لماذا يتزوج السعودي اجنبية

[سامر الشامي 1]

لقد اثار إهتمامي رسالة تتناقلها زوجات سعوديات عبر الجوال عن اللي تبي الدلع والكلام الحلو وين تلاقيه.
فمحتوى الرساله؛
إن اللي تبي الدلع تاخذ لبناني واللي تبي الكلام الحلو تاخذ سوري واللي تبي..... واللي تبي..... واللي تبي الأجر تاخذ سعودي. عاد الأخيره هي الشاهد.

تعليقا على هذه الرساله لكل إمراه سعودي
عليها ان تراجع نفسها

معلومه أفتتح فيها رسالتي:
أنا من بيئة زراعية تؤمن أن الأرض الطيبة تعطيها تعطيك، وكثر ما تهتم فيها يكون الثمر أطيب.

إلى كل إمرأه سعودية تعتقد أنها مأجوره لأنها ماخذه زوج سعودي.....
إلى كل إمرأه سعودية تعتقد أنها فاقدة الدلع مع زوج سعودي.....
إلى كل إمرأه سعودية تعتقد أنها فاقدة الرومنسية مع زوج سعودي.....
إلى كل إمرأه سعودية تعتقد أنها فاقدة الكلام الحلو مع زوج سعودي.....
إلى كل إمرأه سعودية تعتقد أنها مظلومه عاطفيا لأنها مع زوج سعودي.....
إلى كل إمرأة سعودية تبحث عن زوج حق دلع ولا كلام حلو.....

أختي الفاضله :
إجلسي مع نفسك صباح يوم من الأيام بعد أن يغادر زوجك السعودي إلى العمل. راجعي يوم الأمس الذي مضى لحظة بلحظة، وأجيبي عن الأسئلة التاليه:

صباح الأمس الباكر؛ من أيقظ زوجك للعمل؟ أنت أم الساعة المنبهه؟
إذا كانت الساعة؛ أين كنتي؟
إذا كنتي أنتي؛ كيف أيقظتيه؟ وبأي صوت نبهتيه؟ وفي أي صورة كنتي عندما تفتحت عينيه؟
بعد أن استيقظ، ودخل الحمام للدش؛ هل وجد حمامه جاهز؟
لما خرج والأمل يحذوه في وجبة إفطار؛ هل كنتي جهزتي له إفطاره؟
(ولا كوب قهوه وكيكه على المكتب)
قبل أن يخرج للعمل؛ من أين أخذ ملابسه؟ (من بين يديك ولا من الدولاب)
هل ساعدتيه في لبسه؟ (وكشختيه وعطرتيه)
بعد اللبس (وقت الخروج)؛ هل من مودع؟ ولا أحسن إختاري أجابه واحدة مما يلي:
1- خرج وأنا نايمه.
2- صحيت من حركته في البيت، فتحت وحده من عيوني وقلت: وين رايح، العمل؟ بالسلامه.
3- كنت جالسه بالصاله، وهو خارج قلت له لاتنسى الأغراض اللي وصيتك عليها.
4- رافقته للباب، وكان وداع حار.
( تبين مساعدة، نحذف أجابتين؟ بس المشكله مانقدر نحذف إلا إجابه وحده بس!!!)

لما وصل المكتب (طبعا إذا قام يفطر الشباب بالمكتب عرفوا وش أنتي من حرمه)؛ هل أتصلتي فيه تتطمنين إنه وصل بالسلامه؟
تالي النهار وهو راجع البيت من العمل، دق الجرس ( معه مفتاح بس يبي أحد يفتحله و يحسسه إن له وحشه)؛ هل أستقبلتيه؟ وشلون؟
بدا ينزع ملابسه؟ هل كنتي معه ونزعتي له ملابسه و..و.. ثم علقتيها بالدولاب؟ (ولا منطوله بطرف السرير)
يبي يدخل الحمام وياخذ دش؛ (كرري السؤال حق دش الصباح).
بعد الدش يبي أسترخاء، رجليه تألمه من الوقفه طول النهار والمشي، جسمه هلكان؛ هل ريحتيه؟ (طشت مويه وملح وهاتك يا تدليك)
الآن يبي غفوه قبل الغدا، هل ساعدتي على توفير الجو الهادئ؟
لما صحي؛ هل وجد الغدا جاهز ولا هو اللي جابه معه من المطعم؟
بعد الغدا أكيد يبي شاي، هل قدمتي له الشاي، وجلستي معه سواليف، وكيف كان يومك؟
الآن فتره مستقطعه إلى الليل، وشلون قضيتوها؟
بالليل وقبل النوم على الأقل ساعتين (إذا فيه عيال أكيد ناموا)؛ وش كنت لابسه؟ كيف رائحتك؟ وشلون صورتك وهيئتك أمامه؟
خلال الساعتين: وش من جو عيشتيه فيه؟ يمكن تتابعون فلم ولا مسلسل وسواليف، بس الجو العام شلون؟
وقت النوم، وأنتي رايحه السرير؛ وش كنت لابسه؟ كيف وضعية النوم مع زوجك؟ (وضعية حنان ولا كأنكم أثنين أصدقاء أستأجروا غرفه بفندق وما لقولهم الا غرفه بسرير واحد (كنج بد) وكل واحد نايم بجهه)

بإختصار لكل الأسئله السابقه:
هل كنتي أنثى مع زوجك السعودي وعيشتيه جو زوج وزوجه؟

طبعاًَ هذى مو كل الأسئله المطلوبه من زوجه أنثى، لكن المهم منها والمطلوب حتماًَ وحق الزوج فيها .

