عـودة للخلف   منتديات تعب قلبي > منتديات تعب قلبي للقصص والروايات > روايات تعب قلبي

إضافة رد
 
أدوات الموضوع
قديم(ـة) 30-10-10, 10:25 PM   #1
|[ عـضـو مــاسـي ]|

 
صورة في القوافي الرمزية
 
الدولة: المملكة العربية السعودية
جديد رواية اللقيطه لـ (جميله البلوي)


رواية جميلة البلوي
الجزء الأول *
ـ ـ ــ ـ ـ ـ ـ ـ ـ ـ ـ
بسم الله الرحمن الرحيم
انا احد المتابعات لقناة بداية منذوال٥سنوات اسأل الله ان يوفق القائمين والعاملين فيها وكل من اعان ع نجاح هذه القناه ودعمها اسأله جل وعلى ان يكتب لهم الاجر والثواب وان يجمعنا واياكم في منابر منور في جنات النعيم اللهم أمين
وفالحقيقه شدني موضوع اللقيط احببت ان اشارك في قصه ليست من وحي الخيال بل واقع تعايشته معهم فأناكنت موظفه في جمعيةالايتام لأرغب فالاطاله فالمقدمه دعوني اسرد حكايتي معهم
بحـور
(الجزاء الأول)
اسندت راسي ع الشباك وجلست ابكي بصمت هذا رابع مره اروح للخدمه ولا احصل وظيفه آآآه يارب ياربي تعبت لين متى اظل كذا لاشغل ولامشغله صارلي اربع اسنين قاعده بالبيت اربع اسنين وانا الف لف شركات التجميل لوبنسبه بسيطه راضية اهم شي اشتغل واساعد ابوي بمصروف البيت لفيت للجهه اليسرى اناظر في ابوي يسوق وباله مشغول عارفه يبه انك شايل همنا وتفكر بمستقبلنا تبينا نتوظف ونعتمد ع انفسنا آآخ يايبه تهون يبه تهون الحمدلله احنا احسن من غيرنا
بحور:يبه
ابوي:هلا
بحور:يبه لاتتضايق كل شي قسمه ونصيب ((وعسى أن تكرهو شيئا"وهو خيرا" لكم)) خيره يبه خيره
ابوي:الحمدلله يابنتي الحمدلله
وصلنا البيت نزلني ابوي وراح دخلت وحصلت امي جالسه تقرا القرأن حبيتها ع راسها وسألتني
امي:هاه يابنتي بشري
بحور: لاوالله ماجاني نصيبي للأن
امي:الله يررقكي يابنتي
بحور:ياالله يمه بقوم اخذ دش واجهز الغداء توصيني ع شي
امي:سلامتك يمه حطي مويا بالثلاجه خليهاتبرد جدك الحين تجي واكيد تجي عطشانه
بحور: حاظر يمه
خلصت شغلي و
دخلت غرفتي وجلست ابكي اناماحب ابكي قدام اهلي ابين لهم اني مبسوطه وقويه وراضيه ولا انا من داخلي هموم وهمومي تعبتني لالليلي لليل ولا نهاري نهار ومع كذا ايماني بالله كبير قطع تفكيري صوت جهازي (عنوده تتصل بك)
بحور:هلاعنوده
عنود:السلام عليكم ورحمةالله
بحور:وعليكم السلام حي الله عنوده كيفك عساك طيبه
عنود:الحمدلله بخيرنحمدالله ونشكره هاه طمني وش صارمعك
بحور: ماصار نصيب
عنود :لاحول ولاقوةالا بالله طيب بحور ليش ماتجي عندي بالجمعية
بحور:اي جمعية!
عنود:جمعية*****حقت الايتام اناسمعت انهم يبون وظيفه وحده من الموظفات اتزوجت ويبغو وحده بمكانها
(بصراحه فرحت حسيت بفرح كانهم قايلين خلص وضفناكي الحمدلله يارب يارب وفقني لماتحبه وترضى يارب انتى ادرى بحالي اكتب لي الخيرفيها)
عنود:أألووو ألووووه بحور وين رحتي
بحور:هلاعنود معاكي سرحت شوي طيب كيف اقدم وايش اسوي وايش طبيعةالشغل
عنود:عادي تعالي بكره الصباح وقدمي ملفك قولي ابغا اي شغله انا دارسه وفاهمه حطوني ادرس الاطفال انتبهي لايحطوك حاظنه صعبه تبديل وترويش ومسؤليه شوي
بحور: يابنت الحلال راضيه بأي شي انشاء الله يقبلوني عاد
عنود:انشاء الله تستاهلي كل خير
بحور:تسلمي عنوده ربي يوفقك انشاء الله
عنود:امين يارب ياالله استأذنك بروح اجهز شي لبنتي فاتن قبل تجي
بحور:الله يخليهالكي ويحفظها
عنود:أمين يارب لاتنسي بحور بكره الصباح تعالي وقدمي
بحور:بأذن الله
عنود:في امان الله
بحور:في امان الله
قفلت منها ونفسيتي مرتاحه حاسه اني راح القى وظيفه عندهم يارب يسرلي يارب
بحور:يووه الساعه١٢بروح اجهزنفسي لصلاه
صليت واتغديت وبعدالغدا جلست اسولف مع اهلي
بحور:محمد
محمد:هلا
بحور:بكره الصباح فاضي ابغاك توديني الجمعية
محمد:اي جمعية
بحور:جمعية******حقت الايتام
عمر:وش عندك فيها
بحور:بنت جارنا قالت فيه وظيفه هناك وابغا اروح اقدم يمكن ربي يكتب لي الخيرفيها
امي:انشاء الله يابنتي ودهاياعمر الصبح معك
عمر:بكره الصباح الساعه تسع القاكي جاهزه انتي وسديم
سديم:ياي وناسه اتوظف انا وانتي مع بعض
بحور:الله وكبر لاتصيرين طماعه حنا نقدم واذا قبلوناخير وبركه
عمر :اهم شي تجهزو بدري
==
في الصباح فتحت عيوني ع صوت امي
امي:بحور سديم قومو ياالله الساعه ٨ قومن تجهزن قومن
مادري كيف نمت من البارح وانا واختي نسولف عن الجمعية سديم سألتني اسأله كثيره يعني بنشوف ايتام
ندرسهم
طب اذا رحنا كيف نتكلم مع الاداره وش نقول لهم
بصراحه سكتها فكم جواب وانا قعدت افكربكلامهالين مانمت
سديم:بحور بحور
بحور: نعم
سديم:قومي عمر صاحي يقول لوتتأخرو دقيقه بيطنشنا ويروح
بحور: لالا خلص بقوم البس واتجهز
سديم :بسرعه
ربع ساعه وخلصت لبس وجهزنا انفسنا اناوسديم وطلعنا مع اخوي للجمعية طول الطريق وانا ادعي الله القى ضالتي عندهم وقفنا ونزلنا رفعت راسي اشوف الجمعية قعدت اطالع المبنى عماره عاديه مثل اغلب العمايربس فرقهاعنهم الافته الي عليها جمعية******الخيرية لفت انتباهي حريم كبار بالسن طلعن وهن شايلات كراتين اعتقد موئن غذائيه معناته اسر محتاجه ولفت نظري اطفال معهم يمكن هذول الايتام مساكين اكيد ابوهم ميت والام تجي هنا لجل تأمن لهم اكلهم((هذا كان تفكيري عن الجمعية))
سديم:يحول بحور ياهوه وين سرحانةانزلي خلصينا
بحور: هاه لاقاعده اشوف الحريم الي قدام
عمر:بحور انا انتظركم هنا اذا خلصتو اطلعو لاتتأخرو ساعتين بالكثيرواطلعو
بحور:خلص
مشيت ودخلنا المبنى ممرضيق بعدها المكاتب سألت الاداره
بحور:لوسمحتي فين مكتب المديره
الموظفة:قدامك ع طول بس هي مشغوله الأن خمس دقايق وبتجي اتفظلي اجلسي
جلسنا مدت فنجان قهوه
انا اخذت فنجان بس سديم امتنعت(تستحي)
ابتسمت لسديم اطمنها شايفه ربكتها وخوفها
جت المديره ودخلنا عليها الثنتين انا وسديم
السلام عليكم
المديره:وعليكم السلام هلاحياكم تفظلو
بحور:الله يزيد فظلك أحم
انابحور خريجه دبلوم مهني تخصص تغدية بصراحه اناسمعت ان فيه وظيفه عندكم وجايةاقدم فيها وانا والحمدلله متعلمه وفاهمه وغير كذا اعرف اتعامل مع الاطفال واعرف اجذبهم واخليهم يشاركوني ويفظفظوالي بداخلهم غير كذا بفضل الله وحده احب اتعامل معهم بأساليب جديده وطرق ووسائل انا انفذها
المديره:على عيني وع راسي بس بحور كثيرمن الاخوات جو وقدمو وقالو نفس كلامك نحطهم اسبوع اختبار من ثالث يوم ينسحبوغير كذا الدوام شفتات شفت الصباح يكون من الساعه السابعه صباحا" حتى الساعه الثانيةظهرا"
شفت المساء من الساعه الثانيةظهرا"حتى الساعه التاسعه مساء"
بحور:عادي يااختي شوفي انا بكون صريحه معك اناهدفي الاول ابي وظيفه اعتمد ع نفسي فيها وبنفس الوقت جاية ادور الاجر فيهم يعني موخسرانه شي
المديره:مااختلفنا بس حاليا"مافي وظايف لأن الوظيفه الي كانت متوفره وحده توهاقدمت والان هي بفترةاختبار
بحور:خيره يااختي الحمدلله على كل حال
طيب اختي ممكن تشرحين وضع الجمعية ابعرف ايش تقدم ايش دوركم
المديره:هنا دار للأيتام بالاضافه الى دار الحماية وغير كذا ندعم ونقدم موئن للاسرالمحتاجه
بحور:طيب ايش دورالحاضنات هنا
المديره:الحاضنه تقوم بدور الام وترا يابحور الاطفال هنا اي احد يجيهم ينادوه يمه
بحور:ياحياتي كم طفل هنا
المديره:15 طفل
بحور:اولاد وبنات
المديره :اي نعم 12 ولد و3بنات
بحور:ياقلبي الله يخليهم اقدر اشوفهم
المديره:اكيد بس حاليا"مافيه الا الصغار الكبارفالمدارس طلاب الروضه ع 11ونص يكونو موجودين تحبي تطلعي معي تشوفي
بحور:ياليت والله
طلعناالدور العلوي وشفت بنات اعتقد هن الحاضنات كلهن سعوديات سلمت عليهن كان عندهن اطفال رضع احسبهم اطفالهن مادققت بالوضع وقفنا قدام غرفه مكتوب عليها النشاط فتحتها المديره كان داخلها طفلين سمر مع مدرستهم اعمارهم متقاربه أعطيهم 5سنوات
الاطفال من شافو المديره نطو من طاولاتهم وجري عليها وقعدت تبوسهم وتكلمهم
المديره: هاه صلاح وفهودي كيفكم اليوم طيبين
صلاح: ايه
فهود :يمه تعالي شوفي رسمتي شوفي طالعي رسمت شمس وبيت
صلاح:حتى انايمه
المديره:الله تجنن حلوه مره وقعدوالأثنين يناظرو فبعض ومبتسمين
وبعدها قالت تعالو سلمو ع ضيوفنا
