عسى بفستانها اشواكـ وفي ثوبهـ عقارب سود..!!!

[اطيب بنوته]

السلام اهلين حباايبي

هذي قصيدة واحد

يشكي لخويه

رهيبه حييل

اتمنى تعجبكمــ

بسمـ اللهـ الرحمنـ الرحيمـ


ثلاث سنين انا اخطط لهذا اليوم يا ابو سعود

تيسر حالي وجاهز اوفي وعدي بوقتهـ

وفجاه جتني تتعذر تقول تاخرت الوعود

وانا مستغرب واسمــع كاني وعدته خنتهـ

حسبت انها تمازحني وتتصنع جفا وصدود

ضحكت بوجهها من قلب مع انها بايخه النكتهـ

وقالت ارظى با الواقع قلبي ماهو المعهود

تغير كل شي صوبك نصيبي ما اظن انتهـ

كنت بيوم محبووبي ولكن ما اظن نعود

وصل من قبل ماتوصل وانا ذاك الصبر عفتهـ

ولكن تكفى صدقني ويشهد ربي المعبود

انا ماخنتكـ بغفله ولاكلمته وشفته صرااحهـ

اهلي قالوا لي بانه ولد اصل وجود

وجاتني امه با الصوره وبكلماات المدح اختهـ

سكت وقلت هي فرصه مادام الجود فاالموجود

وقالوا كل من حولي علامات الرظى سكتهـ

وانا فكرت دام امه واخته ماعليهم زود

اكيد اني براظيهم اذا وافقت واخترتهـ

واراظي اهلي واخواني مادام ان الفرح مقصود

عطيت الناس انا كلمه ومعاهم وقتي حددتـهـ

ولااقدر اغيرها ترى عند العرب منبوذ

اوافق واعتذر باكر واقول الراي غيرتهـ

تبي تشرع لي المنقود تصدق عاد يا ابو سعود

تبيني اقتنع واراظى بحال عمري ماعشتهـ

انا ماني بقايلها عسى يفرش ثراها ورود

بعد ماحطمت قلبي وطعم الموت جربتهـ

عسى بفستانها اشواكـ وفي ثوابهـ عقارب سود

ونار تحرق الكوشـهـ وتحرق بيتهم حتى

وموت بليلة الدخله يبرد حرتي ياكوود

ولا احس انها بحضنه يلامس خد لامستهـ

علي اهون اذا ماتوا ولا بنفس السريررقود

وصعب علي اتخيل اللي ماتخيلتهـ

عسى قاع الثرا يقسى ويتحول صخر جلمود

وحفار القبر يرفض يسوي فوق مقدرتهـ

ترى دفنة عديم الذاات تلوع حتى شبد الدود

ومن خان العهوود وماات تعافهـ حتى مقبرتهـ

عسى ربي يجازيهم بحبل من مسد ممدود

يعلقهم من اطرافه وفوقه نار وتحتهـ

انا ماني حقود وشين ولاني من نسل منبوذ

ومن حط نفسه بوضعي بيقول اللي انا قلته

مادام الفعل له ردة فعل والله ابشري بردود

بدعي دامني حي وبغرس للدعاء نبتهـ

وبسقيها نزيف القلب ودمع مارحم الخدود

وتكبروالثمر ثاري من اللي خانني وصنته

انا نذر علي اكتب وافجر ها القصيد رعود

واسمع كل بشر صوتي عجبته ولا زعلتهـ

واردد للي يسمعني اذا حبيت حط حدوود

انا حبيت دون حدود شوف اللي تكبدته

ثلاث سنين انا ابني وجات صوره بكل برود

وخذت مني شقا عمري وحلم قلت حققته

ثلاث سنين انا اخطط لهذا اليوم يا ابو سعود

وتوافق من كلام اخته وصوره اربعه في سته


وســــــــــ يا الغالين ــــــــــلامتكمـ..

[m.o.0.o.n]

أنا اسمعت هالقصيدة بالصوت والحين قرأتها

صرااااحة روووووووووووعة القصيدة

وما بقول غير حسبي اللـه ونعم الوكيل

مشكوووورة أطيب بنوتة على الموضوع الرووووعة

[اطيب بنوته]

تسلمين حبيبتي على المررور


الاكثر من رااائع

والقصيده هذي انا منزلتها من الجوال

العفو عنووووووووووووني

سلمتي ولاهنتي..

[عطر الريف]

احلا بنوته
مشكوره على روعة النقل

واتمنى ان تكتبي اي قصيده منقوله بقسم همس القوافي المنقول

ويكتب تحتها منقول

والا اضطريت لحذف الموضوع

واكون لك شاكرا على تعاونك

ويا هلا فيك

[اطيب بنوته]

تسلم يا الغاالي ع مروركـ

اللي نور الصفحه وعطررهآآآآ

ومن عيوووني

وسوري يا الغلا

سوي اللي يريح ضميرركــ