المنتديات
المنتديات
| روابط إعلانية |
| ||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
 |
| | أدوات الموضوع |
19-11-06, 09:06 AM
| #1 |
| |[ عـضـو جـديـد ]| الدولة:  روابط إعلانية |  ســــــــراب الفيصل اخواني واخواتي اعضاء منتديات تعب قلبي السلام عليكم ورحمة الله وبركاتة احببت ان اضع بين ايديكم الكريمة اول تجربة لي في عالم كتابة القصص الطويلة واتمنى ان تنال اعجابكم اترككم مع احداثها (الجزء الاول ) للهم اجعله خير صحت سراب (18سنة)من النوم بعد ما شافت ابوها الله يرحمة اعطاها في يدها اربع حبات من حبة البركة ((الحبة السوداء))وهمس لها انها ان شاء الله بتروح الحج هالسنة وصصحت من نومها وكالعادة قامت تلمس رجلها لعل وعسى تغير حالها ..بعدها تتذكر هذاك اليوم المشؤوم قبل ثلاث سنوات لما ألحت على اخوها أمير (24سنة)يأخذها ويركبهاالدبابات هي مع بنات عمها نوف(19سنة)وشهد(18سنة)مع اختها جود(11سنة)وقتها كانت أمها مع زوجة عمها (أم فهد)جالسين عالبحرلما الحوا البنات عليهم الا يبون يركبون العراقيب(الطعس) قالت ام فهد زوجة عمها:ما عندي مانع ان نوف وشهديركبون بس بشرط ان أمير يكون وياكم. أستانست سراب من الخاطروقالت:اكيد مرت عمي لازم أمير يروح معانا. واصروا البنات وقتها كل وحدة تبي دباب لها الا جود ركبت مع اخوها أمير. نوف وهي تتحدي البنات:تتحدوني اركب فوق هالعرقوب وانزل مرة وحدة؟؟ شهد:هييييييييه نوفوه بلا جنون انا مو راكبة فوق اي عرقوب انا بتمشي يالدباب هنا بس. سراب:ههههه خوافوه شهدانتي ..نوف ما عليش من هالخوافة ايش رايك نركب فوق هالعرقوب واللي ينزل اسرع . نوف:هههههه يالله . وركبوا البنات فوق العرقوب نوف:شوفي..شوفي سرابووو وكانت نوف تأشر على ولد كان ركاب على الدباب ومتلثم بشماغةوكان مبين عليه من سياقته خبرة دبابات وعراقيب. سراب:يلعنه شوفيه كيف متحكم بدبابه ..والا عيونه نوفي شوفيها تذبح من واء لثامه . نوف:سرابووو شوي شوي لا تصيببين الولد بعيونك. سراب:هههههه مين قال لك عيوني حارة؟؟ نوف:ههههه لا ابدا ما اعرفكِ انا سراب بنت عمي علي الله يرحمه غشيمة انا عن عيونك وسوالفك. سراب:ههههههههههههههههههه. وصادف انهم ثلاثتهم (سراب +نوف+الولدالمتلثم )اركبوا مع بعض نفس العرقوب لكن الولد المتلثم نزل قبلهم . نوف وسراب :1.....2.........3 ونزلوا نوف :سرااااااااااااااااااااااب انتبهي طالعي قدامك. أم أمير:طاح فنجان القهوة من يدها. بسم الله الرحمن الرحيم ..اعوذبالله من الشيطان القوي الرجيم أتصلت بأمير وما رد عليها أم امير :يمه ولدي ما ادري ليش ما يرد علي ؟؟!!!! أم فهد:استهدي بالله يا فاطمة يمكن يكون يلعب ومو فاضي يرد على جواله اتصلي على جوال بنتك سراب . وام أمير اتصلت على جوال سراب يعطيها مغلق هنا فعلا ام أمير خافت . أم أمير:يا الجازي اتصلي على بناتك نوف او شهد يمكن يردون عليكِ. أم فهد(الجازي):غربلتهم ان شاء الله نوف وشهد جوالتهم هنا هذاهم عندي. اما عند العراقيب.. سراب:ياربي مو عارفة كيف اتحكم فيه وكانت تصيح . أمير وكان يصارخ على اختة عشان تسمعه: سراااااااااااااااااب وقفيه. لكن فااااااااااااااات الاوان سراب نزلت بسرعة ولف عليها الدباب الا بواحد جااااااي مسرع وصفقها على جنب وطيرها من على دبابها وهو طاح من دابه على الرملة الجافة. أمير جا يسرع بدبابه يشوف شنو صار على اخته شافها طايحة على الارض وشكلها مغمي عليها ورجلها اليسار عالقة في الدباب حاول يطلع رجلها بس بدون فايدة . اتصل بالاسعاف بسرعة عشان يجون يفكون رجلها. التفت امير يشوف الولد الا ثلاثة من ربعه حوله وشكله مو حاس فيهم ابدا. أمير:طلبتوا له الاسعاف ؟؟؟ بدر (واحد من ربع الولد):لا والله بس قلت لخوينا ناصر يقرب السيارة نحن بنأخذة اسرع للمستشفى. أمير :الله يطمنكم عليه . بدر :ويطمنكم على البنت بعد. اتصل أمير بولد عمة فهد:ابو نواف طلبتك تكفى قل تم فهدأبو نواف(30سنة):هههه كلمة تكفى تهز مجلس مليان رجال أمير وهومتضايق :مو وقت ضحك الان قووووول تم فهدوحس ان ولد عمه اكيد فيه شي :تم أمير:ابو نواف تعال اخذ الاهل من البحر. فهد وهو خايف والان يتكلم بجدية:خيرأمير شنو صاير صرعتني ؟؟؟؟ أمير وهو ما يبي يخوف ولد عمة :لا ابدا ما فيه شي بس سراب شوي تعورت وانا طلبت الاسعاف وبروح معها. فهد:خير ان شاء الله بس وين مكانهم بالضبط ؟؟ أمير:والله الاهل قريب من دوار النافورة وتعرف العرقوب الا ركبنا عليه قبل اسبوعين نحن مع قوم اهل زوجتك ؟؟ فهد:اييييييييه اعرفه امير:تعال اخذ البنات (شهدونوف وجود)هم قريبين مره من العرقوب اللي تعرفه. فهد:تم وما تشوفون شر ان شاء الله أمير:الشر ما يجيك حبيبي ابو نواف التفت امير للبنات الا يشوفهم كلهم يصيحون شهد:انااااا قلت لكم لا تركبون فوق اصلا شكل العرقوب مررررة يخوف . نوف وهي مقطعه حالها من الصياح:انا ما ادري كيف ما قدرت سراب تتحكم في دبابها . جود:أمير بروح للمااااااااااااااااااماااااااااا. أمير:نوف شهد هدوا ان شاء الله ما بيصير الا كل خير ...جودحبيبة قلبي انتي الحين بيجي فهد وبيأخذك للماما . وبعد 20 دقيقة بالضبط وصلت سيارة الاسعاف ويالله بالزورطلعوا رجل سراب من الدباب وطلعوها للسيارة بالحماله وامير ركب معاهم . بعد 10 دقايق وصل فهد للعراقيب وشاف اخواته وبنت عمه بعدهم واقفين ومعاهم رجال ما عرفه فهدمين يكون. فهد:السلام عليكم عبدالعزيز:وعليكم السلام والرحمة. فهد:اخوي مين انت ؟؟ عبدالعزيز:انا خوي الفيصل الا تصادم مع بنتكم . فهد:وكيف حال البنت والولد ان شاء الله اصابتهم خفيفة ؟؟ عبدالعزيز:والله ما ادري يا خوي للان بس انا وقفت مع البنات عشان اسلمهم لك والان انا بروح لهم وبشوف وش اللي صار عليهم ؟. فهد:ما قصرت يا خوي وكل واحد فيهم اخذ رقم جوال الثاني حتى يطمنون بعض . نوف وشهد وجود كانوا يصيحون بقووووة للان . فهد :نوف انتي تدلين وين جالسين بالضبط امي وزوجة عمي ؟؟ نوف :اي ادلهم . فهد:يالله ركبوا معي في السيارة وان شاء الله ما يصير الا كل خير . تتوقعون ايش صار على سراب والفيصل ؟؟ بتفاعلكم معي أكمل قصتي المتواضعة التي قدمتها لكم بين ايديكم . ملاحظة:لقد كتبتها في منتدى اخر وكذلك تحت اسم ام محمد2009 |
|  |
|
20-11-06, 01:56 AM
| #2 |
| |[ عـضـو جـديـد ]| الدولة: | رد : ســــــــراب الفيصل ((من تأليفي )) شكل القصة روعة بليييييييزززززز كمليها بسرعة |
|
| |
|
20-11-06, 07:49 AM
| #3 |
