شي طبيعي ...

[.. العتيبي نايف ..]

شي طبيعي من يحـب يغيـر .. معلومـه قديمـه
الجديد انّـك علـي تْغيـر فـي عِـزّ الخيانـه !!



خاين .. وحب التملّـك فيـك لـه معنـى وقيمـه
ياخي ارحم مـن يـذوق بغيرتـك "طعـم الإهانـه"



لو تجاملنـي وتسكـت .. لاالْْتّمـادى فِ الجريمـه
كافـي انـي كنـت اخبّـي عنْـك أسـرار الإدانـه



ليت حظّك مثْل حظّي .. مـن ظـلام اليـا ظليمـه
كان قلبك ماحرمنـي مـن غـلاه .. ومـن حنانـه



كنت ما بيني وبيني .. ( طفل ) يهوانـي واهيمـه
لين صرت الله عليك ( انسـان يجرحنـي كيانـه )



من عشانه كنت اضَحّي .. وانتصر له فِ الهزيمه ؟
من عشانه يرحم امّك ؟؟ من عشانه .. من عشانه ؟



انت لو تحسب حسـاب الغـدر فـي نيّـة سليمـه
خفـت مـن ربّـك , لأنّـي معتبـر حبّـك أمانـه



والله ان الحب أسمـى .. والقـدر لـه والحشيمـه
ماهو انت اللي تشـوّه سمعتـه وتهـز شانـه !!



علّمتنـي ذكرياتـي .. خـصْ لا صـارت أليـمـه
أبتسم قـدّام جرحـي .. واطلـق لصمتـي عنانـه



إبتسمـت اليـن صـارت بسمتـي فينـي مقيمـه
يعني من كثرة جروحي .. بسمتي تحتّـل خانـه !!



حاول اتفسّر غيابي صـح .. مـن قبـل العزيمـه
لجل اسهّلها .. تراني (شمس) .. وغْيابـي رزانـه



وانسحاب الشمـس عمـره مـا يفسّـر بالهزيمـه
إنسحاب الشمـس قـوّه .. لا تفكّرهـا جبانـه !!



،

مما رااق لي

...

[عاشقه مجنونه]

كل الشكر لك على هذا العطاء المتميز

كلمات في منتهى الروعه والرقه

سلمت اناملك على هذا النقل الراقي

تقبل مروري المتواضع

كل الاحترام والود^_^

عاشقه مجنونه

[افهمنے تملكنے]

يعطيك العافية على روعة الكلمات وجمالها
سلمت أناملك الراقية على الطرح الراقي والرائع
كلمات جميلة طابت لي المكوث عندها
بانتظار جديدك بكل شوق
تقبل مروري المتواضع
مودتي وتحيتي

[قلبي شفاف حبك ينشااف]

انتقاء رائع
لاعدمناك
...
مودتي
,,

■

[فزعتي تسبق خطوتي]

يسلموووو نايف

والله الكلمات رهيبهـ وتجنن ,,,,,,ننتظر منكـ الأحلى

كلك ذوووووق صح لسانكـ

تقبــــــــــــــ مروري ـــــــــل

*(فزعتي تسبق خطوتــــــــــي)*