يعذبني

[زيتونة]

الســـلامـ عليـــكمـ...

اشحالكم حبــايبي...حبيت احط لكم قصة اعجبتني...بس تبغي رايكم


وان شاء الله تستمتعون...^_^

===


الجزء الاول


تشرق اشعه الشمس على مدينه العين الخضراء لتعلن عن بدايه يومٍ جديد...

ميري: ماما ميسه...يالله قوم...
ميثا: انزين انزين قايمه...

واتقوم ميثا من الرقاد....وتدخل الحمام....وخذتلها شاور على السريع...

ميثا: ياربي...انا شو ألبس اليوم...تعبت والله من هالملابس كل يوم تنوره وقميص...يووه مافيني بعدني...

وخذت ميثا الملابس اللي بتلبسهن....وبسرعه....نزلت تحت...

(ميثا..عمرها 20 سنه .انسانه طيبه ..حبوبه...فيها حس جمالي طفولي..عيونها اشوي اوساع...ولون اعيونها سود..وشعرها طويل لين الركب..ولونه اسود سواد الليل..وحيايها مقرونه ..وطويله...وجسمها لايق على طولها)

ميثا: صباح الخير يا اغلى ام في الدنيا
ام فهد: صباح النور يا بنيتي...ها جيف اصبحتي
ميثا: والله اصبحت على ملاك ينشد له الغزلان...لا يت ابي اقصد للغزلان...تعذر وقالي..ام فهد الغزال
ام فهد: فديتج يا بنيتي...بس ما قلتيلي وين اختج ساره واخوانج فهد وسعيد
ميثا: اكيد تلقينهم قاعدين يتلبسون ..إلا ماقلتيلي يايمه..ابوي مانش لين احين
(وإلا اشوي جان يدخل بوفهد..)
بوفهد: صبحكم الله بالخير
ام فهد: صبحك الله بالنور
ميثا: صبحك بالنور يا اروع واغلى ابو في الدنيا
ام فهد: تصدق توها ميثوه قاعده تنشد عنكم..وجان تدخل
بوفهد: والله..
ميثا: ولد حلال ...فـــــــديت ابوي انا
بوفهد: فديتج يا بنيتي...إلا ما قلتيلي...شي كنتي تبين؟
ميثا: لا بوي سلامت راسك الغالي...بس كنت اتخبر عنك علشان تتريق ويانا
(وجان يدخلون ساره وفهد وسعيد)
( ساره ...عمرها 19 سنه...انسانه حلوه....جمالها طبيعي...طيبه...عيونها لونها بنيه...وحيايها مقرونه..ومتوسطه الطول..وضعيفه...شعرها كستنائي.....ولين الخصر..)
(فهد..عمره 34 سنه......يشتغل في كليه الشرطه..له قامه شامخه..طويل..وماخذ بنت عمه(سلامه) وعنده بنت وولد ...مهره و ناصر)
(سعيد عمره 23 سنه...انسان وسيم..له ميزه واهيه انه كاشخ...عيونه سود...واشوي اوساع,,وحيايه مقرونه...وله طول....>> سعيد ماخذ الشبه من ميثا اكثر)

ساره+فهد+سعيد: صبـــــــــــاح الخير

ميثا+بوفهد+ام فهد: صباح النور

ام فهد: إلا يا ولدي يا فهد...وين حرمتك..؟؟
فهد: احينه بعد اشوي بتشوفينها زابنه عندج...مسرع ما اشتقتيلها
ام فهد: هيه اشتقتلها عندك مانع...حرمه ولدي وكيفي
بوفهد: لا هب ع كيفج....مب جنه عندج ريل تشتاقيله بعد؟!!

( الكل قعدوا يضحكون على سوالف ام فهد وبو فهد...وعلى الساعه 7:15 الكل اترخص علشان يشوف دوامه)

في السياره

ميثا: فهد حبيبي مر على الدكان ابا فيتامين سي
فهد: وليش عاد.....يعني انتي ماشربتي شاي...
ميثا: لا انا شربت..بس ابا فيتامين سي....فهد حرام عليك ابا..
سعيد: فالج طيب يا ميثوه..جيه جم ميثوه نحن عندنا..
ميثا: قديتك والله يا اخوي...
وساره: وانا بنت البطه السوده
فهد: حشى عليج يا سارونه ....من قال...خلاص ولا تزعلووون...احين بخطف على الدكان وبيب لكم كلكم..

وخطفوا على الدكان والكل اخذ فيتامين سي....جان ميثا اتحب راس اخوها فهد....على انه لب طلبها...

وصلت ميثا وساره الجامعه...اما الشباب فراحوا صوب الشغل يجابلون حلالهم..

ساره: ميثوه انتي شي عليج احينه
ميثا: هيه عليه كلاس Math ونتي
ساره: هيه عليه Computer ولا لي خاطر احضر ما ادري ليش
ميثا: بسم الله عليج يا سارونه....شي في خاطرج
ساره: لا..ميثوه....بس في خاطر اطنش ولو مره
ميثا: ياويلج لو طنشتي..على الاقل في الامتحانات تقدرين اطنشين علشان تدرسين...خليها حق بعدين
ساره: ما تنلامين مصريه
ميثا: جب جب با الدبه...يالله سيري.....انا بسير كلاسي....واذا تبين شي...دقي علي تلفون...انزين سارونه
ساره: انزين...يالله اشوفج على خير.

وراحت ميثا وساره لكلاساتهن

في السياره

فهد: ها سعيد...شو معنوياتك في الشغل اليوم
سعيد:والله شو تباني اقولك ياخوي...كل يوم هالروتين اللي ما يخلص
فهد: على الاقل احمد ربك انك لقيت شغل....
سعيد: الحمدالله...بس تعرف ...الواحد يمل بصراحه...يعني شو اميلسني في المكتب مع واحد ما ادانيه في عيشه الله...وانا والمكتب واحد...بس يدخل هذا الفراش يحطلي الاوراق...ويظهر وعاد انا ابدأ
فهد: لا حول ولا قوه إلا بالله...ياخي احمد ربك...وان شاء الله بيرقونك اذا شافوك تشتغل بشكل جدي...واحمد ربك بعد ان حد معاك في المكتب
سعيد: لا ياخوي...والله هذ اللي يشتغل وياي...هذا احمد وجوده وعدمه واحد..
فهد: ليش عاد شو يسوي
سعيد: اول ما يدخل...لين ما يظهر...يقعد يرمس تلفون...يلعب ورقه...
فهد: اخافه يعاديك
سعيد: لا بيعاديني ولا شي
فهد: ان شاء الله بس

نزلوا من السياره.....وكل واحد راح مكتبه

بعد مرور ساعه.....
العنود: ميثاني فديتج...مليت من هالاستاذ ودي افر عليه هالكتاب...عنبوه صارله ساعه واهوه يرمس....جيه ما تعب
(العنود عمرها 20 سنه...يعني من سن ميثا...عيونها بني غامج..وانسانه فرفوشه...اتحب تتغشمر...طيوبه..حبوبه...واهيه اشوي اقصر من ميثا...ضعيفه)

ميثا: هههههه والله يا عنوده شو رايج نسأله....
العنود: ياربي انا منه....متى بيطردونه وبيفكنا منه
ميثا: حرام عليج...صح انه غلس...بس حرام ينقطع رزقه....وبعدين يوم مابيحصل شغل....انتي بتشغلينه
العنود: هههههههه هيه انا بشغله
ميثا: وشو هالشغله اللي بتشغلينه اياها ها
العنود: بشغله بيداااااااااااااار
ميثا: واحلى شغله
Mr. Tom: Maitha and Alanood please stop talking and be attention
Maitha: ok Sir
Alanood: ok Sir
وجان تضحك العنود
العنود: هههههههه لاوالله بعد هذا اللي قاصر...بيداااار بيتنا قاعد يسكتنا
ميثا: صخي خلاص....مافينا بعد يطردنا....
العنود: انزين انزين..سكتنا
ميثا: انزين انزين سكتنا (اتقلد العنود في كلامها)
العنود: حلفي انتي بس
ميثا: وليش احلف
العنود: وليش التقليد...ممكن اعرف
ميثا: لاني احبج ف ها شي
العنود: لا مافيها شي....بس حقوق الطبع محفوظه
ميثا: لا والله....
العنود: هههههههههه هيه والله
Mr. Tom: Alanoooooooooooooood next time I will let you go out..are you understood?
Alanood: ok ok ok sir
ميثا (بصوت واطي وتبا تضحك بصوت عاااالي من موقف العنود): هزبوووووها
العنود: انا اراويه هذا بعد..
ميثا ميته ضحك من موقف العنود....والعنود امحرجه من الاستاذ...فسكتن علشان ينتبهن على الاستاذ


في هذا الوقت

بوفهد نازل من غرفته للصاله...وجان يشوف ام فهد
ام فهد: ها بوفهد وين ناوي تظهر
بوفهد: بروح عند اخوي بو سالم
ام فهد: وليش ان شاء الله
بوفهد: ماشي الا الخير ...بس في عنده شغله يبيني اساعده عليها
ام فهد: خلاص انزين..روح يحفظك الرحمن
بوفهد: يالله مع السلامه ام فهد و ام مهره
ام فهد + ام مهره: مع السلامه
وجان يظهر بوفهد ويروح صوب بوسالم (اخوه)
ام مهره: خالتي ..ابا اروح اشوف امي
ام فهد: روحي يانيتي....
ام مهره: شو رايج تيين وياي
ام فهد: وهذا انا اللي بسويه يا بنيتي
ام مهره: يالله انا بسير ألبس وبترياج في الصاله
ام فهد: وحتى انا بعد

واتروح كل من ام فهد وام مهره علشان يلبسون وايروحون عند ام حمد

في السياره

ام مهره: الله..واخيرا بشوف امي..صارلي فتره مارحتلها
ام فهد:وابوي عليج يا بنيتي ..امس كنتي عندها
ام مهره: هيه صح...نسيت...بس بعد انا مشتاقه لها
ام فهد: تشتاقلج العافيه يارب

وبعد مرور 10دقايق ...وصلن عند بيت ام حمد

استقبلتهن ام حمد احلى الاستقبال...وقربت لهن القهوه..وام مهره اتساعد امها في تقديم القهوه

ام حمد: حيالله من يانا...زارتنا البركه يا ام فهد
ام فهد: الله يخليج يا خويتي...اختي وغاليه وعزيزه
ام حمد: لو اختج انا وغاليه وعزيزه عليج جان يتيني
ام فهد: فديتج ياربي يا ام حمد..بس سمحيلي..الدنيا لهتنا عن شوفه الغالي بس صدقيني ما نسيناكم
ام حمد: مسموحه يا ام فهد...عذرج معاج
ام مهره: احم احم...ولا جني موجوده
ام حمد + ام فهد: ههههههههههه
ام فهد: موجوده يا حرمه ولدي الغالي
ام حمد : موجوده...يعني وين بتكونين...معلقه بدال الثريه مثلا
ام فهد+ ام حمد: هههههههههههههههههه
ام مهره: اماااااااااااااااااااااااااايه شو معلقه بدال الثريه

وبقن الحرمات يسولفن ( عاد تعرفون سوالف الحريم اللي ما اتخلص....هالحرمه اطلقت...وهالحرمه ربت..وهالحرمه عرست...والخ)


في الجامعه

ساره: يالله تعبت انا والله من هالجامعه الزفته
مني: ليش عاد
ساره: كله دراسه في دراسه
منى: عيل ليش يايه تدرسين مادامج ما تبين
ساره ( عصبت من كلام مني): اصلن انا غلطانه اني ييت ارمسج...
مني: لالالالالالالالالالالالالالا كنت امزح
ساره: تمزحين؟؟!! ولا تتمصخرين؟؟!!

وتيي منى وتلوي على ساره علشان اتحاول اتهدي ..


في الصوب الثاني من الجامعه

ميثا: عنووده ...بلاج ما ترمسين...ترانا خلصنا من كلاس Math
العنود: الله ياخذه من استاذ..
ميثا: ولا اتشيلين هم...خلينا انروح الكوفي
العنود: وانتي الصادجه...ليش اربط راسي بدون ويع....يالله انسير
ميثا: فديت بنت خالتي...فديت العنود ياربي
العنود: وااااااااااي انتي....استحيت....
ميثا+ العنود: هههههههههههههههه

دخلن ميثا والعنود الكوفي....وعاد البنات اللي قاعدات ما يقصرن....كلهن صادين يشوفون ميثا والعنود....
وحده اتقول: الله محلاها هالغزال....حلوه...ابا اتعرف عليها
والثانيه اتقول: وانا ابا ربيعتها
والثالثه اتقول: لالالالالا هاذي محيوزه لي.
والرابعه اتقول: لا والله....هاذي اللي الطويله انا لي( تقصد ميثا)
والخامسه اتقول: وانا ابا ربيعتها( تقصد العنود)

ميثا والعنود...وهن يمشن يسمعن كلام البنات.....وطبعا ما يحبن هالسوالف...وتقعد ميثا والعنود عند الطاوله اللي على ينب...
العنود: والله لو الود ودي جان رحت وصفعت وحده وحده
ميثا: وانتي دومج ادخلين قرنج في شي ما يخصج....
العنود: لاوالله..
ميثا : هيه والله...خليهن يرمسن لين ما يشبعن...ولا تعطينهن اي اهتمام
العنود: مشكلتي ما اقدر..ما اقدر
ميثا: ادريبج....خبز ايدي
العنود: لا والله...خبز ييدج بعد...انزي ما قلتيلي اي تاوله كنتي تخبزيني فيها
ميثا: سخيفــــــــــــــــــــــــــــــه
العنود: طالعه شراتج
ويكلمن سوالف...كلها ضحك....

في هذا الوقت

يرن تلفون سعيد...
سعيد: الوووووو السلام عليكم
(...........): وعليكم السلام حبيبي
سعيد: حبتج اليراده قولي آميــــــــــــن
(.........): وليش امعصب حبيبي
سعيد: منو انتي....
(.........): وحده بتحبك يا ذكي
سعيد: لا شكلج غلطانه يا الغبيه
(......): لا انا هب غلطانه....وعلى ما ظني اسمك سعيد
سعيد زاد غيضه على المتصل....
سعيد: خلصيني شو تبين
(.......).: اباك انته
سعيد: انتي شكلج داقه على حد ثاني مو انا

جان يتغير صوت المتصل من انثوي الي رجولي

خليفه: ههههههههههههههههههه فديتني ياربي
( خليفه عمره من عمر سعيد تقريبا...يشابه سعيد في معظم حركاته...واهوه وسيم...وطويل..وخليفه يصير لسعيد....ولد خالته.)
سعيد: الله يغربل ابليسك ياربي يا خلووووووووف
خليفه: ههههههههههه صادووووه
سعيد: اصطادت عينك ياربي...قول آمين
خليفه: مااريد اقول...هب غصب
سعيد: وشو هالحركات
خليفه: لاني اتولهت عليك يا الدب....عنبوه صارلك فتره ما تتصل ولا حتى نتشاوف...قلت يمكن حد ماخذ عقله وخلاه ينساني..
سعيد: هههههه احلف انته بس....لا محد ماخذ بالي .....بس انته تعرف هالشغل ماخذ كل وقتي
خليفه: الله ياخذه من شغل اللي يلهيك عني
سعيد: لاوالله...لا اتسب شغلي....تراه والله ماعندي غيره
خليفه: ههههههههه....انزين سعيد شو رايك اشتغل عندك..
سعيد: وهاذي ابركها من ساعه..على الاقل حد بيلس وياي اعرفه واتكلم وياه..مب شرات هذا اللي عدالي..امره حاله حال الييدار وااااحد...وجان تباني اعلم ابوي...بقووله
خليفه: هيه والله بتسوي فيني خير....على الاقل احسن من هالبطاليه...بس
سعيد: بس شو
خليفه: انا اللي بقول حق عمي....
سعيد : احسن بعد.....احسن تيي منك ولا مني
خليفه : خلاص اتفقنا
سعيد: إلا ماقلتلي...حمد متى بيوصل من السفر
خليفه: اليوم المغرب
سعيد: ان شاء الله يوصل بالسلامه....انا باجر بمر عليه علشان اسلم عليه
خليفه: آميــــــــن....وعلى خير ان شاء الله
سعيد: خلووووف..انا اخليك احين عندي ميه شغله وشغله...على الاقل ونستني..
خليفه: خلاص اخليك على راحتك......وان شاء الله بشتغل عندكم قريب...وابا بعد في مكتبك..
سعيد: خير ان شاء الله..يالله مع السلامه
خليفه: مع السلامه


وسكر سعيد عند خليفه...ومستانس على ان خليفه اتصل...وطلب انه يشتغل وياه....خليفه كلم اخوه فهد على ان خليفه يبا يشتغل عندهم....وفهد رحب في هاذي الفكره...ولكن سعيد قاله لا ايقول حق ابوه لان خليفه اهوه اللي قايل اللي بيفتح الموضوع ويا بوفهد...