لفو ورى وشافوني عندالباب وجري لعندي وقعدو يضموني كأنهم يعرفوني من زمان وانامستسلمه لهم
صلاح:يمه ابي حلاوه
كنت ابي ابكي ياعمري عليه اكيد فاقد امه الله يرحمها(هذا كان تفكيري عن الايتام الي هنا يافاقدالأب يافاقدالأم يافاقد الاثنين كلهن)
عادعلي الطفل كلمته
صلاح :يمه ابي حلاوه
فهود:وانابعد ابي مثله
بحور:ياحياتي انامامعي حلاوه
كشرو اثنيناتهم
بحور:هههههه ياقلبي وعدبكره أن شاء الله بجيب حلاوه وشبس وعصير خلاص شفت ابتسامة الرضاء
فهود:ايه جيبي ليز كبيره خلاص يمه
بحور:خلاص يمه حاضرمن عيوني بس بشرط تجلس مؤدب ومتزعل الابله منك خلاص
فهود:اناحبك يمه انتي قمر
بحور:هههه ياحبيبي انت وصلاح القمر
دق جوالي (عمر يتصل بك)حطيته صامت
وقفت ياالله انابروح بكره اجيكم خلاص
صلاح:خلاص
فهودي :مع السلامه يمه
بحور:مع السلامه
سلمنا ع المديره ونزلنا لاخوي ركبنا السياره
عمر:هاه بشرو
سديم:يو ياعمر يحزنون شفنااثنين ياعمري والله ماسكه نفسي لاصيح عمر تخيل يقولو لبحور يمه
عمر:لاحول ولاقوةالا بالله الله يكون بعونهم
بحور ليش ساكته
بحور:عمر الله يخليك بكره جيبني لهم اناوعدت الاطفال اجيب لهم حلاوه
عمر:انابكره مشغول خلي محمد يوديكم
بحور:خلص
وصلنا البيت وافق محمديودينا وبما اني مصفره ومامعي ولاقرش قعدت احكي لمي وابوي وجدتي عنهم الي عطاني20والي 10والي5حتى عيال اختي اخذت ريالاتهم هههه لايروح فكركم بعيداخذتهابرضاهم يعني حكيت لهم عن اطفال محتاجين وهم ع طول طلعو فلوس نجاحهم وجمعت مبلغ محترم والمغرب نزلت السوبرماركت واخذت معي عيال اختي عشان يختارو معنا واحسسهم بالعمل الي يسووه
خلصنا وتبقى مبلغ شلته اذا خلصت هذي الاغراض بعطي عمرولامحمديروح يشتري لهم
وفالليل نمت ع طول نمت وانافرحانه وانتظر بكره ع احر من الجمر ==================
في الصباح
بحور:سديم سديموه قومي تروحين معي ولاتجلسين
سديم:ايش
بحور:وجعيش
سديم:هاه
بحور:ياحووول وقربت من اذنها قوووومي تروحين معي للجمعية
سديم:وجع صحيني شوي شوي موكذا
بحور:لايالرقيقه قومي بس والله لوحراميةطابين البيت ومشلحينه وساحبين السرير الي تحتك ماتصحي
سديم:قومي بس بروح ابدل الاتعالي بحوراشوف النفسية تمام
بحور:اكيدتمام انتي عارفه كيف احب الاطفال فمابالك بطفال ايتام
سديم:ياالله اطلعي ببدل واطلع لك
لاتنسين العصير الي حاطته من البارح عشان يبرد
بحور:مانسيت ياالله دقايق وانزلي
اخذنا محمد ونزلنا الجمعية قلت له الساعه2تعال قال خلص وراح
ودخلت وسلمت ع الي بالاداره والمديره ودخلت الصاله
فيهاطاولت الطعام واطفال كثار يافطرو اولاد بنات غريبه ماشفتهم البارح
احم سلمت ع المراقبات ونطت بنت صغيره ونزلت لمستواها
عانقتني بقوه كنهاتقول لاتخليني
لامحت سديم متأثره وجت عندي وقبلتها وسألتهاوش اسمك وماردت بالعكس زادت بضمي
جت الحاضنه وقالت لها:
ذكرى تعالي افطري
وماردت واستمرت بضمي
بحور:ذكرى حبيبي
تبغيني افطرمعك
(هزت راسهابالموافقه)
ابتسمت للموظفه وقلت لها
بحور:بعد اذنك اقدر استحل مكانك دقايق بس ابتسمت
بسمه:اكيد تفضلي
مشيت وجلست فكرسيها ووجلست ذكرى بحضني وسمينا بالله وقعدت اأكلها
ورفعت راسي اتأمل الي حواليه
جنبي كنت بنوته عسل ملامحهاشرق اسياويه بصراحه وماتضحكو علي خفت اقول ايش اسمك وماتعرف عربي وانحرج ابتسمت لها وكئنهاتنتظر هالابتسامه عشان تكلمني جت لعندي وقالت:ياقمره ياحلوه ياعسله
(ههههه الحمدلله طلعت تعرف عربي ) حبيتها وقلت لها ماشاء الله ايش اسمك
قالت :ريم
بحور:حلو اسمك ياريومه افطرتي
ريم:ايوه
بحور :شاطره حبيتي قولي الحمدلله وغسلي واطلعي فوق الحين بطلع معاكم ونلعب
ريم:حاضرواشرت ع سديم هذي اختك
سديم:ههه صح كيف عرفتي ريم:تشبهون بعض
اشترت لسديم تاخذها وتطلع فوق معهاوتسولف معهاعبال مايفطرو البقية
طلعو فوق ورجعت اشجع ذكرى تفطر واطالع بالبقيه
ولد صغيراسمراني اعطيه3سنين فيه شي يجذب كل الناس له وابتسامته غير
سألت الحاضنه
بحور:ايش اسم الولدالي بحضنك
ام أحمد:نواف
بحور:يهبل بسم الله عليه
ام احمد:ايه كل الي هنايموتو عليه
قطع سواليفنا صوت جري لفيت ورى وشفت الثنائي فهودوصلاح
فهود:عرفتك عرفتك انتي يمه
امس جيتي صح
بحور:هههه صح يابطل
صلاح:صدق يمه جبتي حاجات كثيرات
بحور:ايه صدق من قال لك
صلاح:انا عرفت
فهود:لايمه اقولك من قال لنا
بحور:ايه قول
فهود:هذيك اختك الطويله
بحور:هههههه(وينك ياسديم تجي تسمعي)
بحور:اسمها سديم ياماما
صلاح:ههه اصلن انا اعرف اسمهاهي قالت لنا
فهود:ياالله يمه نبغا ناكل بسرعه
بحور:لحظه ماما اول شي افطرتو
صلاح:ايه احنا وفهدو اول شي خلصنا
بحور طيب اطلعو فوق وانابجي الأن
صلاح :لانبغا نجلس عندك
بحور:ذكرى ماما خلصتي
هزت راسها بأيه
ياالله ماما
الكل :ياالله
طلعنا وجلسنا فوق الاطفال نفسهم فهود وصلاح ونواف وريم وذكرى بحضني
عندي حب فضول اسأل
جت بسمه وجلست جنبي معها قهوه وتمر
وتجمعو الاطفال ع التمره حزنوني والله وجلست اعطيهم والبنات يوزعو عليهم
بحور:بسمه كم صارلك هنا
بسمه:اناجديده هذا اسبوع اختبار لي
بحور:الله يوفقك
بسمه:وانتي
بحور:اناماحصلت وظيفه بس جاية زياره
بسمه:باين عليكي حبيبه
بحور:تسلمي من طيب اصلك
انا احب الاطفال مره وعايلتنا اخرالعنقود سديم ع قولت فهود هذيك الطويله
بسمه:ههههههه حرام لايعقدها
بحور:احسن تستاهل خليني امسك عليهالقب
بسمه:هههه الله يخليكم لبعض
بحور:امين يارب اقول بسمه
بسمه:هلا
بحور:بسمه اناملاحظه ذكرى تمص ايدها وتقطع شعر راسها ليش
بسمه:لاحظت فيها الشي ذا بس ماسألت احد تعرفين توجديده وماعرف الا اسمائهم
بحور:مادري احس ذكرى تعاني من شي
بسمه:مسكينه الله يكون بعونها
بحور:الا صحيح المديره قالت فيه كبار موشايفه احدوينهم
بسمه:ايه فمدارسهم الحين بس هذول والنواني
بحور:نواني!!!فيه نواني
بسمه:ايه سعيد وطلال
بحور:وينهم ؟
بسمه:بالغرفه الي بالزاويه هذيك
بحور:اوكيه خوذي ذكرى وانابروح اخذ جوله تفقديه
بسمه:اوكيه
قمت ودقيت الباب ودخلت الغرفه اسره كثيره هذي الغرفه مخصصه لحد سن 4سنوات
بحور:السلام عليكم
ام احمد:هلاوالله حياكي
بحور:تسلمي اممم اسفه جيت استطلع وشوف النواني اقدر اشوفهم
ام احمد:اكيد شوفي هذا سعيد
اشرت ع طفل بالهزازاسمراني
عيونه فيهابريق ولمعه فديته قعدت ابوسه
ام احمد:وهذا فهدالصغير واشرت ع سرير فيه طفل منغولي
ياحياتي رحت له وقعدت ابوسه وامسح عليه
ام احمد :واخرواحدطلال 3شهور نايم الحين واشرت ع السريرالاخير
رحت اشوفه شفت ملاك نايم بسم الله عليه ربي يحفظه ويخليه لأهله (اكيدامه موظفه وحطته بالجمعيةوفالليل تجي تاخذه)===>هذا كان تفكيري
طلعت من عندهم قعدت عندالصغار( فهودوصلاح وناصر وصالح وريم )مسوين دائره وسديم عندهم وطايحين فيها
جت الساعه12جوطلاب المدارس فهد عزوز سطام علي واماني
عزوز و فهد7سنوات
سطام 8سنوات
علي 10سنوات
اماني بسن علي 10سنوات
قامو الحاضنات( الامهات)يحبوهم وياخذو شنطهم قمت انا وسديم سلمت عليهم كلهم وكسرت حاجزالخجل بيني وبينهم
وقعدت امازحهم ويضحكو
طبعن سديم سلمت ع الكل الا علي كانت مستحية لانهاشايفته كبير
المهم جلسنا وانبسطنا وتعرفنا ع بعض وبعدالغدا لعبناووزعنا العصيروالشبسات عليهم واستانسو مره وانابعداستانست
الساعه 2 وصل الباص وودعت الاطفال وانا لسى ماشبعت منهم نزلنا تحت وقبل مادق ع اخوي عمر
قالو البنات بحورالباص يودي مجانا"تعالو معانا
(بصراحه استانست هذي وسيله مواصلات ضمنتها يعني ماراح يمتنعو اهلي وازورهم يوميا")
دقيت ع اخوي واستأذنت منه وقال عادي اروح معهم
وخذت من البنات مواعيده يجي 6ونص الصباح لازم اكون جاهزه
ودعتهم ودخلت البيت وانا نفسيتي عال العال
سلمت ع امي وجدتي وكالعاده اسولف معهم عن الايتأم
وبعدهاجلست اخطط انا وسديم بالعاب نعملهالهم عشان يستانسو وينبسطو
وقلت لسديم ناخذ معنا حلاوفطاير انا اعمل الحلا وسديم الفطاير
نمنا بدري بعدالعشاء ع طول نمت وانا أنتظر بكره لجل اروح لعيالي فديتهم احس كلمة يمه تزلزلني لاقالوها قعدت اتفرج ع صورهم بالجهاز واتذكر كل شي صار وابتسم واضحك ع مواقف وخصوصا"كلمت فهد لسديم (هذيك الطويله) سميت بالله ونمت
==


