما شفت ريم ولا انتبهت لها الا وهي لابسه عباتها والكلام الي انت قاعد تقووله شيله من راسك ما رد البنت بتحبك بس انت اصبر عليها فيصل يفض فض لأخووه : والله تعبت يا فهد البنت مو راضيه تحس فيني تعبت قلبي ما ادري ايش اسوي علشان اخليها تحبني فهد يهديه : بس انت ما تدري يمكن البنت الحين تحبك لا تتسرع وتحكم عليها ويمكن تحبك وما تبي تبين لك المثل يقوول( الي تحبه لاتبين له غلاه ) ويمكن البنت تطبق عليك هذا المثل فيصل : بس انا يا فهد حبيتها ومو قادر انساها جلس على الدرج وجلس من بعده فهد فهد : خلاص يا فيصل والله لخلي البنت تحبك غصب عنها فيصل يضحك : ههههههههه لا مشكوووور انا الي يبي يحبني يحبني من نفسه فهد : طيب البنت يمكن تحبك وانت ما تدري عنها فيصل : اممممم كل شي جايز فهد : انا بحاول اعرف اذا هي تحبك او لاء فيصل : لاتتعب نفسك اكيد ما تحبني . فهد انقهر وعلى صووته اكثر : فيصل انت الي مو راضي تعرف اذا كانت هي تحبك او لاء مكتفي بردها عليك يووم الشليهات وهذا الكلام صار عليه وقت ممكن البنت في يووم وليله بتحبك يعني ما تدري يمكن اليوم بتحبك او بكرى انت اصبر عليها فيصل استغرب من انفعال فهد الي صار فجئه : طيب هدي الحين انت بدال ما تساعدني تقعد تصارخ علي ؟ فهد يحاول يهدي رووحه : بعد انت الي جبته لنفسك فيصل : طيب انا بقووم اتجهز علشان بطلع بعد المغرب وقف يبي يرقى الدرج واستوقفه فهد لاتواعد احد على طلعه استغرب فيصل : ليه ؟ فهد : انا اليوم ابي اطلع معك كان يبغاه يضل علشان الحفله فيصل : طيب طيب شنو تبيني البس ثووب ولا اكشخ على راحتي فهد :لا اكشخ ..... ولا اقووول لك انا الي بكشخك اليووم على كيف كيفي فيصل : ههههههه طيب انت الكوفير الخاص حقي فهد : ههههههههههه يلا اسبقني لفوووق الحين بجيك فيصل رقى الدرج وراح غرفته وفهد راح للمجلس علشان يساعدهم مثل ما وعدهم في هذا الوقت بالمجلس ريم تطالع كرتوون الكيك تبي تعرف شنو شكل الكيكه رغد : ريوووم فهد قال لحد يفتحه خلاص لاتفتحينها ريم : علشان اهو قال كذا انا تحمست ابي اعرف شنو فيها اكيد فيها شي مميز علشان يبغاه يكوون مفاجئه رغد : بلا لاقفه زايده ويلا كملي تززين ريم : خلاص ما بقى شي برووح البس رغد : حتى انا ما لبست بقوووم الحين البسي اول وانا البس بعد على ما اجيب باقي الاكل دق فهد عليهم الباب رغد ركضت عند الباب تخاف يكون فيصل رغد : مين ؟ فهد : انا فهد رغد : ادخل دخل فهد رغد : لا بدري ما كان جيت احسن فهد : كنت قاعد مع فيصل رغد : طيب طيب رووح جيب الأكل والحلويات تشووفهم في الثلاجه فهد يطلع من المجلس : توني داخل قاعده تكرفين فيني رغد : هههههههه الناس الحين بيجوون واحنى ما جهزنا طلع فهد وراح المطبخ وريم راحت فووووق واخذت الملابس الي شرتهم وراحت تتجهز فهد راح وعطى رغد الأغراض وراح لفيصل الي يستناه فووق ويبي يكشخه علشان الحفله وريم قاعده في غرفة رغد تتجهز لبست الملابس الي شرتهم واحتارت في شعرها ايش تسوي فيه بالوقت الضيق لقت علبة الجل وكسرت شعرها وطلع ستاايل حلوو ومرتب في غرفة فيصل اختار فهد لبسه حق فيصل على ذوووقه جنز وتي شرت سماوي مرسووم عليه بالأبيض وقعد يسوي له حركه بشعره سبايكي فيصل : حشى هاذي مو طلعه بتوديني حفله فهد : انت اصبر وبتشوووف وين بنروووح بس انت خلك ساكت علشان اخلص شغلي فيصل : الله يستر بس اخاف بتسوي فيني شي غبي من افكارك الغبيه فهد : مالك دخل بأفكاري ........ عطني جل بعد انت شعرك يحتااج جل كثير فيصل : كل هذا وتقوول ما يكفي تراك خلصت العلبه فهد : اي علشان يصير حلوو لازم يصير شعرك واقف عدل ... طيب رووح شووف غرفت رغد فيها جل فيصل : وليه ما تجيبه انت فهد : لأني انا الي قاعد اشتغل عليك وهذا اقل شي ممكن تسويه علشان تشكرني فيصل : قال ايش ؟ قال اشكرك هههههههه طلع فيصل من غرفته وراح غرفة رغد وما كان يدري مين بالغرفه ريم كانت بالغرفه تعدل شعرها فتح فيصل الباب وشاف ريم واقفه قدام المرايه فيصل بس شاف ريم تخصبق ما عرف شنو يسوي وريم واقفه مصدومه و مستغربه فيصل : اوووه أ أ لا لا مـ .. ما ادري وطلع وسكر الباب ريم ضحكت على ردة فعله واستحت لأنه شافها بدوون عبااه وكشخته الفتت انتباها واااااااااااااو شعره مررررره طالع حلووو رجع فيصل غرفة فهد ووجهه متغير يتذكر كيف كان شكلها ومستغرب ليه ردة فعلها ما كانت مثل قبل فهد : هيه انت صار لي ساعه اكلمك ما ترد فيصل ما انتبه بفهد : وظل يفكر ويفكر بريم فهد : فيصلووووووووووووووه وصمخ فيصل : ها شتبي؟ اقلقتني فهد : وين الجل الي رحت تجيبه ؟ فيصل: دخلت غرفة رغد وشفت ريم هناك فهد يغمز حق فيصل : اووووووووووه كشخه فيصل : هههههههههه اسكت اسكت وراح عند المرايه يطالع شعره ويعدله : انا اقووول ما يحتاج جل يكفي الي حطيته فهد : لا يحتاااااااااج فيصل : وانا اقوول ما يحتاجح فهد : اووووووه خلاص الي يريحك في المجلس سلوى وخالد ومشعل وصلوا ورغد في المطبخ تجهز الأ كل طلعت سلوى من المجلس وسمعت صووت في المطبخ وراحت جهة الصووت وشافت رغد مندمجه تحط الشبس بالصحن وقاعده تغني مشت من وراها بهدووووء وقربت من اذنها وبصوووت عالي : شنووووو قاعده تسوووين رغد ارتاعت ونقزت من الخوووف رغد : وجع انا ما ادري ايش فيكم انتي واختك اليوم سلوى تاكل من الشبس : ليه ؟ رغد ما تبي تعلمها : لا ولا شي سلامتك سلوى : وين فيصل ؟ رغد : ما ادري مع فهد سلوى : طيب انا برووح اشووف الباقي ليه ما جاووا رغد : طيب انا برووح البس وبجي ....ز اي صح لحد يفتح الكيكه فهد مأمني عليها ان محد يفتحها سلوى : طيب طيب الحين بروووح اقوول لهم ........... اي صح على فكره فارس يسلم عليك ويوووقوول بعد اسبوووع بيرجع رغد مووو مصدقه كان شايله صحن الشبس وطاح من يدها : جد ؟ سلوى تضحك على شكل رغد : لا مزح اي جد رغد : بيرجع بعد اسبووووع ؟ سلوى : اي بعد اسبوووع رغد ظلت ساكته تفكر ومو مصدقه الي تقوووله سلووى لها سلوى قبل ما تطلع اخذت الصحن الثاني وهي تضحك : خليني اخذه قبل ما تطيحينه وطلعت من المطبخ رغد راحت غرفتها وشافت ريم : ما خلصتي ؟ ريم : الا خلصت والحين كنت بنزل بس بدام رقيتي خلاص بظل معك ما ابي اقعد لحالي تحت رغد : سلوى جااات تحت بالمجلس ريم اوكي الحين بنزل يلا لا تتأخرين رغد : انا بسرعه اخلص لبست ريم عباتها ونزلت تحت المجلس وشافت الكل موجود خالد وسلوى ومشعل ومها والوليد ومريم ورزان ونوف وفاطمه وبعد دقايق نزلت رغد ومعاها كميرة الفديو وقعدت تصورهم وكل واحد يقوول شنو شعوووره وشنو يقووول لفيصل بمناسبة عيد ميلاده وخلت الكميره طوول الوقت تسجل الترتيبات والتخطيطات يعني صوورت الكواليس ودقوا على فهد علشان يجيب فيصل في غرفة فيصل فهد : اوكي الحين بنجيكم ..... باي فيصل : مين الي بنجيهم ؟ فهد : انزل تحت وبتعرف طلعوا من الغرفه بينزلووون تحت في هذا الوقت اتفقوا ان مشعل ومريم يوقفوون عند الباب يبخون عليه بالبخاخات اول ما يدخل ويشغلوون له اغنية عيد ميلاد وطفوا الأنوار وكل واحد استعد وووقفوا جنب بعض عند فيصل وفهد الي كانوا عند بابا المجلس فهد : ها مستعد ؟ فيصل ما يدري شنو السالفه: على شنوووو ؟ فهد : افتح الباب وبتعرف فتح فيصل الباب واول ما دخل اشتغل النوور والمسجل والكل بصوووت واحد عالي يقووووول سبرااااايس .... شنووو راح تكوووون ردة فعل فيصل ؟ والحفله بتعدي على خير ؟ ولا راح يصير مشكله ؟ وريم متى بيعرف فيصل ان ريم صارت تحبه ؟ ورغد وفارس؟ وخالد ونوف ورزان بتصير لهم احداث؟ وسلوى والوليد ؟ محبتكم فرووشه |
|
| |
|
21-08-07, 08:26 PM
| #123 |