على الساعه 10:30.......في الجامعه...

ساره (قاعده اتصيح من شده ألم بطنها): اااااااااااااه بطني بطني يعورني
منى: فديتج يا ساروه....شو فيج
ساره: بطني...بطني...يعووورني
منى: انزين تبيني اوديج عند الممرضه
ساره: ما اقدر اتحرك....والمبنى اليديد ابعيد...ونحن في الزداااااات
منى: عااادي بنركب باص
ساره: لالالالالالالالا اتصلي حق ميثوووووه ابسرعه
منى: ما اعرف جم رقمها
ساره: في تلفوووني...اتصلي لها من تلفووووني....ااااااااااااه بطني

انزين....

منى شلت تلفون ساره...وقامت تتصل حق ميثا

ويرن تلفون ميثا....وميثا من شافت رقم ساره...انقبض قلبها...وردت على طووول
ميثا: الوووو ساروووه فديتج فيج شي
منى: هلا اختي.....
استغربت ميثا ....لان هذا الصوت هب صوت ساره...
ميثا: اهلين...ومنو وياي
منى: وياج منى يا ميثا
ميثا: هلا فيج يا منى...
ساره من شده الالم...صارخت .....
ساره: ااااااااااااااااااااااااااه ما اقدر اتحمل....ما اقدر...بموووووووووووووووت ميثوووووووووه هئ هئ هئ
ميثا زاغت من صوت ساره....
ميثا: منى واللي يعافيج شو فيها ساررووه ليش تصرخ..
منى: ميثا سااروه من ساعه واهيه تشكي من بطنها....وما ادري شوفيها.....وفقالت لي اتصل لج...
ميثا: انزين انتن وين
منى : نحن في الزدااااات
ميثا: خلاص عيل انا يايه عندكم..
منى: اووكي ..بس بسرعه الله يخليج
ميثا: ان شاء الله
وسكرت ميثا من عند منى.....
العنود: ميثوووه شو فيج ...شوفيها ساروووه
ميثا(واهيه اشوي وبتصيح): ما ادري ما ادري...بس تشكي من بطنها...يالله خلينا انرووووح
العنود: يالله

وراحن ميثا والعنود صوب الزدااااااااات علشان يشوووفن ساره



في نفس الوقت

ام فهد: وهاذي اخبارج يا ام حمد
ام حمد: وهااااذي اخباري يا ام فهد
ام فهد: إلا ماقلتيلي...حمد متى بيوصل بالسلامه
ام حمد: بيوصل المغرب ان شاء الله
ام فهد: ان شاء الله يارب
مهره( تتعلق على ظهر ام فهد): يدووووووه
ام فهد: فدددددددديتج ياربي يا مهاري
مهره: يدوووه...انا ثلوه ثح ( يدووه..انا حلوه صح)
ام فهد: اكيد يا مهاري....ظاهره علي
مهره: ثيف ثاهله اليث ( كيف ظاهره عليج)
ام فهد: لانج حلوه شراتي
مهره:لالا...انا ثلوه ثلات باباه ( لالا انا حلوه شرات باباه)
ام فهد: فديتج انتي وباباتج...
مهره: وماما...ثلوه ولا لا
ام فهد: اكيد حلوه حتى قولي حق باباتج
مهره: انين ( انزين)
ام فهد: سلامه يابنيتي....سلامه....ام مهره وينج
ام مهره: خير يا خالتي....شو تامريني
ام فهد: لا ما يأمر عليج عدو...بس وينج انتي تعالي قعدي وياي انا وام حمد
ام مهره: قاعده ارقد ناصر فديته
ام حمد: وليش اترقدينه...انتي تييبينهم اهنيه علشان اترقدينهم
ام مهره: ههههههه لا يا امي.....بس يبا يرقد شو اسوي

وتمن يسولفن الحرمات على سوالفهن المعهوده....

في الطرف الثاني.....

صرخات انسانه تستغيث من ألمها الغير المعهود......ألم يشق البدن...

ساره: اااااااااااااه يا امي....اااااااااااااه يابطني
منى: هدي هدي ياساره احين ميثوه بتي

اشوي وتوصل ميثا

واستغربت ميثا من منظر اختها ساره....كان ويهها شاحب....وعيونها ذبلانه....وكان التعب كاسح على جسمها...ما قدرت ميثا تمسك عمرها اكثر....فتنزل دمعتها الطفوليه على اختها وحبيبتها من هالمنظر...
ونفس الوقت...العنود لاحظت التعب على ساره...على بنت خالتها....واتكلم نفسها واتقول....هاذي هب ساره اللي امعوده عليها...ساره اللي تضحك...واللي تتغشمر...صار لها جذا بلمحه بصر...وميثا تقطع حبل افكار العنود
ميثا: ساررروه حبيبتي شو فيج...
ساره.......ما ردت من شده الالم اللي فيها......ما قدرت تتكلمم غير انها من شده الالم قابضه على شفايفها واهيه اتعضهن من شده الالم..
ميثا: ساااروه واللي يعافيج...علميني شو فيج...
العنود: منااااوي....شو فيها ساروه
منى: والله ما ادري.بس كانت تتشكى من بطنها
العنود: انزين شو كلت ساروه علشان بطنها يعورها
منى : ما ادري والله
العنود: كيف ما تدرين...واهيه كانت وياج
ويقطع حوار العنود ومنى صراخ ميثا
ميثا: سااااااااااااااااااااااااااااااااااااااااااااااااا ارووووه



في بيت ام حمد

ام حمد: شو فيج يا ام فهد ...اشوف ويهج مصفر
ام فهد: لا والله يا ام فهد...بس قلبي ناغزني
ام حمد: وخير ان شاء الله
ام فهد: ما ادري....ما اعرف ليش هذا الاحساس
ام حمد: انتي خايفه على حد مثلا
ام فهد: واللي يعافيج خلاص.....صبيلي شاي اخضر....علشان اهدي اعصابي...

وصبت ام حمد شاي اخضر حق ام فهد اللي كانت حاسه شي راح يصير....وام حمد قاعده اتفكر في اختها...وفي الاحساس.....واتقووول الله يستر يا رب



على صراخ ميثا....تتجمع بنات الجامعه عشان تعرف شو اللي صار ( ترا البنات لازم يعرفن كل اصغيره وكبيره في الجامعه)..وشافن بنت مغمي عليها لونها شاحب..وتعبانه...

العنود: بسم الله الرحمن الرحيم شو صاااااير
ميثا: العنود...ساره ساره..ما اترد عليه...
منى ما قدرت تتكلم ...كله حاطه يديينها على ثمها من الموقف
العنود: قومي قومي بنشلها عند النريس...ابسرعه
ميثا: المبنى اليديد ابعيد....ومتى بنوصل...وتحت الشمس بعد...
العنود: على ما اعتقد يا ميثووه ان في اختراع اسمه باص...صح ولا لا
ميثا: هيه صح...يالله ابسرعه...
في بعض بنات الجامعه قامن يساعدن ميثا والعنود في شل ساره....ومنى طبعا وياهن...وقفووا باص...وراحوا بسرعه صوب النريس علشان ينادوونها من الطابق الثاني....

النريس: وين هادا مريض
ميثا: هاذيه يا العوووره..يعني ما اتشووفينها
العنود: صدق انها عوووره....عيل ليش لابسه نظارات بعد

قامت النريس تفحص ساره....وميثا والعنود ومنى على اعصابهن....
ميثا: ياويلي انا عليج يا ساره...اذا استوابج شي...انا بكون السبب....انا كنت حاسه من اول ما دخلنا الجامعه...لاحظت عليها...واتخبرتها....بس ما قالت لي....(واتصييييح)
العنود: هدي اعصابج ميثووووه...مابيستوي إلا كل خير..
ميثا( من شده البكى ارتمت في حظن العنود): ان شاء الله ......حبيبتي ياساروه.....
العنود( اشوي وبتصيح....بس قاومت علشان ما تضعف جدام ميثا): خلج قويه يا ميثا..
منى: انا الســـــــــبب...انا اللي كنت اضايجها....
ميثا: لا عادي فديتج لا اتشيلين هم....ان شاء الله بتقوم بالسلامه
النريس: وين Sister مال هادي بنت
وتتجدم ميثا عند النريس واتمسح دموعها
ميثا: نعم انا اختها...شو فيها
النريس: هاي بنت مافي ياكل زين زين
ميثا: لاوالله...انا اشوفها تاكل شراتنا
النريس: هيه صح بس هادي البنت يوم ياكل يرجع الاكل تاني مره
ميثا: وكيف عرفتي...
العنود: ميثوووووه شو كيف عرفتي...تراها نريس..هب بيدااااار
ميثا: انزين انزين.....اوكي
النريس: انته لازم يخلي هادي بنت ياكل كويس...
ميثا: انزين.
النريس: انا احين بيأتي حبه بروفين حق بنت..وبعدين خلي ياكل زين...
ميثا: انزين مشكووره ماقصرتي..
النريس: خلي يشرب سوب(شوربه) مال خضار...وعصير فرش
ميثا: ان شاء الله....
النريس: خلاس انا بيسير الأفوس ( المكتب)
ميثا: سيري خلاص....Thank you again
النريس: You Most welcome
العنود: الحمدالله...على سلامه ساره...
ميثا: الله يسلمج...
وتناظر ميثا منى واهيه تبكي على حال ربيعتها ساره....واتروح صوبها
ميثا: منى حبيبتي...ساره ماصار لها الا كل خير....
منى: الحمدالله.....
ميثا: الحمدالله..بس خلاص شيلي هالدموع...وما ابي اشوفهن مره ثانيه فاهمه
تمسح ميثا دموع منى اللي من كثر البكى صارن اعيونها حمر.....
ميثا: يالله احين سيري غسلي ويهج..
منى: ان شاء الله..

وتتقرب ميثا من اختها ساره...واهيه اتشوف اختها....الحركيه...الفرفوشه....اللي سوالفها كلها ضحك...ممدده على فراش...وساكنه...ولا تتحرك....تمسح ميثا راس اختها...واتحبها على راسها...وتحمد الله على سلامتها....

العنود: ميثوووووووووووووووووووووووووووووووه
ميثا ( واهيه زايغه من منظر العنود): بسم الله الرحمن الرحيم...شوفيج قاعده اتصارخين...
العنود: ماشي....بس شفت استاذناااااااااااااااااااا
ميثا: والله ما عندج سالفه يا الدبه
العنود: يعني حرااااااااااام....بغيت اغير جو...فدددددديتني
ميثا( وارتمت في حضن العنود): فديتج يا العنود...لولاج ما كنت اعرف شو اسوي.....
العنود: فديتج ياربي...



بيت ام حمد


ام حمد: ام فهد الله يهداج شو بلاج
ام فهد: تصدقين حاسه شي استوى
ام حمد: لا اتفاويل على احد...بس انتي ذكري الله..واتعوذي من الابليس
ام فهد: بسم الله الرحمن الرحيم..واعوذ بالله من الشيطان الرجيم....
واشوي جان اتصيح ام فهد...
ام حمد: بسم الله عليج يا خويتي....انزين شو رايج تطمنين على اللي في بالج..
ام فهد: انزين

وجان تتصل على بوفهد
ام فهد: الوووووو السلام عليكم
بوفهد: وعليكم السلام والرحمه....
ام فهد: وينك انته احين
بوفهد: يعني وين....تراني قلت لج الصبح....عند اخوي بوسالم...تبين شي اييبه وياي
ام فهد( قاعده اتفكر شو تتطلب علشان تتطمن عليه): هيه هات وياك قهوه خلصت اللي عندنا
بوفهد: فالج طيب....اي اوامر ثانيه
ام فهد: لا سلامتك
بوفهد: يالله مع السلامه
ام فهد: مع السلامه


وبهذا الشي...اطمنت ام فهد على بوفهد...وباقي العيال....واتصلت على فهد..واطمنت عليه....وطبعا طلبت منه اييب ليمون بس علشان ما يحتاي....واتصلت على سعيد..واطمنت عليه...ونفس الشي...طلبت منه اييب طحين رقم واحد..كيسه وحده بس...علشان يسوووم كيك على العصر....

اما عن البنات....ام فهد...كانت تبا تتصل...بس ام حمد قالت....انه يمكن يكونن في الصف احين....وقالت لها تكتب مسج حقها...عاد ام فهد ما تعرف هالشغله ولا ام حمد...فقاموا نادواا ام مهره علشان تكتب مسج حق ميثا وساره...

ويرن تلفون ميثا على انها وصل لها مسج.....فقامت تقرا المسج
( السلام عليكم....يابنيتي علميني انتي وين...في الصف ولا لا....ولا تحاتين بس حبيت اطرش لج ما بنيتي....اشتقت لج........امج...)

استغرب ميثا من مسج امها...حست ان امها حاسه في ان شي مستوي....بس علشان اطمن امها...طرشت لها مسج....( وعليكم السلام....والله يا اماايه لو الود ودي اشرد من الجامعه وايي اقعد عندج....وعلني فداج ياربي...ولا عدمناج...فديتج...حتى انا اشتقت لج)...

اطمنت ام فهد على بنتها ميثا...وبقى ساره....وطرشت لها نفس مسج اللي طرشتها حق ميثا

وانتبهت ميثا ان تلفون ساره رن على ان مسج وصلها....
وفقامت وشافت المسج.....ولقتها امها.....وعلشان ما تشغل بال امها.....كتبت لها مسج...
( اماااااااااااااااااااااايه.......انا في الصف.....وفديتج....ابا ارووح عندج...واقعد واسولف وياج....)

حست ميثا بلوم من اللي سوته....بس سوت هذا الشي علشان ما تشغل بال امها...وطبعا العنود وافقت هذا الموقف من ميثا....من جهه ثانيه قامت ساره....وميثا واقفه عند اختها...وخلتها تاكل....واول مره ساره تاكل بهالطريقه...اللي خلا العنود...تضحك من منظر ساره....وقالت...هاذي ساره اللي اعرفها...



واطمنت ام فهد من اعيالها.....

وعلى الساعه 12....


في بيت ام حمد


ام فهد:يالله انا لازم اترخص منج الحين يا ام حمد
ام حمد: وين...تو الناس
ام فهد: لازم اروح ازهب الغدا
ام حمد: خلاص...بس لا تقطعينا...
ام مهره: يالله امايه تامريني على شي...
ام حمد: سلامتج يا بنيتي....
ام فهد+ام مهره: يالله مع السلامه

ووصلن ام فهد وام مهره البيت......

وعلى طووول المطبخ....


