وش تعريف المحال

[برنسيسة الكون]

قال نبدي: وشهو تعريف المحال ..؟
قلت : خل هالكلمهـــ
فــــــــ البيت الأخير .. !

القهــر : إن شفت دمعـات الرجال
والوطن : ( إنسان ) .. مِتغيِّر كثير

والطفل: لعبه على شاطـي الرمال
والأمل: إحساس في عين الضرير

الوفا: [قلبين] .. يجمَعهُم حلال
والرَجُل: اللـي علـى أهلـه يغير

والرجا: لا قلت : للواطـي تعال
والفشل: مدري .. ولكنـه مرير

والشعر : في وقتنا .. بدر وطلال
زين وأوَّل : حيـل يعجبنـي جرير ..!

والغلا: إحساس إلى حَـد الخيال
والعِشِق: لا شفت مَعشُوقِك تطير

والجفا: أعكس مفاهيم / الوصال
والوَصِل: يعنـي تأكَّـد فيك خير

والعقل : تِسْفَـه أقاويـل الجهال
والجهل: إن قلت عن نفسك كبير

والخطر: لا صار ما عندك مجال
والبلا: إن صرت معدوم الضمير

والعجب: لا صرت تسأل منهو قال
والتعب : إن كنت تِبْحَثْ عن مصير

الغنى: بالنفس ما هو رأس مال
والفقر: من كان .. بأعماله فقير

يكفي يكفي.. اسئله انهي الجدال
ويالله علمني عن.. السر الخطير

ما ابي تضرب لي في غيرك مثال
قول : عنك وأعتبر سرك في بير

جات طعنــــــه من جنوبك والشمال
يعني وضعك بين من حولك خطير

صاحبـــــي وان ضاقت بعينك ليال
لك فرشت القلب مفروش الحرير

في (بلاد الحلـــــــم) .. ممنوع العقال
والمصيبة الشعب ما أ ختار الأمير

وما أ لومك .. كان شديت الرحال
دام بيتك جرح / وفراشك حصير

هذا تعريفي إلى كلمة : محال
شي ودك فيه ولا يمكن يصير

[ليل آلمسآفه]

يسلموووووووووووووووو...

[متاابع]

قصيدة راااااااائعة


مشكووووووووووورة


أسجل إعجااااابي وتحياااتي بمروري

[حـــيـــاتي لكيـــ]

الوفا : [قلـــبين] .. يجمَعهُم حلال

يسلمو يابرنسيسة الكون
على الذوق الرائع ..

[راقية الطرح]

حكم
يعطيك العافية
سبحــــــــــــــــــــــان الله وبحمدة