المدرسه!!!

[الهنــــــــــوف]

السلام عليكم ورحمة الله وبركاته..
كيف الحال ..؟ عساكم بخير ؟؟؟

بدخل في الموضوع مباشرة ....اللي هو ايام المدرسه وماأدراك ما المدرسه

ابي لكل عضو يدخل يكتب لي موقف حصل له في المدرسه خصوصا اول يوم في الدراسه <<<ماأدري وش هاللقافه اللي نازله علي ؟؟!!

أنا مثلا في موقف حصل في المدرسه ماأقدر انساه ابد ....
لما كنت في الصف الأول كنا متعودين من المستخدمه انها تمر على الفصول وتبيع لهم فطاير الزعتر والسبانخ ...خبركم صغار ومانطول
وفي وحدة جالسه جمبي اسمها رباب كنت اكرهها وهي تكرهني مانطيق بعض
جات المستخدمه والكل هجوم عليها <<<مشافيح
انا كان معي خمس ريال شريت فطيرة زعتر والمفروض ترجعلي الباقي 4 ريال والمسكينه توها تبيع فماكان معها غير ثلاث ريال عطتهم لي وجات اللي اسمها رباب وشرت بريال فطيرة سبانخ المستخدمه عطتها الفطيرة وخذت الريال وعطته لي واكتمل حقي وحقها ...انتهى الموضوع

وانا ابي ارجع محلي اشوف رباب تطالعني بنظرات حقد استغربت منها وبدت الفسحه
وانا امشي وآكل فجأه تجيني وحدة من صف سادس كبيرة وجمبها رباب <<الاخت جايبه فزعه

وتقولي ليه اخذتي ريال اختي ؟؟

وانا المسكينه لحالي مامعي احد تلعثمت وقمت أقول كلام غير مفهوم مع صياح وأشاهق
ورباب واختها يطالعون فيني كذا
في النهايه ماخذوا مني لاحق ولا باطل وقالت لي خلاص روحي<<فرجت والحمدلله

بس والله رباب هاذي ماأنساها حسبي الله على ابليسها طول السنه وهي تكرهني ..

<<<سالفه بايخه ادري
يلاعاد ابي الكل يدخل ويكتب عن موقف حصل له ايام المدرسه لأن ايام المدرسه مليء بالمواقف المضحكه

تحياتي

[حنيـــن الماااضي]

ههههههههههههه
وربي مت ضححححگ

اممم
انا يوم گنت بصف اول متوسط كان عندنا مدرسه معها حاله نفسيه قويه مره
وگنت انا معروفه بلشقاووه ماباقي احد مايعرفني
المهم حركات بزارين سوينا حفله وجايبين بسكويتات وسفن آب الكبير
المهم سوينا ازعاج فضيع مره وداخلين طالعين من الفصل
ثم جاتنا هالجنيه ماترحم ابد واخذت علبة السفن اپ وضربت بعض البنات وانا بركن الفصل طاير عقلي ثم نادتني فهد يافهد تعال طبعآ اسم ابوي
وانا اخر مره ابله
اصلا ماسويت شي
وصآآآآآآحت
قالت: بعد لين3
ماقالت3 زين الا انا بين ايدينها
كيف؟
لحد الحين مدري
واخذت تصفيق منها

آه بسس ياكثر مغامراتي وياها

ثااانگس ع هايدآ الموضوع

[lovelyprincess]

ههههه
يسلمووو
بس ما اتذكر ذحين اذا تذكرت اكتب

[magic boy]

يسلمو على الموضوع اول

السالفة

يوم كنت في اول متوسط قالو لنا باكرة رحلة جيبو اكل


انا جبت حلويات واحد جاب فطاير ابطول بيبسي سفن اب


والمدرسين يجون يا كلون كنا ملنا اموقفين جمب الباب ننطر


ننطر جان يجي المدرس قال مافي رحلة كلنا حقدنا على المدرس



اوووووو بس يسلمو

[الـgلـهـانـ]

ههههههههههههههههههههههه
حلو موقفك هياط من بداية السنه
والله انا ناسي وش لي من مواقف
تقبلي مروري