قرار جديد لأمانة اتحاد الكرة يثير استياء الهلاليين

[تؤبر تسبدي]

---

[الحلو المتكبر]

هذا اللي فالحين فيه

موافقة بعدين رفض وش خلاك توافق من الأصل

وعشان مين عشان حمزة إدريس مهوب فيه

والله أكبر مهزلة بالإتحاد السعودي

الله يذكر الأمير فيصل بن فهد بالخير

من كان يقدر ينطق ويتفلسف بوقته

أمس جالسين نناضر مباراة الهلال & الحزم

ودخلوا البزارين داخل الملعب يحوسون

قال أبوي: الله يرحمك يافيصل بن فهد من كان يقدر

يطب جوا الملعب أيام فيصل بن فهد

لكن الإنحاد السعودي اليوم أكبر مهزلة عرفها التاريخ

مشكوووووووورة تؤبر تسبدي على الموضوع

وعافاتس والشر ماجاتس

[عذب السجايا]

====================

^
^^
^^^

... تؤبر تسبدي ...

الف الف شكر


...

مشكلة الإتحاد السعودي انه ماعنده لائحه واضحه يعني كل شي مبني على اجتهادات

..

مثلاً في دولة ثانيه يقولك اعلنا عقوبه فلانيه بحسب المادة رقم كذا فقره كذا من قانون الاتحاد الـ(......)

لكن حنا هالشي ماعندنا ويصير كل شي بإجتهاد وهذا اللي يسبب اعتراضات لكن لو كان في دستور واضح ومعروف لدى الكل << يعني عارف اذا سويت الأمر الفلاني عقوبتي كذا <<< الجميع رح يلتزم ولن يعترض

....

يسلمووو دياااتك

.
.
.
.

====================

[زارع الشوق]

انا مع كل كلمة قالها اخي
...الحلو المتكبر...

من جد وين ايام الامير فيصل بن فهد الله يرحمه

وبزيد عليك اخوي على قرارات الايقاف
ابي اذكر مره وحده بس كملوا مدة الايقاف للاعب
ماعدا للاعبي الهلال لو يتوقف اي لاعب يحاولون انهم يزيدون مدة الايقاف
ما اقول هذا لاني هلالي لكن هذا هو الواقع
الكل ضد فريق الهلال السعودي من الاندية والاتحاد السعودي
ما ادري وش سبب هذا الحقد الذي يحملونه على زعيم اسيا

وارجع لقرار الايقاف
اتمنى انكم فهمتوا قصدي
طبعا اقصد
محمد نور لاعب فريق الاتحاد السعودي
يتوقف كم مرة ثم يرجع
اتمنى ان كلامي يكون في محله
واذا كنت غلطان باي كلمة قلتها
نبهوني

اخوكم "زارع الشوق"