 |  |
 | |
|
| | |
| | |
|
|
#66
04-11-2007, 04:34 PM
| ||||||||||||||||||||
| ||||||||||||||||||||
تعب قلبي <سعوديه>10 ابو محمد شبه منهار : انت ما تدري ان هذا الأنسان ماخذ نصف الحلال وقص علينا انا وعمامك محمد محزن : بس انا تزوجت بنته الي مالها ذنب وتزوجنا وهو الثاني مو راضي بس اخوها ساعدنا واصر على ابوها الى ما وافق وانا عندي منها ولد وبنت ابو محمد : ليه يا ولدي طلعت من شوري وسويتها ومع مين مع ...... ما قدر يكمل كلامه وطاح مغمى عليه على الأرض رزان قامت راحت عند ابوها تصيح و تصارخ : يبا تكفى رد علي تكفى ……….. محمد وام محمد اخذوا الوالد وودوه المستشفى وقال لرزان وفاطمه يظلووون ويمسكون سيف وشهد في بيت بو خالد الساعه 12 سلوى كانت قاعده على النت تكلم فارس فارس: يقلووووون انخطبتي ؟ مبرووووووك سلوى: الله يبارك فيك وعقبالك<<< حطت الوجه الخجول فارس : الله يسمع منك بس وين الي تبيني يا حسره سلوى: من قال اصلا كل بنت تتمناك انت مو ناقصك شي يكفي انك حلووو فارس حب يسأل سلوى لمى جابت طاري الزواج : خلاص انا قررت اخطب سلوى: صج والله؟ .. خلاص الحين ادور لك البنت الي تصلح شنو مواصفتها ؟ فارس: انا بختصر عليك الطريق لأن في قلبي وحده بس اتوقع البنت ما تحبني سلوى: اوووووه طلعت تحب وانا ما ادري ومين تعيسة اوووه قصدي سعيدة الحظ الي تحبها؟ فارس: اقووول عن الطناز الزايد سلوى : شدعووه كنا نمزح يا اخ فارس: انا ما اسمح لك تغلطين سلوى: ان شالله .... ما قلت لي مين تكوون الي تحبها؟ فارس: اقووول لك؟ انا ما ودي اقوول حق احد سلوى: اعرفك انت تحتفظ بأسرارك لنفسك فارس: رغد بنت عمي سلوى انصدمت وظلت فتره بدوون ما ترد : رغد ما غيرها ؟ فارس: اي ما غيرها شفيك انصدمتي ؟ سلوى: لا ما انصدمت بس من متى تحبها فارس: اذا قلت لك مراح تصدقين احبها من 6 سنوات سلوى: اووووووووه من العصر الحجري فارس:ههههههههههه تنكتين حظرتك؟ سلوى: طيب بدام انت تحبها من زمان ليش ما قلت لأبوي ولا امي يخطبونها لك ؟ فارس ما يبغى يقوول لها انه سألها من قبل وردت عليه انها تعتبره مثل اخوها فارس: لأني ما بعد اتوظف اكيد مراح توافق سلوى: امممم بس انت يعني ظامن الوظيفه فارس يبيها توقف اسأله : اسمعي ابي منك خدمه بم انك قريبه من رغد وتقدرين تتكلمين معها بالأسرار ابيك تسألينها اذا هي تحب احد ولا لاء؟ سلوى: اممممم اوكي خلاص راح اسألها بس يا فارس اذا انت بتخطب البنت اخطبها قبل ما ترجع لأن كثير خطاب يجوون لها بس هي ترفض ما ادري ليه يعني اخطبها قبل ما ترووح عليك فارس: ترفض؟ ليه ترفض؟ سلوى: ما ادري كل واحد تطلع فيه سبب مره تقوول عصبي ومره تقوول ما ابغى من برى العايله كل مره تطلع عله بس مره جا واحد غني وحلو وما ينعاب ويشتغل بمنصب كبير ووارث من ابووه بس ما ادري ليه ارفظت اي وحده بمكانها تتمناه ظحكت وبعدين كملت كلامها : حتى اتذكر اني قلت لها لو ما تبغينه عطيني اياه فارس حس ان رغد ممكن تحب واحد وتنتظره يجي يخطبها او انها ما تبي تتزوج اي واحد يجي بس ما فكر انها ممكن تنتظره هو نفسه فارس: خلاص سلوى انا الحين بقوووم اسأليها وبعدين ردي علي اوكي؟ سلوى: اوكي يلا باي فارس : سلمي لي على الأهل وقولي لهم اني دقيت اليوم العصر ومحد رد علي سلوى: اي لأن احنى كنا في الشاليه وما رجعنى الا المغرب فارس: ما تروحون الشاليه الا بعد ما سافرت سلوى: هههههه شنسوي انت الي سافرت واحنى سوينها علشان خالد رجع ارجع ونروووح كلنا فارس: كلها كم شهر وارجع سلوى: ترجع بالسلامه فارس: ما كأني قلت بقوووم ؟؟؟؟ يلا باي سلوى: هههههه يلا باي في المستشفى الدكتور طلع من الغرفه وكانوا محمد وام محمد واقفين برى ينتظرون الدكتوور يخلص وكان مطمنهم ان ابوهم بخير بس كان يحتاج يعطوونه ابره محمد يقووول لها عن كل الي صار له وعن زوجته الي ماتت وتركته ام محمد تسمع كل كلمه يقولها وقلبها يتعذب على ولدها ام محمد : ما تستاهل يا ولدي كل الي صار لك محمد : خلاص يمه لا تصيحين تخليني اصيح معاك يكفيني الي فيني ام محمد : كان ودي اشووف زوجتك واربي عيالك معاها محمد : خلاص يمه الحين عيالي عندك كأنهم عيالك ام محمد : ان شالله اربيهم لك احسن تربيه محمد : اي اكيد ام محمد : والله مسكينه بنيتي شهد ماتت امها واهي ما شافتها حنان الأم ما ينتعوض محمد : يمه حنانك بيعوضها ان شالله طلع الدكتووور من الغرفه الدكتور : زي ما قلت لكم الوالد حالته مو خطره بس السكر مرتفع عنده عطيناه ابره وان شالله يتحسن بس لا تعرضونه للصدمات ولا تخلوونه يعصب محمد : مشكووور دكتوور .... نقدر ندخل نشوووفه الدكتور: طبعا تقدروون دخلوا محمد وامه للغرفه الي فيها ابووه بسرعه راح محمد لعند ابووه يبي يتأسف منه : يبا سامحني سامحني ادري غلطت بحقك .... ابووه لف وجهه للجهه الثانيه : لا انت ولدي ولا انا ابوووك خلي الي طلعت من شوري بسبتهم ينفعونك محمد مو قادر يتصرف منصدم من كلام ابوووه لهاذي الدرجه الي سويته غلط؟؟ محمد: يبا انا جاي اتأسف ابغاك تسامحني ابغاك ترضى علي بو محمد : ما ني راضي عليك .... واطلع ما ابي اشوووفك بوجهي ام محمد كانت واقفه تشووف الي قاعد يصير : بو محمد ليه تقووول كذا هذا ولدك الوحيد ولدك ما عنده غيرك وزوجته توفت من كم يووم حرام الي تسويه فيه ابو محمد حن على ولده بس ما حب يبين له انه انكسر خاطره على ولده محمد محزن والدموع متجمعه في عيونه مو داري شيسوي قرب عند ابوووه وباس يده : يبا ابووس يدينك سامحني تكفى سامحني طلبتك يبا بو محمد منكسر خاطره على ولده وعلى حاله محمد: اسوي اي شي علشان ترضى علي ما ابغى تكوون شايل علي بشي انا طالب رضاك ام محمد :: سامحه يا ابو محمد هذا ولدك اذا مو علشانه على شاني ابو محمد داخل نفسه سامح ولده لأنه حس ولده متعذب