وعلى الســـــــاعه 1:30

دخل بوفهد

بوفهد: السلام عليكم
ام فهد: وعليكم السلام
بوفهد: وهذي القهوه اللي طلبتها يا ام فهد
ام فهد( واهي تضحك على اللي سوته): ما قصرت يا بوفهد...تسلم..
بوفهد: الله يسلمج..جيه كم ام فهد عندنا..
ام فهد: اكيد وحده


وراحت ام فهد المطبخ .....وخبرت ام فهد ام مهره السالفه وتمن يضحكن
وراح بوفهد يرتاح في الغرفه لين وقت الغدا


اعطوني رايكم اذا حلوة بكملها لكم
:f55:

[قطوطه]

كملييييييييييييييييييييييييييييهاااااا مره مره حلوه كمليها

[زيتونة]

مشكورة اختي على الرد
وهذا تكملة الجزء الاول
************************************************** **************


على الســــــــــاعه 2:00......

فهد خلص شغل....وراح صوب سعيد...
فهد: السلام عليكم يا سعيد...
سعيد: وعليكم السلام والرحمه...
فهد: شو خلصت..
سعيد: هيه خلصت...يالله انا يوووووووووعااااان وابا اكل غداااااا
فهد: يالله قوم...خلنا انييب خواتك اول شي....
سعيد: انزين انته تعبان....خلني اودي البيت وانا بخطف عليهن..
فهد: خلاص عيل...يالله قم


وفي الطريق
فهد: اوووووه نسيت...
سعيد: شو نسيت
فهد: امي تباني اييب لها ليمون
سعيد: وحتى انا تباني اييب لها طحين رقم واحد
فهد: وليش كل هالعباله..
سعيد: والله ما ادري

خطف سعيد وفهد يشتروون اللي طلبته لهم امهم...
ووصل سعيد فهد البيت وراح

فهــد: السلام عليكم يا اهل البيت...وينكم
وينزل بوفهد للصاله
بوفهد: وعليكم السلام يا فهد
فهد: وين امي يا ابوي
بوفهد: في المطبخ....بس ماقلتلي..شو اللي في يديك
فهد: هذا ليمون...امي طلبته مني...
وتدخل ام فهد في هالوقت
ام فهد: هلا بولدي هلا
بوفهد: وليش طالبه من ولدج ليمون....امس يايب لج كرتون ليمون
فهد: ما عليه يا ابوي...زياده الخير خيرين...
ام فهد( ودها تضحك على الحركه اللي سوتها بس مسكت عمرها)
وخذت ام فهد الليمون من عند فهد وراحت صوب المطبخ.....
بوفهد: تصدق يا فهد...احس امك فيها شي....
فهد: مافيها إلا العافيه...





وصل سعيد الجامعه....

ويتصل في ميثا

سعيد: الوووو السلام عليكم
ميثا: وعليكم السلام
سعيد: ممكن نتعرف يا حلوه
ميثا: لامن ممكن
سعيد: وليش....حرااااااام عليج جذا اتعذبيني...
ميثا: كيفي...اللي يحب لازم يتعذب
سعيد: بس عطيتج ويهه واااايد يا الحلوه
ميثا: سعيد عااااااااااد
العنود من سمعت اسم سعيد....حست قلبها ينبض على غير عادته.....حست ان دمها بدا يسري....ومن شده هالموقف....دعمت الكرسي اللي عدالها...
ميثا: عنوووووووووود...شو فيج....ما اتشوووفين...
العنود: شكلي إلا جذا.ههههههههههه
سعيد: يالله ميثوووه انا اتريااكن تراني برع..
ميثا: اوكي...
سعيد: اوكي...

ميثا: ساروه فديتج يا الله انسير سعووود برع يتريانا...
ساره: يالله انسير...
وقامت ميثا وساره ...وحطن الغشوه.....ومررن البطاقه علشان يظهرن....وشافن السياره وركبن...
ميثا+ساره: السلام عليكم
سعيد: وعليكم السلام....ها شو سويتن في الدراسه
ميثا: والله مثل كل مره...صح سارووووه
ساره: ها...شو.....هيه صح
انتبه سعيد ان ساره هب على بعضها اليوم...تم يراقبها من المنظره...بس صعب عليه لانها كانت متغشيه..
سعيد: سارونه فديتج....شو فيج...تعبانه؟!
ساره: لا فديت روحك....بشوفك انا بخير..
سعيد: الحمدالله....بس شكلج واايد اضعفيتي يا الضعيفه ..كلي...يالله خلونا نخطف الدكااان علشان نشتري فيتامين سي..
ميثا: هيه يالله...
ساره: واناااااا بعد
فرحت ميثا ان ساره صارت احسن....وان ساره الاوليه ردت لهم....طبعا ساره قالت حق ميثا ليش ماكانت تاكل عدل...كانت اتقول لها...انها ضايجه نفسها...ومشاكل مع ربيعاتها...وانها بتدخل كلاسات ثانيه مع بنات يداد ما تعرفهم..

خطف سعيد على الدكان واشترى فيتامين سي حقه وحق خواته....وراحواا صووب البيت
سعيد+ميثا+ساره: الســــــلام عليكم يا اهل البيت
اليميع: وعليكم السلام
سعيد: اماايه...هذا الطحين اللي طلبتيه...وبعد هب اي طحين....طحين رقم واحد
بوفهد وفهد تمواا يطالعووون ام فهد.....وام مهره ميته من الضحك عليهم...ومن حركه ام فهد..
ام فهد: ما قصرت ياولدي....يزاك الله الف خير..
بوفهد: ام فهد...انتي شو سالفتج اليوم...طالبه من كل حد شي ايبلج..
ميثا: والله....انزين ابوي امايه شو طلبت منك....ونته يا فهد شو طلبت منك امايه
بوفهد: والله يابنيتي...انا طلبت مني قهوه...وفهد طلبت منه ليمون...واخوج سعيد احين داخل وعاطي امج طحين
ميثا+ساره: ههههههههه الحمدالله ماطلبت منا شي.....هههههههه


ام فهد( علشان اتغير الموضوع): يالله روحوا اتزهبوا حق الغدا...كلها نص ساعه ونحن ناجبينه...
ميثا: يالله انا بروووح اغير ملابسي....وبصلي..وبرجع لكم...
ساره: حتى انا
سعيد: وانا بعد...وياويلكم لو بديتوااا الغدااا بدووووني
بوفهد:هههههه يالله عيل بسرعه لحق عمرك..

ميثا وساره....غيرن ملابسهن بسرعه...وصلن صلاه الظهر...وبسرعه نزلن تحت علشان يساعدن امهم في المطبخ علشان ينجبون الغدا

وحطووا الغدا.....والكل تغدا....حتى ميثا...خلت ساره تاكل..بدال الصحن صحنين...
وبعد الغدا.....راحت ميثا اتسوي شاي اخضر....وشاي بالنعناع....ويابته الصاله...
ام فهد: نفعتي يا بنت سيف (بوفهد)
ميثا: فديتج يا امااايه..ولو....
سعيد: قولوا آميـــــــــــــــن
اليميع: آميـــــــــن
سعيد: ان شاء الله يرزقني بالبنت الحلوه شرات ميثا وساره
بوفهد: اقطع يا ولد وخلك من هالكلام...
سعيد: وليش عاد ابوووي...يعني انته ما كنت تتمنى تاخذ امي ولا شو..
بوفهد: اقوووولك شي...سير ارقد ابرك لك...عن هالكلام الفاضي..
سعيد: والله زين عيل.....تبون الفكه مني...خلاااص بروووح....يالله بسير ارقد..ولا احد يقومني من الرقاد...
بوفهد: وصلاه العصر؟
سعيد: بقووووم على الصلاه....
بوفهد: عيل لا تنسى ...اليوم عقب صلاه المغرب بيرجع حمد من السفر..
سعيد: لا ما نسيت...خليفه قالي انه بيي اليوم..وانا قلت بمر عليه باجر..
بوفهد: على طاري خليفه....ابشر بيشتغل عندنا...
سعيد: وهاذي الساعه المباركه....يالله عن رخصتكم
ميثا: حتى انا برووح غرفتي..
ساره: حتى انا والله....تعبت من هالجامعه الزفته..
فهد: وانا برووح عند ام عيالي...وعيالي....

وطلع الكل الغرف...علشان يرتاح...

في بيت ام حمد.....

عقب الغدا

خليفه: امااااااااااااااااايه
ام حمد: عيونها
خليفه : فديت عيووونها انا ياربي
العنود: احم احم....عطوني ولو شويه عااااد بسكم...
خليفه: غيرااااااااااااااااانه
العنود: لابوي هب غيرااااااااااانه
ام حمدك بسكم بسكم.....يالله قول يا خليفه شو كنت تبا
خليفه: اماايه اشتغلت عند عمي بوفهد
ام حمد: وهاذي الساعه المباركه..
خليفه: هيه والله الحمدالله....بشتغل انا وسعيد في نفس المكتب
العنود من سمعت اسم سعيد....ابتسمت....
ام حمد: هيه والله...وسعيد ريال ماعليه كلام...
العنود...ابتسمت اكثر واكثر...اتحس العالم يدور بها....اتحس ان سعيد من ايام الطفوله بدا يتملك قلبها....بدت تتذكر ايام الطفوله....بدت تتذكر يوم كانت تلعب اهيه وسعيد وحمد وميثا....بدا حبل الذكريات تتوارى في ذهنها...بدت تتذكر يوم كانوا يلعبون لعبه الكوك ( هاذي لعبه شعبيه ولين اليوم متداوله...يعني في شخص واحد يربع لين ما يمسك اي شخص ويحل بداله)...كان عليها اهيه الدور...كانت تربع ورا ميثا....وميثا كانت تربع بافصى ماعندها.....ميثا كانت سريعه في الجري....لدرجه ان العنود ما قدرت تمسكها....ميثا وحمد كانوا مع بعض...ف العنود بقت تربع ورا سعيد.....واهوه كان يربع....ف العنود اتخرطفت وطاحت...وتمت اتصيح...وجان اييها سعيد...وبكل رقه وحنان مسح دمعتها..وايقول لها خلاص عنوووتي...لا اتصيحين...يالله امسكيني...وانا وراااج.....كانت تتذكر اروع لحظات كانت اتعيشها قرب سعيد...........فيقطع جبل افكارها صراااخ خليفه
خليفه: اااااااااااااااااااااااااااااااااااااااااااااااااا ااااااه حاااااااااااار
ام حمد: وااابوي انا عليك....حد يشرب الجاي جذا...عنبووووك...شو تتحراه عصير ولا شو...
ضحكت العنود على خليفه........
العنود: يالله عن رخصتكم انا بروح فوق ارتاح...
خليفه: حتى انا بصراحه تعباااان
ام حمد: يالله روووحواااا.....ارتااااحواااا....وانا بعد بروووح غرفتي...خليفه لا تنسى ترا اخوك بيرجع اليوم عقب صلاه المغرب
خليفه: ان شاااااااااااااااء الله

وراااحوااا الكل غرفهم علشان يرتاحون...

وفي غرفه العنود......
رمت العنود بنفسها على سريرها الناعم...وبدت سلاسل افكارها تناظرها.....بدت تتذكر ايامهم الحلوه اللي قضتها اهيه وسعيد وميثا وحمد....ايام كانت روووعه....قامت العنود تفتح الكبت......وشلت الصندوق......وفتحته.....وشلت دفترها ...دفتر خواطرها...دفتر اللي تشكي فيه عن حالها....كان دفترها لونه مخملي....وناعم....وكان فيها صوره قلب من جدام....وكان شكل الدفتر حلو....هذا الدفتر ميثا اهدته العنود في عيد ميلادها.....وعاد العنود قررت انها تكتب فيه خواطرها.....وانه يكون محفوظ.....ففتحت الدفتر....ومسكت القلم.....وكتبت::::


كـــــل يوم اشوفك تحلا في عيني اكثر....
مادري جمـــــالك ولا فايـــــق غلاتـــك.....
وأحــــس بــــك كــــل يـــــوم غصنـــك يزهـــر....
ويفــــــوع وردك واتــــزايد بهـــــاتك......
مـــــدري المشـــــاعر هي دعتـــــني افكــــر.....
ولا اجـــــذبت قلبـــــي وعيــــــني صفاتـــــك.....
ولا أنــــا موهوم والفكــــــر زر.....
ارجـــــوك قل لي وش حــــــكايه جمالك....
((( الشاعر الغريم)))

وسكرت العنود الدفتر....وغفت عينها بعد الكلام اللي كتبتها.....



في غرفه ميثا.....

ميثا بدت اتفكر....بدت اتفكر باللي حصل اليوم في الجامعه....بدت اتفكر باللي حصل حق اختها ساره....بدت افكر شو اللي وصل ساره لهاذي المرحله....وفجأه.....خطر على بالها.....حمد...

ميثا: بسم الله الرحمن الرحيم....وليش انا خطر على بالي اسم حمد.....
وبدت اتفكر....حمد كيف شكله صار....هل شكله اتغير....اضعف ولا امتن....امطول شعره ولا لا...مسوي سكسوكه ولا لا...يدووخ زقاره ولا لا....فتمت تضحك على عمرها ليش اتفكر بهالتفكير...بدت تتذكر ايام قبل...ايام لما كان بعمر 14 اهيه والعنود....يوم كانن في المطبخ يسون كيك...وكانن يسون العجينه....وجان يدخل حمد وسعيد...
حمد: ماشاء الله عليج يا ميثووووه...اووونج تعرفين تطبخين بعد...
ميثا: هيه شو قالولك....ما اعرف اطبخ...
حمد: لا حشى يا بنت سيف ما قلنا شي
ميثا: عيل جب ويالله برع انته وسعوووووود
سعيد: لا والله
حمد: حلفي انتي بس.....ومنو انتي علشان تطردينا برع ها
العنود: حمد...ميثا بسكم عاد....مافينا على الضرابه
سعيد: عنوووووود خليهم خليهم..نحن مالنا دخل..
حمد: صبري شوفي شو بسووويبج
ميثا: شو بتسوي يعني بتقص لي رقبتي يا الدب

وراح حمد وياب يونيه الطحين كلها......وحطاها عدال ميثا...وميثا مستغربه شو هذا بيسوي....وجان حمد يرووح واييب مله...ويغمس فيها بالطحين ويفر الطحين على ميثا.....
ميثا: أأأأأأأأأأأأأأأأأأأأأأأأأأأأأأأأيه يا الدب...انا براااويك
حمد: هههههههههههههههههه
راحت ميثا اتييب البيض..واتفرهن على حمد....
ميثا: ههههههههههههههه وحليلك...
والعنود وسعيد قاعدين يطااالعووون ويضحكووون على منظرهم
ميثا وحمد طالعوووا العنود وسعيد....وبعدين شافوووا بعض..وفهموا على لغه العيون.....
واتفر ميثا بالبيض عليهم.....وحمد يفر عليهم الطحين......
فيدخل عليهم خليفه وساره...وشااافوااا منظهرهم وتموووا يضحكوووووون.........
وقطع حبل ذكريات ميثا صوت العصافير........فقامت ميثا من السرير....وراحت صوب الدريشه...وشافت العصافير....ومسكت دفترها الخاص.....دفترها لونها سماوي...وكانت عليه صوره الاروكيده (اسم زهره)..هذا الدفتر يابته لها العنود يوم كانت مسافره لندن...وحبته ايكون حق ميثا هديه....وميثا عيبها....ففتحت الدفتر....وبجت تكتب...

فــــــي ذمتي مشتاق لك....
ياســــــيدي ومحتــــــاج لك.....
ماغبــــت عن بالي ولا......
حد بغلاك يعـــــــادلك.....

**في ذمتي مشتاق لك**

اكلمــــــــك كنـــك معاي.....
واشـــــكي لك اشــــواقي وهــــــواي...
والقـــــاك في صبحي ومساي.....
شمس وقمر يا ما اجملــــك....

