المنتديات
المنتديات
| روابط إعلانية |
| ||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
 |
| | أدوات الموضوع |
19-11-09, 03:24 PM
| #1 |
| |[ عـضـو مـبــدع ]| الدولة:  روابط إعلانية |  العقــد النفسـيه .. في " بزران " السعوديــه منذ طفولة الطفل السعودي .. وهو يتعرض للإضطهادات .. والترجيم والتقبيص .. وحتى لو كان الطفل جميلاً ... فلابد أن يأخذ نصيبه من تقبيص الخدود ... وطبعات أرواج الحريم على الخد من أسوء ما يتعرض له البزر السعودي ... خاصه أن كان هذا الروج من أسواق السويلم أو أي محل من محلات أبو يمن طاح بالمرق قعد له ساعه واحترق اولا عقدة الأسم في بداية الولاده ... أول مايتعرض له البزر السعنن .. هو الاضطهاد باختيار الاسم .. عزيزي المواطن ... إذا كان اسم أبوك أو جدك خليّوي وإلا نبهان .. وش ذنب طفل توه طالع على الحياة يتسمى هالاسم  ؟. قمة الاضطهاد وضيقة الصدر لما الواحد صغير واسمه أسم شايب .. وش هالعيشه ياعالم ؟ أو مثلا يطلع على الدنيا واسمه متعب والا حزنان .. سلامات ؟ لو يجيه ضيقه والا شي قال بس هذا من اسمي ... أصلاً من السنه أنه الواحد يختار الأسم المناسب والي له معنى حلو لولده عقدة منت ولدناطبعا أتوقع مافيه أحد ما أنقال له منت ولدنا عاد أنا على بالي حساسه .. أخذ ملابسي وأطلع للحوش يعني أني بطلع من البيت كني مطلقه ياربي لك الحمد بس عاهه منذ الصغر عقدة أخوك الصغير سبحان الله الأهل السعوديين ماعندهم روح الحريه والاشياء ذي .. وان كل واحد حر بأشيائه يعني دايم الكبير يضطهدونه عشان الصغير وإذا قال شي قالو له انت الكبير وهذا الصغير ماينلامون اذا قامو يفغصون أخوانهم الصغار .. أبو الحاله الي كذا ... المهم وتمر عليك الايام وتتشوت من الغرفه وتنام في الظلام الحالك لحالك ليه ؟ عشان اخوك الصغير  وانت كبرت خلاص .. أبو القهر الي كذاعشان كذا أنا أقترح الاب والام لما يجيبون طفل ثاني يذبحون الاول الجد عاد لما يجيبون طفل ثاني يساوونهم بالمعامله ... ولا يحسسون الاول انه ذا الصغير الفطفوط جاء مكانه وأخذ الدلع كله ...  عقدة المدرسه أكره ياعالم أساتذتنا .. والله أكرهم .. جواهر وساره اكرهم كره ماهو طبيعي ...  كوابيس ماهم أساتذه أول مادخلت أولى كانت أستاذتنا جواهر تدرسنا كل شي بالحياة طبعا .. بتاع كلو  المهم أننا وقتها نخاف مره ... وكنا نحسب للمدرسه حساااب . نحس انها مب انسان .. نحس أنها ملاك شي مو طبيعي .. نقدرها مررررررره .. المهم ان جواهر ذي من زود الفسقه مدخله بروسنا انها تشوفنا بكل وقت والله ياني تعقدت .. معاد أبي ادخل الحمام أخاف تشوفني بعد ولا عاد ابي امي تروشني أستحي اخاف تشوفني وامي تروشني .. يعني مره صارت حالتي صعبه مادريت أن جواهر مثلها مثل اي انسانه .. تقوم من النوم بعينها الي مليانه غمص .. وتجينا وتحط كعكع وكحل سايل وترجع تطبخ دجاج ورز وتاكل هي وزوجها وعيالها .. ولاجابت خبرنا أجل فاضيه هي تراقبني وانا أتروش الله من زين الشكل .. ليتني كبيره بعد لا بزر تتروش وش تشوف صدق . بس أكتشفت أنها نصابه ماتراقبنا يوم وصلت ثاني ابتدائي .. اما سارة آآه ياقلبي للحين أتذكرها هي وعلكها ..  