brb
في القوافي غير متصل   الرد باقتباس
قديم(ـة) 30-10-10, 10:29 PM   #2
|[ عـضـو مــاسـي ]|

 
صورة في القوافي الرمزية
 
الدولة: المملكة العربية السعودية
الافتراضي رد: اللقيطه الكاتبه (جميله البلوي)

بـــــــــــــاك

اليوم الاربعاء

الساعه6ونص جالسين ننتظر الباص دقايق وجانا ركبنا سلمت ع البنات بسمه وام احمد ونوره وهنادي وايمان

خلاص صرت اعرفهم الحين

وصلنا وطلعنا فوق لقسم الاطفال وهناك لفت انتباهي شي حيرني الاطفال كلهم نايمين وكل حاضنه راحت تصحي الاطفال وتلبسهم كنت ابي اسأل بس محد كان فاضي لاسألتي رحت ابدل ع البنات رحت ادور ع ذكرى البنت الي شاغله فكري ومصره اعرف مشكلتهاوليش منعزله ودايم بجلس بالزوايا !!!

بحور:صباح الخيركيف الحلوين

ياالله ماما ياالله

سديم تصحي ريومه بسمه تصحي اماني وانا عندذكرى

شلت الغطاء وقعدت اصحيها

بحور :ذكرى ياالله يماما ياالله حبيبي اناجيت وجبت لك حاجات حلوه بس اول قومي نغسل ونرجع نبدل وننزل تحت عشان نفطر

ابتسمت وقامت بسرعه وعانقتني بستها ورحت نغسل كانت فرحانة مره احسن من قبل بس لو ترتاح من تقطيع شعرها ومصها لاصبعها تكون بخير

رجعنا للغرفه وقعدت ابدل لها

شدني علامات بجسمها كي واثار جروح(قلت في نفسي ابسأل وحده من البنات بعدين)

خلصتها ونزلنا تحت وافطرت وطلعو طلاب المدارس

اتفقت مع سديم تجي تاخذذكرى وتلعبها جوا ابي اسأل البنات عن قصتها

رحت وجلست عندهن

صبو فنجان قهوه ومدوه لي واخذته جلست جنب بسمه واحترنا نسئل مين عن ذكرى وقع اختيارنا ع ام احمد بما انها لها5سنوات فالدار واكيد راح تفيدني

بسمه:ام احمد نبي نسألك عن ذكرى ليش فيهاحروق بجسمها

ام احمد:ذكرى امها كانت تحرقها وتعذبها وسلموها لدوله وهم تكفلو فيها

بسمه:حسبي الله عليهاالله لايوفقها

بحور:بسمه لاتدعي ع احد قولي حسبي الله ونعم الوكيل وبس

بسمه:ياشيخه تستاهل ذي مالها قلب ماتشوفي حال البنت هذا وهي طفله كذايادوب نسمع صوتها وبس تقطع شعرها اجل لاكبرت وش يصيرحالها

بحور:وحنا هنا وش دورنا لازم نتعاون ونغير وضعها لساتها صغيره وراح تستجيب لنا ع طول صدقيني

بسمه:ياعمري عليها الله يكون بعونها ان شاء الله

بحور:الا ام احمد تعالي ليش هم نايمين هنا!! حتى لو امهم وابوهم اتوفو معقوله مالهم عمام خوال ياخذوهم ويربوهم

بسمه: بحور هذول لقطاء

بحور:ايـــــــــــش

بسمه:لقطاء لاام ولااب

بحور:بسمه تكفين لاتعورين قلبي

بسمه:والله صادقه كل واحد له قصه

بكيت وبكن البنات معي الحين عرفت ليه يقولو يمه ياربي انا كنت اعرف ان فيه لقطاء زي مسلسلات اول يلقاه واحد عندالبحرولاعندمسجد ويربيه

بس ماكنت اعرف ان لهم مبنى

آآه يارب يارب ارحمنا يارب

قمت ودخلت غرفت النواني

سعيد وفهد نايمين طلال طلال صاحي اخذته وحطيته بحظني وجلست اصيح آه ياطلال وش ذنبك يمه وش ذنبك تعيش هالحياه الله يسامح من كان السبب

طلال كان فحضني يبتسم وانا ابكي ع حاله

ناضرت الساعه وحصلتها 11 وقت رجعت اطفال الروضه مسحت دموعي وانا عندي عزيمه خلاص بصير ام لهم كلهم بربي واعلمهم كل شي صح واول شي اغرسه فيهم الايمان بالله طلال بدا يتحرك سبحان الله كأنه يأيدني بقراري ضحكت

بحور:فديتك يمه ياالله قوم معي نستقبل اخوانك الحين يجون

دخلت ام احمد تشوف وش صار علي

ناظرت لها وانامبتسمه انابخير ام احمد خوذي طلال شوي بستقبل عيالي(وبعدها ابتسمت ع كلمتي ايه عيالي دامهم ينادوني يمه فأنا امهم)

اول ماطلعت جو يركضو كانو واصلين قبل اطلع بدقايق

ريم :تعالو هذي هيه يمه هذي هيه هنا

طبعت قبله ع خدها وقبل ارفع راسي نط عزوز ع ظهري وفهد برقبتي وقعدو يضحكو علي وصلاح وفهود عجبهم الوضع ونطو معهم

بصراحه ما استحملت طحت وطاحو معي طيحه خفيفه وقعدنا نضحك

صلاح:هههه يمه طاحت حنا اقو منها

فهود:اناحبك يمه

بحور:واناحبك بعد

فهد:وانابعداحبك كثير

ريم:حتى انايمه احبك اكثرمنهم

عزوز:وانايمه احبك كثير كثيرمره

بحور: قد ايش يعني

عزوز:قد الكتب

كلنا ضحكنا وهو ضحك معنا (ياعمري متأثر فالدراسه )

فهد:غبي عزوز

عزوز متعقدمن الكلمه ذي يصيح لاسمع اخوانه يقولوها له

كشر عزوز وكان ع وشك انه يصيح

وبسرعه قلت :عزوز جبت لك حاجه

عزوز:استانس ايش يمه

والباقين :يقولو وحنا يمه

بحور:جبت لكم كلكم بس اول شي نبدل ملابس المدرسه وننزل نتغدا

واحنا نازلين

جاءعلي وسطام واماني

اماني:اول وحده ضمتني

وطبعت قبله ع خدها وهمست بأذنه اذا تبي هديتها بسرعه تبدل وتخلص غداهاما امداني اخلص الاوبسرعه راحت

ابتسمت

ورحبت بعلي وسطام

بحور:اهلن اهلن حي الله عيالي

علي:يمه قربي اذنك بقولك شي

بحور:هاه يمه قول

علي:ايش قلتي لاماني

بحور:ههههه تبي تعرف

علي:يضحك ويهز راسه

بحور:واذا ماقلت لك

علي:عشانك تحبينا هتقولي

بحور:فديتكم وانتا سطام ماتبي تعرف

سطام:الا بس استنى تقولي لعلي عشان بعده تقولي لي

بحور:اممم البارح ايش طلبتوني

سطام:أم أم أس

علي:جبتيها

بحور:اكيد

ونطو علي يبوسوني

(الطفل يفرح باي شي تقدمه له حتى لو شي بنظرك انت بسيط بس بنظرهم هم شي كبير)

(اتق النار ولو بشق تمره)

==

الى هنا ينتهي الجزء الاول

تابع شريحة2

الجزء الثاني

في القوافي غير متصل   الرد باقتباس
قديم(ـة) 30-10-10, 10:35 PM   #3
|[ عـضـو مــاسـي ]|

 
صورة في القوافي الرمزية
 
الدولة: المملكة العربية السعودية
الافتراضي رد: اللقيطه الكاتبه (جميله البلوي)

رواية جميلة البلوي(الجزء الثاني)

