بحر حزني

[الطفولـ حنين ـه]

أبيات أعجبتني


حسبي الله يا حروف الشعر واوزانه وقافه
لو بغيت اوصف شعوري ما عرفتي توصفينه

ويش اسوي بالبكى ولّا بقولة ياحسافه
دام حزن القلب يطغى هتلره مع موسيلينه

كل ما اذكر خيال الذنب ولّا إقترافه
أطلق وثاق الدموع وكانت بعيني سجينه

حتى ما بين اقتراف الذنب والذنب المسافه
اسمي وقلبي وصرخات الحسايف والغبينه

ليت ماني في حياة الماضي في درب انحرافه
ساجت اقدامي على دربه وطاحت في كمينه

الله اكبر كيف صرت الشي من صغره اخافه
من بعد ما كانت الدنيا بيديني عجينه

والمواجع في ربوع القلب تنعم باستضافه
والوله قام وبنى له داخل اعماقي مدينه

والندم قام يتمادى يعزم لحفلة زفافه
خاطبٍ بنت الألم يبغى يكمل نص دينه

في بحر حزني غرقت وحيل يا مبعد ضفافه
والمصيبة ما اعرف اسبح ليتني ألقى سفينه

في كتاب أبرز ضحايا الحزن في صفحة غلافه
اسمي العنوان والموضوع مكنون الضغينه

والفرح بينه وبيني ما لقيت أيّة ألافه
ما لقيت أيّة ألافه للفرح بيني وبينه

كل ما قربت منه راح وخلاني خلافه
عافت يدينه يديني لو بغيت احضن يدينه

ياعوينه صدري اللي موكب الأفراح طافه
ما تشكى يوم طافه قام يصبر ياعوينه

اعترف إني خسرت العمر بنهاية مطافه
ما بقى لي غير آهاتٍ وسط قلبي دفينه

بس ابصبر لو يطول الصبر والخاطر يعافه
صبر من حده زمانه يرتوي من موق عينه

دامني رجال عمره ما عرف غنج ورهافه
لو يشوف الموت توّه ما تعاقد حاجبينه

يعني والله يا حروف الشعر واوزانه وقافه
لو بغيت اوصف شعوري ما عرفتي توصفينه

للشاعر / محمد الحارثي

مما راق لي

[ولد شيخ99]

يشرفي اول من يرد عليك ومشكور ع الكلمات الحاوه زي صاحبه تقبل مروري

[رحله روح]

الله ابيات مميزه ورائعه

الله يخليكي ياحنوونه انتي

مميزه دومااااااااااا لك ودي

[الملح كله أنا]

الله الله الله أبيااااات حلوهـ بالمره
بس لو نزلتيها بقسم الشعر يكون أنسب لها...
تسلمين يالغاليه
دمتي بحفظ الرحمن

[أأصعب بنت]

رااااااااااااااااااااااااائعه هذه الأبياااااااااااااات وأكثر من رااااااائعه
مووضوع جميل سلمت يداكِ
انتقاااااااء مميز................
الف شكر لهذا الطرح الرااااااااااقي

ربي يعااااااااافيك فديتك...................



تحياااااااااااااااااتي لك...........