المنتديات
اجعلنا صفحة البداية
اضفنا للمفضله
المنتديات
|
#1
31-01-07, 12:58 AM
|
|||||
|
|||||
إذا ما عرفت أحقد وش اسوي؟؟؟
السلام عليكم ورحمة الله وبركاته هلابكم جميعا والله مشتاق لكم( توك جالس معنا لك اكثر من 3 ساعات ما ودك تمشي ) والله بصراحة ودي بس اسولف معكم سالفة يعني هي مهمة بس بخليها بجو هادي ومرح شوي يعني انا يا ناس قدر الله سبحانه وتعالى والحمد لله على قضائه وقدره انه يصير عندي قلب لين وما اعرف احقد يجيني هندي يصدم موتري اللي امسك به خط الشرقية الرياض وهو الغلطان مية في المية واناظر فيه مسيكين اقول له يالله روح يقول هو سوكرن صديق سوكرن ويجيني خويي يقول: يا اخي ما عليك منه خذ منه فلوس اقول له: ياخي ضعيف مسكين يجي متغرب يشتغل وراتبه يجمعه لاهله اقوم انا اخرب عليه وبعدين الصدمة خفيفة والحمد لله والعوض ابيه من رب العالمين يقول لي: يا رجال والله انهم مدرهمين(عندهم فلوس) ما عليك منه ثاني مرة لا تخليه انا اقول له: ان شاء الله ( عشان ما يحن على راسي ولا انا مو مقتنع بكلامه ) ولا مرة في محطة الخزامى بالثمامة ايام الامطار والفلة رايحين نتمشى ونطعس ونفلها وجيت بعبي بنزين وكان المحطة مزحووووووومة مرة والناس ماسكة سرا وانا يالله وصلنا الدور وجا واحد معصب عشان فيه شخص جا بعده وعبا قبله وجا هو بنفسه وعبا بنزين وما عرف يسكره. يوم طلعه لف باللي علي وكب علي بنزين لين قال امين وما كان ناقص الا الولاعة تولعها وشوف وش يصير فيني انا تفاجات بالموقف وهو انحرج وخاف واستحى ووجهه قام يطلع جميع الوان الطيف وانا اطالع بنفسي واشوف ملابسي والجديدة والجاكيت الجديد توني شارهيم امس ومع هذا قلت له وانا امزح ما بقى الا الولاعة قام هو يضحك واستانس الرجال لانه عرف اني ما حقدت عليه وقام يعتذر ومن هالكلام وكان معي خويي بالسيارة يقول وش فيك وقلت له السالفة ( هو كان مسرح مع بطاطس ليز اللي شاريه وفرحان فيه وما درى وش صار فيني ) قلت له السالفة وقال لي : ايوه؟ ( يعني هو كان متوقع مني اسوي شي في الرجال ) قلت له ياخي هذي ملابس يعني مصيرها تنغسل وسكت خويي ورجعنا انا واياه شبه سكارى من ريحة البنزين اذكر اني في احد المنتديات كان بيني وبين احدى الاعضاء خلاف وقلت له مع الزعل لا تجي مواضيعي ولا تشوف ملفي الشخص ومن هالكلام(على فكرة انا عصبي) وطبعا كان هذا في رسالة خاصة وهو قام رد علي قال اكيد ما راح اسويها واتمنى منك نفس الشي بس انا ما امداني الا وهديت وعلى طول اشوف مواضيعه وودي ارد لكني الاحظه يغيضني بردوده في بعض المواضيع ومع هذا ما اقدر اقول له شي لان الكلام الي يقوله ما يفهمه الا انا وغير كذا ما كنت ابي ارسل له رسالة خاصة لان هذا اخر شي افكر اني اسويه هو الله يهديه حاقد علي وانا بديت ارد على مواضيعه عشان ما ينتبهون الاعضاء ان فيه بيني وبينه شي وعشان بعد هو مواضيعه حلوة ولازم اني اسجل اعجابي فيها بس هو الله يهديه ما زال حاقد وانا ما اعرف احقد ولا اعرف ازعل مدة طويلة تزيد عن يوم او يومين لا صار حالك مثل حالي وش تسوي؟؟؟ لا صارت الناس تشوفك شخص قوي في شخصيته وفي قراراته ويمكن ما يدرون ان بداخلك قلب يوسعهم كلهم بس ما يبين عليك احيانا وش تسوي واذا صار غيرك يعاديك بقلبه وانت تكره ان فيه احد يكرهك سواء بسبب او بدون سبب وش تسوي خصوصا لا عرفت انك ما تعرف تحقد ابد ابد ابد اعذروني طولت عليكم وغيرت باسلوبي شوي عشان ما امل ولا تملون وان شاء الله ما اكون ثقلت عليكم وان طرحي هذا ما يكون طرح ثقيل عليكم تحياتي لكم جميعا
|
|
#3
31-01-07, 01:19 AM
|
|||||
|
|||||
رد : إذا ما عرفت أحقد وش اسوي؟؟؟
هههههههههههههههههههههههههههههههههههههههههههههههههه ههههههههههه
اخوي الله يرضى عليك انا اسمي صاحب السمو والعاطفة مو صاحبة السمو والعاطفة لكن مع ذلك انا شاكر لك ردك ومرورك الطيب واللي ادخل البهجة علي والله ضحكت من قلب تحياتي لك يالغالي
|
|
#4
31-01-07, 02:00 AM
|
|||||
|
|||||
|
رد : إذا ما عرفت أحقد وش اسوي؟؟؟
ههههههههههههههه شكله الفيصل يبي يزود مشاركاته اتوقع انه ماقرا الموضوع اصلا
تسلم اخوي صاحب السمو والعاطفةعلى الموضوع انا بصراحه اسجلك اعجابي بكل ماتكتبه اناملك وكل ما باح به عطر انفاسك.....على فكره ما اجاملك هذي الصراحه واجابتي على موضوعك اعتقد ان هذه صفه حلوه فيك وتدل على طيبة قلبك وانك ماتشيل على احد واتمنى انك ماتغيرها وياليت كل اناس مثلك لان الحقد هو الي يولد الكره والعداوه بين الناس الله يبعدنا عنه ولو كان مافي احقاد بين الناس كانت الدنيا كلها بسلام وبالنسبه للشخص الي وياك بالمنتدى اتوقع انه راح يعيد حساباته ويحس ان حقده لك ماله اي داعي وان الي صار مجرد سوء تفاهم او لحضة غضب وهالشي طبعا يرجع لاسلوبك في الرد عليه برأيي تقبل مروري اختك رهينة الهمس اخوي الكريم اتوقع انك رومنسي آخر من قام بالتعديل رهينة الهمس; بتاريخ 31-01-07 الساعة 02:05 AM.
|
|
#5
31-01-07, 02:23 AM
|
|||||
|
|||||
|
رد : إذا ما عرفت أحقد وش اسوي؟؟؟
العفو يا أختي الله يرضى عليك والله كذا أخجلتيني شوي شوي خدودي ترا تحمر ( وش عنده ؟؟؟؟؟؟؟ مسوي بنت ؟؟؟؟ )
هههههههههههههههههههههه (بدري توك تضحك؟؟؟؟) ( لا بس كلامها الاخير ضحكني واجلت الضحكة شوي ) احم احم معليش بس كنا نسولف انا واياي ونفسي حنا الثلاثة عن حاجة بعدين اقولها ( ما تعرف تصرف ) اختي ليش قلتي عني اني رومنسي؟؟؟؟؟؟؟؟؟؟؟؟؟
|
النمط المتتابع
