قلت لك : لاجيت اودعك احضنيني

[جــــــــــــيفارا]

الف مـره قلـت لـك لاتسألينـي


وش يسوي بي فراقك لـو ثوانـي




قلت لك : لاجيت اودعك احضنيني


واتسمر باقـي العمـر ف مكانـي





وان شعرتي بي شتاءفض انقلينـي

من يديـن البـرد ليديـن الامانـي




وان لمحتي لهفة العشـق بحنينـي


وقفـي كنـك تعديـن المحـانـي





وافتحـي ايدينـك بحـب وقبلينـي

ثم شوفـي كيـف يتشظـى كيانـي




قولـي أتنفـس هـواك وطوقينـي

كن يدينـك مـدى طـوق جنانـي




ان تنفستـي حسبـتـك تمنحيـنـي

جنح عصفور و فراشات و اغانـي




وان ضحكتي قمت اوكي راحتينـي

للمطر وانثـال مبسمـك وخذانـي



وان همست: اهواك..طارت شفتيني

بالكلام العذب وازهر لـك لسانـي




و ان لمستك قمت اقبل لـك يدينـي

كنها من طهـرك الركـن اليمانـي



فسري لي كيـف تصبـح منكبينـي

سحب واستمطر غنجك الى اعتراني





وكيف أحس الكون بـس تعانقينـي

دار دار وسلـم الدهشـة عنانـي




فسري لـي كيـف يـوم تفارقينـي

مااعرف اية شي غير اني اعانـي




كيف تصبح غصتي دمعـةبعينـي

واخذ الوحشـة واجلسهـا مكانـي




وكيف لاجيـت لعيونـك تحملينـي

مركب يسافر يـدور بـك موانـي




ضمـي القلـب بيدينـك تشعرينـي

نبض قلبي حب...وانفاسـي غنانـي




صار كنه طفل اخذني مـن يمينـي

وذاب في حضنك ولهفتك ونسانـي




خدرتـه بدفـاك معناهـا ابعدينـي

عن ردى حظي وعن قسوة زمانـي




وضحكته تعنـي تعالـي حسسينـي

ان مافي الكون غيري شخص ثاني





لو عرفتي في ارتعاشـه تلمحينـي

كان تقرين الكـلام اللـي عصانـي




حبك ...أكثر من نفس بينـك وبينـي

جـا يدورنـي بدونـك مالقـانـي



حبك...الاحساس...والانفـاس فينـي

اشتعالاتي ...قلـق روحي...حنانـي




ولاتجينـي بعـد هـذا تسأليـنـي

وش يسوي بي فراقك لـو ثوانـي

تقبلوا تحياتي وتقديري

جــــــــــيفارا

[..][دلع روحي][..]

وان همست: اهواك..طارت شفتيني

بالكلام العذب وازهر لـك لسانـي




و ان لمستك قمت اقبل لـك يدينـي

كنها من طهـرك الركـن اليمانـي


:
:
جميعها رائعة
مذهل يافتى:)
تقديري

[*بسمة الجوري*]

قصيدة راآاآائعة...حملت من عذوبة الكلمات و رقتها الشئ الكثير..

و لكني أستوقفك أخي..عند قولك:


و ان لمستك قمت اقبل لـك يدينـي

كنها من طهـرك الركـن اليمانـي

فمن هي حتى تشبهها بالركن اليماآاآاني؟!

كل الشكر لك أخي على ما خطته أناملك هنا..

[قلبي شفاف حبك ينشااف]

قصيده راائعه
سلم احساسك الرائع

مودتي
}}..{{

[جــــــــــــيفارا]

المشاركة الأساسية كتبها *بسمة الجوري*

قصيدة راآاآائعة...حملت من عذوبة الكلمات و رقتها الشئ الكثير..

المشاركة الأساسية كتبها *بسمة الجوري*

و لكني أستوقفك أخي..عند قولك:

و ان لمستك قمت اقبل لـك يدينـي

كنها من طهـرك الركـن اليمانـي

فمن هي حتى تشبهها بالركن اليماآاآاني؟!

كل الشكر لك أخي على ما خطته أناملك هنا..

اشكرك اختي بسمة الجوري على تواجدك المميز

وبالنسبة للقصيدة مو انا اللي كاتبها

طبعاهذا القسم

قسم منقولات ادبية للقصائد المنقولة فقط

وبالنسبة للبيت

و ان لمستك قمت اقبل لـك يدينـي

كنها من طهـرك الركـن اليمانـي

انا اشوف هالبيت من اجمل ابيات القصيدة

ولا فيه اي مشكله أو تجاوز

لان الشاعر تفرد بصورهـ فنية رائعه عن جميع الشعراء

ولم يقلدهم وهالصوره غير مكرره

وللتوضيح فقط هذا ابيات للشاعر

ضيدان بن قضعان

يصف حبيبته انها اجمل ذنوبه

ولم احد يرد عليه ويقول تجاوزت الحدود

وبالعكس هالابيات

انتشرت مع الناس

انتشار النار في الهشيم

وهذي هي الابيات

لو أتوب من الذنوب اللي جنتها الايام ضدّي

ماقدرت أتوب عن ذنبٍ يعن القلب صوبَه

كيف أتوبك ياجمل ذنوبي واوقف عند حدّي

وأنت ذنبٍ لاغفره الله ولا ليّ عنه توبَه

حاب اوضحلك اختي انه ما فيه اي تجاوز

للشاعر

لان الشعر هو صوره فنيه

مو كلام مصفوف وعلى قافيه بس

الشعر مشاعر متى ماستطاع الشاعر

ان يبدع فيه وياتي بصور فنيه جديده

راح يصل بشعره الى قلوب الناس

اعذريني على الاطاله واتمنى وصلت الفكرهـ

دمت بخير