بعدثلاث اشهر
الأشياء الايجابيه الي حصلت
1_اتغيرت حالت ذكرى للأحسن
والفضل لله وحده ثم بمساعده الاخوات والايتام نفسهم؟ بتسئلو كيف؟شي بسيط كل ماهنالك انا نبهن عليهم يتوددو لها ويخلوها تشاركهم اللعب
2_صاروالاطفال متعلقين فيني لحد الجنون
3_طلال انا المسؤله عنه ابدله واحممه يعني هو لي أنا لحالي وصارو ينادوني ام طلال
طبعن زيارتي لهم كانت فتره الصباح وف يوم جاني علي
علي:يمه ثاني مره ماتجي الصباح
بحور:ليش يمه
علي:الصباح نكون بالمدرسه يادوب نجي ساعتين وتروحي مانبغا كذا
سطام فهد عزوز :ايوه يمه تعالي بالعصر
عزوز:ونامي عندي
فهد:لاعندي
بحور:خلاص انابشوف اخوي واذا وافق راح اجي خلاص
علي:ان شاء الله يوافق
بحور:قولو يارب
الجميع:يارب
روحت البيت وبعد اقناع وجلسه طويله وافقو اهلي
لحظه نسيت نقطه اكيد بتقولو بحور انتي حكيتي فبداية قصتك ان مالك دخل مادي هنا الجواب
السر هو====>جدتي
( ام الخيرههههه)
كل اربعاء وخميس يجون خالاتي وعماتي الي تجيب لها كرتون بسكوت والي تجيب عصير والي كيس شبس وجدتي توزع علينا وعلى عيال خوالي الصغار ومن يوم ماجيت الجمعية وانا ناشبه فيها كل ماجبو شي ووزعت علينا ما ارضى بحبه (افكر بعيالي)
بحور:ياجدتي عطيي14حبه لعيالي
وبما أن الكرتون فيه 24حبه فمايبقى شي لعيال خوالي فيظطرو يقسمو كل حبه بين اثنين
اول مره عطتني برضاها والثانية برضاها والثالثه صرخت على خالاتي
جدتي:اسمعن من اليوم ورايح ان جبتن لي احسبن حساب عيال بحور جيبو لها كرتون مثلي
ههههههه وه بس ياحليلها جدتي اثاريني مجننتها
ومن بعدها صار لي نصيب من الغنايم
المهم اليوم الثاني فاجئةالاطفال بحضوري وقت العصر فرحو مره بعدالمذاكره نطلع ونلعب
وبصراحه جو المساء روعه واحلامافيه وقت النوم
انابالنسبه لي الكبار(علي_سطام _عزوز_فهد) مايتنازلو عني ويقهرو اخوانهم اني دايم عندهم
وطبعن ماادخل غرفتهم الاوطلولي معي
اجلس احكي لهم قصص ونتكلم عن امور الدين
طبعن اتناقش معهم ع حسب سنهم نفرش بالارض واكون متربعه وهمه متوزعين حوالي كل واحد معه مخدته وبطانيته اشكالهم تجنن كذا
نسيت نقطه ثانيه(عدت فتره علي كان يضايق اختي سديم بقوه مو يضايقها لا يعني يحب ينكد عليهاويخوفها ليش مادري)
المهم كانو حاطين روسهم بحضني علي وفهد وسطام وعزوز واناكنت اقص عليهم ويدي اليمنى امسح فيها روسهم واحد واحد
سديم جت جنبي وهمست بأذني:بحور لاتتحركي ابمسح ع راس علي نفسي امسح راسي عليه
كسرت خاطري وهزيت لها راسي بالموافقه وكملت قصتي لهم
وهي مديت يدها بشويش واقبل تاصل له رفع راسه وهو رافع حاجب
بحور:هههههههههه
سديم:هههه انانفسي اعرف علوي ليش انت تحب تضايقني وماتخليني اجلس عندك ولا العب معك
سكت علي فتره وقعد يطالعهابدون مايتكلم وبعدها
علي:اقولك ليش
سديم: ايه قولي نفسي اعرف
(انا كنت ساكته واتابع نقاشهم وبصراحه شدني اسلوب علي ونفس الوقت أبعرف ليش يعامل سديم كذا ونربط لساني من رده)
علي:لأنك من اول ماجيتي عندناسلمتي عليهم كلهم الا أنا ليش؟؟؟؟؟؟؟؟
سديم:دمعت عيونها ياويلي علي والله ماقصدت
بحور:علي حبيبي ماماسديم كانت مستحيةمنك عشانك كبير يمه والحين تعودت عليك
سديم:نطت لعلي وضمته وهو عادي تركها وماطردها زي اول وكانت تصيح وبعدين تضحك وترجع تصيح وتضحك
عزوز:ماماسديم مجنونه تضحك وتبكي
الكل:ههههههههههههههههههه

