ماكولات منوعه لذيذه

[عيون المها الطائفي]

الكوارع بالدمعه

المقادير
2- كوارع مسلوقة .
- كوب من شوربة سلق الكوارع.
- ربع كيلو طماطم متصفية.
- ملح – فلفل.
- معلقة كبيرة سمن.
- بصلة صغيرة مفرومة .
- معلقة كبيرة خل.
- 5 فصوص ثوم.

الطريقة
- نضع السمن على النار ونحمر فية البصل ثم الثوم حتى يصفر
- نضع الخل على البصل والثوم لحد ما يغلى ثم نضع الطماطم
ونتركها لحد ما تتسبك ثم نضع كوب شوربة الكوارع ونسيبها لحد ما تغلى
- شيلى من عظم الكوارع وضعية فى الدمعة على نار هادية لمدة
ربع او ثلث ساعة وتغطيتها اثناء السوى
رصى الكوارع فى طبق التقديم وصبى عليها الدمعة ( الصلصة
** وبالهنا والشفا **


الكوارع بالخل و البقدونس *

المقادير
- عدد 2 كوارع.
- 3 لتر ماء.
- بصلة – جزرة.
- ملح – فلفل – 5 وحدات فلفل اسود صحيح.
2 -معلقة كبيرة زيت.
2 -معلقة كبيرة خل.
- معلقة صغيرة بقدونس.
- معلقة صغيرة بصل مفروم .
الطريقة

- نسلق الكوارع فى الماء مع البصلة والجزرة و الملح والفلفل لحد ما تستوى تماما
- نشيل اللحم من العظم و نترك اللحم لحد ما يبرد.
- نخلط الزيت مع الخل مع البصل المفروم مع البقدونس مع بعض ونضعها على اللحم البارد ونقلبها ونسيبها حوالى نص ساعة .
- كل شوية تقلبيها تقليبة مع التتبيله.
- شيليها من التتبيلة وضعيها فى طبق التقديم مع شرايح الطماطم و الليمون.
** وبالهنا والشفا**



العكاوى المسلوقة
* ذيل *
* بصلة مبشورة *معلقة كبيرة سمنة *
* معلقة دقيق *
* ملح وفلفل وحبهان *
* عصير طماطم *
الطريقة

- نغسل الذيل كويس جدا وندعكة كويس بالملح
وبعدين نشطفه
- وبعدين ندعكه كويس بالدقيق وبعدين نشطفه كويس
- افصلى حلقات او فقرات الذيل عن بعض
- ثم ضعيهم فى ماء مغلى البصلة وتتبلية بالملح
والفلفل والحبهان لحد ما يستوى وبالهنا والشفا

العكاوى بالصلصة *

* ذيل *
* بصلة مبشورة *
* معلقة كبيرة سمنة *
* معلقة دقيق *
* ملح وفلفل وحبهان *
* عصير طماطم *
الطريقة

- نغسل الذيل كويس جدا وندعكة كويس بالملح
وبعدين نشطفه
- وبعدين ندعكه كويس بالدقيق وبعدين نشطفه كويس
- افصلى حلقات او فقرات الذيل عن بعض
- ثم ضعيهم فى ماء مغلى البصلة وتتبلية بالملح
والفلفل والحبهان لحد ما يستوى
- نشوح البصلة المبشورة فى السمنة لحد ماتصفر
وبعدين نضع عصير الطماطم لحد ما الصلصة تتسبك
وبعدين نضع حلقات العكاوى المسلوقة فى الصلصة
ونتركها ونقلبها حوالى من 5 ل 10 دقايق بس
ونغرفها وبالهنا والشفا

طاجن العكاوى
المقادير
**********
عكاوى مسلوقة
بصلة مبشورة
صلصة طماطم
الطريقة
**********
نضع الذيل المسلوق فى طاجن-
ونضع علية بصلة مبشورة وملح وفلفل-
- ونضع علية صلصة الطماطم وندخله الفرن لحد ما يستوى ويحمر



اللسان المسلوق
- لسان.
- عصير ليمون.
- بصلة مبشورة.
- ملح وفلفل.
- حبهان.

