قصائد خالد الفيصل..........

[أأصعب بنت]

هُنا سنخصص هذا المتصفح
لقصائد الخلود
سننظم عقداً من اللؤلؤ
سنحاول فيه جمع قصائد الشاعر الأمير
خالد الفيصل

__________________

[أأصعب بنت]

لا تقول


لا تقول ان الليالي فرقتنا
لا تقول ظروفنا عيّت علينا
الليالي يوم ودك جمعتّنا
يوك ودّك كل شي في يدينا
يا سقى الله ليله بك عرّفتنا
في شعيب شهار عن غيرك سلينا
من مغيب الشمس حتى طالعتنا
عن هل الدنيا نزعنا واعتلينا
ليلة العشاق والله وردتنا
مارد ذقناه كن ما ارتوينا
ليتها يا ليتها ما ودّعتنا
ليت ذاك الليل ما راح وسرينا
يوم هملنّا الليالي هملتنا
كيف تعطينا وحنّا ما عطينا
الليالي عن هوانا ما نهتنا
البلا حنّا على البعد انتهينا



.....................

من عذابي

من عذابي قلت لعيونك هلا
يا هلا بك يا عذابي يا هلا
ما يكفّي لوعتي بك من غلاك
رحت تبعد عن عيوني يا غلا
تحسب اني سالي مثلك وانا
في هواك الله حسيبك مبتلى
ما يسليني مكان ولا زمان
لا ولا غيرك حبيبِ لا ولا
قلبي الي ما يطيع لمن بغاه
من نظر عينك تعهّد بالولا
صار لك بالقلب مرباع ومصيف
يوم غيرك عن مرابيعه جلا
فيه لك مقيال عن حرّ الزمان
والدفا عن برد شمله بالخلا

__________________

[أأصعب بنت]

قالت من انت

قــالت مــن انــت ؟ وقــلــت مجمــوعة انــســان

مـــن كـــل ضـــد و ضــــد تـلقـيــن فـينـي

فــيـنـي نــهـــار ولــيــل وافـــراح و احــزان

اضـــحــك ودمـــعــي حـــايـر وســط عينــي

وفــيــنـي بــدابة وقـت و نــهـــا ية ازمـــــان

اشــــتاق بــاكــــر واعــطـــي امســي حنيـني

واســقـي قــلوب الــناس عــشــــقٍ وظــمـيـان

واهـــدي حـــيارى الــدرب واحـــتـار ويــــنـي

واحـــاوم صـــقور الــهـــوا حـــوم نشــــوان

واســـيــل الــوديـــــان دمــــــع حــزيـنِ

فــي عــيـني الـيمنــى مـن الورد بــســــتـــان

وفــــي عيـــنــي الــيــســرا عـجـاج الـسـنينِ

تــهــزمنــي الـنجــلا وانــا نــد فـــرســـان

واخـــفـــي طــعونــي والـمحــبــه تــبـيــنِ

امـــا عــرفتــيني فـــلا نــــي بـــزعـــلان

حتـــى انــا تــرانــي احــتــرت فــيــنــي



..................




لو يبور الملا

لو يبور الملأ ما أحسب حبيبي يبور
وأحـسب اني أموت ولايموت الوفا
وأحـسب انه على هاك المودة غيور
مـا احسب ان الشعاع اللي بقلبه طفا
كـيف يانور عينى وانت للعين نور
يـختفي نـور وصلك في ظلام الجفا
اثـر قلبك على فرقا الولايف جسور
واثـر طرفك اليا سهرت عيوني غفا
ويـن هاك الونين اللي يشق الصدور
ويـن هـاك الدموع اللي تشق الصفا
كـل حـي ٍ الـيا دارت لياليه يدور
كـل قـلب الـيا عفت جروحه عفا
ويل قلب توالت فوق جروحه كسور
كـل جـرح الهوي ياصاحبي ماكفا
التمس لك عذر لو كان ما أنت معذور
وان جـحدت الـموده بان لك ماخفا

__________________

[أأصعب بنت]

يا مسافر للجفا

يا مسافر للجفا.. والوصل يبكي عليك

وين عهدك بالوفا.. للخفوق اللي يبيك

لي جناح ولك جناح ...ولا نطير الا سوا

اسقني عذب القراح ..لي زمان اشرب هوا

ليت لي قلب خلي .. ماعرف فرقا الوليف

لا عليه ولا علي ..لا ربيع ولا خريف

الهوى امره عجيب ..مره يسابق حلاه

ان صفا ود الحبيب ..الزمان ابعد مداه

ويل قلبي يالغرام ..كل يوم لي قصيد

اشتكى مني الكلام ..اجرح حروفه واعيد

...............

اجاذبك الهوى

أجاذبك الهوى واطرب واغنى
وابادلك الغرام بكل فنى
واشاهد صنعة الله فى جمالك
وحكمه الذى فيك امتحنى

واشوف الود فى عيونك ولكن
يرد الود خوف فيك منى
ولاادرى ويش يخيفك يا حبيبى
وانا بك مغرم جاك متعنى

ولو انك تلاحظ شفت عينى
وهى تروى حديث الحب عنى
تنعم دام توك فـى شبابك
ليالى العمر ما قط امهلنى

تعال اسقيك من جدول غرامى
شراب فيه للعاشق تهنى
واهيم بك فى سماوات المحبه
الين انك بعد مثلى تغنى

يتبع

[اوتار حالمه]

شربت من الهوى
شربت من الهوى وأفعمت كاسي .. ونبَّهت العيـون مـن النعـاسِ

أجاوب صادح القُمري وأغنِّـي .. وأذكِّر بالهوى من كان ناسـي

ونجمة صبح ترقص من طربهـا .. على نغمات يطـردن العمـاسِ

وأنا لى من بغيت أمـرٍ عطيتـه .. جميع حقوقه وطرَّقـت راسـي

حلاة العمـر تلحـق ماتريـده .. وياتي ليِّـنٍ مـا كـان قاسـي

ولى من الزِّمـان أقبـل ربيعـه .. خذ من زهور ريضانـه لبـاسِ

ترى للوقـت هـزَّه وأنقلابـه .. تهزِّ جبالها لـو هـي رواسـي

عليك بساعة الفرحـه تراهـا .. ترد الرَّوح من عقـب المآسـي

الله يعطيك العاااافيه
على موضووووووعك
تقبلي مروري ومداخلتي