انتهى اليوم بعد ما
تصالحو علي وسديم
ووعدته سديم بكره تجيب له ليز كبيره وحمضيات وحلاوه(وام ام اس )كل هذا رضاوه عشان يسامحها
نامو وشلتهم بأسرتهم واستودعتهم الله
واخذت طلول حبيب قلبي لي فتره اضغط علي اهلي ياخذوه عندنا ويرفضو
(قبل فتره لمحت وحده من المشرفات ان الصغار الي مثل طلال وسعيد مايطولو يجو ناس وياخذوهم يرضعوهم مع عيالهم ويصيرو اهله)
ومن بعدها وانا اضغط ع اهلي لاكن مابيدي حيله
واستمرت حياتي معهم ع هذا الحال وحبي لهم كل ماله يزيد فيوم استوقفتني وحده من الموظفات :بحور لوسمحتي ابيكي بخدمه
بحور:ابشري
الموظفة:تسلمي بحور بصراحه اناموضوعي متعلق بعلي
بحور:خير ان شاء الله
الموظفه :علي جاي من المدرسه متضايق مادري وش فيه حاولنا نكلمه ومايرد ع احد وبما انهم يحبوكي حاولي تعرفي ايش مشكلته
بحور:حاظر هو وين الحين
الموظفة:بالسيب الخلفي
بحور:انارايحه له الحين
طلعت من عندها وتوجهت لسيب الخلفي كان جالس عندالزرع ويحفر له باين انه متضايق مره
بحور:علوي انتا هنايماما وانا جالسه ادور عليك تعال سلم علي يمه
عانقني حسيته تعبان وانا ومابي ابين له اني مرسوله
ابيه لحاله يفضفض لي
بحور:علي الجو حلو شرايك ماما نطلع انا وانت لوحدنا بالسطح
هز راسه وجلسنا فوق
بحور:علي اناامك حاسه ماما انك متضايق قولي حبيبي ايش مضايقك
علي:يمه قولي لمامانوره (المديره)تشيل اللوحه ماابغاها تكون فيه
بحور:ليش ياماما
علي:اصحابي يمه والي بالباص كلهم قالو لي يمه
بحور:وش قالو
علي:يمه انا عارف اناماعندي ام ولا اب عارف ماله داعي تكذبو
بحور:علي تبغاني ازعل منك
علي:هزا راسه بالنفي
بحور:خلاص اناقلت لك انا أمك بعدين ياماما اناموقلت طنش كلامهم وتوكل ع الله الله معاناودايم يشوفنا
ياماما الرسول صلى الله عليه وسلم قال(اناوكافل اليتيم كهاتين فالجنه)
علي:يعني حنا نروح الجنة
بحور:لما نؤمن بالله ونتوكل عليه ونحافظ ع الصلاه ونبتعد عن السيئات ندخل الجنه بإذ الله
الحين ماما طنش كلام اصحابك
وتعال معي ننزل تحت ابغا اتغدا جيعانه
علي:اناكمان جيعان
بحور:ياسلام اناوش قلت قبل كذا ماقلت لازم نتغدى
تبغاتزعل مامامنك هاه
علي:لاخلص الحين بخلصه كله
بحور:ايوه كذا
نزلنا وتغدا علاوي وبعدها لعبنا وجلسنا جلسه كبيره احناوالحاضنات نقول قصص والاطفال معانا
روحت البيت واناتعبانه ارجولي تعورني من الركض صليت ودعيت الله ونمت ورئيت منام
(رأيت اني وافقه وعلي واقف جنبي ضامني واقوله هاه يمه مبصوط اني معكم يرفع راسه وهم مبتسم ويقول ايه ويرجع يضمني واقول ماراح اخليكم يمه)
الظهراتصلت ع مفسرالاحلام٠واخبرته بحلمي سألني :عن علاقتي بالطفل فأخبرته
الشيخ :ماشاء الله الواضح لي بان الله قد يفرج هم كبير عنك بأذن الله
حمدت الله
اللهم لك الحمد ولك الشكر
قمت وتجهزت لعيالي وجهزت الاغراض الي باخذها معي
جيت وكان فيه اجتماع ونادتني المديره :بحور تعالي
(بصراحه خفت لان بعض الموظفات كانو يتضايقو من تعلق الاطفال فيني من بين الجميع وخفت احديكون ناقلها شي غلط)
اناماسويت شي غلط اناكل الي سويته تركت اسلوب الامروالنهي وحكمت عقلي وعاملتهم كأم
أم تخاف ع ابنائها
ام تدافع عن احق ابنائها
ام تسعى ان يكون ابنائها ع احسن وافضل حال
دخلت الاداره وكانت المديره توبخ بعض الحاضنات خصوصا" المسؤلات عن الاطفال تحت سن السادسه فقد اصبحت ترا بعض التمرد والالفاظ وعدم الاحترام
احسست بأني سأكون التالية بعدهن
فقمت اتحدث مع نفسي (بحور انتي مافعتلي شي خاطئ خليك واثقة من نفسك )ايه اناواثقه من نفسي
انتبهت ع صوت المديره ونظرات الموظفات لي فرددت بسرعه
بحور:هلا
المديره:بحورالله يعطيك العافية بصراحه الكل اثنى عليك وعلى عملك
بحور من اليوم اعتبري نفسك بوظيفه رسمية وراتب ثابت
فرحت كثيروتذكرت رؤيا الامس سبحان الله الوظيفه كانت اكبر هم شايلته يارب لك الحمد تصدقون كنت اتسلف كثير لجل اوفرلهم الي يبغوه والحين صارلي راتب معناته بقدر اخذهم للألعاب وامشيهم معي براتب من تعبي وشقاي يعني مافي شي اسمه سلف بعد كذا
بحور:الحمدلله مشكوره استاذه نوره
المديره:العفو حبيتي تستاهلي كل خيربس بحور انابكلفك بمسؤليه ثانيه راح اسلمك القسم الي تحت (فهودوصالح ناصروصلاح)==>الله يحفظهم بيطلعون لي قرون هههه
بحور:ايه استاذه نوره بس الكبار راح يزعلو
المديره:ماعليش انابسلمك
هالمهمه والكبارخلص كذا همه تمام التمام
بحور:انامابقول مابي الصغار انا بس ابيكم ماتمنعوني من الكبار
المديره:مو مشكله لاخلصتي شغلك من الصغار تقدري تروحي للكبار
بحور:ابي ع طول اكون معهم كلهم
شوي دخل ناصر مامابحول(مامابحور) وجايجري نزلت لمستواه ورفعته وطبع قبله ع خدي وانا رديتهاله بالمثل
المديره:خلص ماعاد فيه نقاش وشهد شاهدا"من اهله هذا ناصر جاكي
بحور:مو حبن فيني الايبي الي بالشنطه
الجميع :هههههههههههههه
المديره: خلص كل وحده تروح تشوف شغلهاومابي الأخطاء تكرر وانتي بحور خوذي عيالك وابدئي فيهم من الأن ولاتطلعي فوق
بحور:حاضر
اخذت ناصر وقبل لادخل قسمهم اصواتهم واصله لبرا واسمع صوت خبط وتكسير
تنهدت وسميت بالله ودخلت
بحور:السلام عليكم
فهود:جت ماما جت يمه جبتي لناحلويات
ناصر:ماما بحول نام عندنا(ماما بحور بتنام عندنا)
صلاح:صدق يمه
ناصر:الا سح وناضر فيني سح ماما
بحور:صح يماما
صالح:اناحبك ماما
بحور:وانااحبكم كلكم
نزلت تحت بالارض وجلستهم حوالي وجلست اكلمهم
بحور:امممم انتو تحبو ماما
الجميع:ايوه
بحور:طيب الي حب ماما ومايبغاها تزعل منه مايسوي حاجه غلط
فهود:حنامانسوي غلط صح صلاح
صلاح:صح
وصالح قاط معهم وقال:صح
بحور:حرام ماماالكذب شوفو مين الي حوس الغرفه
وبدا كل واحد يحطهافالثاني
بحور:ياماماخلاص المره هذي انامسامحتكم ماتعودوهاثاني