الطريقة

- نغسل اللسان كويس ونقشط الطبقة الخشنة السطحيةوندعكه كويس بالملح وبعدين بالدقيق ونشطفه كويس
- نملا وعاء بالماء ونضع فيها اللسان على نار هادية لحد ما الماء يغلى بهدوء وبعد ما يغلى نصفي اللسان
ونغيرالماء بماء تانى نظيف وبارد
- نضعه بالماء النظيف تانى فى الوعاء مع الملح والفلفل والبصلة والحبهان
على نار هادية ويترك لحد مايستوى
- نشيله من الماء وننزع جلده .ويااما نقدمه مع البقدونس المفروم والليمون
او باى طريقة مطلوبة .


اللسان بالكمونية**
المقادير

- لسان.
سمنة.3 ملاعق
- 2 كوب عصير طماطم.
- راس ثوم مهروسة.
- معلقة كمون.2
- ملح وفلفل.

الطريقة

- نسلق اللسان كما شرحناه
- نقدح السمنة ونحمر فيها اللسان ثم نضيف له الثوم المهروس والكمون ونقلبهم كويس.
- نضيف عصير الطماطم والملح والفلفل.
- - نتركهم على النار لحد مايغلوا ثم نوطى النار لحد ما اللسان يستوىوممكن اذا احتاج تزودى شوية ماء تزوديله لحد مايستوى.

اللسان بالكركم**
المقادير
- لسان.
- معلقة صغيرة كركم.
- بصلة مبشورة.
- ملاعق سمنة.3
- ملح وفلفل وبهارات.
- صلصة.

الطريقة
- نسلق اللسان(سبق وشرحناه)
- نضع السمنة على النار ونشوح فيها البصلة واللسان لحد ماتصفر ثم نضع الكركم والملح والفلفل والبهارات
- نقلب لحد ما يندمج كله مع بعضه ويقدم ساخن.


الكرشة بالحمص

* كرشة مسلوقة و مقطعة قطع صغيرة.
* كوب عصير طماطم .
* بصلة متوسطة مفرومة.
* نص كوب حمص (حمص الشام ) مسلوق نص سلق .
* معلقة سمن كبيرة _نص راس ثوم
* مفرومة _ملح _فلفل _ كمون _ كوب و نص من ماء سلق الكرشة

الطريقة *
*********
نضع السمن فى حلة و نحمر فيها البصلة لما يصفر نضع الثوم و الحمص و نقلب تقليبتين
و بعدين نحط عصير الطماطم و على نار متوسطة لحد الطماطم ما تتسبك
ولونها اتغير و تقلت
اضع حوالى كوب و نص من الماء اللى سلقت فية الكرشة اللى الوعاء و الملح والفلفل
و الكمون و نسيبها لحد ما الماء اللى حطيناة تغلى
نضع الكرشة المسلوقة المقطعة فى الوعاء و نقلب و نسيبها على نار هادية لحد ما تستوى و هى
يعنى حوالى 20 دقيقة


الطرب ( منديل الخروف )
المقادير

- منديل خروف.
- كيلو لحم مفروم.
- بصلة.
- معلقة بقدونس مفروم.
- ملح- فلفل –بهارات.
1/4 - كوب سمن .
الطريقة
- يقطع المنديل قطع متساوية بالسكينة على شكل مربعات او مستطيلات .
- يفرم البصلً ويخلط مع اللحم المفروم والبقدونس والملح و الفلفل والبهارات.
- يوضع مقدارمن الحشو في وسط كل قطعة من المنديل ثم تلف زى ما بنلف محشى الكرنب على شكل صوابع تخينة .
- نرص الطرب على الشواية او فى الفرن على الرف الشبك .
**وبالهنا والشفا**


السجق البيتى**
المقادير

* نص كيلو لحمة مفرومة .
* ملح _ فلفل _ قرفة _ جوزة الطيب .
* نص كوب ماء.
* شطة حسب الرغبة.
* المصارين وطبعا لازم ننظفها جيدا .
((و اهم حاجة القمع المخصوص بتاع حشو السجق ))

