المنتديات
المنتديات
| روابط إعلانية |
| ||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
 |
| | أدوات الموضوع |
20-04-07, 07:04 PM
| #76 |
| |[ عـضـو مـشـارك ]| الدولة:  |  رد : تعب قلبي <سعوديه> واخيرا بعد طوول انتظار البارت يوم الثلاثاء |
|  |
|
20-04-07, 09:04 PM
| #77 |
| |[ عـضـو فــضــي ]|  الدولة: | رد : تعب قلبي <سعوديه> واااااااااااااااو رووووووووووووعه في الانتظاااااااااااار |
|
| |
|
23-04-07, 08:06 PM
| #78 |
| |[ عـضـو مـشـارك ]| الدولة: | رد : تعب قلبي <سعوديه> لعيووووونكم راح اخلي البارت اليووووم وتستاهلوون كل خير على الأنتظار الطويل |
|
| |
|
23-04-07, 09:15 PM
| #79 |
| |[ عـضـو فــضــي ]|  الدولة:  | رد : تعب قلبي <سعوديه> ان الحــــــب اساس الزواج والزواج اساس الحياه والفرح إن سعادة المرأة في حياتها أن يكون زوجها عشيقها ، وما كانت تعرف إلا أن الزوج غير العشيق فأصبحت تطلب لوعة الحب القديم فلا قديماً استبقت ولا جديداً أفادت .فتزوجي وافرحي وعشي حياتك تكوني سعيده يالحزينه |
|
| |
|
23-04-07, 10:03 PM
| #80 |
| |[ عـضـو مـشـارك ]| الدولة: | رد : تعب قلبي <سعوديه> 11 طلع جواله ودق عليها .....: الووو محمد : السلام عليكم ....: وعليكم السلام انت محمد؟ محمد: اي وينك انتي احنا واقفين قدام البوابه الي طلعتي منها نستناك .....: اوكي خلاص شفتك انتوا اثنين صح؟ محمد : اي واشر بيده .....: انت الي تأشر بيدك ؟ محمد: اييييي احنا احنا ......: اوكي الحين جايه سكر محمد الخط والتفت لخالد محمد: خالد ...... خلووود خالد ما يرد محمد : خالد شفيك؟ خالد يأشر له يسكت <<كان يطالع البنت الي جايه لهم محمد : التفت وشاف البنت الي جايه خالد : الحين هاذي اختك ؟ محمد : اي اختي تصدق مررررررره حلووه طالعه علي احم احم ويمسك ابة ثوووبه خالد بينه وبين نفسه معقوووووله ؟ مو مصدق انا بحلم ولا بعلم؟ !!!!!!!!! محمد يطالع خالد : خالد شفيك ؟ ملامح وجهك متغيره 180 درجه شفيك؟ قربت البنت من ناحيتهم بعد فتره وقفت مصدووووووومه بمكانها : انت!!!!!!!!! ؟؟؟؟؟؟؟؟؟؟؟؟؟ محمد يطالعهم مستغرب ويشووف نظراتهم لبعض كيف كل واحد منصدم اكثر من الثاني محمد : اقووول يا ولد العم .... ولا رد عليه محمد: شفيكم انتوا تعرفوون بعض؟ خالد سكت ولا رد عليه ونوف مصدوووومه اكثر من خالد كيف جابتهم الصدفه انهم يتجمعون مره ثانيه ويكونون قريبين من بعض اكثر من قبل ولد العم كلمه ترددت في بالها اكثر من مره خالد طلع ولد عمي !!! محمد نفذ صبره : هيه الووووووووو واحد يقووول لي شفيكم خالد كأنه راح عالم ثاني ورجع منه : ها؟ شنو ؟ لا بس كانت معاي بالجامعه نوف ارتاحت : اي اي صح مع بعض بالجامعه محمد : اها ....... صدفه ........ طيب ما كنتوا تعرفون بعض ؟ خالد ابتسم ابتسامه لنووف : لا ابد... ولا حتى نسلم على بعض .. لأني اساسا ما اعرفها نووووف كاتمه الضحكه : اقووول انتاو الحين مراح تودوني البيت ولا ناوين تقعدوني بالمطار محمد : هههههه شدعوووه تعالي يلا الحين اوديك البيت خالد : يا اخي فشلتنا ... البنت تبي تشوف خواتها وابوها يلا خل نوديها قبل لا تموت علينا نوف تضحك : شدعوووه محمد : اقووول يلا امشوا نرووح السياره وبعدين سولفوا براحتكم مشى محمد واخذ شنطتها وسبقهم عند السياره نوف ظلت تمشي وخالد وراها قرب خالد من جهتها وهمس لها بصووت واطي : شنووو شعورك ؟ نوووف في قلبها فرحاااانه وميته من الفرح بس ما حبت تبين له واكتفت بأبتسامه خالد : انا كنت بدق عليك قبل ما ترجعين بس ما توقعتك ترجعين بهاذي السرعه نوف منحرجه من زمان ما شافته وحست انه تغير خصوصا لما شافت شكله بالثوب: لا عادي مو مشكله محمد حط الشنطه بالسياره وركبوا كلهم وبدوا مشوار الرجعه نوف تتفرج على شوراع الشرقيه وتتأملهم الحين هاذي السعوديه هاذي بلادي الي ولا عمري شفتها اجي بعد 18 سنه اشوفها جاها شعوور انها الحين راح تستقر بحيتها الجديده وهي بوسط بلدها موطنها الي انحرمت منه 18 سنه كانت خايفه من لقأها مع العايله بس لما شافت خالد جاتها راحه ما تدري ليه حست انها بوسط ناس طيبين و ويحبوون بعظهم وكأنها عارفتهم خالد اختصر عليها اشوي من الأسأله و التفكير لأنها تحس العايله كلهم مثل خالد محمد : نوووف شفيك ساكته ؟ نوف: ولا شي بس اتفرج على الشوارع الي ولا مره شفتها خالد : صدقيني راح تملين منها محمد : خالد انا واختي نسولف .. لاتدخل نفسك معانا خالد : بنت عمي وانا بكيفي زي ماهي اختك هي بنت عمي نوف: لا تتهاوشون بسبتي خلاص انا بسكت ولا بسالف مع احد احسن لي محمد يلووم خالد : شفت ... زعلت البنت وهي توها ما خذت ساعه وحده من جات خالد : ما ادري عنك انت راعي المشاكل متسبب علي محمد : نوووف نوف: نـــــــعم؟ محمد : شوفي انا بعرفك بالعايله علشان لما تشوفينهم تعرفينهم نوف: اوكي حلوووووو .....يلا قووول محمد : نبدأ في ابوي اكيد انتي تدرين ابوي ما عنده ولد غيري وانا ابووو سيف ولدي عمره 5 سنوات وعندي بنت عمرها كم يووم اسمها شهد نووف: وزوجتك ؟ محمد حزن لما تذكر زوجته خالد تكلم بداله : زوجته الله يرحمها توفت وهي تولد شهد نوف تمنت انها ما فتحت فمها علشان تسأل : اسفه ما ادري محمد يلطف الجو : لا عادي بس انا غبي المفرووض اقوول لك خالد : والأغبى انه تزوجها بالسر من ورى ابووووه وابووه ما كان راضي نوف تفكر بنفسها يووووووه ذولي شكلهم وراهم بلاوي لالالا لا وش ذا الكلام نووف هذولي اهلك : ومنوا خواتي ؟ محمد : خواتك ساره متزوجه ولد عمي وعندها بنت صغيره عمرها 3 سنوات ورزان عمرها 19 اكبر منك بسنه بس وفاطمه عمرها 17 انتي ما بين البنتين نوف: امممممم طيب انا كم عم عندي ؟ محمد توه بيتكلم قاطعه خالد : عندك اثنين ابوي وابو عبد العزيز وعندك عمه وحده ام الوليد محمد معصب : وجع يوجعك خلني اتكلم مع البنت اشوي .... ما قلت تو انك بتسكت ؟ ظلوا محمد وخالد يعلمونها عن العايله كلها من كبيرهم لصغيرهم حتى الخدمات ما سلموا وصلوا خالد بيتهم وراحوا للبيت في البيت الكل كان بالصاله وابو محمد كان مقعدهم للساعه 1 فاطمه تتثاوب: يبه تكفى ابي اروووح انام بكرى وراي مدارس بو محمد : اصبري اخوووك محمد يجي رزان : احنى شدخلنا بمحمد كل يووم يجي متأخر شمعنى اليوم ننتظره ما وراه لا مدارس ولا شي فاطمه : الي يشوفه يقووول توه جاي من سفر ونبي نستقبله ام محمد : خلالاص ابوووكم قال لا تنامون يعني لا تناموون بو محمد : نفذ صبره وهو ينتظر محمد طلع جواله ودق على محمد طوووووط طوووط محمد : هذا احنى وصلنا عند فتحت الباب بو محمد : يلا احنى في الصاله تعالوا محمد :ان شالله بعد دقيقتين دخل محمد ووراه نووف واقفه وخايفه محمد: نوووف تعالي ادخلي لا تخافين مراح نعضك قام بو محمد وراح لبنته وحضنها وشافها تغيرت وكبرت ونوف كانت مشتاقه لحنان الأب الي فقدته فتره طويله قامت عيونها تدمع من الفرحه نوف: وينك يا يبه خلتيني وحرمتني من حنانك خليتنا انا و امي لحالنا في بلاد الغربه ولا سألت عني ..... اوعدني انك مراح تتكريني مره ثانيه بو محمد محزن على زوجته الي تذكرها بس شاف بنته الي نسخه من امها بو محمد : سامحيني يا بنتي ادري قصرت بحقك انتي وامك خلاص الحين انتي راح تكونين عندي ومحد يقدر ياخذك مني محمد : يلا يلا خلاص لاتسووون مثل الأفلام وتقلبونها صياح بو محمد: نوف حبيبتي تعالي سلمي على خواتك وامك الثانيه نوف بخوف وتردد : تتوقع بيحبوني ؟ بو محمد يبتسم لها : اي اكيد هذولي خواتك وأولهم ام محمد طيبه وقلبها كبير وراح تحبك وانا قايل لها اول ما توفت امك وانكسر خاطرها عليك لأنك مثل عمر بناتها ارتاحت نوووف ودخلت البيت التفتوا رزان وفاطمه للباب اول ما سمعو صوت بنت قامت رزان تركض للباب : مين الي عند الباب ؟ محمد رد عليها : هاذي نوف اختك وقفت مكانها مصدووومه : اختي؟؟؟؟؟؟؟؟؟؟ فاطمه جات ورى رزان : شفيكم؟ شصاير؟ بو محمد : تعالوا سلموا على اختكم نوووف رزان وفاطمه يطالعون بعض مصدومين رزان : من متى عندنا اخت؟ فاطمه : من وين طلعت هاذي بو محمد عصب على فاطمه : عيب لا تقولين كذا تعالي سلمي عليها رزان تقبلت الوضع وراحت سلمت على نوف وجاملتها بأبتسامه ونوف بادلتها بأبتسامه حلوووه رزان ارتحات لنوف اشوي : نورتي البيت نوف : منور بوجودك بو محمد : يلا فطووم قومي سلمي على اختك فاطمه : ما ابي قربت منها نوف ومدت يدها لها وفاطمه لفت للجهه الثانيه ولا عبرتها رزان : فطوووومه يلا سلمي عليها هاذي اختك فاطمه : ما ابي وهاذي مو اختي ولا اعرفها جات ام محمد تلطف الجوووو وسلمت عليها واحظنتها : هلا والله ببنيتي ادخلي تفظلي فاطنه غارت من نوف وكيف كان تعامل امها معاها راحت رقت لغرفتها وتركتهم في الصاله بو محمد زعل على بنته وعصب : فاطمه ان ما جيتي سلمتي على نوف والله لا ازعل عليك ام محمد: لا تلموينها مصدومه ما بعد تتأقلم مع الوضع اصبري شوي وتجي تسلم عليك بعدين بسرعه ترضى نوف انحرجت : لا عادي اي وحده بمكانها ممكن تسوي كذا ويمكن اكثر دخلوا وقعدوا في الصاله وسولفوا معاها ودرت رزان بقصت نووف وعن امها وحزن عليها وكانت بتصيح بس حاولت تمسك نفسها علشان نووف بعد ساعه ام محمد : اكيد انتي تعبانه من الطياره وتبغين ترتاحين تعالي اوديك لغرفتك نوف : اي يا ليت يا خاله ام محمد : لا تقولين خاله قولي يمه انا حسبت امك ابتسمت نووف : ان شالله يمه قاموا ام محمد ونوف وراحوا للدرج ورزان راحت وراهم ورقوا للطابق الثاني دخلت نوف الغرفه كانت غرفتها في الزاويه جنب غرفة رزان وبلكونتهم مشتركه رزان : وناسه غرفتك جنب غرفتي نوف شافت رزان فرحانه فيها ... ولا شافت نظرة حقد وحده منها حست بسعاده كبيرررررررره ام محمد: يلا اخليكم مع بعض ولا تسهروون ورزان خلي نوف ترتاح وبلا الكلام الفاضي و نوف اذا احتجتي اي شي انا موجوده او قولي لرزان رزان : يلا اخليك ترتاحين وانا مررره تعبانه وبكرى برووح الكليه نوف: مشكووووره تسلمين مرت فترة صمت قصيره نوف:... تصدقين رزان : شنوووووو؟ نوف : انا مررره ارتحت لك احضنتها رزان : وانا اكثر انا مررره مستانسه ان انتي اختي وراح تستانسين لمى تشوفين بنات عمامي نوف: اي اكيد محمد وخالد كلموني عنهم رزان نقزها قلبها خالد؟؟؟ شدخل خالد في نووف شنو الي معرفها فيه ؟ توها جايه من المطار ممداها تعرفهم رزان بأهتمام : انتي شفتي خالد؟ نوف: اي هو جا مع محمد اخوي المطار رزان تسوي نفسها مومهتمه : امممممم شرايك فيه؟ نوف مستغربه: ما ادري عادي ما بعد اعرفه كتير آآ اقصد كثير ابتسمت رزان : كلامك مكسر لبناني على سعودي نوف بادلتها الأبتسامه: اي لأن امي لبنانيه رزان : اممممم الله يرحمها نوف بحزن : ويرحم الجميع رزان : يلا اخليك ترتاحين اشووفك بكرى نوف : تصبحين على خير طلعت رزان من غرفة نوووف وراحت لغرفتها في بيت بو خالد خالد جالس بغرفته منبطح على السرير واخيرا شفت نووووف والله اشتقت لها لازم اخطبها بدامها صارت بنت عمي يحق لي اني اخطبها وانا اولى من الغريب بس لازم اصبر كم يووم اخليها تستقر وترتاح نفسياً مو حلوه اول ما ترجع اخطبها اكيد راح يشكووون ان السالفه فيها شي طلع جواله ودق على صديقه طلال خالد : طلووووووووول تصدق؟ طلال: بسم الله الرحمن الرحيم اول قووول السلام وبعدين احب اقووول لك قبل ما انسى ان نوف اليوم رجعت لأهلها خالد : ههههه ما تشوفني مستانس وفرحان؟ نوووف طلعت بنت عمي طلال مستغرب : صدق والله؟ خالد : اي والله اليوم رحت انا ومحمد اخوها واخذناها من المطار طلال: شنو كانت ردة فعلكم خالد : ههههههه كل واحد منصدم اكثر من الثاني طلال: ههههههه انا باقي لي اسبوووع ويومين وبعدين بجي خالد: الا وش اخبار رولا ؟ طلال: اي ما قلت لك انا بخطب رولا خالد : صج؟ طلال: اي برجع معها لبنان وبخطبها وبعدين وباخذها معاي السعوديه خالد : تتوقع ترضى؟ طلال: اي انا سألها بس بخطبها من اهلها قبل خالد :ههههههههههههه اتخيل اشكالكم تطلع تحفه واقفين في الكوووشه طلال: اقووول عن الغلط خالد: هههههه خلاص بسكت انا بقووم انام تامرني شي؟ طلال: لا سلامتك باي حط جواله بالطاوله الي جنبه ونام **** يوم الأحد العصر الكل معزوم عند ابو محمد في الغدى علشان يشوفون بنته نوف وعيال محمد سيف وشهد الحريم في الصاله والرجال في المجلس البنات كانوا جالسين بزاويه في الصاله بس فاطمه كانت مسكره على نفسها الباب وما تبغى تنزل رزان كان بحظنها سيف ورغد كان بحظنها بنت اخوها الهنووف رزان : سيوووف رووح العب مع هنووووفه ورها العابك سيف : ما ابي انا ما احبها تطقني هاذي رغد : الهنوف ليه طقيتي سيف الهنوف: اثلا ً (اصلاً) اهو الي دربني اول ريم : خلاص انتوا متعادلين رحوا لعبوا مع بعض الهنوف بدلع : ما ابي ما احبه الاولاد ووععععع وطلعت له لسانها سيف: حتى انا ما احب البنات كل يصيحووون مثل شهد جاتهم نوف من المجلس بعد ما كنت تسلم على عمامها سلوى تنادي نووف تجلس جنبها راحت و جلست نوووف جنب سلوى سلوى: مشاء الله انتي مررره حلوووه انحرجت نوووف : تسلمين عيونك الحلوه مها: من جد انتي احلا وحده من البنات خلاص بخلي الوليد يخطبك بدال سلوى <<تمزح سلوى عصبت : نعم ؟نعم ؟ اصلا الوليد يحبني انا ولو يخطبها بقتلك انتي مها : هههههه شدعوووه نمزح سلوى تعدل شعرها : يكووون احسن بعد الغدى ريم تكلم رزان: ليه فاطمه مو راضيه تنزل؟ رزان : ما عليك منها دلع بنات ريم : عادي اذا رحت لها ؟ رزان : مراح تفتح لك بس روحي جربي راحت ريم رقت لغرفة فاطمه ودقت الباب فاطمه : مين؟ ريم : فاطمه افتحي الباب انا ريم فتحت فاطمه الباب ورجعت قعدت على السرير ريم : شفيك شكلك تعبانه ؟ فاطمه : ما ابي انزل ريم : ليه؟ فاطمه : بسبة نوف الي ما ادري من وين طلعت المصايب تنزل علينا من السما مثل المطر ريم : هاذي مو مصايب بالعكس شي حلوو انو يكون عندك اخت عمرك قريب من عمرها وهي مررره طيبه انتي ما شفتي كيف تتعامل معانا متواضعه وطيبه وما شفنا منها شي وشوفي امك تعاملها مثل بنتها فاطمه : هذا الي قاهرني انا بس شفت كيف امي تعاملها اول ما جات حسيتها بتاخذ مكانتي عند امي ريم : لا شدعوووه اكيد معزتك عند امك اكثر منها بس لازم ترحب فيها علشان البنت مسكينه توها جايه وبعدين هاذي اختك ولازم تحبينها فاطمه: يكفيني ساره ورزان ماني ناقصه بنات ريم: بس مو حلووه تقعدين كذا بالغرفه كأنك ما تبينها معاك بالبيت فاطمه دموعها بدت تنزل : هذا الواقع انا ما ابيها تكوون معانا ريم : انتي لازم ترصخين للأمر الواقع وانتي الحين قعدتك هنا مراح تنفعك بالعكس بتحسسين البنت بالذنب وانها وحده غريبه وغير كذا اهلك راح يزعلووون عليك فاطمه: بس انا ما اقدر اقابل البنت احس لما اشوفها ابي اطب وادووس في بطنها ريم : هههههههههه شدعوه والله البنت دخلت مزاجي مرره طيبه وحبوووبه فاطمه : اففففف خلاص دريت انها طيبه خبيتني في البنت كأن ما في غيرها بهذا العالم ريم : طيب يلا قومي غسلي وجهك وغير ملابسك ورتبي ها الكشه فاطمه تضحك من وصط الحزن الي فيها : احسن من تسريحتك ذي ذيل حمار ريم تعدل شعرها : قصدك ذيل حصان فاطمه : الي هووووو المهم ا نه ذيل قامت فاطمه ودخلت الحمام وريم تطلع لها لبسه من الدولاب على ذوقها طلعت لها بلوووزه ذهبيه وبنطلون جنز وحزام ذهبي عريض جاي على الخصر طلعت فاطمه من الحمام وقامت تمشط الكشه ريم : يلا خذي ذولي والبسيهم فاطمه التفتت للملابس الموجوده على السرير : اشوفك نسقتي لي لبسه ريم تبتسم : اي علشان ما تطولين وانتي تختارين يلا وريني الاكسسورات فاطمه : بتنسقين لي الأكسسورات بعد؟ ريم : يلا يلا بلا كلام فاظي وين تحطين اكسسوراتك اشرت لها فاطمه على الدرج الي فيه الأكسسورات وراحت الحمام ولبست الملابس وريم طلعت لها حلق ذهبي وخاتم عليه فراشه ذهبيه وسلسله لؤلؤ ذهبيه طويله خلصت لبس وحطت لها كحل وقلووس ونزلوا عند الحريم تحت وفاطمه راسمه على وجهها ابتسامه واضح انها مصطنعه جلسوا مع البنات ونوف رحبت بفاطمه ترحيب كأن فاطمه هي الي رجعت من السفر مو هي فاطمه بعد ما قعدت معاهم فتره حست بطيبة نوف وبدت تتقبلها وتاخذ وتعطي معاها البنات كانوا يخططون لحفلة فيصل ويرتبون لها مها تكلم ريم : شنو راح تجيبون هديه ؟ ريم بدون اهتمام : ما ادري اكيد خالد بيرووح مع سلوى وبيشتروون له انا وحده مو متحمسه للحفله مها : ليه؟ ريم : ما ادري ليه بس كذا جاني شعور ان الحفله مراح تكون حلووه مها : ام انا عن نفسي اتوقع راح تكوون وناسه واستهبال سلوى: وانتي رغد شنو راح تجيبين لفيصل ؟ رغد تتذكر الهديه : احم احم انا مع ابوي وفهد راح نشتري هديه كلنا مشتركين فيها حتى امي تقوول تبي تشترك معانا بس بعدين تشوفونها فاطمه تكلم رزان ونوف: شرايكم احنى نشترك في وحده مع بعض نوف تحمسها : فكره حلوووه علشان تكوون فخمه لو ثلاثتنا مع بعض رزان : ونشوف محمد اذا يبغى معنا فاطمه : خلاص بعدين نتفق شنو نجيب له في لبنان فارس وصلته رساله من سلوى على الأميل وعلمته بكل شي قالته رغد فارس من الفرحه مو مصدق ويقرى الرساله اكثر من مررره علشان يتأكد واخيراً واخيراً اعترفت وعرفت حقيقة مشاعرها من فرحته مو داري شنو يسوي ا خذ جواله ودق على نادين يبي يبشرها كان متوقع انها راح تفرح له وبتبادله فرحته بس لما دق عليها استغرب من ردة فعلها وكان واضح من نبرت صوتها انها كانت زعلانه وقفلت الخط بوجهه دق عليها مره ثانيه بس ما ردت عليه شفيها ما ترد كل هذا علشان انا عرفت ان بنت عمي تبادلني نفس مشاعري البنت اشوي وبتنجن لما درت شكلها من جد تحبني هههههه مسكينه عايشه في احلامها شكلها يكسر الخاطر رغم اني اسوي نفسي قدامها مو فاهم الي ناويه عليه بس هي عندها امل انها تقدر تنسيني حب الطفووووله مستحيل اساسا ما ادري ايش الي خلاني افكر اني