**في ذمتي مشتاق لك**

تعـــــال يا كــــل الوفـــا....
الي مضــــى والله كفــــــا...
حرام كل هــــذا الجفـــــا...
قلبــــــي بغيــــــابك وافـــي لك...

**في ذمتي مشتاق لك**
((( كلمات خالد العيسى)))



فسكرت ميثا الدفتر.....وراحت صوب الكمبيوتر...وبطلته..ودخلت على النت........وظهرت بسرعه لانها كانت متضايجه....فقامت تتصل في العنود

ميثا: هلااااااااااا عنووووووتي
العنود: هلاااااا ميثوه
ميثا: اشتقت لج يا الدبه
العنود: حتى انا
ميثا: تصدقين ملااااااااااااااااانه
العنود: شراااااااااااااااتي.....
ميثا: شو انسوي يا ربي
العنود: هيه صح حمد اخوي عقب المغرب بيوصل
ميثا من سمعت اسم حمد..ما عرفت شو استوى بها....احمر ويهها...بدت ابتسامه الفرح تنبعث من قلبها الطفولي...بدت اتفكر بعد الكلام اللي كتبته....جاني وارجع....بس ليته يعرف اني احبه ليته....
العنود: ميثووووووووووووووه
ميثا: هااا بسم الله الرحمن الرحيم..بلاج تصرخين...هاااا
العنود: لي ساعه وانا اناديج...واحين اتقووولين ليش تصرخين....قوليلي في شو سرحتي
ما عرفت ميثا شو اتقول...يعني اتقووول سرحت في حمد...يالله بالستر...

ميثا: ولا شي...بس تذكرت الاستاذ عطانا واجب..
العنود: اي استاذ اي واحد فيهم..
ميثا: Mr. Tom
العنود: بيييييييييداااار بيتنا......مالت عليه
ميثا: ههههههههههههههه
العنود: ضحكي ضحكي اشعليج...
ميثا: يالله قومي خلينا انرووح انرااجع كم من كلمه....
العنود: يالله عيل...
ميثا: مع السلامه
العنود: مع السلامه

وسكرت ميثا من العنود...وقالت: اشووووه اني مسكت عمري...والله اني فضيحه...هههههههههه
ويدق باب ميثا

ميثا: منووووو......الباب مفتوووح
سعيد: اناااااااااا فديتني ...السولعي....
ميثا: هلا هلا
سعيد: بلاااج كنتي تضحكين
ميثا: اضحك على العنود
ابتسم سعيد....وابتسامه شفافه.....ومن هالابتسامه...تذكر الواقف اللي جمعته وياها.....ورجع مع ميثا
سعيد: شو بلاها...
عاااد ميثا قالت عن سالفه الاستاذ....واهيه قابضه عليه باسم البييييدار....وتموااا يضحكوووون
سعيد: هااااي سوالف العنود...وانا اعرفها
ميثا: هيه والله اتذكر ايامنا والله
سعيد: ههههههههه تتذكرين يوم كنتي انتي وحمد تضاربووون بالبيض والطحين....
(في هالوقت احمرت ميثا من المستحى)
ميثا: هيه اتذكر بس نحن ماقصرنا عليكم...ههههههههه
(لاحظ سعيد ان خدود ميثا صارن حمر)
سعيد: وماقصروااااااا ساروووه وخليفه
ميثا: هيه والله

وقعدوااا ميثا وسعيد يتذكرووون ايام الذكريات......وبعد ساعه راح سعيد المسجد علشان يصلي العصر ومن بعد الصلاه راح صوب بيت خليفه علشان يمر عليه....

)ميثا نزلت للصاله....ولقت امها قاعده اطالع تلفزيون...(
ميثا: والله ما يستحووون مخلينج ارووحج يا اماااايه..
ام فهد: هيه والله ونتي الصادجه.....
ميثا: ولا يهمج...انا بقعد وياج لين ما تملين مني واترووغيني...
ام فهد: لاحشى مابرووغج....اندوووج هذا المضرب (الريموت كنترول) وبدلي عن هذا اللي مايعرف شو يرطن...حطيلنا البوش ابرك عن هاذيل
ميثا: ان شاء الله اماااايه...


في نفس هذا الوقت...

في بيت ام حمد

ام حمد: العنود يا بنيتي...انا بروح السوق بشتري لي كم من شغله وبرجع....
العنود: ان شاء الله امي
ام حمد: زهبي الاكل...ودخني البيت مرتين..وبتلقلين العود في الكبت في الرف الثاني...
العنود: ان شاء الله امي..
ام حمد: يالله مع السلامه

قامت العنود اترتب البيت.....وتنادي على الخدامه علشان اتنظف الصاله...وراحت المطبخ....واشرفت على الاكلات......وسوت الخبيص...والعصيد..والبلاليط..واللقيمات..والمحلى... وخبز رقاق..وسوت كيك....وسوت عصير برتقال...وعصير مانجو....وعصير كوكتيل....وسوت القهوه....والشاي الاحمر بالنعناع...وحطت اليمر على النار...وبعد ما خلص...حطته في المدخن وراحت البيت....شلت العود من كبت امها مثل ما وصتها اتسوي....

سعيد: الســــــــلام عليكم...

(محــــــــــد رد عليه)

سعيد: بسم الله الرحمن الرحيم...وين هذيل الناس...احياء ولا أموات...وهذا خلووووف مغلق تلفووونه..شو هالحاله....

فيسمع سعيد صوت انثوي يغني في الصاله اللي فوق....وهذا الصوت استمر في الغناء وهو نازل من الدرج.....وكان يغني


ياللي على البال تطري ونته ما تدري
وش ذنبه اللي يحبك ونته خليته
وش ذنب قلبٍ رسم لك حبه العذري
وش ذنب دمع ٍ على طاريك هليته


لوكان عمري بيديني فدوتك عمري
لكن عمري بيدين اللي ترجيته
انه يرد الزمان اللي على خبري
واعيش ليلك وحلم كم تمنيته

يوم ان قلبك بصدري ونته في صدري
طيف سكن في الحشى واثر الحشى بيته
الايام تجري وعمري في الشقى يجري
حتى الشقى من سِـــرابك داه وحبيته

((اغنيه سلمان حميد))

سعيد انبهر من هالملاك اللي نازل من السلم....شعرها...عيونها....صدق انها ملاك.....سعيد ما قدر انه يشل عينه منها....قعد يفكر من تكون.....معقوله تكون العنود...معقوله تكون العنود رفيقه الطفوله....والله كبرتي يا العنود..وصرتي قمر.....سعيد من شده انبهاره بالملاك اللي جدامه.....مايريد يشل عينه....ولكن من اخلاقه..نزل راسه....
سعيـــــد: احم احم
العنود( صارخت على انها زاغت وربعت ويابتلها شيله صلاه واتغشت) وكانت تبي اترووح فوق بس سعيد وقفها بكلامه..
سعيد: لو سمحتي اختي....وين خليفه...
العنود( انصدمت ان اللي ياي اهوه سعيد...)
سعيد: اختي...سمحيلي لاني دشيت عليج جذا...بس انا سلمت اكثر من مره...ولاحد رد..(فقطعت العنود كلامه وقالت)

العنود: ماعليك يا سعيد...احين بناديلك خليفه
سعيد( انصدم سعيد انه تعرف اسمه...فتأكد انها العنود): تسلمين يا العنود
العنود(فرحت لانها تأكدت انه عرفها): الله يسلمك...لحظه وبروح اناديه...اقرب البيت بيتك...
سعيد: خلاص بقعد انا اطالع تلفزيون لين ما ايي خليفه
العنود: اوكي

وراحت العنود صوب غرفه خليفه وكانت طايره من الفرح....ما صدقت منو شافت...شافت سعيد...هيه سعيد...سعيد حبيب الطفوله....سعيد إلا ظنها ماخاب فيه...سعيد القوي...اللي مايخاف المهاب...يحب يغامر...واهيه كانت تربع صوب غرفه خليفه واهيه مغمضه اعيونها..انصدمت يبهتها على الباب...

العنود: ااااااااااااااااااااااااااخ يعوووووور
عاد من الضربه...فز خليفه من الفراااش وبسرعه فتح الباب...شاف العنود طايحه وحاطه يدينها على يبهتها
خليفه:شوفيـــــج....وشو هذا اللي انضرب وخل حمامه نومي اطير...
العنود: انااااااااااااا اللي انضربت.....انصدمت بيبهتي على بابك.
خليفه: وليش ما عندج يدين..ههههههههه
العنود: لا اكيد عندي.....نسيت اقووولك...سعيد ولد خالتي ام فهد في الصاله ينتظرك
خليفه: هيه صح نسيت......ونت منو قالج
العنود: هاااا...الخدااامه يتني وقالت لي....
خليفه: هيه زين...دقايق وانا نازل له

في الصوب الثاني....

سعيد عايش في حلم....سعيد ما صدق اللي شافه...هل معقوله هاذي العنود...ااااااااخ ياعنود....حلووويتي....دبه ودووومج في نظري بتمين دبه وحلوووووه....يتذكر شعرها الاســـــود...وعيونها البنيه.....معقوووله هالحلا كله....يظهرج حلوه يا عنووود



ياترى شو اللي بيصير بين العنود وسعيد؟؟!!
...وميثا في لهفه بإنتظار حمد؟؟!!
...وبوفهد مشغول في الشغل...وام حمد شاله البقعه بوصول حمد...وام فهد اتساعدها...وام مهره بعد....ياترى...هل شعور ميثا بيتغير بوصول حمد ولا لا؟؟!!
...وساره كيف احولها...؟؟ ليش كله حابسه عمرها في الغرفه...؟؟!!

[زيتونة]

الــجــزء الـــثـــانــي

************************************************** ***************

وقفت لحظه انبهر فيها سعيد بجمال العنود.....تذكرلحظه غناها واهيه نازله من فوق...تذكر كيف شعرها كان يتطاير..وكأنها فراشه ....تذكرها واهيه كيف زاغت يوم سمعته واهوه يتحمحم....وكيف ربعت ولبست شيله الصلاه....كبرت العنود في عيون سعيد....مع انها المره الاولى اللي يشوفها بعد ما كبرت.....بدت خيوط اللحظه اللي شافها فيها تتراواله بين الحين والثاني......وكل ما يتذكرها...يبتسم....فقطع حبل افكار سعيد...كلام خليفه...

خليفه: يامــــــرحبا الساع....يامرحبا باللي لفانا...والعين لك اوسع من البيت
سعيد: يامرحبابك والله يا الرااااااقد....عنبوووه شكلك نسيت اني متصل فيك على اساس نروح نستقبل حمد في المطار
خليفه: لا افا عليك....ما نسيت...بس خذتني نومه
سعيد: ثاني مره حط لك منبه فاهم....
خليفه: من هالعين....
سعيد: غصبن عنك يالدب...
(خليفه ضرب كتف سعيد بالخفيف)..
خليفه: احلف انته بس
سعيد: يالله مافينا...بنتأخر...يالله انروووح
خليفه: يالله سرينا
سعيد: يالله...
ظهر سعيد مع خليفه لصووب المطار علشان يستقبلوون حمد.....وفي الطريق...
خليفه: اوووووه نسيت
سعيد: شو نسيت بعد....
خليفه: لحظه اشوي بتصل حق العنود
( سعيد من سمع طاري العنود....تذكر الموقف اللي حصل...فا ابتسم)

خليفه: الووووو عنووودي
العنود: هلا خليفه..
خليفه: عنووودي....مفتاح غرفه حمد بتلقينه في الدرج الثاني في غرفتي...
العنود: احلف انته بس
خليفه: هههههه ليش
العنود: وانا من الصبح خابصه البيت ادور المفتاح وعثره عندك
خليفه: سمحيلنا غلطنا..ونسينا..شي فيها
العنود: مافيها شي..بس لا تكررها...
خليفه: امراً وطاعاً يا سيدتي...
العنود:هههههههههه
خليفه: يالله انا احين بسكر....مع السلامه
العنود: مع السلامه

سكرت العنود من خليفه....وفجأه كانت واقفه مكان سعيد يوم شافها واهيه اتغني نازله من الدرج...واحمر ويهها...وقالت: واااااااااافضيحتيااااااااااه عليج ياعنووود...وراحت كملت شغلها في ترتيب البيت...وخذت المفتاح من درج خليفه....وفتحت غرفه حمد...اللي طافت عليها اسنين ما انفتحت..وكلها اغبار....وبدات العنود تنظف....


وفي نفس الوقت...

في بيت بوفهد

في غرفه ساره

ساره كانت تتكلم مع ربيعتها منى في التلفون
ساره: منى تراني انا مليت....شو رايج ندخل الماسنجر
منى: حتى انا والله....يالله شو ورانا...ندخل
ساره: الله عيل نتلاقا في الماسنجر..باي
منى :باي

سكرت ساره من عند منى وراحت فتحت الكمبيوتر...وبطلت النت...وفتحت الماسنجر...ولقت منى...وربيعاتها
منى: هااااااااااااي
ساره: هااااااااااييين
منى: والله البنات كلهن موجودات....شو رايج انسوي انفايت..
ساره: يالله...

وتمن البنات يســــولفن...عن الدراسه...وعن المنتديات....واتفقن على انهن باجر يلبسن نفس اللبس...علشان يطقمن...

بعد مرور نص ساعه...وصل خليفه و سعيد المطار......
خليفه: ياااااااااااسلااااااااااااام...اخويه بيي
سعيد: وليش انته وايد فرحان
خليفه: وليش ما افرح....اخوي...ياي من السفر ما تباني افرح...صدق ماعندك سالفه...
سعيد: ههههههههه انزين ماقلنا شي
يلس خليفه وسعيد في قاعه الانتظار.....ينتظرون وصول حمد....وفي هذا الوقت..
خليفه: انااااااااااا مليت....سعيد..شو رايك اتسمعنا قصيد..
سعيد: لاوالله...شو قالولك نزار قباني وانا ما ادري...ولا عنتر وقاعد اتريا عبله
خليفه: ههههههههههههه لا قيس وقاعد يتريا ليلى...
سعيد:ههههههههه
خليفه: لا صدق سمعنا شي...
سعيد: انزين خلني افكر...اقوولك..ولا ما اقوولك...
خليفه: يالله عااد
سعيد: انزين انزي.........سكت سعيد لثواني...ومر عليه موقفه ويا العنود لما كانت نازله من الدرج وقال:

منْ عيونك أنســــج ابيات الغرام...
وانْ برد هالليــــل صارت لي دفــــا...
مرحبا بك يالغضـــــى ردّ الســـــلام....
لو دريت انّــــي أحبّــــك بالخفـــــا....
يوم شفتــــك ضاع عن بــــالي الكــــلام....
مـــاهقيت القلب موجـــــك يجرفـــــا....
فــي غرامك مول قلبي مايـــــلام.....
يا زريف الطـــــول يانبــــع الــــوفا.....
يامحبّــــي لا تجافيــني حـــــرام...
ما أروم البـــعد عنــــك والجفــــا....
يالغـــــلا لالا تخبّـــي الانسجـــــام....
أعــــرفك يا زيــــن حق المعــــرفا.....
إقـــربْ اقـــربْ يا الحبيــب المستهـــــام....
جــــوّنـــا صافــــي وجــوّك لي صفـــــا.....
يــــوم اســـلّـــم يالغـــلا ردّ الســــلام...
ليــــش تتركــــني.....أفــــا والله أفــــا!!!.....
(( الشاعره الشامخه))

وسلامتـــــكم..
خليفه: صـــــــح لسانك يا الشاعر..
سعيـــــد: صح بــــــدنك...
خليفه: واتقوووول اونك هب عنتر...إلا عنتر....بس عبله ياحليلها وينها..
(اهنيه سعيد قال في نفسه: العنووود اهيه عبله....هههههههه)
سعيد: ياحليلها قاعده تترياني
خليفه: ههههههههه ياحليلها

