لي حبيبة (1)

[أبـ نايف ـو]

السلام عليكم ورحمة الله وبركاته
مسلسل قصائد لي حبيبة الفكاهي
ابدأه بقصيدة من ثلاث قصائد وهي لي حبيبة 1 وهي التي سوف ترونهافي هذه المشاركة
لي حبيبة 2 مطلعها لي حبيبة ياجماعة مستلجه
تشرب الدخان وتسوي الجرايم
انتظروها بعد اسبوع
ولي حبيبة 3 لي حبيبا كل ساعة يتصل =واشغل الجوال واشغلني معه
انتظروها بعد اسبوعين انشاء الله

اتمنى ان تسعدكم هذه المشاركة
وارجو المشاركة معي من الاخوة الشعراء بالردود والاراء والنصائح
لنجعل من القصة قضية مناقشة بروح الفكاهة
بس لااحد يصدق عاد ههههههههههه توهقوني وتعيروني بكرة هههههههه

لي حبيبة في الضمان الاجتماعـي=عندهـا ورعيـن والثالـث بنيـة
تستلم راتـب ولا للهرج داعـي=منوة اللـي ناويـا بالقلـب نيـة
عمرها خمسين عـام ولا تراعـي=كل ما اجيهـا تبـي تامـر عليـه
عاد انا رجال اجامل واجتماعـي=لاجل اعيش مع العرب لازم كذييه
قلت حطيني يمينك لـك ذراعـي=كان صابـك مشكلـة والا بليـة
وقمت اجاملها واماشيها واراعـي=قالـت الرجـال ذا مافيـه زيـه
قالت انته بالغلا كانـك وراعـي=قلت زين ورحت .؟ مـاودي بذيـه؟
قامت القشرا تبا علمـا سناعـي=وانزلت للسوق وجابت لي هديـة
خاتما يبرق مثـل عيـن الافاعـي=وايضا ساعة بالف جابتهـا وميـة
قمت اعبر عن سروري وانطباعـي=وقلت ليه اتكلفيـن العمـر فيـه
وقلت في نفسي لكان الوقت طاعي=لاطرحك فالحب مثـل العامريـة
وقمت اشخص واتعطر كل ساعي=كانـي اغـازل بسوقـا فالعليـة
قالت اعطورك تسسب لي صداعي=وانا مااحـب العطـور الجاذبيـة
عمري مقفي وابي حسن الوداعـي=قلت افا يابنـت خليكـي قويـة
انتي كلك زين وعيونك وساعـي=تطرحيـن الطيـر يامـال الغنيـة
قالت اكذييب وقلت الصدق شاعي=يوم اشوفك ياقمر كانك بنية
انتي عقلك ياما شا الله عقل واعي=شوفي شكلـك فالمرايـة ياعذيـة
الحقي عمرك ترى ماشيء ضاعـي=واسكتي كـل الفـواه الناقديـة
يوم قلتـه كانهـا ثلـجن وماعـي=صدقت في نفسهـا ياهـي غبيـة
واسكتت لحظة وفي عيني تراعـي=ثم راحت مسرعـة فـي مهمهيـة
عا د انا في راسي فكرة واختراعي=لا زم اخطط وافكـر لـي شويـة
في الوظيفة ماانجحت كل المساعـي=والعرب لا جيتهم زريـوا عليـة
كل عمري راح كله في ضياعـي=ماش راتب لاكثير ولا شوية
قمت افكر قمت اعاين قمت اراعي=مالـي الا الخـطـة الجهنمـيـة
اتزوجها عسـى الدنيـا تراعـي=ماني بخسـران حاجـة فالقضيـة
وادفن الطفرة تحت ماطا كراعـي=وان صفا وقتي بعـد نـاوي بنية

هااااااه اش رايكم قولوا لي
لاتوهقوني
اذا الخطة الجهنمية تمام توكلنا على الله
واذ ماهي تمام متوكلين على الله بلياها
تحياتي لكم
هههههههههههههه

[عطر الريف]

ههههههههههه
ابو نايف
والله تقطع بطني من الضحك
الله يسعد قلبك
سراحه جدارائعه
واستمر اخوي
بس لا تاخذ الضمان من حبيبتك ههه
تسلملي يالغالي والفكره وصلت ورائعه
انتظر الحبيبه الثاني وش بيسر فيها ههه
مشكور وتقبل بالود حظوري

[ضماير]

لا تعليق

هههههههههه

روعه........

[@~أحـــســـاس~~صــــادق~@]

الله يرجك
ههههههههههههههههههه
بالحيل حلوه اجل تو كل علي الله
الله وياك
ننتظر جديدك دمت بود
اختك

[أبـ نايف ـو]

اخي الغالي عطر الريف
اشكرك على حضورك وردك الرائع هنا
هههههههه اهو فيها غير الضمان بس مابأخذ الا زود عن العيال هههههه
افلقني ان عطتهم اهي شيء بعد الزواج لان الخطة عسل هههههههههه
عاد العجوزة تموت في الدلع خخخخخخخخخخ وماتصدق وبعدها الله يرحم العيال تعطيني بطاقة الصراف انشاء الله
مشكور اخي عطر الريف شرفت وياعل ضحكتك دووووم يارب
تحياتي لك