بحياته ابو محمد ابتسم لولده: خلاص سامحتك محمد حس الدنيا مو سايعته على الفرحه الي فرحها وحس الدنيا تبتسم له من جديد كيف ما يفرح وهو نال رضى ابووه عليه ما في اهم من رضى الأهل على عيالهم يبغى يرجع البيت ويبدي حياه جديده مع ابووه واهله وعياله قام من على الأرض وباس راس ابووووه: اوعدك يبا هاذي اخر مره اطلع فيها من شورك قعدوا فتره يسولفون بعد ما دق محمد على البيت وطمنهم وتطمن على عياله الي كانوا نايمين دخل الدكتووور عليهم الدكتور: تقدر تاخذ الوالد اليوم بس نحتاج يجي بكرى علشان نتأكد من صحته محمد : اوكي مو مشكله الدكتوور : اقدر اكلمك على انفراد ؟ محمد : اي اكيد طلع من الغرفه مع الدكتوور الدكتور: واضح من ابوووك انه كان متجمعه عليه صدمات عيني حاول انكم ما تعرضوونه لأي صدمه او اي خبر محزن محمد : ان شالله ما يصير الا كل خير الدكتور : انا بس حبيت انبهك الى هاذي النقطه ...... نبغاك تكمل باقي الأوراق راح مع الدكتور علشان يخلص الأوراق ويقدر يطلع ابوه من المستشفى في بيت بو عبد العزيز الكل كان نايم بس فيصل بغرفته كان مو قادر ينام تفكيره كله لريم مو قادر يوصل لقلبها الي مسكر بألف قفل وقفل وكل ما حاول يفتحه يتسكر زياده وزياده آآآآآآآه يا ريم والحل معاك لمتى بتظلين عنيده وراسك يابس ؟ لمتى بتظلين حاقده علي ؟ فكر يرسل لها رساله وارسل لها سَأَظَلُ أُحِبُكَ وإِنْ طَالَ إِنْتِظَاريْ .. فَإِنْ لَمْ تَكُنْ قَدَرِي ْ .. فَقَدْ كُنْتَ إِخْتِيَارِيْ وبعدها راح انبطح على السرير ونام في بيت بو خالد ريم كانت نايمه والجوال جنبها دق نغمة الرساله بس ريم كان فيها النووم وتعبانه وما كان لها خلق : مين الفاضي الي قاعد يرسل بهذا الوقت ما اهتمت ورجعت نامت يوم السبت في مدرسة فيصل كانت الحصه الأخيره والمدرس غايب والشباب انواع الأستهبال مسوووين لهم عرس ومخلين واحد من الطلاب العروووسه ومغطي نفسه بشماااغ ابيض والثاني معرس ومسوين لهم عرس محترم رقص واغاني وطقاقين وما يخلى من التبريكات بس فيصل وصديقه عبد الرحمن في عالم ثاني في زاويه من زوايه الفصل بعيد عن الأزعاج عبد الرحمن : يعني للحين ما تحبك؟ فيصل : اي كل ما اظن اني قدرت اتقرب منها تبعد اكثر واكثر عبد الرحمن : والله غريبه هاذي البنت .... ابي اعرف على ايش شايفه نفسها اذا هي حلووه زي ما انت تقووول انت حلوووو بعد فيصل : ههههههه انت تشوفيني حلوووو؟ عبد الرحمن : اي اكيد انت كل شي فيك حلوووو فيصل : مشكوور عبد الرحمن : طيب شنو بتسوي؟ فيصل : ما ادري محتار ....... توني امس راسل لها رساله عبد الرحمن : ردت؟ فيصل : ما ادري انا ارسلتها وعلى طوول نمت عبد الرحمن بعد فتره تذكر السالفه الي قالها فيصل له بالشاليه اخر يوووووم بعد ما مشوووا: فيصل ..... اسمح لي بس انت بصراحه حركتك الي سويتها في البنت تقهر ما ألومها لما قامت تصيح فيصل: شسوي والله تعبت تعبت يا عبوووود البنت تعبت قلبي عبد الرحمن : طيب انساها بدامها ما تحبك خلاص انسها بتلقى عشره غيرها فيصل : شلووون انساها خلاص اهي دخلت قلبي ومستحيل تطلع منه عبد الرحمن: شوووف انا تعبت وانا انصحك وانت بكيفك فيصل : ما علينا ....قول لي شخبار بنت عمتك؟ الي تحبها درت ولا لسى؟ عبد الرحمن حزن : صار شي خرب علي كل الي خططته فيصل : شنوووو صار ؟ عبد الرحمن : ما ادري شقوووول لك فيصل : قووول كل شي مره كنا طالعين رحنى تعشينا يووووم كلنا مع بعض ... وما رجعنى البيت الا الساعه 2 ونص لأن الشوارع كانت مررره زحمه ابو البنت عصب عليها وقال لها شنو راح يقلوون الناس الي يشفونكم طالعين مع اولاد بنات لحالكم وما ترجعون الا .... اخر الليل فيصل : وبعدين؟ عبد الرحمن : قال لها هاذي اخر طلعه لكم وما تطلعون الا مع اهلكم فيصل: اممممممم غريبه عبد الرحمن : والله قهر البنت خلاص سوت لي بلووك ودليت من اميلها ومسحت رقمي الحين ما اقدر اشوفها مثل قبل يمكن ما نشووف بعض الا بالمناسبات العائليه فيصل : شفيه ابوها تغير عبد الرحمان ما ادري ريم بالمدرسه الساعه 12:45 كان على البيت انوار تضحك : ههههههههه ما اصدق ركبتوا 3 بنات قدام و ورى كان فاظي ريم : اي والله تدرين فشلونا انوار: لا عادي احس وناسه ريم : المهم ما علينا خلينا نطلع نشوووف السياره انوار: ههههههه اي يلا خلينا نرووح لبسوا عباتهم وطلعوا وراحوا عند السياره انوار: تهبل السياره تهبل تهبل ريم : كل يووم تقولين كذا صج والله هي مرررره حلوه كانوا كل يوم يوقفون ينتظرون السواق عند سياره موستنق لونها ابيض وكان مودليها جديد ريم : انوار انوار كانت مشغوله تفكر : همممممم؟ شتبين؟ ريم : تدرين شنو الي افكر فيه؟ انوار: شنوو؟ ريم: افكر ان صاحب السياره كشخه وشكله حلووو انوار: هههههه نفس الي افكر فيه قاعده اتخيل شكل صاحبها ريم: شنو تتخيلين شكله ؟؟ انوار تتخيل: اممممم اتخيله طويل وضعيف ولون بشرته حنطي واتخيل ما يمشي الا بنظارته الشمسيه ودايم يلبس جنز وتي شرت ريم: امممممم انا اتخيل شعره طويل انوار: لا ما اتوقع .... اتوقع يسويه سبايكي ريم : ياااااااي تصدقين تحمست اشوووفه انوار: ههههوانا بعد تحمست وبعد فتره طلع من البيت احد ريم: وخري وخري في احد طلع من البيت انوار: اي والله لا يشوفنا احد ونتفشل بعدوا عن السياره وراحوا عند سياره ثانيه ريم شهقت :أ .. انوار !! شفتي الي شفته انوار مصدووومه : اي اي شفت ريم : ما ني مصدقه الحين الي تخيلناه حلوووو يطلع كذا؟ انوار: اصلا شوفيه كيف يركب السياره ما ادري كيف تكفيه ؟ مررررره متين الي طلع من البيت ولد عكس الي تخيلووه ولد متين اسمر ومو كشخه طالع بثوووب البيت ريم : تدرين ما يستاهل هاذي السياره انوار: ايييييييي مررررررره احسها واجد عليه هاذي السياره هذا يخب عليه وانيت ريم : من جد انوار: تدرين ريم: شنووووو؟ انوار: كرهت السياره ريم : اي حتى انا بسبب راعيها كرهتا انوار: تخيلي من بداية السنه واحنى نوقف جنبها ونتفرج عليها ريم : ههههههههههههه صح قهر انوار: يلا جا السووواق ركبوا السياره وكل وحده راحت بيتها في الشركه الساعه 1 في مكتب بو محمد محمد كان قاعد مع ابووه بالمكتب ودار بينهم كلام اخذ نصف ساعه تقريبا بو محمد : ها يا ولدي اعتمد عليك اليوم ؟ محمد : اي ريح بالك انا اليوم باليل بروووح المطار ولا يهمك بو محمد : والله كان ودي ارووح بس شايفني تعبان والمفرووض ما اجي الشركه بس في كم ورقه لازم اوقعهم محمد : سلامتك يبه وانا اسف على كل الي صار بو محمد : سامحتك يا ولدي محمد : انا طالع عندي كم شغله توصي شي؟ بو محمد : انتبه على حالك طلع محمد من مكتب ابوووه وركب السياره قعد في السياره فتره يفكر بينه وبين نفسه معقووووله ؟ معقوووله ابوي يسوي كذا ؟ كل هاذي السنوات واحنى ما حسينا ولا حتى شكينا ابتسم وقال في نفسه والله غريبه هاذي الدنيا في بيت بو خالد كانت معاهم رغد راجعه مع سلوى من الكليه ريم دخلت غرفتها ورمت اغراضها على السرير وفصخت عباتها وبدلت المريووول ولبست هدووم بيت تيشرت احمر وبنطلوون ابيض فكت شعرها ورمت نفسها على السرير آآآآه متى نفتك من القرف الي احنى فيه تذكرت ان جولها امس دق دقة الرسايل خذت جولها ورجعت على السرير وفتحت الرساله في غرفة سلوى سلوى : رغووود اقووول لك تعالي الحين يعني الحين ابيك بسالفه رغد : قلت لك ما اقدر فيصل طالع وفهد نايم اصبري للمغرب واجيك سلوى: صج والله ؟ رغد: انا قلت لك افكر سلوى: لالالا تكفين قولي اي اكيد رغد: شفيك مستعجله ؟ سلوى: لا ما فيني شي بس حرام تظيعين شي زي كذا رغد: والي شجعني احسه حزين هاذي الأيام شكله يحتاج شي يفرحه سلوى: ايووووووه ..... طيب متى عيد ميلاده؟ رغد : يووم الأربعاء الجاي سلوى : يمدينا الوقت نجهز رغد : اي صح بس انا ما بعد أأكد سلوى : اكدي وانا بساعدك....... وين تبغين تسوينها رغد : تسلمين .... عندنا بالبيت سلوى : ولو ما سوينا شي وفيصل مثل اخوي رغد : تتوقعين الأولاد يحبووون المفجأت ؟ سلوى : طقاق الي يطقهم حبوها ولا ما حبوها بكيفهم اهم شي احنى نستانس رغد : هههههههههههه احس فشله اذا اختربت المفاجئه سلوووى: ههههه لا ان شالله ما تخترب دق جوال سلوى على نغمة الرسايل وفتحت الرساله كان مكتوووب فيها ** تدري من عشقي لشوفك ماتفارقني طيوفك صرت اناظر في المرايا ما ارى نفسي واشوفك ** المرسل: may heart ابتسمت وردت عليه برساله رغد : هيه انتي صار لي ساعه اكلمك وانتي ما تردين ؟ سلوى في عالم ثاني : هممممممم شتبغين؟ رغد: من مين الرساله ؟ سلوى: من مين يعني ؟ رغد تطالعها بنص عين : اييييييي خلاص عرفت عرفت ما يحتاج تقولين سلوىتبي تغير الموضوع لأنها تدري رغد لازم تعلق وتذكرت السالفه الي قالها فارس : امممممم رغد رغد : هلا سلوى: عندي سؤال رغد : شنوووو؟ سلوى: انتي تحبين؟ رغد انصدمت وارتبكت : ها ؟ شنوو؟ سلوى: شفيك خفتي ؟ رغد : ما خفت بس انصدمت سلوى: يعني تحبين .... طيب مين تحبين ؟ يلا قولي بسرعه <<< تحمست ما ابي اكذب عليك يا سلوى بس ما اقدر اقووول لك اني احب اخوووك ما اقدر : ها ؟ انا لا ما احب احد سلوى تحاول تستدرجها وتطلعها بنص عين : علينا ؟ مو انا سلوى الي تخبين علي ... يلا قولي رغد استحت وقامت من السرير وراحت عند المرايه : انا احب ........ بس سلوى: بس شنووووو رغد تعدل شعرها بالمرايها: اممممممم لالا خلاص انسي انسي سلوى حست الموضوع فيه شي قامت من السرير وقربت عند رغد : رغد شفيك ؟ رغد نزلت راسها واخذت نفس عميق وقالت لها كل القصه في غرفة ريم قرت الرساله وحست دقات قلبها تزيد وقعدت تفكر معقوووووله يا ريم صرتي تحبين فيصل لالالالا مستحيل احبه بس هو يحبني ويمووووت فيني بس انا مستحيل احب واحد مثله بس ليش انا اكرهه ؟؟ وهو ما سوى لي شي اساسا بس انا خبله كبرت الموضوع انا ايش الي ما يخلني احبه مبين عليه انه رمونسي ويكفي انه حلووووو وكل وحده بمكاني تتمناه والله وطحتي في الحب يا ريم هههههه شكلي بطيح بالحب الله يستر من الي جاي الحب شي كبير مو بس كلمة حب يعني خلاص حبيت شي كبير في تغيير في حياتي بس انا توني صغيره على الحب حست ان الي تفكر فيه غلط لالالالا شيلي الأفكار هاذي من راسك يا ريم قامت واخذت جوالها وراحت عند غرفة سلوى دخلت من غير ما تدق الباب وشافت رغد وسلوى على السرير وكل وحده حالتها حاله سلوى : ريم اطلعي اشوي ريم بأستغراب : شفيكم شصاير ؟ كأن احد ميت عليكم ؟ سلوى : مالك دخل اطلعي واذا خلصنا قلنا لك تعالي بنقوول لك شي طلعت ريم وتركتهم رغد : امانه سلوى ما تقولين لأحد عن الي قلت لك اياه سلوى: لا اوعدك محد يدري غيري انا وفارس مرت عليهم فترة صمت سلوى: بس انا ابي اعرف انتي كنتي ترفظين الخطاب بسبة فارس؟ رغد : اي سلوى: ما تدرين قد ايش بيفرح فارس لما اقوووول له انحرجت رغد حبت تغير الموضوع : وين ريم تبي تجي تقعد معنا مسكينه لحالها ...........اي صح ما قلت لك سلوى: شنوووو رغد : مو صح في الشاليه انتوا تركتوا ريم ترجع معنا سلوى: اي رغد: فيصل قال لنا انه يحب ريم وريم كانت معنا في السياره وقامت تصيح سلوى: ههههههه مسكينه اختي بسرعه تصيح اي شي يخليها تصيح رغد : بس انتي ما شفتي شكلها مسكينه تكسر الخاطر سلوى: تدرين ... انا كنت شاكه ان فيصل يحب ريم بس شلت الفكره من راسي رغد : انا ولا حتى شكيت بصراحه تفاجئت لمى عرفت بس ما حبيت ابين لريم الي فيها كافيها سويت ان الموضوع عادي سلوى: بتشوفينهم اليوم يحبوون بعض وبكرى يكرهون بعض هذا اسمه حب مراهقه يومين وبيملوون بعدين رغد : لا ان شالله دوووم مو يووم احس صالحين لبعض ومو كل الناس زي ما تقولين والي عرفته ان ريم ما تحب فيصل اخوي واخوي هو الي يحبها مسكين حب من طرف واحد سلوى وهي بتقووم : هههههههه فاتني شكلهم وهم في السياره احس وناسه .........