يشهد جداره من حنيني بكيته = ودي أضم جدار بيته وأنا ابكيه

[عبدالناصر العالي]

السلام عليكم ورحمة الله وبركاته ..

مساء الخير والأحساس والطيبه ....

الغالي اللي كل ماجيت بيته = أتخيله من قبل يرحل ويخليه
أجيه وأدري لو أجي مالقيته = لكن كذا أرتاح لاجيت ماضيه
والله لا اموت وغايتي مانسيته = حتى بصلاتي اطلب الله يهنيه
الحاره اللى تفتخر في مبيته = نامت كما طفلٍ فقد حضن اهاليه
حتى فغيابه للشوارع شكيته = قالت تصدق عاد مثلك انا اغليه
يشهد جداره من حنيني بكيته = ودي أضم جدار بيته وأنا ابكيه
ياما بصدق أحساس قلبي عطيته = وياما خذاني من التعب بين اياديه
أذكر في ذاك اليوم مره لقيته = يبكي وضايق يافهد من لياليه
جيته بدون شعور لهفه خذيته = وساعه أنا وياه جالس اواسيه
وشرد خيالي من دموعه نسيته = جالس أفكر في دموعه وناسيه
أثره يناظر دمعتي مارأيته = قام وسألني ليش تبكي وأنا فيه
مسح دموعي يافهد واحتويته = مثل الغريب اللى تضمه غواليه
واليوم انا والدمع وجدار بيته = نسترجع الذكرى قبل لا يخليه

[شقى الايااام]

عبدالناصر العالي

اجيه اودري لو اجي مالقييييييته===الكن كذا ارتاح لاجيت ماضيه

الله الله علييك
صح الله السسسسسسسسانك ولاهنت يالطيب ابدعت بماتعني الكلمة الحقيقة

لو كان في نفس لوقت قلبت المواجع في هالقصيده

تقبل مني ارق وطيب اتحايا.خوك شقى الاياااام

[بــنــدر ســعــد]

عبدالناصر
صح الله لسانك مليون ولايسدون على هذه الشااامخه
مبدع ماشاالله عليك
سجل اعجابي
ننتظر جديدك
ارق تحيه
غشاااااااااااااام

[الفراشة الناعمة..]

يسلموووووووو أخي على الكلمات العذبة والرائعة

[سارة وبس]

وشرد خيالي من دموعه نسيتـهجالس أفكر في دموعه وناسيـه
أثـره يناظـر دمعتـي مارأيتـهقام وسألني ليش تبكي وأنا فيـه

ماشاء الله عليك ياعبدالناصر مبدع مبدع مبدع .. قصيدتك رائعه ومحتويه معاني واحاسيس رائعه ..

قواك الله وتقبل مروري ..