الطريقة
- نضع التوابل كلها على اللحمة .
- اضع الماء على اللحمة و اخلطهم كويس بايدى لحد اللحمة ما تطرى خالص علشان تنزل فى الامعاء بسهولة
- اضع القمع فى اول طرف الامعاء وابدء انزل فى اللحمة المفرومة و انا ابل صباعى اللى بحشي بيه اللحمة بالماء .لحد ما املى الطول اللى امامى و بعدين اروح ماشية علية بايدى ابطط عليه علشان فى السوى حيملى و يتنفخ المهم بعد ما ابطط ابدء بقى بالنطر احسب طول صباع السجق و اعقد وكمان الصباع اللى بعدة و اعقد و هكذا لحد ماحتلاقى حبل السجق اللى بتشوفية عند الجزار اتكون قدامك .
- تحطيهم فى اكياس نايلون و على الثلاجة


المخ البانية
المقادير
- مخ مسلوق .
- ملح _ فلفل .
- بيض مضروب.
- دقيق _ بقسماط ناعم .
-سمن
الطريقة
- نقطع المخ اما قطع صغيرة او شرائح .
- نضع المخ فى الدقيق حيغطية و بعدين نحطة فى البيض و بعدين فى البقسماط
نضع السمن فى مقلاية بس يكون السمن غزير يعنى كتير و نحمر المخ.



المخ بالزيت والليمون **
المقادير
مخ
3 معالق كبيرة زيت
ملعقة كبيرة فلفلة رومى مفرومة
ملح وفلفل
عصير ليمون.
الطريقة

- نسلق المخ ( شرحناه قبل كدة)
- و بعد سلقه نشيله من ماء السلق ونتركه لحد مايبرد
نهرسه بالشوكة ونضيفله الملح والفلفل والزيت وعصير
الليمون والفلفل الرومى المفروم


المخ بالبشاميل**
المقادير
- مخ.
- ملح وفلفل.
- بقسماط ناعم.
- 3 بيضات للعجن والغطاء الخارجى.
- سمنة للتحمير.
الطريقة
- يسلق المخ ويترك يبرد ثم يفرم ويتبل بالملح والفلفل
نضرب البيض فى طبق بالشوكة
- ونبتدى نضع بيض شوية شوية على المخ المفروم
وانتى بتعجنى بايدك لحد ماتحسى ان البيض
مضبوط على كميه المخ وتتركى الباقى للتغطية
- نضعة فى مقلاية على النار مع التحريك المستمر لحد ماتلاقية تخن تشيلية من على النار وتضعية على طبق وتسبيه يبرد تماما.
- بقطاعة او بكوب صغيرة تقطعيه على هيئة اقراص مدورة
- وتغطية بالبيض والبقسماط وتحمرية فى السمن الغزير
- تشيلية على ورق ماص للدهون

مخ بالعجة **
المقادير

- مخ.
- بصلة مفرومة.
- معلقة كبيرة بقدونس مفروم.
- ملح وفلفل.
- سمن للتحمير.
الطريقة
- يسلق المخ ثم يقطع شرائح (سميكة نوعا).
- نخلط البيض بالبقدونس بالبصل والملح والفلفل ونضربهم بالشوكة
- نغمس شرائح المخ فى خليط العجة ونحمره فى السمن

منقول

[غـلا]

غاليتي

(( عيون المها الطائفي ))

أطباق لذيذة ورائعة

مجهود تستحقين الشكر عليه تسلم الأيادي

الله يعطيك العافية ويبارك فيك

ننتظر القادم بشوق

احترامي وتقديري

[مهره بنت سعود{..]

,’

وش ذآآ يابت

وقسم شي يجنن

تسلم ديآتك ياقمر

_

[جرح زمان]

تســــــــ الأيــــــــادي ــــــــــلم

[عيون المها الطائفي]

مشكورين علي المرور الرائع لاخلاولاعدم ربي يعطيكم العافيه