| |[ عـضـو جـديـد ]| الدولة: | رد : ســــــــراب الفيصل ((من تأليفي )) أثلج صدري توقيعك على قصتي اخي ...اختي لحن واتمنى من جميع الاعضاء التواصل حتى لا يجف مداد قلمي وهدية مني لك ((الجزء الثاني )) وصل فهد لامه وزوجة عمةوترك البنات في السيارة فهد:السلام عليكم ام امير وام فهد:وعليكم السلام والرحمه ام فهد:ايش عندك يا فهد تارك زوجتك وهي حامل في شهرها الاخير وجاي تتكشت في البحر ؟ ام امير : اتركية يشم هواء يالجازي يعني زوجة ولدك ما راح تولد الا اذا فهد كان عندها ؟ ام فهد:بنات هاليومين غير عنا يا فاطمة لازم يبون رجاجليهم عندهم في وقت الطلق . وفهد جالس يسمع حوار امه وزوجة عمة ويبتسم فهد:اقول امي وخالتي ان شاء ا لله خلصتوا كلامكم فهد:امير اتصل عليه وقال روح خذ امي وخالتي والبنات لان الشغل اتصلوا عليه يبونه ضروري واخذ سراب معاه لانها تقول طفشت من البحر والعراقيب أم فهد:ووين جود واخواتك ؟ فهد:جالسين في سيارتي ,,يالله امي بسرعة اخاف بناتك يتعبثون في سيارتي ويخطفون من عندي كم من شريط ام فهد:حشا سويت بناتي عصابه فهد:هههههههههههههههههههههههه يالله يالله وقامت ام امير مع ام فهد يجمعون اغراضهم وفهد ركبهم في السيارة وفي السيارة فهدوصى البنات كلهم يتغطون كامل عشان ام امير ما تحس بشي لان عيونهم ورمت من الصياح ام فهد ركبت قدام مع ولدها اما ام امير ركبت وراء ام امير:اقول جود ونوف وشهد غريبة يتغطون اول مرة فهد علطووووووووول تكلم:اي خالتي انا قلت لهم كل وحدة طولها 5 امتار وفاتحين وجيههم وهنا كله رجال ام فهد:زين ما سويت ام امير شكت ان في السالفة شي لان جود بعدها صغيرة عالغطاء لكن سكتت وما قالت شي . اتصل عبد العزيز في فهد عبدالعزيز:السلام عليكم فهد:وعليكم السلام هلا عزوز كيف حالك؟ عبد العزيز :انا بخير وتراني وصلت المستشفى قبل خمس دقايق وكلمت الدكتور يقول للأن ما بين شي اول شي لازم فحوصات لبنتكم وللفيصل فهدوهو ما يبي امه او خالتة يحسون بشي:ان شاء الله ما يصير الا الخير يا عزوز انا الان بوصل الاهل للبيت وبمر عليك في الديوانية لا تطلع قبل ما اجي لك. عبدالعزيز:تأمر امر يا خووي يالله ما اعطلك مع السلامة فهد:الله يسلمك بعدما وصل امه واخواتة لبيتهم التفت لخالته ام امير اللي كانت جالسة وراء فهد:خالتي بقول لك شي بس بصراحة خايف ام امير:خير فهد محتاج شي ؟؟العنود فيها شي ؟؟ فهد:لا خالتي مشكورة خيرك سابق والعنودبخير ما عليها شر ام امير: فهد تراك طيحت قلبي قووووول لي بسرعة ايش فيك؟ فهد:صراحة خالتي سراب صابها حادث وهي الان مع امير في المستشفى ام امير ضربت راسها بيدها :يا ويلي على بنتي فهد دخيلك اخذني لها فهد: تأمرين امر خالتي بس لا تنفعلين كثير مو زين لصحتك وان شاء الله سراب ما عليها شر اتصل فهد على جوال امير فهد:امير انت وين مكانك الحين ؟ امير ومبين من صوته انه مذهول وكان يصيح:انا في الدور الثاني جنب غرفة العناية المركزة اعتقد رقم الغرفة 12 فهد وام وامير وصلوا لامير كان شكله كانه توه طالع من حفرة رمل ووجهه اختلطت فيه الدموع بالرمل ام امير :امير ووووووووووووين اختك ؟ افهد:طيحت قلوبنا امير قول لي ايش صار بالضبط اميروابتدا يصيح من قلب فهد هذا الدكتور يقول كلام غبي فهد:ايش قال لك بالضبط امير تكلم بسرعة ما يصير كذا يا خووك جالس اسحب منك الكلام تسحيب امير:يقول ان رجلها اليسار صابها شلل لان العصب فيها تمزق بالكامل ـــــــــــــــــــــــــــــــــــ وصحت سراب من تذكر يومها المشؤوم على صوت طق خفيف على بابها سراب:نعم ...