| |[ عـضـو مـشـارك ]| الدولة: | رد : تعب قلبي <سعوديه> 14 وبعد دقايق نزلت رغد ومعاها كاميرة الفديو وقعدت تصورهم وكل واحد يقوول شنو شعوووره وشنو يقووول لفيصل بمناسبة عيد ميلاده وخلت الكاميره طوول الوقت تسجل الترتيبات والتخطيطات يعني صوورت الكواليس ودقوا على فهد علشان يجيب فيصل في غرفة فيصل فهد : اوكي الحين بنجيكم ..... باي فيصل : مين الي بنجيهم ؟ فهد : انزل تحت وبتعرف طلعوا من الغرفه بينزلووون تحت في هذا الوقت اتفقوا ان مشعل ومريم يوقفوون عند الباب يبخون عليه بالبخاخات اول ما يدخل ويشغلوون له اغنية عيد ميلاد وطفوا الأنوار وكل واحد استعد وووقفوا جنب بعض عند فيصل وفهد الي كانوا عند باب المجلس فهد : ها مستعد ؟ فيصل ما يدري شنو السالفه: على شنوووو ؟ فهد : افتح الباب وبتعرف فتح فيصل الباب واول ما دخل اشتغل النوور والمسجل والكل بصوووت واحد عالي يقووووول سبرااااااايس فيصل يتلفت في المكان ويتفرج على الأجواء وما بعد يستوعب الي يشووفه وفهد واقف وراه يضحك عليه : شفيك ؟ فيصل فرحاان بالمفاجئه ومو عارف كيف يعبر عن فرحته وكيف يطلعها والكل واقف يطالع ردة فعله ويشوف شعوره بالمفاجئه متحمسين يبغون يعرفون ردة فعله ؟ شنو بيقووول لهم ............ ظل فتره ساكت ........ وفجئه قام يضحك حب يخليهم ينقهروون اشوي : الحين انتوا تفكروني ما ادري ؟ واقفين يطالعون بعض مستغربين كل واحد يدور جواب عند الثاني خالد : شقصدك؟ فيصل كاتم ضحكته : قصدي اني ادري بالحفله الي بتسونها رغد انقهرت على التعب الي تعبته ............. طفت الكاميره والمسجل تبي تركز على السالفه : مين الي قال لك فيصل قرب ناحية الطاوله الي فيها الأكل وتجاهل سؤالها : اووووه وجايبين كيكه واكل تعبتوا نفسكم على بالكم بتسوون لي مفاجئه فهد : مين الي قال لك ان احنى بنسوي لك حفله فيصل : كان ناوي يقوول ان فهد الي قال له .. بس لما شاف فهد سأله التفت عليهم واول وحده طاحت عليها عينه ريم ابتسم : مين غيرها الي بتقوول لي اكيد ريم ريم مصدووومه من كلامه حرام عليك يا فيصل انا اقوول لك ؟ وليه انا الي اقووول لك مو اي احد ريم تبري نفسها : لا وربي ما قلت له شي .... قاطعها فيصل ولا خلها تكمل : لا انتي الي علمتيني ريم جاتها الصيحه لأن الكل يطالع فيها بنظرات حقد علشان خربت عليهم المفاجئه ريم : لا تصدقوونه سلوى تهمس لريم : بيني وبينك انتي قلتي له ولا لاء علميني ؟ ريم : والله ما قلت له ولا حرف الوليد يلطف الجووو : طيب فيصل سويت نفسك ما تدري وجاملتنا خالد :ههههههههههه من جد فهد سحب فيصل لبرى : يلا يلا اطلع ونعيد من جديد وسو انك ما تدري فيصل يضحك عليهم بصوت عالي و شوي وينسدح في الأرض من شدة الضحك : ههههههههه وربي انكم تحفه هاهااااااي اصلا محد قال لي ولا شي بس انا شفتكم متوقعين مني ردة فعل حلووه واا ما قدرت اعبر عن فرحتي لني بصراحه متفاجئ ومو عارف شنو اقووووول سوري ريم بس انتي اول وحده طاحت عيني عليها علشان كذا اخترتك ريم منحرجه من فيصل ومن الكل وما تدري شنو تقوول و ظلت ساكته حايره ما تدري شنو تسوي وراحت جلست على الكنب لحالها والكل واقف عند طاولة متجمعين ضحك وسوالف ووناسه فهد متحمس يبي يشووف ردة فعل فيصل : يلا يلا فيصل افتح علبة الكيكه شوووف الكيكه راح فيصل جهة الكيكه بيفتح العلبه والكل مترقب يشووف شكل الكيكه لأن فهد كا مانعهم وكان موصي رغد عليها رغد تنادي ريم : ريوووم قومي شوفي الكيكه معانا كنتي متحمسه تشوفينها يلا تعالي ريم : انا بقعد اشوي اذا بغيت جيت رغد ما تبغى تضغط عليها : الي يريحك خالد : يلا يا اخي بسررررعه الكل عيوونه على الكيكه بستـثـناء رزان ونوف الي كل وحده عيونها على خالد وغارقه بأحلامها تفكر فيه وما تقدر تشيله من بالها واخيرا بعد طوول انتضار فتح فيصل العلبه ورفع الغطى من على الكيكه والكل شاف الكيكه وكل واحد يقرى الأهداء الي عليها فترة صمت وهدوووء عمت المكان كل واحد يلتفت على الي جنبه وفجئه الكل يضحك بصوت عالي ويطالع فيصل وريم وفيصل اول ما قرى الأهداء التفت لريم على طوول فاطمه راحت عند ريم : لحقي لحقي يا ريم ريم مستغربه : ليه تضحكوووون؟ مها راحت لهم : هههههه والله مسكينه يا ريم فاطمه : هههههه تعالي بس قومي شوفي الكيكه خالد ينادي ريم : ريوووووم لايفوتك هههههه تعالي شوفي الأهداء ريم قامت من الكنب ما تدري شنو السالفه سلوى تسحبها : تعالي شوفي وتعرفين فيصل مستغرب ومنصدم وما طلع اي ردة فعل ويبي يشوووف ردة فعل ريم فهد يكلم فيصل : ها عجبتك الكيكه فيصل ساكت ولا رد عليه ريم اول ما شافت الكيكه فيها صوره لريم وفيصل وهم صغار في البحر فيصل ماسك يد ريم واقفين عند البحر وشكلهم طالع مرررره كيووت وجنب الصوره قلب كبير مكتوب داخله فيصل & ريم وبيت شعر ((في قلبي شي باقوله وأبي تسمعني للأخر أنا كل لحظه لك وله تعب قلبي وهو صابر متى بتحبني وتحس فيني)) شهقت وحطت يدينها على فمها مو مستووووعبه الي تشوووفه وتكملت بدوون ما تحس : لييييييييييييييييييييييييييه!!!!!!!!!!! وفهد مـيت ضحك على الأثنين فيصل ما عجبه الوضع لأن ريم منحرجه من الكل والكل يضحك عليها وعلى فيصل ريم من شدة الأحراااااج قامت تصيح لن الكل نظراتهم عليها وعلى فيصل راحت وقعدت في حضن اختها سلوى تصيح سلوى قاعده على الكنب وتهديها : يا الخبله شفيك تبكين عادي راحت لها مها : ريوووم شفيك زعلتي ؟ الموضوع ما يزعل ريم تصيح ولا كأنها تسمعهم فيصل شاف ريم تصيح وانكسر خاطره عليها التفت لفهد وكلمه بهدووء: ابي اعرف شنو الحركه البايخه الي سويتها فهد ميت ضحك : والله احترت شنو احط على الكيكه ما لقيت غير كذا فيصل : حرام عليك شووف البنت انحرجت قامت تصيح فهد : البنت هاذي مررررره خجووووله اي شي يحرجها فيصل ابتسم : هاذا الي عاجبني فيها خجلها مجنني فهد : طيب رووح شوف البنت قووول لها عادي فيصل : وخررررر بس انت الي رووح قوول لها انا اخاف تحقد علي بعد كذا فهد : طيب طيب راح فهد عند ريم وقعد يرتب الكلام : امممممممم ريم شفيك زعلتي عادي ريم تمسح دموعها : انا ما زعلت بس انا ما احب احد يحرجني في مثل كذا مواقف دخل الوليد خط عرض عليهم وهم في وسط السالفه لمى شاف ريم في حضن سلوى الوليد : لالالا ريم ما ارضى ترى اغااااار الكل قاااام يضحك سلوى ابسمت و انحرجت ونزلت راسها مها تضحك : مقدر مقدر على الي يستحووون سلوى منحرجه : مهااااا انكتمي نوف راحت عند ريم وقعدت جنبها وقعدت تسولف معاها وتنسيها الموقف علشان يرجعوون لجووو الحفله قدرت تسولف معاها و تجذبها وتنسيها الى ما رجعت عادي وخالد طوول الوقت عيونه على نوف يطالعها بأعجاب وعجبه انها قريبه مرره من اخته ريم وبعد فترة سوالف وضحك رجعوا لجووو الحفله الوليد: يلا شكلكم نسيتوا ان عندنا حفله فهد : هههه من جد شكلهم نسوا خالد : فيصل قوووم قووم قص الكيكه تراني جايع حدي قصوا الكيك وفيصل وريم كل واحد اخذ القطعه الي فيها صورتهم وجلسووا سوالف ووناسه و حلويات وانواع الأستهبال والشباب بعد ما خلصوا اكل قاموا يرقصوون وكل واحد فيهم طايح مطنزه في الثاني والبنات يضحكووون عليهم ويصفقون لهم نوف كانت تشوف خالد وهو يرقص اول مرره تشوفه يرقص كانت تتفرج عليه وسرحانه في عالم ثاني فهد : يلا يلا فيصل تعال افتح الهدايه فيصل مستانس اخيرا احد حس فيني وجاب هديه سنين وانا استنى هاذا اليوم محد حاس فيني الكل قام يضحك رغد : هههههه الي يشوفك يقوول ما سوى عيد ميلاد وهو صغير فيصل : وانا صغير ما اتذكر شي الوليد جاب صندوق الهديه الي شراا ه مع اخته وقدمها لفيصل : هاذي الهديه مني ومن مها كل عام وانت بخير فيصل كان بيرد عليه بس مريم اخت الوليد قاطعته : ترى انا معاهم ما عليك منه بس اهووو دايم يناسني ما ادري ليش ؟ فيصل قام يضحك على مريم صغيره ولسانها طوويل : ههههه معليك منهم المفرووض يفتخرون انك معاهم مريم عاجبها كلام فيصل : اي صح المفرووض .. بس علشاني ما رحت معاهم السووق قالوا اني مو معاهم اورريهم الخاينين الوليد : اقووول عن الكلام الفاضي انتي ما تقدرين تسووين لي شي مريم بعناد : الا اقدر وبتشوووف فتح فيصل الصندووق وشاف الهديه وعلى طوول طلع من المجلس ورجع لهم وهو لابسها وقعد يكشخ قدامهم ويسوي لهم حركات كأنه قاعد يسوي لهم عرض ازياء خالد يمزح معاه : يلا يلا خلصنا قاعد تستعرض ابصم لكم بالعشره لو مافي بنات ما سوى هاذي الحركات كلهم ميتين ضحك على كلام خالد فيصل يضحك : لالا اصلا انا الحين قاعد استعرض لك انت بالذات لأني ادري بتنقهر خالد يبي يفشله بس مو قادر : من زينك اغار منك فيصل بثقه : اي احلى منك وبالراحه خالد : اقووول اسكت اسكت يا الأمريكي اصلا انت ولا كأنك سعودي انا افتخر لأن شكلي سعودي الوليد : هههه مسكين فيصل الحين بيتحطم خالد : هههههه خلاص كسرت خاطري فيصل : اقووول لايكثر خالد : اقووول سلوى جيبي الهديه جابت سلوى الكيس وعطته خالد خالد تذكر ان ريم مو معاهم وحب يقهرها قام يعطي فيصل الهديه : يكوون بعلمك يا فيصل ان ريم مو معانا بالهديه فيصل اول شي جى في باله ان ريم ما تبي تهديه شي حتى لو في عيد ميلاده وكل هاذه علشان حاقده عليه وما تحبه حرام عليك يا ريم ليه انا ابي اعرف شنو الي يخيلك ما تحبين خلاص يا فيصل سو الي قاله لك عبد الرحمن حاول تنسى البنت البنت ما تحبك صدقت يا عبد الرحمن كلامك كله صح خالد ظل فتره وهو ماسك الهديه وفيصل ما اخذها منه كان قاعد يفكر خالد : فيصل فصووول شفيك ؟ يلا خذ الهديه تعبت وانا ماسكها رجع فيصل للواقع : ها ؟ هههههههههه عادي تعبك على شاني راحه خالد : خخخخخخ لايكثر زين ؟ ريم قاعده تشووف فيصل من بعيد واستغربت ليه ظل فتره ساكت بعد ما قال له خالد ان هي مو معاهم معقووله يعني الحين هو بيزعل مني ؟ ياربي الحين كيف راح اعطيه الهديه فشله قداامهم كلهم يا ليتني فتح فيصل الهديه وشاااف داخلها ساعه مررررررره عجبته لبسها وجربها سلوى: شرايك فيها عجبتك ؟ فيصل : اي مررررره عجبتني مشكوووورين سلوى : ولو تستاهل اكثر الوليد يمثل الزعل : وانا مافي لي هديه ؟ سلوى استحت وردت عليه : هديتك بعدين الوليد متحمس: ههههه طيب تراني استنى نوف ورزان يطالوعنها من بعيد ويضحكوون عليها نوف: رزان يلا قومي عطيه الهديه رزان تستحي ما تبي تقووم لأن خالد جالس جنب فيصل ونوف نفس الشي رزان : لالا مو انا انتي روحي او فاطمه تروح نوف : لا انا ما بعد اصير ميانه كثير مع فيصل خلاص اقوول لفاطمه .............. فاطمه تعالي راحت فاطمه عند نوف نوف: فطووومه يلا قومي عطي فيصل هديته فاطمه: وانتوا شنو تسووون رزان : لا تطولين السالفه وهي قصيره عطيه وخلصينا راحت فاطمه واخذت هدية فيصل وعطته اياها : كل عام وانت بخير فيصل : وانتي بخير تسلمين اخذ الهديه منها وفتحها ووزعوا الشوكلاته وكاان طعمها مرررره لذيذ وعجبت الكل ريم تفكر بينها وبين نفسها اعطيه الهديه ؟ اخاف انحرج مو حلوو شكلي وانا اعطيه الهديه خلاص خلاص انا قررت مراح اعطيه ما ابي انحرج اكثر خالد : الا صح فيصل كم صار عمرك ؟ فيصل : احم احم 18 الوليد : اها العمر كله ان شالله فيصل : تسلم فتح فيصل علبة طقم العطر وطش له علشان يجربه فيصل : تهبل ريحته تسلمووون رغد متحمسه قامت وسحبت فيصل وطلتعه برى والكل طلع برى معاهم : فيصل تعال اوريك هديتي انا وفهد وابوي |
|
| |
|
21-08-07, 08:27 PM
| #124 |
| |[ عـضـو مـشـارك ]| الدولة: | رد : تعب قلبي <سعوديه> رغد متحمسه قامت وسحبت فيصل وطلتعه برى والكل طلع برى معاهم : فيصل تعال اوريك هديتي انا وفهد وابوي اول ما شاف فيصل الهديه الي كانت سياره موقفه في حديقة البيت عند باب المجلس موديل2007 لونها اسوود وكان مزينه في محل زينة السيرات وكأنها سيارة معرس كانت ردة فعله انه قام يصاااارخ من الفرحه لأنه هاذي السياره الي كان يبغااه وكان ناوي يشتريها بعد ما يتخرج فيصل : وااااااااااااو كيف جى في بالكم انكم تشترون السياره فهد : شفتك مجمع صورها في الكمبيوتر قلت اكيد تبي تشتريها وابوي اقترح انه يشتري لك السياره بعد ما تتخرج بس انا قلت له ما باقي شي على التخرج حبيت انها تكوون مفاجئه رغد : ها حلوووه ؟ فيصل : اي اكيد حلوووه احلى من الحفله كلها خالد : هههه اصلا الحفله الي محليها وجودي المفرووض تعجبك الوليد : اقووول خالد لايكثر انت واثق من نفسك بقووووه خالد يحرك شعره بغرور : اي اصلا من حقي اني اثق بنفسي انت بس تعالي معااي يووم المجمع وبتشووف البنات يموتوون علي الوليد : ههههههههه خلك بأحلامك الشباب قاموا ركبوا ا السياره ويتفرجوون على مواصفاتها ووميزاتها والبنات دخلوو داخل يكملوون الحفله على طريقتهم بسرعه البنات فصخوا عباياتهم يبغوون يرقصوون ويستانسوون دخل لهم فيصل بيقووول لهم شي بس تفاجئ انهم فصخوا عبايتهم : اووه سكر الباب بسرررعه طلعت له رغد عند الباب فيصل : ممدى فصختوا عباتكم لهاذي الدرجه حرر؟ رغد : لا مووو حر بالعكس برد بس احنى بنقعد نرقص بنسوي حفله لوووووول فيص : ههههههههه حفله ليه؟ ما مليتوا من الحفلات رغد: لا ما ملينا ولا راح نمل من حفله فيها رقص ووناسه فيصل : اممممممم المهم اخليك رغد : اممممم شنو كنت تبي؟ فيصل : لا بس كنت ابي اطلعكم بالسياره امشيكم اشوي الخبر وبعدين نتعشى بس انتوا بتسوون حفلتكم خلاص اخليكم رغد فرحت تجيها الطلعه وتردها ليه هي خبله : لالالا خلاص بنجي معااك بالعكس اذا طلعنا نستانس اكثر من قعدة البيت فيصل يضحك : ههههههههه طيب يلا البسوا وتعالوا استناكم رغد : اوكي بس لحظه اشووف البنات دخلت المجلس وقالت لهم وبنات كلهم متحمسين أرجعوا وألبسوا عباياتهم وتجهزوا وطلعوا الحديقه وشافوا فيصل يستناهم واقف عند سيارته وقفت رغد مكانها : فصووول تكفى لاتتحرك شكلك تحفه يحتااج صووره وطلعت جوالها من الشنطه فيصل سوى حركه بيدينه ويأشر على السياره وكان مبتسم ابتسامه حلووه وشكله كان طالع كشخه طلعت الصوووره مررررره حلوه فيصل ياخذ جوال رغد : وريني اياها عطته رغد الجوال : وين فهد والباقي ؟ فيصل يعدل شعره : راحوا عند صديقهم يبي يسلم على خالد............ اوووووووه توني ادريي اني حلوووو رزان : عدال لايخترب السباكي الي مسويه فيصل : ههههههههههه تصدقين اني نسيت .... شرايكم حلوووو ؟ فهد الي سوواه لي نوف : روووعه واضح انه متعووب عليه سلوى : اي صح والحلوو فيه انه مرتب مو زحمه وعفسه فيصل يرجع جوال رغد : ارسلي لي الصوووره رغد : اوكي .... وين جوالك فيصل يدور جواله : اووووه صح نسيت تركته فووق في غرفتي لمى رحت اجرب اللبسه .... انتوا اركبوا السياره وانا برووح اجيبه رغد : اوكي ركبو البنات السياره وريم طووول الوقت ساكته قاعده تفكر بطريقه كيف تعطي فيصل الهديه رغد : بنات انا برووح اجيب السيديات من المجلس ثواني وبرجع مها : انا بجي معك نزلوا مها ورغد وراحوا يختارون السيديات علشان يشغلونهم بالسياره في غرفة فيصل دخل فيصل الغرفه يدوور جواله شاف شكله بالمرايه وعدل شعره اخذ الجوال يشووف اذا في احد دق عليه شاف رساله وفتحها هاذي رساله جاتني لمى كنت بالمجمع كان مكتووب فيها ودي اجـرب الـحـب معـاك ويشتعـل شـوقـي بهـواك وتكـون في حلمـي الاخـيـر وتكـون فـي قلـبي الاسـيـر المرسل :: حبيبتي |
|
| |
|
21-08-07, 08:36 PM
| #125 |
| |[ عـضـو مـشـارك ]| الدولة: | رد : تعب قلبي <سعوديه> بس شاف اسم المرسل فتح عيوونه على الأخر الي اشوووفه حلم ولا جد ؟ ماني مصدق الي اشووووفه معقوووله ريم بدت تحبني ؟ واخيرا يا فيصل البنت حست فيك وقامت تحبك و.... قطع تفكيره صوووت رغد : فيصل يلا تراك طوووولت فيصل : جاااااي ثواني بس اخذ جواله ونزل لهم رغد : شفيك طولت ؟ فيصل : ما طولت ولا شي .... يلا اركبي السياره ركبوا السياره وطلعوا فيصل : وين تبوووون تروحون سلوى : عادي اي مكان رغد : نرووح نتعشى في المجمع فيصل : لا العشى بعدين ماكلين كيك حلويات من اشوي ما بعد نجووع رغد تتعمد : طيب نسأل ريم ونروح المكان الي يجعبها فيصل بس سمع اسم ريم التفت ورى وتذكر ان ريم معاهم ابتسم : اي اكيد يهمني راي ريم ريم منحرجه : اممم عادي اي مكان فيصل : ما في عادي اختاري المكان الي يعجبك ريم : امممممم نتمشى بكرنيش الخبر فيصل : اوكي سرينا رغد : فيصل الجوووو هدووووء شغل المسجل فيصل : وين السيديات الي جبتيهم معك ؟ طلعتهم رغد من الشنطه و حطتهم بالمسجل وتغير في الأغاني تدووور وحده حلوووه فيصل : ما تعرفين تختارين اغنيه ؟ وخري يدك بس انا الحين احط لك وحده حلووه تعدل مزاججك رغد : اشوووف ورني غير فيصل بالأغاني وحطه على اغنية حزينه مها : من جدك انت ؟ حط شي ونااااسه يحمس فيصل : ليه ناويه ترقصين وانا ما ادري مها : لا مو كذا بس ليه نحطه اغاني حزينه تضيق الخلق واحنى طالعين نستانس ريم : لا عادي بالعكس هاذي الأغنيه حلوووه سلوى : اي تدافعين عن حبيب القلب ريم استحت : لا مو كذا بس انا احب هاذي الأغنيه همست لسلوى : سلووووووه عن الحركات البايخه ترى والله ازعل سلوى تضحك عليها : اوكي اوكي اخاف تصيحين علي واتورط فيك ريم : اسكتي اسكتي بس فيصل : خلاص بخليها علشان ريم وبعدين نغيرها اذا خلصت فاطمه تكلم ريم : من قدك ريم تسوي نفسها ما تسمع واصفطتها فيصل تذكر الرساله ويبي يقوول لريم انه توه يقراها بس مو عارف كيف قاعد يفكر بطرريقه بس ما يبي احد يحس علشان ما تنحرج قصر على المسجل وريم كانت مندمجه مع الأغنيه وطايره في عالم ثاني ولمى قصر عليه رجعت للواقع فيصل : اليوم صديقي ارسل لي رساااااله حلوووووووه وكلماتها مررررره حلوه لمى كنت بالمجمع بس انا ما شفتها الا الحين لمى رحت اجيب جوالي ما تتصورن قد ايش فرحت لمى قريتها ريم عرفت شنوووو يقصد وقالت من غير ما تحس : اكيد الي ارسلها كان يقصد كل كلمه فيها علشان كذا عجبتك تحسها صادقه فيصل فرح لمى شافها تجاوبت وعرفت وتأكد من الي في باله : اييييي مررررره احسه ..... رغد : هيه انتي ويااه شنو عندكم كأنكم تتكلمون عن واحد تعرفوونه ريم ترقع : اعرفه ؟؟؟؟ لالا شدعوووه بس انا دايم تجيني رسايل من صديقتي وعلشان كذا احس بشعووور فيصل .... عرفتي رغد مو مقتنعه : امممممم فيصل ميت ضحك بس كاتم ضحكته تمشووووا بالكرنيش بالسياره فاطمه : فيصل تكفى خلنا ننزل اشوووي فيصل : من صجك انتي ؟؟؟ الدنيا برررد نوف : عادي بس شوي نغير جووو من السياره فيصل يمزح : ليه؟ ما عجبتك سيارتي ؟ نووف خافت : لالالا بالعكس سيارتك مرررره نايس والدليل خلاص حجلس بالسياره مراح انزل فيصل : هههههههههه لا عادي ترى امزح معك مها : ها فيصل بتخلينا ننزل ترى الجوووو حلووو مو برد مررره فيصل يفكر : اممممم خلاص انتوا انزلووا وانا بضل استناكم بالسياره مالي خلق انزل شوفوا انتوا كم بنت وانا ولد لحالي شكلي نكته رغد : هههههههه لاعادي انززل تمشى شوي وقف فيصل السياره في مكان شبه فاضي مافيه زحمه فيصل : يلا انزلوا .... بس لاتطوولون الوقت متأخر سلوى : مراااح تنزل ؟ فيصل : لا مراح انزل فاطمه متحمسه تبي تنزل : براااحتك ..... احسن خليك بالسياره ....... يلا بنااات انزلوا نزلوا البنات وراحوا عند البحر شوووي وقعدووو يستهبلووون ويصورون بجولاتهم وماخذين راحتهم لأن المكااان مافيه احد مها : يلا بنااات تغطوووا بصوووركم رغد : انا الي اعرفه ان الي يصووور يكشف او يكشخ مو يتغطى .... بس انتي عليك استهبال مو صااااحي البنااات ضحك ووناسه وريم قااعده عند البحر تتأمل شكله باليل والقمر كااان مكتمل والمنظر طالع حلووو والجوو كان في هوى متحرك بارد يهب عليها البنات بعدووو شوي عن ريم وريم مو حاسه فيهم في عالم ثاني فيصل استغل الفرصه لمى شاف ريم جالسه لحالها فكر انه يرسل لها رسالها بس فكر لو يرووح لها بنفسه يكووون احسن نزل من السياااره وراااح عند ريم وريم في عالم بعيد ما تدري عن احد وقف وراها وظل فتره ساااكت يدووور كلمه يقوولها بس ما تحرجها في نفس الوقت فيصل : اخيراً يا ريم ريم انصدمت لمى سمعت صووووت فيصل شنووو خلاه ينزل من السياره وشنو معناات كلامه معقوووله يعني جى يكلمني علشان الرساله ؟ ردت عليه ريم بدوون ما تلتف لأنها تدري اذا التفتت راح تنحرج منه وما تقدر تقووول له شي : مو انت الي تحدد متى تحب الحب يجي بوقته فيصل : صدقتي ... ومو انت الي تختار الشخص الي تبغااه يجيك شعووور غريب يخليك تحب هذا الشخص ريم منحرجه ما تدري شنوو تقوول وفيصل وقاف وراها ينتظرها تقووول له اي شي ريم تطالع فووق : امممممم حلوووو شكل القمر فيصل قالها لاشعورياً : اممممم بس انتي احلى ريم استغربت انه قال كذا لفت الجه الثانيه على طووول وشافت البنات راجعين لها فيصل يفكر يووووه انا شنووو قلت من شوي الحين البنت بتنحرج ريم : جااووا البنات بروووح معاهم فيصل : وانا ؟ تتركيني لحالي ريم مرتبكه : ها ؟ لا تعال معانا فيصل يضحك : لا مشكوووره انا برجع السياره اتفشل امشي معاهم .... قولي لهم اني استانكم بالسياره لا نتأخر ريم : اوكي ما صدقت خبر انه يرووح وطارت عند البنات بسرعه سلوى تغمز لريم : شنووو عندكم انتي وفيصل ريم تستحقرها : ما عندنا شي ... يقووول لي قولي للبنات يلا رغد مو مصدقه : ههههه علينا ها الحركات ؟ ريم : مو مصدقين سألوووه رغد : شاكه بالموضوع : اي اكيد بسأله انا اصلا اخر وحده اصدقها انتي نوف : يوووه شووو مسكينه البنت حرام عليكم ريم : كلكم ضدي بس نوووف حبيبت قلبي هي الي تصدقني فديتها بعد قلبي مها : ههههههههه انا احينا افزع لك ولا نسيتي ريم : لو تفزعين لي ما انسى بس انا ما اشوووفك تفزعين رغد : شكلكم بتتهاوشون يلا امشووو نركب السياره راحوا واركبوا السياره فيصل : شفيكم تأخرتوا ؟ رغد تطالع سلوى : لحظه لحظه ....... ابي اسألك سؤال فيصل : تفضلي رغد : شنوووو كنت تقوول لريم ؟ فيصل : قلت لها قولي لهم ان فيصل يقووول يلا نمشي رغد ما تقدر تنكر بعد ما سمعت كلام فيصل نفس كلام ريم ريم تحس بالفوووز : شفتي ؟ رغد منقهره : اي شفت ريم بثقه كبيره ما تدري من وين طلعت : المره الجايه لمى اقووووول لك شي تصدقينه حبيبتي اوكي ؟ رغد : اوكي و فيصل يضحك الله يعينك يا ريم على لقافة اختي قعدوووا يتمشووون بالسياره وبعدين رااحوا الكفي الشووب وقعدوا شووي وشربوا كابتشينو وبعدين وراحوا البيت في بيت بو عبد العزيز البنات قاعدين بالمجلس يشوووفون فلم رومنسي مندمجين مع الفلم مقطع محمس البطل يقوول لبطله انه يحبها والكل عيووونه على الفلم فجئه يقطع اندماجهم جووووال سلوى يدق مها : وجع مووو وقته فاطمه : اكيد حبيب القلب دااق سلوى : لا هذا خالد .......الووو ........ هلا ... اوكي ...دقايق بس ......باي رغد : شنووووووو؟ سلوى : خالد يقووول يلا اطلعوا رغد : لالا بدري ما بعد اشبع منكم سلوى : يلا ريم البسي ....... شووفي الساعه 1 خلاص ريم : اصبري بروووح اجيب اغارضي من فوووق سلوى : يلا بسرعه خالد يستنى برى ريم : ثواني بس راحت ريم فوووق بسرعه وجمعت اغراضها وشافت الهديه الي شاريتها لفيصل شنووووو اسوي فيها الحين كيف راح اعطيه ؟ ما في الا طريقه وحده راحت غرفة فيصل وفتحت الباب ودخلت وحطتها على الطاوله وشااافت صووورته معلقه بالمرايه وما قدرت تمنع نفسها وخذتها ونزلت تحت شنوووو توقعاااتكم شنووور راح تكوون ردة فعل فيصل لمى يشووف الهديه ابي اشوووف توقعاتكم |
|
| |
|
| الإشارات المرجعية |
| أدوات الموضوع | |
مواضيع مشابهة | ||||
| الموضوع | الكاتب | المنتدى | الردود | آخر مشاركة |
| حصريا نغمة تعب قلبي والله انها تعبت قلبي حصريا في منتديات تعب قلبي ؟؟!! | Cristiano Ronaldo | مقاطع يوتيوب × مقاطع فيديو | 33 | 04-05-11 11:42 PM |
| سواها قلبي .. روايه سعوديه .. | خيال الشرفا | روايات تعب قلبي | 361 | 29-12-10 08:32 PM |
| سواها قلبي (روايه سعوديه) | ميموmem | روايات تعب قلبي | 1 | 26-01-08 03:41 AM |
| فتاه سعوديه سعوديه تادب شاب اوربي امام الناس | ابعرف بس وش ذنبي وخطايا | قصص تعب قلبي | 4 | 17-09-06 04:21 PM |