في هاذي اللحظه....وصل انسان كان متلهف للوصول...انسان كان كل همه انه يرجع الامارات ويتنغم في ريحها...كان كل همه...ان يرجع لريحه العين...لريحه هله..لريحه اللي تربا فيها....كان كل همه انه يرجع ايام قبل مايسافر....ايامه مع ربعه...كيف كانوا يسهرون....ووين كانوا يسيرون....حتى اكل الامارات كان همه ان ياكله...بس وين...واهل الغرب وين.....وصل حمد...بعد مده غياب 4 سنوات....وصل حمد...واول ما وطت رجله على ارض الامارات....قال:: بسم الله الرحمن الرحيم......والسلام عليكم ورحمه الله وبركات...اشتقت لج يا الامارات...اشتقت لج حيل والله...اشتقت للجو....اشتقت لارضج الطيبه...اشتقت فيج كل حبه بناها الشيخ زايد-رحمه الله- اشتقت لكل شي.....اشتقت لامي ...اشتقت لريحه ابوي الغالي...اشتقت لخليفه..واشتقت للعنود...اشتقت حق خوالي وخالاتي..واعمومتي....اشتقت لكم كلكم....(نزلت دمعه حمد لشوف الامارات).....
( حمد عمره 25 سنه....شخص جذاب...له سمه الوسامه...عيونه عسليه...وحنطاوي اللون...له طول...وله عرض..وكشخه)
حمد اول ما وصل..ما لقى حد....تم يدور...ويدور....وفجأه
خليفه: حمــــــــــــــــــــــــــــــــــــــــــــــــ ـــــــــــــد
التفت حمد لمصدر الصوت اللي ينادي بأسمه......ولقاه اخوي....وراح يلوي على اخوه...
خليفه: حمدالله على السلامه يا حمد
حمد: الله يسلمك...علمني اشحالك...وشحال امي والعنود....
خليفه: ابخير...والحمدالله...بس ناقصنا انته وبس
حمد: الله يخليكم لي ان شاء الله
سعيد: حمدالله على السلامه يا حمد...منور الامارات
حمد: الله يسلمك....وبوجودك يا سعيد....اشحالك انته والاهل..
سعيد: الحمدالله..يسرك حالنا....
خليفه :يالله ياحمد.....رووح السياره..انا وسعيد بنشل الشنط ويايينك..
حمد: لاوالله...انا بشلهن
خليفه: لا قلت انا وسعيد
سعيد: لا والله...حلفت عليكم تضاربوووون..من زمااان ما شفتكم تضاااربوون
( التفت كل من خليفه وحمد والكل طالع الثاني....وقعدوووووا يضحكووون)
شلوووا الشنط وراااحوا السياره......وفي طريقهم للعين...لبيت ام حمد....
حمد: الله..متوله على امي حيييييييييل
خليفه: لو متوله عليها صدق...جان اتصلت فيها على الاقل
حمد: شو اسوي...كلها دراسه في دراسه...
سعيد: ماشاء الله عليك......مصري ظاهر
حمد: الله وكبر عليك....صل على النبي
سعيد+خليفه: اللهم صلي وسلم عليه
سعيد: انزين ماقلنا شي.....
الكل: هههههههههههههههه


وفي الطـــريق

خليفه: سعيــــــــد سمعنا شي من قصاااايدك...
حمد: ماشاء الله سعيد يكتب ويقصد...والله ظهرت هب هين يا سعيد
سعيد: ههههههههه يضحك عليك هذا خلوووووووف
خليفه: انزين قوله اي قصيده....وانته احكم يا حمد لو انا اضحك عليك..
حمد: خلاااااص...يالله
سعيد: لاوالله...انزين بشرط
خليفه+حمد: شووووو
سعيد: حد فيكم يقووول قصيده من قصايده بعد ما اخلص
خليفه: انا عن نفسي ما اعرف...حمد يعرف
حمد: خلاااااااااص تم..بس يالله قووول...
سعيد: يالله سمعــــواااا.....سكت سعيد لثواني واهوه بعد يتذكر الموقف اللي جرى مع العنود...وقال:


يــــاحلـــو يازيـــن يا قمــــر...
شفت الغــــلا في الغــــواني....
من يـــوم ماشفـــت حســــنك....
سهمـــــك بقلبـــــي رمـــــاني...
شفت العيــــون الجميــــــله....
والخـــد تفـــــــاح شامــــــي...
الثغـــــر من اللـــول يـــروي...
والخشـــــم خنجـــــر يمـــــاني...
والشعــــــر اســـــود خليجـــــي....
في ليــــــل ليلـــــه ظــــلامي...
حــــلو المنـــظر لا تلثـَّـــــم....
ريتــــه يشـــــد اللثــــــامي...
مـــن جرب الحـــب يتعـــــب...
وما هو ضحــــك او كــــلامي...
اسهــــر واعـــــد الليـــــالي...
مابــــي وجــــع في العظامي...
غيـــــر البــــلا من حبيبــــي...
من يــــوم شفته بلانـــــي...
يازيـــــن سلمــــت قلبي...
من بعــــد ما قـــد جرى لي...
والجســـــم صوره تحرك...
والروح بعـــــدك تعـــــاني...
ياريــــت اســــكن جنبــــك...
والا تجــــي في المنامـــــي...
من أجــــل يرتاح قلبي...
والجفــــن يغمض ينـــــامي...
(( الشاعره عيون الغزال))

وسلامـــــتكم

خليفه+حمد: صـــــــح لســــــــــانك يا الشاعر
سعيد: صح بدنكم...
خليفه: ها حمد شو تحكم...
حمد: بصراحه رووووعه.....ماشاء الله عليك يا سعيد....تعرف تكتب قصاايد...وقصيدتك حلووه....
سعيد: تسلمووووووووووون...يالله يا حمد لا تتهرب...يالله سمعنا..
حمد: لا مابتهرب.....وسمعـــووووا....يقولكم الشاعر حمد:

حـظ عيني لو تشــــوفك كل يــــوم...
حظهـــــا وانته لناظرها الضيــــا....
نـــام فيها نـــام وانعـــس لا تقــــوم...
بـــالسعـــــاده يـــا تباشير الحيـــــا..
انته اللي لك انــــا عمـــري اســـــوم...
وارخـــص الغالي بلا زيـــف وريــــا....
والبقـــايا مالهـــم عنـــدي لــزوم...
قلبـــك وقلبــــي حبــــايب أوفيـــــا...
غيبــــتك وجـــدان واحــــزان وهمـــوم...
تتعــــب افكــــاري تســـبب لــي عيـــا...
ودي بشــــوفتك مـــع طيب العلــــوم...
عــــن عيــــوني لا يبعـــــدك النيـــا...
صــــدق انا مشــــتاق لكنـــي كتــــوم...
اجبــــر عـــزومي ويمنعنـــي الحيـــــا...
منــــزلي فوق الكــــواكـــب والنجـــوم...
وافــــي وسمعــــي على صوتـــك حيـــا....
وش عـــلى عيـــني اذا شــــافتك دوم...
دامــــك انته في نــــواظرها الضيــــا...
((الشاعره مطلع الشمس))

وسلامتـــــكم

خليفه+سعيد: صح لســـــــــانك يا شاعرنا ...
حمد: صـــح بدنكم...
خليفه(حاب ينرفز سعيد): ها سعيد شو رايك....
سعيد: والله قصيدته واااايد حلوه
حمد فهم حركه خليفه بس خلاه علشان يشوووف سعيد شو بيسووي
خليفه: انزين راونا كيف بترد عليه..
سعيد: انزين......يقولكم...

ياهنـــاه العيـــن لي تنـــظرك دوم...
تهتـــني وتــزيد من نــــورك ضيـــا...
فـــي عيونــــك عيـّــــدت من عقب صوم...
وازهــــرت فيهــــا تباشيــــر الحيــــا...
من يشــــوفك بالفعــــل حظه يقـــــوم...
ينســــى حتى همـــــوم وقته والعــيـــا.....
ويتمـــــنى العــــمر في قـــــربك يــــدوم...
عنــــك لحظــــه ما يفــــرقه النيـــــا.....
لك غـــلا يـــزداد يـــوم ٍ بعد يـــوم....
صـــادق ٍ واضــــح ولا مســــه ريــــا.....
وان قــــدرتي بيــــوم تحصــين النجــــوم....
تعرفيــــن اشقــــد احبـــك ياضيـــــا....
لـــي متى بيــــتم حبــــك لي كتـــــوم...
لي مــتى عنــــي بيمنعــــك الحيــــا...
ليــــش نغـــرق يالغلا وســــط الهموم...
دامنــــــا في الحــــب والعشق اوفيــــا....
((الشاعر ع- س))

وســــــــلامتكم

خليفه+حمد: الله الله....صح لســــــانك والله

وقعدوااا يقصدوووون...لين وصلوووا البيت....نزل حمد واهوه قاعد يتمنظر البيت....البيت مثل ما اهوه...اللون الاخضر كثر في البيت....تذكر ايامه في هذا البيت الحلووو.....ويقطع حبل افكاره بصوت امه..

ام حمد: يامرحبـــــــــــــــا الســـــــاع ب حمد.....
ويلست ام حمد اتبوووسه...واهوه يبوسها على راسها....وقعد يبجي على شوقه لامه.....بدا يحن لحنانها...بدا يحن لصراخها....بدا يتذكر كيف كانت تصرخ عليه يوم يضرب اخته العنود....ام حمد غرقااانه من كثر البجي.....تبجي...على شوقها لولدها...وخليفه وحمد ما قدرواا يمسكوون اعمارهم...فنزلت دمعه من عينهم على المشهد المؤثر بين حمد وامه.....في هاذي اللحظه....العنود سمعت صوت اخوها حمد...فربعت لبرع البيت....وسعيد شافها...لكنه صد عنها ونزل راسها...واهيه كانت تبي تظهر...لكن شافت سعيد فرجعت لداخل البيت...وقعدت اتصيح....تبي تحض اخوها.....في هذا الوقت ترخص سعيد منهم......ودخلوا ام حمد وحمد داخل البيت....وحمد شاف العنود على الكرسي قاعده اتصيح...حس فيها...ماقدرت تظهر لانها شافت سعيد وقعدت في الصاله.....وتمت اتصيح......حمد نزلت دمعه على منظر اخته....
حمد: العنـــــود....اشحالج
صدت العنود ....وراحت تركض وارتمت في حضن اخوها اللي صار لها مده ما لمسته....قعدت تبجي....

بصوت متقطع.....العنود: ح...حم....حمدالله على سلامتك يا اغلى اخوي في الدنيا كلها...
حمد: الله يسلمج غناتي....بس خلاص ما ابي هاذي العيون الحلوه تبجي مره ثانيه....فاهمه...
تمسح العنود دموعها....وقالت: ان شاء الله اخوي...

ودخل خليفه البيت بعد ما وصل سعيد بيتهم...وقعدوااا يسوولفووون ....كان حمد يخبرهم شو كان يسوي....وكان يتخبر عن احوال اهله...وشو صار...وشو اللي ماصار....فترخص حمد من عندهم وراح غرفته يرتاح بعد ماقعد عندهم لين الساعه 3 فليل وهم يسولفون.....
دخل حمد غرفته....وحس براحه فضيعه.....وشاف غرفته مثل ماكانت...ماتغير فيها شي.....دخل الحمام وخذ لها شاور على السريع....ونام نوم العوافـــــــــي



في اليوم الثـــــاني.....

الساعه 4:20 الفير....
نشت ميثا....ودخل الحمام...وتوضت....وراحت اتصلي الفير....وخذت القرآن..وتمت تقرا لين ما اشرقت الشمس...على الساعه 6:30....خلصت ميتا من قرايه القرآن.....وراحت غيرت ملابسها علشان اترووح الجامعه...ونزلت تحت....ولقت امها وابوها واخوها سعيد...وفهد...وحرمته ام مهره....
ميثا: الســـــلام عليكم
اليميع: وعليــــــــكم السلام
ام فهد: جيه وين اختج مانزلت من غرفتها..
ميثا: احينه بتنزل...
وجان تنزل ساره من فوق....وسلمت عليهم....
واتريقوووا اليميع.....وراح كل واحد صوب شغله..
وصلن ميثا وساره الجامعه......ساره راحت كلاسها...اما ميثا كان عليها ابريك...واهيه يت من الصبح علشان تقعد مع العنود...وراحت صوب الكوفي.....

ميثا: السلام عليكم
العنود: وعليكم السلام...
ميثا: اشحالج...وكيف اصبحتي...
العنود: الحمدالله...وبصراااحه انا فرحااااااااااانه وااااايد
ميثا: ليش ان شاء الله فرحااانه....فرحيني وياااج
العنود: انزين....بقوووولج
ميثا: يالله
العنود: امس رجع حمد من السفر...وقعدنا انسوولف وياه لين الساعه 3 فليل....
(ميثا من سمعت اسم حمد....احمر ويهها...وفرحت....وابتسمت ابتسامتها الطفوليه المعتاده)
ميثا:والله....الحمدالله على سلامته
العنود: الله يسلمج من كل شر...( العنود لاحظت ان ميثا احمر ويهها)
ميثا: ليش جذا اطااااالعيني هاااا
العنود:هههههههههولاشي...بس اشووووفج محمره ههههههههه
(ميثا مسكت الماي ورشته على العنود)
ميثا: جب جب
العنود:هههههههه خيستيني ماااااي..انا براااويج يا الدبه
(مسكت العنود غرشه المااي ورشته على ميثا)
وكل البنات اللي في الكوفي مستغربات من تصرف ميثا والعنود....
ميثا: عنووووودي..الله يغربل ابليسج...الكل قاعد يطاااالعنا....
العنود:ههههههههه انتي اللي بديتي..يالله قومي انسير الحمام....
ميثا: يالله
وراحن يجففن الماي اللي في عباتهن....حتى الجحال(الكحل) اللي حاطينه في عيونهن سال...فعدلنه...وحطن المرطب على شفايفهن...وطلعن من الحمام...وكل البنات تمن يطالعهن...
العنود واهيه تهمس: بسم الله الرحمن الرحيم....هب عيووون عليهن...
ميثا: هيه والله..قل اعوذ برب الفلق
العنود: قل اعوذ برب الفلق....
وراحن يكملن اكل...

الســـــاعه 10:30 الضحى

في بيت ام حمد

ام حمد: ناني....وين الجاي اللي طالبتنه منج من ساعه
ناني: انجين ماماه...انا بيسوي احين
ام حمد: الله يغربل ابليسج ياليابسه....ولا جني قايله لج من الساعه 9
ناني: انجين ماماه..انا مخ مال انا خربان..وااجد يفكر يفكر
ام حمد: يالله بسرعه رووحي سوووي الجاي..وزهبي الاكل...حمد احين بينش من الرقاد
ناني: انجين ماماه...

وراحت ناني اتسوي اللي قالت لها ام حمد....