اعطيها فرصه خليني اقووم ارووح اشووف البنت لا تنتحر الحين طلع من شقته وراح لشقتها دق عليها الباب بس ما ردت عليه شكلها البنت انتحرت من جد هههههههه تسويها عادي ما عندها مانع ظل حدود الخمس دقايق يدق الباب بس محد يرد عليها سمع صووت ضحك يطلع من الدرج وكل شوي يزيد التفت وشاف نادين جايه مع واحد من الي وياهم بالجامعه وصوت ضحكاتهم العاليه منتشر في الممر فارس شاف نادين واكتشفها على حقيتها انها خاينه تمثل شي وهي بقلبها شي ثاني طالعها بنظرات حقد واحتقار وقفت مصدووومه لما شافته وهي تحاول تفسر موقفها: فارس أ أنا .... بس هي اساساً مو قادره لأنه كشفها على حقيقتها فارس منقهر منها لأنها كانت تحاول تخرب بينه وبين رغد بس هي صدق حبت فارس او فظلته عن غيره بس كانت تخونه مع كثير فارس وهو يطالع فيها بأحتقار: يا واطيه يا حقيره وحاول يمسك نفسه قد ما يقدر مشى بدون ما ينتظرها ترد عليه ومن بعد هاذي السالفه لا هو دق عليها ولا هي دقت عليه وانقطعت علاقتهم في بعض وهاذي نهاية نادين ****** نرجع للسعوديه يوم الثلاثاء العصر سلوى تكلم رغد سلوى : خلاص جهزتوا كل شي للحفله ؟ رغد تضحك : اي جهزنا سلوى : ليه تضحكين ؟ رغد: فيصل الخبل سلوى :شفيه ؟ لا تقولين لي انه درى ترى اذبحك رغد : لالا ما درى بس اليوم الصباح قبل ما يرووح المدرسه يقووول لي بكرى عيد ميلادي سوي لي حفله كبيره ما اوصيك سلوى: اكييييد درى رغد : متاكده انه ما يدري سلوى: طيب شنو قلتي له رغد : قلت له انقلع ماني فاظيه لخرابيطك رد علي وقال اساساً انا بس حبيت المح لك انه عيد ميلادي بكرى ما ابي غير الهديه والحفلات مخليها لأصحابها سلوى: هههههههه شكل الحفله مراح تعجبه رغد: راح تعجبه غصب خليه بس يشوف الهديه الي بيجيها ابوي له سلوى: شنووووو ؟ علميني رغد : بتشوفونها بعدين امس انا وابوي وفهد رحنى استلمنهاا واليوم الصباح فهد وداها عند محل علشان يزينها سلوى: اممممممم طيب و الكيكه ؟ رغد : فهد وصى على كيكه وبكرى بتجيبها سلوى: حلووووو احنى اليوم بنرووح مع خالد نشتري لفيصل هديه رغد : طيب بكرى تعالي من العصر علشان نزين المكان ونخلص سلوى : اوكي بجي وبجيب ريم معي ... بس انتوا وين راح تسوون له الحفله؟ رغد : في المجلس سلوى: اممممممم شنو راح تلبسين ؟ رغد: امممم افكر البس شي ساتر علشان ما البس عباتي سلوى: امممممم اصلا الأولاد مراح يقعدون معنا كثير بس نقص الكيكه وبيطلعون رغد: ادري اصلا احنى ما نبيهم نبي نكمل الحفله بعدين احنى البنات رقص وهبال سلوى: وناااسه خلاص انا بجيب السي ديات رغد: خلاص انا قررت مراح البس هدووم ساتره وبلبس كشخه وراح اظل بعباتي سلوى: اها حتى انا بلبس فستان قصير يهبل جديد رغد: والله؟ كيف شكله؟ سلوى: لالالا بعدين تشوفينه رغد: الغلط على الي يسألك سلوى: يلا عندي مكالمه اكلمك بعدين باااااي رغد : باي سكرت من رغد وكان الي داق عليها الوليد سلوى: الوووو الوليد : هلا سلوى بخجل: اهلين الوليد: اخبارك سلوى: تمام وانت؟ الوليد : بخير بعد سمعت صوتك انحرجت سلوى : تسلم الوليد : شنو كنتي تسوين؟ سلوى: كنت اكلم رغد ونرتب للحفله الوليد: اها تمام .. شريتوا الهديه؟ سلوى: لا لسى بنروح اليوم مع خالد ونشتريها الوليد يمزح : خلاص انا امرك ونرووح سلوى شننوووو لالا مستحيل طالع معاه ما ابي استحي : لالا شكرا خالد بيودينا الوليد يضحك : شفيك خفتي؟ مراح اعضك سلوى ترقع : لالا ما خفت ولا شي الوليد : ههههههههه طيب سلوى/ انتوا شريتوا الهديه الوليد : اي امس باليل رحنى انا ومها وشرينها سلوى: اممم شنو شريتوا ؟ الوليد : شرينا تي شرت وجنز وجاكت ووديناهم محل التغليف علشان يحطهم بصندوق و اليوم الليل بناخذها سلوى: امممممممم حلوووووو الوليد : اي قبل ما انسى اذا رجعتي من طلعتك اليوم دقي علي اوكي؟ سلوى: ليه؟ الوليد : اصبري وبتعرفين بس لاتخافين مراح امرك سلوى: هههههه اوكي الوليد : انا بنام ارتاح اشوي توني راجع من الشركه سلوى قلتها بخجل : نوم العوافي الوليد : يا حلوها من لسانك سلوى منحرجه : باي سكرت الخط بوجهه من كثر الخجل ضحك الوليد على ردة فعلها والله احبها وتلموني في حبها حط الجوال جنب السرير وحط راسه على المخده ونااام الساعه 9 في غرفة ريم ريم كانت قاعده على النت دخلت عليها سلوى سلوى: ريم شفتي خالد؟ ريم: بالمجلس تحت سلوى: طيب يلا قومي نقووول له يودينا السووق نشتري هديه لفيصل ريم: مها تقووول لي انهم شروا له لبسه وجاكت سلوى: ادري ريم مستغربه: كييييف عرفتي؟ سلوى : الوليد قال لي ريم : ايييي صح نسيت سلوى: المهم تعالي قومي نقوول لخالد ريم : قولي له انتي سلوى: وججع تعالي معاي مو بس انا ريمبدون اهتمام : مو انتي الي تبين الهديه انتي الي قولي له سلوى : شلووون يعني ؟ مراح تجين ريم : اصلا ما يحتاج نشتري له هديه الحفله واجد عليه سلوى: ريم شنو قاعده تقولين انتي متى بتعقلين ؟ ريم ولا عبرتها وخلتها تتكلم لحالها بس انا اوريك نزلت وراحت عند خالد كان قاعد بالمجلس يطالع تلفزيون سلوى: خالد خالد مركز على الفلم: هممممممم شنو تبين ؟ سلوى: بكرى حفلة فيصل وما شرينا له شي متى بتودينا خالد: خلاص خلي الفلم يخلص ونروح كلنا ونشتري سلوى : كم تحتاج ؟ خالد : ربع ساعه ..... خليك جاهزه سلوى: اوكي برووح البس الحين دقت عليها رغد سلوى: هلا رغد: ها شنو شريتي سلوى: لسى ما بعد نروووح رغد : اول ما تشترين علميني شنو شريتي سلوى: ههههه شفيك متحمسه ؟ رغد : اي وناااسه بكرى انا مراح اروح الكليه بكرى بغيب سلوى: اممممممم تدرين احس ما في الا انا وانتي الي متحمسين كأن الحفله حفلتنا رغد: هههههههه من جد جاني هذا الشعور مره الحفله حفلتنا واحنى ما ندري سلوى: لا تنسين تجهزين كاميرة الفديوو رغد : لا تخافين كل شي جاهز سلوى : انا برووح اتجهز يلا باي رغد : بايات طلعت ريم من غرفتها وراحت غرفة سلوى وشافت عبايتها واغراضها على السرير ريم : ما قلتي لي انك بتروحين الحين سلوى ببرود : ومن قال انك بتجين معاي ريم عصبت : شلووون من شوي تترجيني اجي اقوول لخالد والحين تتخلين عني سلوىتزيد من برودها : انتي قلتي ما يحتاج هديه انا وخالد بنشتري هديه ولا راح نخليك معانا دبري نفسك ريم : لالالالالا ادبر نفسي هاذي وين اصرفها؟ بجي معاكم يعني بجي سلوى : تبين تجين تعالي بس انتي لحالك بالهديه << تتعمد ريم : انا بقووول لخالد ويخلني معاكم سلوى : اقووول روحي البسي علشان احنى الحين بنروووح راحت ريم تلبس في غرفتها وسلوى استغلت انشغالها وراحت قالت لخالد انه ما يخليها معاهم بعد 10 دقايق ركبوا سيارة خالد الهمر واخذوا معاهم مشعل خالد: وين تبوون تروحون ؟ ريم : ارخص مكان سلوى: اقووول اسكتي ... نرووح الراشد خالد : ههههههه شفيها ذي اخلااقها زفت ريم : ما فيني شي سووق وانت ساكت لو سمحت خالد : اقووول ريم جهزتي فلووسك علشان هديتك ؟ حتى خالد ؟ حتى انت يا خالد تخليت عني ؟ : ليش اجهزهم ؟ خالد: لأنك مو معنا ريم انقهرت وظلت ساكته مشعل : خالد شنو راح نشتري له هديه ؟ خالد : ما ادري شنو تتوقعون يصلح؟ سلوى: انا اقوول نشتري له عطر مشعل: لالا نشتري بلاي ستيشن الجديد خالد: هههههه خله لك ما يبغاه سلوى : نرووح ونشووف ونقرر شنو ناخذ وصلوا المجمع ودخلوا محلات العطووور ومحلات الساعات واخيرا قرروا ياخذون له ساااعه حلوووه جاي موديلها على سبوورت بس كان شكلها حلووو مشعل : قايل لكم لو نشتري له بلاي ستيشن اونس خالد : انا لو بسأل احد ما راح اسألك انت لأنك تموت على شي اسمه بلاي ستيشن اذا جا عيد ميلادك جبنا لك مشعل : اي خلاص الحين رضيت وعلى فكره عيد ميلادي بعد شهرين خالد : ههههههه طيب ريم : طيب بدام خلاص شرينا الهديه يلا خلونا نروح نتسوق اشوي سلوى وخالد : شننووووو؟ سلوى : ممكن تعيدين شنو قلتي خالد : انتي مو معنا يلا دروي لك شي قبل ما نمشي تقابلوا مع رزان ونوف وفاطمه وكان معاهم محمد جايب معاه سيف رزان تكلم سلوى: شنو شريتوا ؟ سلوى: ساعه نووف : حلووو سلوى : وانتوا ؟ رازان : سله كبيره فيها شوكلاته من باتشي جينا اليوم نشتري طقم عطوور سلوى : كنا بنشتري عطر بس شرينا الساعه ريم كانت مع فاطمه بعد اشوي عنهم فاطمه : يا الخبله اشتري شي طيب ريم : ما ادري شنو اشتري فاطمه : اممم اي شي سلسة مفاتيح ولا محفظه انتي لحالك خذي اي شي بسيط ريم : طيب طيب بشووف وبعد دقايق تفرقوا وكل واحد راح بطريقه خالد : ريم بصراحه انا جايع سلوى : حتى انا جعت مشعل : وانا جايع اكثر منكم خالد : ريم احنى بنرووح نتعشى وانتي خليك هنا دوري هديه لفيصل ريم : لا والله تخلوني لحالي سلوى : اي والله خوووش فكره يلا خلونا نرووح فوووق ريم : خلاص خلاص بشتري اي شي وبجيكم انتظروني خالد : يلا خلصي احنا نستناك في المطاعم فووق قامت تتمشى وتدور ولقت نظاره شمسيه على الموضه ولقت ميداليه مربووطه بشريط لونه احمر فيها حرف f وتنين صغير حلووو تنحط في السياره يطلع شكلها حلووو راحت فوووووق عند المطاعم وبعد ما تعشوا طلعوا ورجعوا البيت سلوى طلعت جوالها ودقت على الوليد سلوى: رجعت البيت الوليد : اوكي تمام انتظر شوي سلوى : اوكي سكرت الخط بعد 5 دقايق تقريبا دق جرس البيت خالد طلع برى يشووف مين الوليد : هلا والله خالد يمزح : شنو جايبك بها الوقت الوليد : ههههه اقوول شوف هذا الكيس اعطيه لسلوى خالد : ليش شايفني البريد الغرامي حقكم؟ الوليد : كان ودي هي الي تجي تاخذه بس حظي ان القرد استقبلني عند الباب خالد : هههههه لايكثر يلا يلا ظف وجهك روح بيتكم الوليد: ما يقوول تفظل ولا شي اوريك خالد : ههههههه مو لازم ........ يلا الحين تفظل الوليد : مشكوور ما تقصر بس برووح انام وراي شغل بالشركه بكرى خالد : الله يساعدك الوليد : وانت متى بتجي تشتغل معانا في شركة جدك ؟ خالد : توني راجع اصبر بعدين وقت ما بغيت جيت واشتغلت بعد ما سولفوا مع بعض الوليد رجع بيتهم وخالد راح وعطى سلوى الكيس شنووو تتوقوع في الكيس والحفله شنو راح يصير فيها |
|
| |
|
| الإشارات المرجعية |
| أدوات الموضوع | |
مواضيع مشابهة | ||||
| الموضوع | الكاتب | المنتدى | الردود | آخر مشاركة |
| حصريا نغمة تعب قلبي والله انها تعبت قلبي حصريا في منتديات تعب قلبي ؟؟!! | Cristiano Ronaldo | مقاطع يوتيوب × مقاطع فيديو | 33 | 04-05-11 11:42 PM |
| سواها قلبي .. روايه سعوديه .. | خيال الشرفا | روايات تعب قلبي | 361 | 29-12-10 08:32 PM |
| سواها قلبي (روايه سعوديه) | ميموmem | روايات تعب قلبي | 1 | 26-01-08 03:41 AM |
| فتاه سعوديه سعوديه تادب شاب اوربي امام الناس | ابعرف بس وش ذنبي وخطايا | قصص تعب قلبي | 4 | 17-09-06 04:21 PM |
