المنتديات
المنتديات
| روابط إعلانية |
| ||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
 |
| | أدوات الموضوع |
12-01-07, 01:06 AM
| #1 |
| |[ عـضـو مــاسـي ]| الدولة:  روابط إعلانية |  يا كذا الحب والا بلاش السلام عليكم ورحمة الله وبركاته قالوا : نسيته قلت : ماقدر انساه قالوا : تحبه قلت : هذي الحقيقة المشاهد في هذا الموضوع مستوحاة من أرض الواقع ولكن لايمنع من بعض الفقش قليلاَ على طاري الفقش لاحظت أخوتي أن كلمة فقش غير معروفة لدى البعض هنا لكن لايمنع إيضاحها ولو بشيء من الإيجاز الفقش هو النصب >>> ماوده يقول الكذب يحسها قوية شوي الأسماء في القصة ستكون رمزية إلا طبعاَ اسمي أنا _ عدنان _ >>> ياويل حالي بس أنت واسمك تحس بهالاسم شعري أصفر وعيوني برتقاليات هع هع لا لنأخذ اسمي الصدقي أبو عابد >>> بس اسمك ماهومذكور بالقصة ياكمخة المشاهد كلها تمت في حارة من حواري عنيزة في القصيم عام 1410 هـ طبعاَ كان عمري لحظتها 7 سنوات وكان محدثكم في أولى ابتدائي وسأعطيكم نبذة مختصرة عني انسان بسيط جداَ أسمر حليوه طويل >>> ياخوي أنت جاي تخطب من هواياتي : - اللعب في الحارة حافي القدمين - التفالق بيني أنا ورفاقي أي رمي الحصى على بعض وأنت وحظك عاد تجي بعينه, بجهته - الذهاب لصلاة الجمعة في الجامع الكبير عشان أشوف الجلد - مشاهدة نشرة أخبار يوم الجمعة الساعة 3 ظهرَ لأنهم يذكرون فيها القصاص - تجميع أشرطة محمد عبده - جمع الطوابع >>> اها بس بلافقش لاحظتم معي مثال عملي على كلمة فقش وبالمثال يتضح المقال كما قال الشاعر في موضعِ آخر ولد جارنا عبدالغفور <<< أفغاني كان في نفس عمري كنا دائما ما نتحدى بعض في كل شي وكان هو دائما مايحيك ضدي المؤامرات والحيل ولكن كان الله له بالمرصاد بنت جيرانا وضحى جميلة جدا كان لديها شعر ساحر وكانت ذا قوام ممشوق >>> لاحد يسألني وش معناها لأني أنا نفسي مدري بس اتصلت البارح الساعة 3 الفجر على خالي >>> يامال الهجاد وقالي انه يردها عن خالي الثاني انه سمع جدي يقول ان معناها صاحبة العيون الكبيرة هذا والله أعلم وصلى الله وسلم على نبينا محمد >>> وين يابو الشباب مشيت <<< يوه نسيت أثرني أكتب موضوع ياولد كانت وضحى هذي جميلة جداَ لدرجة اني بس أتحلم فيها واتخيلها دائما يعني مثلاَ اتخيل اني أنا وياها قاعدين نلعب كورة والا عند عشة الدجاج حقتنا نسولف أنواع الخيالات ياشيخ كانت في عمرنا تقريباَ و في أولى ابتدائي بعد هذا كله الآن ندخل في صلب الموضوع كنت دايما أتواعد أنا ووضحى فوق جدار بيتهم والا عند الباب نسولف وكل واحد يجيب كتبه يوري الثاني النجوم ووش أخذ اليوم بالمدرسة وكنت كل يوم أجيب لها بيضة من بيض دجاجنا هدية يعني وكنا مبسوطين ومومعكر صفونا أي شي صح انها ماكانت تجيب لي شي حتى قطرة الماء ماشوفها بس كل هذا مايهم أهم شي اني أشوفها >>> رومانسي من يومي سبحان الله هنا للحين حلوين درى عبدالغفور عن الموضوع وبحكم لقافته بدا يشغلني بياخذها مني ومادريت الا وذاك اليوم وأنا جالس مع وضحى قاعدين نسولف طبعاَ وبجو رومانسي >>> امحق رومانسية كتب وبيض جايب معه بيضتين وهو اللي يعطيهم وضحى كـ عربون صداقة القهر انها فرحت فيهم وكنها أعجبت بـ عبدالغفور وبدت توريه الكتب أناهنا استشطت غظباَ ماباقي الاهالسلوقي ياخذها مني قلت جايب بيضتين يعني جايب بيضتين الله لايعوق بشر لو اتسلفهم بس البلا عندي ديكِ رخمة وهالدجاجة ماعندها الاهالبيضة حارمِ نفسي من الفطور الصباحي لعيون وضحى وأنا اللي أكلم خالي بالموضوع طبعاَ خالي يكبرني بشهور قلت الفزعة يالخال قال: أبشر بعزك يابناخي قلت: أبي ديكك سلف والقصة كيت وكيت,, قال : أبشربه الحين لو تبي والله وهو اللي يجيب الديك وخذ لك يابيض هلا والله بالفلة ياولد وأنا اللي أجيك والأرض ماهي شايلتني من الفرحة وأعطي وضحى بدال البيضة ثلاث وكل يوم على هالحالة الظاهر ثلاجتهم صارت كلها بيض وهنا رجعت وأصبحت في نظر وضحى الفارس الذي لايشق له غبار >>> واشيب عيني شيباه بس طبعا عبدالغفور ماسكت فكر في تخطيط ثاني كنت أنا ووضحى كعادتنا عند الباب جالسين أذكر ذيك اللحظة تحط لي بكلة بشعري >>> هي ياخبل مستانس ؟! كني أشوفك أنت وسنونك وشوي والا وضحى تشر باصبعها وتقول لي: شف وأطالع الا عبدالغفور وهو يتمشى على سيكل وفيه جرس وخذ لك يادوران قدامنا يبي يغيضني ويخطف مني حبيبتي هع قال وضحى تبين دورة؟ طبعاَ بحكم نذالتها هالكمخة قالت :ايه القهر اني ماقدر أجيب سيكلي لو درى أبوي توطى ببطني يقول ماحد يطلع سيكله برا البيت هالحين البنت وراحت من يدينا وش بنسوي؟! أشغلني هالموضوع حتى صرت ماأنام لاليل ولا نهار من التفكير شلون أرجعها ؟! وفي مرة من المرات وفي عز القوايل وحنا قاعدين نلعب كورة وحافين طبعا وأنواع الغبرة ولحظة اني جيت باسجل هدف في مرمى الخصم كان لنا جار براس الشارع عنده حمار (الله يكرمكم) ماهو بصاحي أنواع التحشيش تخمه أحياناَ ويصير حصان المهم مادريت لكم الا وهالحمار مكيم حاطَ رجله يمشي الطبلون كله يريد اختراق الملعب طبعاَ ماتشوفون الا غبرة الشباب أنا لحظتها طقتني البوهه مادري وين أروح وبيتنا بآخر الشارع ياليل الليل أوالله النشبة أزبن ماتزبن ياولد المشكلة بيبان جيرانا كلها مسكرة نعنبوا بليسكم دايم مفتوحة >>> من باب الكرم هع وحكمت الحين الا تسكرونها وتطيح عيني على باب بيت أبو عبدالغفور وخذ لك يانحشة وأنا اللي أنحر صالتهم هنا أخي القارئ الكريم شفت منظر غير شكل منظر خيالي لطالما حلمت به توقعوا وش شفت؟ ^ ^ ^ ^ ^ ^ ^ ^ ^ ^ ^ شفت لكم أم عبدالغفور توها مروشة عبدالغفور وقاعدة تلبسه بالصالة طبعاَ لحظتها كان عبدالغفور بدون ملابس أي عاري >>> تكفى يالشرح نظرت له بنظرة استغراب تبعتها نظرة سخرية هنا عبدالغفور في وضع لايحسدعليه تمنى إن الأرض انشقت وبلعته في هذه الأثناء حط عبدالغفور يده قدام وانحاش الكمخة بالله وش تسد وش تخلي هاهاها لحقته وقلت له يا عبدالغفور احنا اخوان وسرك في بير ولاتهتم ماحد راح يدري طبعا من بكرة كل الحارة دروا وأولهم وضحى أنا لو منه كان هاجرت لـ الحارة اللي جنبنا ومن يومها عبدالغفور صار مايحط عينه بعيني وأصبح يتحاشاني وصابته عقدة نفسيئة من جراء هذا الموضوع وسمعت بعدين انه بدت تجيه كوابيس كل ليلة وأصبحت أنا ووضحى في هناء وراحة بال لايعكر صفونا أي معكر ورجعت الديك لخالي ورجعنا على بيضتنا مع السلامة |
|  |
|
12-01-07, 01:59 AM
| #2 |
| |[ عـضـو ذهـبــي ]| الدولة: | رد : يا كذا الحب والا بلاش مشكووووووووووووووووووووووووووووووور |
|
| |
|
12-01-07, 02:08 AM
| #3 |
| عضو موقوف من الاداره الدولة: | رد : يا كذا الحب والا بلاش مشكوور والله يعطيك العافية اخوك قلب دافئ |
|
| |
|
12-01-07, 04:09 AM
| #4 |
| |[ عـضـو فـعـال ]|  الدولة: | رد : يا كذا الحب والا بلاش ههههههههههههههههههههه يا حلو حب الاطفال الا بسألك ما فقس البيض ؟؟ تحياتي لك أنت أول أمالي |
|
| |
|
12-01-07, 09:40 AM
| #5 |
| |[ عـضـو نـشـيـط ]| الدولة: | رد : يا كذا الحب والا بلاش مشكوووور والله تفاعلت مع السالفه بس بسألك وضحى جارتكم الحين مشكور ويعطيك ألف ألف ألف عااافيه |
|
| |
|
| الإشارات المرجعية |
| أدوات الموضوع | |
مواضيع مشابهة | ||||
| الموضوع | الكاتب | المنتدى | الردود | آخر مشاركة |
| هذا الرسم والا بلاش | لبن أزرق | مقاطع يوتيوب × مقاطع فيديو | 8 | 23-10-11 10:09 PM |
| كذا الهبال والا بلاش!!! | ↓♫ڛـآحـﭕـﮧَ ڃڷنطَ ♫↓ | صور - كاريكاتير | 59 | 13-08-10 07:41 AM |
| يا كذا الاسماء والا بلاش | مدعوسه بسيكل | صور - كاريكاتير | 88 | 12-08-10 09:54 PM |
| هذا الحب والا بلاش (( شعر حزين )) | شوشة منفوشة | منقولات أدبية | 3 | 26-10-08 05:01 PM |
