زينة البنا ت والزين يفرض نفسه( رحمة الله عليهمـــا)

[الزين يفرض نفسه]

:f55:
الزين يفرض نفسه<<>> زينة البنات ( الى الهلاك ):18:
ـــــــــــــــــــــ

مقدمه


هذا الموضوع ان شاء الله تبارك الله ماشاء الله << انتهت المقدمه

اخبار الثانية صباحا :

صرح ناطق رسمي باسم وكالة ناسا الفضائيه انه يوجد مفاعل نووي في كوكب زحل وانه بينفجر بعد 48 ساعه من الان وقد يسبب انفجاره اثار داميه على الأرض وقد يبيد هذا المفاعل النووي كل من على الارض طبعا باستثناء سكان منفوحه لانهم برى الارض وتبحث وكالة ناسا عن متبرعين للذهاب لكوكب زحل وفك المفاعل النووي ولكن دون جدوى ... كانت معكم الحنونه من الجزيره

انا قاعد قدام التلفزيون بصروال طويل وفنيله علاقي جعلكم ماتشوفها ماغسلت من شهر ، اندق في ذا الببسي كان جمبي واحد من العيال دب وقبيح الله لايوريكم واسمه (فك وافك)<< بينجلد ذا الولد ، ماعلينا .. التفت علي فك وافكـ وقال هيييه الزين تشوف اللي اشوفه ؟ قلت ايه اشوف تلفزيون ! قال لا ؟؟؟؟؟؟ تسمع اللي اسمعه ؟ قلت ايه اسمع زقزقت العصافير في وضح النهار <<< ، طبعا ما صفقني فك وافك بالجوال ابد ، قال بس ياا؟؟؟؟؟ الدعوه فيها قمبله ! يعني بنموت ! يعني سنذهب الى دار الاخره فارغي الايدي << وش عنده الشافعي ، قلت له طيب وش رايك .. نعتكف ؟ قال لا يا؟؟؟؟؟ لازم ننقذ العالم من ايدي الأشرار وتراها فرصتنا عشان نهب على وش الدنيا ونصير محترمين يا؟؟؟؟؟ << ملاحظين انه يمون ؟ شكلي بلعن جده ، انا ركبت راسي الفكره وقلت في نفسي : ياولد انت ملحط وحالتك حاله ! ولو سويت اللي قاله لك (فك وافك) يمكن تصير اشهر واحد فالعالم وتسلم على الملك << شف الطموح الوطني ، والله وتركب راسي واجزم وانقز للحمام واحلق شعر راسي بمكنيه على الزيرو واطق البدله والكوت الجلد والنظاره السودا واخذ شنطتي وانزل .. شافني (فك وافك) قال خير وين ؟ قلت على ناسا يابو قال من جدك انت تراني امزح تو << سحب علي الاثول ، قلت بكيفك انثبر انا بروح بلحالي ...
خلك بشعبان عرعر ومت فيها..
مطار الملك خالد الدولي بالرياض :

تعلن الخطوط الجويه السعوديه عن موعد اقلاع رحلتها رقم 8899949
والمتجه بمشية الله الى هيوستن .. على المسافرين التوجه للبوابه رقم 55

انا قصيت البوردنق ومسوي في امها اني امريكي وماعرف اتكلم عربي لين قالي الموظف اللي قص لي البوردنق والله يا انقليزيتك من جمبها لا تتفلسف تكفى .. قلت له طيب كل تبن .. ركبت الطياره وتعرفون عاد شغل القراوى كل دقيقه والثانيه داق جرس المظيفه واذا جت اقولها موب انا ماعلينا .. قعد جمبي واحد شكله راعي سفرات واتيكيت من ذا اللي يقرون مجلة اهلا وسهلا حقت الخطوط ويتفرج على المبيعات قلت له انت سعودي ؟ قال ايه .. حتى جوابه كشخه ! المهم قمت اقلده في كل شي يسويه حتى يوم جابو عصير قال هو نو ثانكيو وقلت زيه وانا سعابيلي تقوطر مشتهي العصير .. مالكم فالطويله نمت نومة اهل الكهف ولا قمت الا يوم هبطنا في مطار هيوستن .. نزلنا من الطياره والا عالم ثاااااااني وحريمن مفاصيخ يالله من فضلك المهم اني طلعت من المطار وركبت تكسي وقلت له ودني لوكالة ناسا !! قالي هنا مافيه ناسا ! فيه فرع لهم بس تبي اوديك ؟ قلت ايه ودني ...