والله ياني أنضرب ضرب منها .. واذا جيت البيت لين اخوي بعد مضروبيدينا حمررر .. الله يعظم أجر اميمتي المهم ان ساره ذي كانت تضربني عشان جدول الضرب .. والله ياعالم للحين .. ماحفظت جدول الضرب .. ودخلت أدبي لاني كرهت شي اسمه رياضيات .. عقدة الرجل يوم كنا صغار ... كانو اهلنا يحسسونا أن الرجال كائن حي ممنوع الاقتراب  صرنا نستاحش مره نحس انهم شي غريب عننا .. والحين لما كبرنا ... لو ينفخ علي رجال مقدر اقول له شي لو يتحرش مقدر اقول شي اخاف والله إن هالتربيه غلط ... رجال وش صارت حضرته ما آخذ حقي منه .. دايم اذا غلط الرجال خلاص نسكت احنا حقك يضيع لا اسكتي عيب تتكلمين ما انكر ان بعض البنات لا ابد ولا يهمهم ... تمسح بالرجال الارض طبعا الوسط زين .. مو حلو الخوف الزايد لدرجة انك ما تاخذين حقك ومو حلوه طولة اللسان ونقص الانوثه عقدة عيب أما عيب هذي الكلمه أستغفر الله بس .. ياكثر ماسمعتها .. ويقولونها بدف يعني أحيان نفز واحنا صغار .. بزر طلع اندرويرها وش المشكله طيب ؟ ماتدري الا امك والا جدتك تجرك عيب غطي .. عيب لاتجلسين كذا عيب لاتقولين كذا كل شي عيب عيب عيب .. لين تجيك ردة فعل وكل شي عيب تسوينه  يعني وش فيها لو مثلا شفتي بنتك الصغيره جالسه جلسه ماهي زينه وطالعه البلاوي المتلتله قولي لها اجلسي كذا حبيبتي هذي الجلسه مو حلوه مو لازم تروعينها وعيب وتمسكينها وتغطينها شوي وتجرحينها من الحماس عقدة ترى ربي يحط بالنار اعرف كثير ناس للحين نفسيتهم مو شي .. والسبب هالاسلوب الوعضي الغريب .. معليه ليه لما يكذب الطفل نقول له ... بيحطك ربي بالنار ليه مثلا مانقول له ... ترى ماتروح الجنه . ؟ فيه امهات الله يهديهم ... كذا اسلوبهم لو شافت الصغير يكذب أو يرقص على اغاني قالت له ترا ربي يحطك بالنار ويصب في اذنك رصاص ياكثر ماسمعناها ... رغم انه حديث انه يصب في اذن سامع الاغاني رصاص ضعيف والا يجيك أحد كبير يقول لك تخيل تموت وانت كذا ... ليه محسسين الاطفال ان الموت ماوراه الا العذاب طيب أنا مسلم واصلي ... وربي رحيم ... ليه كذا نظرتنا عن الموت حتى يوم كبرنا ليه محد قال لنا واحنا صغار انه لما نموت نروح لربي ... هالشي يحسسنا بالامان .. ليه محد قالنا لما نموت نروح لحياة ثانيه والمسلم مايشوف قدامه الا كل خير ليه العنف بالتربيه ... نفسية طفل هذي ... ماتجي بالتخوف والترهيب ابد الكراتين الحزينه بصراحه ما اقول الا حسبي عليهم أجل سالي وهايدي .. كيف كنا نطالعها .. وربي اني ابكي عليهم ..  أبو النفسيه الي كذا ياعالم .. ليه يفرجونا على كراتين تحزن ؟ واتذكر بعد ذيك الانشوده (( وصلو علي صلاة لا ركوع لها ولا سجود لها لعل الله يرحمني )) والله ذا الانشوده ما انساها مستحيل لاني جلست سنتين يمكن وأنا اصحى الليل أبكي أهلي تعبو معاي مره .. الي يقول جتها عين .. كل شوي موديني لشيخ يقرا علي ومن ذا تفله ومن ذا مويه ومن ذا حبة سوداء ومادرو ان علتي من هالانشوده .. كنت أسمعها ... وتخيلو أني ابكي اقول لاعاد تشغلونها .. ومن البثاره اخواني يشغلونها و يضحكون على ان بكيت  واجلس ابلع عبرتي ... لين تجيني تكه