شتات بليلـةٍ يفـرح عتبهـا غايـة التنهيـد=تساما بالسعد في محجر النونيـن ورموشـي
تضم من الحلا عمرٍ رضا به والسنين تزيـد=تلبس للمدى برقع حنـان وروعـة الفوشـي
تحرك داخلي بهجة بهائـه وابيـض التجديـد=تعلت قبل ثم بعد المشاف بشامـخ عروشـي
تلعثم كل ابوه الواجـد اللـي صابـه التبديـد=يرف من البطينين الجناح وغـاب منعوشـي
تهادى للظلام اللي مشـاه الخايـف الرعديـد=سرى ما فارق ارماشت سناه وخافقه يوشـي
عسى عين الضرير اللي مفتح ما يجيه العيـد=مدامه ما عرف يقنا شروداً زاهـي نقوشـي
لك الله هو عشاي وردتـي للريـق بالتهديـد=نشفت من الضمى له والوله ما احسب قروشي
قربت من المسافة وابتعـدت وجادلـي الجيـد=خذا كل المشاعر من حلاله صمت وبشوشـي
سلبني غصب احبه يا خفوقي لو تبيـد البيـد=وش اكره دامني نفسه معه ما احس بغبوشـي
كلامه مر لا تقطع رجـاي ويكبـر التشريـد=ترى مالي هدب قلبٍ يداري شـي مغشوشـي
شتات ولملمه كلـه شتـات بنظـرة التسديـد=سحر مخلوط في وردة وانا بالورد مرشوشي
وضوح وصادق وطيب جميل وصوته التغريد=غلاه اظن لي سيـد هوايـه فيـه مربوشـي
قصيده للشاعر : عبد الكريم الطيَار
02-20-2007, 03:46 AM
روعة الفوشي ... 
رد : روعة الفوشي ... 
العرض العادي