فرع وكالة ناسا في هيوستن

وصلت للفرع .. دخلت ولقيت عجوز قاعده على الريسبشن قلت لها لو سمحتي انا شفت فالتلفزيون انكم تبون متبرعين يروحون لزحل ولا لقيتوا وانا ابي اروح ! طارت بوهة العجوز وشوي وتنهبل من الفرحه نقزت عندي وخمتني وقالت : سوف تنقذ العالم يابني تبا لك << يقاله يترجم ، اخذتني وودتني لمدير الفرع ، مدير الفرع ماصدق خبر قالي شف انا ماراح اخدعك ، ترى الدعوه فيها خطوره ! واحتمال موتك هناك 99% .. وش رايك ؟ قلت له يارجال ميت ميت هنا والا هناك اقل شي اموت على شي يستاهل موب اموت في استراحه ! قال حلو الكلام .. حنا بنسكنك في فندق مدري والله وش اسمه المهم وبكره الصبح بنروح واشنطن .. لازم تقابل الرئيس الامريكي

الفنـــــــدق

دخلت ذيك الغرفه الزينه والاثاث الزين قالي اللي شايل شنطتي : سيدي ان اردت الخروج للبركه تراها تحت << اكيد يا؟؟؟؟؟ يعني فالسطح ؟ ، المهم وانزل للبركه ابشوف وش فيها والا ذا ال؟؟؟ الله لا يخزينا ماعليهم الا دواير ومثلثات !! مير الرجال متسترين اكثر منهن ، واناظر والا مافيه الا انا لابس بنطلون ! قلت ياولد خلني اتلين فالبركه وافصخ بنطلوني وانسى اني لابسه على الصروال الطويل المهم فصختهن ومابقى الا صروال القطن ويوووووه يالله براد الجنه ... مالكم فالطويله .. جا موعد روحتي لواشنطن وقابلت الرئيس بورش قصدي بوش و نوه سيادته عن مدى شجاعتي واستقبلني عند سلم الطائره قعدت يومين في واشنطن لين جا موعد رحلتي الى زحل !!! قبل اروح كنت متكي مع بوش نسولف عن التدهور الاقتصادي وطيحة الاسهم >> قالي ابيك تقابل واحد بيروح معك !!!! قلت له فيه احد بيروح معي ؟ قال ايه بس ماراح تنزل من الصاروخ هذي خبيره متفجرات بلجيكيه

اسمها زينة البنات ، ويدق على سكرتيره ويقول دخلوا زينة البنات ...

دخلت واحده دبا يلعن جدها عجزت اشوف راسها ! مافيه رقبه والراس غاطس بين الكتوف ما اشوف الا نظاره من ذولاك المستطيلات حقت القرايه بس الشهاده لله شكلها خبيره يلعن جدها :040104_emI2_prv: !! ، سلمت علي وقالت : خبيبي الزين:pangel4: << راعيت حركات
خل انت بتروخ معي ؟ قلت لها سمي ابعلم الوالد او يتيم المحبه ويصير خير ...