الجميع:خلاص
بحور:شفتو ماماعايده(مسؤله النظافه) مسكينه ترتب وتنظف وتخلي كل حاجه نضيفه واحنا نخرب مايجوز كذا
فهود :خلاص يمه مانعودها
بحور:طيب اشرايكم نساعد بعض ونرتب الغرفه عشان لاجو ضيوف يقولو ماشاء الله هذول الاولاد مرتبين ويجيبو هدايا
وكل واحد قام يشيل شي وانا اشيل الأشياء الثقيله واعدلها
وبدقايق خلصنا
بحور:شفتو ماما ماحلو كذا شفتو كيف طالعه تجنن غرفتكم
صلاح:ايوه
بحور:قومو ابصوركم عشان اوريها صديقاتي واقول شوفو عيالي مؤدبين جيبو لهم هدايا
لماكنت اصور انفتح الباب بقوه وعضيت شفايفي وانا اشوف الي داخلين ومعصبين وانا وعارفه ليش(علي:سطام:عزوز:فهد)
علي:ليش يمه
سطام:صدق بتجلسين عندهذول وتخلينا
بحور:لاماما من قال اناوعدتكم مابخليكم
فهد:بس انتي عندهم بالله ليش هاه
صلاح وفهود لقو لهم وسيلة تسليه وجا وقت انتقامهم منهم وقامو يقهرو الكبار
صلاح:اناه ممابحور عندنا ياحرام
فهود:احسن وجابت لناهداياويغمز لصلاح صح صلاح
صلاح: ايوه
فهد:شفتي شفتي يمه
:بحور:ههههههه حبيبي الاستاذه نوره قالت لي اصير عندهم عشان شقاوتهم
لازم ماما اكون عندهم
سطام:خلص انابصير شقي عشان اصيرمعك
بحور:لاماما لاتزعلوني منكم بعدين انامعكم ع طول راح نلعب مع بعض ونسوي مسابقات عادي ماراح يتغيرشي
والحين اطلعو البسو جزماتكم (تكرمون)عشان ننزل بالحديقه ونعلب لعبة الكنز ترا جبت الكور الي نخبي فيها الاوراق يعني الحين اتحداكم تفوزو
طلعو وكل واحد يسبق الثاني تنهدت وخلصت عيالي الي انامسؤله عنهم وطلعتهم وجت كل حاضنه واطفالها
جاب علي طلال ياويل حالي كيف نسيته
اخذته وبوسته وقد يضحك وحطيته بحضني
البنات يقولو انه يشبهني (تمنيت امي وابوي ياخذوه ويعيش معنا ع طول لاكن مابيدي لاحول ولاقوه واكره شي اسمع هالكلمه ....الناس ايش تقول؟؟احنا مالنا ومال الناس شي انت مقتنع فيه وعارف انه صح سوه واجرك ع الله قولي وش بتاخذ من الدنيا غير عملك هذا حنا نشوف حكام وملوك وفقرا وأغنيايموتو وتركو مو مليون بلايين كان حريص يجمعها بالدنيا لاكن اليوم جاته سكرت الموت وماعاد تنفعه بقبره تصدقون انا استغرب حال بعض الناس عندهم خيرات ونعم وماكلف نفسه يكفل يتيم ولا يساعد اسرفقيره ماراح يخسر شي اجره يكون مضاعف وهالشي نقراه يوميا"فكتاب الله لاكن القله من يطبق)
جابو وجبه العصر كانت شبس وعصيرالموظفة تنادي كل حاضنه وتعطيها ع عدد الاولاد الي معهاونادتني واخذت (لفهود وصلاح وصالح وناصر)
ورجعت للفرشه كان جالس جنبي فهد وسطام يركبو اللعبه الي معهم
ناديت الاطفال الي مسؤله عنهم
بحور: وين عيالي ياالله تعالو ناكل الوجبه
وسمعت الي بجنبي يتكلمو
فهد:سمعت سمعت ياسطام شف قالت وين عيالي يعني خلاص تصير معهم ع طول
ولفيت لجهتهم شفت سطام عابس وفهد رافع حواجبه
(فهد فيه طبع يحب يتملك الشي)
(وسطام غيورويغار بقوه من خوانه واحسن شي يقول الحق ومايخاف من احد)
ناظرت فيهم
بحور:سطام
سطام:اكتفى بظرات
بحور:ايش ريكم نكلم ماما نوره
وانقنعها تروحومعي حديقه الالعاب ونقعدفيها لساعه٨ونص ونجي
(كنت ابي اشيل الافكار الي بدت تعشعش براسهم)
سطام:دقي الحين
فهد:يمه تاخذين عيالك معنا
بحور:ههههههه اكيدباخذكم فهد ياماما كلكم عيالي الاسبوع ذا باخذك انت وسطام وعلي وعزوز
والاسبوع الي بعده اخوانك الصغار اتفقنا
الجميع:ايوه
واتفقنا ايش بنقول بعدهااخذت الجهاز ودقيت ع المديره
بحور:مرحبا
المديره:هلابحور
بحور:هلابك احم فيه ناس يبغو يكلموك
المديره:مين؟؟؟
سطام:يمه
المديره:هلاحبيبي مين انت؟؟
سطام:انا سطام يمه
فهد:وانا فهد
المديره:هههه ايش عندكم
سطام:نبغا نطلبك طلب
المدير:ايش هوه؟
سطام:اول قولي اناموافقه
فهد:ايوه يمه قولي بش لا أآ بش ؟؟مامابحور ايش الكلمه نسيت كنت ابقول بشير
المديره+بحور:ههههههههههه
بحور:قول قولي ابشر
فهد:ايوه هيه نفسها
بحور+المديره:هههههههههههههههههه
المديره:طب قولها قول ابشر
فهد:ابشر
المديره:ابشرو ايش تبغو
سطام :نبغا نروح مع مامابحور الالعاب من الحين لين نتعب
المديره:حاظر بس عطني بحور
سطام:خوذي ماماتبغاكي
بحور:هلا
المديره:مين بتاخذين ؟
بحور:باخذ عيالي الي حشرتوني عنهم ساعتين وقالبين الدنيا فوق تحت
المديره:هههه ماعليه بيتعودو
بتاخذي الاطفال الباقيين
بحور:لاهمه برتب لهم وقت ثاني ان شاء الله
المديره:خلص بس ع الساعه 8ونص تكونو هنا
بحور:اوكيه يعطيك العافيه
قفلت وحصلت سطام وفهد مو بمكانة توقعته راح يلبس
وخاب توقعي وانا اشوف الجيش الي جايني وفهد وراهم يضحك اكيد فهد قايل لهم
بديت اضحك احبهم ياناس احبهم في زعلهم و برضاهم
صلاح:ليه يمه تاخذينهم
فهد:احسن
فهود:اصلن هي حقتنا مامانوره قالت
وقطعت كلامهم قبل مايشتد النقاش
بحور:بس يامامااسمعوني
فهود وصلاح وناصر وصالح انتم الاربعا الجاي اخذكم نروح رحلتين خلاص الحين باخذ الكبار بس عشان السياره صغيره وراح اجيب لكم الي تبغوه (كان سهل علي أقناعهم بس البنات انامقصره معهم بالطلعات ماقداخذتهم معي نهائي)
بحور:اماني وريم روحو جهرو حالكم بتروحو معنا
ريم:شكرا ياعسله ياقشطه ياقمره ياحلوه(هذي دايم تقولها لداخل والطالع)
اماني:شكرا"يمه
بحور:عفوا"ياالله بسرعه معكم خمس دقايق اماني جيبي معك عباتي وشنطتي
اماني:حاضر
وناديت فهدوصلاح وناصر وصالح وعطيتهم نصايح قبل امشي لاتهاوشو اخوانكم وحترمو امهاتكم واذا وحده دقت علي وقالت مايسمعو الكلام ماراح اجيب لكم شي
وسجلت ايش الي يبغوه وقالو لي اخبيها فمكان اذاحصلتهم نايمين
ركبنا مع سايق توصيل سعودي
علي وسطام قدام والباقي ورى
وكان الله يصلح حاله حاط اغاني
واناماقدرت افتح فمي بكلمه
لاكن هيهات عزوز يسكت
عزوزبصوت عالي:يمه حاط اغاني
وانا ساكته
عزوز بصوت اعلى: يمه شوفي هذا حاط اغاني