ولا انام اليل وربي ايام مستحيل أنساها .. احس انها يام خنقه عقده اذا كبرتو من كثر ماكانت تنقال لنا صرنا نتمنى اننا نكبر بسرعه والحين يوم كبرنا ... كل العالم أشوفهم رازين بتواقيعهم وعناوين الموضوعات ( كبرنا وليتنا ماكبرنا ) والي جالس يشعر ... ويقول ( ياليت ان الزمن يرجع ورى والليالي تدور )  والي تقول ( ليتني طفله كبر همومي لعبتي ) جتنا صدمه .. توقعنا ااننا اذا كبرنا بنصير وناسه ... وتتحقق كل احلامنا من كثر مايقولون اذا كبرتو .. المشكله أننا نشوف وجيه الكبار دايم معبسه ونفسيتهم خايسه .. بس مافكرنا زين الضرب أعتقد انه الضرب مره مؤثر ع الطفل خصوصا اذا كان قوي  ترا أن ضد ان الشخص يكون سلبي ويخلي عياله على راحتهم .. مافيه مانع .. يضربهم لكن مو الضرب القوي الي يعلم ع الجسم ولا الضرب الي قدام الناس ... فيه اهل الله يهديهم يهينون الطفل قدام الناس على بالهم مايحس .. أكره الي تضرب ولدها قدامي .. احسها نذله حتى انا اخاف منها وهذانا الحمد لله كبرنا و كبرت العقد معنا .. بس الله يستر لا نعقدها بعيالنا   ماهو رايكم في الموضوع وذا عندكم عقد انا ماذكرتها قولوها نبي نضحك اختكم ميروووو |
|  |
|
19-11-09, 03:55 PM
| #2 |
| عضو موقوف من الاداره الدولة: |  رد: العقــد النفسـيه .. في " بزران " السعوديــه هههههههههههههههههههههههههه يسلمووووووووووو |
|
| |
|
19-11-09, 04:14 PM
| #3 |
| |[ عـضـو مـتـألـق ]| الدولة: | رد: العقــد النفسـيه .. في " بزران " السعوديــه يسلمو ياميرووو والله انك صادقه جتنا عقد وسلاسل يوم كنا صغار لكن برضوايام الطفوله حلوة ( ياليت ان الزمن يرجع ورى والليالي تدور ) |
|
| |
|
19-11-09, 04:23 PM
| #4 |
| |[ عـضـو ذهـبــي ]| الدولة: | رد: العقــد النفسـيه .. في " بزران " السعوديــه يسلموووووووووووووووووووووو خيتو والله انك صادقه بكل شي وهذا احلى تقييم لاحلى ميرو |
|
| |
|
19-11-09, 04:29 PM
| #5 |
| |[ عـضـو مــاسـي ]| الدولة: | رد: العقــد النفسـيه .. في " بزران " السعوديــه شكلك تربيت فى بيت ابوعقد المعروف عقده عقده شكرا |
|
| |
|
| الإشارات المرجعية |
| أدوات الموضوع | |
مواضيع مشابهة | ||||
| الموضوع | الكاتب | المنتدى | الردود | آخر مشاركة |
| """"مـين البنت الشاطرة الي تتجرأ وتقدر تلبس زي هذا ؟؟ """""" | روح المشاعر | صور - كاريكاتير | 63 | 03-11-11 08:10 AM |
| مترجم حوار "الجارديان" لـ"سبق": "بيرك" نسب للشثري أموراً لم يذكرها.. و"اقتناصه" كان مغرضاً | هـلآآآلـي | منتدى الأخبار المثيرة - عالم الجريمة | 6 | 07-07-11 07:13 PM |
| المحطة تعيد "منتجة" المسلسل لحذف الجمل "البذيئة" .. "mbc" تطلب من الصحفيين السعوديين عدم الكتابة عن تجاوزات "بيني وبينك" | خيّال | منتدى الأخبار المثيرة - عالم الجريمة | 27 | 19-03-11 05:50 PM |
| """"""""فساتين ذوووووووق لأهل الذوق"""""""" | أعشقه وأعشق أترابه | ازياء × فساتين | 18 | 08-10-08 04:02 AM |
| الكل بنت تلبس عباءة مخصرة ازف لها هذه البشرى """""""""" | البتول؟؟؟ | منتدى المواضيع العامة | 14 | 30-05-06 08:10 AM |