ايرانيه ما الومها ما طلعت بلجكيه هع هع هع

الصاروخ

اكبر صاروخ شفته في حياتي ! يلعن شكل اللي سواه :110103_mad_prv: وشلون طاله ؟ بس اني ذكي قلت اكيد مستخدم سلم ! المهم ركبت انا ووزينة البناااات الصاروخ قالت وش تحب تسمع ؟ واذكر اني جايب معي شريط لمخاوي اليل ((جروح الروح )) قلت شغل ذا ، قالت انت حمار:002: ؟ شايفنا راكبين كابرس ؟ قل اسم الاغنيه وتجي .. قلت صدقيــني والله وتشتغل !! ماعلينا ... استعدينا للاقلاع ... بسم الله ... فوووووووووووووووووووووووووووووووو << صوت الصاروخ:dazzled:

وها نحن في الفضاء نداعب النجوم ومبسووووط وطاير من الفرح .. مابي ازود عليكم بالهرج ، وصلنا زحل ، ارض بيضاء قاحله حاره طاقتها الشمس لين شققتها ، عطتني زززينة البنااات سلاح بيولوجي قالت يمكن يطلع عليك شي والا شي انا بديت اقمط ارتعت صراحه هل معقوله فيه كائنات فضائيه هنا ؟ قعدت امشي ومعي السماعه عشان اسمع كلام زينة البنااات وهي توجهني للقنبله !! وصلت ولقيت القنبله ! يا ألللللللللله ياكبرها !! كنها بيت قلت لزينة البنااات الله يلعنك وش ذا ؟ قالت هذا مفاعل نووي محدد وقت انفجاره لا يهمك كبيره كلها سلك ونخلص !! انا قلت طيب وين اروح الحين ؟ قالت شف على يسار المفاعل في باب صغير صح ؟ قلت ايه قالت افتحه ، فتحته وطلع قدامي اربع اسلاك ! احمر وازرق واصفر واخضر !!! المهم قلت لها وش اللي قدامي قالت طيب اسمع حنا الحين باقيلنا نص ساعه على الانفجار !! السلك الاحمر ممكن يوقف القنبله عشر دقايق ... اقطعه !! قطعته وياليتني ماقطعته

صار العد بسرعه والوقت يمشي كنه ثواني قلت له الله يلعنك الوقت يسرع قالت اقطع الاصفر بسرعه .. قطعت الاصفر والحمدلله وقف التوقيت (A) ... قالت شف خسرنا عشر دقايق لازم نوقفها باسرع وقت وضاقت الاحتمالات ! يالازرق يالاخضر ! واحد بيبطل القمبله وواحد يفجرها !! قلت له طيب مايمديني ارجع واموت في بيتنا ؟ قالت كل تراب واجمد عاد انا يوم قالت اجمد سويت في امها توم كروز واعفط في يديني واعكف الحواجب وانا قامط العافيه !! قلت زينة البنااات اذكر مره لعبه عندولد اختي (كم وكم حبيتك) سياره بريموت كنترول قمت احوس فيها وقطعت سلك ازرق كان فالسياره ولاعاد اشتغلت ابد !!سكتت زينة البنات شوي ثمن قالت الزين يفرض نفسه!! اقطع الاخضر !! قلت له تستهبلين انتي ؟ بكل بروده تقولها طيب لو طلع موب هوا ؟ بنموت !! قال يعني وش تبيني اقول هذا اللي اشوفه يا؟؟؟؟؟؟ اقطع الاخضر ... انا ماعاد اناظر من العرق اللي يصبصب من راسي !! والمقص يرجف مع يدي حاط المقص على السلك وعجزت اقصه مرتاع ! طيب لو مت ؟ اخواني واهلي ماعادني بشايفهم ؟ :001: << قلب الام عاد ، والله يوم التفت على العداد الا باقي 5 ثواني وهوب واقطع الاخضر ....
.
.
.
.
.
.
.
.
.
.
.
.
.
.
.
.
.
.
.
.
الله يرحمنا برحمته ، كنت شجاع فعلا وصنديد لم آبه للمخاوف والموت فلقد كنت على يقين باني على صواب<<< اقول تقلع بس:002:
وهاهما الزين يفرض نفسه وزينة البنات يشاهدون وفاتهم
وهم اغنا العالم:f55:

مايستفاد :

1- اي مصيبه تصير خلك اول واحد يروح وصدقني بتصير غني
2- حاول انك ماتتفلسف بالانجليزي ابد
3- لا تناظر الحريم وهم يسبحون خصوصا اذا كنت عزابي
4- لا تخاوي فك وافكـ :040104_emI2_prv:
5- تحيتي للاايرانيه زينة البنات
6- سري للغايه بيني وبين الايرانيه
7- ؟؟؟؟؟؟؟ معناها سري للغايه وهي الحفاظ على كرامتي المرموقه