حرام الله يحطه بالنار
وقام يسكر اذانه بيده وكل الاطفال سوو مثله
السايق انحرج وسكر التسجيل ع طول
(واناكاتمه ضحكتي وعاجبني الي سواه عزوز )
دقايق وبعدها طلع السايق بكت دخان
لو الحيا تكلمت مابيه يسوي ذا الشي قدامهم وانا شايفه نظرات علي وسطام متجهه لسايق
واول ماعزوز شم الريحه :يوه بعد دخان حرام الله يحطك بالنار انت ماتفهم
يمه شوفيه غبي قولي له يمه حرام حرام
(فديت عزوز ههههه)
وعلى طول رمى السايق الدخان
وبقلبي اقول السايق ذا بيتوب بعد كذا يمر من قدام شارع الجمعية بعد كذا
وصلنا ونزلنا واعطيت علي يدفع عشره لسايق وراح
اعطيتهم نصايح محد يبعد عني والالعاب راح نلعبها كلها الالعاب هناغالية ارخص لعبه سعرها لشخص الواحد6 ريال وهي للاطفال الي تحت سن 6سنوات والالعاب الباقيه ب12ريال وانا جايبه 6من الايتام وسبق وقالو لي البنات انهم راحو يكلمو الاداره عشان يسمحو يلعبوهم مجانا"أو يخفصو السعر عشان نقدر نلعبهم لاكن رفظو قالو بس التأهيل الشامل مجانا"(ماعتقد السوق راح يخسر ولا الأله راح تخرب وتنكسر لو لعبو طفل يتيم مجانا" !!!)
المهم كان معي 500ماخذتها سلف 350لعب ومشتريات والباقي عشى خفيف
لعبو وانبسطو وخلصت فلوس الألعاب
بحور:تعالو نجلس عشان نطلب عشى ايش تبغو بيتزاء ولابرقر
سطام:لايمه مانبغى نبغى نلعب
علي:ايوه يمه
بحور:يماما خلص ماعاد بقى الا فلوس العشاء
علي:مانبغى نتعشى تبغو تتعشو ولاتلعبو
كلهم:نلعب
(مستحيل احرمهم من الوناسه بس لازم يتعشو طاحت عيوني ع اسم محل وعرفته ع طول وجت في بالي عبير)
عبير وحده من صاحباتي تشتغل مندوبه لنفس الشركه والدها توفى منذوثلاث سنين
بحور:مرحبا عبير
عبير:ياهلا بحور
بحور:اي نعم
عبير:كيفك ياشيخه كيف دنياكي
بحور :تمام الحمدلله عبير احتاجك بخدمه
وحكيت لها القصه
بحور:ابيكي تكلمي الشركه يعطوني 200من نسبتك عندهم وانا نهايةالشهر ارسلها لكي
عبير:ابشري والله دقايق وادق عليكي
انتضرتها
ورن جوالي
عبير:بحوره روحي المحل وخوذي المبلغ ووقعي ع اوراق سند قبض
بحور:الله يجزاكي خير مشكوره عبير نردها بالافراح انشاء الله
عبير:تسلمي بحور متى تروحون
بحور:ساعه ساعه ونص كذا
عبير:خساره كنت ابجي واشوفهم ياالله الجايات اكثر
بخليكي الحين واذا روحتي اتصلي احتاجك
بحور:ع خير ان شاء الله
الساعه 9 اكون فالبيت 9ونص اتصلي
عبير:اوكيه خلاص
رحت المحل ووقعت واخذت المبلغ ورجعت لعيالي الي اول ماجلست وقبل اتكلم قامو وحبوني ع راسي واحد واحد!!!
علي:شكرا" يمه
بحور:عفوا" حبيبي بس ع ايش
سطام:انتي دقيتي ع صديقتك واخذتي فلوس على شانا
بحور:فديتكم ياالله طيب قدامي نكمل لعب وبعدها نطلب عشى لنا ولأخوانكم خلاص
الجميع :ايوه
خلصنا وصلنا البيت ع 9الاربع دخلت اشوف عيالي نايمين بوستهم واحد واحد وحطيت لكل واحد تحت مخدته هديه استودعتهم الله وطلعت ابي طلول اخذته وجلست واناتعبانه ومكسره تكسير لاكن التعب كله راج ببتسامه وحده من طلولي
جا الباص ورجعنا لبيوتنا
وسلمت على اهلي وبعدنص ساعه جوالي رن(عبير تتصل بك)يوه نسيتها دخلت جوا
ورديت عليها
بحور:هلاوغلا
عبير:هلابك هاه كيف عيالك
بحور:تمام فديتهم تصدقين عبير ودي انام عندهم ع طول
عبير: هههه يابنت خفي شوي ارحمي حالك
بحور:صدقيني عبير انا اول كنت اقول مافي شخص عاش الهم والحزن مثلي شوفي كم صار لي سنة وانا ادور ع وظيفه كم صار لي سنة وانا اعاني من وقت الفراغ والملل والضيقه
صدقيني عبير كل شي راح عني من اول ماعرفت هالاطفال رجعت بحورالاولى البشوشه صرت احكي لناس الي اشوفه
واسمعه اخاف تضحكي ع كلمتي احس اني صايره عضو فعال في هالبلد
عبير:ياحياتي كلك خير وبركه آآه يابحور لاتشكي لي عشان ماابكي لك والله للأن فاقده ابوي الله يرحمه لوكان عايش ماكان ذا حالنا
بحور:عبير اسمعيني هذا شي مقدر ومكتوب مالنا اعتراض ع قسمه الله وكلنا ماشيين بنفس الطريق وان شاء الله بنجتمع في جنةالفردوس الحزن مايرجع شي انتي مسؤله عن اخوانك واخواتك لاتبيني الضعف قدامهم ازرعي فيهم الخير
عبير انتي فقدتي ابوكي
وفلانه فقدت امها
وفلان فقدهم الاثنين
ترى حالكم يهون جنب غيركم
لاتطالعو فيني صدق الي بقوله
مات ابوك ولا امك ولا الاثنين
لك اسم لك عايله لك قبيله معروف نسبك فلان بن فلان الفلاني
غيرك لا
لانســـــــــــب
لاظــــــــهر
لاعــــــزوه
ققط
اســــــم
اســـــــــــــــــم فقط هو الي يحمله احمدي ربك واشكريه
عندك نعمه غيرك يتمنى يملكها
عبير:الحمدلله والشكر صدقتي والله من شاف مصيبه غيره هانت عليه مصيبته
الله يجزاكي خير بحوره
بحور:دعواتك ياقلبي
عبير:الله يوفقك بستأذنك بحور بجهز عشى اخواني موتقاطعيني دقي عاد واذا احتجتي شي انا حاظره
بحور:مشكوره ياقلبي ابي سلامتك في امان الله
عبير:في امان الله
قفلت من عبير وانا استرجع شريط حياتي
غريبه كيفها الدنيا تجمع ناس وتعبدناس...
غريبه احوالهابالحيل تحير من سكن فيها ...
تحاكي من نساهاوراح وانا بالمشاعر جاس...
وتهمل في سؤال الي قضى عمره يحاكيها ...
غريبه ليه تبخل دوم على من حبها بأحساس...
وتجزل في عطاياه لناس مادرو بيها...
غريبه حيل هالدنياصعيبه تكتم الانفاس...
ندراي طبعها لاكن عجزنا كيف نرضيها...
يادنيا كيف نرضيكي وندمح ثورة الهوجاس...
ونوقد بالامل ضيك على دربك ونضويها ...
يادنيا ليه مايكفي على مرك شربنا الكاس...
ولايكفي على ضلمك تحملنا مساويها...
الاياقلبي الموجوع الايافكري المحتاس...
الا وش حيلت العاجزليا زمة بلاويها...
نعم لاباس ياقلبن تجرع بالهوى لاباس...
تصبر واصطبر واصبر عسى بالصبر نبريها...
تصبر واصطبر واصبر عسى بالصبر نبريها....
(شتان بين حياتي قبل وحياتي الأن اول ياأسه محطمه والأن كلي امل وتفائل املي بالله كبير)