إلى كل إمرأة سعودية تبحث عن زوج حق دلع ولا كلام حلو:
ضعي درجه من 100 على كل سؤال، ووزعيها بحسب الأهميه، ثم أجيبي الإجابه الصحيحه، ومن ثم اجمعي الدرجات التي حصلتي عليها.
كم مجوع الدرجات اللتي حصلتي عليها؟
0% ولا 10% ولا 50% ؟

طبقي النتيجه على المعلومه الزراعيه التي أعطيتها أول الرساله عن الأرض. إعتبري النتيجه هي نسبة إهتمامك بالأرض. والأرض زوجك كيف بتكون الثمره اللي تحصدينها؟ (الثمره أكيد الدلع والكلام الحلو و... و....) اسألي مزارع إذا احتجتي مساعدة.

في النهايه: أتمني من المرأه السعوديه اللي تبي الدلع ما تاخذ لبناني، واللي تبي الكلام الحلو ما تاخذ سوري واللي تبي...واللي تبي....واللي تبي....

كفايه يكون في العالم العربي كله بس السعوديين محرومين من أنثى.

معلومة أختتم فيها رسالتي:
تعرفون ليه الزوج السعودي يفغر لما يشوف امرأه متبرجه وتطيح سعابيله.
تعرفون ليه الزوج السعودي لما يجلس وزوجته يتابعون التلفزيون وتطل المذيعه عيونه مفنجله بالشاشه.
تعرفون ليه الزوج السعودي لما يتزوج من سوريه ولا مغربيه ولا...ولا...يحس ان فعلاًَ فيه جنس آخر بالكون غير الذكور.


لأنه في الأصل عايش مع واحد من ربعه.


منقول من الواقع

و ان برأيي انه لو فيه زوجة تسوي ما ذكر اعلاه ما راح زوجها يفكر مجرد تفيكر بالزواج عليها ...

لكن المشكلة انها ما تتعدل حتى يتزوج عليها زوجة ثانوتحرم نفسها أن تكون هي الوحيده في حياة زوجها ...

ملاحظة هامة / الموضوع طرح بهذا الاسلوب كتذكير للمتزوجين و المتزوجات و المقصرين والمقصرات فقط .

[حياتي علمتني]

والله انا سرت اشوفها من التوافه بصراحه عيب اذا حنا بنات البلد نقول هذا الكلام
وش فيهم رجالنا وربي مدلعينا اكثر من غيرهم ومحترمين ومايرضون على الوحدة
كافي الغيرة والخوف علينا

بصراحه انا وحدة لمن اشوف مسجات زي كذا احسهم حيــــــــــل مسخووها يطلعون كلام
على شبابنا ورجالنا كانهم كل يوم يصبحونا ويمسونا بعقال ولا حارمينا من كل شي

ماعندنا ابد اقتناااااااااع وهذة المشكلة

انا اقولكم الي تجية مسج زي كذا لا يتداولها بين اقاربة لانه شي يرفع الضغط بكل الشعوب في الصالح وفي الطالح
ماجات على السعودي مسكين نطلع فيه عيوب الدنيا
لايكثر بس

هههههههههههههههههههههههه اعرف اتحمست شكلك بتقول اشوى مانيب قدامها كان اكفختني بكتابها

والله من قهرتي وشاكرة لك موضوعك انك طرحته لانها من شد مشكله بنسائنا لمتى الله اعلم
فعلا المشكلة عند النساء وعدم قناعتهم موب عند الرجال


انبسسسسطووووو دافعت عنكم ^^

شاكرة لك اخووووي وتقبل مروري

[سعوديه ماتنداس]

بصراحه انت صادق اشياء كثير مانطبقها وبعد نطبقها , انا بالنسبالي كمتزوجه , لما اقوم من النوم اطلع من الغرفه بهدوء اجهز الفطر وبعدها اصحيه,طبعا بهدوء مو زي لما كنت اصحي ابوي واخوي كانو شوي ويهربو خخخخخخ واللهي جاده, المهم بعد الفطور اساله اذا كان بيتحمم ولا بعد شوي في كل الحالات اجهز الحمام , في الغداء موازين على كيفي لا اساله وش يحب يتغداء وكالعاده يبي كبسه لين عصبت وماعاد سالته ,وبعدين ياخذ قيلوله او على النت ,في العصر اكون مجهزه الحلو والقهوة يظل ساعتين وبعدها يطلع ,,, لكن سوال لكم ليش تظلو في الاستراحه اكثر من البيت رغم اني ماقصرت واساله اذا انا مقصره ولا لا ويحلف اني مو مقصره معاه وللامانه اني مطبقه نصف اللي تقول عليه والله الشاهد بس يقهرني في طلعاته , وعندي بعد يدخل في البيت يفصخ الثوب ويعلقه وجلس طيب ياولد البس قدامي ملابس صح... يقول عادي انا في البيت وماعندي احد ليش مو عبيه عينه ,نزلت السوق وتقضيت له ولا فكر يلبسهن ....اختصار الكلام كيف اغيره مو عارفه؟ بما انك شاب لان كل اللي عندي دلوخ مثل بعض جوووووواب واحد..........

[ريد روس]

ينصر دينك اخوي سامر وانا بصراحه

ماهو مدح في نفسي موضوعك اللي طرحته نفس
نظرتي تجاه الشي هذا ونحنواجميعا نساء او رجال كلنا
خطائين اْما نقطة الدلع او الرومنسيه او اْو الى اخره وتلطيخ صفحة الرجل
بهذا المستوى لا اْرضاه نهائيا والعكس صحيح

واخر نقطه اْحب اْنوه عنها مقوله عجبتني وهي \ اْن العاطفه \

صناعة المراْه

تقبل احترامي

[عنوان الامل]

لا يااخوي الكلام يمكن يكون صحيح ب س سبحان الله فيه ناس مايملا عيونهم شي