كــــاان معكــــــم المرحومــان الــى الله:19:
7
7
7
7
7
7
7
7
7
7
7
7
7
7
7
7
7
7
7
7

محبكمــا
الزين يفرض نفسه وزينة البنات

[۩۞۩ فـك و أفـك ۩۞۩]

خهخهخهخهخهخهخهخهخهخه
خهخهخهخهخهخهخهخهخه
خهخهخهخهخهخهخهخه
خهخهخهخهخهخهخه
خهخهخهخهخهخه
خهخهخهخهخه
خهخهخهخه
خهخهخه
خهخه
خه




الله يرجك رج رجل الفضااء بناسا <== متاثر بالقووصه خهخهخهخهخهخهخه

وربي ميت ضحك لعبنوا بليسك من وين لك المخيله ؟ <== قول مشاء لا اتنظر الرجل

خهخهخهخهخهخهخهخهخهخه


على فكره ترى انا قلت لهم بحلق اخوي الزين قالوا وش عندك تلحقه

قلت بعطيه الفروه يقلون برد <== قويه خهخهخهخهخهخهخهخهخه

بس قالوا معصي قلت ليه قالوا فيه عجاج تعال بكره خهخهخهخهخهخهخهخه

اما مايستفاد من القووصه وربي ميت ضحك عليها حدث ولا حرج

خهخهخهخهخهخهخهخهخهخهخهخهخه

تستاهل اغنيه على هالقصه الراائعه

blink_4b0dab0c2c913 :f55:
v

v


v

v

v

v
http://www.6rbtop.com/library/resour...n/29027_hi.ram




[grade="00008B FF6347 008000 4B0082 00BFFF"]يسلموو اخوووي / الزين يفرض نفسه

على الرحله والقصه والماضوع

الجونان والاكثرمن راائع وفي

انتظار جديدك الارووع .


تـحــ لك ــيــاتــي أخــوكـ


( `•.¸
`•.¸ )
¸.•´
×´¨) (¨`×
¸.•´¸.•´¨) (¨`•.¸`•.¸
(¸.•´ ( * فــك و أفـــك* ) `•.¸)
¸.•´¸.•´¨) (¨`•.¸`•.¸
×´¨) (¨`×
¸.•´
( `•.¸
`•.¸ )[/grade]

[زييينة البنااات]

تسجيل حضوور فقط ولي عودة يالدب

زييييييييينة

[الزين يفرض نفسه]

هههههههههههههههههههههههههههههههه

فك وافك اقول ياحبنيلك يالدوووب
<<ج قاعد يهز وسط مع الاغنيه

للي
عوده على الردود


تحياتي
محبكمـ
الزين يفرض نفسه

[يابعدهم]

ياولد تصدق كني اشووف فلم هندي

مت وتكلمني الحين صدق فلم هندي

الا ماعلينا انت شناوي عليه

شكلك تبي ترووح الفضاء
وهذي السوالف يعني مظاهره بس طريقة جديدة هع هع
الموهم ماقلب عليك بووش هو وجهه

بس والله شنب فك وافك طيرك بالعجة
وكليت هوى
اقوول الله يرحمكم ويفرق بيني وبينكم هذا دعوة قوية >>>خربها

المووهم بتقوول شعنده ماعلق على المووضوع
والله انا مافهم بسوالف السياسه >>>>شدخل السياسه انت وجهك
مدري سمعت فيها بورش اقصد بوووش هو وخشمه
قلت اكيد فيها سياسه
وبعدين لو مافيها سياسه ياخي انا حدي اطير في سطحنا
مافهم بالفضاء والسوالف هذي
بس سلم لي على زينة البنات والله مهي هينة


اقول انصحك نصيحة لوجه الله لا عاد تجلس عند الأخبار أثرت فيك واجد

وبس

ويصلموووو على الماضووع

>>>يابعدهم عالم من اختياري<<<