وبعد مرور نص ســــاعه....اي حوالي الساعه 11


ينش حمد من الرقاد....وحس عمره اول مره يتهنا برقاده...بلا ازعاج...ولا شي...نزل من السرير وراح صوب الكبت علشان ياخذ ملابسه....ففتـــح الكبت....وبدا يفكر شو يلبس....واخذ يدور من بين الملابس وفجأه طاحن صور من كبته...حمد تم يتمنظر الصور...ونزل علشان ياخذ الصور علشان بشوف سالفه هالصور....فأول ماشافهن.....تفـــاجأ....وبطل اعيونه على الاخير..من الدهشه....وبدا يتسائل منو صاحب الصوره....ومنو هاذيل اللي في الصووره....فأخذ الصوره...ورد يقعد على السرير...وتم يتمعن في الصور.....واخر شي عرف انه من اليهال...وعرف العنود...وخليفه...وسعيد..وساره.....ميثا...... ووقف فجأه على اسم ميثا....فيقول في نفسه....والله ياميثا صار لنا فتره مالعبنا ولا شفناج......وبدا يتذكر سالفه الطحين والبيض.....ويتذكر ان ميثا كانت اتخاف من الضفادع يوم كانوا يروحون المزرعه مع الاهل.....يتذكر ان ميثا ما تسكت لها...كانت اترد له بدال الصاع صاعين...قعد يفكر....ويفكر.....واخر شي فكر...ان هاذي الصوره شو يايبها اهنيه.....قال...اكيد كنت ناسيها وانا مسافر.....فرد الصوره مكانها...وراح الحمام...واخذ شاور على السريع...واخذ له قميص اسود كت....وبنطلون ابيض قصير....لين تحت الركبه تقريباً......واخذ الكاب...ولبسه ونزل تحت...لقى امه يالسه تترياه في الصاله..

حمد: الســـــــــلام عليكم
ام حمد: وعليكم السلام والرحمه
فقام حمد وحب امه على راسها......
ام حمد: خذ لك لقمه يا حمد ....تباني اصب لك جاي...
حمد: تسلمين يا اغلى ام....هيه لو ماعندج مانع....ابا جاااااي...
ام حمد: من عيوووووني
حمد: تسلم لي اعيووونج يا اماااايه......امايه
ام حمد: عيوووونها....اطلب آمر تدلل
حمد: اشتقتلــــــــج واااااااااااايد
ام حمد: اشتاقت لك العافيه والجنه يا حمد....حتى انا والله...اعد الليالي على موعد وصولك...اسابق عقارب الساعه واقولها عجلي ترا حمد وليدي بيوصل....(ونزلت دمعه من عيون ام حمد)
حمد: فـــــــــديتج يا اماااايه.....(ويقوم ويمسح دمووع امها...ويحبها على راسها....ويحضنها)
حمد بعد ما كل وشبع.....ترخص من امه علشان يروح المووول
حمد: امااايه انا بظهر برووح المول
ام حمد: شو موول هذا بعد
حمد: ههههههه برووح العين مول...يعني بروح السوق
ام حمد: انزين خلاص.....رووح...بس لا تنسى نحن على الغدا ننتظرك
حمد: فالج طيب.....يالله مع السلامه
ام حمد: مع السلامه...الله يحفظك

وركب حمد م السياره وظهـــر من البيت ورايح صوب العين مول.....

في بيت ام فهد

ام فهد: بوفهد انا بتصل في ام حمد علشان اتحمد لها بالسلامه...وبالمره بمر عليها العصر
بوفهد: اللي اتشووفينه....

فراحت ام فهد تتصل في ام حمد....

ام فهد: الووووو السلام عليكم
ام حمد: وعليكم السلام والرحمه
ام فهد: اشحالج يا ام حمد...عساج ابخير
ام حمد: بخير ربي يعافيج...نحن ابخير من سمعنا صوتج...
ام فهد: عساه دوووم ياربي...ألا حبيت اتحمد على سلامه حمد ربي يحفظه....اشحاله عساه مرتاح
ام حمد: الله يسلمج يا ام فهد....والحمدالله ...حاله باحسن حال....واحينه ظاهر العين مول
ام فهد: ماشاء الله عليج..بس حبيت اقولج اني يايه لكم العصر...علشان اسلم على حمد
ام حمد: وليش اتعبين عمرج يا ام فهد....اصلن حمد قالي بيخطف عليكم بيسلم عليج انتي وبوفهد
ام فهد:لالالالالالالالا انا وبوفهد وفهد يايين عندكم....اليوم...وخليه في بيتكم...جيه هو اللي امسافر ولا نحن
ام حمد: خلاص اللي تامرين عليه يا ام فهد
ام فهد: خلاص ياغناتي...انا بخليج احين...يالله مع السلامه...
ام حمد: مع السلامه

بعد ما سكرت ام فهد من ام حمد..........اتكلمت مع بوفهد...
ام فهد: بوفهد...شو رايك....نشتري خضره وانطرشه لبيتهم...ولا نذبح ذبيحه على سلامه حمد
بوفهد: خضره احسن...لان الذبيحه يبالها عباله....
ام فهد: خلاص عيل..روح الجبره وييب خضره وطرشه لبيت ام حمد
بوفهد(وحاب يغيض ام فهد): ان شاء الله يا هانم....اي أوامر ثانيه
ام فهد: ههههههههه لا سلامت راسك

ظهر بوفهد للجبره علشان يشتري خضره...ووصى الدريول يوصله لبيت ام حمد......وعلى الساعه 1:30 ...وصل الخضره من كل انواعه...من التفاح..البرتقال..المانجا...الموز..العنب...البطيخ. ..الشمام...وغيره لبيت ام حمد...وام حمد على طول راحت تتشكر فيهم على طيب اصلهم....


في هذا الوقت....

في الجامعه...

ميثا: يالله احينه بنخلص من هذا السبااااااال
العنود: منو السبااااااااال؟؟؟!!!
ميثا: منو غيره......استاذ الـ ESP
العنود:ههههههه حليله
ميثا: وحل حلول واربشه يا ربي...ما اطيقه.....لصقه في البنات...مايصدق ان البنت لو تسأله سؤال يروح يلصق عدالها....لا...ويحط الكرسي جدامها ويكلمها.....
العنود: ههههههههه الله يعينا....

خلص الكلاس...ويعني خلص دوام هاليوم...راحن ميثا والعنود عند البوابه علشان يروحن البيت....وفي الطريق
يرن تلفون العنود.......العنود بسرعه شلت التلفون وما انتبهت منو كان المتصل...

العنود: الوووو
حمد: يامرحبـــــــا الساع
العنود: يا مرحبا فيك حمد..
(ميثا من سمعت اسم حمد....اتخرطفت وطاحت.....الكتب في صوب والشنطه في صوب واهيه في صوب)
العنود: يييييييييييييييييييييييييه بسم الله الرحمن الرحيم.....شوبلاج ميثووووووه
ميثا: مابلاني شي...ممكن اتروحين عني..واتخليني اشل اغراضي وايي وراج
استغربت العنود من تصرف ميثا...ليش كانت تتكلم معاها بهالاسلوب...وليش اتخرطفت...معقووله ما شافت الدرب....
العنود: واذا قلت لج اني هب سايره....واني بشل وياج الاغراض....(نست العنود ان حمد على الخط)
ميثا: لا مايحتاي...اعرف صرفه نفسي...
العنود::ميثــــــــــااني شو بلاج
حمد: العنووووووووووووووووووووووووووووود
(زاغت العنود من صراخ حمد...لانها نست ان حمد كان وياها على الخط)
العنوووود: ها ها نعم.....
حمد:بلاااج انتي..
العنود:ماشي
حمد: انزين سمعت تنادين باسم ميثا
العنود::هيه...هاذي ميثا بنت خالتي ام فهد...لا ايكون نسيتها
( التفت ميثا على العنود وعرفت ان حمد كان يتخبر عنها...فأحمر ويهها)
حمد: لا مانسيتها....المهم سلمي عليها....وانا اترياج برع...بسرعه ظهري..
العنود: انزين يالله مع السلامه
حمد: انزين سلمي عليها بألاول...
العنود: انزين انزين...ميثوووه...حمد يسلم عليج
ميثا ما عرفت شو اتسوي...كل اللي قدرت اتسويه انها ترسم علامات التعجب في ويهها....
العنود: بسم الله الرحمن الرحيم....ميثووووه بلاج...
ميثا: لا ولا ولا ولاشي....بس ردي السلام
العنود:اممممم اوكي....(واهنيه اتكلم حمد)..على ما اعتقد انك سمعت الجواب...ويالله مع السلامه
حمد:هههههههههه يا حليلج يا ميثوووه...يالله مع السلامه
وعلى طول الطريق ميثا والعنود كانن ساكتات....العنود تبا تعرف ليش كانت ميثا تتكلم وياها بهالاسلوب....وميثا....حاسه عمرها مخنوقه....تبي اتصيح....حست بغلطها يوم عاملت العنود بأسلوب جاف....
ميثا: العنود.....
لاحظت العنود ان ميثا كانت تصيح.....
العنود: هلا ميثووووه
ميثا: عنووودي انا اسفه والله اسفه على الاسلوب الجاف اللي عاملتج فيه....
(ميثا حضنت العنود وكانت تصييح على الموقف)
العنود: ولا يهمج.....يا الدبه....
راحت العنود وميثا صوب البوابه....واستسمحت ميثا فوق المليووون مره من العنود على الموقف اللي صار...
فظهرن مع بعض....العنود باست ميثا....وكل وحده ارحت سيارتها...عيون حمد تتبع ميثا لين ركبت سيارتها....ودخلت العنود

العنود: السلام عليكم
حمد: وعليكم السلام...اقووووولج
العنود: شوووو...قوووول...
حمد: مب جنه السياره اللي كانت واقفه عدالي سياره ريل خالتي ...يعني عمي بوفهد
العنود: هيه صح
حمد: يعني ميثا اللي كبت
العنود: هيه صح...شي بعد
حمد:لا يالله انسير البيت.....ابا اروووح اكل المجبووووووووس من يدين امي
العنود: يالله سرينا



وفي سياره ميثا
ساره كانت ملاحظه على ميثا نوع من السرحان....لاحظت انها جم من يوم واهيه تسرح في سالفه طويله عريضه....فقالت في نفسها....ما ابي اكون رزه...خليها تيي منها احسن...ما احب اضغط عليها....
ميثا كانت اتفكر ...ليش اتخرطفت من سمعت اسم حمد....وليش عاملت العنود بقساوه.....عاملتها بنوع من الجفاف.....وليش سلم عليها حمد.....وليش انا رديت عليه السلام....وقطع حبل افكارها...صوت تلفونها....ما انتبهت منو المتصل...

ميثا: الووو السلام عليكم
سعيد: وعليكم السلام ميثوووووه
ميثا: هلاااااااااا سعيد
سعيد: لا ايكون محد يابج من الجامعه
ميثا: لا الدريول يابني وانا في طريقي للبيت...مع ميري
سعيد: زين عيل...تبيني اييب لج شي وانا رايح صوب البيت
ميثا: انته تعرف انا شو ابااااااااااااااااااا
سعيد:واللي تبينه انا بعد ابااااااااااااااه
ساره: واناااااااااااااا بعد حراااام عليكم
ميثا: سعيد حتى ساره تباااااااااااااااا
سعيد:فالكن طيب...يالله بروووح اخذه وبروووح البيت....مع السلامه
ميثا: مع السلامه


وفي نفس الوقت....

في سياره حمد

حمد: عنوووودي...شو بلاج سرحانه....
العنود:ولاشي..بس...
حمد: بس شو ؟؟!!
العنود: بس ميثوووه ما ادري شو بلاها ..اتغيرت علي بين ثانيه وصارت اتعاملني بقساوه
حمد: عنووودي...انا صح ما شفت الموقف...بس سمعت شو اللي استوى...يمكن البنت منحرجه من الموقف....وما عرفت شو اتسوي....وترا الاحراج الزايد في الموقف اللي يخليها مضحكه جدام البنات وجدامج انتي...يمكن خلاها اتعصب....واتحول اسلوبها لنوع من القساوه....فلا تلومينها....وصدقيني بتستسمح منج
العنود: بس اهيه تمت اتصيح ....وتمت تعتذر.....وانا ما زعلت....بس شليت في خاطري من اسلوبها
حمد: شفتي...لو ما كانت اتعزج واتحبج جان ماسوت هذا كله
العنود: هيه والله......تسلم اخوي...والله انك ريحتني بكلامك....وانا بعد الغذا بتصل فيها....
حمد: وهذا اللي لازم اتسوووينه....
حمد تم يفكر بينه وبين نفسه ليش ميثا اتخرطفت.....وليش كان اسلوبها مع العنود قاسي فجأه....وليش يوم سلم عليها...تأخرت في الرد.....وحتى قالت...(ردي عليه السلام) مب من الخاطر...ليش.....

في بيت بوفهد

الكل تغدا.....إلا ميثا

ام فهد: ساره يابنيتي..ليش خويتج ما تغدت
ساره: والله يا اماااه ما ادري..يمكن عليها امتحانات....او تعبانه من الجو..ترا اليوووم كااان حر
ام فهد: عيل خلاص....انا برووح ارقد في غرفتي اشووي..يالله....
ساره كانت تبي اتقوم جان سعيد يقول لها قعدي ابا ارمس وياج
ساره:خير سعيد....شو حايتك
سعيد:لا ولا شي ...بس حبيت اتخبر عن ميثا....لاحظت عليها في السياره هب على عوايدها..
ساره: والله يا سعيد ما اعرف شو اقولك....بس اهيه شكلها زعلانه من العنود
سعيد من طرا على باله اسم العنود....طرا عليه الموقف....وكان يقول في نفسه ياليته 24 ساعه يصير هالموقف...ويقطع حبل افكاره صراااااااااخ ساره
ساره:سعييييييييييييييييييييييييييييييييييييييييييي يييييييييد....
سعيد: وصمه...صمختي لي اذني...انزين ما قلتيلي ليش زعلانه من العنود....
ساره: والله ما ادري...صدقني انا حاسه انهن بيتراضن اليوم شو رايك...
سعيد:وليش كل هالثقه
ساره: لانهن اكثر من ربيعات...وبنات خاله....واكثر اكثر
سعيد: الله يديم المحيــــــه امبينهن..
ساره:آمــــــين


في غرفه ميثــــا...


ميثا....من يت من الجامعه واهيه على حالها...تبجي على اللي صار...تبجي من رده فعلها من سمعت اسم حمد...تبجي من اسلوبها مع العنود...تبجي من سلام حمد...واتفكر...وهذا السلام هل وراه شي يحطم القلوب....تمت ميثا تبجي...ومن كثر بكاها...نامت...نامت ميثا بعد ما اجهدها التفكير....نامت بعد ما مر عليها يوم كامل من الاحراج والضيق....نامت بعد تساؤلات في بالها عن اللي استوى اليوم....نامت ودمعتها على خدها...نامت وعلى امل ان العنود تستسمح منها...نامت بعد ما تنهدت من الالم اللي جرحها....

في الصوب الثاني.....

العنود....كانت اتفكر في ميثا....كانت اتفكر شكل ميثا واهيه اتخرطفت....اتفكر...بالاسلوب اللي اتبعتها معاها....اتفكر...شو اللي غيرها في لحظه...اتفكر...واتقول في نفسها....ميثا حبيبتي...مستحيل اتفرقنا الايام إلا الموت...انا اعرفها ميثا...اعرف شو تبا...وشو اللي ماتباه....انا وميثا مب ربع من يومين...انا وميثا اكثر من ربيعات ...اكثر من قرايب...قلبي اهوه قلبها...وقلبها اهوه قلبي....بس يا ترى شو اللي حصل وخلاها تتغير..؟؟!!...هذا السؤال حير العنود.....بعد تفكير طويل...قامت العنود من السرير...وراحت صوب مكتبها...وبطلت الدرج الاول....وخذت دفترها المخملي....دفتر خواطرها....مسكت القلم...وجت معانيها من قلبها ورسمتها وخطتها في الدفتر....فكــــتبت......