هذه الدنيا فلا تهتم.. ابهج ناظريك بألون الطيف تجد نفسك سعيدا.. أدر ظهرك للشئ الذي يتعسك.. ابتهج.. ابتسم.. غيّر من نمط حياتك.. تجد الدنيا تبتسم لك.. اجعل الشئ الذي يكدرك.. من توافه الأمور.. واستخدم الوان الربيع تفتح لك ابواب السعاده




منقول لعيونكم


لا تنسو الردود + التقيم
في القوافي غير متصل   الرد باقتباس
قديم(ـة) 02-11-10, 07:47 PM   #4
|[ عـضـو فـعـال ]|

 
صورة لاتلوم قلبي على حبك الرمزية
 
الدولة:
الافتراضي رد: اللقيطه الكاتبه (جميله البلوي)

يسلمووووووووووو
لاتلوم قلبي على حبك غير متصل   الرد باقتباس
قديم(ـة) 03-11-10, 05:22 PM   #5
|[ عـضـو فــضــي ]|

 
الدولة:
الافتراضي رد: اللقيطه الكاتبه (جميله البلوي)

الشوق عذبني غير متصل   الرد باقتباس
قديم(ـة) 04-11-10, 08:31 PM   #6
|[ عـضـو مـشـارك ]|

 
صورة غريب الدار2010 الرمزية
 
الدولة:
الافتراضي رد: اللقيطه الكاتبه (جميله البلوي)

يعطيك العافية
غريب الدار2010 غير متصل   الرد باقتباس
قديم(ـة) 04-11-10, 08:36 PM   #7
|[ عـضـو مـشـارك ]|

 
صورة غريب الدار2010 الرمزية
 
الدولة:
الافتراضي رد: اللقيطه الكاتبه (جميله البلوي)

تحيااااااااااااااااااااااااااااااااااااااااتي
غريب الدار2010 غير متصل   الرد باقتباس
قديم(ـة) 05-11-10, 07:24 AM   #8
|[ عـضـو شرف]|

[ قِصَة لَم تَكتَمِل ...!
 
صورة Malame7 الرمزية
 
الدولة: المملكة العربية السعودية

المزاج
متفائل

الافتراضي رد: اللقيطه الكاتبه (جميله البلوي)

::
بارك الله فيك
موفق والله يعطيك العافيه
::

Malame7 غير متصل   الرد باقتباس
قديم(ـة) 05-11-10, 11:34 PM   #9
|[ عـضـو مـشـارك ]|

 
صورة تعب قلبي ياخالد الرمزية
 
الدولة:
الافتراضي رد: اللقيطه الكاتبه (جميله البلوي)

مشكوووورة فديتك
تعب قلبي ياخالد غير متصل   الرد باقتباس
قديم(ـة) 08-11-10, 09:59 PM   #10
|[ عـضـو مـشـارك ]|

 
صورة ..كلي امــــــل.. الرمزية
 
الدولة:
الافتراضي رد: اللقيطه الكاتبه (جميله البلوي)

يسلموووو
الله يعطيك الف عافية..
..كلي امــــــل.. غير متصل   الرد باقتباس
إضافة رد

الإشارات المرجعية

أدوات الموضوع

قوانين المشاركة
لا يمكنك إضافة مواضيع
لا يمكنك إضافة ردود
لا يمكنك إضافة مرفقات
لا يمكنك تعديل مشاركاتك

رمز [IMG] متاح
رموز HTML مغلق
Trackbacks are مغلق
Pingbacks are مغلق
Refbacks are مغلق


مواضيع مشابهة
الموضوع الكاتب المنتدى الردود آخر مشاركة
رواية الحب بعد فوات الاوان ... أقوى رواية سعودية رومانسية جريئة soul love الروايات المكتملة 56 20-07-14 06:41 AM
اللقيطه والحب ! روماااانس نقاشات و حوارات 44 08-11-10 01:29 PM
روايتي رواية ملاك الروح..غرقانه في بحر الذكريات..رواية من تأليفي.. **MoOn LiGht** روايات تعب قلبي 70 25-03-10 09:38 PM
رواية وجوه رمادية .. رواية سعودية رائعة .. للكاتب : البدر الضاوي الصقره11 روايات تعب قلبي 18 15-12-09 07:59 AM
إنشودة اللقيطه خذ العلوم اناشيد اسلاميه و صوتيات و فلاشات 4 02-02-09 01:23 AM


الساعة الآن +3: 07:38 PM.