من الكيبورد اليكم مباشره!!!!!

[][][§¤°^°¤§][حنون][§¤°^°¤§][][]

احبابي :


من داخل قلب ٍ حمـل مالايطيق خرجت هذه الأبيـات على الكيبورد

اليكم مباشــرة :

كيف البكا لاصارت عيونك تخـون
وكيف النَّفَس لا صار صدرك حريقه

عندي رصيد يجاوز ألفين مليـون
من هم وأحزان ٍ وزفـرات ضيقـه

ماخانني وقتي ولانـي بمطعـون
طعناتي أصلا صارت أوفى صديقـه

ياليتني لاصرت مبلـي ومحـزون
آخذ جناح الطير ما أحـد ٍ يعيقـه

وأطير واترك بعدي آلام وحـزون
للي بغونـي عالـدروب العويقـة

يارب أنا من دنيتـي دوم مغبـون
أبغى الصواب وجانبتني الحقيقـة

حولي دمى ناس ٍ لـلأدوار يـدّون
هـذا قريـب وذاك مابـان ويقـه

ملعون ابو ذا الوقت ملعون ملعون
لاصار قلبي ينطعـن مـن رفيقـه


وسلامتكــم

[العنود المزيونه]

اللة يسلمك ويخليك ربي بصراحة انت مبدع ومبدع ولة تدري قليلة بحقك انت اكثر من مبدع واللة يوفقك وتقبل مروري العنود المزيونة

[(( لـما))]

.

ملعون أبو ذا.. الوقت ملعون ملعون
..
لا صااار قلبي ينطعن من رفيـــه
..

حنووووووون

صح لساانك مليووون

قصيدة رايعه

سلمت يمنااك بما نطق به لسانك وخط به قلمك

يعطيك العافيه على هالحضور المميز

دمت بود تقبل مروري
.
.
.
لماء

[أبـ نايف ـو]

الاخ العزيز وشاعر الكيبورد حنون
اشكرك اولا اخي العزيز على هذه القصيدة الجميلة وتسلم اناملك وتسلم مفاتيح الكيبور الي خلتك تسجل لنا هذه المشاركة الرائعة
اعجبتي هذه القصيدة فتحركت اناملي ايضا على الكيبورد لتضع لك ابيات متواضعة تجاري وتحاكي قصيدتك
اخي الغالي تقبل مني هذا الرد السريع وتقبل تحياتي



الله من قلبـا علـى الهـم مغبـون = كانـه علـى مابـه مولـع حريقـه
ضاقت علي الارض والناس يمشون = وان جيت باشكي بي جروحا عميقة
ماعاد لي خلق على الونس محزوون = ولا عاد تتطربني لحـوون المسيقـة
رحت الحكيم وقلت بالله وش لـون = ياصاحب الحكمة ابي لـي طريقـة
قال اذكر الله واغتفر واطلب العون = والله يفـرج كـل كربـه وضيقـة
ولا تشتم الحظ وزمانك ولا يكـون = تلعن نصيبـك ثـم تخسـر رحيقـه
حنون لاتلعن زمانك علـى الهـون = ترى الزمن مظلـوم واحنـا نعيقـه
حناالسبب والوقت مطعون مطعـون = واليـا طعنـا وقتـنـا مانطيـقـه


__________________

[][][§¤°^°¤§][حنون][§¤°^°¤§][][]

سيدتي العنود

اشكرك واشكر ضروفك اللي جابتك

وخلتك تبصمين على ابداع اناملي

دمتي بكل الود