تحطـــمني علـــى كيفـــك وتجـــرحني بلا زلــــه...
حبيبـــي لا تعــــذب زود يكفـــينا من الليعــــات...
أحبــــك مــوت يا(ميثا) الغالي وحبــك مول ما مله...
واذا تعلـــم بأني لك أبــــاك تعيـــش فـــي راحــــات...
طـــريق الحـــب أدري به يا كيـــف اليـــوم ما دلــه...
تـــلوم العاشــق المغرم ونفســـه مغرمــه ونــــات...
سعيـــد الحظ في قربـــك وحبــك لي شرى الظلـــه....
يا كيـــف يصيـــر ما أحبـــك وأدوّرلك عـــذر زلات....
نظيـــر العيــن لا تحــزن وكل ما قلتــه لك شـــله...
مــن الخـــاطر ولا تبـــالي وانســى ما مضــى وما فـــات...
تبــا عيــوني بقـــدمها لك هـــديه قلبــي لخــله....
واذا ودك بعــد آمـــر ولا تشـــكي من الأوقـــــات....
أنــــا والله ما ودي تصيـــر الحـــاله منشــله....
ياغيــــر القلـــب يا عمــــري حزيــن ٍ في سهــر مابات...
تعرف اني على عـــهدك فـــداك العمـــر لك كلــه...
واذا تبعد حبيبي..يوم حبيبــك صار من الامــــوات....
((كلمات..فتاه الهيلي- العين))

في هاذي اللحظه....العنود سكرت الدفتر على طول...وراحت تبجي....واتقووول ليش ياميثا ليش....




في غـــرفه حـــمد...

حمد كان يرمس ويا شوق......( حمد تعرف على شوق في العين مول...في الكوفي...كان يالس اهوه ورباعته....وكان يلعب في تلفونه....وطبعا...كان فاتح البلوتوث....ويوصل له مسج....من الفـــراشه(شوق)....وكان مكتوب في المسج....يامرحبا والله...وطبعا من ذاك اليوم حمد يرمس شوق....يعني حب انه يتسلى اشوي...)

حمد: حبيبي شواقي...شو بلاج..
شوق: ولا شي...بس انته ما ترمس...
حمد:لا ياعمري....شو تبيني ارمس
شوق: اي شي....يعني مثلا مثلا...عندك بنات عم او بنات خال او بنات عمه او بنات خاله
حمد فهم مقصد شوق من هذا الكلام...فحب انه يلعب باعصابها...
حمد:ههههههههه وليش يعني لازم تعرفين...
شوق: هيه لازم....حبيبي ولازم اغار عليه
حمد: اهاااااا...حبيبج....
شوق: وليش شاك في هذا؟!
حمد: لا مب شاك...
شوق: عيل يالله قولي....ماجاوبتني
حمد: هيه عندي بنات خاله...وحده اسمها ميثا...والثانيه ساره
شوق ونار الغير بدت تاكلها.....واتقووول في نفسها ان شاء الله مايكونن حلوااات....
شوق: منو الاكبر فيهن
حمد: ميثا طبعا
شوق: وانته اتحبها؟؟!!
حمد استغرب من السؤال.....وهذا السؤال ولا خطر في باله.....كيف انا احبها.....لالا مب معقوله...ميثا بعدها ياهل...صح ان عمرها 20 سنه بس...بس من سافرت الين احين انا ماشفتها...واذا حبيتها.....هل معقوله اهيه اتحبني....سرح حمد فكره في ميثا...ونسى ان على الخط شوق ....ويقطع حبل افكار حمد...بصوووت شوق
شوق: حمد حبيبي وين رحت
حمد: لا لا ولاشي...
شوق: ما جاوبتني..
حمد: شوق شو تبيني اقولج....
شوق: يعني انته اتحبها
حمد: صح ان ايام الطفوله وياها كانت احلى ايام عشتها ...ولكن من بعد ماسافرت ماشفتها....وما اعتقد اهيه بعد حاطه في بالها ان حمد رجع من السفر...
شوق: ليش يعني
حمد والحيره في باله
حمد: شوفي شواقي.....اليوم خليت اختي العنود اتبلغ سلامي حقها....
شوق: وبعدين.....
حمد: ماشي.....سكتت...وبعدين قالت مب من الخاطر...ردي عليه السلام...يعني ماكلفت عمرها وقالت...الله يسلمه....وسلمي عليه
شوق:اهاااا...يمكن اهيه ما اتحبك واتحب واحد ثاني
في هاذي اللحظه...نار الغضب سيطرت على حمد....وصرخ على شوق وقال
حمد(بغضب): ياويلها مني لو عرفت انها اتحب واحد غيري.....حمد لميثا وميثا لحمد...وبس
(اتضيجت شوق من كلام حمد....)
شوق: لا والله....
( حمد كان ضايع في كلامه...ما عرف ليش قال هذا الكلام....هل معقوله حمد يحب ميثا واهوه ينكر هذا الشي)
حمد: اسف...انسي اللي قلته
شوق: ومنوو قالك اني بنسى يا حمد
حمد:شوق واللي يرحم والديج
شوق: حمد...انا احبك...وعمري ماراح اخليك لغيري...صدقني...انا بظل لك...واي شي تتطلبه من انا راح انفذه...إلا بعدك....ما راح اطيعك فيه
حمد: اوكي حبيبي....انا بسكر عنج احين امي تناديني
شوق: فددددددددددديتك ياربي...احبك....وسلملي على امك...
حمد: ان شاء الله...يالله مع السلامه
شوق: مع السلامه

سكر حمد من شوق....وكله حيره....رمى بعمره على السرير...وتم يطالع السقف...ويفكر في الكلام اللي قاله....(حمد لميثا وميثا لحمد)...يفكر..ليش اهوه مهتم فيها..مادامها هب مهتمه فيني....ليش انا اهتم..وليش قلت (ياويلها لو عرفت انها اتحب واحد غيري)...ليش ليش....وحط يده على ويهه....

[زيتونة]

الســــــاعه 4:30....


قامت ميثا من الرقاد...وكانت اعيونها منتفخه من كثر ما كانت تصيح....راحت الحمام...واتوضت ....وراحت اتصلي صلاه العصر....واخذت كتاب Math علشان اتراجع...ففتحت على الدرس...ولقت العنود كاتبه لها....
( انا احبـــــــــــــــــــــج موووت يا اغلـــــــــــــى البشــــــــــــــر)....نزلت دمعه ميثا....وحست انها غلطت على العنود.....ومالقت غير دفترها اللي عطتها اياها العنود كهديه يوم يت من السفر...فمسكت القلم...وكتبت....

عطنــي عهــود الحب يا زيـــن...
ولا تخلفـــــه وعـــدك بلا مـــاك....
ببقــى أحبـــك طــول لســنين...
وافـــي وقلبـــي دوم يهـــواك....
يا صــاحبي يا أريش العيـــن....
يا ســـاحر ٍ قلبــي بــدعاياك..
انته تــرى سيـــد المــزايين...
وما شفــت انا يا زيــن شـــرواك...
فـــريد حســـنك كامل الــزين...
سبحـــان من كمـّــل وســوّاك...
يا صــاحبي بــوصيك الحيــن...
قبــل العــذول يشيـــن معـــناك..
لا تســــمع النـــاس المـــواشين...
لــي شربكوا ما بيني وياك....
وحـــنا يا خـلـّــي ناس وافــين....
بالعــهد مثل العيـــن نـــدراك....
لا تخــالفه قـــول المحبـــين...
تـــرى العـــرب يا زيـــن تطـــراك...
عطـــني عهـــودك والا ياميــــن...
بعــطيك قلــب دوم يهــــواك....
((كلمات..أحمد محفوظ المقبالي))

وسكـرت ميثا الدفتر....والدمع في عينها....وعلى طوول...شلت تلفونها واتصلت حق العنود...بس العنود غالقه تلفونها....وهذا اللي زاد خوف ميثا....فاتصـــلت ميثا على البيت......وكان هذ الوقت يرن التلفون....ومحد شله.....في هذا الوقت كان حمد نازل من غرفته يبا يظهر برع....وجان يرن التلفون مره ثانيه.....
حمد: حشــــــى منو اللي مايستحي على ويهه 24 ساعه يتصل...خلنا انشوووف ونعطيه هزبه محترمه...

حمد: الووووو السلام عليكم
ميثا ( واهيه تبجي...وكان صوووتها مخنووق من كثر الصايح): الووو..وعليكم السلام...
(حمد لاحظ ان هذا الصووت كان يبجي...ومب غريب عليه)
حمد: نعم اختي.....
ميثا(واهيه تبجي): اخوي ووين العنود....ليش غالقه تلفونها...
( عرف حمد ان المتصل اهيه ميثا)
حمد: ميثا ...ما ادري ليش غالقه تلفونها...تبيني اروح اناديها
(ميثا...انصدمت انه يعرفها...فعرفت انه حمد)
ميثا: لو ماعندك مانع...يا...حـ....حمد
(لاحظ حمد ان ميثا كانت مرتبكه...)
حمد: انزين لحظه

في هذا الوقت...راح حمد لغرفه العنود....وفي طريقه كان يفكر..ليش ميثا كانت اتصيح....وما اقدر اسمعها واهيه اتصيح....شو السبب...

حمد دق باب العنود

العنود: الباب مفتوووح ادخل ياحمد
حمد: عنووووودي....ميثوووه علي التلفون تباج
العنود: ميثوووه على التلفون.....اهااا...وليش ما اتصلت على تلفوووني...
حمد:والله قول حق عمرج....ما ادري منو غالق تلفووونه

وعلى طووول راحت العنود اتشووف تلفوونها....يوم شافته مغلق...رمت التلفون على حمد...وربعت تحت....حمد فتح تلفوونها...ولو مافتح.....جان يوصل للعنود مسج.....وشافه....
والمسج يقول....

**
سمعيني صوتك قبل لا أموت،،
عطيني حنان الصوت لو ما تجيني...

يا ليت ما أسمع غير صوتك صوت،،
%صوتك يحرك كل الاحساس فيني%
**
المــرسل......ميثـــــــووه

ويوصل مســـــج ثاني

**
مهما افترقنا وغبت عن انظاري ..
انت حياتي ويومي وأمسي وباكر ..
وانت المطر والشجر والشمس وأقماري ..
شعور مهما اكتمه في صورتي ظاهر ..
يغني عن البوح والشكوى وأعذاري ..
وإن كنت بحال داري وشاعر .. !
**
المــرسل......ميثـــــــووه

استغرب حمد من مسجات حلوه...وقال...هاذي المسجات ولا بلاش.....وحركه لا إراديه....حمد شاف رقم ميثا...
حمد: شو ياني انا بعد....شكلي ينيت....باخذ رقم بنت خالتي....انا باخذه....بس مابتصل فيها... ..
واخذ حمد رقم ميثا وحفظه في تلفونه....وطلع برع الغرفه.....

ونزل تحت وسمع العنود بعدها قاعده اترمسها..

العنود: فدددددددددديتج يا ميثوووه...وانا ما اقدر على زعلج.....انا قلبي
ميثا: فددددددددددددديتج.....ما اعرف شو اللي صار لي والله....والله ما اعرف
العنود: لا تعطين هم....انسي خلاااااااااص....ماصار إلا كل خير
ميثا: هيه والله...والحمدالله...
العنود: الحمدالله...

في هذا الوقت....حمد رمس
حمد: عنوووووووودي انا برووج اشوووف شــو....(وقطع كلامه...انتبه ان لازم ما يقول)
العنود:شوو بلااااااااك
حمد: ولا شي....برووح انا المول.....قووولي حق امي يوم تووعي من الرقاااد
العنود: ان شاء الله
حمد: مع السلامه
العنود: مع السلامه

حمد ظهر بسرعه....وماكان يعرف ليش كان يبي يقول اسم شوق...وحمد ربه انه تدارك الوضع....

العنود: وهاااااااااااذي اخباااااااااااارج ميثووووووه....
ميثا: هيه...ومشتااااااااااااقه لج حيل....
العنود: انزين شو رايج تيين لنا باجر....باجر الخميس..وماعندنا دوااام....
ميثا: والله بشااور اهلي...
العنود: انزين....تعااالي من الساعه 11 الضحى...
ميثا: بحاااااااااول....وان شاء الله يخلوني ارووح عندج...
العنود: ان شاء الله
ميثا: عنوووووووووودي انا بسكر...امي تناديني....
العنود: اووكي
ميثا: وفتحي تلفووونج يا الدبه
العنود: هههههههه انزين...
ميثا: يالله مع السلامه
العنود: مع السلامه

راحت ميثا عند امها.....فطلبت منها امها انها اتسوي دخوووون...وفي الصوب الثاني...راحت العنود صووب غرفتها علشان تفتح تلفوونها....وشافت التلفون مفتوووح....ودخلت على الرسايل..وشافت رسالتين اهيه ما قرتهن...فعرفت ان حمد شافهن......فعصبت...فاتصلت به....

حمد: الووووووووو بالطش
العنود: اهلين...ممكن اعرف ليش قريت الرسايل
حمد: واااااااااااااي انتي....تراج انتي فتحتي التلفون....ورميتيه عليه ووصل المسج....
العنود: وبعـــــــــدين
حمد: ههههههههههههه قريتهن....بس ماشليت الرقم لا اتخافين...
(ارتاحت العنود من كلام اخوهها)
العنود: الحمدالله..
حمد: على شو
العنود: على انك ما اخذت الرقم...
(حمد جذب على اخته...فحس اللي سواه اكبر غلط.....)
العنود: عيل يالله انا بسكر..باي
حمد: باي

في هاذي اللحظه...حمد قعد يفكر....وقال في نفسه انا لازم احذف الرقم....لان اللي سويته اكبر غلط....فقعد حمد يدور على الرقم....وكان حافظنه...باسم ( م.ح)...وحذفه......وسااار صووب الكوفي....ويلس ويا ربعه....وقعد يسووولفووون...وحمد كان ساكت وسرحان

بدر: شو فيك....منو اللي ماخذ عقلك...
حمد: ولا حد....وليش لازم حد ياخذ عقلي...علشان اسرح..
بدر: يمكن ليش لا...
حمد: هههههه
بدر: إلا ماقتلي عن حبيبه القلب
حمد: اي حبيبه..
بدر: راعيـــــــه البلوتوث( يقصد شوق)
حمد: ياحليلها تتحراني احبها...واهيه اتمووووت فيني
بدر: ونته ليش ما اتحبها..
حمد: شو احبها....تباني احب وحده تعرف عشره غيري...تباني احب وحده ما ادري من وين ظاهره لي...تباني احب وحده مراسلتني بالبــلوتوث....لا وبعد متعرفه علي....هذا اللي ناقص...
بدر: هههههههههه قويه قويه...بس كلامك عدل....ليش حمد...انته اتحب حد من الاهل
حمد: ما اعرف....وغير السالفه لو سمحت.....

قعدوااا الشباب يسولفوووون......


في هذا الوقت..ميثا كانت اتشاور امها وابوها علشان اتسير باجر عند العنود

ميثا: امااااااااااااايه الله يخليج...ابا اروووح عندها
ام فهد: والله يا بنيتي...ما اعرف شو اقولج..هذا ابوج وقوليله
ميثا: ابوووووووووووووووووويه
بوفهد: فددددددددددديت منطوووق بنتي....خلاص سيري...بس قولي حق فهد وسعيد...وشوفي ساره لو تبا اتسير وياج بعد
ميثا: فدددددددددددديت ابووويه انا
وقامت ميثا اتحب راس امها وابوها...وراحت صوب غرفه فهد....ودقت الباب
فهد: الباب مفتووووووووح
ميثا: السلام عليكم
فهد: وعليكم السلام...
ميثا: فهد اخوي..طالبه منك طلبه
فهد: اطلبي وآمري وتدللي...
ميثا: تسلم يا اخوي...بس حبيت اشاورك لو بتخليني ارووح عند العنود..
فهد: وشو المانع....روووحي
ميثا: فديتك يا اخوي....
وقامت ميثا وباست راس اخوها....