انا بروووح انادي ريم وبجي رغد: اوكي رجعت سلوى ومعها ريم ريم بأهتمام : شفيكم مم اشوي حزينين ؟؟ سلوى: ابد سلامتك بس كانت تقووول لي قصة وحده مع ولد عمها الي يحبها وهي ما تحبه ريم : شكت بالموضوع : شننووو علموني اياها رغد : حزينه ما انصحك تسمعينها ريم : تحمست لالا قول لي سلوى: وحده اخوها تركها في الشاليه ورجعت مع عيال عمها وولد عمها قال لأخوانه انه يحبها ......... ريم قاطعتها : بس بس خلاص ........ والتفتت لرغد : يا الدووبه ليش تعلمينها ؟ رغد: عادي ما فيها شي هاذي اختك ريم زعلت وجات بتطلع من الغرفه خليك قويه يا ريم لا تخلين موضوع زي كذا يظيق خلقك لمتى بتظلين مثل الصغار على اتفه شي تزعلين متى بتكبرين اخذت نفس عميق والتفتت لهم بأبتسامه شاقه الوجه ورجعت اقعدت : ايييييييي سلوى ما قلت لك سلوى ضحك على شكل ريم الي تغير بسرعه : وشوووو<<كاتمه الضحكه ريم : تذكرين السياره الي اقووول لك عنها سلوى تذكر: اييي الموستنق ريم : اي هاذي شفنا صاحبها اليووووم سلوى بحماس: اكيد حلوووو ريم تتحسف: يا ليت طلع واحد متين واسمررررر ومو كشخه والسياره ابد ما تصلح له سلوى : ههههههههههه يا حسره على الأيام الي فاتت رغد : شقاعدين تقولون كأني اطرش بالزفه قولوا لي وعلموها ريم وسلوى السالفه ** في بيت بو محمد 6 المغرب رزان كانت قاعده على النت وكان جنبها سيف ولد محمد عطته دفتر يرسم فيه علشان ما يزعجها سيف: رزان رزان : قووول عمه رزان لو سمحت انا كبيره لازم تقوول عمه رزان سيف ما يدري شنو السالفه : طيب عمه رزان رزان بأبتسامه : نعم سيف: انتي تبين تروحين فووق عند ربي ؟ معاي رزان مستغربه : ليش؟ سيف: ماما هناك انا ابي ارووح رزان : وينها ماما مو في البيت؟ سيف: لااااااا احنى جينا هنا علشان ماما راحت فوووق عند ربي وما في احد يسوي لنا غدا رزان احظنت سيف : يا حبيبي مسكين فقدت امك وانت صغير سيف يحاول يبعدها: وخري عني ضيق ضيق بمووووت آه ه ه وخري رزان ابتسمت : حبيبي خلاص ولا تزعل قامت وجابت جالكسي من الدرج رزان : خذ هاذي تحبها ؟ سيف: اييييي احبها واجد وانا احبش انتي وااااااااااااااااااااجد لأن انتي زي ماما تعطيني حلاوه رزان حبت تسولف معاه : انت عندك اصدقاء ؟ سيف يحاول يفتح الجالكسي: لا ما عندي رزان: ليش؟ سيف : ما ادري ظلت رزان تسووولف مع سيف الى ما تعب وناام ** الساعه 12 باليل محمد يكلم خالد بالتلفوون خالد منصدم : ما اصدق محمد : لا صدق حتى انا كنت مو مصدق بس هذا الي صار خالد: طيب متى بترووح المطار ؟ محمد : الحين بروووح تجي معاااي؟ خالد : اوكي مو مشكله مر محمد على خالد وراحوا للمطار انتشر خبر زواج محمد وان زوجته ماتت وهي تولد حزنوا على حال محمد ومعناته بس في نفس الوقت افرحوا له علشان قدروا يشوفون عياله مها تكلم رغد بالتلفوون مها : سمعتي اخر خبر رغد: اي سمعت مسكين محمد ولد عمي مها : ايي مره ومسكينهة بنته شنو اسمها اي صح اسمها شهد رغد: اي مرره مسكينه ما شافت امها وعلى فكرها اسمها حلو صح ؟ مها : اي حلو رغد: انا تعبت ابي ارووح انام يلا اكلمك بكرى باي مها : بااااي في المطار محمد وخالد ينتظروون الركااااب ينزلووون من الطياره خالد : محمد شنوووو شعووورك؟ محمد: والله ما ادري للحين ماني مصدق خالد : شخبار سيف وشهد؟ محمد : الحمد لله سيف متأقلم مع الوضع طلعوا كل الركابمن الطياره تقريبا واغلبهم راحوا وما بقى الا ناس قليل خالد : الا حمووود الحين كيف بنعرفها ؟ محمد : اي صح ذكرتني الحين ادق عليها واشووف اهي وين خالد : طيب دق من قبل توك تدق الحين محمد : لو انا داق من قبل لقيت جوالها مغلق خالد : دق دق خلصنا تراني تحمست اشوووفها <<يمزح محمد : اقووول ..... الي يشوفك يقوول خطيبها طلع جواله ودق عليها .....: الووو محمد : السلم عليكم ....: وعليكم السلام انت محمد؟ محمد: اي وينك انتي احنا واقفين قدام البوابه الي طلعتي منها نستناك .....: اوكي خلاص شفتك انتوا اثنين صح؟ محمد : اي واشر بيده .....: انت الي تأشر بيدك ؟ محمد: اييييي احنا احنا ......: اوكي الحين جايه سكر محمد الخط والتفت لخالد محمد: خالد ...... خلووود خالد ما يرد محمد : خالد شفيك؟ خالد يأشر له يسكت <<كان يطالع البنت الي جايه لهم محمد : التفت وشاف البنت الي جايه خالد : الحين هاذي اختك ؟ محمد : اي اختي تصدق مررررررره حلووه طالعه علي احم احم خالد بينه وبين نفسه معقوووووله ؟ مو مصدق انا بحلم ولا بعلم؟ !!!!!!!!! محمد : خالد شفيك ؟ ملامح وجهك متغيره 180 درجه شفيك؟ قربت البنت من ناحيتهم بعد فتره وقفت مصدووووووومه بمكانها : انت!!!!!!!!! ؟؟؟؟؟؟؟؟؟؟؟؟؟ شنو توقعاتكم للبارت ؟ والبنت اكيد عرفتوها ريم تتوقعون اقنعت نفسها انها تحب فيصل شنو بيسوي فارس لما يعرف برد رغد وسلوى والوليد ؟؟؟ فراشة الوادي
 |
|
#67
04-11-2007, 10:00 PM
| |||||
| |||||
 رد : تعب قلبي <سعوديه>
انشاء الله بس خليني اقراها وارد لك بس بلييز حطي الاجزاء الباقية
|
|
#69
04-13-2007, 07:55 PM
| |||||
| |||||
| رد : تعب قلبي <سعوديه>
فراشة الوادي ترا ها بدات ادوخ من القصة كل شوي تطلع وحدة الحين مو محمد عندة رزان و فاطمة بس على العموم كمليها بليييييييييييييييييييز |
|
#70
04-13-2007, 11:39 PM
| |||||
| |||||
| رد : تعب قلبي <سعوديه>
:030104_emM7_prv: :030104_emM7_prv: :030104_emM7_prv: مشكوررره ياقلبي علي القصه علي فكرا ترا انا جديده ع المنتدي بس اعجبتني قصتك وياليت تكملينها ابي اعرف ردة فعل فارس اكييد بيطير من الفرحه ويسحب علي نادين الشينه >>>>> حاقده عليها |
 | سياسة الخصوصية |  |
النمط المتتابع
