تعلم فنون الغزل ==>> للتماسيح اقلطو ياحيكم

[دلع ليلى]

أيها الشاب الداج …أيها الشاب المستدلخ الى متى وأنت تستخدم الأساليب
القديمة …إلى متى؟؟

الى متى وانت مفشلنا قدام اوروبا والدول المتقدمة؟؟

آن الأوان الآن لكي تصبح شابا يواكب التطور التكنولوجي ويواكب الثورة
المعلوماتية ..

كل شئ تطور واصبح بطرق سريعه وديناميكية. والمغازلة وأساليبها تطورت أيضا
..

ونظرا لتدني مستواك فقد قمنا بوضع بعض الخطوات لك تضعك على الطريق الصحيح
لكي تصبح مغزلجيا محترفا ….عليك اتباعها حرفيا ولا تحيد عنها قيد أنمله >>>..
(( ما طحت على كلمه أنمله إلا بعد الموت ) >>)

ما يجب عليك فعله قبل ان تتوجة الى(( الســــوق))


- تروح للحلاق

مهوب أي حلاق من الهنود اللي يحلقونك بخمسه ريال…روح للحلاقين الغاليين
ابو عشرين وخمسه وعشرين ريال من هاللبنانيين ولا الأتراك
أول شئ خلهم يصنفرون وجهك بليفه مطبخ انت وحب الشاب اللي مالي وجهك


ثم يضبطون الشنب على شكل رقم ثمانيه,,,لامانع من بعض احمرالشفايف الخفيف
وبعض من المكياج - تراها الموضه قسما بالله

واذا الدقن مهوب مضبوط خله يسوي لك سكسوكه باي شكل


- تلبس لك ثوب من هذا اللي يتعطف بسرعه

والله مدري وش اسم القماش …..الظاهر اسمه تترون… .!!؟

ولا زم يكون ضيق شوي…يعني مرسوم على جسمك عقال مقاس 52 سنتيمتر مكعب





شماغ ملكي صابين عليه علبتين نشاء حق الكوي …علشان تضبط الكشخه وعندك
خيارين يا ان الشماغ يكون بمرزام او بدون مرزام…اللي يصلح لك.. ما يمديك تتصل
بصديق

شوف لا تكون قديم وتكتب اسمك في ورقه قاطعها من بكت دخان ولا فاتوره
تلفون.. واكب العصر يالووح >>>

روح واطبع لك كم كرت عليه صوره قلب احمر ولا منظر غروب الشمس عليه اسمك -
اسمك الفني طبعا وجوالك - شوف رقم جوالك مهوب رقم البيت…تراى
علمتك..ولامانع من بيت شعر كذا على ذوقك - يبين انك رومانسي


- صب على عمرك قاروره عطر…واذا كنت مستعجل ولا امداك تحط عطر…ملطف الجو
يقضي بالغرض . - علم واحد من اخوياك يكرر الاتصالات وانت في السوق ..يعني لزوم الكشخه
والـvip



اياني واياك تروح للسوق على المازدا (( الدردعه))

انت تبي تفضحنا..؟؟
رح لواحد من اخوياك عيال النعمه وخذ سيارته وياحبذا لو تكون ..كامري -
واحد اقصى طموحة كامري

لالالا تصدق…. شف لك شبح ولا لكزس اللي لا يمكن ان نعيش بدونه

ما يجب عليك فعلة وانت داخل محميّة الصيد - السوق يعني

خلك ثقيل وبيّن للي حولك انك على نياتك …يعني سو فيها عبيط…لاتثير الشكوك
حول نفسك تقعد تطالع في اللي رايحه واللي جايه ..اسفطهم كلهم

- رح لاي محل يبيع حاجات رخيصه (( ادري انك مطفر )) واشتر لك شئ وحطه في
كيس..يعني تتقضى…لزوم الهيئه اذا طبوا عليك


- خلك ماسك الجوال في يدك ..بحيث يكون ظاهرا للعيان (( ذبحتنا هالمظاهر))
واذا معك سماعه حطها في اذانك.واقعد بربر حتى لو ما فيه احد يكلمك

اجلس وزع ابتسامات هنا وهناك . اللي تعرفه واللي ماتعرفه

وزع.. وزع.. لا تبخل على احد واذا شفت لك طفل امطخه على جبهته ببوسه
((هذا يدل على انك بركان من الحنان )). واذا مالقيت طفل من هالحمران اقرب طفل
تكروني يقضي اللزوم -

- عندما تشاهد الفريسه انشب في حلقها..ولاتخليها تغيب عن عينك دقيقه واذا
حسيت انك بتضيعها ركز على لون الشنطه او لون الجزمه


- في حاله وجود وحوش مفترسه اخرى تزاحمك على الفريسه توجه الى اقرب

سيكيورتي وبلغه وياليت تكون ملامحك قاسيه وتمثل انك====> معصب
- اذا لم تعطيك الفريسه وجه , لا تستسلم استخدم جميع طرق قطه الوجه
والملحجة حتى لو ضربتك بجزمتها على راسك فيجب عليك ان تعطيها خدك لكي تطبع عليه
ماركه الجزمه- بهذه الطريقه تعرف الفريسه انك راعي نفس طويل ولا منك فكّه


- اذا رفضت الفريسه ان تأخذ الرقم ما عليك إلا ان تحشر الرقم بين القراطيس
اللي في يدها ثم اطلق ساقيك للريح====>

وهذا وجهي ان اتصلت عليك
بس=====> لاتياس

سلامي للجميع
واعطنى خبر بعد هالمعلومات

سي ياااااااااا

[انا الزعيم]

ههههههههههههههههه
حلوه كثير
هذي الحركات العلمية الجديدة ولا بلاش يعطيك العافيه بس ماكنك تحاملتي كثير على التماسيح يالله مقبوله

[فايز الشمري]

ههههههههههههههههههه
ان شاء الله ابي اجرب واعلمك النتايج

[#الخطاف#]

هههههههههههههههههههههههههههههههههههههه
خخخخخخخخخخخخخخخخخخخخخخخخخخخخخ
يعطك الف عافيــــــــــه

[زعيـــــــــــ الشرقيةــم]

ههههههههههههههههههههههههه والله لرجع بلوشي