بهديك طعنه .. مـن بقايـا طعونـك ........!!

[ضماير]

جيت بأنسى واتراجـع واسامحـك
صاحن جروحي واشتكن لي طعونـك

كلك خيانه قول .. وشلـون بأمنحـك
وش موقفك من شخص دايم يخونك !!

اكبر خطا.. لو جيت يمـك اصالحـك
اول تحـوّل .. لاتـغـرّك لحـونـك

اللي تقوله صح .. لو كنـت جارحـك
(مير) انت غارق للاسف في ظنونـك

وصفك نسيته بس .. باقي ملامحـك
بأنهيـك وانهـي بالنهايـه جنـونـك

ماتستحـق امـد (كفـي) واصافحـك
مثلك غلط عمري وبأحيـا .. بدونـك

لعبـت دورك شاهـداتٍ مسـارحـك
خدعتنـي واظهـرت خافـي فنونـك

كنت اعتقد .. قلبي هو ابرز مطامحك
اللي يبيـع النـاس لأجل يصونـك

تعبت اسوق الشوق يمك واصارحـك
اخلصت لك بالحب .. شوفت عيونـك

لكن خسارة صرت غايـة مصالحـك
ياليتنـي ماجيـت .. لحظـه بكونـك

بالامس كنت بنشوة الحب .. امازحك
اخيـل برقـك واتحـرى امـزونـك

واليوم من صفحة حياتي .. بأمسحـك
هدّيت صرحـك ثـم طاحـت ركونـك

ولا أبي عيوني لـو تصـورت تلمحـك
اعلنت موتك .. وانسجن لي كفونـك

وان جيت تطلب .. ترتجيني اسامحك
بأهديك طعنه .. مـن بقايـا طعونـك

[غدير المشاعر]

بصراحه ضماير حبيبتي أبدعتي
في كلامك ومن الواضح فيه
أنك مجــــــــــــروح وكلماتك طالعه من القلب
وقمك جدا جدا مبدع
نتمنى نشوف المزيد والمزيد
تحيـــــــــــــــــــاتي

[عطر الريف]

ضماير


صح لسانك وسلمت بنانك



ابيات رائعه كروعة شضخصك



تقبلي ودي ووردي



اخوك عطر الريف

[هدوووء الشتاء]

ضماير..

صح لسانك مليووون

لاخلا ولا عدم يارب

وتقبلي مروري

هدوووء الشتاء

[شقى الايااام]

صح الله لسانك ضماير ابدعت ياغلا
تحياتي