تفضل ساديدا:سراب مدام نوف قول تعال انته تحت اشرب مع هيه قهوة او هيه يطلع انته فوق ؟ سراب :لا انا بنزل تحت بس مدام نواف جالس مع مين تحت؟ ساديدا:مع بابا همير واولاد هيه سراب:هههههههههههههههه وش هاللغة الخايسة لو يسمعك امير تقولي اسمه كذا وربي كره اسمه الرجال ساديدا:والله هذا عربي واااااااااااااااااااجد صعبة سراب :هههههههههههه والله ما غيرك حدا مصعب وملخبط ابو جد اللغة العربية سراب:بس فكينا من العربي حقك وقربي لي الكرسي حقي ساديدا:جين سراب وقربت منها كرسيها المتحرك وجلست عليه ونزلت من الاصنصير اللي ركبه لها امير بعد الحادث بشهر لانها مو متعودة تنام في مكان غير غرفتها طبعا امير تزوج نوف بنت عمه بعد الحادث بسنة ونص وعندهم توم بنت وولد علي و ريناد سراب :هااااااااااااااااااااااااااااااي شباب نوف:ههههههههه شنو شباب الا شيبنا من اولاد اخوكِ امير:احم ..احم والله كل واحد يتكلم عن نفسة انا عن نفسي بعدني شباب سراب تكلم نوف :يالخبلة لا تقولين شيبتي ما غير بكرة يروح يخطب له وحدة غيرك نوف بدلع :ما يقدر..صح اميري ؟ أمير:فديتك انتِ واميرك وقرب منها نوفي ابي حواوة؟ نوف صار وجهها الوان من الحيا وبعدت عنه :هيييييييييه انت من متى شلت الحيا اقول استح اختك واولادك جالسين سراب تبي تحرج نوف اكثر شكل الالوان اللي في وجة نوف اعجبتها :هههههههههههههههه اي صح نوف ايش يعني حواوة ؟؟ نوف خلص استحت ورمت المخدة الصغيرة على سراب :سرابووو ووجع مو منك من اللي يعزمك على بيتي فور وقهوة وجلسوا كلهم يضحكون حتى علي وريناد قاموا يضحكون معهم بس الاطفال زودوها شوووي قاموا يكسروا البيتي فور وفرشوا الصاله به ههههههههههههههه ـــــــــــــــــــــــــــــــــــــــ وفي مكان يبعد تقريبا 70كيلو عن سراب الفيصل :الوووووو بدر :هلا بو سعود ..كيف حالك حبيبي ؟ الفيصل:الحمد لله تمااااااااااموووو وانت كيفك؟ بدر:الحمد لله بخير ..اقولك الفيصل؟ الفيصل:نعم بدر خير ايش فيك؟ بدر :لا ابد والله بس الشباب ناوين يقضون الويكند هذا في البحرين ايش رايك بو سعود تخاوينا ؟ الفيصل :ودي والله بس انت عارف بالظروف بدر وفي نفسة حزن على صاحبه بس ما حب يبين له :لا ظروفة ولا شي عندك ربع ساعة بس جهز شنطتك وجوازك بالكثير نص ساعة وانا عند باب بيتكم الفيصل وهو متردد:اخاف اتعبك وياي بدر :تعبك راحة بو سعود بعدين لا تكثر حكي ويروح علينا الوقت يالله مع السلامة الفيصل :في امان الله وحفظه حبيبي قام الفيصل من مجلس الرجال ودخل داخل بيته الفيصل :سارة ....سارة سارة بغير نفس :نعم ايش تبي مني ؟ الفيصل :اذا ما عليك أمر يعني جنب السرير فية صندوق صغير ذهبي هناك جوازي هاتيه لي وفي طريقك جهزي ملابس حق يومين سارة وهي تطالعة وتقول فكه منك :ووين ناوي تروح وانت كذا ؟ الفيصل انكسر خاطرة شوي :يعني شنو كذا ؟؟وبعدين انا ايش فيني ليكون حالتي شادة وانا ما ادري روحي المراكز وراح تشوفين يا مدام ان حالتي يشبهها مئات الحالات وبعدين مين قال لك بروح لوحدي اصحابي بيمرون علي سارة :والله ما حدا جاب لك العمى الا اصحابك الفيصل :الحين بتروحين تجيبينه او اروح انا ؟ سارة:لا روح انت وبدل ما تاخذ جوازك بتأخذ جوازي هههههههههههههه وفي هذا الوقت كانت امل اخت الفيصل واقفة عند باب الصالة وسمعت كل الحوار اللي دار بين سارة ةالفيصل امل:سارة يوجع يوجعك قولي امين ايش هذا الكلام اللي تقوليه للفيصل اشكري ربك انو اخذك ولا انتي مين يقبل فيكِ والاخلاق الحمد لله والشكر زيروووووو سارة:انتِ هيييييييييييه مالك شغل بيني وبين زوجي وبعدين ما فيها شي اذا مزحت مع زوجي حبيبي وحطت يدها على كتف الفيصب وباسته على خده ...صح فصولي ؟ الفيصل:اي صح كل شي تقوليه صح بس يالله تراني تأخرت على الشباب سارة :كم يوم بتجلسون هناك ؟ الفيصل :ليلة السبت نحن هنا ان شاء الله سارة ان شاء الله وركبت فوق حتى تجهز اغراض زوجها ونزلت بعد 10 دقايق سارة :الفيصل حبيبي كل شي جاهز الفيصل :مشكوووررررة سارة بدلع :يعني انا بنام في هذا البيت الكبير لوحدي صراحة اخاف امل :زين يوم دريتي ان وراك رجال ويحميك الفيصل:لا تنامي لوحدك كلمي عمي وقوليله يمرك ما فيها شي اذا رجعتي لحياة العزوبيه يومين سارة في بالها فكة منك انا ايش اللي بلاني فيك :طيب حبيبي تروح وترجع بالسلامة وقبل ما ترجع بساعتين قول لي حتى ارجع من بيت اهلي الفيصل :طيب سارة وراحت سارة الصاله الثانية على قولتها تبي تكلم ابوها حتى يمرها امل :الله يأخذها ..وانت قول لي ايش اللي مصبرك علييها ؟؟؟ الفيصل:ههههههه اعمي ويتشرط بعد ما يصير يا امل امل وتبي تطلع اخوها من حالة الضيق اللي فيه :نسيتني ايش جاية اقوول لك الفيصل خير امل عسى بس ناصر مو ملعوزك صاحبي واعرفة ؟ امل :هههههه لا هو فيه احلى من صاحبك الفيصل بصير أم بعد سبع شهور الفيصل :والله الف الف الف مبروووووووووووك وانا اقول ليش بدر يقول انه ناصر مو رايح معنا اتاريه الزفت بيصير ابووو وما قال لي ـــــــــــــــــــــــــــــــــــــ سارة تصير بنت عم الفيصل ومن بعد الحادث بثلاثة اشهر اقنع الفيصل ان يتزوج بنته سارة عبلى حسب قوله بنت العم تتحمل اما الغريبة ما تتحمل طبعا سارة اكبر من الفيصل بخمس سنوات عمرها الان 30سنة ولغاية الان ما صار حمل طبعا هي كانت تحب واحد اسمة خالدبس ابوها فرض عليها هذا الزواج. |
|
| |
|
21-11-06, 10:16 AM
| #4 |
| مطار القلوب الساهيه الدولة: | رد : ســــــــراب الفيصل ((من تأليفي )) جدا القصه حلوه الى الامام انتظر جديدك |
|
| |
|
26-11-06, 08:01 PM
| #5 |
| قلب المشاعر  الدولة: | رد : ســــــــراب الفيصل ((من تأليفي )) مشكورة على القصة ونستنى التكملة |
|
| |
|
| الإشارات المرجعية |
| أدوات الموضوع | |
مواضيع مشابهة | ||||
| الموضوع | الكاتب | المنتدى | الردود | آخر مشاركة |
| سعود الفيصل | ξـِـِالي الآثمَـَآטּ | منتدى المواضيع العامة | 13 | 29-04-11 02:50 AM |
| ماذا قيل عن سعود الفيصل .. سعود الفيصل حيث رأوه !!! | ..صمت المشــاعر.. | منتدى الأخبار المثيرة - عالم الجريمة | 27 | 28-12-10 12:08 AM |
| خالد الفيصل | عالي السحب | منقولات أدبية | 10 | 19-04-10 12:22 AM |
| خالد طير الفيصل؟ | شيهانه على يد صقار | منقولات أدبية | 8 | 02-04-10 02:00 PM |
| كل حر ياخالد الفيصل؟ | شيهانه على يد صقار | منقولات أدبية | 11 | 30-03-10 03:50 PM |