راحت ميثا صوب غرفتها وقبل ما تدخل...غيرت رايها وراحت غرفه ساره...وقالت لها انها بتسير بيت العنود....بس ساره ما تبي اتروح لانها مواعده ربيعتها منى في الحديقه....فظهرت ميثا من عند ساره...وراحت غرفتها...واتصلت حق العنود علشان اتبشرها..

العنود: حلفـــــــــــــــــــــــــي
ميثا: والله اني يايه....
العنود: بس انتي
ميثا: هيه...بس ساره مواعده ربيعتها منى في الحديقه واتقولج سمحيلها...
العنود: لا عادي....المهم تييني...
ميثا: ان شاء الله....يالله انا بترخص منج الحين عنووودي
العنود: على وين.....تووووو الناس...
ميثا: لا بس امي موصتني اسوي دخوووون علشان ادخن البيت..
العنود: خلاص عيل....وانتبهي على عمرج...
ميثا: ان شاء الله...You Too
العنود: Ok….Bye
ميثا: Bye

وسكرت ميثا من العنود....وراحت اتحط اليمر.....وبعدها حطته في المدخن....وراحت غرفه امها واخذت المعمول (نوع من البخور)...وحطته...ويلست اتدخن غرفه امها...ودخلت غرفتها...وغرفه اختها ساره....وراحت غرفه سعيد...ودقت عليه الباب...ومحد رد عليها....ودقت مره ثانيه وثالثه ورابعه....ومحد رد....خافت ميثا...قالت اكيد استوى فيه شي.....ويلست ادق بالحيل......سعيد بطل الباب....وكان شكله يضحك....شعره واقف..والرقااد في عيونه.....وتم سعيد يحك ايده بعيونه من الرقاد اللي فيه..
سعيد(والنوووم في عيونه): شوووو تبين.....ماتعرفين اني راقد....
ميثا: زيغتني...قلت شي فيك...وعثرك راقد...دب تراك
سعيد: ههههه حلفي انتي بس....(وشاف الدخون) لابوي...اسمحيلي لا ادخنين غرفتي..مابييني رقاد..
ميثا: عيل خلاص....يوم بتظهر انا بسوي لك دخون وبدخن غرفتك...
سعيد: يكوووون احسن...يالله رووحي
ميثا: بروووووووووح...

وراحت ميثا...ودخت البيت .....وبعد ما خلصت راحت الغرفه علشان ترتاح اشوي....

في هذا الوقت...حمد كان يسوولف مع رباعته...وكان سرحان في ميثا.....كان يفكر ليش كانت تبكي....وكان يتذكر مسجاتها اللي اطرشتنه حق العنود...كان يتخيلها واهيه صغيره....وكان يتسائل...كيف اصبحت احين....اكيد احلوت....اكيد استوت حرمه....اه يا ميثا....شو سويتي فيني....ليش امخلتني افكر فيج....ويقطع حبل افكار حمد ..صوت التلفون....فشاف ان شوق اللي متصله....
حمد: ااااااااااااففففففف شنو تبا هاذي بعد...
بدر: منوووو
حمد: منو غيرها يعني....منو غير شوووق
بدر: قول الحمدالله ان في احد يحبك...ويداريك...ويسأل عنك...ويتصل فيك.....مب شراتنا...
حمد: اسكت واللي يعافيك....
حمد ما رد على شوق.....واتصلت مره ثانيه وثالثه....
بدر: حمد رد عليها واللي يعافيك...حشرتنا
حمد: ااااااااااااففففف منها....انزين انزي...(رد حمد على شوق)...الووو السلام عليكم
شوق: وعليكم السلام...وليش ما اترد...كم مس كووول ياااك
حمد: سمحيلي....بس اشوووي انشغلت
شوق: وشو اللي شغلك عني...هااا
حمد: كنت قاعد اكلم ربيعي عن سالفه
شوق: اي سالفه
حمد(وعصب علي شوق): وانتي ليش رزه....هاذي سوالف ريايل...فاهمه
شوق: انزين انزين..اسفه
حمد: انزين
شوق: شو فيك حبيبي...ليش متضيج
حمد: شوق مافيني شي...بس اذا تميتي جذا صدقيني بسكر عنج..تراني مب فاضلج...
شوق: انزين حبيبي انزين....بس لا ترمسني بهالطريقه
حمد: افففففف منج.....شكلي بسكر عنج
شوق: لالالالالالالالالالالالالا لا اتسكر واللي يرحم والديك.....
حمد: انزين....
وقعد حمد يرمس شوق....


الساعــــه 9:30....بالليل

فهد وبوفهد قاعدين يخططون فكره على انهم يقعدون اسبوع في مزرعتهم...
فهد: هيه يا بوي....لونسير نقعد في المزرعه اسبوع....نحن واعيال خالتي ...وعمومتي...
بوفهد: هيه والله يا ولدي....على الاقل العايله تجتمع...صار لنا فتره طوويله ما اجتمعنا...
فهد: خلاص عيل......بنقعد اهناك على الاقل اسبوع...
بوفهد: صار يا فهد....بس شاورهم..قبل..
فهد: هذا شي اكيد ابووويه...انا باجر بكلمهم كلهم...
فدخل سعيد البيت.....
سعيد: الســـــــلام عليكم...
اليميع: وعليكم السلام
سعيد: في شو كنتوا تتكلموووون هااااااا
بوفهد: والله يا سعيد....نحن نتشاور لو انروح المزرعه مع اعيال خالتك وعمومتك المزرعه.....هزرك بيكون احسن
سعيد: اكيييييييييد وفكره حلوه....وانا اول الموافقين طبعا.....
فهد: هههههههههه ومح طلب رايك يا الدب...
سعيد: لا والله من ضعفك انته احين يا البوتمبه..
فهد: هههههه احاول اصير بوتمبه بس معدتي ما اتساعد
سعيد: ههههههه لاوالله احلف انته بس
بوفهد: لاوالله...حلفوووا انتوووا بس......ما تحشمووون؟؟!!!
فهد+سعيد: هههههه محشوم ابوووويه...

والكل تعشــــى...وكل واحد راح غرفته...


في بيت ام حمد

ام حمد: شو فيك ياولدي...ليش ما تاكل؟؟!!
حمد: مالي خاطر اكل اليوم....وبعدين يايمه...انا اتعشيت ويالربع برع....
ام حمد: اهااا...عسى خير يا ولدي...ولاتاكل اكل برع وااايد فاهم
حمد: ان شاء الله امي....انا برووح غرفتي
ام حمد: رووح ربي يحفظك...بس ماقلتلي ماشفت خليفه
(ودخل خليفه في هذا الوقت)
حمد: يســــمعج....تووه داش...
خليفه: الســـــــلام عليكم.....
اليميع: وعليكم السلام ...
خليفه: شو ترمسووون عني
حمد: امي قاعده تتخبر عنك
خليفه: شو تباني
حمد: اكيييه عندك.. يالله انا برووح وتصبحون على خير
ام حمد+ خليفه: وانته من اهل الخير
خليفه: هلا امااايه....شو تبين
ام حمد: ابي اشم ريحه الغالي...
خليفه: فددددديتج ياامااااااااااااايه....(ويقوم ويبوس راسها....ويحط راسه على ريووول امه)
ام حمد: وليش تأخرت اليوم.....وما كلت عشا ويانا
خليفه: كنت مع ربعي....واتعشينا مره وحده
ام حمد: زين عيل....
خليفه: امااااااااااااااااايه
ام حمد: عوووووووونك...
خليفه: شوفي شعري...فيه قمل ولا لا
ام حمد: لحظه بدووور.....(وشهقت ) يييييييييييه اكيه قمله كبيره
خليفه: حلفي
ام حمد: شو اجذب انا....اكيه قمله كبيره...وسوووده بعد..
خليفه: انزين...شليها...شو اطالعينها...هالكثر حلوه
ام حمد: لا والله....خلني برووح اييب القفاز وبشلها لك
خليفه: لالالالالالالالالالالا تراها بتشرد....شليها احين...
ام حمد (واشوي وبتضحك على خليفه): لالالالالا بزقر لك ناني
خليفه: اتخسي جان إلاناني اتمس شعره من شعري
ام حمد: عيل مافي حل غير....
خليفه: غير شوووو
ام حمد: غير اقوووولك....صااااااااااااااادوووووووووووون
خليفه: حلفي انتي بس
ام حمد: والله
خليفه( جان يقوم من ريل امه...وقام): شوفي شو بسوي
ام حمد: شو بتسوي يعني
خليفه( يقوم يشل امه...)...: هذا اللي بسووويه
ام حمد: نززززززززززلي خلوووووووف
خليفه: مابا.......
ام حمد كانت اتصارخ......تباه ينزلها.....لدرجه ان حمد من سمع صراخ امه اتحرا شي اتسووى ......وحتى العنود من سمعت صراخ امها سكرت من ميثا وظهرت برع....وشافت حمد في الطريق.....
حمد: عنووودي امايه شوفيها اتصرخ...
العنود: ما ادري...خلنا انرووووح انشووووف
حمد: يالله قووومي
حمد والعنود...اتروعوااا على صراخ امهم...قالووا اكيد استوى شي....واول ماشافوا ان خليفه شال امه...وقاعد يركض في الصاله...ويقفز....وامه ماسكه فيه بالحيل...واهيه اتصارخ تبا تنزل....حمد والعنود اول شي انصدموا من اللي شافوه...ما عرفوا ليش خليفه شال امه.....وبعدين ضحكوا من المنظر....ونزل خليفه امه....وام حمد قالت السالفه حق حمد والعنود...ويلسوا يضحكووووون
حمد: ونتي يا امااه مالقيتي إلا اتسوووين في خلوووووف
ام حمد: شفت عاد ياولدي....
العنود: ههههههههههههه بس شكل امي كان رهيب والله....
خليفه: والله....
العنود: لالالالالالالالالالالالا
خليفه قام من مكان....والعنود تمت تربع....وخليفه وراها....ومسكها...وقام وشلها...واهيه اتصارخ...ونزلها
خليفه: ثاني مره لا اتعيبين فاااهمه
العنود: انزين..انزين

قامووا اليميع الغرف..علشان يرقدون....


في اليـــوم التالي...

اسطعت الشمس بنورها الذهبي لتعلن عن بدايه يوم جديد....لتعلن عن بدايه حدوث موقف جديده...نورها يسطع....والمشاعر تنبعث من صميم القلوب الى طيوف المحبين....

اليوم الخميس.....

والكل مأجزين.....وطبعاً خذوا لهم رقااااد...تعويضاً عن اسبوع كامل.....



الســــاعه 8:30.....صبــــاحاً


قامت ميثا من الرقاد....وراحت خذت شاور على السريع....وفتحت الدريشه....وينبعث الريح في غرفتها.....واخذ الريح يتلاعب بخصلات شعرها الليلي....وراحت ترتب غرفتها...ووربطت شعرها بالخرزه....وخلته شرات ذيل الحصان (الزنبيعه)

وعلى الساعه 9..الصبح...

نزلت ميثا من الغرفه...ولقت امها في الصاله قاعده....وراحت وسلمت على امها وباستها على راسها...
ام فهد: إلا يا بنيتي ما رقدتي وايد
ميثا: امااايه تراني اتعودت على ايام الجامعه...
ام فهد: هيه...زين عيل....بس ميثووه فديتج روحي شوفيها ما خلصت البلاليط....
ميثا: ان شاء الله امي انا احين رايحه....
ام فهد: يزاج الله الف خير غناتي
وراحت ميثا صوب المطبخ...واهيه كانت ظاهره....في نفس الوقت كان شخص يبا يدخل البيت علشان يسأل عن فهد....وشاف ميثا...انبهر بجمالها....انبهر لدقه رسمها....انبهر لطولها...ولشعرها...وشعرها كان واصل عند الركب....ولونه اسود سواد الليل.....انبهر لجمالها.....وطبعا...واللي قطع حبل افكاره....المزارع

المزارع: ها بابا..انته شو يريد
(......): بس انا يبي فهد موجود ولا لا
المزارع: انجين...انته ايروخ داخل هادا بيت ويسوي سؤال
(.....): انزين انزين فكنا......اووووين قاااال ايروووخ...ههههههههههه
وراح هذا الشخص ودخل داخل البيت...وسأل عن فهد...لكن فهد كان راقد...وقال حق ام فهد انها بيتصل فيه العصر....راح وكله أمل انته يشووف الملاك اللي دخل داخل المطبخ...كان كله أمل ان طيفها يمر من جدامه....أمل....وياليته يتحقق...ظهر هذا الشخص من البيت...وقعد يفكر بالملاك اللي شافه....

وبعد 10 دقايق......خلصت ميثا البلاليط.....والقهوه....والمحلى....وناديت على ميري علشان اتساعدها في حمل الاكل للصاله....وشلتهن.....وحطتهن....
ام فهد: نفعتي نفعتي يابنت سيف...
ميثا: تسلمين يا امااايه
ام فهد: يابنتي...انا قلت لج بس البلاليط...وليش كل هذا العباااال....
ميثا: والله يا امايه...قلت اسوي محلى....وقهوه....لانه مامسوين شي...
ام فهد: ماقصرتي....
ميثا: اماااايه...
ام فهد: عيووونها
ميثا: فدددديت عيونها ومنطووقها....بس بغيت اذكرج ان اليوم برووح بيت العنود
ام فهد: الله وياج يا بنيتي...
ميثا: فدددددديتج ياربي....
ام فهد: بس منو بيشلج لبيتهم؟!
ميثا: ما ادري يمكن سعيد ولا الدريول مع ميري
ام فهد: عيل خلاص....
ميثا: عيل امي اترخص منج...برووح اتسبح...واتعدل...علشان ارووح
ام فهد: الله يحفظج

راحت ميثا واهيه فرحانه لانها بتروح بيت العنود...دخلت غرفتها....وعلى طول الحمام اخذت لها شاور على السريع.....ولبست جلابيه....وخلت شعرها يجف من الماي....وراحت تتصل في العنود....

ميثا: الووو السلام عليكم
العنود: وعليكم السلام والرحمه....
ميثا: صباااح النووور
العنود: صباااااااح الفل والياسمين
ميثا: اشحالج غناتي
العنود: الحمدالله ونتي
ميثا: الحمدالله من سمعت صوتج يا الغلا
العنود: ها بشري بتيين
ميثا(حبت تلعب بأعصاب العنود): بصراحه يا العنود ما اعرف شو اقولج
العنود: قولي ياللي قالووه
ميثا: ماااخلووووني..(اتمثل على انها قاعده اتصيح)
العنود(وخانقتنها العبره): وليش.....بس يالله مره ثانيه
ميثا: هههههههههههههههههههه
العنود: وليش تضحكين بعد
ميثا: صاااااااااااادوووووه...
العنوود: يعني.....
ميثا: بيي الساعه 10....او 10:30...تقريبا
العنود: وااااااااااااااي انتي.......الحمدالله...لاني امزهبه لج الاكل السنع
ميثا: وليش العباله.....انا هب غريبه....خلاص غيرت رايي...مابيي
العنود: واشعنه....حررام عليج...يعني لاز م انسوي شي
ميثا: خلاص بس اللي سويته...ولا اتزيدين شي فاهمه
العنود: خلاص انزين....
ميثا: يالله اخليج برووح ألبس...
العنود: اوكي يالله باي
ميثا: باي

وقعدت ميثا اتجهز عمرها....ويت الساعه 10:30.....ونزلت تحت.....واترخصت من امها وابوها وفهد اخوها...وراحت صوب بيت العنود.....



ياترى شو اللي بيستوي بين شوق وحمد؟!...وحمد ليش يفكر بطول الوقت بميثا؟!....وهل علاقه سعيد بالعنود بتقوى مع مرور الوقت؟! ومن هذا الشخص اللي جا يسأل عن فهد وانبهر بجمال ميثا؟!...